Kuɛ̈n 17
17
Thieny de Aron
1Go Bɛ̈nydït lɛ̈k Mothe an, 2“lɛ̈kë kɔc ke Yithriɛl, tɔ keek gëm yïn thieec kathiëër ku rou, bɛ̈ny de dhiën ke thieny tök. Ku gäär rin ke bɛ̈ny ë dhiën në thienyde kɔ̈u. 3Ku gäär rin ke Aron në thieny de Lebai kɔ̈u. Bɛ̈ny de dhiën ëbɛ̈n abï nɔm dhiɛl dɛ thieny tök. 4Nöm keek, ku lɔ tɔ̈u keek në paany de mätic në Athänduŋ de Löŋ cï Mac nɔm tueŋ, të ye wok mat thïn wokë yïn. 5Ku thieny de raan cä lɔc abï nyok. Yen kueer bän dok de kɔc ke Yithriɛl në yïn jɔ tɔ kääc ka.
6Go Mothe jam kekë kɔc ke Yithriɛl, go raan ëbɛ̈n në bänyiic thienyde bɛ̈ɛ̈i, ku gëm Mothe. Thieec acïk bɛ̈n aa thiëër ku rou cït kuën de dhiënken kathiëër ku rou. Ku thieny de Aron aa nu ke keek ëtök. 7Go Mothe thieec tɔ̈ɔ̈u kedhie në Paany de Mätic thïn në Athänduŋ de Löŋ cï Math nɔm tueŋ.
8 #
Ɣeb 9:4. Na ɣɔn amiäk, ke Mothe ë lɔ në Paanyic. Go thieny de Aron lɔ yök acï nyok, thieny de Lebai. Yök acï nyok, ku moc gaak, ku ŋol, ku mïth kɔ̈k ke almon acïk buɔ̈ny. 9Go Mothe thieec jɔt kedhie, le keek nyuöth kɔc ke Yithriɛl. Agokï ke cï rɔt looi tïŋ, go ŋɛk në bänyiic thienyde aa nööm. 10Go Bɛ̈nydït lɛ̈k Mothe an, “Puɔ̈kë thieny de Aron nɔm ë Paanyic në Athänduŋ de Löŋ cï Mac nɔm tueŋ ë tëdɛnë. Ku päl ëtɛ̈ɛ̈n, ke bï Yithriɛl aa jɔ̈ɔ̈ny ke ke bï dokden puɔ̈l të cï kek thuɔɔu kɔɔr. 11Go Mothe ke cïï Bɛ̈nydït lueel looi.
12Go kɔc ke Yithriɛl lɛ̈k Mothe an, “Yen thökda ka! 13Na ye luɔi bï raan ëbɛ̈n ee thou ka, raan cï bɛ̈n në Paany lɔ̈ɔ̈m, ke wok rɛɛr ke wo ye kɔc cï thou!
Currently Selected:
Kuɛ̈n 17: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.