Kuɛ̈n 3
3
Wɛ̈ɛ̈t ke Aron
1Kënë ee baai de Aron kekë Mothe ɣɔn jiɛɛm ë Bɛ̈nydït kekë Mothe në kuur ë Thinai. 2#Kuɛ̈n 26:60. Aron ade nɔm wɛ̈ɛ̈t kaŋuan: Nadap yen aye kɛ̈ɛ̈i, ku Abiɣu, ku Eleyadhar, ku Yithamar. 3Acïk keek bɛ̈n thany nïïm tɔ keek ee bäny ke kake Nhialic. 4#Leb 10:1,2; Kuɛ̈n 26:61. Ku Nadap kekë Abiɣu acïk bɛ̈n thou në Bɛ̈nydït nɔm në jɔ̈ɔ̈r ë Thinai të ɣɔn gɛm kek miɔ̈c në many kënë gäm keek. Aake thou ke ke cïn nïïm mïth. Ka Eleyadhar kekë Yithamar kek aa löök luui ke ke ye bäny ke kakë Nhialic në akööl ke Aron.
Lebai Aluuikï Bäny ke kake Nhialic
5Go Bɛ̈nydït lɛ̈k Mothe an, 6“Bɛ̈ɛ̈iyë dhiën de Lebai, ku tɔ keek kony Aron bɛ̈ny de kake Nhialic. 7Abïk luɔi kɔɔr rɔt në paany de mätic aa looi, ku loikï luɔi de bäny ke kake Nhialic në baŋ de akutnɔm ëbɛ̈n. 8Abïk këriëëc tɔ̈u në paanyic aa döt ëbɛ̈n, ku loikï luɔi de kɔc ke Yithriɛl ëbɛ̈n në paany de mätic. 9Gäm Lebai Aron kekë wɛ̈ɛ̈tke bïk keek aa luööi. 10Ku tɔ Aron kekë wɛ̈ɛ̈tke ee bäny ke kake Nhialic. Ku raan däŋ pei lɔ luɔiden looi abï thou.
11Go Bɛ̈nydït lɛ̈k Mothe an, 12-13#Bɛ̈n 13:2. “Lebai kedhie ayek kakï. Acä keek nööm ɣɔn tëde Yithriɛl në nyin de kɛ̈i de Yithriɛl ëbɛ̈n. Ka kɛ̈i ke Yithriɛl kedhie ayek kakï. Të ɣɔn näk Ɛn kɛ̈i ke Rip kedhie, yen aa nɔ̈ɔ̈m Ɛn kɛ̈i ke Yithriɛl kedhie, nɔn ee yen kɛ̈i de raan, ku nɔn ee yen kɛ̈i de läi. Ka ayek kakï yɛn Bɛ̈nydït.
Kuɛ̈n de Lebai.
14Go Bɛ̈nydït lɛ̈k Mothe në jɔ̈ɔ̈r de Thinai yic an, 15“Kuen Lebai kedhie në dhiën ku në ɣöötken thook ëbɛ̈n. Ku röör kedhie, gɔl në mɛwä de pɛɛi tök ku lee tueŋ. 16Go Mothe ke kueen cït man cïï Bɛ̈nydït ye lɛ̈k en.
17Ku kakë ayek wɛ̈ɛ̈t ke Lebai në rinken: Gercon ku Koɣath ku Merari. 18Ku kakë ayek rin ke wɛ̈ɛ̈t ke Gercon në ɣöötken: Libni kekë Cimei.
19Ku dhiëën ke Koɣath kï: Amiram kekë Yidhar, ku Ɣebron, ku Yudhiɛl.
20Ku dhiëën ke Merari kï: Maɣali kekë Muci.
Kek dhiëën ke Lebai kï në ɣöötken thook.
21Ku dhiën ë Gercon ade yic bɛ̈i kaarou, baai de Libni kekë baai de Cimei. 22Ku kuën ë röör ë kuen thïn, gɔl në mɛwä ee pɛɛi tök ku le tueŋ, aaye aguum kadhorou ku bot kadhïc. 23Ku ee kek ë ye piɔ̈ɔ̈t në paany de mät kɔ̈u ciëën në biäk të lɔ aköl athɛ̈i. 24Ku bɛ̈nyden aaye Eliathap wën ë Liɛl. 25Ku wɛ̈ɛ̈t ke Gercon kek ë ye paany de mät döt ëbɛ̈n kekë akum de biäk biic ku biäk thïn, ku gëlgël de yethok biic. 26Ku gëlgël de kal thok, ku yïk kekë këriëëcde ëbɛ̈n, ku luɔidɛn kɔɔr rɔt ëbɛ̈n.
27Ku dhiën ë Koɣath ade yic bɛ̈i kaŋuan, baai de Amiram, ku baai de Yidhar, ku baai de Ɣebron, ku baai de Yudhiɛl. 28Ku kuën de röör ë kuen keek kedhie, gɔl në mɛwä ee pɛɛi tök ku lee tueŋ, aaye aguum kabɛ̈t ku thiërdhetem, kek bï lui tëɣeric. 29Ku bɛ̈i ke wɛ̈ɛ̈t ke Koɣath ye piɔ̈ɔ̈t në paany de mät lɔ̈ɔ̈m baŋ lɔ wöuwic. 30Ku bɛ̈nyden aaye Elidhapan wën ë Yudhiɛl. 31Ku ee kek ë ye athänduŋ de mät döt, ku paam, ku cök ke manyalath, ku yïk, ku aduuk ye bäny ke kake Nhialic luui tëɣeric, ku gëlgël de tëɣeric thok. Ee kek ë ye nïïm luɔi de ee kakë kedhie.
32Ku bɛ̈ny de Lebai ëbɛ̈n aaye Eleyadhar wën ë Aron. Ee yen ë nu në kɔc nïïm kedhie, kɔc ë ye luɔi tëɣeric në paanyic thïn.
33Ku baai de Merari ade yic bɛ̈i kaarou, Mali kekë Muci. 34Ku kuën de röör ë kuen thïn, gɔl në mɛwä ee pɛɛi tök ku lee tueŋ, aaye aguum kadhetem, ku bot kaarou. 35Ku ee kek ë ye piɔ̈ɔ̈t në paany de mät lɔ̈ɔ̈m baŋ të lɔ rut. Ku Dhuriel wën ë Abiɣail yen aaye bɛ̈nyden. 36Ku ee kek ë ye nïïm luɔi de këŋ de paany ku këŋke, ku rïurïuke, ku ka ye këŋ dhɔ̈ɔ̈r thäär, ku këriëëcden ëbɛ̈n, ayï luɔiden ëbɛ̈n. 37Ku ee kek ë ye nïïm këŋ ke kal, ayï këŋ, ayï lɔ̈cke, ayï awiɛɛthke.
38Ku Mothe kekë Aron ku wɛ̈ɛ̈t ke Aron kek aaye piɔ̈ɔ̈t në paany de mät thok tueŋ të lɔ aköl amiäk. Ee kek ë ye nïïm luɔi de tëɣeric në biäk de Yithriɛl. Ku raan ëbɛ̈n, raan them en bï luɔiden looi, aaye nɔ̈k.
39Ku kuën de Lebai ëbɛ̈n ɣɔn kueen ë Mothe keek aaye aguum kathiërrou ku rou, kek röör ëbɛ̈n gɔl në mɛwä ee pɛɛi tök të ɣɔn lëk ë Bɛ̈nydït Mothe nɔn kueen en keek.
Lebai Anömkï Tëde Kɛ̈ɛ̈i.
40Go Bɛ̈nydït lɛ̈k Mothe an, “Kuen wɛ̈ɛ̈t kɛ̈i ke Yithriɛl kedhie, gɔl në mɛwä ee pɛɛi tök ku lee tueŋ. Gɔ̈ɔ̈r ke rin kedhie, ŋɛk në ŋɛk cök. 41Ku tääuwë Lebai në nyin de kɛ̈i ke Yithriɛl kedhie. Ku tääuwë ɣɔ̈k ke Lebai në nyin de ɣɔ̈k kɛ̈i ke Yithriɛl yiic kedhie ayadäŋ. Ee Yɛn Bɛ̈nydït.
42Go Mothe kɛ̈i ke Yithriɛl kueen cït man cïï Bɛ̈nydït ye lɛ̈k en. 43Ku kuen ë wɛ̈ɛ̈t kɛ̈i ke Yithriɛl ëbɛ̈n gɔl në mɛwä ee pɛɛi tök ku lee tueŋ, kɛ̈i ë kueen ë Mothe ye aguum kathiërrou ku diäk.
44Go Bɛ̈nydït bɛ lɛ̈k Mothe an, 45“Nöm Lebai në nyin de kɛ̈i ke Yithriɛl ëbɛ̈n, ku nöm ke Lebai në nyin de kɛ̈i ke ɣɔ̈k ke Yithriɛl ëbɛ̈n. Lebai abïk aa kakï. Ee Yɛn Bɛ̈nydït. 46Ku në biäk cïï kuën de kɛ̈i ke Yithriɛl Lebai wöör nyïïn në bot kaarou ku thiërdhorou ku diäk, Yithriɛl ë waar ee kuënë kɔ̈u. 47Ku kɛ̈ɛ̈i tök ë ye waar kɔ̈u në cekel kadhïc, cekel cï them ë gɔk në thëm de tëɣeric. Ku ye thëm tök në keyiic gera kathiërrou. 48Ku gämë wëu ë wɛɛr ë kɛ̈i ë kekɔ̈ɔ̈th Aron kekë wɛ̈ɛ̈tke. 49Go Mothe wëu wɛɛr ë kɛ̈ɛ̈i kɔ̈ɔ̈th kut. 50Ago wëu nööm tëde mïth kɛ̈i ke kɔc ke Yithriɛl, agum ku bot kadiäk ku thiërdhetem ku dhïc de cekel kut në thëm de tëɣeric. 51Ku gëmë ë Mothe wëu cï kut Aron kekë wɛ̈ɛ̈tke cït man cïï Bɛ̈nydït ye lɛ̈k en.
Currently Selected:
Kuɛ̈n 3: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Kuɛ̈n 3
3
Wɛ̈ɛ̈t ke Aron
1Kënë ee baai de Aron kekë Mothe ɣɔn jiɛɛm ë Bɛ̈nydït kekë Mothe në kuur ë Thinai. 2#Kuɛ̈n 26:60. Aron ade nɔm wɛ̈ɛ̈t kaŋuan: Nadap yen aye kɛ̈ɛ̈i, ku Abiɣu, ku Eleyadhar, ku Yithamar. 3Acïk keek bɛ̈n thany nïïm tɔ keek ee bäny ke kake Nhialic. 4#Leb 10:1,2; Kuɛ̈n 26:61. Ku Nadap kekë Abiɣu acïk bɛ̈n thou në Bɛ̈nydït nɔm në jɔ̈ɔ̈r ë Thinai të ɣɔn gɛm kek miɔ̈c në many kënë gäm keek. Aake thou ke ke cïn nïïm mïth. Ka Eleyadhar kekë Yithamar kek aa löök luui ke ke ye bäny ke kakë Nhialic në akööl ke Aron.
Lebai Aluuikï Bäny ke kake Nhialic
5Go Bɛ̈nydït lɛ̈k Mothe an, 6“Bɛ̈ɛ̈iyë dhiën de Lebai, ku tɔ keek kony Aron bɛ̈ny de kake Nhialic. 7Abïk luɔi kɔɔr rɔt në paany de mätic aa looi, ku loikï luɔi de bäny ke kake Nhialic në baŋ de akutnɔm ëbɛ̈n. 8Abïk këriëëc tɔ̈u në paanyic aa döt ëbɛ̈n, ku loikï luɔi de kɔc ke Yithriɛl ëbɛ̈n në paany de mätic. 9Gäm Lebai Aron kekë wɛ̈ɛ̈tke bïk keek aa luööi. 10Ku tɔ Aron kekë wɛ̈ɛ̈tke ee bäny ke kake Nhialic. Ku raan däŋ pei lɔ luɔiden looi abï thou.
11Go Bɛ̈nydït lɛ̈k Mothe an, 12-13#Bɛ̈n 13:2. “Lebai kedhie ayek kakï. Acä keek nööm ɣɔn tëde Yithriɛl në nyin de kɛ̈i de Yithriɛl ëbɛ̈n. Ka kɛ̈i ke Yithriɛl kedhie ayek kakï. Të ɣɔn näk Ɛn kɛ̈i ke Rip kedhie, yen aa nɔ̈ɔ̈m Ɛn kɛ̈i ke Yithriɛl kedhie, nɔn ee yen kɛ̈i de raan, ku nɔn ee yen kɛ̈i de läi. Ka ayek kakï yɛn Bɛ̈nydït.
Kuɛ̈n de Lebai.
14Go Bɛ̈nydït lɛ̈k Mothe në jɔ̈ɔ̈r de Thinai yic an, 15“Kuen Lebai kedhie në dhiën ku në ɣöötken thook ëbɛ̈n. Ku röör kedhie, gɔl në mɛwä de pɛɛi tök ku lee tueŋ. 16Go Mothe ke kueen cït man cïï Bɛ̈nydït ye lɛ̈k en.
17Ku kakë ayek wɛ̈ɛ̈t ke Lebai në rinken: Gercon ku Koɣath ku Merari. 18Ku kakë ayek rin ke wɛ̈ɛ̈t ke Gercon në ɣöötken: Libni kekë Cimei.
19Ku dhiëën ke Koɣath kï: Amiram kekë Yidhar, ku Ɣebron, ku Yudhiɛl.
20Ku dhiëën ke Merari kï: Maɣali kekë Muci.
Kek dhiëën ke Lebai kï në ɣöötken thook.
21Ku dhiën ë Gercon ade yic bɛ̈i kaarou, baai de Libni kekë baai de Cimei. 22Ku kuën ë röör ë kuen thïn, gɔl në mɛwä ee pɛɛi tök ku le tueŋ, aaye aguum kadhorou ku bot kadhïc. 23Ku ee kek ë ye piɔ̈ɔ̈t në paany de mät kɔ̈u ciëën në biäk të lɔ aköl athɛ̈i. 24Ku bɛ̈nyden aaye Eliathap wën ë Liɛl. 25Ku wɛ̈ɛ̈t ke Gercon kek ë ye paany de mät döt ëbɛ̈n kekë akum de biäk biic ku biäk thïn, ku gëlgël de yethok biic. 26Ku gëlgël de kal thok, ku yïk kekë këriëëcde ëbɛ̈n, ku luɔidɛn kɔɔr rɔt ëbɛ̈n.
27Ku dhiën ë Koɣath ade yic bɛ̈i kaŋuan, baai de Amiram, ku baai de Yidhar, ku baai de Ɣebron, ku baai de Yudhiɛl. 28Ku kuën de röör ë kuen keek kedhie, gɔl në mɛwä ee pɛɛi tök ku lee tueŋ, aaye aguum kabɛ̈t ku thiërdhetem, kek bï lui tëɣeric. 29Ku bɛ̈i ke wɛ̈ɛ̈t ke Koɣath ye piɔ̈ɔ̈t në paany de mät lɔ̈ɔ̈m baŋ lɔ wöuwic. 30Ku bɛ̈nyden aaye Elidhapan wën ë Yudhiɛl. 31Ku ee kek ë ye athänduŋ de mät döt, ku paam, ku cök ke manyalath, ku yïk, ku aduuk ye bäny ke kake Nhialic luui tëɣeric, ku gëlgël de tëɣeric thok. Ee kek ë ye nïïm luɔi de ee kakë kedhie.
32Ku bɛ̈ny de Lebai ëbɛ̈n aaye Eleyadhar wën ë Aron. Ee yen ë nu në kɔc nïïm kedhie, kɔc ë ye luɔi tëɣeric në paanyic thïn.
33Ku baai de Merari ade yic bɛ̈i kaarou, Mali kekë Muci. 34Ku kuën de röör ë kuen thïn, gɔl në mɛwä ee pɛɛi tök ku lee tueŋ, aaye aguum kadhetem, ku bot kaarou. 35Ku ee kek ë ye piɔ̈ɔ̈t në paany de mät lɔ̈ɔ̈m baŋ të lɔ rut. Ku Dhuriel wën ë Abiɣail yen aaye bɛ̈nyden. 36Ku ee kek ë ye nïïm luɔi de këŋ de paany ku këŋke, ku rïurïuke, ku ka ye këŋ dhɔ̈ɔ̈r thäär, ku këriëëcden ëbɛ̈n, ayï luɔiden ëbɛ̈n. 37Ku ee kek ë ye nïïm këŋ ke kal, ayï këŋ, ayï lɔ̈cke, ayï awiɛɛthke.
38Ku Mothe kekë Aron ku wɛ̈ɛ̈t ke Aron kek aaye piɔ̈ɔ̈t në paany de mät thok tueŋ të lɔ aköl amiäk. Ee kek ë ye nïïm luɔi de tëɣeric në biäk de Yithriɛl. Ku raan ëbɛ̈n, raan them en bï luɔiden looi, aaye nɔ̈k.
39Ku kuën de Lebai ëbɛ̈n ɣɔn kueen ë Mothe keek aaye aguum kathiërrou ku rou, kek röör ëbɛ̈n gɔl në mɛwä ee pɛɛi tök të ɣɔn lëk ë Bɛ̈nydït Mothe nɔn kueen en keek.
Lebai Anömkï Tëde Kɛ̈ɛ̈i.
40Go Bɛ̈nydït lɛ̈k Mothe an, “Kuen wɛ̈ɛ̈t kɛ̈i ke Yithriɛl kedhie, gɔl në mɛwä ee pɛɛi tök ku lee tueŋ. Gɔ̈ɔ̈r ke rin kedhie, ŋɛk në ŋɛk cök. 41Ku tääuwë Lebai në nyin de kɛ̈i ke Yithriɛl kedhie. Ku tääuwë ɣɔ̈k ke Lebai në nyin de ɣɔ̈k kɛ̈i ke Yithriɛl yiic kedhie ayadäŋ. Ee Yɛn Bɛ̈nydït.
42Go Mothe kɛ̈i ke Yithriɛl kueen cït man cïï Bɛ̈nydït ye lɛ̈k en. 43Ku kuen ë wɛ̈ɛ̈t kɛ̈i ke Yithriɛl ëbɛ̈n gɔl në mɛwä ee pɛɛi tök ku lee tueŋ, kɛ̈i ë kueen ë Mothe ye aguum kathiërrou ku diäk.
44Go Bɛ̈nydït bɛ lɛ̈k Mothe an, 45“Nöm Lebai në nyin de kɛ̈i ke Yithriɛl ëbɛ̈n, ku nöm ke Lebai në nyin de kɛ̈i ke ɣɔ̈k ke Yithriɛl ëbɛ̈n. Lebai abïk aa kakï. Ee Yɛn Bɛ̈nydït. 46Ku në biäk cïï kuën de kɛ̈i ke Yithriɛl Lebai wöör nyïïn në bot kaarou ku thiërdhorou ku diäk, Yithriɛl ë waar ee kuënë kɔ̈u. 47Ku kɛ̈ɛ̈i tök ë ye waar kɔ̈u në cekel kadhïc, cekel cï them ë gɔk në thëm de tëɣeric. Ku ye thëm tök në keyiic gera kathiërrou. 48Ku gämë wëu ë wɛɛr ë kɛ̈i ë kekɔ̈ɔ̈th Aron kekë wɛ̈ɛ̈tke. 49Go Mothe wëu wɛɛr ë kɛ̈ɛ̈i kɔ̈ɔ̈th kut. 50Ago wëu nööm tëde mïth kɛ̈i ke kɔc ke Yithriɛl, agum ku bot kadiäk ku thiërdhetem ku dhïc de cekel kut në thëm de tëɣeric. 51Ku gëmë ë Mothe wëu cï kut Aron kekë wɛ̈ɛ̈tke cït man cïï Bɛ̈nydït ye lɛ̈k en.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.