Kuɛ̈n 6
6
Löŋ de Yuul
1Acï Bɛ̈nydït lɛ̈k Mothe an, 2‘lɛ̈kë kɔc ke Yithriɛl an të cïï raan kuëëŋ në kuëëŋ ë yuul, moc ku nɔn ee yen tik, ku cï gam nɔn bï yen rɔt gäm Bɛ̈nydït, 3#Luk 1:15. ke päl mɔ̈u, ayï mɔ̈n tuc ee kɔc wit, ku cïï dëk ë pïïu cï tɔ ee mɔ̈u ayï mɔ̈n tuc, ku acïï bï dek në pïïu ke mïth ke enap tiɔp, ayï mïth ke enap cï riɛl. 4Ku në aköölkɛn ke yuuliic kedhie, ë cïï mïth ke enap cam, ayï kɔ̈th ke enap, ayï pände.
5Ku në aköölkɛn ke yuuliic kedhie, ë cïï mut nɔm taitai agut të bï aköölkë kɔn thök, akööl cï yen rɔt gäm Bɛ̈nydït, abï yic dhil ɣɛɛr. Ë pɛ̈l e nɔm nhïm abï nɔm lɔ loplop.
6Ku në akööl cï yen rɔt gäm Bɛ̈nydït, ë cïï lɔ në raan cï thou lɔ̈ɔ̈m. 7Na cakaa wun yen ë thou, ku nɔn yen man, ku nɔn yen mänhë, ku nɔn yen nyankënë, ë cïï lɔ në kelɔ̈m në luɔi cieŋ en nhïm ke yuul cï yen rɔt gäm Nhialic. 8Abï rëër ke ye kë ɣeric de Bɛ̈nydït në aköölkɛn ke yuuliic ëbɛ̈n.
9Ku na cï raan guɔ thou në yelɔ̈ɔ̈m ëthiäu, ku cï ɣɛɛr ë yic dhiöök, ke mut enɔm në kööl ye akööl dhorou ku wɛɛk. 10Ku në kööl ye akööl bɛ̈t, ke nöm guök kaarou, ku nɔn yen ajiël ke guuk kaarou, yïn keek bɛ̈ny de kake Nhialic në paany de mät thok. 11Ku bɛ̈ny de kake Nhialic abï tök gam ke ye miɔ̈c de kërac, ku gɛm däŋë ke ye miɔ̈c ye nyop ëbɛ̈n. Ku jɔ bɛ̈n teem guöp, në luɔi cï yen thiääk kekë guöp de raan cï thou. Ku be rɔt gäm Bɛ̈nydït në ee kööl manë, ku pɛ̈l nhïm ë yenɔm. 12Ku be rɔt gäm Bɛ̈nydït, ku ë bïï nyɔɔŋ amääl ee run tök ke ye miɔ̈c de awäc. Ku akööl wään tueŋ cï yen rɔt gam acï ke bï bɛ kueen, në luɔi cï yen nhïm cï gam dhiöök.
13 #
Luɔi 21:23,24. Ku löŋ de yuul kï, të cï ayul akööl ke yuul thöl thook, ke bïïyë në paany de mät thok. 14Ku gëm Bɛ̈nydït nyɔɔŋ amääl ë run tök ke cïn guöp të dak, ke ye miɔ̈c ye nyop ëbɛ̈n. Ku gëm Bɛ̈nydït nyɔɔŋ bou ee run tök cïn guöp tëdak, ke ye miɔ̈c de kërac. Ku gɛm nyɔɔŋ amääl ke ye miɔ̈c de mät. 15Ku gɛm diöny athiäŋ kekë kuïn cï pam kën mäth, ku kek cï thaal në aɣar lɔ mot cï liääp ke miök, ku bethkawith cïï nyuäŋ cï tɔc në miök, ku miɔ̈c ë rap ku mɔ̈u.
16Ku bɛ̈ny de kake Nhialic abï ee kake gäm Bɛ̈nydït kedhie, ayï miɔ̈c de kërac, ku miɔ̈c ye nyop ëbɛ̈n. 17Ku abï nyɔɔŋ amääl gam ke ye miɔ̈c de rëër lɔ dïu, ku gɛm diöny de kuïn cï pam nyuäŋ, ku gëm miɔ̈c ë rap, ayï miɔ̈c ye dek.
18Ku ayul abï muut nɔm në paany de mät thok ëtɛ̈ɛ̈n, ku tɛ̈ɛ̈u nhïm mɛɛc në many de miɔ̈c de mät.
19Ku bɛ̈ny de kake Nhialic abï cön ë nyɔɔŋ amääl nööm të cïï ye thaal, ku nööm kuïn cï pam në diönyic, ku nööm bethkawith, ku tɛ̈ɛ̈u keek në ayul ciin të cï en yenɔm kɔn muut. 20Ku ëtɛ̈ɛ̈n, abï bɛ̈ny de kake Nhialic keek jɔ nyuɔɔth ë Bɛ̈nydït nɔm ke ye miɔ̈c de anyuɔɔk, në biäk ye kek miɔ̈c ɣeric de bɛ̈ny de kake Nhialic, mɛ̈tkï në thin, ku ɣöi wën cï gam. Ku ëtɛ̈ɛ̈n, ayul aduëër jɔ dek në mɔ̈u.
21Yen löŋ ayul cï kuëëŋ ka. Miɔ̈cdɛn miɔɔc en Bɛ̈nydït abï ya gam cït miɔ̈c de yuul. Ku na cï piɔ̈u dɛ luɔi ŋuɛk en en, ke ŋuɛk cït kë cï tak cït man ë löŋ de yuul.
Athiɛɛi de Bɛ̈ny de kake Nhialic
22Go Bɛ̈nydït lɛ̈k Mothe an, 23lɛ̈kë Aron kekë wɛ̈ɛ̈tke, an të thiɛɛi wek kɔc ke Yithriɛl, ke yak lɛ̈k keek an,
24Bɛ̈nydït abï yï thieei ku döt yïn,
25Bɛ̈nydït abï piɔ̈u aa kok ke yïn ku miɔɔc yïn,
26Bɛ̈nydït abï yï dhuëëŋ guöp, ku tɔ yïn mät.
27Ku lueel ë Bɛ̈nydït an, “Të cï kek ya cɔɔl rin të thieei kek kɔc ke Yithriɛl, abä keek aa thieei.”
Currently Selected:
Kuɛ̈n 6: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.