Ehanita Lefahat 2
2
Attuna ono Loholio Olibo
1 #
Ehumak 23:15-21; Edasita 16:9-11 Ninyia alum oloŋ ono Pentakoste, ottubanie nyia eruhok 'daŋ amaji abotie. 2Teya teya, itayiruno nyia etiri tedou ihuo noyyami onno ohut 'to bebe, ette ikuatan jio aati hunyia owoni 'to itua haji. 3Teya, oleyehino nyia obo ariŋ jihosi anna ara ihuo aŋadief hima, ette isarrahina jihosi 'daŋ ababo. 4Tania, ette Loholio Olibo ifut jihosi 'daŋ, ette isiarana jihosi agolon, ette isi itterio ikiana te etuhe lufajak.
5Owoni nyia Yudei amanyak Yerusalem diya, isi aati hulla abaŋi 'to Hollum bebe. Ofuonni nyia isi to misihi hutta fau 'daŋ. 6Ninyia itayiruni isi etiri ania, ette eluluŋ waati arriai ittubanio diya. Illillihai nyia isi bebe, nyio, itayiruni nyia isi 'daŋ ababo eruhok ikianai te etuhe hosi 'daŋ gele gele. 7Illillihai nyia isi bebe bebe, ette jiaran, “Obiaŋara soho aati Galilea hulle ikianai 'to hulia? 8Aŋai ati eremik itaniŋuna isi ikianai te etuhe hutto misihi hohoi? 9Era a hulo Parsia, Media, Elam, Mesopotamia, Yudea, Kapadosia, Pontus, iko Asia. 10Buo fe to Frigia, Pamfilia, Masir, iko jio aŋacio Libia hutteger Sirine. Ofuonni buo fe lomuk hulohoi to Roma, 11isi aati Yudei iko Alufajak hulla ayitoi 'to aheruhok imojiti Yudei. Ofuonni buo fe lomuk hulohoi to Krit iko to Arabia, ati etayiru isi 'daŋ ikianai te etuhe misihi hohoi erre hunna agalihini 'to hunne ihan Hollum!” 12Attati isi iduloro efiyo jiojio, “Anyio woyo hiram ana!” Nyio, illillihai nyia isi buo fe ossi hosi iŋalai.
13Ati, osuhotierek nyia omuk hulosi eruhok hulia, ette jiaran, “Orumai aati hulia!”
Ikiana Petro jio Eluluŋ Waati Nyia
14Attati Petro, iko lefahat hula 'tomon habotie idioto ahide, ette ikiana woŋ woŋ jio eluluŋ ania jiojio, “Yudei hohoi, ikatai 'daŋ hulle imanyati 'to Yerusalem, itayiriete jihoŋ. Ijiara nani eramak itai awoyo eram ania. 15Obeŋi aati hulo orumai ihuo ijiatta itai; nyio, hara saa hottoŋuan otto motie. 16Ati eram ania ninyia ikiana Jowel ekianani Hollum jiojio:
17 #
Joel 2:28-32 (LXX) ‘Ojio Hollum jio, inyi ania ariŋ anna alo ni ihan jio oŋitek esidita:
esiarak adi ni Oloholio hoŋ jio aati 'daŋ ababo.
Ikianai adi lonyirok iko ŋarriok hatai asayyo hoŋ;
oleyehinie adi omuk erre ihuo arigiai jio anyarhalu hatai. Irigiai adi buo fe amaruak hatai.
18Aafe, ara duadi bu jio egiamak hoŋ, aliawa iko aŋoruo,
esiarak adi ni Oloholio hoŋ jihosi to oŋitek hua,
buo adi isi ette ikiana asayyo hoŋ.
19Ehan adi ni eduariti iko ellillihita
ihide dou iko ifau.
Owoni adi nooto, eema, iko afuro enne ittok buo iriok 'tir 'tir.
20Oyito adi oloŋ edumele, buo ayafa oyito ariet ihuo nooto,
hobeŋ attuna ono Noloŋ ono Lamonye,
inyi noloŋ enne ittokon, onno ohu 'to bebe.
21Buo diya, italahuni adi lia ollo omojo 'to aluahio jio Lamonye.’
22“Itai Israele hohoi, itayiriete ekenita huna! Ara nyia Yesu olo Nasaret atulo Hollum. Ania itahutaniere Hollum jihatai elohittok Yesu te eduariti, te ellillihita, iko te etamijanita hunyia ihan Hollum tenyi. Imijana itai, ta ahuattek hatai, erre hunia, nyio, ihanie nyia isi ihiji hatai. 23#Mat 27:35; Mar 15:24; Luk 23:33; Yoa 19:18Ihuo te egigilo iko ta awahan ono Hollum, isiarani nyia Yesu ihas hatai buo itai ittata ittohoro inyi, te esihonia waati arrohojak inyi likruce. 24#Mat 28:5-6; Mar 16:6; Luk 24:5Ati itubuhu nyia Hollum inyi, ette buo fe ihouna inyi addi jio ettigemio ono naye, nyio, obeŋ nyia osiru jio oŋida naye ifitak inyi. 25#Afureta 16:8-11 (LXX)Ikiana nyia Dafide te eram honyi jiojio:
‘Oŋitek 'daŋ egonyutta ni Lamonye to hosiere hoŋ;
Obeŋ adi tulo nani italafuk, nyio, onyiha inyi jihoŋ.
26Tania, ifut namuno jihoŋ,
amuno ni bebe elle ekiana ni.
Duadi bu ara ni atulo asai,
eyihi ni jio Hollum,
27nyio, ibeŋ adi iyye ibusak ani imaji hayaak;
ibeŋ iyye ijio idehi egiamani hoi
Ololibo, omuyak itua ilume.
28Itahutak iyye jihoŋ ekoi ono nesu.
Iyaŋuno adi awanan hoi ikoŋ, amuno jihoŋ onno obolo bebe.’
29“Itai aati hohoi Israele, ijiara nani ekiana jihatai sar sar eram hohonyi hohoi ollo ohu'to; Hobu Dafide. Aye nyia inyi ette inuhana inyi. Many iko ahana, owon elume honyi ikohoi dini. 30Ara nyia Dafide ahekianani Hollum. Omijak nyia inyi ariŋ ninyia ocorok Hollum jihonyi. Ittuŋo nyia Hollum jio, apul adi inyi obo atulo to woyo hobu Dafide hetettu irahan ahobu ihuo Dafide. 31Omijak nyia Dafide ariŋ onno olo Hollum ihan moi, ania ikianari inyi eram ono ebuhuna ono Olonyimoto jiojio:
‘Obeŋi nyia obusani inyi imaji hayaak;
obeŋ nyia ahuan honyi omuyak itua ilume.’
32Itubuhu tibuo Hollum Yesu alia toye, buo hohoi 'daŋ era asuuti hulo eram ania. 33Akafani tibuo Yesu iŋati iŋet Hollum, Monyonyi. Ifuotu buo fe inyi Loholio Olibo jio Monye ihuo ocorok nyia inyi jihonyi. Ariŋ enne igonyuna itai ania buo fe itayiruna, inyi ania esiorio enne ifahu Yesu jihohoi. 34#Afureta 110:1 Obiaŋara nyia Dafide linyia odok 'to idou, ati inyi nyia ojio jio:
‘Ojio Lamonye jio Lamonye hoŋ:
Itoŋoi totto ŋati iŋet hoŋ
35many ehananiere ni amiorok hoi ariŋ enne irriehiniere iyye eejek hoi.’
36“Ihuania, ijiara itai aati Israele 'daŋ imijana hode jio, Yesu linyia isihonia itai likruce, ihanak Hollum inyi a Lamonye buo fe Olonyimoto!”
37Ninyia itaniŋuni aati ekenita huna, omiji nyia atajia hosi bebe, ette isi jiaran jio Petro iko lefahat hullomuk, “Illarak hohoi, ehan 'tadi hohoi aŋai?”
38Itarraŋ nyia Petro isi jiojio, “Ijiara itai 'daŋ ababo idehina eyyata hatai. Ifuotuna batisimo ta afure ono Yesu, oŋida eyyata hatai ohohinie. Ittata adi itai ifuotuna esiorio ono Hollum, inyi Loholio Olibo. 39Nyio, ara ecorit ania ahanatai iko aduri hatai, buo fe ahono hia hulla alamaji 'to iko hia hulle iloŋu Hollum, Lamonye hohoi, a hulonyi.”
40Attana nyia Petro isi te ekenita arriai ette ihum iramana isi jiojio, “Italuahuna ahuattek hatai jio ettigemio onno ottu 'to jio aati arrohojak hula ahana!” 41Iruhi nyia aati arriai tehiji hosi ekiana Petro, ette itifuotonia isi batisimo. Jio oloŋ ania, arai nyia aati hulle inosonie 'to jio eluluŋ heruhok ihuo alif hunihoi (3000). 42Ogolihini nyia isi jio ettiyenita huno lefahat iko ettubit ono eluluŋ heruhok, oŋiyetie buo fe omojotie arabotie ikosi.
Amanya Ettehiji Heruhok
43Ihanio nyia Hollum eduariti iko ellillihita arriai ta ahas lefahat, buo aati 'daŋ ette ibaŋi. 44#Ehanita 4:32-35Amanyai nyia eruhok 'daŋ eluluŋ abotie buo fe ohori asaŋ hosi 'daŋ arabotie. 45Itinyiaŋari nyia isi erre iko esamiti hosi, buo isi 'daŋ ette ihor agurusi hua te ewahiti hosi gele gele. 46Ottubatie nyia isi motie motie itua Haji Emojit enne ittokon, buo fe ittaŋarai ihaŋitek hosi ta amuno iko ta alibori tajia. 47Itahabuyetie nyia isi Hollum, buo aati 'daŋ ette imuno isi. Motie motie, ofuanatta nyia Lamonye, iluluŋ heruhok, aati hunyia italahuttai.
Currently Selected:
Ehanita Lefahat 2: EA2003
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 2
2
Attuna ono Loholio Olibo
1 #
Ehumak 23:15-21; Edasita 16:9-11 Ninyia alum oloŋ ono Pentakoste, ottubanie nyia eruhok 'daŋ amaji abotie. 2Teya teya, itayiruno nyia etiri tedou ihuo noyyami onno ohut 'to bebe, ette ikuatan jio aati hunyia owoni 'to itua haji. 3Teya, oleyehino nyia obo ariŋ jihosi anna ara ihuo aŋadief hima, ette isarrahina jihosi 'daŋ ababo. 4Tania, ette Loholio Olibo ifut jihosi 'daŋ, ette isiarana jihosi agolon, ette isi itterio ikiana te etuhe lufajak.
5Owoni nyia Yudei amanyak Yerusalem diya, isi aati hulla abaŋi 'to Hollum bebe. Ofuonni nyia isi to misihi hutta fau 'daŋ. 6Ninyia itayiruni isi etiri ania, ette eluluŋ waati arriai ittubanio diya. Illillihai nyia isi bebe, nyio, itayiruni nyia isi 'daŋ ababo eruhok ikianai te etuhe hosi 'daŋ gele gele. 7Illillihai nyia isi bebe bebe, ette jiaran, “Obiaŋara soho aati Galilea hulle ikianai 'to hulia? 8Aŋai ati eremik itaniŋuna isi ikianai te etuhe hutto misihi hohoi? 9Era a hulo Parsia, Media, Elam, Mesopotamia, Yudea, Kapadosia, Pontus, iko Asia. 10Buo fe to Frigia, Pamfilia, Masir, iko jio aŋacio Libia hutteger Sirine. Ofuonni buo fe lomuk hulohoi to Roma, 11isi aati Yudei iko Alufajak hulla ayitoi 'to aheruhok imojiti Yudei. Ofuonni buo fe lomuk hulohoi to Krit iko to Arabia, ati etayiru isi 'daŋ ikianai te etuhe misihi hohoi erre hunna agalihini 'to hunne ihan Hollum!” 12Attati isi iduloro efiyo jiojio, “Anyio woyo hiram ana!” Nyio, illillihai nyia isi buo fe ossi hosi iŋalai.
13Ati, osuhotierek nyia omuk hulosi eruhok hulia, ette jiaran, “Orumai aati hulia!”
Ikiana Petro jio Eluluŋ Waati Nyia
14Attati Petro, iko lefahat hula 'tomon habotie idioto ahide, ette ikiana woŋ woŋ jio eluluŋ ania jiojio, “Yudei hohoi, ikatai 'daŋ hulle imanyati 'to Yerusalem, itayiriete jihoŋ. Ijiara nani eramak itai awoyo eram ania. 15Obeŋi aati hulo orumai ihuo ijiatta itai; nyio, hara saa hottoŋuan otto motie. 16Ati eram ania ninyia ikiana Jowel ekianani Hollum jiojio:
17 #
Joel 2:28-32 (LXX) ‘Ojio Hollum jio, inyi ania ariŋ anna alo ni ihan jio oŋitek esidita:
esiarak adi ni Oloholio hoŋ jio aati 'daŋ ababo.
Ikianai adi lonyirok iko ŋarriok hatai asayyo hoŋ;
oleyehinie adi omuk erre ihuo arigiai jio anyarhalu hatai. Irigiai adi buo fe amaruak hatai.
18Aafe, ara duadi bu jio egiamak hoŋ, aliawa iko aŋoruo,
esiarak adi ni Oloholio hoŋ jihosi to oŋitek hua,
buo adi isi ette ikiana asayyo hoŋ.
19Ehan adi ni eduariti iko ellillihita
ihide dou iko ifau.
Owoni adi nooto, eema, iko afuro enne ittok buo iriok 'tir 'tir.
20Oyito adi oloŋ edumele, buo ayafa oyito ariet ihuo nooto,
hobeŋ attuna ono Noloŋ ono Lamonye,
inyi noloŋ enne ittokon, onno ohu 'to bebe.
21Buo diya, italahuni adi lia ollo omojo 'to aluahio jio Lamonye.’
22“Itai Israele hohoi, itayiriete ekenita huna! Ara nyia Yesu olo Nasaret atulo Hollum. Ania itahutaniere Hollum jihatai elohittok Yesu te eduariti, te ellillihita, iko te etamijanita hunyia ihan Hollum tenyi. Imijana itai, ta ahuattek hatai, erre hunia, nyio, ihanie nyia isi ihiji hatai. 23#Mat 27:35; Mar 15:24; Luk 23:33; Yoa 19:18Ihuo te egigilo iko ta awahan ono Hollum, isiarani nyia Yesu ihas hatai buo itai ittata ittohoro inyi, te esihonia waati arrohojak inyi likruce. 24#Mat 28:5-6; Mar 16:6; Luk 24:5Ati itubuhu nyia Hollum inyi, ette buo fe ihouna inyi addi jio ettigemio ono naye, nyio, obeŋ nyia osiru jio oŋida naye ifitak inyi. 25#Afureta 16:8-11 (LXX)Ikiana nyia Dafide te eram honyi jiojio:
‘Oŋitek 'daŋ egonyutta ni Lamonye to hosiere hoŋ;
Obeŋ adi tulo nani italafuk, nyio, onyiha inyi jihoŋ.
26Tania, ifut namuno jihoŋ,
amuno ni bebe elle ekiana ni.
Duadi bu ara ni atulo asai,
eyihi ni jio Hollum,
27nyio, ibeŋ adi iyye ibusak ani imaji hayaak;
ibeŋ iyye ijio idehi egiamani hoi
Ololibo, omuyak itua ilume.
28Itahutak iyye jihoŋ ekoi ono nesu.
Iyaŋuno adi awanan hoi ikoŋ, amuno jihoŋ onno obolo bebe.’
29“Itai aati hohoi Israele, ijiara nani ekiana jihatai sar sar eram hohonyi hohoi ollo ohu'to; Hobu Dafide. Aye nyia inyi ette inuhana inyi. Many iko ahana, owon elume honyi ikohoi dini. 30Ara nyia Dafide ahekianani Hollum. Omijak nyia inyi ariŋ ninyia ocorok Hollum jihonyi. Ittuŋo nyia Hollum jio, apul adi inyi obo atulo to woyo hobu Dafide hetettu irahan ahobu ihuo Dafide. 31Omijak nyia Dafide ariŋ onno olo Hollum ihan moi, ania ikianari inyi eram ono ebuhuna ono Olonyimoto jiojio:
‘Obeŋi nyia obusani inyi imaji hayaak;
obeŋ nyia ahuan honyi omuyak itua ilume.’
32Itubuhu tibuo Hollum Yesu alia toye, buo hohoi 'daŋ era asuuti hulo eram ania. 33Akafani tibuo Yesu iŋati iŋet Hollum, Monyonyi. Ifuotu buo fe inyi Loholio Olibo jio Monye ihuo ocorok nyia inyi jihonyi. Ariŋ enne igonyuna itai ania buo fe itayiruna, inyi ania esiorio enne ifahu Yesu jihohoi. 34#Afureta 110:1 Obiaŋara nyia Dafide linyia odok 'to idou, ati inyi nyia ojio jio:
‘Ojio Lamonye jio Lamonye hoŋ:
Itoŋoi totto ŋati iŋet hoŋ
35many ehananiere ni amiorok hoi ariŋ enne irriehiniere iyye eejek hoi.’
36“Ihuania, ijiara itai aati Israele 'daŋ imijana hode jio, Yesu linyia isihonia itai likruce, ihanak Hollum inyi a Lamonye buo fe Olonyimoto!”
37Ninyia itaniŋuni aati ekenita huna, omiji nyia atajia hosi bebe, ette isi jiaran jio Petro iko lefahat hullomuk, “Illarak hohoi, ehan 'tadi hohoi aŋai?”
38Itarraŋ nyia Petro isi jiojio, “Ijiara itai 'daŋ ababo idehina eyyata hatai. Ifuotuna batisimo ta afure ono Yesu, oŋida eyyata hatai ohohinie. Ittata adi itai ifuotuna esiorio ono Hollum, inyi Loholio Olibo. 39Nyio, ara ecorit ania ahanatai iko aduri hatai, buo fe ahono hia hulla alamaji 'to iko hia hulle iloŋu Hollum, Lamonye hohoi, a hulonyi.”
40Attana nyia Petro isi te ekenita arriai ette ihum iramana isi jiojio, “Italuahuna ahuattek hatai jio ettigemio onno ottu 'to jio aati arrohojak hula ahana!” 41Iruhi nyia aati arriai tehiji hosi ekiana Petro, ette itifuotonia isi batisimo. Jio oloŋ ania, arai nyia aati hulle inosonie 'to jio eluluŋ heruhok ihuo alif hunihoi (3000). 42Ogolihini nyia isi jio ettiyenita huno lefahat iko ettubit ono eluluŋ heruhok, oŋiyetie buo fe omojotie arabotie ikosi.
Amanya Ettehiji Heruhok
43Ihanio nyia Hollum eduariti iko ellillihita arriai ta ahas lefahat, buo aati 'daŋ ette ibaŋi. 44#Ehanita 4:32-35Amanyai nyia eruhok 'daŋ eluluŋ abotie buo fe ohori asaŋ hosi 'daŋ arabotie. 45Itinyiaŋari nyia isi erre iko esamiti hosi, buo isi 'daŋ ette ihor agurusi hua te ewahiti hosi gele gele. 46Ottubatie nyia isi motie motie itua Haji Emojit enne ittokon, buo fe ittaŋarai ihaŋitek hosi ta amuno iko ta alibori tajia. 47Itahabuyetie nyia isi Hollum, buo aati 'daŋ ette imuno isi. Motie motie, ofuanatta nyia Lamonye, iluluŋ heruhok, aati hunyia italahuttai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003