Lät Riet in nhiam
Riet in nhiam
Ɛn bok Lätni Jaakni ɛmɛ pithɛ ni Thuk tin Gɔw tin ca gɔ̱r ɛ Luk. Kä min lotdɛ ɛlɔ̱ŋ ɛ ɣöö ca ji̱ kɔaar Yecu tëë wal bo̱th ɛ Yiëë in Gɔaa in Rɛl Rɔ, kä cikɛ Thuk tin Gɔw naŋ raar kɛ kui̱ Yecu. Kä Jɛ-ru-tha-lɛm kɛnɛ Juda kɛɛliw kɛ Tha-mɛ-ria, amäni pek ɣɔaa kɛɛliw (1:8). Kä ɛ cäät kɛ tuk jiecä Krith-cini kɛ rɔ̱ rɛy ji̱ Juudh mëë cu wä bɛ a ŋa̱th wec muɔ̱ɔ̱n kɛɛliw. Kä cu gɔ̱ɔ̱r buɔk ɛmɛ nɛy tin bi jɛ kuɛn la̱r ɣöö ɛn jiëc Krith-cini kɛ rɔ̱ /ciɛ tiathɛ mi wooc ni Kuäär ji̱ Röm. Kä jɛn ŋa̱th Krith-cini reepɛ ni ŋa̱th ji̱ Juudh.
Kä ɛn bok Lätni Jaakni dëë dääk kä pek da̱ŋ diɔ̱k, mi lat ni di̱t gua̱th in ca Thuk ti Gɔw kɛ kui̱ Yecu lat thi̱n, kɛnɛ duel Kuɔth in ca la̱t.
1. Tuk jiecä Krith-cini kɛ rɔ̱ kä Jɛ-ru-tha-lɛm kɛ kɔr wäkä Yecu nhial.
2. Kɛnɛ wä ruac Kuɔth raar kä Pi-li-thɛt.
3. Kɛ wädɛ gua̱thni tin kɔ̱ŋ ce̱tkɛ ro̱l Bar in Bo̱r in te kam wi̱i̱ni a räth nikä Röm.
Kä min ci jɔɔc kä Lät Jaakni ɛ Yiëë in Gɔaa in Rɛl Rɔ, mëë cu ben kä ji̱ ŋäthä kä Jɛ-ru-tha-lɛm kɛ buɔ̱m kɛ cäŋ ni̱ni tin jiɛn Dhieec. Kä cuɛ kɛ bo̱th kä cuɛ duel Kuɔth bum kɛnɛ bööthkɛ rɛy rikni tin ci bok kɛ lat. Kä ruac Krith-cini mëë wal ca jɛ mat ala ŋi̱i̱cni. Kä kɛn rik tin ca gɔ̱r ɛ bok Lät Jaakni, nyoothɛ buɔ̱m ruac ɛmɔ rɛy teekä ji̱ ŋäthä kɛnɛ mat duëël Kuɔth.
Tin te rɛy buɔk
1. Rialikä kɛ naŋ ruac nenä raar 1:1-26
a. Ruac Yecu in jɔak kɛnɛ mëë cɛ lar 1:1-14
b. Ram mëë kän gua̱a̱th Ju-däth 1:15-26
2. Nëën kä Jɛ-ru-tha-lɛm 2:1—8:3
3. Nëën kä Ju-dia kɛnɛ Tha-mɛ-ria 8:4—12:25
4. La̱t Puɔl 13:1—28:31
a. Naŋ ruac Kuɔth raar in nhiam 13:1—14:28
b. Duɔl kä Jɛ-ru-tha-lɛm 15:1-35
c. Naŋ ruac Kuɔth raar in rɛwdɛ 15:36—18:22
d. Naŋ ruac Kuɔth raar in diɔ̱ɔ̱kdiɛn 18:23—21:16
e. Puɔl duëël yieenä kä Jɛ-ru-tha-lɛm kɛ Thɛ-tha-ria kɛ Röm 21:17—28:31
Currently Selected:
Lät Riet in nhiam: nusNHB
Highlight
Share
Copy
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.