Jn 12
12
Gïnyi Yëso kì Betɑnì
(Mt 26.6-13; Mk 14.3-9)
1Kɑ ɑ́dönge ɑ́ cyɑ̈ng ɑ́bïkyel kipe cɑ̈gi Kwëër Ákɑɑdh, ɑbëën Yëso Betɑnì, pɑn-ɑ ɑ́di Lɑdhɑrøs, ngɑn-ɑ ɑ́tug yi en kì yij thøø. 2Aryejii ki gïncɑm kì kenyɑni, o bɑ Mɑrthɑ̀ ɑ ɑ́kɑ̈lli gïncɑm. O Lɑdhɑrøs ɑ́bëëd e nud kì kelli tyëng-ɑ ɑ́cyɑ̈ɑ̈m ki Yëso. 3#Lk 7.37-38 Akɑ̈ni Meerì ki ɑ́thïwi møw me yøme med, me ngewe teeg, kɑ tyelli Yëso gïnye ki møwɑni. Kɑ gï pøjje ki yëyyi wïje. Kɑ ønɑni kɑb yi yømi møwɑni. 4Akööb Yeudɑ̀ Iskɑryøt, ɑ bɑ ɑ́kyel kì kelli jøbɑnge, eni ngɑn-ɑ ɑ́ngeewii kinni, 5“Ede møwɑni ɑ bɑnyii ki ngeew wɑ̈g ki ngyëny miy ɑ́dɑ̈g, o ngyënyyɑni di mëggi ɑbuur?” 6Møgɑni nuti kwøbø yi en, e ywøg-ɑ ɑbuur, dɑ́ kipe kɑ̀ bëëde ɑ́ kur, mɑ́ sɑnduug ngyëny ɑ́mïdh-ɑ yi en, o nyii kɑ̈bbø kì ri ngyënyy-ɑ nyi cïb yije.
7Akööb Yëso kinni, “Wiyu en, møwɑni ɑ́mïdhi yi en ɑ́ men koony yɑn. 8#Jølø 15.11 Abuur bëëd ɑ kelli wun yethi cyɑ̈ng bënn, de yɑ koo bëëdø kì kelli wun yethi cyɑ̈ng bënn.”
Göggi Lɑdhɑrøs ki Amolpiny
9Kɑ Yeud mø ngenyø olïngø kinni, Yëso nud kì Betɑnì, ɑbëën gen, de pɑth kipere kete, dɑ́ kipe kinni o Lɑdhɑrøs ngɑn-ɑ ɑ́tug yi en kì yij thøø, lidh yi gen thyew. 10Kɑ jɑggi ókwër dhøggi gen nywɑg gen kinni o Lɑdhɑrøs nɑ̈g thyew. 11Mɑ́ kì bɑnge, ge ɑ́bɑny yi ji mø ngenyø kì kelli Yeud, kɑ Yëso yïëy yi gen.
Kedhi Yëso Yerusɑlem, E Opøjjø yi Teedø
(Mt 21.1-11; Mk 11.1-11; Lk 19.28-40)
12Dhuki ɑlïng ji mø ngenyø møg-ɑ ɑ́bï be kwër kinni Yëso bï-ɑ Yerusɑlem. 13#Wör 118.25, 26 Akɑ̈bbi gen ki ówɑwwi benø mø mɑr, kɑ ge kedh-ɑ be pɑɑrii, ge óryeerø kinni, “Lenhi wɑ Jwøk! Ngɑn-ɑ bï ki nyingi Wë, bɑ ɑgyëdh! Rɑ̈ɑ̈dh Isrɑil ógyëdh yi Jwøk!”
14Ayïddi Yëso ki ɑderø ówöb, kɑ kɑdh-ɑ köme ni kɑ ógwedii kinni,
15 #
Dhek 9.9
“Nyɑɑr Dhɑyøn, yï ko böggi!
Rɑ̈dhí ɑ bï èn,
e obëëdø kì kömi ɑderø ówöb.”
16Tyelli møgɑni nuti yodø yi jøbɑnge kì tyeli mɑl, de kɑ ɑ́rum Yëso ki thödhø ki dhwɑ̈ng, ɑpɑrii yi gen kinni, møgɑni ógwedø kɑ pere, o bɑ møgɑni ɑ ɑ́göggii yi teedø.
17O tyëng-ɑ ɑ́bëëd ge nud keny-ɑ ɑ́cwööle Lɑdhɑrøs wɑ̈g kì yij bur, kì bøli keny-ɑ ɑ́tuge gøn kì yij thøø, ge ɑ́cyɑ̈dhi ge kømm-ɑ møgɑni kì kelli teedø. 18O bɑ kipe møgɑni ɑ ɑ́kedhi teedø be pɑɑrii, mɑ́ ge ɑ́lïng kinni, ngïji menɑni ɑ́gwøg-ɑ yi en. 19Kɑ Jøpɑresì ri gen köbbi gen kinni, “Bong gïn cuggi gwøgø yi wun. Ji pɑ nenni yi wun ge kedh-ɑ bɑnge!”
Yɑbi Yëso yi Kwï Tyëng Yönɑn
20Ádɑ tyëng Yönɑn mø nud kì kelli tyëng-ɑ ɑ́bï be mɑlli Jwøk kì cyɑ̈nggi kwër. 21Kɑ tyëngɑni bï-ɑ yï Pïlïp jɑl Betsɑidɑ̀ kì myërri Gɑlelì, kɑ gø kwɑjji gen kinni, “Jɑldwøng, wø dwɑdd-ɑ yïddø ki Yëso.”
22Akedh Pïlïp, kɑ Andrø köbbe, ɑbëën gen, kɑ Yëso köbbi gen. 23Aløøg mø gen yi Yëso kinni, “Bøli keny-ɑ óthödhi Nyɑɑr Dhɑnhø ki dhwɑ̈ng ɑ́wɑ̈nhi. 24Yɑ köbb-ɑ wun kidyër kinni, keløg wɑɑng byëlø pɑ dëëm piny kɑ othøø, nudd ɑ́ en ceth, de keløg e othøø, ceg-ɑ kɑ̈nø ki nying mø ngenyø. 25#Mt 10.39; 16.25; Mk 8.35; Lk 9.24; 17.33 Ngɑn-ɑ mɑɑr ree wëye ólɑ̈ɑ̈ny kì yïe, de ngɑn-ɑ mɑɑn ree kì kömi piny men, wëye ómïdhi yi en kipe nënn-ɑ ɑtheer. 26Ngɑn dwɑddi göggi yɑn, luge kì bɑngɑ, o ngɑn-ɑ göggi yɑn óbëëd ɑ keny-ɑ ódi yɑn thyew. O ngɑn göögø kiperɑ, ótheg yi Wïy.
Kwøbbi Yëso kì ri Thøwe
27“Anɑn pyëwɑ olïngø, de yɑ ókööb ɑ dï? Kööbɑ kinni, ‘Wïyø, yiel yɑn kì bøli keny?’ Pɑth ki kinøw, mɑ́ e bɑ per møgɑni ɑ ɑ́bëënɑ. 28Wïyø, thödhí nyingí ki dhwɑ̈ng.”
Abëën cwɑg kì mɑl kinni, “Nyingɑ ɑ́rum ki thödhø dhwɑ̈ng yi yɑn, o cigɑ’ thödhø.”
29Alïngi møgɑni yi teen-ɑ cungi kì bute, kɑ ge okööbø kinni, “Men bɑ omɑ̈ɑ̈r mɑl!” Kɑ møøgø okööbø kinni, “Wëywödø ɑ ɑ́kööb ki en.”
30Alöggi Yëso kinni, “Cwɑggɑni nuti bëënø kɑ perɑ, dɑ́ kiper wun. 31Anɑn bøli kej cɑyi piny men ɑ́wɑ̈nhi, o jɑngi piny men, óryeem wɑ̈g. 32De yɑn, keny-ɑ ótïng yɑn kì piny, teedø bëne ótëëlɑ riɑ.” 33Møgɑni ɑ́kwøb yi en, gɑ møg nyodh thøw-ɑ óthøwe.
34 #
Wör 110.4; Icɑ 9.7; Idhki 37.25; Dɑn 7.14 Aløøg møge yi teedø kinni, “Wø ɑ́lïng kì yethi cigg kinni, ‘Mesiy óbëëdø gïti ɑtheer.’ De yï cigí kwøb kidï kinni, ‘Nyɑɑr Dhɑnhø ótïng mɑl?’ Á men ɑ bɑ Nyɑɑr Dhɑnhø?”
35Aköbbi gen yi Yëso kinni, “Cɑr óbëëdø kì kelli wun kɑ nyɑ keny me thiinh. Cyɑ̈dhi wun kɑ̈ng-ɑ nud cɑr kipe wu ópïïd yi muudhø. Ngɑn cyɑ̈dhi kì yij muudhø kun-ɑ kedhe kwïj yi en. 36Kɑ̈ng-ɑ nud cɑr kì kelli wun, yïëyu cɑr, o wu óbëëd wun wu bɑ nyigi cɑr.”
Cögi Ji Ge Nuti Yïëyø
Kɑ ɑ́rum møgɑni ki kwøbø yi Yëso, ɑkedhe, kɑ ree kɑne kipe gïn. 37Yëso nuti yïëyø yi gen, ngö e ɑ́göög ki ngïjjì mø ngenyø kì bøli gen, 38#Icɑ 53.1 (LXX) o møg-ɑ ɑ́kwøb yi Icɑyɑ̀ jɑltöng pɑ̈dhi gen kɑ̈jji gen, kɑ ɑ́kööbe kinni,
“Wuö, ɑ́ men ɑ ɑ́yïëy møg-ɑ ɑ́kwøb yi wøn?
O Jwøng-ɑ Ácwɑ̈ɑ̈j tege ɑ́nyudhe’ men?”
39Kɑ ge ódhɑ̈lø yïëyø, mɑ́ Icɑyɑ̀ ɑ́cigi kwøb kinni,
40 #
Icɑ 6.10 (LXX) “Nyingi gen ɑ́göjji cøørø yi Jwøk,
kɑ wɑ̈thi gen ócungø,
o nyingi gen cög ge pɑ nëënø
o wɑ̈thi gen cög ge pɑ gɑ̈ɑ̈mø ki kwøb
o ge cög ge pɑ dwöög köörɑ
o ge di yielɑ.”
41Møgɑni ɑ́kwøb yi Icɑyɑ̀, mɑ́ dhwɑ̈nge ɑ́lidh yi en, kɑ okööbø kipe gøn.
42Cɑgg ɑ́ kɑ ɑ́kööbe kinøw, møge ɑ́yïëy yi ji mø ngenyø kì kelli jɑgg, de møgɑni nuti tööng gen kì bøli teedø, mɑ́ ge óböggø yi Jøpɑresì kipe ge óryem kì sinɑgøg. 43Mɑ́ ge mɑɑr-ɑ gøggi gïg-ɑ yïëy yi teedø kibøli mø Jwøk.
Gøny kì ri Møg-ɑ Ákwøb yi Yëso
44Aryeer Yëso, kinni, “Ngɑn yïëy yɑn, pɑth ki yɑn ɑ yïëy yi en, dɑ́ ngɑn-ɑ ɑ́ör yɑn. 45O ngɑn lidh yɑn ɑ́lidh-ɑ ngɑn-ɑ ɑ́ör yɑn. 46Yɑ ɑ́bï piny yɑ bɑ cɑr, kipe kinni o ngɑn-ɑ óyïëy yɑn cöge e pɑ döng kì yij muudhø. 47Ke di ngɑn lïngi kwøbbɑ, kɑ gï cög gï pɑ mïdhi yi en, pɑth ki yɑn ɑ ócɑyii, mɑ́ yɑ nuti bëën-ɑ be cɑyi piny, de yɑ ɑ́bï-ɑ be yieli piny. 48Ngɑn bɑny yɑn, kɑ kwøbbɑ ódhɑ̈lø yïëyø yi en, dɑ ngɑn-ɑ ócɑyii. Bɑ kwøbb-ɑ ɑ́kømmɑ, ɑ ócɑyii kì cyɑ̈ng-ɑ cyɑ̈n! 49Mɑ́ yɑ nuti kööbø kɑ cwɑggɑ, de Wïy ɑ ɑ́ör yɑn, bɑ en ɑ ɑ́cïgi yɑn møg-ɑ ɑ́kømmɑ, kí yuu-ɑ ɑ́lwøbɑ gen. 50O ngɑ̈nyi yi yɑn kinni, cigge kɑ̈ɑ̈l-ɑ nënn-ɑ ɑtheer. Møg-ɑ kømmi yi yɑn bɑ møg-ɑ ɑ́köbbi yɑn yi Wïy kinni kwøbɑ gen.”
Currently Selected:
Jn 12: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Jn 12
12
Gïnyi Yëso kì Betɑnì
(Mt 26.6-13; Mk 14.3-9)
1Kɑ ɑ́dönge ɑ́ cyɑ̈ng ɑ́bïkyel kipe cɑ̈gi Kwëër Ákɑɑdh, ɑbëën Yëso Betɑnì, pɑn-ɑ ɑ́di Lɑdhɑrøs, ngɑn-ɑ ɑ́tug yi en kì yij thøø. 2Aryejii ki gïncɑm kì kenyɑni, o bɑ Mɑrthɑ̀ ɑ ɑ́kɑ̈lli gïncɑm. O Lɑdhɑrøs ɑ́bëëd e nud kì kelli tyëng-ɑ ɑ́cyɑ̈ɑ̈m ki Yëso. 3#Lk 7.37-38 Akɑ̈ni Meerì ki ɑ́thïwi møw me yøme med, me ngewe teeg, kɑ tyelli Yëso gïnye ki møwɑni. Kɑ gï pøjje ki yëyyi wïje. Kɑ ønɑni kɑb yi yømi møwɑni. 4Akööb Yeudɑ̀ Iskɑryøt, ɑ bɑ ɑ́kyel kì kelli jøbɑnge, eni ngɑn-ɑ ɑ́ngeewii kinni, 5“Ede møwɑni ɑ bɑnyii ki ngeew wɑ̈g ki ngyëny miy ɑ́dɑ̈g, o ngyënyyɑni di mëggi ɑbuur?” 6Møgɑni nuti kwøbø yi en, e ywøg-ɑ ɑbuur, dɑ́ kipe kɑ̀ bëëde ɑ́ kur, mɑ́ sɑnduug ngyëny ɑ́mïdh-ɑ yi en, o nyii kɑ̈bbø kì ri ngyënyy-ɑ nyi cïb yije.
7Akööb Yëso kinni, “Wiyu en, møwɑni ɑ́mïdhi yi en ɑ́ men koony yɑn. 8#Jølø 15.11 Abuur bëëd ɑ kelli wun yethi cyɑ̈ng bënn, de yɑ koo bëëdø kì kelli wun yethi cyɑ̈ng bënn.”
Göggi Lɑdhɑrøs ki Amolpiny
9Kɑ Yeud mø ngenyø olïngø kinni, Yëso nud kì Betɑnì, ɑbëën gen, de pɑth kipere kete, dɑ́ kipe kinni o Lɑdhɑrøs ngɑn-ɑ ɑ́tug yi en kì yij thøø, lidh yi gen thyew. 10Kɑ jɑggi ókwër dhøggi gen nywɑg gen kinni o Lɑdhɑrøs nɑ̈g thyew. 11Mɑ́ kì bɑnge, ge ɑ́bɑny yi ji mø ngenyø kì kelli Yeud, kɑ Yëso yïëy yi gen.
Kedhi Yëso Yerusɑlem, E Opøjjø yi Teedø
(Mt 21.1-11; Mk 11.1-11; Lk 19.28-40)
12Dhuki ɑlïng ji mø ngenyø møg-ɑ ɑ́bï be kwër kinni Yëso bï-ɑ Yerusɑlem. 13#Wör 118.25, 26 Akɑ̈bbi gen ki ówɑwwi benø mø mɑr, kɑ ge kedh-ɑ be pɑɑrii, ge óryeerø kinni, “Lenhi wɑ Jwøk! Ngɑn-ɑ bï ki nyingi Wë, bɑ ɑgyëdh! Rɑ̈ɑ̈dh Isrɑil ógyëdh yi Jwøk!”
14Ayïddi Yëso ki ɑderø ówöb, kɑ kɑdh-ɑ köme ni kɑ ógwedii kinni,
15 #
Dhek 9.9
“Nyɑɑr Dhɑyøn, yï ko böggi!
Rɑ̈dhí ɑ bï èn,
e obëëdø kì kömi ɑderø ówöb.”
16Tyelli møgɑni nuti yodø yi jøbɑnge kì tyeli mɑl, de kɑ ɑ́rum Yëso ki thödhø ki dhwɑ̈ng, ɑpɑrii yi gen kinni, møgɑni ógwedø kɑ pere, o bɑ møgɑni ɑ ɑ́göggii yi teedø.
17O tyëng-ɑ ɑ́bëëd ge nud keny-ɑ ɑ́cwööle Lɑdhɑrøs wɑ̈g kì yij bur, kì bøli keny-ɑ ɑ́tuge gøn kì yij thøø, ge ɑ́cyɑ̈dhi ge kømm-ɑ møgɑni kì kelli teedø. 18O bɑ kipe møgɑni ɑ ɑ́kedhi teedø be pɑɑrii, mɑ́ ge ɑ́lïng kinni, ngïji menɑni ɑ́gwøg-ɑ yi en. 19Kɑ Jøpɑresì ri gen köbbi gen kinni, “Bong gïn cuggi gwøgø yi wun. Ji pɑ nenni yi wun ge kedh-ɑ bɑnge!”
Yɑbi Yëso yi Kwï Tyëng Yönɑn
20Ádɑ tyëng Yönɑn mø nud kì kelli tyëng-ɑ ɑ́bï be mɑlli Jwøk kì cyɑ̈nggi kwër. 21Kɑ tyëngɑni bï-ɑ yï Pïlïp jɑl Betsɑidɑ̀ kì myërri Gɑlelì, kɑ gø kwɑjji gen kinni, “Jɑldwøng, wø dwɑdd-ɑ yïddø ki Yëso.”
22Akedh Pïlïp, kɑ Andrø köbbe, ɑbëën gen, kɑ Yëso köbbi gen. 23Aløøg mø gen yi Yëso kinni, “Bøli keny-ɑ óthödhi Nyɑɑr Dhɑnhø ki dhwɑ̈ng ɑ́wɑ̈nhi. 24Yɑ köbb-ɑ wun kidyër kinni, keløg wɑɑng byëlø pɑ dëëm piny kɑ othøø, nudd ɑ́ en ceth, de keløg e othøø, ceg-ɑ kɑ̈nø ki nying mø ngenyø. 25#Mt 10.39; 16.25; Mk 8.35; Lk 9.24; 17.33 Ngɑn-ɑ mɑɑr ree wëye ólɑ̈ɑ̈ny kì yïe, de ngɑn-ɑ mɑɑn ree kì kömi piny men, wëye ómïdhi yi en kipe nënn-ɑ ɑtheer. 26Ngɑn dwɑddi göggi yɑn, luge kì bɑngɑ, o ngɑn-ɑ göggi yɑn óbëëd ɑ keny-ɑ ódi yɑn thyew. O ngɑn göögø kiperɑ, ótheg yi Wïy.
Kwøbbi Yëso kì ri Thøwe
27“Anɑn pyëwɑ olïngø, de yɑ ókööb ɑ dï? Kööbɑ kinni, ‘Wïyø, yiel yɑn kì bøli keny?’ Pɑth ki kinøw, mɑ́ e bɑ per møgɑni ɑ ɑ́bëënɑ. 28Wïyø, thödhí nyingí ki dhwɑ̈ng.”
Abëën cwɑg kì mɑl kinni, “Nyingɑ ɑ́rum ki thödhø dhwɑ̈ng yi yɑn, o cigɑ’ thödhø.”
29Alïngi møgɑni yi teen-ɑ cungi kì bute, kɑ ge okööbø kinni, “Men bɑ omɑ̈ɑ̈r mɑl!” Kɑ møøgø okööbø kinni, “Wëywödø ɑ ɑ́kööb ki en.”
30Alöggi Yëso kinni, “Cwɑggɑni nuti bëënø kɑ perɑ, dɑ́ kiper wun. 31Anɑn bøli kej cɑyi piny men ɑ́wɑ̈nhi, o jɑngi piny men, óryeem wɑ̈g. 32De yɑn, keny-ɑ ótïng yɑn kì piny, teedø bëne ótëëlɑ riɑ.” 33Møgɑni ɑ́kwøb yi en, gɑ møg nyodh thøw-ɑ óthøwe.
34 #
Wör 110.4; Icɑ 9.7; Idhki 37.25; Dɑn 7.14 Aløøg møge yi teedø kinni, “Wø ɑ́lïng kì yethi cigg kinni, ‘Mesiy óbëëdø gïti ɑtheer.’ De yï cigí kwøb kidï kinni, ‘Nyɑɑr Dhɑnhø ótïng mɑl?’ Á men ɑ bɑ Nyɑɑr Dhɑnhø?”
35Aköbbi gen yi Yëso kinni, “Cɑr óbëëdø kì kelli wun kɑ nyɑ keny me thiinh. Cyɑ̈dhi wun kɑ̈ng-ɑ nud cɑr kipe wu ópïïd yi muudhø. Ngɑn cyɑ̈dhi kì yij muudhø kun-ɑ kedhe kwïj yi en. 36Kɑ̈ng-ɑ nud cɑr kì kelli wun, yïëyu cɑr, o wu óbëëd wun wu bɑ nyigi cɑr.”
Cögi Ji Ge Nuti Yïëyø
Kɑ ɑ́rum møgɑni ki kwøbø yi Yëso, ɑkedhe, kɑ ree kɑne kipe gïn. 37Yëso nuti yïëyø yi gen, ngö e ɑ́göög ki ngïjjì mø ngenyø kì bøli gen, 38#Icɑ 53.1 (LXX) o møg-ɑ ɑ́kwøb yi Icɑyɑ̀ jɑltöng pɑ̈dhi gen kɑ̈jji gen, kɑ ɑ́kööbe kinni,
“Wuö, ɑ́ men ɑ ɑ́yïëy møg-ɑ ɑ́kwøb yi wøn?
O Jwøng-ɑ Ácwɑ̈ɑ̈j tege ɑ́nyudhe’ men?”
39Kɑ ge ódhɑ̈lø yïëyø, mɑ́ Icɑyɑ̀ ɑ́cigi kwøb kinni,
40 #
Icɑ 6.10 (LXX) “Nyingi gen ɑ́göjji cøørø yi Jwøk,
kɑ wɑ̈thi gen ócungø,
o nyingi gen cög ge pɑ nëënø
o wɑ̈thi gen cög ge pɑ gɑ̈ɑ̈mø ki kwøb
o ge cög ge pɑ dwöög köörɑ
o ge di yielɑ.”
41Møgɑni ɑ́kwøb yi Icɑyɑ̀, mɑ́ dhwɑ̈nge ɑ́lidh yi en, kɑ okööbø kipe gøn.
42Cɑgg ɑ́ kɑ ɑ́kööbe kinøw, møge ɑ́yïëy yi ji mø ngenyø kì kelli jɑgg, de møgɑni nuti tööng gen kì bøli teedø, mɑ́ ge óböggø yi Jøpɑresì kipe ge óryem kì sinɑgøg. 43Mɑ́ ge mɑɑr-ɑ gøggi gïg-ɑ yïëy yi teedø kibøli mø Jwøk.
Gøny kì ri Møg-ɑ Ákwøb yi Yëso
44Aryeer Yëso, kinni, “Ngɑn yïëy yɑn, pɑth ki yɑn ɑ yïëy yi en, dɑ́ ngɑn-ɑ ɑ́ör yɑn. 45O ngɑn lidh yɑn ɑ́lidh-ɑ ngɑn-ɑ ɑ́ör yɑn. 46Yɑ ɑ́bï piny yɑ bɑ cɑr, kipe kinni o ngɑn-ɑ óyïëy yɑn cöge e pɑ döng kì yij muudhø. 47Ke di ngɑn lïngi kwøbbɑ, kɑ gï cög gï pɑ mïdhi yi en, pɑth ki yɑn ɑ ócɑyii, mɑ́ yɑ nuti bëën-ɑ be cɑyi piny, de yɑ ɑ́bï-ɑ be yieli piny. 48Ngɑn bɑny yɑn, kɑ kwøbbɑ ódhɑ̈lø yïëyø yi en, dɑ ngɑn-ɑ ócɑyii. Bɑ kwøbb-ɑ ɑ́kømmɑ, ɑ ócɑyii kì cyɑ̈ng-ɑ cyɑ̈n! 49Mɑ́ yɑ nuti kööbø kɑ cwɑggɑ, de Wïy ɑ ɑ́ör yɑn, bɑ en ɑ ɑ́cïgi yɑn møg-ɑ ɑ́kømmɑ, kí yuu-ɑ ɑ́lwøbɑ gen. 50O ngɑ̈nyi yi yɑn kinni, cigge kɑ̈ɑ̈l-ɑ nënn-ɑ ɑtheer. Møg-ɑ kømmi yi yɑn bɑ møg-ɑ ɑ́köbbi yɑn yi Wïy kinni kwøbɑ gen.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.