Jn 7
7
Yëso kí Nyiimen
1Kì bɑng kenyɑni, ɑwïïn Yëso kì myërri Gɑlelì, e pɑ dwɑddi cyɑ̈dhø kì myërri Yeudiyɑ̀, mɑ́ tyëng Yeudiyɑ̀ oyɑ̈bø ki yuu nɑ̈g ge gøn. 2#Kwɑrr 23.34; Jølø 16.13 Kɑ bøli kej Kwëër Akɑnnì ócyɑ̈ngø. 3Aköbbii yi nyiimen kinni, “Dhwöödh kì keny, kɑ yï kedhí myërri Yeudiyɑ̀, o jøbɑngí thyew lïdhi gen ki gïg-ɑ nyi gwøg yi yïn. 4Mɑ́ ngɑn-ɑ nyi dwɑddi kinni, o gïg-ɑ gøggi yi en yod yi teedø pɑ nyi göögø kì gød. Keløg yï gøgg-ɑ gïg ni møg, nyudhí rií teedø bëne.” 5Mɑ́ møge nuti yïëyø yi nyiimen thyew.
6Aköbbi gen yi Yëso kinni, “Bøli kejɑ nuti bëënø, de kì yï wun cyɑ̈ng bënn pɑ̈r. 7Wu pɑ cuggi mɑɑnø yi piny, dɑ́ yɑn ɑ mɑɑn yi en, kipe kɑ̀ köbbɑ en kinni, gïg-ɑ gøggi yi en rijjø. 8Kedhu be kwërɑni, de yɑ pɑ kedh, mɑ́ bøli kejɑ nuti thumø.” 9Kɑ ɑ́rume kwøbi møgɑni, ɑdönge kì Gɑlelì.
Yëso kì Kej Kwëër Akɑnnì
10Keny-ɑ ɑ́kedhi nyiimen be kwërɑni, ɑlunye kedhø kì wɑ̈ye, e kɑnn-ɑ ree. 11Ayɑbii yi Yeud kì kej kwër, ge opëjø kinni, “Jɑlɑni ying-ɑ keny?”
12Kɑ ji omungø ge opëmø, kwï ji okööbø kinni, “Bɑ jɑl me døj,” møøgø okööbø kinni, “Pɑth, jɑlɑni peej-ɑ ji pɑ̈l.” 13De bong ngɑn me kwøb møge kì bøli teedø, mɑ́ ge óböggø yi jɑggi Yeud.
14Keny-ɑ ɑ́thumi budi cyɑ̈nggi kwër, ɑkedhi Yëso Kengø, kɑ ópwönyø. 15Angɑ̈ng Yeud yi møgɑni, kɑ ge okööbø kinni, “Jɑlɑni ɑ́dïd kidï, e nuti pɑ̈nyø ki pwönyø?”
16Aløøg mø gen yi Yëso kinni, “Pwönyɑ pɑth ki miɑ, den-ɑ́ mi ngɑn-ɑ ɑ́ör yɑn. 17Ke di dhɑnhø me pyëwe dwɑddi gwøgi gïn-ɑ dwɑddi yi Jwøk, pwönyø men ócuggø ngijø yi en ying e kɑ̈ɑ̈l-ɑ yï Jwøk wɑlɑ̀ yɑ 'kööb-ɑ cwɑggɑ. 18Ngɑn-ɑ nyi kømmi mø cwɑgge nyi yɑb-ɑ kinni o pwøj, de ngɑn-ɑ nyi yɑb kinni o ngɑn-ɑ ɑ́örii pwøj, ngɑnɑni nyi kømm-ɑ dyër, o bong ɑ́dud kì yije. 19Wu ɑ́thödhi yi Mosɑ̀ ki cigg, de bong dhɑnhø ɑ́kyel kì kelli wun me mïdhi ciggɑni. Wude ɑ yɑ̈ɑ̈b wun ki yöö men nɑ̈gu yɑn?”
20Alöggi teedø kinni, “Wïjí dɑ ɑ́nɑ̈gø, ɑ́ men ɑ dwɑddi nɑ̈gi yïn?”
21Aløøg mø gen yi Yëso kinni, “Yɑ ɑ́gwøg-ɑ ngïji ɑ́kyel, kɑ wu ongɑ̈ngø bënn yi menɑni. 22#Cɑ̈gø 17.10; Kwɑrr 12.3 Bɑ Mosɑ̀ ɑ ɑ́thödhi wun ki cigg kinni, nyi ngøl dhɑnhø (pɑth ki Mosɑ̀ ɑ ɑ́cɑg kwöngɑni, de ɑ́wön ɑ ri kweyyi wun,) kɑ dhɑnhø nyi ngøl yi wun kì cyɑ̈ɑ̈ng Sɑbɑth. 23#Jn 5.9 Keløg dhɑnhø nyii ngølø kì cyɑ̈ɑ̈ng Sɑbɑth kipe Ciggi Mosɑ̀ óbɑ̈ɑ̈n, wude ɑ wër wun ki yɑn, kenyi gwøgɑ dhɑnhø ki cyɑ̈ɑ̈ng Sɑbɑth kɑ dële ódönyø bëne? 24Wu ko nyi löggi kì bɑng gïn-ɑ lidh yi wun kete, de nyi löggi wun ki lögg-ɑ dyër.”
En A Bɑ Mesiy?
25Codhe, ɑkööb ji møøgø kì kelli tyëng Yerusɑlem kinni, “Pɑth ki jɑlɑni ɑ ɑ́dwɑddi nɑ̈gø yi gen? 26De pɑth ki en ɑ kööbø kì bøli teedø èn, o bong ngɑn kyëddii? Ócɑɑg kɑ yodø yi jyɑ̈ggì kidyër kinni, bɑ Mesiy? 27Anɑn kun-ɑ kɑ̈ɑ̈l yi jɑlɑni ngɑ̈nyi yi wɑ, de keny-ɑ óbëën Mesiy bong ngɑn-ɑ óngɑ̈nyi kun-ɑ ɑ́kɑ̈ɑ̈le.”
28Codhe, ɑryeer Yëso, e ópwönyø kì Kengø kinni, “Yɑ ngɑ̈nyi yi wun, o kun-ɑ kɑ̈ɑ̈l yi yɑn ngɑ̈nyi yi wun thyew. Yɑ nuti bëënø kɑ cwɑggɑ, de ngɑn-ɑ ɑ́ör yɑn bɑ ngɑn mɑ dyër, o ree kwïj yi wun. 29De ree ngɑ̈nyi yi yɑn, mɑ́ yɑ kɑ̈ɑ̈l-ɑ ree, o bɑ en ɑ ɑ́ör yɑn.”
30Kɑ kømi mɑgø yi gen kipe møgɑni, de bong ngɑn mɑ ɑ́cïb cinge ree, mɑ́ bøli keje nuti wɑ̈nhø. 31De ɑ́yïëy yi ji mø ngenyø, kɑ ge okööbø kinni, “Keny-ɑ óbëën Mesiy ógöögø ki ngïjjì mø ngenyø kibøli møg-ɑ ɑ́gwøg yi jɑɑl?”
Öri Bölidhh Be Mɑgi Yëso
32Kɑ møg-ɑ kømmi kì ree yi teedø lïngi yi Jøpɑresì. Aöd jɑggi ókwër geki Jøpɑresì ki bölidhh møg mɑgii. 33Aköbbi gen yi Yëso kinni, “Yɑ óbëëdø kì kelli wun ki nyɑ keny me thiinh, codhe o yɑ kedhɑ yï ngɑn-ɑ ɑ́ör yɑn. 34Yɑ óyɑb yi wun, de yɑ koo yod yi wun; mɑ́ wu pɑ cuggi kedhi kun-ɑ ódi yɑn.”
35Akööb Yeud kì kelli gen kinni, “Jɑlɑni ókedh-ɑ keny, o dhɑ̈le yodø yi wɑ? Ókedh-ɑ bɑng Yeud møg-ɑ ɑ́töngi yïnø Yönɑn, o pwönye tyëng Yönɑn? 36Wɑng-ɑ ngø kɑ̀ kööbe kinni, ‘Yɑ óyɑb yi wun de yɑ koo yod yi wun,’ kí kinni, ‘Kun-ɑ óbëëdɑ wu dhɑ̈li bëën yije?’ ”
Nɑ̈mm-ɑ Muujø ki Pïi Nënnì
37 #
Kwɑrr 23.36
Kì cyɑ̈ng-ɑ thumi kwër, eni cyɑ̈ng-ɑ dwøng kì yethi cyɑ̈nggi kwër, ɑcungi Yëso, kɑ óryeerø kinni, “Ngɑn ree di röödhø, bëe yïɑ. 38#Idhki 47.1; Dhek 14.8 Ngɑn-ɑ óyïëy yɑn, ceg-ɑ mɑdh; ni kɑ ókwøbii kì yethi wɑ̈jji kwërø kinni, ‘Nɑ̈mmi pïi nënnì órïngi wɑ̈g kì wɑɑng ngëdi ngɑn-ɑ óyïëy yɑn.’ ” 39O ɑ́kømm-ɑ wëy-ɑ óyod yi tyëng-ɑ óyïëyii, mɑ́ wëy nuti muujø, yi kɑ̀ nuti thödhi Yëso ki dhwɑ̈ng.
Pɑ̈ngi Teedø Ri Gen
40Keny-ɑ ɑ́lïngi møgɑni yi teedø, ɑkööb kwï gen kinni, “Jɑɑl bɑ jɑltöng kidyër”
41Akööb ji møøgø kinni, “Jɑɑl bɑ Mesiy!”
Kɑ kwï gen ópëjjø kinni, “Mesiy ókɑ̈ɑ̈l-ɑ Gɑlelì? 42#2 Sɑm 7.12; Miikɑ̀ 5.2 Nuti kwøbø kì yij wɑ̈nyi kwërø kinni, Mesiy óbëëd ɑ́ kwɑɑr Debïd, o ókɑ̈ɑ̈l-ɑ Betleem kɑɑl Debïd?” 43Kɑ teedø ri gen pɑ̈ngi gen ki gööj Yëso. 44Ji møøgø ɑ́dwɑdd-ɑ mɑgii, de bong ngɑn mɑ ɑ́cïb cinge ree.
Jɑggi Yeud Nuti Yïëyø
45Adwöög bölidhh yï jɑggi ókwër geki Jøpɑresì, kɑ ge pyëj kinni, “Ede ɑ nuti kɑ̈ɑ̈lii yi wun?”
46Alöggi bölidhh kinni, “Bong ngɑn mɑ ɑ́kööb cøn ni kɑ̀ kööb jɑlɑni.”
47Apyëëj gen yi Jøpɑresì kinni, “Wu ɑ́ceg kɑ peej pɑ̈l thyew? 48Dɑ ngɑn mɑ ɑ́yïëyii kì kelli jɑgg wɑlɑ̀ kì kelli Jøpɑresì? Bogøn! 49De teen-ɑ kwïj Ciggi Mosɑ̀, ri gen dɑ cyën.”
50 #
Jn 3.1-2
Apyëëj gen yi Nikødemøs, jɑl-ɑ ɑ́bï yï Yëso cøn kinni, 51“Ciggee okööbø i cɑɑy dhɑnhø e kwøbbe nuti lïngø, o gïg-ɑ gøggi yi en nuti yodø yi wɑ?”
52Kɑ ge ólöggø kinni, “Yï bɑ jɑl Gɑlelì thyew? Yɑ̈ɑ̈b, kì yethi wɑ̈j, o óyod yi yïn kinni, bong jɑltöng men-ɑ ócwöb kì Gɑlelì.” 53Codhe, kɑ ngɑn kedh-ɑ gøle.
Currently Selected:
Jn 7: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Jn 7
7
Yëso kí Nyiimen
1Kì bɑng kenyɑni, ɑwïïn Yëso kì myërri Gɑlelì, e pɑ dwɑddi cyɑ̈dhø kì myërri Yeudiyɑ̀, mɑ́ tyëng Yeudiyɑ̀ oyɑ̈bø ki yuu nɑ̈g ge gøn. 2#Kwɑrr 23.34; Jølø 16.13 Kɑ bøli kej Kwëër Akɑnnì ócyɑ̈ngø. 3Aköbbii yi nyiimen kinni, “Dhwöödh kì keny, kɑ yï kedhí myërri Yeudiyɑ̀, o jøbɑngí thyew lïdhi gen ki gïg-ɑ nyi gwøg yi yïn. 4Mɑ́ ngɑn-ɑ nyi dwɑddi kinni, o gïg-ɑ gøggi yi en yod yi teedø pɑ nyi göögø kì gød. Keløg yï gøgg-ɑ gïg ni møg, nyudhí rií teedø bëne.” 5Mɑ́ møge nuti yïëyø yi nyiimen thyew.
6Aköbbi gen yi Yëso kinni, “Bøli kejɑ nuti bëënø, de kì yï wun cyɑ̈ng bënn pɑ̈r. 7Wu pɑ cuggi mɑɑnø yi piny, dɑ́ yɑn ɑ mɑɑn yi en, kipe kɑ̀ köbbɑ en kinni, gïg-ɑ gøggi yi en rijjø. 8Kedhu be kwërɑni, de yɑ pɑ kedh, mɑ́ bøli kejɑ nuti thumø.” 9Kɑ ɑ́rume kwøbi møgɑni, ɑdönge kì Gɑlelì.
Yëso kì Kej Kwëër Akɑnnì
10Keny-ɑ ɑ́kedhi nyiimen be kwërɑni, ɑlunye kedhø kì wɑ̈ye, e kɑnn-ɑ ree. 11Ayɑbii yi Yeud kì kej kwër, ge opëjø kinni, “Jɑlɑni ying-ɑ keny?”
12Kɑ ji omungø ge opëmø, kwï ji okööbø kinni, “Bɑ jɑl me døj,” møøgø okööbø kinni, “Pɑth, jɑlɑni peej-ɑ ji pɑ̈l.” 13De bong ngɑn me kwøb møge kì bøli teedø, mɑ́ ge óböggø yi jɑggi Yeud.
14Keny-ɑ ɑ́thumi budi cyɑ̈nggi kwër, ɑkedhi Yëso Kengø, kɑ ópwönyø. 15Angɑ̈ng Yeud yi møgɑni, kɑ ge okööbø kinni, “Jɑlɑni ɑ́dïd kidï, e nuti pɑ̈nyø ki pwönyø?”
16Aløøg mø gen yi Yëso kinni, “Pwönyɑ pɑth ki miɑ, den-ɑ́ mi ngɑn-ɑ ɑ́ör yɑn. 17Ke di dhɑnhø me pyëwe dwɑddi gwøgi gïn-ɑ dwɑddi yi Jwøk, pwönyø men ócuggø ngijø yi en ying e kɑ̈ɑ̈l-ɑ yï Jwøk wɑlɑ̀ yɑ 'kööb-ɑ cwɑggɑ. 18Ngɑn-ɑ nyi kømmi mø cwɑgge nyi yɑb-ɑ kinni o pwøj, de ngɑn-ɑ nyi yɑb kinni o ngɑn-ɑ ɑ́örii pwøj, ngɑnɑni nyi kømm-ɑ dyër, o bong ɑ́dud kì yije. 19Wu ɑ́thödhi yi Mosɑ̀ ki cigg, de bong dhɑnhø ɑ́kyel kì kelli wun me mïdhi ciggɑni. Wude ɑ yɑ̈ɑ̈b wun ki yöö men nɑ̈gu yɑn?”
20Alöggi teedø kinni, “Wïjí dɑ ɑ́nɑ̈gø, ɑ́ men ɑ dwɑddi nɑ̈gi yïn?”
21Aløøg mø gen yi Yëso kinni, “Yɑ ɑ́gwøg-ɑ ngïji ɑ́kyel, kɑ wu ongɑ̈ngø bënn yi menɑni. 22#Cɑ̈gø 17.10; Kwɑrr 12.3 Bɑ Mosɑ̀ ɑ ɑ́thödhi wun ki cigg kinni, nyi ngøl dhɑnhø (pɑth ki Mosɑ̀ ɑ ɑ́cɑg kwöngɑni, de ɑ́wön ɑ ri kweyyi wun,) kɑ dhɑnhø nyi ngøl yi wun kì cyɑ̈ɑ̈ng Sɑbɑth. 23#Jn 5.9 Keløg dhɑnhø nyii ngølø kì cyɑ̈ɑ̈ng Sɑbɑth kipe Ciggi Mosɑ̀ óbɑ̈ɑ̈n, wude ɑ wër wun ki yɑn, kenyi gwøgɑ dhɑnhø ki cyɑ̈ɑ̈ng Sɑbɑth kɑ dële ódönyø bëne? 24Wu ko nyi löggi kì bɑng gïn-ɑ lidh yi wun kete, de nyi löggi wun ki lögg-ɑ dyër.”
En A Bɑ Mesiy?
25Codhe, ɑkööb ji møøgø kì kelli tyëng Yerusɑlem kinni, “Pɑth ki jɑlɑni ɑ ɑ́dwɑddi nɑ̈gø yi gen? 26De pɑth ki en ɑ kööbø kì bøli teedø èn, o bong ngɑn kyëddii? Ócɑɑg kɑ yodø yi jyɑ̈ggì kidyër kinni, bɑ Mesiy? 27Anɑn kun-ɑ kɑ̈ɑ̈l yi jɑlɑni ngɑ̈nyi yi wɑ, de keny-ɑ óbëën Mesiy bong ngɑn-ɑ óngɑ̈nyi kun-ɑ ɑ́kɑ̈ɑ̈le.”
28Codhe, ɑryeer Yëso, e ópwönyø kì Kengø kinni, “Yɑ ngɑ̈nyi yi wun, o kun-ɑ kɑ̈ɑ̈l yi yɑn ngɑ̈nyi yi wun thyew. Yɑ nuti bëënø kɑ cwɑggɑ, de ngɑn-ɑ ɑ́ör yɑn bɑ ngɑn mɑ dyër, o ree kwïj yi wun. 29De ree ngɑ̈nyi yi yɑn, mɑ́ yɑ kɑ̈ɑ̈l-ɑ ree, o bɑ en ɑ ɑ́ör yɑn.”
30Kɑ kømi mɑgø yi gen kipe møgɑni, de bong ngɑn mɑ ɑ́cïb cinge ree, mɑ́ bøli keje nuti wɑ̈nhø. 31De ɑ́yïëy yi ji mø ngenyø, kɑ ge okööbø kinni, “Keny-ɑ óbëën Mesiy ógöögø ki ngïjjì mø ngenyø kibøli møg-ɑ ɑ́gwøg yi jɑɑl?”
Öri Bölidhh Be Mɑgi Yëso
32Kɑ møg-ɑ kømmi kì ree yi teedø lïngi yi Jøpɑresì. Aöd jɑggi ókwër geki Jøpɑresì ki bölidhh møg mɑgii. 33Aköbbi gen yi Yëso kinni, “Yɑ óbëëdø kì kelli wun ki nyɑ keny me thiinh, codhe o yɑ kedhɑ yï ngɑn-ɑ ɑ́ör yɑn. 34Yɑ óyɑb yi wun, de yɑ koo yod yi wun; mɑ́ wu pɑ cuggi kedhi kun-ɑ ódi yɑn.”
35Akööb Yeud kì kelli gen kinni, “Jɑlɑni ókedh-ɑ keny, o dhɑ̈le yodø yi wɑ? Ókedh-ɑ bɑng Yeud møg-ɑ ɑ́töngi yïnø Yönɑn, o pwönye tyëng Yönɑn? 36Wɑng-ɑ ngø kɑ̀ kööbe kinni, ‘Yɑ óyɑb yi wun de yɑ koo yod yi wun,’ kí kinni, ‘Kun-ɑ óbëëdɑ wu dhɑ̈li bëën yije?’ ”
Nɑ̈mm-ɑ Muujø ki Pïi Nënnì
37 #
Kwɑrr 23.36
Kì cyɑ̈ng-ɑ thumi kwër, eni cyɑ̈ng-ɑ dwøng kì yethi cyɑ̈nggi kwër, ɑcungi Yëso, kɑ óryeerø kinni, “Ngɑn ree di röödhø, bëe yïɑ. 38#Idhki 47.1; Dhek 14.8 Ngɑn-ɑ óyïëy yɑn, ceg-ɑ mɑdh; ni kɑ ókwøbii kì yethi wɑ̈jji kwërø kinni, ‘Nɑ̈mmi pïi nënnì órïngi wɑ̈g kì wɑɑng ngëdi ngɑn-ɑ óyïëy yɑn.’ ” 39O ɑ́kømm-ɑ wëy-ɑ óyod yi tyëng-ɑ óyïëyii, mɑ́ wëy nuti muujø, yi kɑ̀ nuti thödhi Yëso ki dhwɑ̈ng.
Pɑ̈ngi Teedø Ri Gen
40Keny-ɑ ɑ́lïngi møgɑni yi teedø, ɑkööb kwï gen kinni, “Jɑɑl bɑ jɑltöng kidyër”
41Akööb ji møøgø kinni, “Jɑɑl bɑ Mesiy!”
Kɑ kwï gen ópëjjø kinni, “Mesiy ókɑ̈ɑ̈l-ɑ Gɑlelì? 42#2 Sɑm 7.12; Miikɑ̀ 5.2 Nuti kwøbø kì yij wɑ̈nyi kwërø kinni, Mesiy óbëëd ɑ́ kwɑɑr Debïd, o ókɑ̈ɑ̈l-ɑ Betleem kɑɑl Debïd?” 43Kɑ teedø ri gen pɑ̈ngi gen ki gööj Yëso. 44Ji møøgø ɑ́dwɑdd-ɑ mɑgii, de bong ngɑn mɑ ɑ́cïb cinge ree.
Jɑggi Yeud Nuti Yïëyø
45Adwöög bölidhh yï jɑggi ókwër geki Jøpɑresì, kɑ ge pyëj kinni, “Ede ɑ nuti kɑ̈ɑ̈lii yi wun?”
46Alöggi bölidhh kinni, “Bong ngɑn mɑ ɑ́kööb cøn ni kɑ̀ kööb jɑlɑni.”
47Apyëëj gen yi Jøpɑresì kinni, “Wu ɑ́ceg kɑ peej pɑ̈l thyew? 48Dɑ ngɑn mɑ ɑ́yïëyii kì kelli jɑgg wɑlɑ̀ kì kelli Jøpɑresì? Bogøn! 49De teen-ɑ kwïj Ciggi Mosɑ̀, ri gen dɑ cyën.”
50 #
Jn 3.1-2
Apyëëj gen yi Nikødemøs, jɑl-ɑ ɑ́bï yï Yëso cøn kinni, 51“Ciggee okööbø i cɑɑy dhɑnhø e kwøbbe nuti lïngø, o gïg-ɑ gøggi yi en nuti yodø yi wɑ?”
52Kɑ ge ólöggø kinni, “Yï bɑ jɑl Gɑlelì thyew? Yɑ̈ɑ̈b, kì yethi wɑ̈j, o óyod yi yïn kinni, bong jɑltöng men-ɑ ócwöb kì Gɑlelì.” 53Codhe, kɑ ngɑn kedh-ɑ gøle.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.