Лука 1
1
АПЭРЭШЪХЬ
Мы тхылъыр зыкӀэстхыгъэр
1Хъугъэ-шӀагъэхэу тапашъхьэ щыхъугъэхэм якъэбархэр атхыжьынхэу цӀыфыбэхэр пылъыгъэх. 2Ахэмэ атхыгъэхэр цӀыфхэу а Ӏофхэр ублапӀэм щегъэжьагъэу нэкӀэ зылъэгъугъэхэмрэ Тхьэм игущыӀэхэм афэлэжьагъэхэмрэ къызэрэтаӀотэжьыгъэхэм атетэу ары. 3Аущтэу сэри мы хъугъэ-шӀэгъэ Ӏоф пстэуми яублапӀэ щегъэжьагъэу сыфэсакъыпэу зысэгъэунэфым, о, лъытэныгъэ зифэшъошэ Теофил#1:3 Теофил – Лука мы тхылъыр зыфитхырэр ары, еплъ Апостол. 1:1. Теофил тхьэмэтэ горагъ, Христос ехьылӀэгъэ къэбарышӀуми щыгъозагъ. Ащ нэмыкӀэу Теофил икъэбар зи тиӀэп., зэкӀэлъыкӀоу пфэстхынхэу тесыубытагъ, 4о узфагъэсагъэхэм яшъыпкъагъэ пшӀэным пае.
УмэхъэкӀо Иуан къызэрэхъущтыр мэлэӀич ДжэбраӀил къызэриӀуагъэр
5Иудей хэкум#1:5 Иудей хэкур – Фалестин хэгъэгур зэкӀэ ары. ипачъыхьэ Ирод#1:5 Ирод – Ирод Иныр ары. Исус къэхъуным ыпэкӀэ 37-4 илъэсхэм къакӀоцӀ Израиль хэгъэгум зэкӀэ ипачъыхьагъ. имафэхэм Зэчрей зыцӀэ дин пащэ горэ щыӀагъ. Ар АбиекӀэ заджэхэрэ дин пэщэ купым хэтыгъ. Ишъхьэгъусэ Елизабетэ Хьарунэ къытекӀыгъэ цӀыфхэм ащыщыгъ. 6ТӀуми Тхьэу ЗиусхьанымкӀэ шъыпкъагъэ яӀэу, иунашъохэмрэ ихабзэхэмрэ атетхэу, зэрагъэмысэнхэ Ӏоф зи амышӀэу псэущтыгъэх. 7Лъфыгъэ яӀагъэп, сыда пӀомэ, Елизабетэ сабый хэкӀыщтыгъэп, тӀури аныбжьыкӀэ хэкӀотэгъагъэх. 8Зэчрей зыхэт дин пэщэ купым Тхьэм иунэшхо щылэжьэнэу ичэзыу къызынэсым, Тхьэм ыпашъхьэ Зэчрей дин пэщэ Ӏоф щишӀэу ыублагъ. 9Дин пащэхэм яхабзэ тетэу пхъэдз зырадзэм, Зиусхьаным иунэшхо кӀоцӀ чӀэхьанышъ, мэ ӀэшӀу зыпихырэ уцыр Тхьэм пае ыгъэстынэу Зэчрей къытефагъ. 10Уцыр зыщагъэстын фэе сыхьатыр къэсыгъ. Зэчрей уцыр егъэстыфэ, зэкӀэ цӀыфхэр Тхьэм иунэшхо щагу Тхьэм щелъэӀущтыгъэх.
11Джащыгъум уц гъэстыпӀэм иджабгъукӀэ щытэу, Зиусхьаным имэлэӀич Зэчрей къыщыфэлъэгъуагъ. 12Зэчрей ар зелъэгъум, къащти, щынэгъэшхо хэфагъ. 13Джащыгъум мэлэӀичыр къыдэгущыӀагъ: – Укъэмыщт, Зэчрей. УилъэӀу Тхьэм къызэхихыгъ. Уишъхьэгъусэ Елизабетэ къо къыфэхъущт, ащи Иуан цӀэу о фэуусыщт. 14Ар оркӀэ гушӀогъошхорэ тхъэгъошхорэ хъущт, ар къызэрэхъугъэм пае, цӀыфыбэхэри гушӀощтых. 15ЗиусхьанымкӀэ лӀышхощт, сэнэпсымрэ узгъэутэшъощт шъонымрэ яшъощтэп, янэ ышъо зыхидзагъэм щегъэжьагъэуи Тхьэм ы Псэ ЛъапӀэ инэу ыгу илъыщт. 16Израиль цӀыфыбэхэри Зиусхьанэу я Тхьэ игъогу къытыригъэхьажьыщтых. 17Пегъымбар Иляс#1:17 Пегъымбар Иляс – еплъ Пегъымбар Малахие тхылъэу ытхыгъэм 4:5-6. ыгу Тхьэм ы Псэ ЛъапӀэ зэрилъыгъэм фэдэу, ащ ыгу илъэу, Иляс кӀуачӀэ зэриӀагъэм фэдэуи кӀуачӀэ иӀэу, Зиусхьаныр къэкӀоным ыпэкӀэ, ар къэкӀощт. Тыхэмрэ къохэмрэ агухэмкӀэ зэфэгъэзагъэхэу ышӀыщтых, Тхьэм емыдэӀухэри шъыпкъагъэ зиӀэ цӀыфхэм ягъогу тыригъэхьащтых. Аущтэу Зиусхьаным фэшъошэ лъэпкъ хъунэу ащ израиль лъэпкъыр ыгъэхьазырыщт.
18– Ар зэрэшъыпкъэр сыдэущтэу сшӀэщта? – риӀуагъ Зэчрей мэлэӀичым. – Сэ лӀыжъы сыхъугъ, сишъхьэгъуси ыныбжькӀэ хэкӀотагъ.
19– Тхьэм ыпашъхьэ ит мэлэӀич ДжэбраӀилыр сэры, – къыриӀожьыгъ мэлэӀичым. – Мы къэбарышӀур осӀоным пае, сыкъыбдэгущыӀэнэу Тхьэм сыкъыгъэкӀуагъ. 20Джы сэ къыосӀуагъэр пшӀошъ хъугъэпышъ, а зыфэсӀогъэ Ӏофхэр охъухэфэ, умыгущыӀэшъоу, бзакоу ущыӀэщт. Игъо къызысыкӀэ, ахэр къэхъунхэ фае.
21Зэчрей Тхьэм иунэшхо къызэрэчӀэмыкӀыжьырэр цӀыфхэм агъэшӀагъоу ащ нэсыфэ ежэщтыгъэх. 22ЕтӀанэ Зэчрей Тхьэм иунэшхо къызычӀэкӀыжьым, цӀыфхэм къадэгущыӀэн ылъэкӀыгъэп. Джащыгъум Тхьэм иунэшхо зыгорэ къызэрэщыфэлъэгъуагъэр къашӀагъ. Зэчрей зыфаер ыӀэхэмкӀэ къагуригъаӀоу, бзакоу къэнагъ.
23Тхьэм иунэшхо Ӏофэу щишӀэщтыгъэхэм ямафэхэр зытекӀыхэм, Зэчрей иунэ ыгъэзэжьыгъ. 24Бэ темышӀэу ишъхьэгъусэ Елизабетэ ышъо сабый хидзагъ, мэзитфырэ цӀыфмэ къахэхьагъэп. 25«Зиусхьаным мыр сэ къысфишӀагъ. Мы мафэхэм ынэшӀу къысщифэу, цӀыфмэ апашъхьэ симыгъуагъэ щыстырихыгъ», – ыӀощтыгъ ащ.
МэлэӀичэу ДжэбраӀил Исус къызэрэхъущтыр Мерэм къызэрэриӀуагъэр
26Елизабетэ зылъэрмыхьэр мэзих хъугъэу Тхьэм имэлэӀич ДжэбраӀил Галилей хэкум#1:26 Галилей хэкур – Израиль хэгъэгум итемыр лъэныкъо ит. Архелай ышэу Ирод Антипэ зыцӀэр а хэкум ипщыгъ. щыщэу, къалэу Назарет#1:26 къалэу Назарет – Галилей псыхъураем икъыблэ цыпэм километрэ 26-кӀэ пэчыжьэу итыгъэ къохьэпӀэ лъэныкъомкӀэ ит. къыгъэкӀуагъ. 27Ар къызфигъэкӀуагъэр Мерэм зыцӀэ пшъашъэр ары. Юсыфэу пачъыхьэ Даутэ къытекӀыгъэ цӀыфхэм ащыщым а Мерэм къыщэнэу ыгъэнэфэгъагъ. 28Мерэм зыдэщыӀэм мэлэӀичыр къакӀуи, къыӀуагъ: – ГушӀо, о Тхьэм ынэшӀу зыщифагъэр, Зиусхьаныр уигъусэ!
29МэлэӀичым къыӀуагъэм Мерэм лъэшэу гузэжъогъу хидзагъ, а шӀуфэс гущыӀэу къыриӀуагъэм къикӀырэми егупшысагъ.
30– Укъэмыщт, Мерэм, – къыриӀуагъ ащ мэлэӀичым, – Тхьэм ынэшӀу къыпщифагъ. 31О пшъо сабый хидзэнышъ, къо къыпфэхъущт. Ащ Исус#1:31 Исус – а цӀэм къикӀырэр «цӀыфхэр мыкӀодхэу Къэзгъэнэжьырэр» ары. цӀэу о фэуусышт. 32Ар цӀыфышхо хъущт, анахь Лъагэм ы КъокӀи еджэщтых. Я Тэшхо пачъыхьэ Даутэ итӀысыпӀэ лъапӀэ Зиусхьан Тхьэм ащ къыритыщт, 33мыкӀодыжьын тетыгъуи Якъубэ илъэпкъ фыриӀэщт. Итетыгъошхуи егъэшӀэм кӀэух иӀэщтэп.
34– Ар сыдэуштэу хъуна? – еупчӀыгъ Мерэм мэлэӀичым. – Сэ сыпшъэшъэ дэмыкӀу.
35– Тхьэм ы Псэ ЛъапӀэ къыпфехыщт, анахь Лъагэм ыкӀуачӀи уигъусэщт, – къыриӀожьыгъ мэлэӀичым. – Арышъ, кӀэлэ лъапӀэу къэхъущтым Тхьэм ы КъокӀэ еджэщтых. 36Мары, уиблэгъэ Елизабетэу сабый зыхэмыкӀынэу зыфаӀощтыгъэм ижъышъхьэм ышъо сабый хидзагъэу, джы яхэнэрэ мазэм ит; 37сыда пӀомэ, Тхьэм ымылъэкӀын Ӏоф зи щыӀэп.
38– Мары, сэ Зиусхьаным сыриӀорышӀ, – къыӀуагъ Мерэм. – О зэрэпӀуагъэм тетэу къысэрэхъулӀ. ЕтӀанэ мэлэӀичыр, Мерэм къыгъани, ӀукӀыжьыгъ.
Мерэм Елизабетэ дэжь зэрэкӀуагъэр
39А мафэхэм Мерэм зигъэхьазыри, Ӏошъхьэ хэкум щыщэу Иудэ текӀыгъэ лӀапкъор зыдэс къуаджэм псынкӀэу кӀуагъэ. 40А къуаджэм зынэсым, Зэчрей иунэ Мерэм ихьи, Елизабетэ шӀуфэс рихыгъ. 41Елизабетэ Мерэм ишӀуфэс гущыӀэ зызэхехым, сабыеу ышъо хэлъым зыкъыгъэхъыягъ. Джащыгъум Тхьэм ы Псэ ЛъапӀэ Елизабетэ ыгу инэу илъ хъугъэ, 42Елизабети мэкъэшхокӀэ къыӀуагъ: – Бзылъфыгъэ пстэумэ анахьи Тхьэм ынэшӀу о нахь къыпщифагъ, о ппкъы къыхэкӀыщт сабыими Тхьэм ынэшӀу къыщифагъ. 43Сэ сыхэт, си Зиусхьан янэ садэжь къэкӀонэу? 44О уишӀуфэс гущыӀэ сэ стхьакӀумэ къызынэсым, сшъо хэлъ сабыим гушӀуагъокӀэ зыкъыгъэхъыягъ. 45Зиусхьаным къыриӀуагъэр къехъулӀэнкӀэ зышӀошъ хъугъэр гъогу мафэ теуцуагъ!
Зиусхьаным Мерэм щытхъушхо зэрэфишӀыгъэр
46ЕтӀанэ Мерэм къыӀуагъ:
– Сэ спсэкӀэ Зиусхьаным илъэгагъэ щытхъушхор фэсэшӀы,
47сымыкӀодэу сыкъэзгъэнэжьырэ Тхьэм инэу сегъэгушӀо,
48сыда пӀомэ, Зиусхьаныр иӀорышӀэ тхьамыкӀэ нэшӀукӀэ къеплъыгъ. Мары, джы щегъэжьагъэу лъэхъан пстэуми яцӀыфхэм сэ гъогу мафэ сытеуцуагъэу аӀощт,
49сыда пӀомэ, ЛъэкӀышхо ЗиӀэм Ӏоф гъэшӀэгъонхэр къысфишӀагъэх. Ежь ыцӀэр ары лъапӀэр.
50ШӀолӀыкӀ ежь фызиӀэ цӀыфхэм гукӀэгъу афешӀы Тхьэм, ятэ щегъэжьагъэу ыкъо нэс.
51Ӏоф гъэшӀэгъонхэр ыӀэкӀэ ыгъэхъагъэх, пэгагъэ зыгу илъхэр зэбгырифыгъэх.
52Тетыгъо зиехэр ятӀысыпӀэхэм къаридзыхыгъэх, пэгагъэ зыгу имылъхэр къыӀэтыгъэх.
53ЩыкӀагъэ зиӀэхэм тынышӀухэр аритыгъ, ау байхэр ӀэнэкӀхэу къыгъэнагъэх.
54,55ИӀорышӀэу израиль лъэпкъым лъэплъэ. Тятэшхохэр къызэригъэгугъагъэхэм атетэу, Ибрахьимэрэ ащ къытекӀыгъэ цӀыфхэмрэ гукӀэгъу афишӀыныр ыгу илъ зэпыт.
56Елизабетэ дэжь Мерэм мэзищэ щыӀагъ, етӀанэ ядэжь ыгъэзэжьыгъ.
УмэхъэкӀо Иуан къызэрэхъугъэр
57Елизабетэ илъфэгъу мафэ къэси, къо къыфэхъугъ. 58Игъунэгъухэмрэ иблагъэхэмрэ Зиусхьаным гукӀэгъушхо ащ къызэрэфишӀыгъэр зызэхахым, Елизабетэ фэгушӀуагъэх.
59Яенэрэ мафэм сабыир сунэт ашӀынэу зызэрэугъоихэм, тым ыцӀэкӀэ еджэнхэу, Зэчрей фаусынэу фэягъэх. 60Ау сабыим янэ афидагъэп. – Хьау, ащ Иуан ыцӀэщт, – ыӀуагъ.
61– О уиблагъэхэм зи ахэтэп ащ фэдэ цӀэ зиӀэ, – къыраӀожьыгъ ахэмэ.
62Ащ нэуж сабыим ятэ ӀэкӀэ зэхырагъэшӀыкӀызэ, цӀэу фиусынэу зыфаемкӀэ еупчӀыгъэх. 63Ащ пхъэмбгъу цӀыкӀу къахьынэу агуригъэӀуагъ. Ар къызахьым, ащ тыритхагъ: – Ащ ыцӀэщтыр Иуан. Ахэмэ зэкӀэми ар агъэшӀэгъуагъ. 64Ардэдэм ыбзэ къытӀупщыжьыгъ, Тхьэм щытхъу фишӀэзэ, къэгущыӀэжьыгъ. 65Гъунэгъухэу къегъэтӀысыкӀыгъэхэр зэкӀэ щынэгъошхом хэфагъэх, Иудей Ӏошъхьэ хэкум тыдэкӀи а пстэури зэкӀэ щызэлъашӀагъ. 66А Ӏофхэр зэхэзыхыгъэ пстэуми ахэр агухэм раубытагъэу аӀощтыгъ: – Мы сабыир сыд фэдэ хъущта? Сыда пӀомэ, Зиусхьаным ынэшӀу ащ къыщифагъ.
Зэчрей ыгу Тхьэм къырилъхьэгъэ гущыӀэхэр къызэриӀуагъэхэр
67Тхьэм ы Псэ ЛъапӀэ сабыим ятэу Зэчрей ыгу инэу илъ хъуи, мы гущыӀэхэр къыригъэӀуагъэх:
68– Зиусхьанэу Израиль и Тхьэ щытхъушхор ий, сыда пӀомэ, ицӀыф лъэпкъэу Израиль нэшӀукӀэ къеплъи, шъхьафитыныгъэ къыритыгъ.
69Тхьэм ежь фэӀорышӀэрэ пачъыхьэ Даутэ къытекӀыгъэ цӀыфхэм ащыщэу лъэкӀышхо зиӀэу, тымыкӀодэу тыкъэзгъэнэжьыщтыр къытфигъэкӀуагъ,
70пасэм щегъэжьагъэу ипегъымбар лъапӀэхэм агухэм къарилъхьи, къызэраригъэӀуагъэм фэдэу.
71Ащ типыйхэм тащиухъумэу, тымыкӀодэу тыкъыгъэнэжьыщт, тызыуджэгъухэрэми тыкъаӀэкӀихыжьыщт.
72Аущтэу Тхьэм тятэжъышхохэм гукӀэгъушхо къафешӀы, зэзэгъыныгъэ лъапӀэу ежьыррэ тятэжъышхоу Ибрахьимэрэ азыфагу гущыӀэ пытэкӀэ дилъхьагъэри егъэцакӀэ.
73А гущыӀэ пытэр мыры:
74Тэ типыйхэм тыкъаӀэкӀихыжьыщт, щынагъуи тыгухэм арымылъэу, ежь тыфэлэжьэныр тигъэлъэкӀыщт,
75Ежь ыпашъхьэ тигъашӀэкӀэ гукъэбзагъэрэ шъыпкъагъэрэ тиӀэхэзэ.
76ЕтӀанэ Зэчрей къыпигъэхъожьыгъ: – О сикӀал, анахь Лъагэм урипегъымбарэу аӀощт, сыда пӀомэ, Зиусхьаным игъогу бгъэпсынэу ежь ыпэ укӀощт.
77О Зиусхьаным ицӀыф лъэпкъ ебгъэшӀэщт, япсэкӀодхэр зэрафигъэгъухэрэмкӀэ ахэр мыкӀодхэу, Тхьэм къызэригъэнэжьхэрэр.
78Ти Тхьэ гукӀэгъоу иӀэр ины. Ар къыкъокӀырэ тыгъэм фэдэу уашъом къикӀэу къытфэкӀощт,
79лӀэныгъэм ищынагъо хэтхэмрэ шӀункӀым хэтхэмрэ атепсэным паий, мамырныгъэ гъогум тытыригъэхьаным паий.
80Сабыим зыкъыӀэтыгъ, ыгуи ыпси хэхъуагъ. Израиль цӀыфмэ апашъхьэ къызщихьащт мафэм нэс шъоф нэкӀым щыӀагъ.
Currently Selected:
Лука 1: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Лука 1
1
АПЭРЭШЪХЬ
Мы тхылъыр зыкӀэстхыгъэр
1Хъугъэ-шӀагъэхэу тапашъхьэ щыхъугъэхэм якъэбархэр атхыжьынхэу цӀыфыбэхэр пылъыгъэх. 2Ахэмэ атхыгъэхэр цӀыфхэу а Ӏофхэр ублапӀэм щегъэжьагъэу нэкӀэ зылъэгъугъэхэмрэ Тхьэм игущыӀэхэм афэлэжьагъэхэмрэ къызэрэтаӀотэжьыгъэхэм атетэу ары. 3Аущтэу сэри мы хъугъэ-шӀэгъэ Ӏоф пстэуми яублапӀэ щегъэжьагъэу сыфэсакъыпэу зысэгъэунэфым, о, лъытэныгъэ зифэшъошэ Теофил#1:3 Теофил – Лука мы тхылъыр зыфитхырэр ары, еплъ Апостол. 1:1. Теофил тхьэмэтэ горагъ, Христос ехьылӀэгъэ къэбарышӀуми щыгъозагъ. Ащ нэмыкӀэу Теофил икъэбар зи тиӀэп., зэкӀэлъыкӀоу пфэстхынхэу тесыубытагъ, 4о узфагъэсагъэхэм яшъыпкъагъэ пшӀэным пае.
УмэхъэкӀо Иуан къызэрэхъущтыр мэлэӀич ДжэбраӀил къызэриӀуагъэр
5Иудей хэкум#1:5 Иудей хэкур – Фалестин хэгъэгур зэкӀэ ары. ипачъыхьэ Ирод#1:5 Ирод – Ирод Иныр ары. Исус къэхъуным ыпэкӀэ 37-4 илъэсхэм къакӀоцӀ Израиль хэгъэгум зэкӀэ ипачъыхьагъ. имафэхэм Зэчрей зыцӀэ дин пащэ горэ щыӀагъ. Ар АбиекӀэ заджэхэрэ дин пэщэ купым хэтыгъ. Ишъхьэгъусэ Елизабетэ Хьарунэ къытекӀыгъэ цӀыфхэм ащыщыгъ. 6ТӀуми Тхьэу ЗиусхьанымкӀэ шъыпкъагъэ яӀэу, иунашъохэмрэ ихабзэхэмрэ атетхэу, зэрагъэмысэнхэ Ӏоф зи амышӀэу псэущтыгъэх. 7Лъфыгъэ яӀагъэп, сыда пӀомэ, Елизабетэ сабый хэкӀыщтыгъэп, тӀури аныбжьыкӀэ хэкӀотэгъагъэх. 8Зэчрей зыхэт дин пэщэ купым Тхьэм иунэшхо щылэжьэнэу ичэзыу къызынэсым, Тхьэм ыпашъхьэ Зэчрей дин пэщэ Ӏоф щишӀэу ыублагъ. 9Дин пащэхэм яхабзэ тетэу пхъэдз зырадзэм, Зиусхьаным иунэшхо кӀоцӀ чӀэхьанышъ, мэ ӀэшӀу зыпихырэ уцыр Тхьэм пае ыгъэстынэу Зэчрей къытефагъ. 10Уцыр зыщагъэстын фэе сыхьатыр къэсыгъ. Зэчрей уцыр егъэстыфэ, зэкӀэ цӀыфхэр Тхьэм иунэшхо щагу Тхьэм щелъэӀущтыгъэх.
11Джащыгъум уц гъэстыпӀэм иджабгъукӀэ щытэу, Зиусхьаным имэлэӀич Зэчрей къыщыфэлъэгъуагъ. 12Зэчрей ар зелъэгъум, къащти, щынэгъэшхо хэфагъ. 13Джащыгъум мэлэӀичыр къыдэгущыӀагъ: – Укъэмыщт, Зэчрей. УилъэӀу Тхьэм къызэхихыгъ. Уишъхьэгъусэ Елизабетэ къо къыфэхъущт, ащи Иуан цӀэу о фэуусыщт. 14Ар оркӀэ гушӀогъошхорэ тхъэгъошхорэ хъущт, ар къызэрэхъугъэм пае, цӀыфыбэхэри гушӀощтых. 15ЗиусхьанымкӀэ лӀышхощт, сэнэпсымрэ узгъэутэшъощт шъонымрэ яшъощтэп, янэ ышъо зыхидзагъэм щегъэжьагъэуи Тхьэм ы Псэ ЛъапӀэ инэу ыгу илъыщт. 16Израиль цӀыфыбэхэри Зиусхьанэу я Тхьэ игъогу къытыригъэхьажьыщтых. 17Пегъымбар Иляс#1:17 Пегъымбар Иляс – еплъ Пегъымбар Малахие тхылъэу ытхыгъэм 4:5-6. ыгу Тхьэм ы Псэ ЛъапӀэ зэрилъыгъэм фэдэу, ащ ыгу илъэу, Иляс кӀуачӀэ зэриӀагъэм фэдэуи кӀуачӀэ иӀэу, Зиусхьаныр къэкӀоным ыпэкӀэ, ар къэкӀощт. Тыхэмрэ къохэмрэ агухэмкӀэ зэфэгъэзагъэхэу ышӀыщтых, Тхьэм емыдэӀухэри шъыпкъагъэ зиӀэ цӀыфхэм ягъогу тыригъэхьащтых. Аущтэу Зиусхьаным фэшъошэ лъэпкъ хъунэу ащ израиль лъэпкъыр ыгъэхьазырыщт.
18– Ар зэрэшъыпкъэр сыдэущтэу сшӀэщта? – риӀуагъ Зэчрей мэлэӀичым. – Сэ лӀыжъы сыхъугъ, сишъхьэгъуси ыныбжькӀэ хэкӀотагъ.
19– Тхьэм ыпашъхьэ ит мэлэӀич ДжэбраӀилыр сэры, – къыриӀожьыгъ мэлэӀичым. – Мы къэбарышӀур осӀоным пае, сыкъыбдэгущыӀэнэу Тхьэм сыкъыгъэкӀуагъ. 20Джы сэ къыосӀуагъэр пшӀошъ хъугъэпышъ, а зыфэсӀогъэ Ӏофхэр охъухэфэ, умыгущыӀэшъоу, бзакоу ущыӀэщт. Игъо къызысыкӀэ, ахэр къэхъунхэ фае.
21Зэчрей Тхьэм иунэшхо къызэрэчӀэмыкӀыжьырэр цӀыфхэм агъэшӀагъоу ащ нэсыфэ ежэщтыгъэх. 22ЕтӀанэ Зэчрей Тхьэм иунэшхо къызычӀэкӀыжьым, цӀыфхэм къадэгущыӀэн ылъэкӀыгъэп. Джащыгъум Тхьэм иунэшхо зыгорэ къызэрэщыфэлъэгъуагъэр къашӀагъ. Зэчрей зыфаер ыӀэхэмкӀэ къагуригъаӀоу, бзакоу къэнагъ.
23Тхьэм иунэшхо Ӏофэу щишӀэщтыгъэхэм ямафэхэр зытекӀыхэм, Зэчрей иунэ ыгъэзэжьыгъ. 24Бэ темышӀэу ишъхьэгъусэ Елизабетэ ышъо сабый хидзагъ, мэзитфырэ цӀыфмэ къахэхьагъэп. 25«Зиусхьаным мыр сэ къысфишӀагъ. Мы мафэхэм ынэшӀу къысщифэу, цӀыфмэ апашъхьэ симыгъуагъэ щыстырихыгъ», – ыӀощтыгъ ащ.
МэлэӀичэу ДжэбраӀил Исус къызэрэхъущтыр Мерэм къызэрэриӀуагъэр
26Елизабетэ зылъэрмыхьэр мэзих хъугъэу Тхьэм имэлэӀич ДжэбраӀил Галилей хэкум#1:26 Галилей хэкур – Израиль хэгъэгум итемыр лъэныкъо ит. Архелай ышэу Ирод Антипэ зыцӀэр а хэкум ипщыгъ. щыщэу, къалэу Назарет#1:26 къалэу Назарет – Галилей псыхъураем икъыблэ цыпэм километрэ 26-кӀэ пэчыжьэу итыгъэ къохьэпӀэ лъэныкъомкӀэ ит. къыгъэкӀуагъ. 27Ар къызфигъэкӀуагъэр Мерэм зыцӀэ пшъашъэр ары. Юсыфэу пачъыхьэ Даутэ къытекӀыгъэ цӀыфхэм ащыщым а Мерэм къыщэнэу ыгъэнэфэгъагъ. 28Мерэм зыдэщыӀэм мэлэӀичыр къакӀуи, къыӀуагъ: – ГушӀо, о Тхьэм ынэшӀу зыщифагъэр, Зиусхьаныр уигъусэ!
29МэлэӀичым къыӀуагъэм Мерэм лъэшэу гузэжъогъу хидзагъ, а шӀуфэс гущыӀэу къыриӀуагъэм къикӀырэми егупшысагъ.
30– Укъэмыщт, Мерэм, – къыриӀуагъ ащ мэлэӀичым, – Тхьэм ынэшӀу къыпщифагъ. 31О пшъо сабый хидзэнышъ, къо къыпфэхъущт. Ащ Исус#1:31 Исус – а цӀэм къикӀырэр «цӀыфхэр мыкӀодхэу Къэзгъэнэжьырэр» ары. цӀэу о фэуусышт. 32Ар цӀыфышхо хъущт, анахь Лъагэм ы КъокӀи еджэщтых. Я Тэшхо пачъыхьэ Даутэ итӀысыпӀэ лъапӀэ Зиусхьан Тхьэм ащ къыритыщт, 33мыкӀодыжьын тетыгъуи Якъубэ илъэпкъ фыриӀэщт. Итетыгъошхуи егъэшӀэм кӀэух иӀэщтэп.
34– Ар сыдэуштэу хъуна? – еупчӀыгъ Мерэм мэлэӀичым. – Сэ сыпшъэшъэ дэмыкӀу.
35– Тхьэм ы Псэ ЛъапӀэ къыпфехыщт, анахь Лъагэм ыкӀуачӀи уигъусэщт, – къыриӀожьыгъ мэлэӀичым. – Арышъ, кӀэлэ лъапӀэу къэхъущтым Тхьэм ы КъокӀэ еджэщтых. 36Мары, уиблэгъэ Елизабетэу сабый зыхэмыкӀынэу зыфаӀощтыгъэм ижъышъхьэм ышъо сабый хидзагъэу, джы яхэнэрэ мазэм ит; 37сыда пӀомэ, Тхьэм ымылъэкӀын Ӏоф зи щыӀэп.
38– Мары, сэ Зиусхьаным сыриӀорышӀ, – къыӀуагъ Мерэм. – О зэрэпӀуагъэм тетэу къысэрэхъулӀ. ЕтӀанэ мэлэӀичыр, Мерэм къыгъани, ӀукӀыжьыгъ.
Мерэм Елизабетэ дэжь зэрэкӀуагъэр
39А мафэхэм Мерэм зигъэхьазыри, Ӏошъхьэ хэкум щыщэу Иудэ текӀыгъэ лӀапкъор зыдэс къуаджэм псынкӀэу кӀуагъэ. 40А къуаджэм зынэсым, Зэчрей иунэ Мерэм ихьи, Елизабетэ шӀуфэс рихыгъ. 41Елизабетэ Мерэм ишӀуфэс гущыӀэ зызэхехым, сабыеу ышъо хэлъым зыкъыгъэхъыягъ. Джащыгъум Тхьэм ы Псэ ЛъапӀэ Елизабетэ ыгу инэу илъ хъугъэ, 42Елизабети мэкъэшхокӀэ къыӀуагъ: – Бзылъфыгъэ пстэумэ анахьи Тхьэм ынэшӀу о нахь къыпщифагъ, о ппкъы къыхэкӀыщт сабыими Тхьэм ынэшӀу къыщифагъ. 43Сэ сыхэт, си Зиусхьан янэ садэжь къэкӀонэу? 44О уишӀуфэс гущыӀэ сэ стхьакӀумэ къызынэсым, сшъо хэлъ сабыим гушӀуагъокӀэ зыкъыгъэхъыягъ. 45Зиусхьаным къыриӀуагъэр къехъулӀэнкӀэ зышӀошъ хъугъэр гъогу мафэ теуцуагъ!
Зиусхьаным Мерэм щытхъушхо зэрэфишӀыгъэр
46ЕтӀанэ Мерэм къыӀуагъ:
– Сэ спсэкӀэ Зиусхьаным илъэгагъэ щытхъушхор фэсэшӀы,
47сымыкӀодэу сыкъэзгъэнэжьырэ Тхьэм инэу сегъэгушӀо,
48сыда пӀомэ, Зиусхьаныр иӀорышӀэ тхьамыкӀэ нэшӀукӀэ къеплъыгъ. Мары, джы щегъэжьагъэу лъэхъан пстэуми яцӀыфхэм сэ гъогу мафэ сытеуцуагъэу аӀощт,
49сыда пӀомэ, ЛъэкӀышхо ЗиӀэм Ӏоф гъэшӀэгъонхэр къысфишӀагъэх. Ежь ыцӀэр ары лъапӀэр.
50ШӀолӀыкӀ ежь фызиӀэ цӀыфхэм гукӀэгъу афешӀы Тхьэм, ятэ щегъэжьагъэу ыкъо нэс.
51Ӏоф гъэшӀэгъонхэр ыӀэкӀэ ыгъэхъагъэх, пэгагъэ зыгу илъхэр зэбгырифыгъэх.
52Тетыгъо зиехэр ятӀысыпӀэхэм къаридзыхыгъэх, пэгагъэ зыгу имылъхэр къыӀэтыгъэх.
53ЩыкӀагъэ зиӀэхэм тынышӀухэр аритыгъ, ау байхэр ӀэнэкӀхэу къыгъэнагъэх.
54,55ИӀорышӀэу израиль лъэпкъым лъэплъэ. Тятэшхохэр къызэригъэгугъагъэхэм атетэу, Ибрахьимэрэ ащ къытекӀыгъэ цӀыфхэмрэ гукӀэгъу афишӀыныр ыгу илъ зэпыт.
56Елизабетэ дэжь Мерэм мэзищэ щыӀагъ, етӀанэ ядэжь ыгъэзэжьыгъ.
УмэхъэкӀо Иуан къызэрэхъугъэр
57Елизабетэ илъфэгъу мафэ къэси, къо къыфэхъугъ. 58Игъунэгъухэмрэ иблагъэхэмрэ Зиусхьаным гукӀэгъушхо ащ къызэрэфишӀыгъэр зызэхахым, Елизабетэ фэгушӀуагъэх.
59Яенэрэ мафэм сабыир сунэт ашӀынэу зызэрэугъоихэм, тым ыцӀэкӀэ еджэнхэу, Зэчрей фаусынэу фэягъэх. 60Ау сабыим янэ афидагъэп. – Хьау, ащ Иуан ыцӀэщт, – ыӀуагъ.
61– О уиблагъэхэм зи ахэтэп ащ фэдэ цӀэ зиӀэ, – къыраӀожьыгъ ахэмэ.
62Ащ нэуж сабыим ятэ ӀэкӀэ зэхырагъэшӀыкӀызэ, цӀэу фиусынэу зыфаемкӀэ еупчӀыгъэх. 63Ащ пхъэмбгъу цӀыкӀу къахьынэу агуригъэӀуагъ. Ар къызахьым, ащ тыритхагъ: – Ащ ыцӀэщтыр Иуан. Ахэмэ зэкӀэми ар агъэшӀэгъуагъ. 64Ардэдэм ыбзэ къытӀупщыжьыгъ, Тхьэм щытхъу фишӀэзэ, къэгущыӀэжьыгъ. 65Гъунэгъухэу къегъэтӀысыкӀыгъэхэр зэкӀэ щынэгъошхом хэфагъэх, Иудей Ӏошъхьэ хэкум тыдэкӀи а пстэури зэкӀэ щызэлъашӀагъ. 66А Ӏофхэр зэхэзыхыгъэ пстэуми ахэр агухэм раубытагъэу аӀощтыгъ: – Мы сабыир сыд фэдэ хъущта? Сыда пӀомэ, Зиусхьаным ынэшӀу ащ къыщифагъ.
Зэчрей ыгу Тхьэм къырилъхьэгъэ гущыӀэхэр къызэриӀуагъэхэр
67Тхьэм ы Псэ ЛъапӀэ сабыим ятэу Зэчрей ыгу инэу илъ хъуи, мы гущыӀэхэр къыригъэӀуагъэх:
68– Зиусхьанэу Израиль и Тхьэ щытхъушхор ий, сыда пӀомэ, ицӀыф лъэпкъэу Израиль нэшӀукӀэ къеплъи, шъхьафитыныгъэ къыритыгъ.
69Тхьэм ежь фэӀорышӀэрэ пачъыхьэ Даутэ къытекӀыгъэ цӀыфхэм ащыщэу лъэкӀышхо зиӀэу, тымыкӀодэу тыкъэзгъэнэжьыщтыр къытфигъэкӀуагъ,
70пасэм щегъэжьагъэу ипегъымбар лъапӀэхэм агухэм къарилъхьи, къызэраригъэӀуагъэм фэдэу.
71Ащ типыйхэм тащиухъумэу, тымыкӀодэу тыкъыгъэнэжьыщт, тызыуджэгъухэрэми тыкъаӀэкӀихыжьыщт.
72Аущтэу Тхьэм тятэжъышхохэм гукӀэгъушхо къафешӀы, зэзэгъыныгъэ лъапӀэу ежьыррэ тятэжъышхоу Ибрахьимэрэ азыфагу гущыӀэ пытэкӀэ дилъхьагъэри егъэцакӀэ.
73А гущыӀэ пытэр мыры:
74Тэ типыйхэм тыкъаӀэкӀихыжьыщт, щынагъуи тыгухэм арымылъэу, ежь тыфэлэжьэныр тигъэлъэкӀыщт,
75Ежь ыпашъхьэ тигъашӀэкӀэ гукъэбзагъэрэ шъыпкъагъэрэ тиӀэхэзэ.
76ЕтӀанэ Зэчрей къыпигъэхъожьыгъ: – О сикӀал, анахь Лъагэм урипегъымбарэу аӀощт, сыда пӀомэ, Зиусхьаным игъогу бгъэпсынэу ежь ыпэ укӀощт.
77О Зиусхьаным ицӀыф лъэпкъ ебгъэшӀэщт, япсэкӀодхэр зэрафигъэгъухэрэмкӀэ ахэр мыкӀодхэу, Тхьэм къызэригъэнэжьхэрэр.
78Ти Тхьэ гукӀэгъоу иӀэр ины. Ар къыкъокӀырэ тыгъэм фэдэу уашъом къикӀэу къытфэкӀощт,
79лӀэныгъэм ищынагъо хэтхэмрэ шӀункӀым хэтхэмрэ атепсэным паий, мамырныгъэ гъогум тытыригъэхьаным паий.
80Сабыим зыкъыӀэтыгъ, ыгуи ыпси хэхъуагъ. Израиль цӀыфмэ апашъхьэ къызщихьащт мафэм нэс шъоф нэкӀым щыӀагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм