Лука 5
5
ЯТФЭНЭРЭШЪХЬ
Исус игъогу рыкӀонхэу апэрэ нэбгырищым къызэряджагъэр
(Маттэ 4:18-22; Марк 1:16-20)
1Мафэ горэм Исус Геннисарет зыцӀэ псыхъураем#5:1 Геннисарет зыцӀэ псыхъураер – Галилей псыхъураер ары. Галилей хэкум ит псыхъурай. ИкӀыхьагъэ километрэ 21-рэ мэхъу, инахь шъомбгъуапӀэр километрэ 13 мэхъу. Ӏутызэ, Тхьэм игущыӀэхэм ядэӀунхэм пае, цӀыф купышхохэр къэзэрэугъоихи, тезэрэгъэгуагъэх. 2А чӀыпӀэм псы Ӏушъом къошъуитӀу Ӏутэу Исус ылъэгъугъ. Пцэжъыяшэхэр ахэмэ къарыкӀыгъэхэу, яхъытыухэр аукъэбзэщтыгъэх. 3А къуашъохэм язэу Симон ием Исус ихьи, тӀэкӀу ӀукӀотынэу Симон риӀуи, тӀысыгъэ. ЕтӀанэ къуашъом исэу, цӀыф купышхохэм Тхьэм игущыӀэхэр аригъашӀэхэу ыублагъ.
4ЦӀыфхэм Тхьэм игущыӀэхэр зарегъашӀэхэ ужым, Исус Симон риӀуагъ: – КуупӀэм хахьи, пцэжъые къэшъуубытыным пае, шъуихъытыухэр хэшъудзэх.
5– Тхьэматэ, чэщ реным бэрэ тыулэугъ, ау зи къэтыубытыгъэп, – къыӀожьыгъ Симон. – Ау о зэрэпӀорэм тетэу, джыри зэ хъытыухэр хэсыдзэщтых.
6Хъытыухэр зыхадзэхэм, пцэжъыябэ къаубытыгъэти, яхъытыухэр зэготхъыхэу аублагъ. 7Ягъусэхэу адрэ къуашъом исхэр къэкӀонхэшъ, къадэӀэпыӀэнхэу Ӏэ афашӀыгъ. Ахэр къакӀохи, чӀэбынкӀэ щынагъоу къошъуитӀумэ пцэжъые арыз ашӀыгъ.
8Симон Петрэ ар зелъэгъум, Исус ылъакъохэм адэжь зыщыридзыхи, ыӀуагъ: – Сэ збгъодэкӀ, Зиусхьан! Сэ сыпсэкӀодышӀэ цӀыф.
9Ар зыкӀиӀуагъэр пцэжъыехэу къаубытыгъэхэр зэрэбагъэм пае, ежьыри адрэ игъусэхэми агучӀэ изыгъагъэти ары. 10Ащ фэдэу Зебедей ыкъуитӀоу Якъуби Иуани Симон дэлажьэщтыгъэхэми агучӀэ изыгъагъ. – Умыщын, – риӀуагъ Исус Симон. – Пцэжъые къэуубытыным ыуж узэритыгъэм фэдэу, джы къыщегъэжьагъэу цӀыфхэр сэ сигъогу къытебгъэхьащтых.
11ЕтӀанэ ахэмэ якъуашъохэр псым къыхалъэшъужьхи, зэпстэури къагъани, Исус ыуж ихьагъэх.
Исус шъоджэ уз Ӏае зиӀэ лӀы горэ зэригъэхъужьыгъэр
(Маттэ 8:1-4; Марк 1:40-45)
12Исус къалэ горэм щыӀэу, шъоджэ уз Ӏаем зэлъиубытыгъэ лӀы горэ къэкӀуагъ. Ащ Исус зэрилъэгъугъэм тетэу, чӀыгум бгъэгукӀэ зыридзыхи, елъэӀугъ: – Тхьэматэ, уфаемэ, сыбгъэхъужьын плъэкӀыщт.
13Исус ыӀэ ыщэий, тырилъхьи#5:13 тырилъхьи – шъоджэ уз Ӏае зиӀэм пӀэ теплъхьэнэу хъущтыгъэп., къыӀуагъ: – Сыфай, псаоу хъужь! Ардэдэм шъоджэ узыр а лӀым хэкӀыжьыгъ. 14Исус ащ фигъэпытэу риӀуагъ: – Мыр зыми емыӀотэжь, ау дин пащэм дэжь кӀуи, зегъэлъэгъу. Узэрэхъужьыгъэм пае, пегъымбар Мусэ иунашъо тетэу къурмэн шӀы. Ар узэрэхъужьыгъэмкӀэ цӀыфхэм апашъхьэ шыхьат щыхъущт.
15Ау Исус икъэбар ыпэм нахьи нахьыбэу цӀыфмэ ахэхьагъэ хъугъэ. Аущтэу цӀыф купышхохэр Исус къыӀохэрэм къядэӀунхэу, яузхэри рагъэгъэхъужьынхэу ыдэжь къакӀохэу хъугъэ. 16Ау Исус цӀыфмэ ахэкӀызэ, Ӏудзыгъэ чӀыпӀэхэм Тхьэм щелъэӀуным пае, кӀоныр ихэбзагъ.
ЗыӀэпкъ-лъэпкъ узым зэкӀиубытэгъэ лӀыр Исус зэригъэхъужьыгъэр
(Маттэ 9:1-8; Марк 2:1-12)
17Мафэ горэм Исус цӀыфхэм Тхьэм игущыӀэхэр аригъашӀэщтыгъ. Галилей ыкӀи Иудей хэкухэм якъоджэ пстэуми, Ерусалими къарыкӀыгъэхэу, фарисейхэри Тэурат егъэджэкӀо пащэхэри Исус къедэӀущтыгъэ цӀыфхэм ахэсыгъэх. Сымаджэхэр ыгъэхъужьынхэу Зиусхьаным ыкӀуачӀэ Исус хэлъыгъ. 18Джащыгъум зыӀэпкъ-лъэпкъ узым зэкӀиубытэгъэ лӀы горэ пӀуаблэм телъэу нэбгырэ заулэмэ къахьыгъ, Исус ыпашъхьэ ралъхьаным пае, унэм рахьаным пылъыгъэх. 19Ау цӀыфхэр зэрэбагъэм къыхэкӀыкӀэ, сымаджэр унэм рахьан алъэкӀыгъэп. Аущтэу зэхъум, унашъхьэм дэкӀуаехи, унашъхьэм щыщ тырахи, сымаджэр пӀуаблэм телъэу, цӀыф пстэуми къалъэгъоу Исус ыпашъхьэ къыратӀупщэхыгъ.
20Ахэмэ яшӀошъхъуныгъэ зелъэгъум, Исус а лӀым риӀуагъ: – УипсэкӀодшӀагъэхэр къыпфэгъугъэх.
21Ар зеӀом, Тэурат егъэджэкӀо пащэхэмрэ фарисейхэмрэ агухэмкӀэ аӀоу аублагъ: – Хэта мыр? Тхьэр егъэпцӀыба? Тхьэм нэмыкӀэу, хэта псэкӀодшӀагъэхэр зыгъэгъун зылъэкӀырэр?
22Ау Исус ахэмэ агухэм арылъыр ешӀэти, ариӀуагъ: – Сыд пае ащ фэдэ Ӏофхэр шъо шъугукӀэ шъуӀора? 23Тара нахь псынкӀагъор, «УипсэкӀодшӀагъэхэр къыпфэгъугъэх» пӀоныр ара, хьауми «Къэтэджи къэкӀухь» пӀоныр ара? 24Ау къэшъушӀэным пае, ЦӀыф Лъэпкъым ы Къо псэкӀодшӀагъэхэр ыгъэгъунхэу дунаим тетыгъо зэрэщыриӀэр, – джащыгъум Исус зыӀэпкъ-лъэпкъ узым зэкӀиубытэгъэ лӀым риӀуагъ: – Сэ осэӀо, къэтэджи, уипӀуаблэ къашти, шъуадэжь кӀожь!
25Ардэдэм а лӀыр ахэмэ апашъхьэ къыщытэджи, пӀуаблэу зытелъыгъэр зыдиштэжьи, Тхьэм щытхъу фишӀызэ, ядэжь кӀожьыгъэ. 26ЗэкӀэми агучӀэ изыгъэу Тхьэм щытхъу фашӀыщтыгъ. Щынагъэхэу къаӀощтыгъ: – Сыд гъэшӀэгъонышху тэ непэ тлъэгъугъэр!
Исус игъогу рыкӀонэу Лэуй къызэреджагъэр
(Маттэ 9:9-13; Марк 2:13-17)
27Ащ нэуж Исус къызыдэкӀым, хьакъулахь ахъщэ зыщыхахырэ унэм Ӏусэу, хьакъулахь ахъщэр хэзыхырэ лӀы горэу Лэуй зыцӀэр ылъэгъугъ. – Сауж къырыкӀу, – риӀуагъ Исус. 28Лэуй къэтэджи, зэкӀэри къыгъани, Исус ыуж ихьагъ.
29ЕтӀанэ Лэуй иунэ гухэхъо Ӏанэ Исус фытыригъэуцуагъ. Хьакъулахь ахъщэр хэзыххэрэмрэ нэмыкӀ хьакӀэхэмрэ бэ хъухэу Ӏанэм пэсыгъэх. 30Аущтэу залъэгъум, фарисейхэмрэ Тэурат егъэджэкӀо пащэхэмрэ ар агу римыхьэу, Исус игъогу рыкӀохэрэм араӀуагъ: – Хьакъулахь ахъщэр хэзыххэрэмрэ псэкӀодышӀэхэмрэ сыда шъузкӀадашхэрэри шъузкӀадешъорэри?
31– Псаухэр арэп Ӏазэ зищыкӀагъэхэр, сымаджэхэр ары нахь, – ариӀожьыгъ Исус. 32– Шъыпкъагъэ зиӀэ цӀыфхэм сяджэнэу арэп сыкъызфэкӀуагъэр, псэкӀодышӀэхэр япсэкӀодшӀагъэхэм афыкӀэгъожьынхэм пае сяджэнэу ары нахь.
Джурт тхьэматэхэр нэкӀым ехьылӀагъэу
Исус къызэреупчӀыгъэхэр
(Маттэ 9:14-17; Марк 2:18-22)
33Фарисейхэмрэ Тэурат егъэджэкӀо пащэхэмрэ Исус къыраӀуагъ: – Иуан игъогу рыкӀохэрэм бэрэ анэкӀы, Тхьэм елъэӀух, фарисейхэм ягъогу рыкӀохэрэри ары, ау о уигъогу рыкӀохэрэр машхэх, ешъох.
34– Шъаор ягъусэфэкӀэ, шъаом игъусэхэр жъугъэнэкӀынха? – ариӀожьыгъ Исус ахэмэ. 35– Ау шъаор затырахыщт мафэхэр къэкӀощтых. А мафэхэр къызыкӀохэкӀэ, анэкӀыщт.
36Джащыгъум зы гъэсэпэтхыдэ къафиӀотагъ: – Зыми идэжьын щыгъыныкӀэм къыпитхъэу щыгъыныжъым фишӀырэп. Аущтэу ышӀымэ, щыгъыныкӀэри зэӀитхъыжьыщт, щыгъыныкӀэм щыщ идэжьыныр щыгъыныжъыми екӀущтэп. 37Джащ фэдэу зыми сэнэпс шӀыгъакӀэр шъонтыжъхэм аригъахъорэп. Аущтэу ышӀымэ, сэнэпс шӀыгъакӀэм шъонтхэр къызэгуитхъынхэшъ, сэнэпсри къичъыжьыщт, шъонтхэри кӀодыщтых. 38Ау сэнэпс шӀыгъакӀэр шъонтыкӀэхэм арагъахъон фае. Ащыгъум тӀури мыкӀодхэу къэнэжьыщтых. 39Сэнэпсыжъ ешъуагъэм сэнэпс шӀыгъакӀэм ыгу еӀущтэп; сыда пӀомэ, сэнэпсыжъыр нахь дэгъоу еӀошъ ары.
Currently Selected:
Лука 5: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Лука 5
5
ЯТФЭНЭРЭШЪХЬ
Исус игъогу рыкӀонхэу апэрэ нэбгырищым къызэряджагъэр
(Маттэ 4:18-22; Марк 1:16-20)
1Мафэ горэм Исус Геннисарет зыцӀэ псыхъураем#5:1 Геннисарет зыцӀэ псыхъураер – Галилей псыхъураер ары. Галилей хэкум ит псыхъурай. ИкӀыхьагъэ километрэ 21-рэ мэхъу, инахь шъомбгъуапӀэр километрэ 13 мэхъу. Ӏутызэ, Тхьэм игущыӀэхэм ядэӀунхэм пае, цӀыф купышхохэр къэзэрэугъоихи, тезэрэгъэгуагъэх. 2А чӀыпӀэм псы Ӏушъом къошъуитӀу Ӏутэу Исус ылъэгъугъ. Пцэжъыяшэхэр ахэмэ къарыкӀыгъэхэу, яхъытыухэр аукъэбзэщтыгъэх. 3А къуашъохэм язэу Симон ием Исус ихьи, тӀэкӀу ӀукӀотынэу Симон риӀуи, тӀысыгъэ. ЕтӀанэ къуашъом исэу, цӀыф купышхохэм Тхьэм игущыӀэхэр аригъашӀэхэу ыублагъ.
4ЦӀыфхэм Тхьэм игущыӀэхэр зарегъашӀэхэ ужым, Исус Симон риӀуагъ: – КуупӀэм хахьи, пцэжъые къэшъуубытыным пае, шъуихъытыухэр хэшъудзэх.
5– Тхьэматэ, чэщ реным бэрэ тыулэугъ, ау зи къэтыубытыгъэп, – къыӀожьыгъ Симон. – Ау о зэрэпӀорэм тетэу, джыри зэ хъытыухэр хэсыдзэщтых.
6Хъытыухэр зыхадзэхэм, пцэжъыябэ къаубытыгъэти, яхъытыухэр зэготхъыхэу аублагъ. 7Ягъусэхэу адрэ къуашъом исхэр къэкӀонхэшъ, къадэӀэпыӀэнхэу Ӏэ афашӀыгъ. Ахэр къакӀохи, чӀэбынкӀэ щынагъоу къошъуитӀумэ пцэжъые арыз ашӀыгъ.
8Симон Петрэ ар зелъэгъум, Исус ылъакъохэм адэжь зыщыридзыхи, ыӀуагъ: – Сэ збгъодэкӀ, Зиусхьан! Сэ сыпсэкӀодышӀэ цӀыф.
9Ар зыкӀиӀуагъэр пцэжъыехэу къаубытыгъэхэр зэрэбагъэм пае, ежьыри адрэ игъусэхэми агучӀэ изыгъагъэти ары. 10Ащ фэдэу Зебедей ыкъуитӀоу Якъуби Иуани Симон дэлажьэщтыгъэхэми агучӀэ изыгъагъ. – Умыщын, – риӀуагъ Исус Симон. – Пцэжъые къэуубытыным ыуж узэритыгъэм фэдэу, джы къыщегъэжьагъэу цӀыфхэр сэ сигъогу къытебгъэхьащтых.
11ЕтӀанэ ахэмэ якъуашъохэр псым къыхалъэшъужьхи, зэпстэури къагъани, Исус ыуж ихьагъэх.
Исус шъоджэ уз Ӏае зиӀэ лӀы горэ зэригъэхъужьыгъэр
(Маттэ 8:1-4; Марк 1:40-45)
12Исус къалэ горэм щыӀэу, шъоджэ уз Ӏаем зэлъиубытыгъэ лӀы горэ къэкӀуагъ. Ащ Исус зэрилъэгъугъэм тетэу, чӀыгум бгъэгукӀэ зыридзыхи, елъэӀугъ: – Тхьэматэ, уфаемэ, сыбгъэхъужьын плъэкӀыщт.
13Исус ыӀэ ыщэий, тырилъхьи#5:13 тырилъхьи – шъоджэ уз Ӏае зиӀэм пӀэ теплъхьэнэу хъущтыгъэп., къыӀуагъ: – Сыфай, псаоу хъужь! Ардэдэм шъоджэ узыр а лӀым хэкӀыжьыгъ. 14Исус ащ фигъэпытэу риӀуагъ: – Мыр зыми емыӀотэжь, ау дин пащэм дэжь кӀуи, зегъэлъэгъу. Узэрэхъужьыгъэм пае, пегъымбар Мусэ иунашъо тетэу къурмэн шӀы. Ар узэрэхъужьыгъэмкӀэ цӀыфхэм апашъхьэ шыхьат щыхъущт.
15Ау Исус икъэбар ыпэм нахьи нахьыбэу цӀыфмэ ахэхьагъэ хъугъэ. Аущтэу цӀыф купышхохэр Исус къыӀохэрэм къядэӀунхэу, яузхэри рагъэгъэхъужьынхэу ыдэжь къакӀохэу хъугъэ. 16Ау Исус цӀыфмэ ахэкӀызэ, Ӏудзыгъэ чӀыпӀэхэм Тхьэм щелъэӀуным пае, кӀоныр ихэбзагъ.
ЗыӀэпкъ-лъэпкъ узым зэкӀиубытэгъэ лӀыр Исус зэригъэхъужьыгъэр
(Маттэ 9:1-8; Марк 2:1-12)
17Мафэ горэм Исус цӀыфхэм Тхьэм игущыӀэхэр аригъашӀэщтыгъ. Галилей ыкӀи Иудей хэкухэм якъоджэ пстэуми, Ерусалими къарыкӀыгъэхэу, фарисейхэри Тэурат егъэджэкӀо пащэхэри Исус къедэӀущтыгъэ цӀыфхэм ахэсыгъэх. Сымаджэхэр ыгъэхъужьынхэу Зиусхьаным ыкӀуачӀэ Исус хэлъыгъ. 18Джащыгъум зыӀэпкъ-лъэпкъ узым зэкӀиубытэгъэ лӀы горэ пӀуаблэм телъэу нэбгырэ заулэмэ къахьыгъ, Исус ыпашъхьэ ралъхьаным пае, унэм рахьаным пылъыгъэх. 19Ау цӀыфхэр зэрэбагъэм къыхэкӀыкӀэ, сымаджэр унэм рахьан алъэкӀыгъэп. Аущтэу зэхъум, унашъхьэм дэкӀуаехи, унашъхьэм щыщ тырахи, сымаджэр пӀуаблэм телъэу, цӀыф пстэуми къалъэгъоу Исус ыпашъхьэ къыратӀупщэхыгъ.
20Ахэмэ яшӀошъхъуныгъэ зелъэгъум, Исус а лӀым риӀуагъ: – УипсэкӀодшӀагъэхэр къыпфэгъугъэх.
21Ар зеӀом, Тэурат егъэджэкӀо пащэхэмрэ фарисейхэмрэ агухэмкӀэ аӀоу аублагъ: – Хэта мыр? Тхьэр егъэпцӀыба? Тхьэм нэмыкӀэу, хэта псэкӀодшӀагъэхэр зыгъэгъун зылъэкӀырэр?
22Ау Исус ахэмэ агухэм арылъыр ешӀэти, ариӀуагъ: – Сыд пае ащ фэдэ Ӏофхэр шъо шъугукӀэ шъуӀора? 23Тара нахь псынкӀагъор, «УипсэкӀодшӀагъэхэр къыпфэгъугъэх» пӀоныр ара, хьауми «Къэтэджи къэкӀухь» пӀоныр ара? 24Ау къэшъушӀэным пае, ЦӀыф Лъэпкъым ы Къо псэкӀодшӀагъэхэр ыгъэгъунхэу дунаим тетыгъо зэрэщыриӀэр, – джащыгъум Исус зыӀэпкъ-лъэпкъ узым зэкӀиубытэгъэ лӀым риӀуагъ: – Сэ осэӀо, къэтэджи, уипӀуаблэ къашти, шъуадэжь кӀожь!
25Ардэдэм а лӀыр ахэмэ апашъхьэ къыщытэджи, пӀуаблэу зытелъыгъэр зыдиштэжьи, Тхьэм щытхъу фишӀызэ, ядэжь кӀожьыгъэ. 26ЗэкӀэми агучӀэ изыгъэу Тхьэм щытхъу фашӀыщтыгъ. Щынагъэхэу къаӀощтыгъ: – Сыд гъэшӀэгъонышху тэ непэ тлъэгъугъэр!
Исус игъогу рыкӀонэу Лэуй къызэреджагъэр
(Маттэ 9:9-13; Марк 2:13-17)
27Ащ нэуж Исус къызыдэкӀым, хьакъулахь ахъщэ зыщыхахырэ унэм Ӏусэу, хьакъулахь ахъщэр хэзыхырэ лӀы горэу Лэуй зыцӀэр ылъэгъугъ. – Сауж къырыкӀу, – риӀуагъ Исус. 28Лэуй къэтэджи, зэкӀэри къыгъани, Исус ыуж ихьагъ.
29ЕтӀанэ Лэуй иунэ гухэхъо Ӏанэ Исус фытыригъэуцуагъ. Хьакъулахь ахъщэр хэзыххэрэмрэ нэмыкӀ хьакӀэхэмрэ бэ хъухэу Ӏанэм пэсыгъэх. 30Аущтэу залъэгъум, фарисейхэмрэ Тэурат егъэджэкӀо пащэхэмрэ ар агу римыхьэу, Исус игъогу рыкӀохэрэм араӀуагъ: – Хьакъулахь ахъщэр хэзыххэрэмрэ псэкӀодышӀэхэмрэ сыда шъузкӀадашхэрэри шъузкӀадешъорэри?
31– Псаухэр арэп Ӏазэ зищыкӀагъэхэр, сымаджэхэр ары нахь, – ариӀожьыгъ Исус. 32– Шъыпкъагъэ зиӀэ цӀыфхэм сяджэнэу арэп сыкъызфэкӀуагъэр, псэкӀодышӀэхэр япсэкӀодшӀагъэхэм афыкӀэгъожьынхэм пае сяджэнэу ары нахь.
Джурт тхьэматэхэр нэкӀым ехьылӀагъэу
Исус къызэреупчӀыгъэхэр
(Маттэ 9:14-17; Марк 2:18-22)
33Фарисейхэмрэ Тэурат егъэджэкӀо пащэхэмрэ Исус къыраӀуагъ: – Иуан игъогу рыкӀохэрэм бэрэ анэкӀы, Тхьэм елъэӀух, фарисейхэм ягъогу рыкӀохэрэри ары, ау о уигъогу рыкӀохэрэр машхэх, ешъох.
34– Шъаор ягъусэфэкӀэ, шъаом игъусэхэр жъугъэнэкӀынха? – ариӀожьыгъ Исус ахэмэ. 35– Ау шъаор затырахыщт мафэхэр къэкӀощтых. А мафэхэр къызыкӀохэкӀэ, анэкӀыщт.
36Джащыгъум зы гъэсэпэтхыдэ къафиӀотагъ: – Зыми идэжьын щыгъыныкӀэм къыпитхъэу щыгъыныжъым фишӀырэп. Аущтэу ышӀымэ, щыгъыныкӀэри зэӀитхъыжьыщт, щыгъыныкӀэм щыщ идэжьыныр щыгъыныжъыми екӀущтэп. 37Джащ фэдэу зыми сэнэпс шӀыгъакӀэр шъонтыжъхэм аригъахъорэп. Аущтэу ышӀымэ, сэнэпс шӀыгъакӀэм шъонтхэр къызэгуитхъынхэшъ, сэнэпсри къичъыжьыщт, шъонтхэри кӀодыщтых. 38Ау сэнэпс шӀыгъакӀэр шъонтыкӀэхэм арагъахъон фае. Ащыгъум тӀури мыкӀодхэу къэнэжьыщтых. 39Сэнэпсыжъ ешъуагъэм сэнэпс шӀыгъакӀэм ыгу еӀущтэп; сыда пӀомэ, сэнэпсыжъыр нахь дэгъоу еӀошъ ары.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм