Лука 6
6
ЯХЭНЭРЭШЪХЬ
Шэмбэт мафэм Исус игъогу рыкӀохэрэм коцышъхьэхэр къызэрэпачыгъэхэр
(Маттэ 12:1-8; Марк 2:23-28)
1Шэмбэт мафэ горэм Исус коц хьасэхэр зэпичыхэзэ, игъогу рыкӀохэрэм коцышъхьэхэр къыпачыхэзэ, ӀэгукӀэ аӀотхэзэ, ашхыщтыгъэх. 2Фарисей заулэмэ аӀуагъ: – Шэмбэт мафэм хабзэкӀэ пшӀэ мыхъущтыр#6:2 пшӀэ мыхъущтыр – Мусэ и Тэурат хабзэ иунашъо тетэу, шэмбэт мафэм лэжьыгъэ пхы хъущтыгъэп. Еплъ Пегъымбар Мусэ ятӀонэрэ тхылъэу ытхыгъэм 34:21. сыд пае шъушӀэра?
3– Даутэрэ игъусэхэмрэ мэлакӀэ лӀэхэ зэхъум, ащ ышӀагъэм шъуеджагъэба? – ариӀожьыгъ Исус ахэмэ. 4– Ар Тхьэм иунэ ихьи, цӀыфхэм Тхьэм ыпашъхьэ ралъхьэгъэ хьалыгъур#6:4 цӀыфхэм Тхьэм ыпашъхьэ ралъхьэгъэ хьалыгъур – еплъ Пегъымбар Мусэ ящэнэрэ тхылъэу ытхыгъэм 24:5-9. ышти, ышхыгъ, игъусэхэми аригъэшхыгъ. А хьалыгъур дин пащэхэм анэмыкӀ хабзэкӀэ зыгорэм ышхы хъущтыгъэп.
5ЕтӀанэ Исус ариӀуагъ: – ЦӀыф Лъэпкъым ы Къо шэмбэт мафэм итхьэмат.
ЗыӀэ лъэныкъо пыгъукӀыгъэ лӀы горэ
Исус зэригъэхъужьыгъэр
(Маттэ 12:9-14; Марк 3:1-6)
6НэмыкӀ шэмбэт мафэ горэм Исус синэгогум чӀэхьагъэу, цӀыфхэм Тхьэм игущыӀэхэр аригъашӀэщтыгъ. ЗыӀэ джабгъу пыгъукӀыгъэ лӀы горэ ащ чӀэтыгъ. 7Шэмбэт мафэм тефэу Исус а лӀыр ыгъэхъужьыщтмэ, Тэурат егъэджэкӀо пащэхэмрэ фарисейхэмрэ Исус еплъакӀощтыгъэх, зэрагъэмысэн Ӏоф горэ къагъотыным пае. 8Ау Исус ахэмэ агухэм арылъыр ышӀагъ, зыӀэ лъэныкъо пыгъукӀыгъэ лӀым риӀуагъ: – Къэтэджи, мо утыгум къихь. ЛӀыр къэтэджи, утыгум къихьагъ. 9ЕтӀанэ Исус ахэмэ ариӀуагъ: – Сэ сышъоупчӀы. Шэмбэт мафэм шӀу пшӀэныр ара, хьауми бзэджагъэ пшӀэныр ара хабзэкӀэ хъущтыр, псэ мыкӀодэу къэбгъэнэжьыныр ара, хьауми бгъэкӀодыныр ара?
10ЕтӀанэ ахэмэ зэкӀэмэ ахаплъи, а лӀым риӀуагъ: – О пӀэ къэщэй. ЛӀым ыӀэ къыщэий, адрэ Ӏэм фэдэу хъужьыгъэ. 11Ау ахэр губжыным къызэкӀигъэплъыхьагъэхэти, Исус рашӀэщтымкӀэ зэупчӀыжьыщтыгъэх.
Исус апостол нэбгырэ пшӀыкӀутӀур къызэрэхихыгъэр
(Маттэ 10:1-4; Марк 3:13-19)
12А мафэхэм Тхьэм елъэӀуным пае, Исус Ӏуашъхьэм дэкӀоягъ. Тхьэм елъэӀузэ, чэщыр зэкӀэ ащ щырихыгъ. 13Нэф къызэрэшъэу, игъогу рыкӀохэрэм къяджи, ахэмэ ащыщэу нэбгырэ пшӀыкӀутӀу къахихи, апостолхэкӀэ яджагъ. А апостолхэр мыхэр арыгъэх: 14Симонэу ятӀонэрэ цӀэу Петрэ зыфиусыгъэр; ащ ышэу Индрыс; етӀанэ Якъуб, Иуан, Филипп, Бар-Талмай, 15Маттэ, Фомэ, Алфей ыкъо Якъуб, Симонэу зихэгъэгу ыпсэ емыблэжьэу фэлажьэрэмкӀэ#6:15 Симонэу зихэгъэгу ыпсэ емыблэжьэу фэлажьэрэмкӀэ заджэхэрэр – ар Палестинэ хэгъэгум фэлэжьэрэ цӀыф куп горэм щыщыгъэнкӀи мэхъу. Рим къэралыгъошхом щыщхэу яхэгъэгу ашӀозыубытыгъэхэм къатырахыжьыным а купым хэтхэр ыуж итыгъэх. заджэхэрэр, 16Якъубэ ыкъо Иудэ, Иудэ Искариот. А Иудэ Искариот ары нэужым тетыгъо зиӀэхэм Исус язгъэубытыгъэр.
Исус цӀыфхэм Тхьэм игущыӀэхэр зэраригъашӀэщтыгъэри сымаджэхэр зэригъэхъужьыщтыгъэри
(Маттэ 4:23-25)
17Ахэмэ ягъусэу Исус къехыжьи, чӀыпӀэ зэшъхьэ-зашъом къыщыуцугъ. Игъогу рыкӀохэрэм ащыщхэу зы купышхо а чӀыпӀэм итыгъ. Ахэмэ анэмыкӀэуи цӀыф купышхо Иудей хэкум зэкӀэ, Ерусалими, къалэхэу Тиррэ Сидонрэ#6:17 къалэхэу Тиррэ Сидонрэ – ахэр хымэ къалэхэу Галилей хэкум итемыр лъэныкъомкӀэ хыӀушъом Ӏутыгъэхэр ары. яхыӀушъохэми къарыкӀыхи, ащ дэжьым къыщызэрэугъоигъэх. 18Ахэр зэкӀэ Исус гущыӀэу къыӀохэрэм ядэӀунхэуи яузхэр рагъэгъэхъужьынхэуи къэкӀогъагъэх. ДжынэпцӀэ Ӏаехэм къин зэрагъэщэчырэ цӀыфхэри Исус ыгъэхъужьыщтыгъэх. 19Сымэджэ пстэури ыгъэхъужьынэу кӀуачӀэ ыпкъ къызэрэхэкӀыщтыгъэм пае, цӀыфхэр зэкӀэ зэрэнэсынхэм ыуж итыгъэх.
Гъогу мафэ теуцуагъэхэри гъогу мыгъо теуцуагъэхэри
(Маттэ 5:1-12)
20Исус игъогу рыкӀохэрэм яплъи, къыӀуагъ: – Гъогу мафэ шъутеуцуагъ, шъо, тхьамыкӀэхэр, сыда пӀомэ, Тхьэм и Тетыгъошхо ыӀэчӀэгъ шъучӀэт.
21Гъогу мафэ шъутеуцуагъ, шъо, джы мэлакӀэ лӀэхэрэр, сыда пӀомэ, шъо зыжъугъэшхэкӀыжьыщт. Гъогу мафэ шъутеуцуагъ, шъо, джы гъыхэрэр, сыда пӀомэ, шъугушӀожьыщт.
22Гъогу мафэ шъутеуцуагъ, ЦӀыф Лъэпкъым ы Къо игъогу шъузэрэрыкӀорэм пае, цӀыфхэм шъуауджэгъумэ, шъузыхадзымэ, къышъохъонхэмэ, шъуцӀэ ӀаекӀэ тегущыӀэхэмэ.
23А мафэм шъугушӀу, шъузэрэгушӀорэм пае, шъудэпкӀай, сыда пӀомэ, Тхьэм уашъом ӀахьышӀоу къыщышъуфигъэшъошэщтыр инышъ ары. А цӀыфхэм ятэжъхэм пегъымбармэ аущтэу арашӀэщтыгъ.
24Ау гъогу мыгъо шъутеуцуагъ, шъо, байхэр, сыда пӀомэ, шъугу зыгъэтхъэн Ӏофхэр жъугъотыгъахэх.
25Гъогу мыгъо шъутеуцуагъ джы зызгъэшхэкӀыгъэхэр, сыда пӀомэ, мэлакӀэ шъулӀэжьыщт. Гъогу мыгъо шъутеуцуагъ джы гушӀохэрэр, сыда пӀомэ, шъугъыщт ыкӀи шъупыхьажьыщт.
26Гъогу мыгъо шъутеуцуагъ зэкӀэ цӀыфхэр къышъущытхъухэмэ, сыда пӀомэ, а цӀыфхэм ятэжъхэм аущтэу пегъымбар нэпцӀхэм арашӀэщтыгъ.
Шъуипыйхэр шӀу шъулъэгъух
(Маттэ 5:38-48; 7:12)
27– Ау шъо, къысэдэӀухэрэм, шъосэӀо. Шъуипыйхэр шӀу шъулъэгъух, шъузыуджэгъухэрэми шӀу афашъушӀ. 28Къышъобгыхэрэми Тхьэм ынэшӀу къащифэнэу шъуафелъэӀу, ӀаекӀэ къыжъудэзекӀохэрэми шӀукӀэ Тхьэм шъуафелъэӀу. 29О унэгушъо лъэныкъо къеорэм адрэ нэгушъори фэгъаз. О уищыгъын кӀыӀутелъ птезыхырэм джанэри къыфэгъан. 30Хэтми зыгорэкӀэ къыолъэӀурэм ет, уихьапщыпхэр птезыхырэми къыуитыжьынэу емыӀу. 31ЦӀыфхэр шъо къыжъудэзекӀонхэу шъузэрэфаем фэдэу, шъори ахэмэ шъуадэзекӀу.
32– ШӀу шъузылъэгъухэрэм язакъоу шӀу шъулъэгъухэмэ, шъоркӀэ сыд фэдэ щытхъуа ащ хэлъыр? ПсэкӀодышӀэхэм ежьхэр шӀу къэзылъэгъухэрэр шӀу алъэгъужьхэба? 33ШӀугъэ къышъуфэзышӀэрэ цӀыфхэм шӀу афэшъушӀэжьмэ, шъоркӀэ сыд фэдэ щытхъуа ащ хэлъыр? ПсэкӀодышӀэхэм арыба ашӀэрэр? 34КъышъуатыжьынкӀэ шъузыщыгугъыхэрэм чӀыфэ яшъутымэ, шъоркӀэ сыд фэдэ щытхъуа ащ хэлъыр? ПсэкӀодышӀэхэм адрэ псэкӀодышӀэхэм чӀыфэ араты, аратыгъэм фэдиз къаӀахыжьынэу щыгугъыхэу. 35Ау шъуипыйхэр шӀу шъулъэгъух, шӀу афашъушӀ, къышъуатыжьынкӀэ шъущымыгугъэу чӀыфи яшъут. Аущтэу зышъушӀыкӀэ, Тхьэм ӀахьышӀоу къышъуфигъэшъошэщтыр ины хъущт, анахь Лъагэм ибынхэуи шъущытыщт; сыда пӀомэ, цӀыфхэу шӀу зыфаӀорэр къызгурымыӀохэрэмкӀи цӀыф бзаджэхэмкӀи Тхьэр шӀу. 36Шъуя Тэ лъапӀэ гукӀэгъу зэриӀэм фэдэу, шъори гукӀэгъу зижъугъаӀ.
Зыми хьыкум тешъумышӀыхь
(Маттэ 7:1-5)
37– Зыми хьыкум тешъумышӀыхь, Тхьэми хьыкум къышъутыришӀыхьащтэп. Зы цӀыфи шъумыгъэмыси, Тхьэми шъуигъэмысэщтэп. ЦӀыфхэм афэжъугъэгъу, Тхьэми къышъуфигъэгъущт. 38ЦӀыфхэм яшъути, Тхьэм шъо къышъуитыщт. Шъуишапхъэ гъэсысыгъэу, иубагъэу, изэу, къелыжьыгъэу Тхьэм къышъуфишӀэжьыщт; сыда пӀомэ, шъо шапхъэу зэрэшъушырэм фэдэ шапхъэкӀэ Тхьэм шъо къышъуфишыжьыщт.
39ЕтӀанэ Исус гущыӀэжъ ариӀуагъ: – Зы нэшъум адрэ нэшъур зэрищэн ылъэкӀына? ТӀури машэм ифэнхэба? 40ЕджакӀор езгъаджэрэм нахьи нахь инэп, ау хэти зэкӀэ зэригъэшӀагъэ зыхъукӀэ, езгъаджэрэм фэдэ мэхъу.
41– О унэ пкъэоу кӀэлъым гу лъымытэу, пхъэцалэу о пшы ынэ кӀэлъыр сыд пае плъэгъура? 42О унэ пкъэоу кӀэлъыр умылъэгъоу, сыдэущтэу пшы епӀон плъэкӀыра, «Пхъэцалэу о унэ кӀэлъыр къыкӀэсэгъэх, сшы?» О нэпитӀу зиӀэр, ыпэ рапшӀэу пкъэоу о унэ кӀэлъыр къыкӀэхыжьи, етӀанэ пхъэцалэу о пшы ынэ кӀэлъыр къызэрэкӀэпхыжьыщтыр нафэу плъэгъущт.
Чъыгыр зыфэдэр къыпыкӀэрэмкӀэ къэпшӀэщт
(Маттэ 7:17-20; 12:34-35)
43– ЧъыгышӀум дэй къыпыкӀэрэп, чъыг дэими шӀу къыпыкӀэрэп. 44Сыдрэ чъыги зыфэдэр къыпыкӀэрэмкӀэ къэпшӀэщт. Пырэжъые куандэм ынджыр къыпачырэп, шхъуми сэнашъхьэ къыпачырэп. 45ЦӀыфышӀум ыгу илъ шӀугъэм шӀугъэ къыхехы, цӀыф бзаджэми ыгу илъ бзэджагъэм бзэджагъэ къыхехы; сыда пӀомэ, жэм къыдэкӀырэр гум илъыр ары.
Унэ зышӀырэ лӀы Ӏушымрэ унэ зышӀырэ лӀы акъылынчъэмрэ
(Маттэ 7:24-27)
46– Сыд пае «Зиусхьан! Зиусхьан!» къысашъуӀора, сэ сӀорэр шъумыгъэцакӀэу? 47Хэти садэжь къакӀоу, сигущыӀэхэр зэхэзыхэу, ахэри зыгъэцакӀэрэр зыфэдэр шъозгъэшӀэщт. 48Ар зыфэдэр унэ зышӀырэ лӀэу чӀыгур куоу зытӀэу, унэ лъапсэр мыжъо пытэм тезышӀыхьагъэр ары. Псышхор къызеум, псым иорхэр а унэм еуагъэх, ау ар пытэу зэрашӀыгъэм пае, ыгъэхъыен ылъэкӀыгъэп. 49Ау сигущыӀэхэр зэхэзыхэу, ахэри зымыгъэцакӀэрэр зыфэдэр лӀэу зиунэ лъэпсэ пытэ имыӀэу, чӀыгушъхьэм тезышӀыхьагъэр ары. Псым иорхэр а унэм къызэреохэу, зэхэуагъ. А унэр зызэхаоми, Ӏэе дэдэу зэхэуагъ.
Currently Selected:
Лука 6: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Лука 6
6
ЯХЭНЭРЭШЪХЬ
Шэмбэт мафэм Исус игъогу рыкӀохэрэм коцышъхьэхэр къызэрэпачыгъэхэр
(Маттэ 12:1-8; Марк 2:23-28)
1Шэмбэт мафэ горэм Исус коц хьасэхэр зэпичыхэзэ, игъогу рыкӀохэрэм коцышъхьэхэр къыпачыхэзэ, ӀэгукӀэ аӀотхэзэ, ашхыщтыгъэх. 2Фарисей заулэмэ аӀуагъ: – Шэмбэт мафэм хабзэкӀэ пшӀэ мыхъущтыр#6:2 пшӀэ мыхъущтыр – Мусэ и Тэурат хабзэ иунашъо тетэу, шэмбэт мафэм лэжьыгъэ пхы хъущтыгъэп. Еплъ Пегъымбар Мусэ ятӀонэрэ тхылъэу ытхыгъэм 34:21. сыд пае шъушӀэра?
3– Даутэрэ игъусэхэмрэ мэлакӀэ лӀэхэ зэхъум, ащ ышӀагъэм шъуеджагъэба? – ариӀожьыгъ Исус ахэмэ. 4– Ар Тхьэм иунэ ихьи, цӀыфхэм Тхьэм ыпашъхьэ ралъхьэгъэ хьалыгъур#6:4 цӀыфхэм Тхьэм ыпашъхьэ ралъхьэгъэ хьалыгъур – еплъ Пегъымбар Мусэ ящэнэрэ тхылъэу ытхыгъэм 24:5-9. ышти, ышхыгъ, игъусэхэми аригъэшхыгъ. А хьалыгъур дин пащэхэм анэмыкӀ хабзэкӀэ зыгорэм ышхы хъущтыгъэп.
5ЕтӀанэ Исус ариӀуагъ: – ЦӀыф Лъэпкъым ы Къо шэмбэт мафэм итхьэмат.
ЗыӀэ лъэныкъо пыгъукӀыгъэ лӀы горэ
Исус зэригъэхъужьыгъэр
(Маттэ 12:9-14; Марк 3:1-6)
6НэмыкӀ шэмбэт мафэ горэм Исус синэгогум чӀэхьагъэу, цӀыфхэм Тхьэм игущыӀэхэр аригъашӀэщтыгъ. ЗыӀэ джабгъу пыгъукӀыгъэ лӀы горэ ащ чӀэтыгъ. 7Шэмбэт мафэм тефэу Исус а лӀыр ыгъэхъужьыщтмэ, Тэурат егъэджэкӀо пащэхэмрэ фарисейхэмрэ Исус еплъакӀощтыгъэх, зэрагъэмысэн Ӏоф горэ къагъотыным пае. 8Ау Исус ахэмэ агухэм арылъыр ышӀагъ, зыӀэ лъэныкъо пыгъукӀыгъэ лӀым риӀуагъ: – Къэтэджи, мо утыгум къихь. ЛӀыр къэтэджи, утыгум къихьагъ. 9ЕтӀанэ Исус ахэмэ ариӀуагъ: – Сэ сышъоупчӀы. Шэмбэт мафэм шӀу пшӀэныр ара, хьауми бзэджагъэ пшӀэныр ара хабзэкӀэ хъущтыр, псэ мыкӀодэу къэбгъэнэжьыныр ара, хьауми бгъэкӀодыныр ара?
10ЕтӀанэ ахэмэ зэкӀэмэ ахаплъи, а лӀым риӀуагъ: – О пӀэ къэщэй. ЛӀым ыӀэ къыщэий, адрэ Ӏэм фэдэу хъужьыгъэ. 11Ау ахэр губжыным къызэкӀигъэплъыхьагъэхэти, Исус рашӀэщтымкӀэ зэупчӀыжьыщтыгъэх.
Исус апостол нэбгырэ пшӀыкӀутӀур къызэрэхихыгъэр
(Маттэ 10:1-4; Марк 3:13-19)
12А мафэхэм Тхьэм елъэӀуным пае, Исус Ӏуашъхьэм дэкӀоягъ. Тхьэм елъэӀузэ, чэщыр зэкӀэ ащ щырихыгъ. 13Нэф къызэрэшъэу, игъогу рыкӀохэрэм къяджи, ахэмэ ащыщэу нэбгырэ пшӀыкӀутӀу къахихи, апостолхэкӀэ яджагъ. А апостолхэр мыхэр арыгъэх: 14Симонэу ятӀонэрэ цӀэу Петрэ зыфиусыгъэр; ащ ышэу Индрыс; етӀанэ Якъуб, Иуан, Филипп, Бар-Талмай, 15Маттэ, Фомэ, Алфей ыкъо Якъуб, Симонэу зихэгъэгу ыпсэ емыблэжьэу фэлажьэрэмкӀэ#6:15 Симонэу зихэгъэгу ыпсэ емыблэжьэу фэлажьэрэмкӀэ заджэхэрэр – ар Палестинэ хэгъэгум фэлэжьэрэ цӀыф куп горэм щыщыгъэнкӀи мэхъу. Рим къэралыгъошхом щыщхэу яхэгъэгу ашӀозыубытыгъэхэм къатырахыжьыным а купым хэтхэр ыуж итыгъэх. заджэхэрэр, 16Якъубэ ыкъо Иудэ, Иудэ Искариот. А Иудэ Искариот ары нэужым тетыгъо зиӀэхэм Исус язгъэубытыгъэр.
Исус цӀыфхэм Тхьэм игущыӀэхэр зэраригъашӀэщтыгъэри сымаджэхэр зэригъэхъужьыщтыгъэри
(Маттэ 4:23-25)
17Ахэмэ ягъусэу Исус къехыжьи, чӀыпӀэ зэшъхьэ-зашъом къыщыуцугъ. Игъогу рыкӀохэрэм ащыщхэу зы купышхо а чӀыпӀэм итыгъ. Ахэмэ анэмыкӀэуи цӀыф купышхо Иудей хэкум зэкӀэ, Ерусалими, къалэхэу Тиррэ Сидонрэ#6:17 къалэхэу Тиррэ Сидонрэ – ахэр хымэ къалэхэу Галилей хэкум итемыр лъэныкъомкӀэ хыӀушъом Ӏутыгъэхэр ары. яхыӀушъохэми къарыкӀыхи, ащ дэжьым къыщызэрэугъоигъэх. 18Ахэр зэкӀэ Исус гущыӀэу къыӀохэрэм ядэӀунхэуи яузхэр рагъэгъэхъужьынхэуи къэкӀогъагъэх. ДжынэпцӀэ Ӏаехэм къин зэрагъэщэчырэ цӀыфхэри Исус ыгъэхъужьыщтыгъэх. 19Сымэджэ пстэури ыгъэхъужьынэу кӀуачӀэ ыпкъ къызэрэхэкӀыщтыгъэм пае, цӀыфхэр зэкӀэ зэрэнэсынхэм ыуж итыгъэх.
Гъогу мафэ теуцуагъэхэри гъогу мыгъо теуцуагъэхэри
(Маттэ 5:1-12)
20Исус игъогу рыкӀохэрэм яплъи, къыӀуагъ: – Гъогу мафэ шъутеуцуагъ, шъо, тхьамыкӀэхэр, сыда пӀомэ, Тхьэм и Тетыгъошхо ыӀэчӀэгъ шъучӀэт.
21Гъогу мафэ шъутеуцуагъ, шъо, джы мэлакӀэ лӀэхэрэр, сыда пӀомэ, шъо зыжъугъэшхэкӀыжьыщт. Гъогу мафэ шъутеуцуагъ, шъо, джы гъыхэрэр, сыда пӀомэ, шъугушӀожьыщт.
22Гъогу мафэ шъутеуцуагъ, ЦӀыф Лъэпкъым ы Къо игъогу шъузэрэрыкӀорэм пае, цӀыфхэм шъуауджэгъумэ, шъузыхадзымэ, къышъохъонхэмэ, шъуцӀэ ӀаекӀэ тегущыӀэхэмэ.
23А мафэм шъугушӀу, шъузэрэгушӀорэм пае, шъудэпкӀай, сыда пӀомэ, Тхьэм уашъом ӀахьышӀоу къыщышъуфигъэшъошэщтыр инышъ ары. А цӀыфхэм ятэжъхэм пегъымбармэ аущтэу арашӀэщтыгъ.
24Ау гъогу мыгъо шъутеуцуагъ, шъо, байхэр, сыда пӀомэ, шъугу зыгъэтхъэн Ӏофхэр жъугъотыгъахэх.
25Гъогу мыгъо шъутеуцуагъ джы зызгъэшхэкӀыгъэхэр, сыда пӀомэ, мэлакӀэ шъулӀэжьыщт. Гъогу мыгъо шъутеуцуагъ джы гушӀохэрэр, сыда пӀомэ, шъугъыщт ыкӀи шъупыхьажьыщт.
26Гъогу мыгъо шъутеуцуагъ зэкӀэ цӀыфхэр къышъущытхъухэмэ, сыда пӀомэ, а цӀыфхэм ятэжъхэм аущтэу пегъымбар нэпцӀхэм арашӀэщтыгъ.
Шъуипыйхэр шӀу шъулъэгъух
(Маттэ 5:38-48; 7:12)
27– Ау шъо, къысэдэӀухэрэм, шъосэӀо. Шъуипыйхэр шӀу шъулъэгъух, шъузыуджэгъухэрэми шӀу афашъушӀ. 28Къышъобгыхэрэми Тхьэм ынэшӀу къащифэнэу шъуафелъэӀу, ӀаекӀэ къыжъудэзекӀохэрэми шӀукӀэ Тхьэм шъуафелъэӀу. 29О унэгушъо лъэныкъо къеорэм адрэ нэгушъори фэгъаз. О уищыгъын кӀыӀутелъ птезыхырэм джанэри къыфэгъан. 30Хэтми зыгорэкӀэ къыолъэӀурэм ет, уихьапщыпхэр птезыхырэми къыуитыжьынэу емыӀу. 31ЦӀыфхэр шъо къыжъудэзекӀонхэу шъузэрэфаем фэдэу, шъори ахэмэ шъуадэзекӀу.
32– ШӀу шъузылъэгъухэрэм язакъоу шӀу шъулъэгъухэмэ, шъоркӀэ сыд фэдэ щытхъуа ащ хэлъыр? ПсэкӀодышӀэхэм ежьхэр шӀу къэзылъэгъухэрэр шӀу алъэгъужьхэба? 33ШӀугъэ къышъуфэзышӀэрэ цӀыфхэм шӀу афэшъушӀэжьмэ, шъоркӀэ сыд фэдэ щытхъуа ащ хэлъыр? ПсэкӀодышӀэхэм арыба ашӀэрэр? 34КъышъуатыжьынкӀэ шъузыщыгугъыхэрэм чӀыфэ яшъутымэ, шъоркӀэ сыд фэдэ щытхъуа ащ хэлъыр? ПсэкӀодышӀэхэм адрэ псэкӀодышӀэхэм чӀыфэ араты, аратыгъэм фэдиз къаӀахыжьынэу щыгугъыхэу. 35Ау шъуипыйхэр шӀу шъулъэгъух, шӀу афашъушӀ, къышъуатыжьынкӀэ шъущымыгугъэу чӀыфи яшъут. Аущтэу зышъушӀыкӀэ, Тхьэм ӀахьышӀоу къышъуфигъэшъошэщтыр ины хъущт, анахь Лъагэм ибынхэуи шъущытыщт; сыда пӀомэ, цӀыфхэу шӀу зыфаӀорэр къызгурымыӀохэрэмкӀи цӀыф бзаджэхэмкӀи Тхьэр шӀу. 36Шъуя Тэ лъапӀэ гукӀэгъу зэриӀэм фэдэу, шъори гукӀэгъу зижъугъаӀ.
Зыми хьыкум тешъумышӀыхь
(Маттэ 7:1-5)
37– Зыми хьыкум тешъумышӀыхь, Тхьэми хьыкум къышъутыришӀыхьащтэп. Зы цӀыфи шъумыгъэмыси, Тхьэми шъуигъэмысэщтэп. ЦӀыфхэм афэжъугъэгъу, Тхьэми къышъуфигъэгъущт. 38ЦӀыфхэм яшъути, Тхьэм шъо къышъуитыщт. Шъуишапхъэ гъэсысыгъэу, иубагъэу, изэу, къелыжьыгъэу Тхьэм къышъуфишӀэжьыщт; сыда пӀомэ, шъо шапхъэу зэрэшъушырэм фэдэ шапхъэкӀэ Тхьэм шъо къышъуфишыжьыщт.
39ЕтӀанэ Исус гущыӀэжъ ариӀуагъ: – Зы нэшъум адрэ нэшъур зэрищэн ылъэкӀына? ТӀури машэм ифэнхэба? 40ЕджакӀор езгъаджэрэм нахьи нахь инэп, ау хэти зэкӀэ зэригъэшӀагъэ зыхъукӀэ, езгъаджэрэм фэдэ мэхъу.
41– О унэ пкъэоу кӀэлъым гу лъымытэу, пхъэцалэу о пшы ынэ кӀэлъыр сыд пае плъэгъура? 42О унэ пкъэоу кӀэлъыр умылъэгъоу, сыдэущтэу пшы епӀон плъэкӀыра, «Пхъэцалэу о унэ кӀэлъыр къыкӀэсэгъэх, сшы?» О нэпитӀу зиӀэр, ыпэ рапшӀэу пкъэоу о унэ кӀэлъыр къыкӀэхыжьи, етӀанэ пхъэцалэу о пшы ынэ кӀэлъыр къызэрэкӀэпхыжьыщтыр нафэу плъэгъущт.
Чъыгыр зыфэдэр къыпыкӀэрэмкӀэ къэпшӀэщт
(Маттэ 7:17-20; 12:34-35)
43– ЧъыгышӀум дэй къыпыкӀэрэп, чъыг дэими шӀу къыпыкӀэрэп. 44Сыдрэ чъыги зыфэдэр къыпыкӀэрэмкӀэ къэпшӀэщт. Пырэжъые куандэм ынджыр къыпачырэп, шхъуми сэнашъхьэ къыпачырэп. 45ЦӀыфышӀум ыгу илъ шӀугъэм шӀугъэ къыхехы, цӀыф бзаджэми ыгу илъ бзэджагъэм бзэджагъэ къыхехы; сыда пӀомэ, жэм къыдэкӀырэр гум илъыр ары.
Унэ зышӀырэ лӀы Ӏушымрэ унэ зышӀырэ лӀы акъылынчъэмрэ
(Маттэ 7:24-27)
46– Сыд пае «Зиусхьан! Зиусхьан!» къысашъуӀора, сэ сӀорэр шъумыгъэцакӀэу? 47Хэти садэжь къакӀоу, сигущыӀэхэр зэхэзыхэу, ахэри зыгъэцакӀэрэр зыфэдэр шъозгъэшӀэщт. 48Ар зыфэдэр унэ зышӀырэ лӀэу чӀыгур куоу зытӀэу, унэ лъапсэр мыжъо пытэм тезышӀыхьагъэр ары. Псышхор къызеум, псым иорхэр а унэм еуагъэх, ау ар пытэу зэрашӀыгъэм пае, ыгъэхъыен ылъэкӀыгъэп. 49Ау сигущыӀэхэр зэхэзыхэу, ахэри зымыгъэцакӀэрэр зыфэдэр лӀэу зиунэ лъэпсэ пытэ имыӀэу, чӀыгушъхьэм тезышӀыхьагъэр ары. Псым иорхэр а унэм къызэреохэу, зэхэуагъ. А унэр зызэхаоми, Ӏэе дэдэу зэхэуагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм