Лука 8
8
ЯЕНЭРЭШЪХЬ
Исус игъусэгъэ бзылъфыгъэхэр
1Ащ ыуж Тхьэм и Тетыгъошхо ехьылӀэгъэ къэбарышӀур ыгъэӀузэ, Исус къалэхэмрэ къуаджэхэмрэ къыкӀухьэщтыгъ. Игъогу рыкӀорэ нэбгырэ пшӀыкӀутӀур игъусагъ. 2ДжынапцӀэхэр зыхифыгъэхэу, зиузхэр ыгъэхъужьыгъэхэу бзылъфыгъэ заули игъусагъ: Магдалэ щыщ Мерэмэу Исус джынэпцӀибл зыхифыгъагъэр, 3пщэу Ирод имылъкугъэзекӀоу Хузэ зыцӀэм ишъхьэгъусэ Иуаннэ, етӀанэ Сусаннэ, ащ нэмыкӀыбэхэри. А бзылъфыгъэхэр ямылъкукӀэ Исусрэ игъогу рыкӀохэрэмрэ ӀэпыӀэгъу афэхъущтыгъэх.
Чылапхъэ зыпхъырэм ехьылӀэгъэ гъэсэпэтхыдэр
(Маттэ 13:1-9; Марк 4:1-9)
4Ащ нэужым цӀыф купышхо къэзэрэугъоигъэу, тыдрэ къуаджэм къикӀыгъэ цӀыфхэри Исус дэжь къызэкӀохэм, мы гъэсэпэтхыдэр афиӀотагъ:
5– ЛӀы горэ чылапхъэ ыпхъынэу дэкӀыгъ. Чылапхъэр ыпхъызэ, ащ щыщ тӀэкӀу гъогум тетэкъуагъ. ЦӀыфхэм ар лъэгукӀэ аубагъ, ошъогу бзыухэми ашыпыгъ. 6ТӀэкӀуи чӀыгу мыжъуалъэм тетэкъуагъ. Ахэр къызыхэкӀыхэм, псы агъотыгъэпти, гъужьыгъэх. 7НэмыкӀ тӀэкӀуи панэхэм ахэтэкъуагъ. Панэхэр ахэмэ ягъусэхэу къэкӀыхи, чылапхъэу къыхэкӀыгъэхэр атхьэлагъэх. 8ЕтӀани зы тӀэкӀуи чӀыгу дэгъум хэтэкъуагъ. Ахэр къэкӀыхи, шъхьэлъагъэх, зы шъхьэ налъэм коцишъэ къикӀагъ. Ар Исус къызеӀотахэм, мэкъэшхокӀэ къыӀуагъ: – РыдэӀонэу тхьакӀумэ зиӀэм зэхерэх!
Исус цӀыфхэр ыгъасэхэзэ, гъэсэпэтхыдэхэр къызкӀафиӀуатэщтыгъэр
(Маттэ 13:10-17; Марк 4:10-12)
9Игъогу рыкӀохэрэр Исус къеупчӀыгъэх: – Мы гъэсэпэтхыдэм сыда къикӀырэр?
10– Тхьэм и Тетыгъошхо ишъэфхэр шъушӀэнхэу Тхьэм фитыныгъэ къышъуитыгъ, – ыӀуагъ Исус, – ау нэмыкӀ цӀыфхэм гъэсэпэтхыдэхэмкӀэ садэгущыӀэ. Аущтэу#8:10 Аущтэу… – еплъ Пегъымбар Ешайа тхылъэу ытхыгъэм 6:9-10.
«ахэр еплъыхэ пэтми, алъэгъущтэп, даӀохэ пэтми, къагурыӀощтэп».
Чылапхъэр зыпхъырэм ехьылӀэгъэ гъэсэпэтхыдэм къикӀырэр
(Маттэ 13:18-23; Марк 4:13-20)
11– Гъэсэпэтхыдэм къикӀырэр мыры: чылапхъэр Тхьэм игущыӀ ары. 12ЦӀыфхэм ащыщэу зы купыр чылапхъэу гъогум тетэкъуагъэм фэд. Мыхэр ары Тхьэм игущыӀэхэр зэхэзыххэрэр, ау етӀанэ шэйтаныр къэкӀошъ, шӀошъхъуныгъэ аримыгъэгъотызэ, а гущыӀэхэр агухэм арехыжьы, Тхьэм а цӀыфхэр къымыгъэнэжьынхэм пае. 13Адрэ цӀыф купыр чӀыгу мыжъуалъэм тетэкъогъэ чылапхъэм фэд. Мыхэр ары Тхьэм игущыӀэхэр зэрэзэхаххэу, а гущыӀэхэр гушӀуагъокӀэ зыштэхэрэр, ау ахэмэ лъапсэ яӀэп. ШӀошъхъуныгъэм игъогу бэрэ тетыжьхэрэп. ЯшӀошъхъуныгъэ ишъыпкъагъэ гъэунэфыгъэ зыхъукӀэ, шӀошъхъуныгъэм игъогу текӀыжьых. 14ЕтӀанэ зы цӀыф купыр панэхэм ахэтэкъогъэ чылапхъэм фэд. Мыхэр ары Тхьэм игущыӀэхэр зэхэзыххэрэр, ау мы дунаим игугъухэмкӀи, баиныгъэмкӀи, щыӀэныгъэм итхъагъохэмкӀи мэкӀэ-макӀэу зырагъэтхьалэ, ахэми шӀугъэ къапыкӀырэп. 15ЕтӀани нэмыкӀ цӀыф куп чӀыгу дэгъум хэтэкъогъэ чылапхъэм фэд. Мыхэр ары шӀугъэрэ шъыпкъагъэрэ зыгу илъхэу, Тхьэм игущыӀэхэр зэхэзыххэу зыубытхэрэр. Ахэмэ теубытагъэ яӀэу, шӀугъэ къапэкӀы. Исус ар къызеӀотахэм, мэкъэшхокӀэ къыӀуагъ: – РыдэӀонэу тхьакӀумэ зиӀэм зэхерэх!
Щэлъэ чӀэгъым чӀэт остыгъэр
(Марк 4:21-25)
16– Зыми остыгъэ хигъанэу, щэлъэ чӀэгъым е пӀэкӀор чӀэгъым чӀигъэуцорэп, ау унэм къихьэхэрэм инэфынэ алъэгъуным пае, тетыпӀэ лъагэм тырегъэуцо. 17Сыда пӀомэ, къэмылъэгъожьынэу гъэбылъыгъэ зи щыӀэп, цӀыфхэм къамышӀэнэуи къэмылъэгъожьынэуи чӀэухъумагъэ зи щыӀэп. 18Арышъ, шъузэдэӀущтым шъуфэсакъ. Тхьэм хэт щыщми зиӀэм нахьыбэ къыритыщт, ау зи зимыӀэм иӀэу шӀошӀырэри Ӏихыжьыщт Тхьэм.
Исус янэрэ ышхэмрэ
(Маттэ 12:46-50; Марк 3:31-35)
19Исус янэрэ ышхэмрэ ыдэжь къэкӀуагъэх, ары шъхьакӀэ цӀыфхэр багъэхэти, екӀолӀэнхэ алъэкӀыгъэп. 20Джащыгъум Исус къэбар фахьыгъ: – О уянэрэ пшыхэмрэ уалъэгъумэ ашӀоигъоу щагум дэтых.
21– Тхьэм игущыӀэхэр зэхэзыххэу зыгъэцакӀэхэрэр ары сянэри сшыхэри, – къариӀожьыгъ Исус ахэмэ.
Исус жьыбгъэ щынэгъошхор зэригъэуцугъэр
(Маттэ 8:23-27; Марк 4:35-41)
22Мафэ горэм игъогу рыкӀохэрэр игъусэхэу къуашъо горэм Исус итӀысхьи, ариӀуагъ: – НекӀо, псыхъураем иадрабгъу тызэпырыжъугъэкӀ. Аущтэу ежьагъэх. 23Къуашъом исхэу кӀохэзэ, Исус хэчъыягъ. Псыхъураем жьыбгъэшхо къыщепщи, къуашъом псыр изы къэхъоу фежьи, щынэгъошхо хэфагъэх.
24Джащыгъум Исус къыбгъодахьэхи, къагъэущи, аӀуагъ: – Зиусхьан, Зиусхьан, тэкӀоды! Исус къэтэджи, жьыбгъэшхоми псыорхэми ягыий, зэтыригъэуцуагъэх, кӀым-сыми къэхъугъ. 25ЕтӀанэ ахэмэ ариӀуагъ: – ШъуишӀошъхъуныгъэ тыдэ щыӀа? – Хэта мыр? Жьыбгъэшхоми псыми унашъо афишӀызэ егъэдаӀох, – щтагъэхэу, агъэшӀагъоу зэупчӀыжьыгъэх ахэр.
Исус джынэпцӀабэхэр зыхэс лӀы горэ зэригъэхъужьыгъэр
(Маттэ 8:28-34; Марк 5:1-20)
26Галилей хэкум къыпэӀулъ хэкоу къалэу Гадарэ епхыгъэм къуашъомкӀэ нэсыгъэх. 27Исус къуашъом икӀи, псы Ӏушъом зытехьэм, къалэм щыщэу джынапцӀэхэр зыхэс лӀы горэ къачъэзэ къыпэгъокӀыгъ. А лӀым бэшӀагъэу щыгъын щыгъыжьыгъэп, унэ горэми исыжьыгъэп, ау къэунэхэм ахэсыгъ. 28Ащ Исус зелъэгъум, ыпашъхьэ чӀыгум зыкъыщыридзыхи, мэкъэшхокӀэ куозэ, къыӀуагъ: – Исус, Тхьэу анахь Лъагэм ы Къу, сыда уиӀофэу къысхэлъыр? СыолъэӀу, къин сэмыгъэлъэгъу.
29Ар зыкӀиӀуагъэр джынэпцӀэ Ӏаер лӀым хэкӀыжьынэу Исус унашъо фишӀыгъэти ары. ДжынапцӀэхэр а лӀым бэрэ хахьэщтыгъэх. ЦӀыфхэм гъучӀ Ӏэхъу-лъэхъу ащ тыралъхьэти, къэрэгъулэхэр фашӀыщтыгъэх. Ау Ӏэхъу-лъэхъухэр зэпиутхэти, джынапцӀэм а лӀыр шъоф нэкӀым ригъэзыхьэщтыгъ.
30– Сыда о пцӀэр? – еупчӀыгъ Исус а лӀым. – Сэ сцӀэр дзэ, – къыӀожьыгъ ащ. Ар зыкӀиӀуагъэр джынэпцӀабэхэр хэхьагъэхэти ары. 31ДжынапцӀэхэр чӀылъэм икуупӀэу чӀэ зимыӀэм кӀонхэу унашъо афимышӀынэу Исус къелъэӀугъэх.
32А чӀыпӀэ дэдэм къо Ӏэхъогъушхо Ӏошъхьэ нэпкъым щыхъущтыгъ. А къохэм апкъыхэм ахэхьанхэу фит къышӀынхэу джынапцӀэхэр Исус къелъэӀугъэх. Исус ахэр фит ышӀыгъэх. 33Ардэдэм джынапцӀэхэр лӀым хэкӀыжьхи, къохэм апкъыхэм ахэхьагъэх. Къо Ӏэхъогъур Ӏошъхьэ нэпкъым къечъэхи, псыхъураем хэлъади, псым ытхьэлагъэх.
34Къуахъохэм хъугъэ-шӀагъэр залъэгъум, хэхьажьхи, къалэмрэ къуаджэхэмрэ хъугъэ-шӀагъэр ащаӀотагъ. 35ЦӀыфхэр хъугъэ-шӀагъэр зэрагъэлъэгъунэу дэкӀыгъэх. Ахэр Исус дэжь къызэкӀохэм, джынапцӀэхэр къызхэкӀыгъэ лӀыр фэпагъэу, иакъыл къыгъотыжьыгъэу Исус дэжь щысэу алъэгъугъ. Ар залъэгъум, лъэшэу къэщтагъэх. 36Хъугъэр зылъэгъугъэ цӀыфхэм джынапцӀэхэр зыхэсыгъэ лӀыр Исус зэригъэхъужьыгъэр джы ахэмэ къафаӀотэжьыгъ. 37Джащыгъум яхэку ыбгынэнэу Гадарэ цӀыф пстэури Исус къелъэӀугъ, сыда пӀомэ, ахэр щынэгъошхо хэфагъэхэти ары. Аущтэу ӀукӀыжьыным пае, Исус къуашъом итӀысхьагъ.
38Исус къуашъом итӀысхьэ пэтзэ, джынапцӀэхэр къызхэкӀыгъэ лӀыр Исус къелъэӀугъ: – Гъусэ сызыфэшӀ.
39– О уиунэ кӀожьи, Тхьэм къыпфишӀэгъэ шӀугъэшхор яӀотэжь! – риӀуагъ Исус а лӀым. ЕтӀанэ ытӀупщыжьыгъ. ЛӀыр кӀожьи, Исус къыфишӀэгъэ шӀугъэшхор къалэм щиӀотэжьыгъ.
Исус Иаир ыпхъоу лӀагъэр къызэригъэтэджыжьыгъэр;
Исус ищыгъын къынэсыгъэ бзылъфыгъэр зэригъэхъужьыгъэр
(Маттэ 9:18-26; Марк 5:21-43)
40ЕтӀанэ Исус къызегъэзэжьым, цӀыф купышхор къыпэгъокӀыгъ, сыда пӀомэ, зэкӀэри ащ паплъэщтыгъэти ары. 41Иаир зыцӀэ синэгогу пащэ горэ къакӀуи, Исус ылъакъохэм адэжь зыкъыщыридзыхи, къелъэӀугъ: – Садэжь къакӀо.
42Сыда пӀомэ, илъэс пшӀыкӀутӀу фэдиз ыныбжьэу пхъу закъо иӀагъ. Ар лӀэным нэсыгъэу сымаджэу щылъыгъ. Аущтэу Исус Иаир дэжь кӀо зэхъум, цӀыф купышхор тезэрэгъэгуагъ. 43Ахэмэ бзылъфыгъэ горэ ахэтыгъ, илъэс пшӀыкӀутӀу хъугъэу бэрэ лъы къыкӀэкӀэу гуӀэщтыгъэр. Ащ иӀэр зэкӀэ Ӏазэхэм атыригъэкӀодэгъагъ, ау зыми ыгъэхъужьын ылъэкӀыщтыгъэп. 44А бзылъфыгъэр Исус ыкӀыбкӀэ къекӀуалӀи, ищыгъын цыпэ къынэсыгъ. Ащ зэрэнэсэу илъыкӀэкӀын уцужьыгъэ.
45– Хэта къызнэсыгъэр? – ыӀуагъ Исус. Зэпстэуми загъэхые зэхъум, Петрэ къыӀуагъ: – Тхьэматэ, цӀыфхэм укъауцухьэзэ, къызэрэптезэрэгъэгуагъэхэр плъэгъурэба?
46– Зыгорэ къысэнэсыгъ, – ыӀуагъ Исус. – Сыда пӀомэ, кӀуачӀэ зэрэсхэкӀыгъэр зэхэсшӀагъ.
47Ау бзылъфыгъэм ышӀагъэр къызэрашӀэщтыр зелъэгъум, кӀэзэзэу къыӀухьи, Исус ыпашъхьэ зыкъыщыридзыхи, цӀыф пстэуми апашъхьэ ащ зыкӀынэсыгъэри, занкӀэу зэрэхъужьыгъэри къыӀуагъ.
48– Сипшъашъ, уишӀошъхъуныгъэ уигъэхъужьыгъ, – риӀуагъ Исус. – Гъогумаф. Гупсэф уиӀэу опсэу.
49Исус гущыӀэзэ, синэгогу пащэм иунэ зыгорэ къикӀыгъэу къыӀухьи, къыӀуагъ: – О ппхъу дунаим ехыжьыгъ. Дин гъэсакӀом къин джыри емыгъэлъэгъужь.
50Ау Исус ар зызэхехым, Иаир риӀуагъ: – О умыщын. ШӀошъхъуныгъэ зигъэӀэ къодый. Ппхъу къэхъужьыщт.
51Исус Иаир иунэ зынэсым, Петрэ, Иуан, Якъуб, пшъэшъэжъыем ятэ-янэ анэмыкӀ унэм зыдыригъэхьагъэп. 52Хьэдагъэ къаӀэтызэ, цӀыф пстэури абгъэгухэм еожьыщтыгъэх. Ау Исус ыӀуагъ: – Хьэдагъэ шъумышӀы. Ар лӀагъэп, мэчъые нахь.
53Ау ахэмэ ар зэрэлӀагъэр ашӀэти, Исус ахэр къыдэхьащхыгъэх. 54Ау Исус пшъэшъэжъыем ыӀэ къыубыти, мэкъэшхокӀэ къыӀуагъ: – Сипшъэшъэжъый, къэтэдж!
55Пшъэшъэжъыем ыпсэ къыхэхьажьи, ардэдэм къэтэджыжьыгъ. Ар агъэшхэнэу Исус ариӀуагъ. 56Пшъэшъэжъыем ятэ-янэхэм лъэшэу агъэшӀэгъуагъ, ау Исус хъугъэ-шӀагъэр зыми рамыӀотэжьынэу афигъэпытагъ.
Currently Selected:
Лука 8: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Лука 8
8
ЯЕНЭРЭШЪХЬ
Исус игъусэгъэ бзылъфыгъэхэр
1Ащ ыуж Тхьэм и Тетыгъошхо ехьылӀэгъэ къэбарышӀур ыгъэӀузэ, Исус къалэхэмрэ къуаджэхэмрэ къыкӀухьэщтыгъ. Игъогу рыкӀорэ нэбгырэ пшӀыкӀутӀур игъусагъ. 2ДжынапцӀэхэр зыхифыгъэхэу, зиузхэр ыгъэхъужьыгъэхэу бзылъфыгъэ заули игъусагъ: Магдалэ щыщ Мерэмэу Исус джынэпцӀибл зыхифыгъагъэр, 3пщэу Ирод имылъкугъэзекӀоу Хузэ зыцӀэм ишъхьэгъусэ Иуаннэ, етӀанэ Сусаннэ, ащ нэмыкӀыбэхэри. А бзылъфыгъэхэр ямылъкукӀэ Исусрэ игъогу рыкӀохэрэмрэ ӀэпыӀэгъу афэхъущтыгъэх.
Чылапхъэ зыпхъырэм ехьылӀэгъэ гъэсэпэтхыдэр
(Маттэ 13:1-9; Марк 4:1-9)
4Ащ нэужым цӀыф купышхо къэзэрэугъоигъэу, тыдрэ къуаджэм къикӀыгъэ цӀыфхэри Исус дэжь къызэкӀохэм, мы гъэсэпэтхыдэр афиӀотагъ:
5– ЛӀы горэ чылапхъэ ыпхъынэу дэкӀыгъ. Чылапхъэр ыпхъызэ, ащ щыщ тӀэкӀу гъогум тетэкъуагъ. ЦӀыфхэм ар лъэгукӀэ аубагъ, ошъогу бзыухэми ашыпыгъ. 6ТӀэкӀуи чӀыгу мыжъуалъэм тетэкъуагъ. Ахэр къызыхэкӀыхэм, псы агъотыгъэпти, гъужьыгъэх. 7НэмыкӀ тӀэкӀуи панэхэм ахэтэкъуагъ. Панэхэр ахэмэ ягъусэхэу къэкӀыхи, чылапхъэу къыхэкӀыгъэхэр атхьэлагъэх. 8ЕтӀани зы тӀэкӀуи чӀыгу дэгъум хэтэкъуагъ. Ахэр къэкӀыхи, шъхьэлъагъэх, зы шъхьэ налъэм коцишъэ къикӀагъ. Ар Исус къызеӀотахэм, мэкъэшхокӀэ къыӀуагъ: – РыдэӀонэу тхьакӀумэ зиӀэм зэхерэх!
Исус цӀыфхэр ыгъасэхэзэ, гъэсэпэтхыдэхэр къызкӀафиӀуатэщтыгъэр
(Маттэ 13:10-17; Марк 4:10-12)
9Игъогу рыкӀохэрэр Исус къеупчӀыгъэх: – Мы гъэсэпэтхыдэм сыда къикӀырэр?
10– Тхьэм и Тетыгъошхо ишъэфхэр шъушӀэнхэу Тхьэм фитыныгъэ къышъуитыгъ, – ыӀуагъ Исус, – ау нэмыкӀ цӀыфхэм гъэсэпэтхыдэхэмкӀэ садэгущыӀэ. Аущтэу#8:10 Аущтэу… – еплъ Пегъымбар Ешайа тхылъэу ытхыгъэм 6:9-10.
«ахэр еплъыхэ пэтми, алъэгъущтэп, даӀохэ пэтми, къагурыӀощтэп».
Чылапхъэр зыпхъырэм ехьылӀэгъэ гъэсэпэтхыдэм къикӀырэр
(Маттэ 13:18-23; Марк 4:13-20)
11– Гъэсэпэтхыдэм къикӀырэр мыры: чылапхъэр Тхьэм игущыӀ ары. 12ЦӀыфхэм ащыщэу зы купыр чылапхъэу гъогум тетэкъуагъэм фэд. Мыхэр ары Тхьэм игущыӀэхэр зэхэзыххэрэр, ау етӀанэ шэйтаныр къэкӀошъ, шӀошъхъуныгъэ аримыгъэгъотызэ, а гущыӀэхэр агухэм арехыжьы, Тхьэм а цӀыфхэр къымыгъэнэжьынхэм пае. 13Адрэ цӀыф купыр чӀыгу мыжъуалъэм тетэкъогъэ чылапхъэм фэд. Мыхэр ары Тхьэм игущыӀэхэр зэрэзэхаххэу, а гущыӀэхэр гушӀуагъокӀэ зыштэхэрэр, ау ахэмэ лъапсэ яӀэп. ШӀошъхъуныгъэм игъогу бэрэ тетыжьхэрэп. ЯшӀошъхъуныгъэ ишъыпкъагъэ гъэунэфыгъэ зыхъукӀэ, шӀошъхъуныгъэм игъогу текӀыжьых. 14ЕтӀанэ зы цӀыф купыр панэхэм ахэтэкъогъэ чылапхъэм фэд. Мыхэр ары Тхьэм игущыӀэхэр зэхэзыххэрэр, ау мы дунаим игугъухэмкӀи, баиныгъэмкӀи, щыӀэныгъэм итхъагъохэмкӀи мэкӀэ-макӀэу зырагъэтхьалэ, ахэми шӀугъэ къапыкӀырэп. 15ЕтӀани нэмыкӀ цӀыф куп чӀыгу дэгъум хэтэкъогъэ чылапхъэм фэд. Мыхэр ары шӀугъэрэ шъыпкъагъэрэ зыгу илъхэу, Тхьэм игущыӀэхэр зэхэзыххэу зыубытхэрэр. Ахэмэ теубытагъэ яӀэу, шӀугъэ къапэкӀы. Исус ар къызеӀотахэм, мэкъэшхокӀэ къыӀуагъ: – РыдэӀонэу тхьакӀумэ зиӀэм зэхерэх!
Щэлъэ чӀэгъым чӀэт остыгъэр
(Марк 4:21-25)
16– Зыми остыгъэ хигъанэу, щэлъэ чӀэгъым е пӀэкӀор чӀэгъым чӀигъэуцорэп, ау унэм къихьэхэрэм инэфынэ алъэгъуным пае, тетыпӀэ лъагэм тырегъэуцо. 17Сыда пӀомэ, къэмылъэгъожьынэу гъэбылъыгъэ зи щыӀэп, цӀыфхэм къамышӀэнэуи къэмылъэгъожьынэуи чӀэухъумагъэ зи щыӀэп. 18Арышъ, шъузэдэӀущтым шъуфэсакъ. Тхьэм хэт щыщми зиӀэм нахьыбэ къыритыщт, ау зи зимыӀэм иӀэу шӀошӀырэри Ӏихыжьыщт Тхьэм.
Исус янэрэ ышхэмрэ
(Маттэ 12:46-50; Марк 3:31-35)
19Исус янэрэ ышхэмрэ ыдэжь къэкӀуагъэх, ары шъхьакӀэ цӀыфхэр багъэхэти, екӀолӀэнхэ алъэкӀыгъэп. 20Джащыгъум Исус къэбар фахьыгъ: – О уянэрэ пшыхэмрэ уалъэгъумэ ашӀоигъоу щагум дэтых.
21– Тхьэм игущыӀэхэр зэхэзыххэу зыгъэцакӀэхэрэр ары сянэри сшыхэри, – къариӀожьыгъ Исус ахэмэ.
Исус жьыбгъэ щынэгъошхор зэригъэуцугъэр
(Маттэ 8:23-27; Марк 4:35-41)
22Мафэ горэм игъогу рыкӀохэрэр игъусэхэу къуашъо горэм Исус итӀысхьи, ариӀуагъ: – НекӀо, псыхъураем иадрабгъу тызэпырыжъугъэкӀ. Аущтэу ежьагъэх. 23Къуашъом исхэу кӀохэзэ, Исус хэчъыягъ. Псыхъураем жьыбгъэшхо къыщепщи, къуашъом псыр изы къэхъоу фежьи, щынэгъошхо хэфагъэх.
24Джащыгъум Исус къыбгъодахьэхи, къагъэущи, аӀуагъ: – Зиусхьан, Зиусхьан, тэкӀоды! Исус къэтэджи, жьыбгъэшхоми псыорхэми ягыий, зэтыригъэуцуагъэх, кӀым-сыми къэхъугъ. 25ЕтӀанэ ахэмэ ариӀуагъ: – ШъуишӀошъхъуныгъэ тыдэ щыӀа? – Хэта мыр? Жьыбгъэшхоми псыми унашъо афишӀызэ егъэдаӀох, – щтагъэхэу, агъэшӀагъоу зэупчӀыжьыгъэх ахэр.
Исус джынэпцӀабэхэр зыхэс лӀы горэ зэригъэхъужьыгъэр
(Маттэ 8:28-34; Марк 5:1-20)
26Галилей хэкум къыпэӀулъ хэкоу къалэу Гадарэ епхыгъэм къуашъомкӀэ нэсыгъэх. 27Исус къуашъом икӀи, псы Ӏушъом зытехьэм, къалэм щыщэу джынапцӀэхэр зыхэс лӀы горэ къачъэзэ къыпэгъокӀыгъ. А лӀым бэшӀагъэу щыгъын щыгъыжьыгъэп, унэ горэми исыжьыгъэп, ау къэунэхэм ахэсыгъ. 28Ащ Исус зелъэгъум, ыпашъхьэ чӀыгум зыкъыщыридзыхи, мэкъэшхокӀэ куозэ, къыӀуагъ: – Исус, Тхьэу анахь Лъагэм ы Къу, сыда уиӀофэу къысхэлъыр? СыолъэӀу, къин сэмыгъэлъэгъу.
29Ар зыкӀиӀуагъэр джынэпцӀэ Ӏаер лӀым хэкӀыжьынэу Исус унашъо фишӀыгъэти ары. ДжынапцӀэхэр а лӀым бэрэ хахьэщтыгъэх. ЦӀыфхэм гъучӀ Ӏэхъу-лъэхъу ащ тыралъхьэти, къэрэгъулэхэр фашӀыщтыгъэх. Ау Ӏэхъу-лъэхъухэр зэпиутхэти, джынапцӀэм а лӀыр шъоф нэкӀым ригъэзыхьэщтыгъ.
30– Сыда о пцӀэр? – еупчӀыгъ Исус а лӀым. – Сэ сцӀэр дзэ, – къыӀожьыгъ ащ. Ар зыкӀиӀуагъэр джынэпцӀабэхэр хэхьагъэхэти ары. 31ДжынапцӀэхэр чӀылъэм икуупӀэу чӀэ зимыӀэм кӀонхэу унашъо афимышӀынэу Исус къелъэӀугъэх.
32А чӀыпӀэ дэдэм къо Ӏэхъогъушхо Ӏошъхьэ нэпкъым щыхъущтыгъ. А къохэм апкъыхэм ахэхьанхэу фит къышӀынхэу джынапцӀэхэр Исус къелъэӀугъэх. Исус ахэр фит ышӀыгъэх. 33Ардэдэм джынапцӀэхэр лӀым хэкӀыжьхи, къохэм апкъыхэм ахэхьагъэх. Къо Ӏэхъогъур Ӏошъхьэ нэпкъым къечъэхи, псыхъураем хэлъади, псым ытхьэлагъэх.
34Къуахъохэм хъугъэ-шӀагъэр залъэгъум, хэхьажьхи, къалэмрэ къуаджэхэмрэ хъугъэ-шӀагъэр ащаӀотагъ. 35ЦӀыфхэр хъугъэ-шӀагъэр зэрагъэлъэгъунэу дэкӀыгъэх. Ахэр Исус дэжь къызэкӀохэм, джынапцӀэхэр къызхэкӀыгъэ лӀыр фэпагъэу, иакъыл къыгъотыжьыгъэу Исус дэжь щысэу алъэгъугъ. Ар залъэгъум, лъэшэу къэщтагъэх. 36Хъугъэр зылъэгъугъэ цӀыфхэм джынапцӀэхэр зыхэсыгъэ лӀыр Исус зэригъэхъужьыгъэр джы ахэмэ къафаӀотэжьыгъ. 37Джащыгъум яхэку ыбгынэнэу Гадарэ цӀыф пстэури Исус къелъэӀугъ, сыда пӀомэ, ахэр щынэгъошхо хэфагъэхэти ары. Аущтэу ӀукӀыжьыным пае, Исус къуашъом итӀысхьагъ.
38Исус къуашъом итӀысхьэ пэтзэ, джынапцӀэхэр къызхэкӀыгъэ лӀыр Исус къелъэӀугъ: – Гъусэ сызыфэшӀ.
39– О уиунэ кӀожьи, Тхьэм къыпфишӀэгъэ шӀугъэшхор яӀотэжь! – риӀуагъ Исус а лӀым. ЕтӀанэ ытӀупщыжьыгъ. ЛӀыр кӀожьи, Исус къыфишӀэгъэ шӀугъэшхор къалэм щиӀотэжьыгъ.
Исус Иаир ыпхъоу лӀагъэр къызэригъэтэджыжьыгъэр;
Исус ищыгъын къынэсыгъэ бзылъфыгъэр зэригъэхъужьыгъэр
(Маттэ 9:18-26; Марк 5:21-43)
40ЕтӀанэ Исус къызегъэзэжьым, цӀыф купышхор къыпэгъокӀыгъ, сыда пӀомэ, зэкӀэри ащ паплъэщтыгъэти ары. 41Иаир зыцӀэ синэгогу пащэ горэ къакӀуи, Исус ылъакъохэм адэжь зыкъыщыридзыхи, къелъэӀугъ: – Садэжь къакӀо.
42Сыда пӀомэ, илъэс пшӀыкӀутӀу фэдиз ыныбжьэу пхъу закъо иӀагъ. Ар лӀэным нэсыгъэу сымаджэу щылъыгъ. Аущтэу Исус Иаир дэжь кӀо зэхъум, цӀыф купышхор тезэрэгъэгуагъ. 43Ахэмэ бзылъфыгъэ горэ ахэтыгъ, илъэс пшӀыкӀутӀу хъугъэу бэрэ лъы къыкӀэкӀэу гуӀэщтыгъэр. Ащ иӀэр зэкӀэ Ӏазэхэм атыригъэкӀодэгъагъ, ау зыми ыгъэхъужьын ылъэкӀыщтыгъэп. 44А бзылъфыгъэр Исус ыкӀыбкӀэ къекӀуалӀи, ищыгъын цыпэ къынэсыгъ. Ащ зэрэнэсэу илъыкӀэкӀын уцужьыгъэ.
45– Хэта къызнэсыгъэр? – ыӀуагъ Исус. Зэпстэуми загъэхые зэхъум, Петрэ къыӀуагъ: – Тхьэматэ, цӀыфхэм укъауцухьэзэ, къызэрэптезэрэгъэгуагъэхэр плъэгъурэба?
46– Зыгорэ къысэнэсыгъ, – ыӀуагъ Исус. – Сыда пӀомэ, кӀуачӀэ зэрэсхэкӀыгъэр зэхэсшӀагъ.
47Ау бзылъфыгъэм ышӀагъэр къызэрашӀэщтыр зелъэгъум, кӀэзэзэу къыӀухьи, Исус ыпашъхьэ зыкъыщыридзыхи, цӀыф пстэуми апашъхьэ ащ зыкӀынэсыгъэри, занкӀэу зэрэхъужьыгъэри къыӀуагъ.
48– Сипшъашъ, уишӀошъхъуныгъэ уигъэхъужьыгъ, – риӀуагъ Исус. – Гъогумаф. Гупсэф уиӀэу опсэу.
49Исус гущыӀэзэ, синэгогу пащэм иунэ зыгорэ къикӀыгъэу къыӀухьи, къыӀуагъ: – О ппхъу дунаим ехыжьыгъ. Дин гъэсакӀом къин джыри емыгъэлъэгъужь.
50Ау Исус ар зызэхехым, Иаир риӀуагъ: – О умыщын. ШӀошъхъуныгъэ зигъэӀэ къодый. Ппхъу къэхъужьыщт.
51Исус Иаир иунэ зынэсым, Петрэ, Иуан, Якъуб, пшъэшъэжъыем ятэ-янэ анэмыкӀ унэм зыдыригъэхьагъэп. 52Хьэдагъэ къаӀэтызэ, цӀыф пстэури абгъэгухэм еожьыщтыгъэх. Ау Исус ыӀуагъ: – Хьэдагъэ шъумышӀы. Ар лӀагъэп, мэчъые нахь.
53Ау ахэмэ ар зэрэлӀагъэр ашӀэти, Исус ахэр къыдэхьащхыгъэх. 54Ау Исус пшъэшъэжъыем ыӀэ къыубыти, мэкъэшхокӀэ къыӀуагъ: – Сипшъэшъэжъый, къэтэдж!
55Пшъэшъэжъыем ыпсэ къыхэхьажьи, ардэдэм къэтэджыжьыгъ. Ар агъэшхэнэу Исус ариӀуагъ. 56Пшъэшъэжъыем ятэ-янэхэм лъэшэу агъэшӀэгъуагъ, ау Исус хъугъэ-шӀагъэр зыми рамыӀотэжьынэу афигъэпытагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм