Маттэ 19
19
ЯПШӀЫКӀУБГЪОНЭРЭШЪХЬ
Шъхьэгъусэр тӀупщыжьыным ехьылӀагъ
(Марк 10:1-12)
1Исус а гущыӀэхэр къызеӀохэм ыуж, Галилей хэкум икӀи, Иудей хэкоу Иордан псыхъом иадрабгъу щыӀэм кӀуагъэ. 2ЦӀыф купышхохэри ыуж итхэу кӀуагъэх, ахэмэ ахэт сымаджэхэри а чӀыпӀэм щигъэхъужьыгъ.
3Джащыгъум фарисей заулэ Исус къыбгъодахьи, хагъэукъоным пае къеупчӀыгъэх:
– Сыд фэдэ шъхьаусыгъом къыхэкӀыкӀэ лӀым ишъуз ытӀупщыжьыныр хабзэкӀэ хъущта?
4– ЩыӀэр зэкӀэ къэзгъэхъугъэ Тхьэм ублапӀэм дэжь «хъулъфыгъэрэ бзылъфыгъэрэ къыгъэхъугъ» ыӀоу, Тхьэм игущыӀэ тхыгъэхэм арытхэм#19:4 Тхьэм игущыӀэ тхыгъэхэм арытхэр – еплъ Пегъымбар Мусэ апэрэ тхылъэу ытхыгъэм (УблапӀэм) 1:27. шъуяджагъэба? – пэгъокӀ ытыжьыгъ Исус. 5– «Ащ къыхэкӀыкӀэ хъулъфыгъэр ятэ-янэхэм ахэкӀынышъ, ишъуз гъусэ фэхъунышъ, итӀур зыпкъ хъущтых» ыӀоу, Тхьэм зэриӀуагъэм#19:5 Тхьэм зэриӀуагъэр – еплъ Пегъымбар Мусэ апэрэ тхылъэу ытхыгъэм 2:24. шъуеджагъэба? 6Аущтэу ахэр зыпкъых нахь, пкъитӀу хъужьхэрэп. Арышъ, а тӀоу Тхьэм гъусэ зэфишӀыгъэхэр цӀыфым зэгуигъэкӀыжь хъущтэп.
7– Адэ, «лӀы горэм зэритӀупщыжьырэ тхылъ ишъуз ритымэ, шъузыр ытӀупщыжь хъущт» ыӀуи, пегъымбар Мусэ сыд пае унашъо къышӀыгъа?#19:7 пегъымбар Мусэ унашъо къышӀыгъ – еплъ Пегъымбар Мусэ ятфэнэрэ тхылъэу ытхыгъэм 24:1. – къыраӀуагъ фарисейхэм Исус.
8– Шъуигуркъагъэ пае шъуишъузхэр шъутӀупщыжьынхэу пегъымбар Мусэ фит шъуишӀыгъ, – ариӀожьыгъ Исус. – Ау ублапӀэм дэжь ащ фэдагъэп. 9Ау сэ шъосэӀо, ишъуз зинэ ымышӀагъэу хэтми зытӀупщыжьэу, нэмыкӀ бзылъфыгъэ къэзыщэжьырэм зинэ ышӀагъэу мэхъу. Ащ фэдэу хэтми лӀы горэм ытӀупщыжьыгъэ шъуз къэзыщэжьырэм зинэ ышӀагъэу мэхъу.
10– ЛӀымрэ шъузымрэ зэрэзэфыщытыр арымэ, ащыгъум къэмыщэныр нахьышӀу, – къыраӀуагъ игъогу рыкӀохэрэм Исус.
11– Сэ къэсӀуагъэр хэти ыштэн ылъэкӀыщтэп, – ариӀожьыгъ Исус. – Ар зыштэн зылъэкӀхэрэр Тхьэм лъэкӀ къызэритыгъэхэр ары ныӀэп; 12сыда пӀомэ, цӀыфхэм ащыщхэу зы куп янэмэ къызэралъфэу къащэни дэкӀони амылъэкӀынэу къэхъухэшъ, къащэни дэкӀони алъэкӀырэп. НэмыкӀхэри къащэн амылъэкӀынэу цӀыфхэм ашӀыгъэх. ЕтӀанэ нэмыкӀхэми Тхьэу уашъом щыӀэм и Тетыгъошхо ыӀэчӀэгъ чӀэтынхэм пае, ежьхэм къащэни дэкӀони адэрэп. Ар зыштэн зылъэкӀырэм ерэшт.
Исусрэ сабыйхэмрэ
(Марк 10:13-16; Лука 18:15-17)
13Джащыгъум цӀыфхэм сабыйхэр Исус къыфащагъэх, Тхьэм ынэшӀу къащифэным пае, Исус ыӀэхэр атырилъхьэнхэуи Тхьэм афелъэӀунэуи. Ау Исус игъогу рыкӀохэрэм ахэмэ афадагъэп. 14КъыӀуагъ Исус:
– Сабыйхэр садэжь къэрэкӀох, пэрыохъу шъуафэмыхъу, сыда пӀомэ, ащ фэдэхэр Тхьэу уашъом щыӀэм и Тетыгъошхо ыӀэчӀэгъ чӀэтых.
15ЕтӀанэ Исус ыӀэхэр ахэмэ атрилъхьагъ. Ащ нэужым а чӀыпӀэм икӀыжьыгъ.
КӀэлэ баир
(Марк 10:17-31; Лука 18:18-30)
16ЛӀы горэ Исус къыбгъодахьи, къыӀуагъ:
– Дин гъэсакӀу, мыкӀодыжьын щыӀэныгъэ згъотыным пае, сыд дэгъоу сшӀэщтыр?
17– ДэгъумкӀэ сыд пае укъысэупчӀыра? – риӀожьыгъ Исус а лӀым. – Тхьэм нэмыкӀ дэгъу зи щыӀэп. МыкӀодыжьын щыӀэныгъэ бгъотынэу уфаемэ, Тхьэм иунашъохэр гъэцакӀэх.
18– Сыд унашъоха?#19:18-19 Сыд унашъоха – еплъ Пегъымбар Мусэ ятӀонэрэ тхылъэу ытхыгъэм 20:12-16; ящэнэрэ тхылъэу ытхыгъэм 19:18. – къеупчӀыжьыгъ адрэр Исус.
– «ЦӀыф умыукӀы, зинэ умышӀэ, умытыгъу, нэмыкӀ цӀыфхэм пцӀы атемылъхь, 19уятэрэ уянэрэ лъытэныгъэ афэшӀ, о пшъхьэ шӀу зэрэплъэгъурэм фэдэу, уигъунэгъуи шӀу лъэгъу», – къыӀожьыгъ Исус.
20– СикӀэлэгъу къыщегъэжьагъэу ахэр зэкӀэ сэгъэцакӀэх, – къыриӀожьыгъ кӀалэм Исус. – Сыда джыри сищыкӀагъэр?
21– Зишъыпкъагъэ щыкӀагъэ зимыӀэ цӀыф икъугъэ ухъунэу уфаемэ, кӀуи, уимылъку щэжьи, ахъщэр тхьамыкӀэхэм ят, – риӀожьыгъ Исус. – Джащыгъум уашъом мылъкушхо щыуиӀэ хъущт. ЕтӀанэ къакӀуи, сауж къырыкӀу.
22КӀалэм ар зызэхехым, ыгу къеоу ӀукӀыжьыгъ, сыда пӀомэ, мылъкушхо иӀагъэти ары.
23– Шъыпкъэр шъосэӀо, Тхьэу уашъом щыӀэм и Тетыгъошхо ыӀэчӀэгъ чӀэхьаныр баимкӀэ къин, – ариӀуагъ Исус игъогу рыкӀохэрэм. 24– Джыри шъосэӀо, баир Тхьэм и Тетыгъошхо ыӀэчӀэгъ чӀэхьаным нахьи, махъшэр мэстанэм икӀыныр нахь ӀэшӀэх.
25Исус къыӀуагъэр игъогу рыкӀохэрэм зызэхахым, ар лъэшэу агъэшӀагъоу къеупчӀыгъэх:
– Ащыгъум, ежь зимыгъэкӀодэу, хэта зыкъэзгъэнэжьын зылъэкӀыщтыр?
26Исус ахэмэ яплъи, ариӀуагъ:
– ЦӀыфхэм ежьхэм замыгъэкӀодэу, зыкъагъэнэжьын алъэкӀырэп, ау Тхьэм ымылъэкӀын Ӏоф зи щыӀэп.
27– Моу къэдаӀолъ, тэ тиӀэгъэ пстэури къэдгъани, о уауж тыкъихьагъ, – къыриӀуагъ Петрэ Исус. – Сыда ащыгъум ӀахьышӀоу тэ къэдгъотыщтыр?
28– Шъыпкъэр шъосэӀо, – ариӀуагъ Исус, – адрэ дунаим ЦӀыф Лъэпкъым ы Къо щытхъушхо иӀэу итӀысыпӀэ лъапӀэ зытетӀысхьэкӀэ, шъо сауж къырыкӀуагъэхэр тӀысыпӀэ лъэпӀэ пшӀыкӀутӀумэ шъуатетӀысхьанышъ, мысэхэмрэ хыехэмрэ зэхэжъудзыхэзэ, Израиль илӀэкъо пшӀыкӀутӀумэ хьыкум атешъушӀыхьащт. 29Хэт щыщми е зиунэхэр, е зышхэр, е зышыпхъухэр, е зятэ, е зянэ, е зилъфыгъэхэр, е чӀыгухэр сэщ пае къэзгъэнагъэм фэдишъэу къыгъотыщт, мыкӀодыжьын щыӀэныгъи ӀахьышӀоу къылъысыщт. 30Ау апэ итхэм ащыщхэу бэхэр ауж къинэщтых, ауж итхэри апэ хъущтых.
Currently Selected:
Маттэ 19: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Маттэ 19
19
ЯПШӀЫКӀУБГЪОНЭРЭШЪХЬ
Шъхьэгъусэр тӀупщыжьыным ехьылӀагъ
(Марк 10:1-12)
1Исус а гущыӀэхэр къызеӀохэм ыуж, Галилей хэкум икӀи, Иудей хэкоу Иордан псыхъом иадрабгъу щыӀэм кӀуагъэ. 2ЦӀыф купышхохэри ыуж итхэу кӀуагъэх, ахэмэ ахэт сымаджэхэри а чӀыпӀэм щигъэхъужьыгъ.
3Джащыгъум фарисей заулэ Исус къыбгъодахьи, хагъэукъоным пае къеупчӀыгъэх:
– Сыд фэдэ шъхьаусыгъом къыхэкӀыкӀэ лӀым ишъуз ытӀупщыжьыныр хабзэкӀэ хъущта?
4– ЩыӀэр зэкӀэ къэзгъэхъугъэ Тхьэм ублапӀэм дэжь «хъулъфыгъэрэ бзылъфыгъэрэ къыгъэхъугъ» ыӀоу, Тхьэм игущыӀэ тхыгъэхэм арытхэм#19:4 Тхьэм игущыӀэ тхыгъэхэм арытхэр – еплъ Пегъымбар Мусэ апэрэ тхылъэу ытхыгъэм (УблапӀэм) 1:27. шъуяджагъэба? – пэгъокӀ ытыжьыгъ Исус. 5– «Ащ къыхэкӀыкӀэ хъулъфыгъэр ятэ-янэхэм ахэкӀынышъ, ишъуз гъусэ фэхъунышъ, итӀур зыпкъ хъущтых» ыӀоу, Тхьэм зэриӀуагъэм#19:5 Тхьэм зэриӀуагъэр – еплъ Пегъымбар Мусэ апэрэ тхылъэу ытхыгъэм 2:24. шъуеджагъэба? 6Аущтэу ахэр зыпкъых нахь, пкъитӀу хъужьхэрэп. Арышъ, а тӀоу Тхьэм гъусэ зэфишӀыгъэхэр цӀыфым зэгуигъэкӀыжь хъущтэп.
7– Адэ, «лӀы горэм зэритӀупщыжьырэ тхылъ ишъуз ритымэ, шъузыр ытӀупщыжь хъущт» ыӀуи, пегъымбар Мусэ сыд пае унашъо къышӀыгъа?#19:7 пегъымбар Мусэ унашъо къышӀыгъ – еплъ Пегъымбар Мусэ ятфэнэрэ тхылъэу ытхыгъэм 24:1. – къыраӀуагъ фарисейхэм Исус.
8– Шъуигуркъагъэ пае шъуишъузхэр шъутӀупщыжьынхэу пегъымбар Мусэ фит шъуишӀыгъ, – ариӀожьыгъ Исус. – Ау ублапӀэм дэжь ащ фэдагъэп. 9Ау сэ шъосэӀо, ишъуз зинэ ымышӀагъэу хэтми зытӀупщыжьэу, нэмыкӀ бзылъфыгъэ къэзыщэжьырэм зинэ ышӀагъэу мэхъу. Ащ фэдэу хэтми лӀы горэм ытӀупщыжьыгъэ шъуз къэзыщэжьырэм зинэ ышӀагъэу мэхъу.
10– ЛӀымрэ шъузымрэ зэрэзэфыщытыр арымэ, ащыгъум къэмыщэныр нахьышӀу, – къыраӀуагъ игъогу рыкӀохэрэм Исус.
11– Сэ къэсӀуагъэр хэти ыштэн ылъэкӀыщтэп, – ариӀожьыгъ Исус. – Ар зыштэн зылъэкӀхэрэр Тхьэм лъэкӀ къызэритыгъэхэр ары ныӀэп; 12сыда пӀомэ, цӀыфхэм ащыщхэу зы куп янэмэ къызэралъфэу къащэни дэкӀони амылъэкӀынэу къэхъухэшъ, къащэни дэкӀони алъэкӀырэп. НэмыкӀхэри къащэн амылъэкӀынэу цӀыфхэм ашӀыгъэх. ЕтӀанэ нэмыкӀхэми Тхьэу уашъом щыӀэм и Тетыгъошхо ыӀэчӀэгъ чӀэтынхэм пае, ежьхэм къащэни дэкӀони адэрэп. Ар зыштэн зылъэкӀырэм ерэшт.
Исусрэ сабыйхэмрэ
(Марк 10:13-16; Лука 18:15-17)
13Джащыгъум цӀыфхэм сабыйхэр Исус къыфащагъэх, Тхьэм ынэшӀу къащифэным пае, Исус ыӀэхэр атырилъхьэнхэуи Тхьэм афелъэӀунэуи. Ау Исус игъогу рыкӀохэрэм ахэмэ афадагъэп. 14КъыӀуагъ Исус:
– Сабыйхэр садэжь къэрэкӀох, пэрыохъу шъуафэмыхъу, сыда пӀомэ, ащ фэдэхэр Тхьэу уашъом щыӀэм и Тетыгъошхо ыӀэчӀэгъ чӀэтых.
15ЕтӀанэ Исус ыӀэхэр ахэмэ атрилъхьагъ. Ащ нэужым а чӀыпӀэм икӀыжьыгъ.
КӀэлэ баир
(Марк 10:17-31; Лука 18:18-30)
16ЛӀы горэ Исус къыбгъодахьи, къыӀуагъ:
– Дин гъэсакӀу, мыкӀодыжьын щыӀэныгъэ згъотыным пае, сыд дэгъоу сшӀэщтыр?
17– ДэгъумкӀэ сыд пае укъысэупчӀыра? – риӀожьыгъ Исус а лӀым. – Тхьэм нэмыкӀ дэгъу зи щыӀэп. МыкӀодыжьын щыӀэныгъэ бгъотынэу уфаемэ, Тхьэм иунашъохэр гъэцакӀэх.
18– Сыд унашъоха?#19:18-19 Сыд унашъоха – еплъ Пегъымбар Мусэ ятӀонэрэ тхылъэу ытхыгъэм 20:12-16; ящэнэрэ тхылъэу ытхыгъэм 19:18. – къеупчӀыжьыгъ адрэр Исус.
– «ЦӀыф умыукӀы, зинэ умышӀэ, умытыгъу, нэмыкӀ цӀыфхэм пцӀы атемылъхь, 19уятэрэ уянэрэ лъытэныгъэ афэшӀ, о пшъхьэ шӀу зэрэплъэгъурэм фэдэу, уигъунэгъуи шӀу лъэгъу», – къыӀожьыгъ Исус.
20– СикӀэлэгъу къыщегъэжьагъэу ахэр зэкӀэ сэгъэцакӀэх, – къыриӀожьыгъ кӀалэм Исус. – Сыда джыри сищыкӀагъэр?
21– Зишъыпкъагъэ щыкӀагъэ зимыӀэ цӀыф икъугъэ ухъунэу уфаемэ, кӀуи, уимылъку щэжьи, ахъщэр тхьамыкӀэхэм ят, – риӀожьыгъ Исус. – Джащыгъум уашъом мылъкушхо щыуиӀэ хъущт. ЕтӀанэ къакӀуи, сауж къырыкӀу.
22КӀалэм ар зызэхехым, ыгу къеоу ӀукӀыжьыгъ, сыда пӀомэ, мылъкушхо иӀагъэти ары.
23– Шъыпкъэр шъосэӀо, Тхьэу уашъом щыӀэм и Тетыгъошхо ыӀэчӀэгъ чӀэхьаныр баимкӀэ къин, – ариӀуагъ Исус игъогу рыкӀохэрэм. 24– Джыри шъосэӀо, баир Тхьэм и Тетыгъошхо ыӀэчӀэгъ чӀэхьаным нахьи, махъшэр мэстанэм икӀыныр нахь ӀэшӀэх.
25Исус къыӀуагъэр игъогу рыкӀохэрэм зызэхахым, ар лъэшэу агъэшӀагъоу къеупчӀыгъэх:
– Ащыгъум, ежь зимыгъэкӀодэу, хэта зыкъэзгъэнэжьын зылъэкӀыщтыр?
26Исус ахэмэ яплъи, ариӀуагъ:
– ЦӀыфхэм ежьхэм замыгъэкӀодэу, зыкъагъэнэжьын алъэкӀырэп, ау Тхьэм ымылъэкӀын Ӏоф зи щыӀэп.
27– Моу къэдаӀолъ, тэ тиӀэгъэ пстэури къэдгъани, о уауж тыкъихьагъ, – къыриӀуагъ Петрэ Исус. – Сыда ащыгъум ӀахьышӀоу тэ къэдгъотыщтыр?
28– Шъыпкъэр шъосэӀо, – ариӀуагъ Исус, – адрэ дунаим ЦӀыф Лъэпкъым ы Къо щытхъушхо иӀэу итӀысыпӀэ лъапӀэ зытетӀысхьэкӀэ, шъо сауж къырыкӀуагъэхэр тӀысыпӀэ лъэпӀэ пшӀыкӀутӀумэ шъуатетӀысхьанышъ, мысэхэмрэ хыехэмрэ зэхэжъудзыхэзэ, Израиль илӀэкъо пшӀыкӀутӀумэ хьыкум атешъушӀыхьащт. 29Хэт щыщми е зиунэхэр, е зышхэр, е зышыпхъухэр, е зятэ, е зянэ, е зилъфыгъэхэр, е чӀыгухэр сэщ пае къэзгъэнагъэм фэдишъэу къыгъотыщт, мыкӀодыжьын щыӀэныгъи ӀахьышӀоу къылъысыщт. 30Ау апэ итхэм ащыщхэу бэхэр ауж къинэщтых, ауж итхэри апэ хъущтых.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм