Маттэ 22
22
ЯТӀОКӀЫРЭ ТӀУНЭРЭШЪХЬ
Нысэщэ джэгушхом ехьылӀэгъэ гъэсэпэтхыдэр
(Лука 14:15-24)
1Джыри зэ Исус гъэсэпэтхыдэхэмкӀэ цӀыфхэр ыгъасэщтыгъэх, ариӀозэ:
2– Тхьэу уашъом щыӀэм и Тетыгъошхо зыфэдэр мары. Пачъыхьэ горэм ыкъо къыригъащи, нысэщэ джэгушхо фишӀыгъ. 3Къыригъэблэгъэнхэу зэриӀогъэгъэ цӀыфхэм пачъыхьэм иунэӀутхэр алъигъэкӀуагъэх, ау къэкӀонхэу фэягъэхэп.
4ЕтӀанэ пачъыхьэм нэмыкӀ унэӀутхэр ыгъакӀуагъэх, моущтэу ариӀуи: «Къезгъэблэгъэнхэу зэсӀогъагъэхэм яшъуӀу: Ӏанэр хьазыр, сицухэри сибылымхэу джэгушхом фэзгъэшхагъэхэри шӀуязгъэбзыгъэх, зэкӀэри хьазыр; джэгушхом шъукъеблагъ».
5– Ау унэӀутхэм къаӀуагъэм а цӀыфхэр ымыгъапэхэу зэбгырыкӀыгъэх, зыр ихьасэ кӀуагъэ, адрэри иӀоф ыуж ихьажьыгъ. 6Адрэхэм пачъыхьэм иунэӀутхэр аубытхи, лые арахызэ, къаукӀыгъэх. 7Пачъыхьэм ар зызэхехым, губжи, идзэ ыгъакӀуи, а цӀыф укӀакӀохэр лъэпсэкӀодэу аригъэгъэкӀодхи, якъали тыраригъэгъэстыкӀыгъ.
8– ЕтӀанэ пачъыхьэм иунэӀутхэм ариӀуагъ: «Джэгушхор ашӀынэу хьазыр, ау къезгъэблэгъэнхэу зэсӀогъэгъэ цӀыфхэр къэкӀонхэр яфэшъуашэп. 9Арышъ, гъогу зэхэкӀыпӀэхэм шъукӀуи, хэт щыщ жъугъотми, джэгушхом къежъугъэблагъ». 10А унэӀутхэр гъогухэм атехьэхи, агъотыгъэхэр зэкӀэ, цӀыф дэгъуи цӀыф бзаджи, къырагъэблэгъагъ; аущтэу джэгур зыщашӀырэ унэм изы хъугъэ.
11– Ау етӀанэ пачъыхьэм хьакӀэхэр зэригъэлъэгъунхэу къызехьэм, нысащэм фэшъошэ щыгъын щымыгъэу лӀы горэ ылъэгъугъ. 12Зелъэгъум, а лӀым еупчӀыгъ: «Синыбджэгъу, моущтэу уфэпагъэу сыдэущтэу укъихьагъа?» Ау адрэм зиушъэфыгъ.
13– Джащыгъум пачъыхьэм иунэӀутмэ ариӀуагъ: «Ӏэхъу-лъэхъу а лӀым тешъулъхьи, шӀункӀым икуупӀэ хэшъудз. Ащ дэжьым куохьаурэ цэ зэрэгъэшхырэ щыхъущтых».
14– Сыда пӀомэ, къеблэгъагъэхэр бэ, ау къыхахыгъэхэр макӀэх, – къыпигъэхъожьыгъ Исус.
Хьакъулахь ахъщэм ехьылӀагъ
(Марк 12:13-17; Лука 20:20-26)
15Джащыгъум фарисейхэр кӀохи, Исус игущыӀэ горэм зэрэтыраубытэн шӀыкӀэмкӀэ зэупчӀыжьыгъэх. 16Аущтэу фарисейхэм ежьхэм ягъогу рыкӀохэрэр Исус дэжь агъэкӀуагъэх, пщэу Ирод дезгъаштэхэрэр#22:16 пщэу Ирод дезгъаштэхэрэр – ахэр Рим Ӏэшъхьэтетым фэмыехэу, пачъыхьэ Ирод Иным къытекӀыгъэ цӀыфхэм ащыщэу зыгорэ пщы афэхъунэу фэягъэх. ягъусэхэу. Ахэмэ къаӀуагъ:
– Дин гъэсакӀу, шъыпкъагъэ зиӀэ лӀэу узэрэпсэурэри, шъыпкъагъэм тетэу Тхьэм игъогу цӀыфхэм зэрябгъашӀэрэри тэшӀэ. ЦӀыфхэм аӀорэми уигъапэрэп, сыда пӀомэ, цӀыфмэ ятеплъэ уемыплъэу, цӀыф пстэури уизэфэд. 17Арышъ, къытаӀу, сыд фэдэу ухаплъэра? Кайсарым#22:17 Кайсар – а лъэхъаным, Исус къызэхъу нэужым 14-37 илъэсхэм къакӀоцӀ, Тиберые зыцӀэр рим Кайсарыгъ. хьакъулахь ахъщэр етты хъущта, мыхъущта?
18Ау Исус ахэмэ ябзэджагъэ гу лъитагъэти, къыӀуагъ:
– Сыд пае сыхэжъугъэукъонэу шъупылъа, шъо, нэпитӀу зиӀэхэр? 19Мо хьакъулахь ахъщэр сэжъугъэлъэгъу. Аущтэу динар ахъщэ Исус къыфахьыгъ.
20– Хэта зисурэт мыщ итыри, хэта зыцӀэ мыщ тетхагъэри? – яупчӀыгъ Исус.
21– Кайсарыр ары, – къаӀуагъ ахэмэ.
– Ащыгъум Кайсарым иер Кайсарым ешъутыжь, Тхьэм иери Тхьэм ешъутыжь, – ариӀуагъ Исус.
22Ар зызэхахым, агъэшӀагъозэ, Исус къагъани, ахэр ӀукӀыжьыгъэх.
Саддукейхэр лӀагъэхэм къэтэджыжьыкӀэ афэхъущтым ехьылӀагъэу Исус къызэреупчӀыгъэхэр
(Марк 12:18-27; Лука 20:27-40)
23А мэфэ дэдэм лӀагъэхэр къызэрэтэджыжьыщтхэр зышӀошъ мыхъухэрэ саддукейхэм ащыщхэр Исус къыбгъодахьэхи, къеупчӀыгъэх:
24– Дин гъэсакӀу, пегъымбар Мусэ ыӀуагъ#22:24 пегъымбар Мусэ ыӀуагъ – еплъ Пегъымбар Мусэ ятфэнэрэ тхылъэу ытхыгъэм 25:5-6.: «ЛӀы горэ лъфыгъэ имыӀэу лӀэмэ, а лӀым унагъо фишӀыным пае, ыш шъузабэр къыщэжьын фае». 25Тэ зэкъошибл къытхэтыгъ. Ахэмэ ащыщэу апэрэм шъуз къыщагъэу дунаим ехыжьыгъ. Лъфыгъэ иӀагъэпти, шъузыр ыш къыфэнагъ. 26Ащ фэдэуи ятӀонэрэми, ящэнэрэми, яблэнэрэми нэс ар къяхъулӀагъ. 27Зэпстэуми ауж дэдэу шъузыри дунаим ехыжьыгъ. 28Джы лӀагъэхэр къызытэджыжьхэкӀэ, мы зэкъошиблымэ ащыщэу хэта ар зишъузыщтыр, зэкӀэми шъузэу яӀагъэмэ?
29– Шъухэукъо, – ариӀожьыгъ Исус ахэмэ. – ШъузкӀыхэукъорэр Тхьэм игущыӀэ тхыгъэхэмрэ Тхьэм илъэкӀышхорэ зэрэшъумышӀэхэрэр ары. 30Сыда пӀомэ, лӀагъэхэр къызытэджыжьхэкӀэ, шъуз къащэжьыщтэп, лӀыми дэкӀожьыщтхэп, уашъом щыӀэ мэлэӀичхэм афэдэщтых нахь. 31Ау «шъыпкъэу лӀагъэхэр къэтэджыжьыщтха?» шъуӀоу шъукъэупчӀымэ, мы гущыӀэхэу Тхьэм ыӀуагъэхэм#22:31-32 мы гущыӀэхэу Тхьэм ыӀуагъэхэр – еплъ Пегъымбар Мусэ ятӀонэрэ тхылъэу ытхыгъэм 3:2-6. шъуяджагъэба: 32«Сэры Ибрахьими, Исхьакъи, Якъуби я Тхьэр»? Ащ къикӀырэр Тхьэр псэухэмрэ лӀагъэхэу зыфаӀохэрэмрэ зэря Тхьэр ары.
33ЦӀыф купышхохэм ар зызэхахым, Исус Тхьэм игущыӀэхэр зэраригъашӀэщтыгъэ шӀыкӀэр агъэшӀэгъуагъ.
Тхьэм иунашъохэм ащыщэу анахь лъэпӀэ дэдэр
(Марк 12:28-34; Лука 10:25-28)
34Исус саддукеймэ ажэхэр аригъэубытыгъэу фарисеймэ зызэхахым, зэрэугъоигъэх. 35Ахэмэ ащыщэу зы Тэурат егъэджэкӀо пащэ горэ Исус ыгъэунэфыным пае къеупчӀыгъ:
36– Дин гъэсакӀу, Тхьэм иунашъохэм ащыщэу анахь лъэпӀэ дэдэр#22:36-37 Тхьэм иунашъохэм ащыщэу анахь лъэпӀэ дэдэр – еплъ Пегъымбар Мусэ ятфэнэрэ тхылъэу ытхыгъэм 6:5. тара?
37– «ЗэкӀэ о угурэ упсэрэкӀи, зэкӀэ уизэхэшӀыкӀыкӀи о Зиусхьанэу уи Тхьэ шӀу лъэгъу», – риӀожьыгъ Исус. 38– Анахь лъэпӀэ дэдэу, апэрэ унашъор джары. 39ЯтӀонэрэ унашъори#22:39 ятӀонэрэ унашъор – еплъ Пегъымбар Мусэ ящэнэрэ тхылъэу ытхыгъэм 19:18. ащ фэд: «О пшъхьэ шӀу зэрэплъэгъурэм фэдэу, уигъунэгъуи шӀу лъэгъу». 40Мы унэшъуитӀум пегъымбар Мусэ и Тэурат хабзэ итхэмрэ зэкӀэ адрэ пегъымбархэм аӀуагъэхэмрэ зэкӀэ къырагъэубыты.
Христос хэта зыкъор?
(Марк 12:35-37; Лука 20:41-44)
41Фарисейхэр къызызэрэугъоихэм, Исус ахэмэ яупчӀыгъ:
42– Христос сыда ешъуӀуалӀэрэр? Хэт ыкъу ар?
– Даутэ ыкъу, – къыраӀожьыгъ фарисеймэ.
43– Аущтэу щытмэ, Тхьэм ы Псэ ЛъапӀэ Даутэ ыгу къырилъхьи, Христос ехьылӀагъэу «Си Зиусхьан» ыӀозэ, къызэрэригъэӀуагъэр сыдэущтэу хъугъа? – ариӀожьыгъ Исус. – Даутэ ыӀуагъэба#22:43-44 Даутэ ыӀуагъэба – яплъ Орэд ЛъапӀэхэм 109:1.:
44«Тхьэу Зиусхьаным сэ си Зиусхьан къыриӀуагъ: „Уипыйхэр плъэкъо чӀэгъ къычӀэсэгъэуцофэхэ, сэ сиджабгъукӀэ о щыс“»?
45Ежь Даутэ Христос «си ЗиусхьанкӀэ» еджэ, – къыпигъэхъожьыгъ Исус. – Арэу зыхъукӀэ, сыдэущтэу Христос Даутэ ыкъо хъура?
46Зыми Исус зы гущыӀи къыриӀожьын ылъэкӀыгъэп. А мафэм къыщегъэжагъэу ащ нэмыкӀыкӀэ Исус къеупчӀыжьынэу хэти тегушхуагъэп.
Currently Selected:
Маттэ 22: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Маттэ 22
22
ЯТӀОКӀЫРЭ ТӀУНЭРЭШЪХЬ
Нысэщэ джэгушхом ехьылӀэгъэ гъэсэпэтхыдэр
(Лука 14:15-24)
1Джыри зэ Исус гъэсэпэтхыдэхэмкӀэ цӀыфхэр ыгъасэщтыгъэх, ариӀозэ:
2– Тхьэу уашъом щыӀэм и Тетыгъошхо зыфэдэр мары. Пачъыхьэ горэм ыкъо къыригъащи, нысэщэ джэгушхо фишӀыгъ. 3Къыригъэблэгъэнхэу зэриӀогъэгъэ цӀыфхэм пачъыхьэм иунэӀутхэр алъигъэкӀуагъэх, ау къэкӀонхэу фэягъэхэп.
4ЕтӀанэ пачъыхьэм нэмыкӀ унэӀутхэр ыгъакӀуагъэх, моущтэу ариӀуи: «Къезгъэблэгъэнхэу зэсӀогъагъэхэм яшъуӀу: Ӏанэр хьазыр, сицухэри сибылымхэу джэгушхом фэзгъэшхагъэхэри шӀуязгъэбзыгъэх, зэкӀэри хьазыр; джэгушхом шъукъеблагъ».
5– Ау унэӀутхэм къаӀуагъэм а цӀыфхэр ымыгъапэхэу зэбгырыкӀыгъэх, зыр ихьасэ кӀуагъэ, адрэри иӀоф ыуж ихьажьыгъ. 6Адрэхэм пачъыхьэм иунэӀутхэр аубытхи, лые арахызэ, къаукӀыгъэх. 7Пачъыхьэм ар зызэхехым, губжи, идзэ ыгъакӀуи, а цӀыф укӀакӀохэр лъэпсэкӀодэу аригъэгъэкӀодхи, якъали тыраригъэгъэстыкӀыгъ.
8– ЕтӀанэ пачъыхьэм иунэӀутхэм ариӀуагъ: «Джэгушхор ашӀынэу хьазыр, ау къезгъэблэгъэнхэу зэсӀогъэгъэ цӀыфхэр къэкӀонхэр яфэшъуашэп. 9Арышъ, гъогу зэхэкӀыпӀэхэм шъукӀуи, хэт щыщ жъугъотми, джэгушхом къежъугъэблагъ». 10А унэӀутхэр гъогухэм атехьэхи, агъотыгъэхэр зэкӀэ, цӀыф дэгъуи цӀыф бзаджи, къырагъэблэгъагъ; аущтэу джэгур зыщашӀырэ унэм изы хъугъэ.
11– Ау етӀанэ пачъыхьэм хьакӀэхэр зэригъэлъэгъунхэу къызехьэм, нысащэм фэшъошэ щыгъын щымыгъэу лӀы горэ ылъэгъугъ. 12Зелъэгъум, а лӀым еупчӀыгъ: «Синыбджэгъу, моущтэу уфэпагъэу сыдэущтэу укъихьагъа?» Ау адрэм зиушъэфыгъ.
13– Джащыгъум пачъыхьэм иунэӀутмэ ариӀуагъ: «Ӏэхъу-лъэхъу а лӀым тешъулъхьи, шӀункӀым икуупӀэ хэшъудз. Ащ дэжьым куохьаурэ цэ зэрэгъэшхырэ щыхъущтых».
14– Сыда пӀомэ, къеблэгъагъэхэр бэ, ау къыхахыгъэхэр макӀэх, – къыпигъэхъожьыгъ Исус.
Хьакъулахь ахъщэм ехьылӀагъ
(Марк 12:13-17; Лука 20:20-26)
15Джащыгъум фарисейхэр кӀохи, Исус игущыӀэ горэм зэрэтыраубытэн шӀыкӀэмкӀэ зэупчӀыжьыгъэх. 16Аущтэу фарисейхэм ежьхэм ягъогу рыкӀохэрэр Исус дэжь агъэкӀуагъэх, пщэу Ирод дезгъаштэхэрэр#22:16 пщэу Ирод дезгъаштэхэрэр – ахэр Рим Ӏэшъхьэтетым фэмыехэу, пачъыхьэ Ирод Иным къытекӀыгъэ цӀыфхэм ащыщэу зыгорэ пщы афэхъунэу фэягъэх. ягъусэхэу. Ахэмэ къаӀуагъ:
– Дин гъэсакӀу, шъыпкъагъэ зиӀэ лӀэу узэрэпсэурэри, шъыпкъагъэм тетэу Тхьэм игъогу цӀыфхэм зэрябгъашӀэрэри тэшӀэ. ЦӀыфхэм аӀорэми уигъапэрэп, сыда пӀомэ, цӀыфмэ ятеплъэ уемыплъэу, цӀыф пстэури уизэфэд. 17Арышъ, къытаӀу, сыд фэдэу ухаплъэра? Кайсарым#22:17 Кайсар – а лъэхъаным, Исус къызэхъу нэужым 14-37 илъэсхэм къакӀоцӀ, Тиберые зыцӀэр рим Кайсарыгъ. хьакъулахь ахъщэр етты хъущта, мыхъущта?
18Ау Исус ахэмэ ябзэджагъэ гу лъитагъэти, къыӀуагъ:
– Сыд пае сыхэжъугъэукъонэу шъупылъа, шъо, нэпитӀу зиӀэхэр? 19Мо хьакъулахь ахъщэр сэжъугъэлъэгъу. Аущтэу динар ахъщэ Исус къыфахьыгъ.
20– Хэта зисурэт мыщ итыри, хэта зыцӀэ мыщ тетхагъэри? – яупчӀыгъ Исус.
21– Кайсарыр ары, – къаӀуагъ ахэмэ.
– Ащыгъум Кайсарым иер Кайсарым ешъутыжь, Тхьэм иери Тхьэм ешъутыжь, – ариӀуагъ Исус.
22Ар зызэхахым, агъэшӀагъозэ, Исус къагъани, ахэр ӀукӀыжьыгъэх.
Саддукейхэр лӀагъэхэм къэтэджыжьыкӀэ афэхъущтым ехьылӀагъэу Исус къызэреупчӀыгъэхэр
(Марк 12:18-27; Лука 20:27-40)
23А мэфэ дэдэм лӀагъэхэр къызэрэтэджыжьыщтхэр зышӀошъ мыхъухэрэ саддукейхэм ащыщхэр Исус къыбгъодахьэхи, къеупчӀыгъэх:
24– Дин гъэсакӀу, пегъымбар Мусэ ыӀуагъ#22:24 пегъымбар Мусэ ыӀуагъ – еплъ Пегъымбар Мусэ ятфэнэрэ тхылъэу ытхыгъэм 25:5-6.: «ЛӀы горэ лъфыгъэ имыӀэу лӀэмэ, а лӀым унагъо фишӀыным пае, ыш шъузабэр къыщэжьын фае». 25Тэ зэкъошибл къытхэтыгъ. Ахэмэ ащыщэу апэрэм шъуз къыщагъэу дунаим ехыжьыгъ. Лъфыгъэ иӀагъэпти, шъузыр ыш къыфэнагъ. 26Ащ фэдэуи ятӀонэрэми, ящэнэрэми, яблэнэрэми нэс ар къяхъулӀагъ. 27Зэпстэуми ауж дэдэу шъузыри дунаим ехыжьыгъ. 28Джы лӀагъэхэр къызытэджыжьхэкӀэ, мы зэкъошиблымэ ащыщэу хэта ар зишъузыщтыр, зэкӀэми шъузэу яӀагъэмэ?
29– Шъухэукъо, – ариӀожьыгъ Исус ахэмэ. – ШъузкӀыхэукъорэр Тхьэм игущыӀэ тхыгъэхэмрэ Тхьэм илъэкӀышхорэ зэрэшъумышӀэхэрэр ары. 30Сыда пӀомэ, лӀагъэхэр къызытэджыжьхэкӀэ, шъуз къащэжьыщтэп, лӀыми дэкӀожьыщтхэп, уашъом щыӀэ мэлэӀичхэм афэдэщтых нахь. 31Ау «шъыпкъэу лӀагъэхэр къэтэджыжьыщтха?» шъуӀоу шъукъэупчӀымэ, мы гущыӀэхэу Тхьэм ыӀуагъэхэм#22:31-32 мы гущыӀэхэу Тхьэм ыӀуагъэхэр – еплъ Пегъымбар Мусэ ятӀонэрэ тхылъэу ытхыгъэм 3:2-6. шъуяджагъэба: 32«Сэры Ибрахьими, Исхьакъи, Якъуби я Тхьэр»? Ащ къикӀырэр Тхьэр псэухэмрэ лӀагъэхэу зыфаӀохэрэмрэ зэря Тхьэр ары.
33ЦӀыф купышхохэм ар зызэхахым, Исус Тхьэм игущыӀэхэр зэраригъашӀэщтыгъэ шӀыкӀэр агъэшӀэгъуагъ.
Тхьэм иунашъохэм ащыщэу анахь лъэпӀэ дэдэр
(Марк 12:28-34; Лука 10:25-28)
34Исус саддукеймэ ажэхэр аригъэубытыгъэу фарисеймэ зызэхахым, зэрэугъоигъэх. 35Ахэмэ ащыщэу зы Тэурат егъэджэкӀо пащэ горэ Исус ыгъэунэфыным пае къеупчӀыгъ:
36– Дин гъэсакӀу, Тхьэм иунашъохэм ащыщэу анахь лъэпӀэ дэдэр#22:36-37 Тхьэм иунашъохэм ащыщэу анахь лъэпӀэ дэдэр – еплъ Пегъымбар Мусэ ятфэнэрэ тхылъэу ытхыгъэм 6:5. тара?
37– «ЗэкӀэ о угурэ упсэрэкӀи, зэкӀэ уизэхэшӀыкӀыкӀи о Зиусхьанэу уи Тхьэ шӀу лъэгъу», – риӀожьыгъ Исус. 38– Анахь лъэпӀэ дэдэу, апэрэ унашъор джары. 39ЯтӀонэрэ унашъори#22:39 ятӀонэрэ унашъор – еплъ Пегъымбар Мусэ ящэнэрэ тхылъэу ытхыгъэм 19:18. ащ фэд: «О пшъхьэ шӀу зэрэплъэгъурэм фэдэу, уигъунэгъуи шӀу лъэгъу». 40Мы унэшъуитӀум пегъымбар Мусэ и Тэурат хабзэ итхэмрэ зэкӀэ адрэ пегъымбархэм аӀуагъэхэмрэ зэкӀэ къырагъэубыты.
Христос хэта зыкъор?
(Марк 12:35-37; Лука 20:41-44)
41Фарисейхэр къызызэрэугъоихэм, Исус ахэмэ яупчӀыгъ:
42– Христос сыда ешъуӀуалӀэрэр? Хэт ыкъу ар?
– Даутэ ыкъу, – къыраӀожьыгъ фарисеймэ.
43– Аущтэу щытмэ, Тхьэм ы Псэ ЛъапӀэ Даутэ ыгу къырилъхьи, Христос ехьылӀагъэу «Си Зиусхьан» ыӀозэ, къызэрэригъэӀуагъэр сыдэущтэу хъугъа? – ариӀожьыгъ Исус. – Даутэ ыӀуагъэба#22:43-44 Даутэ ыӀуагъэба – яплъ Орэд ЛъапӀэхэм 109:1.:
44«Тхьэу Зиусхьаным сэ си Зиусхьан къыриӀуагъ: „Уипыйхэр плъэкъо чӀэгъ къычӀэсэгъэуцофэхэ, сэ сиджабгъукӀэ о щыс“»?
45Ежь Даутэ Христос «си ЗиусхьанкӀэ» еджэ, – къыпигъэхъожьыгъ Исус. – Арэу зыхъукӀэ, сыдэущтэу Христос Даутэ ыкъо хъура?
46Зыми Исус зы гущыӀи къыриӀожьын ылъэкӀыгъэп. А мафэм къыщегъэжагъэу ащ нэмыкӀыкӀэ Исус къеупчӀыжьынэу хэти тегушхуагъэп.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм