Маттэ 24
24
ЯТӀОКӀЫРЭ ПЛӀЫНЭРЭШЪХЬ
Тхьэм иунэшхо зэрэзэхакъутэщтыр Исус къызэриӀуагъэр
(Марк 13:1-2; Лука 21:5-6)
1Исус Тхьэм иунэшхо къычӀэкӀыжьи, ӀукӀыжь зэхъум, Тхьэм иунэшхо хэт унэхэр Исус рагъэлъэгъунэу игъогу рыкӀохэрэр къыбгъодэхьагъэх.
2– Мы пстэури шъолъэгъуа? – ариӀуагъ Исус ахэмэ. – Шъыпкъэр шъосэӀо, мыжъуитӀу къызэтемынэжьэу, пстэури къызэхэтэкъощт.
Къиныбэ щэчыным иублапӀ
(Марк 13:3-13; Лука 21:7-19)
3Ащ ыужым Исус Елеон зыцӀэ Ӏуашъхьэм тесызэ, игъогу рыкӀохэрэр язакъоу къыбгъодахьэхи, къеупчӀыгъэх:
– КъытаӀу, о зыфэпӀогъэ Ӏофхэр сыдигъо къэхъущтых, о дунаим укъызэрэкӀожьыщтымрэ дунаим икӀэух къызэрэкӀощтымрэ янэшанэри сыд фэда?
4– Зыми шъукъызэримыгъэпцӀэщтым шъуфэсакъ, – ариӀожьыгъ Исус. 5– Сыда пӀомэ, сэ сцӀэкӀэ зэджэжьхэу, «Сэ сы Христос» аӀоу, цӀыфхэу къэкӀощтхэр бэ хъущтых, цӀыфыбэхэри агъэпцӀэщт. 6Благъэми чыжьэми зэо къэбар зэхэшъухыщт, ау шъо шъумыщын. А Ӏофхэр къэхъунхэ фае, ау дунаим икӀэух ащыгъум къэсыгъэгоп. 7Зы лъэпкъыр адрэ лъэпкъым, зы пачъыхьагъури адрэ пачъыхьагъум езэонэу къэтэджыщт. Гъаблэхэри къэхъущтых, чӀыпӀэ-чӀыпӀэхэми чӀыгур инэу ащысысыщт. 8А Ӏофхэр зэкӀэ къиныбэ щэчыным иублапӀ ныӀэп.
9– ЦӀыфхэм шъо къин шъуагъэщэчыным пае, тетыгъо зиӀэхэм шъуарагъэубытынышъ, шъуарагъэукӀыщт, сэ сцӀэ зэрэжъугъэлъапӀэрэм паий, лъэпкъ пстэуми шъуауджэгъущт. 10Джащыгъум цӀыфыбэ шӀошъхъуныгъэм игъогу текӀыщт; зым адрэр тетыгъо зиӀэхэм аригъэубытыщт, зым адрэри ыуджэгъущт. 11Пегъымбар нэпцӀыбэхэр къэлъэгъощтых, цӀыфыбэхэри къагъэпцӀэщт. 12Бзэджагъэм къызэрэхэхъощтым къыхэкӀэу, цӀыфыбэмэ яшӀулъэгъуныгъэ чъыӀэ хъущт. 13Ау кӀэухым нэсыфэ теубытагъэ зиӀэр мыкӀодэу Тхьэм къыгъэнэжьыщт. 14Ау Тхьэм и Тетыгъошхо ехьылӀэгъэ къэбарышӀур чӀылъэм тыдэкӀи щагъэӀун фае, цӀыф лъэпкъ пстэуми апашъхьэ шыхьат щыхъунхэм пае. Ащ нэужым дунаим икӀэух къэсыщт.
Гузэжъогъушхор
(Марк 13:14-23; Лука 21:20-24)
15– Арышъ, «Зэхэзыкъутэрэ ГущыкӀыгъоу»#24:15 «Зэхэзыкъутэрэ ГущыкӀыгъор» – Исус «Зэхэзыкъутэрэ ГущыкӀыгъор» зыфиӀогъэ гущыӀэхэр пегъымбар Даниел икъэбар зэрыт тхылъым 9:27; 11:31; 12:11 итых. Пегъымбар Даниел зигугъу ышӀыгъэр къурмэншӀыпӀэу пачъыхьэ Антиок Епифан тхьэ нэпцӀхэм апае Тхьэм иунэшхо щигъэуцугъагъэр ары. Ар къызыхъугъэр Исус къэхъуным ыпэ 167-рэ илъэсыр ары. Ау Исус «Зэхэзыкъутэрэ ГущыкӀыгъом» игугъу зешӀым зыфиӀуагъэр Тхьэм шӀолӀыкӀ фызимыӀэу, бзэджэ дэдэ цӀыф гъэнэфагъэ горэу ары. Дунаим иаужырэ мафэхэм а цӀыфыр къэлъэгъон фай. пегъымбар Даниел зигугъу ышӀыгъэр чӀыпӀэ лъапӀэм щытэу зышъулъэгъукӀэ, (еджэрэм къыгурэрэӀу), 16ащыгъум Иудей хэкум ис цӀыфхэр Ӏуашъхьэхэм ярэкӀолӀэжьых. 17Унашъхьэм тетыри къызехыкӀэ, зыгорэ зыдихьынэу унэм ерэмыхьажь. 18Губгъом итыми ищыгъын кӀыӀутелъ зыдихьынэу къерэмыгъэзэжь. 19А мафэхэм бзылъфыгъэ лъэрмыхьхэмрэ сабый быдзашъо зиӀэхэмрэ гъогу мыгъо теуцощтых. 20Шъузхэхьажьыщт мафэр кӀымафэм е шэмбэт мафэм темыфэнэу Тхьэм шъуелъэӀу; 21сыда пӀомэ, гузэжъогъушхо а мафэхэм хъущт. Ащ фэдэ гузэжъогъушхо дунаир къызыхъугъэм щегъэжьагъэу джырэ нэсыфэ щыӀагъэп ыкӀи щыӀэжьыщтэп. 22А мафэхэр нахь макӀэ мыхъугъэхэмэ, зы цӀыфи мыкӀодэу къэнэжьыщтыгъэп. Ау ежь къыхихыгъэ цӀыфхэм яхьатыркӀэ Тхьэм а мафэхэр нахь макӀэ ышӀыщтых. 23А мафэхэм «Мары Христос, мыщ дэжьым щыӀ» ыӀоу е «Христос модэ щыӀ» ыӀоу зыгорэм къышъуиӀомэ, шъушӀошъ шъумыгъэхъу; 24сыда пӀомэ, Христос нэпцӀхэмрэ пегъымбар нэпцӀхэмрэ къэлъэгъощтых. Ахэмэ нэшэнэ гъэшӀэгъонхэри, Ӏофышхо гъэшӀэгъонхэри къагъэлъэгъощтых, алъэкӀымэ, Тхьэм къыхихыгъэ цӀыфхэри агъэпцӀэнхэм пае. 25Джары, а Ӏофхэр къэхъунхэм ыпэ якъэбар шъосӀуагъ.
26– Арышъ, «Мары, Христос шъоф нэкӀым щыӀ» къызышъуаӀокӀэ, ащ дэжь шъумыкӀу. «Мары, Христос ыкӀоцӀырэ унэм щыӀ» аӀоми, шъушӀошъ шъумыгъэхъу; 27сыда пӀомэ, тыгъэ къокӀыпӀэм къыщытэджырэ пчыкӀэм тыгъэ къохьапӀэм нэс дунаир зэригъэнэфырэм фэдэу, мафэу ЦӀыф Лъэпкъым ы Къо къызыкӀожьыщтри хъущт. 28ШъушӀэрэба, хьэйуан псэхалӀэр зыдэщыӀэм бгъэжъхэри зэрэщызэрэугъоищтхэр.
ЦӀыф Лъэпкъым ы Къо дунаим къызэрэкӀожьыщтыр
(Марк 13:24-27; Лука 21:25-28)
29– А гузэжъогъушхо мафэмэ ауж ошӀэ-дэмышӀэу тыгъэр ушӀункӀыжьыщт, мазэри къэнэфыжьыщтэп. Жъуагъохэри уашъом къефэхыщтых, уашъом щыӀэ кӀуачӀэхэри хъыещтых. 30Джащыгъум ЦӀыф Лъэпкъым ы Къо инэшанэ уашъом къыщылъэгъощт, дунаим тет лъэпкъ пстэури гъыхэзэ абгъэгу еожьыщтых. ЦӀыф Лъэпкъым ы Къо ошъуапщэхэм ахэтэу, лъэкӀышхорэ щытхъушхорэ иӀэхэу, къакӀоу алъэгъущт. 31ЕтӀанэ бжъэмыешхом ымэкъэ чан къэӀунышъ, ЦӀыф Лъэпкъым ы Къо имэлэӀичхэр ыгъэкӀощтых, дунэе лъэныкъуиплӀым, зы ошъо чапэм къыщегъэжьагъэу адрэ ошъо чапэм нэс, ежь ицӀыфхэу къыхихыгъэхэр къыхащыхэзэ, ежь къыфаугъоижьынхэу.
Ынджыр чъыгым шъыпкъэу къыдгуригъаӀорэр
(Марк 13:28-31; Лука 21:29-33)
32– Ынджыр чъыгым къехъулӀэрэмкӀэ Ӏоф горэ зэжъугъашӀэ: икъутамэхэм псы къахахьэу, итхьапэхэр къыпыкӀэхэ зыхъукӀэ, гъэмафэр къызэрэблагъэр шъошӀэ. 33Ащ фэдэу шъори мы Ӏофхэр зэкӀэ зышъулъэгъухэкӀэ, ЦӀыф Лъэпкъым ы Къо гъунэгъоу, къэлапчъэм дэжь зэрэщытыр зэжъугъашӀэ. 34Шъыпкъэр шъосэӀо, мы Ӏофхэр зэкӀэ къэхъунхэм ыпэкӀэ, мы лъэпкъыр кӀодыщтэп. 35Уашъомрэ чӀылъэмрэ кӀодыжьыщтых, ау сэ сигущыӀэхэр кӀодыжьыщтхэп.
А мафэри а сыхьатри къызысыщтыр зыми ышӀэрэп
(Марк 13:32-37; Лука 17:26-30, 34-36)
36– Ау а мафэри а сыхьатри къызысыщтыр зыми ышӀэрэп. Уашъохэм ащыӀэ мэлэӀичхэм ашӀэрэп, Тхьэм ы Къуи ышӀэрэп. Ты лъэпӀэ закъор ары ныӀэп ар зышӀэрэр. 37Пегъымбар Нухьэ имафэхэм адэжь Ӏофхэр зэрэщытыгъэхэм фэдэу, ЦӀыф Лъэпкъым ы Къо дунаим къызыкӀожьыщтым дэжь Ӏофхэр хъущтых. 38Сыда пӀомэ, псы къиугъэшхор#24:38-39 псы къиугъэшхор – еплъ Пегъымбар Мусэ апэрэ тхылъэу ытхыгъэм (УблапӀэм) 6:13-7:24. къэмыкӀуагъэу, а мафэхэм цӀыфхэр шхэщтыгъэх, ешъощтыгъэх, къащэщтыгъ, дакӀощтыгъэх, Нухьэ къухьэм зитӀысхьэгъэ мафэм нэсыфэкӀэ. 39Къэхъущтыр амышӀэу псы къиугъэшхор къакӀуи, ахэр зэкӀэ ыхьыгъэх, ытхьэлагъэх. Ащ фэдэу ЦӀыф Лъэпкъым ы Къо дунаим къызыкӀожьыщтым дэжь Ӏофхэр хъущтых. 40Ащ дэжьым нэбгыритӀу губгъом итыщт, язырэр мэлэӀичхэм уашъом дахьыещт, адрэр къагъэнэщт. 41БзылъфыгъитӀу зы шъхьалым щыхьаджэщт, язырэр мэлэӀичхэм уашъом дахьыещт, адрэр къагъэнэщт.
42– Арышъ, шъумычъыеу шъусакъ, сыда пӀомэ, Зиусхьаныр дунаим къызыкӀожьыщт мафэр шъушӀэрэпышъ ары. 43Ау мыр зэжъугъашӀэ: унэр зыем тыгъуакӀор къызыкӀощт сыхьатыр ышӀэщтыгъэмэ, чъыещтыгъэп, иуни къыригъахьэу илъыр рыригъэтыгъукӀыщтыгъэп. 44Арышъ, шъори шъухьазырын фае, сыда пӀомэ, ЦӀыф Лъэпкъым ы Къо къэкӀожьынэу шъузымыгугъэрэ сыхьат горэм дунаим къытехьажьыщт.
Узщыгугъын е узщымыгугъын унэӀут
(Лука 12:41-48)
45– Хэта адэ, акъылышӀу зиӀэу, зыщыгугъын унэӀутэу тхьэматэм адрэ унэӀутхэу иӀэхэм пащэу афишӀыгъэр, игъом ашхын аритынэу? 46А унэӀутыр гъогу мафэ теуцуагъ, итхьэматэ къэкӀожьыгъэу, аущтэу ышӀэу къызигъотыжькӀэ. 47Шъыпкъэр шъосэӀо, тхьэматэм имылъку зэкӀэ а унэӀутым ыӀэ рилъхьащт. 48Ау а унэӀутым, «сэ ситхьэматэ шӀэхэу къэкӀожьыщтэп» ыгукӀэ ыӀоу, 49адрэ унэӀутхэм яоу, ешъуакӀомэ адашхэу, адешъоу зиублэкӀэ, 50а унэӀутыр зымыгугъэрэ мафэ горэм, зыщимышӀэрэ сыхьат горэм итхьэматэ къэкӀожьыщт. 51А унэӀутыр укӀыкӀаеу ыукӀыщт, нэпитӀу зиӀэхэм къин зыщадищэчыщт чӀыпӀэми ыгъэкӀощт. Ащ дэжьым куохьаурэ цэ зэрэгъэшхырэ щыхъущтых.
Currently Selected:
Маттэ 24: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Маттэ 24
24
ЯТӀОКӀЫРЭ ПЛӀЫНЭРЭШЪХЬ
Тхьэм иунэшхо зэрэзэхакъутэщтыр Исус къызэриӀуагъэр
(Марк 13:1-2; Лука 21:5-6)
1Исус Тхьэм иунэшхо къычӀэкӀыжьи, ӀукӀыжь зэхъум, Тхьэм иунэшхо хэт унэхэр Исус рагъэлъэгъунэу игъогу рыкӀохэрэр къыбгъодэхьагъэх.
2– Мы пстэури шъолъэгъуа? – ариӀуагъ Исус ахэмэ. – Шъыпкъэр шъосэӀо, мыжъуитӀу къызэтемынэжьэу, пстэури къызэхэтэкъощт.
Къиныбэ щэчыным иублапӀ
(Марк 13:3-13; Лука 21:7-19)
3Ащ ыужым Исус Елеон зыцӀэ Ӏуашъхьэм тесызэ, игъогу рыкӀохэрэр язакъоу къыбгъодахьэхи, къеупчӀыгъэх:
– КъытаӀу, о зыфэпӀогъэ Ӏофхэр сыдигъо къэхъущтых, о дунаим укъызэрэкӀожьыщтымрэ дунаим икӀэух къызэрэкӀощтымрэ янэшанэри сыд фэда?
4– Зыми шъукъызэримыгъэпцӀэщтым шъуфэсакъ, – ариӀожьыгъ Исус. 5– Сыда пӀомэ, сэ сцӀэкӀэ зэджэжьхэу, «Сэ сы Христос» аӀоу, цӀыфхэу къэкӀощтхэр бэ хъущтых, цӀыфыбэхэри агъэпцӀэщт. 6Благъэми чыжьэми зэо къэбар зэхэшъухыщт, ау шъо шъумыщын. А Ӏофхэр къэхъунхэ фае, ау дунаим икӀэух ащыгъум къэсыгъэгоп. 7Зы лъэпкъыр адрэ лъэпкъым, зы пачъыхьагъури адрэ пачъыхьагъум езэонэу къэтэджыщт. Гъаблэхэри къэхъущтых, чӀыпӀэ-чӀыпӀэхэми чӀыгур инэу ащысысыщт. 8А Ӏофхэр зэкӀэ къиныбэ щэчыным иублапӀ ныӀэп.
9– ЦӀыфхэм шъо къин шъуагъэщэчыным пае, тетыгъо зиӀэхэм шъуарагъэубытынышъ, шъуарагъэукӀыщт, сэ сцӀэ зэрэжъугъэлъапӀэрэм паий, лъэпкъ пстэуми шъуауджэгъущт. 10Джащыгъум цӀыфыбэ шӀошъхъуныгъэм игъогу текӀыщт; зым адрэр тетыгъо зиӀэхэм аригъэубытыщт, зым адрэри ыуджэгъущт. 11Пегъымбар нэпцӀыбэхэр къэлъэгъощтых, цӀыфыбэхэри къагъэпцӀэщт. 12Бзэджагъэм къызэрэхэхъощтым къыхэкӀэу, цӀыфыбэмэ яшӀулъэгъуныгъэ чъыӀэ хъущт. 13Ау кӀэухым нэсыфэ теубытагъэ зиӀэр мыкӀодэу Тхьэм къыгъэнэжьыщт. 14Ау Тхьэм и Тетыгъошхо ехьылӀэгъэ къэбарышӀур чӀылъэм тыдэкӀи щагъэӀун фае, цӀыф лъэпкъ пстэуми апашъхьэ шыхьат щыхъунхэм пае. Ащ нэужым дунаим икӀэух къэсыщт.
Гузэжъогъушхор
(Марк 13:14-23; Лука 21:20-24)
15– Арышъ, «Зэхэзыкъутэрэ ГущыкӀыгъоу»#24:15 «Зэхэзыкъутэрэ ГущыкӀыгъор» – Исус «Зэхэзыкъутэрэ ГущыкӀыгъор» зыфиӀогъэ гущыӀэхэр пегъымбар Даниел икъэбар зэрыт тхылъым 9:27; 11:31; 12:11 итых. Пегъымбар Даниел зигугъу ышӀыгъэр къурмэншӀыпӀэу пачъыхьэ Антиок Епифан тхьэ нэпцӀхэм апае Тхьэм иунэшхо щигъэуцугъагъэр ары. Ар къызыхъугъэр Исус къэхъуным ыпэ 167-рэ илъэсыр ары. Ау Исус «Зэхэзыкъутэрэ ГущыкӀыгъом» игугъу зешӀым зыфиӀуагъэр Тхьэм шӀолӀыкӀ фызимыӀэу, бзэджэ дэдэ цӀыф гъэнэфагъэ горэу ары. Дунаим иаужырэ мафэхэм а цӀыфыр къэлъэгъон фай. пегъымбар Даниел зигугъу ышӀыгъэр чӀыпӀэ лъапӀэм щытэу зышъулъэгъукӀэ, (еджэрэм къыгурэрэӀу), 16ащыгъум Иудей хэкум ис цӀыфхэр Ӏуашъхьэхэм ярэкӀолӀэжьых. 17Унашъхьэм тетыри къызехыкӀэ, зыгорэ зыдихьынэу унэм ерэмыхьажь. 18Губгъом итыми ищыгъын кӀыӀутелъ зыдихьынэу къерэмыгъэзэжь. 19А мафэхэм бзылъфыгъэ лъэрмыхьхэмрэ сабый быдзашъо зиӀэхэмрэ гъогу мыгъо теуцощтых. 20Шъузхэхьажьыщт мафэр кӀымафэм е шэмбэт мафэм темыфэнэу Тхьэм шъуелъэӀу; 21сыда пӀомэ, гузэжъогъушхо а мафэхэм хъущт. Ащ фэдэ гузэжъогъушхо дунаир къызыхъугъэм щегъэжьагъэу джырэ нэсыфэ щыӀагъэп ыкӀи щыӀэжьыщтэп. 22А мафэхэр нахь макӀэ мыхъугъэхэмэ, зы цӀыфи мыкӀодэу къэнэжьыщтыгъэп. Ау ежь къыхихыгъэ цӀыфхэм яхьатыркӀэ Тхьэм а мафэхэр нахь макӀэ ышӀыщтых. 23А мафэхэм «Мары Христос, мыщ дэжьым щыӀ» ыӀоу е «Христос модэ щыӀ» ыӀоу зыгорэм къышъуиӀомэ, шъушӀошъ шъумыгъэхъу; 24сыда пӀомэ, Христос нэпцӀхэмрэ пегъымбар нэпцӀхэмрэ къэлъэгъощтых. Ахэмэ нэшэнэ гъэшӀэгъонхэри, Ӏофышхо гъэшӀэгъонхэри къагъэлъэгъощтых, алъэкӀымэ, Тхьэм къыхихыгъэ цӀыфхэри агъэпцӀэнхэм пае. 25Джары, а Ӏофхэр къэхъунхэм ыпэ якъэбар шъосӀуагъ.
26– Арышъ, «Мары, Христос шъоф нэкӀым щыӀ» къызышъуаӀокӀэ, ащ дэжь шъумыкӀу. «Мары, Христос ыкӀоцӀырэ унэм щыӀ» аӀоми, шъушӀошъ шъумыгъэхъу; 27сыда пӀомэ, тыгъэ къокӀыпӀэм къыщытэджырэ пчыкӀэм тыгъэ къохьапӀэм нэс дунаир зэригъэнэфырэм фэдэу, мафэу ЦӀыф Лъэпкъым ы Къо къызыкӀожьыщтри хъущт. 28ШъушӀэрэба, хьэйуан псэхалӀэр зыдэщыӀэм бгъэжъхэри зэрэщызэрэугъоищтхэр.
ЦӀыф Лъэпкъым ы Къо дунаим къызэрэкӀожьыщтыр
(Марк 13:24-27; Лука 21:25-28)
29– А гузэжъогъушхо мафэмэ ауж ошӀэ-дэмышӀэу тыгъэр ушӀункӀыжьыщт, мазэри къэнэфыжьыщтэп. Жъуагъохэри уашъом къефэхыщтых, уашъом щыӀэ кӀуачӀэхэри хъыещтых. 30Джащыгъум ЦӀыф Лъэпкъым ы Къо инэшанэ уашъом къыщылъэгъощт, дунаим тет лъэпкъ пстэури гъыхэзэ абгъэгу еожьыщтых. ЦӀыф Лъэпкъым ы Къо ошъуапщэхэм ахэтэу, лъэкӀышхорэ щытхъушхорэ иӀэхэу, къакӀоу алъэгъущт. 31ЕтӀанэ бжъэмыешхом ымэкъэ чан къэӀунышъ, ЦӀыф Лъэпкъым ы Къо имэлэӀичхэр ыгъэкӀощтых, дунэе лъэныкъуиплӀым, зы ошъо чапэм къыщегъэжьагъэу адрэ ошъо чапэм нэс, ежь ицӀыфхэу къыхихыгъэхэр къыхащыхэзэ, ежь къыфаугъоижьынхэу.
Ынджыр чъыгым шъыпкъэу къыдгуригъаӀорэр
(Марк 13:28-31; Лука 21:29-33)
32– Ынджыр чъыгым къехъулӀэрэмкӀэ Ӏоф горэ зэжъугъашӀэ: икъутамэхэм псы къахахьэу, итхьапэхэр къыпыкӀэхэ зыхъукӀэ, гъэмафэр къызэрэблагъэр шъошӀэ. 33Ащ фэдэу шъори мы Ӏофхэр зэкӀэ зышъулъэгъухэкӀэ, ЦӀыф Лъэпкъым ы Къо гъунэгъоу, къэлапчъэм дэжь зэрэщытыр зэжъугъашӀэ. 34Шъыпкъэр шъосэӀо, мы Ӏофхэр зэкӀэ къэхъунхэм ыпэкӀэ, мы лъэпкъыр кӀодыщтэп. 35Уашъомрэ чӀылъэмрэ кӀодыжьыщтых, ау сэ сигущыӀэхэр кӀодыжьыщтхэп.
А мафэри а сыхьатри къызысыщтыр зыми ышӀэрэп
(Марк 13:32-37; Лука 17:26-30, 34-36)
36– Ау а мафэри а сыхьатри къызысыщтыр зыми ышӀэрэп. Уашъохэм ащыӀэ мэлэӀичхэм ашӀэрэп, Тхьэм ы Къуи ышӀэрэп. Ты лъэпӀэ закъор ары ныӀэп ар зышӀэрэр. 37Пегъымбар Нухьэ имафэхэм адэжь Ӏофхэр зэрэщытыгъэхэм фэдэу, ЦӀыф Лъэпкъым ы Къо дунаим къызыкӀожьыщтым дэжь Ӏофхэр хъущтых. 38Сыда пӀомэ, псы къиугъэшхор#24:38-39 псы къиугъэшхор – еплъ Пегъымбар Мусэ апэрэ тхылъэу ытхыгъэм (УблапӀэм) 6:13-7:24. къэмыкӀуагъэу, а мафэхэм цӀыфхэр шхэщтыгъэх, ешъощтыгъэх, къащэщтыгъ, дакӀощтыгъэх, Нухьэ къухьэм зитӀысхьэгъэ мафэм нэсыфэкӀэ. 39Къэхъущтыр амышӀэу псы къиугъэшхор къакӀуи, ахэр зэкӀэ ыхьыгъэх, ытхьэлагъэх. Ащ фэдэу ЦӀыф Лъэпкъым ы Къо дунаим къызыкӀожьыщтым дэжь Ӏофхэр хъущтых. 40Ащ дэжьым нэбгыритӀу губгъом итыщт, язырэр мэлэӀичхэм уашъом дахьыещт, адрэр къагъэнэщт. 41БзылъфыгъитӀу зы шъхьалым щыхьаджэщт, язырэр мэлэӀичхэм уашъом дахьыещт, адрэр къагъэнэщт.
42– Арышъ, шъумычъыеу шъусакъ, сыда пӀомэ, Зиусхьаныр дунаим къызыкӀожьыщт мафэр шъушӀэрэпышъ ары. 43Ау мыр зэжъугъашӀэ: унэр зыем тыгъуакӀор къызыкӀощт сыхьатыр ышӀэщтыгъэмэ, чъыещтыгъэп, иуни къыригъахьэу илъыр рыригъэтыгъукӀыщтыгъэп. 44Арышъ, шъори шъухьазырын фае, сыда пӀомэ, ЦӀыф Лъэпкъым ы Къо къэкӀожьынэу шъузымыгугъэрэ сыхьат горэм дунаим къытехьажьыщт.
Узщыгугъын е узщымыгугъын унэӀут
(Лука 12:41-48)
45– Хэта адэ, акъылышӀу зиӀэу, зыщыгугъын унэӀутэу тхьэматэм адрэ унэӀутхэу иӀэхэм пащэу афишӀыгъэр, игъом ашхын аритынэу? 46А унэӀутыр гъогу мафэ теуцуагъ, итхьэматэ къэкӀожьыгъэу, аущтэу ышӀэу къызигъотыжькӀэ. 47Шъыпкъэр шъосэӀо, тхьэматэм имылъку зэкӀэ а унэӀутым ыӀэ рилъхьащт. 48Ау а унэӀутым, «сэ ситхьэматэ шӀэхэу къэкӀожьыщтэп» ыгукӀэ ыӀоу, 49адрэ унэӀутхэм яоу, ешъуакӀомэ адашхэу, адешъоу зиублэкӀэ, 50а унэӀутыр зымыгугъэрэ мафэ горэм, зыщимышӀэрэ сыхьат горэм итхьэматэ къэкӀожьыщт. 51А унэӀутыр укӀыкӀаеу ыукӀыщт, нэпитӀу зиӀэхэм къин зыщадищэчыщт чӀыпӀэми ыгъэкӀощт. Ащ дэжьым куохьаурэ цэ зэрэгъэшхырэ щыхъущтых.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм