Маттэ 28
28
ЯТӀОКӀЫРЭ ИНЭРЭШЪХЬ
Исус лӀагъэхэм къызэрахэтэджыкӀыжьыгъэр
(Марк 16:1-8; Лука 24:1-12; Иуан 20:1-10)
1Шэмбэтыр блэкӀыгъэу, тхьэмафэм иапэрэ мафэм нэф къызэшъым, Магдалэ щыщ Мерэмрэ адрэ Мерэмрэ къэунэм еплъынхэу кӀуагъэх.
2ОшӀэ-дэмышӀэу чӀыгур лъэшэу къэсысыгъ, сыда пӀомэ, Зиусхьаным имэлэӀич уашъом къехи, къэунэм Ӏухьи, мыжъошхор ӀуигъэукӀорэикӀи, ащ тетӀысхьагъ. 3Ащ итеплъэ пчыкӀэм фэдэу ищыгъынхэри осым фэдэу фыжьыбзагъэх. 4Къэрэгъулэхэр ащ зэрэщыщынэхэрэм пае къэкӀэзэзыгъэх, хьадашъуи яӀэ хъугъэ.
5– Шъумыщын, – ариӀуагъ мэлэӀичым бзылъфыгъэмэ. – Исусэу къащым тыраӀулӀагъэм шъузэрэлъыхъурэр сэшӀэ. 6Ар мыщ щыӀэжьэп. ЗэриӀуагъэм тетэу, ар лӀагъэхэм къахэтэджыкӀыжьыгъ. ШъуӀухьи, шъуеплъ Зиусхьаныр зыдэщылъыгъэ чӀыпӀэм. 7Джы псынкӀэу шъукӀуи, игъогу рыкӀохэрэм яшъуӀу: «Исус лӀагъэхэм къахэтэджыкӀыжьыгъ. Шъо шъуапэ ар Галилей кӀощт. Ащ дэжьым ар щышъулъэгъужьыщт». Джары, къэбарыр сэ шъосӀуагъэ.
8Бзылъфыгъэхэр къэунэм ӀукӀыжьхи, агучӀэ изыгъэу, ау гушӀогъошхуи яӀэу, макъэ арагъэӀунэу Исус игъогу рыкӀохэрэм адэжь ечъэжьагъэх. 9Игъогу рыкӀохэрэм макъэ арагъэӀунэу а бзылъфыгъэхэр чъэхэзэ, ошӀэ-дэмышӀэу Исус къаӀукӀи, къариӀуагъ:
– Шъопсэу. Мыдрэхэр Исус ечъалӀэхи, ыпашъхьэ лъэгонджэмышъхьэкӀэ итӀысхьэхи, ылъакъохэр аубытыгъ. 10Джащыгъум Исус къариӀуагъ:
– Шъумыщын. ШъукӀуи, сшыхэр#28:10 сшыхэр – еплъ 5:22. Галилей кӀонхэу макъэ яжъугъэӀу. Ащ сэри сыщалъэгъущт.
Дин пэщэшхохэм къэрэгъулэхэр къуалъхьэкӀэ зэращэфыгъэхэр
11Бзылъфыгъэхэр кӀохэ зэхъум, къэрэгъулэхэм ащыщхэр къалэу Ерусалим дахьэхи, дин пэщэшхохэм адэжь кӀохи, зэкӀэ хъугъэр араӀотагъ. 12Дин пэщэшхохэр, нахьыжъхэр ягъусэхэу, зэрэугъоихи, зэупчӀыжьыгъэх. Ахъщабэ къэрэгъулэхэм арати, 13араӀуагъ:
– «Чэщым тэ тызыхэчъыем, Исус игъогу рыкӀохэрэр къакӀохи, ихьадэ атыгъугъ» шъуӀон фае. 14А къэбарыр Ӏэшъхьэтетым зызэхихыкӀэ, дгъэсамбырынышъ, шъори зи къышъуимыӀонэу тшӀыщт.
15Аущтэу къэрэгъулэхэм ахъщэр ашти, араӀуагъэм тетэу зекӀуагъэх. Непэ къынэсыжьэу а къэбарыр джуртмэ зэрахьэу ахэлъ.
Исус игъогу рыкӀохэрэм Ӏофэу ашӀэнэу апшъэ рилъхьагъэр
(Марк 16:14-18; Лука 24:36-49; Иуан 20:19-23; Апостол. 1:6-8)
16Ащ нэужым Исус игъогу рыкӀорэ нэбгырэ пшӀыкӀузыр Галилей кӀохи, ежь зыфиӀогъэгъэ Ӏуашъхьэм дэкӀоягъэх. 17ЕтӀанэ Исус залъэгъум, лъэгонджэмышъхьэкӀэ ыпашъхьэ итӀысхьагъэх; ау зышӀошъ мыхъурэ заулэ ахэмэ ахэтыгъ. 18Исус игъогу рыкӀохэрэм къабгъодахьи, ариӀуагъ:
– Уашъоми чӀылъэми тетыгъошхор зэкӀэ щысиӀэу сӀэ илъ. 19Арышъ, шъукӀуи, лъэпкъ пстэури сигъогу къытежъугъахь. Ты лъапӀэми, ы Къуи, Тхьэм ы Псэ ЛъапӀи ацӀэкӀэ шъуумэхъыхи, 20унашъохэу шъосӀуагъэхэр зэкӀэ агъэцэкӀэнхэу яшъуӀу. ШъыпкъэмкӀэ, дунаим икӀэух нэс сэ ренэу сышъуигъусэщт. Амин.
Currently Selected:
Маттэ 28: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Маттэ 28
28
ЯТӀОКӀЫРЭ ИНЭРЭШЪХЬ
Исус лӀагъэхэм къызэрахэтэджыкӀыжьыгъэр
(Марк 16:1-8; Лука 24:1-12; Иуан 20:1-10)
1Шэмбэтыр блэкӀыгъэу, тхьэмафэм иапэрэ мафэм нэф къызэшъым, Магдалэ щыщ Мерэмрэ адрэ Мерэмрэ къэунэм еплъынхэу кӀуагъэх.
2ОшӀэ-дэмышӀэу чӀыгур лъэшэу къэсысыгъ, сыда пӀомэ, Зиусхьаным имэлэӀич уашъом къехи, къэунэм Ӏухьи, мыжъошхор ӀуигъэукӀорэикӀи, ащ тетӀысхьагъ. 3Ащ итеплъэ пчыкӀэм фэдэу ищыгъынхэри осым фэдэу фыжьыбзагъэх. 4Къэрэгъулэхэр ащ зэрэщыщынэхэрэм пае къэкӀэзэзыгъэх, хьадашъуи яӀэ хъугъэ.
5– Шъумыщын, – ариӀуагъ мэлэӀичым бзылъфыгъэмэ. – Исусэу къащым тыраӀулӀагъэм шъузэрэлъыхъурэр сэшӀэ. 6Ар мыщ щыӀэжьэп. ЗэриӀуагъэм тетэу, ар лӀагъэхэм къахэтэджыкӀыжьыгъ. ШъуӀухьи, шъуеплъ Зиусхьаныр зыдэщылъыгъэ чӀыпӀэм. 7Джы псынкӀэу шъукӀуи, игъогу рыкӀохэрэм яшъуӀу: «Исус лӀагъэхэм къахэтэджыкӀыжьыгъ. Шъо шъуапэ ар Галилей кӀощт. Ащ дэжьым ар щышъулъэгъужьыщт». Джары, къэбарыр сэ шъосӀуагъэ.
8Бзылъфыгъэхэр къэунэм ӀукӀыжьхи, агучӀэ изыгъэу, ау гушӀогъошхуи яӀэу, макъэ арагъэӀунэу Исус игъогу рыкӀохэрэм адэжь ечъэжьагъэх. 9Игъогу рыкӀохэрэм макъэ арагъэӀунэу а бзылъфыгъэхэр чъэхэзэ, ошӀэ-дэмышӀэу Исус къаӀукӀи, къариӀуагъ:
– Шъопсэу. Мыдрэхэр Исус ечъалӀэхи, ыпашъхьэ лъэгонджэмышъхьэкӀэ итӀысхьэхи, ылъакъохэр аубытыгъ. 10Джащыгъум Исус къариӀуагъ:
– Шъумыщын. ШъукӀуи, сшыхэр#28:10 сшыхэр – еплъ 5:22. Галилей кӀонхэу макъэ яжъугъэӀу. Ащ сэри сыщалъэгъущт.
Дин пэщэшхохэм къэрэгъулэхэр къуалъхьэкӀэ зэращэфыгъэхэр
11Бзылъфыгъэхэр кӀохэ зэхъум, къэрэгъулэхэм ащыщхэр къалэу Ерусалим дахьэхи, дин пэщэшхохэм адэжь кӀохи, зэкӀэ хъугъэр араӀотагъ. 12Дин пэщэшхохэр, нахьыжъхэр ягъусэхэу, зэрэугъоихи, зэупчӀыжьыгъэх. Ахъщабэ къэрэгъулэхэм арати, 13араӀуагъ:
– «Чэщым тэ тызыхэчъыем, Исус игъогу рыкӀохэрэр къакӀохи, ихьадэ атыгъугъ» шъуӀон фае. 14А къэбарыр Ӏэшъхьэтетым зызэхихыкӀэ, дгъэсамбырынышъ, шъори зи къышъуимыӀонэу тшӀыщт.
15Аущтэу къэрэгъулэхэм ахъщэр ашти, араӀуагъэм тетэу зекӀуагъэх. Непэ къынэсыжьэу а къэбарыр джуртмэ зэрахьэу ахэлъ.
Исус игъогу рыкӀохэрэм Ӏофэу ашӀэнэу апшъэ рилъхьагъэр
(Марк 16:14-18; Лука 24:36-49; Иуан 20:19-23; Апостол. 1:6-8)
16Ащ нэужым Исус игъогу рыкӀорэ нэбгырэ пшӀыкӀузыр Галилей кӀохи, ежь зыфиӀогъэгъэ Ӏуашъхьэм дэкӀоягъэх. 17ЕтӀанэ Исус залъэгъум, лъэгонджэмышъхьэкӀэ ыпашъхьэ итӀысхьагъэх; ау зышӀошъ мыхъурэ заулэ ахэмэ ахэтыгъ. 18Исус игъогу рыкӀохэрэм къабгъодахьи, ариӀуагъ:
– Уашъоми чӀылъэми тетыгъошхор зэкӀэ щысиӀэу сӀэ илъ. 19Арышъ, шъукӀуи, лъэпкъ пстэури сигъогу къытежъугъахь. Ты лъапӀэми, ы Къуи, Тхьэм ы Псэ ЛъапӀи ацӀэкӀэ шъуумэхъыхи, 20унашъохэу шъосӀуагъэхэр зэкӀэ агъэцэкӀэнхэу яшъуӀу. ШъыпкъэмкӀэ, дунаим икӀэух нэс сэ ренэу сышъуигъусэщт. Амин.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм