Марк 11
11
ЯПШӀЫКӀУЗЭНЭРЭШЪХЬ
Щытхъушхо иӀэу Исус Ерусалим зэрэдэхьагъэр
(Маттэ 21:1-11; Лука 19:28-40; Иуан 12:12-19)
1Исусрэ игъогу рыкӀохэрэмрэ Ерусалим игъунэгъу хъугъэх. Елеон Ӏуашъхьэм#11:1 Елеон Ӏуашъхьэр – еплъ Маттэ 21:1. Ӏус къуаджэхэу Бет-Фагиерэ Бет-Аниерэ къазынэсхэм, Исус игъогу рыкӀохэрэм ащыщхэу нэбгыритӀу апэ ыгъэкӀуагъ, 2моущтэу ариӀозэ:
– ШъупэчӀынэтӀэ къуаджэм шъудахь. Шъузэрэдахьэу, щыд къунанэу цӀыф ныбжьи зытемытӀысхьагъэр епхыгъэу шъуапэ къифэщт. Ар къэшъутӀати, моу къашъущэ. 3«Сыда шъушӀэрэр?» ыӀоу зыгорэ къышъоупчӀымэ, «Зиусхьаныр ащ фай» ешъуӀуи, занкӀэу къэшъущэнэу фит шъуишӀыщт.
4Ахэр кӀохи, урамым тетэу къэлапчъэ горэм епхыгъэу, щыд къунан горэ къагъоти, къыкӀэратӀытыкӀыгъ. 5А чӀыпӀэм щытхэм ащыщхэм къараӀуагъ: – Сыд пае а щыд къунаныр къэшъутӀатэра?
6Исус зэриӀуагъэм фэдэу пэгъокӀ аратыжьи, адрэхэм щыд къунаныр Ӏуащынэу фит къашӀыгъэх. 7Щыд къунаныр Исус дэжь къащи, ящыгъынхэр тыралъхьагъ. ЕтӀанэ Исус щыд къунаным тетӀысхьагъ. 8ЦӀыфыбэхэм ящыгъынхэр гъогум тыраубгъощтыгъ, нэмыкӀхэми чъыг къутамэхэр хатэхэм къащыпаупкӀыхэти, гъогум тыралъхьэщтыгъэх. 9ЦӀыфхэу Исус ыпэ итхэу кӀощтыгъэхэми, ыуж итыгъэхэми мэкъэшхокӀэ аӀощтыгъ:
– Хьусаннэ! #11:9 Хьусаннэ – щытхъу гущыӀ. Зиусхьаным ыцӀэкӀэ къакӀорэм щытхъушхор ий!
10Тятэшхоу Даутэ и Тетыгъоу къэкӀощтым щытхъушхор ий!
Хьусаннэ! Анахь Лъагэм щытхъушхор ий! #11:9-10 Яплъ Орэд ЛъапӀэхэм 117:25-26.
11Исус Ерусалим дахьи, Тхьэм иунэшхо ихьагъ. Зэпстэури къызеплъыхьэм, мафэр хэкӀотагъэти, къалэм дэкӀи, игъогу рыкӀорэ нэбгырэ пшӀыкӀутӀур игъусэу къуаджэу Бет-Ание кӀуагъэ.
Исус ынджыр чъыгым зэребгыгъэр
(Маттэ 21:18-19)
12ЯтӀонэрэ мафэм Бет-Ание зыдэкӀыжьхэм, Исус къэмэлэкӀагъ. 13Тхьапэхэр зыпыт ынджыр чъыг чыжьэкӀэ зелъэгъум, зыгорэ пытмэ еплъынэу кӀуагъэ. Чъыгым зынэсым, тхьапэ нэмыкӀ зи пымытэу къычӀэкӀыгъ, сыда пӀомэ, ынджырым игъуагъэпти ары#11:13 игъуагъэпти ары – мы зигугъу къышӀырэ къэбархэр зыщыхъурэ лъэхъаныр мэлылъфэгъу мазэм ыгузэгумэ адэжь ары. Ахэр зыщыхъущтыгъэ чӀыпӀэм къащыкӀырэ иджыр чъыгхэм гъэтхэпэ мазэм «иджыр пас» раӀоу ашхын алъэкӀэу къыпыкӀыщтыгъ инджыр. Инджыр пасэр чъыгым пыт-пымытым къыгъэлъагъощтыгъ а илъэсым а чъыгым инджыр къыпыкӀэщтмэ-къыпымыкӀэщтмэ.. 14Аущтэу зэхъум, Исус чъыгым риӀуагъ: – Непэ щегъэжьагъэу о къыппыкӀэу егъашӀэми зыми зи ерэмышх. Игъогу рыкӀохэрэм Исус къыӀуагъэр зэхахыгъ.
Исус щэн-щэфакӀохэр Тхьэм иунэшхо къызэрэчӀифыгъэхэр
(Маттэ 21:12-17; Лука 19:45-48; Иуан 2:13-22)
15ЕтӀанэ Ерусалим нэсыгъэх. Исус Тхьэм иунэшхо чӀахьи, щэн-щэфакӀохэу чӀэтхэр#11:15 щэн-щэфакӀохэу чӀэтхэр – еплъ Маттэ 21:12. къычӀифыхэу ыублагъ. Ахъщэ зыхъожьхэрэм#11:15 ахъщэ зыхъожьхэрэр – еплъ Маттэ 21:12. яӀанэхэмрэ тхьаркъо зыщэхэрэм япхъэнтӀэкӀухэмрэ зэпыригъэзагъэх. 16Тхьэм иунэшхо кӀоцӀыкӀэ зыми зи щызэпырихыныр ыдагъэп. 17ЦӀыфхэм Тхьэм игущыӀэхэр аригъашӀэхэзэ, мыщ фэдэу ариӀуагъ:
– Тхьэм къызэриӀорэр игущыӀэ тхыгъэхэм арытба#11:17 Тхьэм игущыӀэ тхыгъэхэм арытба? – еплъ Пегъымбар Ешайа тхылъэу ытхыгъэм 56:7.: «Сэ сиунэ лъэпкъ пстэуми тхьэлъэӀупӀэ афэхъущт?» Ау шъо «хъункӀэкӀо гъэбылъыпӀэм» #11:17 хъункӀэкӀо гъэбылъыпӀэ – еплъ Пегъымбар Иеремие тхылъэу ытхыгъэм 7:11. фэдэ шъушӀыгъэ.
18Дин пэщэшхохэмрэ Тэурат егъэджэкӀо пащэхэмрэ Исус къыӀуагъэхэр зызэхаххэм, ар зэрагъэкӀодыщт шӀыкӀэм лъыхъухэу аублагъ; сыда пӀомэ, Исус Ӏофхэу аригъашӀэщтыгъэхэр цӀыф купышхом ыгъэшӀагъоти, дин пэщэшхохэмрэ Тэурат егъэджэкӀо пащэхэмрэ Исус щыщынэщтыгъэх.
19ЕтӀанэ пчыхьэ зэхъум, Исусрэ игъогу рыкӀохэрэмрэ къалэм дэкӀыжьыгъэх.
Ынджыр чъыг гъугъэр
(Маттэ 21:20-22)
20Пчэдыжьым ынджыр чъыгым къызыблэкӀыжьхэм, ылъапсэ нэсэу ар зэрэгъугъэр алъэгъугъ. 21Петрэ ащ дэжьым Исус ыӀогъагъэр ыгу къэкӀыжьи, къыриӀуагъ:
– Рабби, еплъ, ынджыр чъыгэу узэбгыгъэр гъугъэ!
22– ТхьэмкӀэ шӀошъхъуныгъэ шъугухэм арыжъугъэлъ, – ариӀожьыгъ Исус ахэмэ. 23– Шъыпкъэр шъосэӀо, зыгорэм ыгу щэч къыримыгъахьэу, къыӀорэр хъункӀэ шӀошъхъуныгъэ иӀэу, мы Ӏуашъхьэм «ЗыкъэӀэти, хым зыхадз» зиӀокӀэ, ар къыдэхъущт. 24Арышъ, шъосэӀо, сыд щыщкӀи Тхьэм шъуелъэӀумэ, Тхьэм къызэрэшъуфишӀэщтымкӀэ шӀошъхъуныгъэ шъугухэм арыжъугъэлъи, къышъуфишӀэщт. 25Тхьэм шъузелъэӀукӀи, гукъанэ зыгорэм фышъуиӀэмэ, фэжъугъэгъу, шъуя Тэ лъапӀэу уашъом щыӀэм шъо мыхъунхэу шъушӀагъэхэр къышъуфигъэгъунхэм пае. 26Ау шъо фэшъумыгъэгъумэ, шъуя Тэ лъапӀэу уашъом щыӀэм шъо мыхъунхэу шъушӀагъэхэри къышъуфигъэгъущтхэп.
Исус итетыгъо къезытыгъэмкӀэ джурт тхьэматэхэр къызэреупчӀыгъэхэр
(Маттэ 21:23-27; Лука 20:1-8)
27Джыри зэ Исусрэ игъогу рыкӀохэрэмрэ Ерусалим къэкӀожьыгъэх. Исус Тхьэм иунэшхо къыкӀухьэзэ, дин пэщэшхохэри, Тэурат егъэджэкӀо пащэхэри, нахьыжъхэри къыбгъодахьэхи, 28къыраӀуагъ:
– Мы Ӏофхэр пшӀэнхэу фитыныгъэр тыда къыздипхыгъэр е ахэр пшӀэнхэу тетыгъор хэта о къыозытыгъэр?
29– Сэри шъо Ӏоф горэкӀэ сышъоупчӀыщт, – ариӀуагъ Исус. – ПэгъокӀ къысэшъутыжьмэ, сэри шъосӀон мы Ӏофхэр сшӀэнхэу фитыныгъэр къыздисхыгъэр. 30Иуан цӀыфхэр ыумэхъынхэу хэта къэзгъэкӀуагъэр? ЦӀыфхэр ара, хьауми Тхьэр ара? ПэгъокӀ къысэшъут.
31– «Тхьэр ары Иуан къэзгъэкӀуагъэр» тӀомэ, ежь къытиӀожьыщт: «Адэ, сыда Иуан къыӀуагъэхэр шъушӀошъ зыкӀэмыхъугъэр?» – аӀозэ, ахэр зэупчӀыжьыгъэх. 32– «ЦӀыфхэр ары Иуан къэзгъэкӀуагъэхэр» етӀожьына? – ау ахэр цӀыфхэм ащыщынэщтыгъэх; сыда пӀомэ, цӀыф пстэуми Иуан шъыпкъэу пегъымбарэу алъытэщтыгъэти ары. 33Арыти,
– ТшӀэрэп, – къыраӀожьыгъ Исус.
– Ащыгъум сэри шъосӀощтэп мы Ӏофхэр сшӀэнхэу фитыныгъэр къыздисхыгъэр, – ариӀожьыгъ Исус ахэмэ.
Currently Selected:
Марк 11: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Марк 11
11
ЯПШӀЫКӀУЗЭНЭРЭШЪХЬ
Щытхъушхо иӀэу Исус Ерусалим зэрэдэхьагъэр
(Маттэ 21:1-11; Лука 19:28-40; Иуан 12:12-19)
1Исусрэ игъогу рыкӀохэрэмрэ Ерусалим игъунэгъу хъугъэх. Елеон Ӏуашъхьэм#11:1 Елеон Ӏуашъхьэр – еплъ Маттэ 21:1. Ӏус къуаджэхэу Бет-Фагиерэ Бет-Аниерэ къазынэсхэм, Исус игъогу рыкӀохэрэм ащыщхэу нэбгыритӀу апэ ыгъэкӀуагъ, 2моущтэу ариӀозэ:
– ШъупэчӀынэтӀэ къуаджэм шъудахь. Шъузэрэдахьэу, щыд къунанэу цӀыф ныбжьи зытемытӀысхьагъэр епхыгъэу шъуапэ къифэщт. Ар къэшъутӀати, моу къашъущэ. 3«Сыда шъушӀэрэр?» ыӀоу зыгорэ къышъоупчӀымэ, «Зиусхьаныр ащ фай» ешъуӀуи, занкӀэу къэшъущэнэу фит шъуишӀыщт.
4Ахэр кӀохи, урамым тетэу къэлапчъэ горэм епхыгъэу, щыд къунан горэ къагъоти, къыкӀэратӀытыкӀыгъ. 5А чӀыпӀэм щытхэм ащыщхэм къараӀуагъ: – Сыд пае а щыд къунаныр къэшъутӀатэра?
6Исус зэриӀуагъэм фэдэу пэгъокӀ аратыжьи, адрэхэм щыд къунаныр Ӏуащынэу фит къашӀыгъэх. 7Щыд къунаныр Исус дэжь къащи, ящыгъынхэр тыралъхьагъ. ЕтӀанэ Исус щыд къунаным тетӀысхьагъ. 8ЦӀыфыбэхэм ящыгъынхэр гъогум тыраубгъощтыгъ, нэмыкӀхэми чъыг къутамэхэр хатэхэм къащыпаупкӀыхэти, гъогум тыралъхьэщтыгъэх. 9ЦӀыфхэу Исус ыпэ итхэу кӀощтыгъэхэми, ыуж итыгъэхэми мэкъэшхокӀэ аӀощтыгъ:
– Хьусаннэ! #11:9 Хьусаннэ – щытхъу гущыӀ. Зиусхьаным ыцӀэкӀэ къакӀорэм щытхъушхор ий!
10Тятэшхоу Даутэ и Тетыгъоу къэкӀощтым щытхъушхор ий!
Хьусаннэ! Анахь Лъагэм щытхъушхор ий! #11:9-10 Яплъ Орэд ЛъапӀэхэм 117:25-26.
11Исус Ерусалим дахьи, Тхьэм иунэшхо ихьагъ. Зэпстэури къызеплъыхьэм, мафэр хэкӀотагъэти, къалэм дэкӀи, игъогу рыкӀорэ нэбгырэ пшӀыкӀутӀур игъусэу къуаджэу Бет-Ание кӀуагъэ.
Исус ынджыр чъыгым зэребгыгъэр
(Маттэ 21:18-19)
12ЯтӀонэрэ мафэм Бет-Ание зыдэкӀыжьхэм, Исус къэмэлэкӀагъ. 13Тхьапэхэр зыпыт ынджыр чъыг чыжьэкӀэ зелъэгъум, зыгорэ пытмэ еплъынэу кӀуагъэ. Чъыгым зынэсым, тхьапэ нэмыкӀ зи пымытэу къычӀэкӀыгъ, сыда пӀомэ, ынджырым игъуагъэпти ары#11:13 игъуагъэпти ары – мы зигугъу къышӀырэ къэбархэр зыщыхъурэ лъэхъаныр мэлылъфэгъу мазэм ыгузэгумэ адэжь ары. Ахэр зыщыхъущтыгъэ чӀыпӀэм къащыкӀырэ иджыр чъыгхэм гъэтхэпэ мазэм «иджыр пас» раӀоу ашхын алъэкӀэу къыпыкӀыщтыгъ инджыр. Инджыр пасэр чъыгым пыт-пымытым къыгъэлъагъощтыгъ а илъэсым а чъыгым инджыр къыпыкӀэщтмэ-къыпымыкӀэщтмэ.. 14Аущтэу зэхъум, Исус чъыгым риӀуагъ: – Непэ щегъэжьагъэу о къыппыкӀэу егъашӀэми зыми зи ерэмышх. Игъогу рыкӀохэрэм Исус къыӀуагъэр зэхахыгъ.
Исус щэн-щэфакӀохэр Тхьэм иунэшхо къызэрэчӀифыгъэхэр
(Маттэ 21:12-17; Лука 19:45-48; Иуан 2:13-22)
15ЕтӀанэ Ерусалим нэсыгъэх. Исус Тхьэм иунэшхо чӀахьи, щэн-щэфакӀохэу чӀэтхэр#11:15 щэн-щэфакӀохэу чӀэтхэр – еплъ Маттэ 21:12. къычӀифыхэу ыублагъ. Ахъщэ зыхъожьхэрэм#11:15 ахъщэ зыхъожьхэрэр – еплъ Маттэ 21:12. яӀанэхэмрэ тхьаркъо зыщэхэрэм япхъэнтӀэкӀухэмрэ зэпыригъэзагъэх. 16Тхьэм иунэшхо кӀоцӀыкӀэ зыми зи щызэпырихыныр ыдагъэп. 17ЦӀыфхэм Тхьэм игущыӀэхэр аригъашӀэхэзэ, мыщ фэдэу ариӀуагъ:
– Тхьэм къызэриӀорэр игущыӀэ тхыгъэхэм арытба#11:17 Тхьэм игущыӀэ тхыгъэхэм арытба? – еплъ Пегъымбар Ешайа тхылъэу ытхыгъэм 56:7.: «Сэ сиунэ лъэпкъ пстэуми тхьэлъэӀупӀэ афэхъущт?» Ау шъо «хъункӀэкӀо гъэбылъыпӀэм» #11:17 хъункӀэкӀо гъэбылъыпӀэ – еплъ Пегъымбар Иеремие тхылъэу ытхыгъэм 7:11. фэдэ шъушӀыгъэ.
18Дин пэщэшхохэмрэ Тэурат егъэджэкӀо пащэхэмрэ Исус къыӀуагъэхэр зызэхаххэм, ар зэрагъэкӀодыщт шӀыкӀэм лъыхъухэу аублагъ; сыда пӀомэ, Исус Ӏофхэу аригъашӀэщтыгъэхэр цӀыф купышхом ыгъэшӀагъоти, дин пэщэшхохэмрэ Тэурат егъэджэкӀо пащэхэмрэ Исус щыщынэщтыгъэх.
19ЕтӀанэ пчыхьэ зэхъум, Исусрэ игъогу рыкӀохэрэмрэ къалэм дэкӀыжьыгъэх.
Ынджыр чъыг гъугъэр
(Маттэ 21:20-22)
20Пчэдыжьым ынджыр чъыгым къызыблэкӀыжьхэм, ылъапсэ нэсэу ар зэрэгъугъэр алъэгъугъ. 21Петрэ ащ дэжьым Исус ыӀогъагъэр ыгу къэкӀыжьи, къыриӀуагъ:
– Рабби, еплъ, ынджыр чъыгэу узэбгыгъэр гъугъэ!
22– ТхьэмкӀэ шӀошъхъуныгъэ шъугухэм арыжъугъэлъ, – ариӀожьыгъ Исус ахэмэ. 23– Шъыпкъэр шъосэӀо, зыгорэм ыгу щэч къыримыгъахьэу, къыӀорэр хъункӀэ шӀошъхъуныгъэ иӀэу, мы Ӏуашъхьэм «ЗыкъэӀэти, хым зыхадз» зиӀокӀэ, ар къыдэхъущт. 24Арышъ, шъосэӀо, сыд щыщкӀи Тхьэм шъуелъэӀумэ, Тхьэм къызэрэшъуфишӀэщтымкӀэ шӀошъхъуныгъэ шъугухэм арыжъугъэлъи, къышъуфишӀэщт. 25Тхьэм шъузелъэӀукӀи, гукъанэ зыгорэм фышъуиӀэмэ, фэжъугъэгъу, шъуя Тэ лъапӀэу уашъом щыӀэм шъо мыхъунхэу шъушӀагъэхэр къышъуфигъэгъунхэм пае. 26Ау шъо фэшъумыгъэгъумэ, шъуя Тэ лъапӀэу уашъом щыӀэм шъо мыхъунхэу шъушӀагъэхэри къышъуфигъэгъущтхэп.
Исус итетыгъо къезытыгъэмкӀэ джурт тхьэматэхэр къызэреупчӀыгъэхэр
(Маттэ 21:23-27; Лука 20:1-8)
27Джыри зэ Исусрэ игъогу рыкӀохэрэмрэ Ерусалим къэкӀожьыгъэх. Исус Тхьэм иунэшхо къыкӀухьэзэ, дин пэщэшхохэри, Тэурат егъэджэкӀо пащэхэри, нахьыжъхэри къыбгъодахьэхи, 28къыраӀуагъ:
– Мы Ӏофхэр пшӀэнхэу фитыныгъэр тыда къыздипхыгъэр е ахэр пшӀэнхэу тетыгъор хэта о къыозытыгъэр?
29– Сэри шъо Ӏоф горэкӀэ сышъоупчӀыщт, – ариӀуагъ Исус. – ПэгъокӀ къысэшъутыжьмэ, сэри шъосӀон мы Ӏофхэр сшӀэнхэу фитыныгъэр къыздисхыгъэр. 30Иуан цӀыфхэр ыумэхъынхэу хэта къэзгъэкӀуагъэр? ЦӀыфхэр ара, хьауми Тхьэр ара? ПэгъокӀ къысэшъут.
31– «Тхьэр ары Иуан къэзгъэкӀуагъэр» тӀомэ, ежь къытиӀожьыщт: «Адэ, сыда Иуан къыӀуагъэхэр шъушӀошъ зыкӀэмыхъугъэр?» – аӀозэ, ахэр зэупчӀыжьыгъэх. 32– «ЦӀыфхэр ары Иуан къэзгъэкӀуагъэхэр» етӀожьына? – ау ахэр цӀыфхэм ащыщынэщтыгъэх; сыда пӀомэ, цӀыф пстэуми Иуан шъыпкъэу пегъымбарэу алъытэщтыгъэти ары. 33Арыти,
– ТшӀэрэп, – къыраӀожьыгъ Исус.
– Ащыгъум сэри шъосӀощтэп мы Ӏофхэр сшӀэнхэу фитыныгъэр къыздисхыгъэр, – ариӀожьыгъ Исус ахэмэ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм