Марк 7
7
ЯБЛЭНЭРЭШЪХЬ
Тыжъхэм къакӀэныжьыгъэ хабзэхэр
(Маттэ 15:1-20)
1Фарисейхэри Ерусалим къикӀыгъэ Тэурат егъэджэкӀо пащэхэм ащыщхэри Исус дэжь къыщызэрэугъоигъэх. 2Ахэмэ Исус игъогу рыкӀохэрэм ащыщхэр Ӏэ мыкъабзэхэмкӀэ, нэмыкӀ къэӀуакӀэкӀэ аӀэхэр амытхьакӀыхэу, зэрэшхэрэм гу лъатагъ. 3Сыда пӀомэ, фарисейхэмрэ адрэ джурт пстэумрэ ятэжъхэм къакӀэныжьыгъэ хабзэхэм атетэу, аӀэхэр амытхьакӀыхэу шхэхэрэп. 4Бэдзэрым къикӀыжьхэмэ, замыукъэбзэжьэу шхэхэрэп. А хабзэхэм анэмыкӀэу, ятэжъхэм къакӀэныжьыгъэ хэбзабэхэр зэрахьэ, гущыӀэм пае, шъуалъэхэри, къумгъанхэри, лэгъупхэри хабзэм тетэу атхьакӀыныр.
5Арыти, фарисейхэмрэ Тэурат егъэджэкӀо пащэхэмрэ Исус къеупчӀыгъэх:
– О уигъогу рыкӀохэрэр тятэжъхэм къытфагъэнэгъэ хабзэхэм атемытхэу, Ӏэ мыкъабзэхэмкӀэ сыд пае шхэхэра?
6– Пегъымбар Ешайа шъо, нэпитӀу зиӀэхэм, шъыпкъэр къышъуиӀолӀагъ, – ариӀожьыгъ Исус. – Мыщ фэдэу итхылъ ит#7:6-7 Пегъымбар Ешайа… итхылъ ит – еплъ Пегъымбар Ешайа тхылъэу ытхыгъэм 29:13.:
«Мы цӀыфхэм аӀупэхэмкӀэ сагъэлъапӀэ, ау агухэмкӀэ спэчыжьэх.
7Ахэмэ цӀыфхэр Тхьэм иӀофхэм афагъасэхэзэ, Тхьэм иунашъо ычӀыпэ цӀыф хабзэ зэрэрагъэуцорэм пае, сэ сызэрагъэлъапӀэрэр хьаулый».
8– Тхьэм иунашъо къэжъугъэнагъэу, цӀыфхэм къакӀэныжьыгъэ хабзэхэм шъуатет.
9– Шъуятэжъхэм къакӀэныжьыгъэ хабзэхэр жъугъэцэкӀэнхэм пае, Тхьэм иунашъо зы лъэныкъокӀэ ешъогъэзыкӀы, – къыпигъэхъожьыгъ Исус. 10– Сыда пӀомэ, пегъымбар Мусэ ыӀуагъ#7:10 пегъымбар Мусэ ыӀуагъ – еплъ Пегъымбар Мусэ ятӀонэрэ тхылъэу ытхыгъэм 20:12; 21:17.: «Уятэрэ уянэрэ лъытэныгъэ афэшӀ», ыкӀи «Хэти зятэ е зянэ ӀаекӀэ тегущыӀэрэр шъуукӀын фае». 11,12Ау шъо шъоӀо: «„Сэ тынэу шъо шъостын слъэкӀыщтыгъэр джы корбан сшӀыщт“ (ащ къикӀырэр Тхьэм пае тын сшӀыщт) ыӀоу, цӀыф горэм ежь ятэ е янэ риӀомэ, ащыгъум а цӀыфым ятэ е янэ зи фимышӀэн фит». 13Аущтэу шъушӀызэ, шъуятэжъхэм яхабзэхэу шъо шъукъохэм къафэжъугъанэхэрэмкӀэ Тхьэм игущыӀэхэр лъэныкъокӀэ ешъогъэзыкӀых. Ащ фэдэ Ӏаджи шъошӀэ.
14Исус цӀыф купышхом джыри зэ къяджи, ариӀуагъ:
– Шъо пстэуми шъукъысэдэӀу, къасӀорэри зыгурыжъугъаӀу. 15ЦӀыфыр мыкъабзэ зышӀын зылъэкӀырэр ышхырэр арэп, ыгу къикӀыхэрэр ары нахь. 16РыдэӀонэу тхьакӀумэ зиӀэм зэхерэх.
17Исус цӀыф купышхом хэкӀыжьи, унэм зехьажьым, игъогу рыкӀохэрэр а гъэсэпэтхыдэм ехьылӀагъэу къеупчӀыгъэх.
18– Шъори зи къыжъугурымыӀоу ара? – ариӀожьыгъ Исус. – ЦӀыфым шхынэу ышхырэм ежь мыкъабзэу ышӀын зэримылъэкӀырэр къыжъугурыӀорэба? 19Сыда пӀомэ, цӀыфым шхынэу ышхырэр ыгу ихьэрэп, ыныбэ ехьэ нахь, етӀани пкъым хэкӀыжьы. (А гущыӀэхэмкӀэ Исус шхын пстэури хьалэлэу ыӀуагъ.)
20– ЦӀыфым ыгу къикӀырэр ары мыкъабзэ зышӀырэр, – къыпигъэхъожьыгъ Исус. 21– Сыда пӀомэ, цӀыфым ыкӀоцӀ, ыгу ары мыхэр къызэрыкӀыхэрэр: гупшысэ бзаджэхэр, зинэ шӀэныр, тыгъоныр, цӀыф укӀыныр, 22нэйпсыеныр, бзэджагъэр, тхьагъэпцӀыгъэр, мыхъо-мышӀэ псэукӀэр, шъугъоныр, цӀыфхэм ӀаекӀэ атегущыӀэныр, пэгагъэр, делагъэр. 23А бзэджэгъэ пстэури гу кӀоцӀым къекӀышъ, цӀыфыр мыкъабзэ ашӀы.
Сирофиникие хэкум щыщ бзылъфыгъэм шӀошъхъуныгъэу иӀагъэр
(Маттэ 15:21-28)
24ЕтӀанэ Исус а чӀыпӀэм икӀи, къалэхэу Тиррэ Сидонрэ яӀэгъо-благъо кӀуагъэ. Унэ горэм зехьэм, ащ ежь зэрэщыӀэр зыми ышӀэнэу фэягъэп, ау къыдэхъугъэп. 25ДжынапцӀэ зыхэс пхъу зиӀэ бзылъфыгъэ горэ Исус къызэрэкӀуагъэр зэрэзэхихэу къакӀуи, ылъакъохэм адэжь ыпашъхьэ зыщыридзыхыгъ. 26А бзылъфыгъэр Сирофиникие хэкум щыщыгъ, алыджыбзэм рыгущыӀэщтыгъ#7:26 алыджыбзэр – грекыбзэр ары.. Ыпхъу джынапцӀэр хифынэу Исус къелъэӀугъ.
27– Ыпэ рапшӀэу сабыйхэм зягъэгъэшхэкӀ, – риӀуагъ Исус а бзылъфыгъэм, – сыда пӀомэ, сабыйхэм хьалыгъур аӀыпхэу, хьэхэм ябгъэшхыныр тэрэзэп.
28– Шъыпкъэ, тхьэматэ, – къыриӀожьыгъ бзылъфыгъэм, – ау сабыйхэм къаӀэпытэкъурэ хьалыгъу шкъойхэр Ӏэнэ чӀэгъым чӀэс хьэхэми ашхы.
29– А гущыӀэр къызэрэпӀуагъэм пае, джынапцӀэр о ппхъу хэкӀыжьыгъ, – риӀуагъ Исус. – О уиунэ кӀожь.
30Бзылъфыгъэр унэм къызэкӀожьым, ыпхъу джынапцӀэр хэкӀыжьыгъэу пӀэм хэлъэу рихьылӀэжьыгъ.
ГущыӀэгъое лӀы дэгу горэ Исус зэригъэхъужьыгъэр
31Ащ ыужым Исус къалэхэу Тиррэ Сидонрэ яӀэгъо-благъо къикӀыжьи, КъэлипшӀ зыцӀэ хэкум зэпырыкӀи, Галилей псыхъураем къекӀолӀэжьыгъ. 32Джащыгъум дэгоу, гущыӀогъое лӀы горэ цӀыфхэм Исус къыфащи, ыӀэ тырилъхьанэу къелъэӀугъэх.
33Исус а лӀыр цӀыфхэм лъэныкъокӀэ ахищи, язакъоу къызэнэхэм, ыӀэхъуамбэхэр лӀым ытхьакӀумэхэм ариӀухи, ужъунтхи, лӀым ыбзэгу теӀэбагъ. 34ЕтӀанэ уашъом дэплъыий, лъэшэу хэщэтыкӀи, а лӀым риӀуагъ: «Еффатэ!» (Еффатэм къикӀырэр «ПтхьакӀумэхэм зыкъызэӀуарэхыжь!») 35Ардэдэм лӀым ытхьакӀумэхэм зэхахы хъужьыгъэ, ыбзэгуи къытӀупщыжьи, къабзэу къэгущыӀэу ыублагъ.
36Исус цӀыфхэм ар зыми рамыӀотэжьынэу унашъо афишӀыгъ. Ау сыд фэдизэу унашъо афишӀыгъэми, а къэбарыр нахьыбэу агъэӀущтыгъ. 37ЦӀыфхэм хъугъэ-шӀагъэр ин дэдэу агъэшӀагъозэ аӀощтыгъ:
– ЗэкӀэри дэгъоу ышӀагъ. Дэгухэр зэхахэу егъэхъужьых, бзакохэри къегъэгущыӀэжьых.
Currently Selected:
Марк 7: AdgNT14
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм
Марк 7
7
ЯБЛЭНЭРЭШЪХЬ
Тыжъхэм къакӀэныжьыгъэ хабзэхэр
(Маттэ 15:1-20)
1Фарисейхэри Ерусалим къикӀыгъэ Тэурат егъэджэкӀо пащэхэм ащыщхэри Исус дэжь къыщызэрэугъоигъэх. 2Ахэмэ Исус игъогу рыкӀохэрэм ащыщхэр Ӏэ мыкъабзэхэмкӀэ, нэмыкӀ къэӀуакӀэкӀэ аӀэхэр амытхьакӀыхэу, зэрэшхэрэм гу лъатагъ. 3Сыда пӀомэ, фарисейхэмрэ адрэ джурт пстэумрэ ятэжъхэм къакӀэныжьыгъэ хабзэхэм атетэу, аӀэхэр амытхьакӀыхэу шхэхэрэп. 4Бэдзэрым къикӀыжьхэмэ, замыукъэбзэжьэу шхэхэрэп. А хабзэхэм анэмыкӀэу, ятэжъхэм къакӀэныжьыгъэ хэбзабэхэр зэрахьэ, гущыӀэм пае, шъуалъэхэри, къумгъанхэри, лэгъупхэри хабзэм тетэу атхьакӀыныр.
5Арыти, фарисейхэмрэ Тэурат егъэджэкӀо пащэхэмрэ Исус къеупчӀыгъэх:
– О уигъогу рыкӀохэрэр тятэжъхэм къытфагъэнэгъэ хабзэхэм атемытхэу, Ӏэ мыкъабзэхэмкӀэ сыд пае шхэхэра?
6– Пегъымбар Ешайа шъо, нэпитӀу зиӀэхэм, шъыпкъэр къышъуиӀолӀагъ, – ариӀожьыгъ Исус. – Мыщ фэдэу итхылъ ит#7:6-7 Пегъымбар Ешайа… итхылъ ит – еплъ Пегъымбар Ешайа тхылъэу ытхыгъэм 29:13.:
«Мы цӀыфхэм аӀупэхэмкӀэ сагъэлъапӀэ, ау агухэмкӀэ спэчыжьэх.
7Ахэмэ цӀыфхэр Тхьэм иӀофхэм афагъасэхэзэ, Тхьэм иунашъо ычӀыпэ цӀыф хабзэ зэрэрагъэуцорэм пае, сэ сызэрагъэлъапӀэрэр хьаулый».
8– Тхьэм иунашъо къэжъугъэнагъэу, цӀыфхэм къакӀэныжьыгъэ хабзэхэм шъуатет.
9– Шъуятэжъхэм къакӀэныжьыгъэ хабзэхэр жъугъэцэкӀэнхэм пае, Тхьэм иунашъо зы лъэныкъокӀэ ешъогъэзыкӀы, – къыпигъэхъожьыгъ Исус. 10– Сыда пӀомэ, пегъымбар Мусэ ыӀуагъ#7:10 пегъымбар Мусэ ыӀуагъ – еплъ Пегъымбар Мусэ ятӀонэрэ тхылъэу ытхыгъэм 20:12; 21:17.: «Уятэрэ уянэрэ лъытэныгъэ афэшӀ», ыкӀи «Хэти зятэ е зянэ ӀаекӀэ тегущыӀэрэр шъуукӀын фае». 11,12Ау шъо шъоӀо: «„Сэ тынэу шъо шъостын слъэкӀыщтыгъэр джы корбан сшӀыщт“ (ащ къикӀырэр Тхьэм пае тын сшӀыщт) ыӀоу, цӀыф горэм ежь ятэ е янэ риӀомэ, ащыгъум а цӀыфым ятэ е янэ зи фимышӀэн фит». 13Аущтэу шъушӀызэ, шъуятэжъхэм яхабзэхэу шъо шъукъохэм къафэжъугъанэхэрэмкӀэ Тхьэм игущыӀэхэр лъэныкъокӀэ ешъогъэзыкӀых. Ащ фэдэ Ӏаджи шъошӀэ.
14Исус цӀыф купышхом джыри зэ къяджи, ариӀуагъ:
– Шъо пстэуми шъукъысэдэӀу, къасӀорэри зыгурыжъугъаӀу. 15ЦӀыфыр мыкъабзэ зышӀын зылъэкӀырэр ышхырэр арэп, ыгу къикӀыхэрэр ары нахь. 16РыдэӀонэу тхьакӀумэ зиӀэм зэхерэх.
17Исус цӀыф купышхом хэкӀыжьи, унэм зехьажьым, игъогу рыкӀохэрэр а гъэсэпэтхыдэм ехьылӀагъэу къеупчӀыгъэх.
18– Шъори зи къыжъугурымыӀоу ара? – ариӀожьыгъ Исус. – ЦӀыфым шхынэу ышхырэм ежь мыкъабзэу ышӀын зэримылъэкӀырэр къыжъугурыӀорэба? 19Сыда пӀомэ, цӀыфым шхынэу ышхырэр ыгу ихьэрэп, ыныбэ ехьэ нахь, етӀани пкъым хэкӀыжьы. (А гущыӀэхэмкӀэ Исус шхын пстэури хьалэлэу ыӀуагъ.)
20– ЦӀыфым ыгу къикӀырэр ары мыкъабзэ зышӀырэр, – къыпигъэхъожьыгъ Исус. 21– Сыда пӀомэ, цӀыфым ыкӀоцӀ, ыгу ары мыхэр къызэрыкӀыхэрэр: гупшысэ бзаджэхэр, зинэ шӀэныр, тыгъоныр, цӀыф укӀыныр, 22нэйпсыеныр, бзэджагъэр, тхьагъэпцӀыгъэр, мыхъо-мышӀэ псэукӀэр, шъугъоныр, цӀыфхэм ӀаекӀэ атегущыӀэныр, пэгагъэр, делагъэр. 23А бзэджэгъэ пстэури гу кӀоцӀым къекӀышъ, цӀыфыр мыкъабзэ ашӀы.
Сирофиникие хэкум щыщ бзылъфыгъэм шӀошъхъуныгъэу иӀагъэр
(Маттэ 15:21-28)
24ЕтӀанэ Исус а чӀыпӀэм икӀи, къалэхэу Тиррэ Сидонрэ яӀэгъо-благъо кӀуагъэ. Унэ горэм зехьэм, ащ ежь зэрэщыӀэр зыми ышӀэнэу фэягъэп, ау къыдэхъугъэп. 25ДжынапцӀэ зыхэс пхъу зиӀэ бзылъфыгъэ горэ Исус къызэрэкӀуагъэр зэрэзэхихэу къакӀуи, ылъакъохэм адэжь ыпашъхьэ зыщыридзыхыгъ. 26А бзылъфыгъэр Сирофиникие хэкум щыщыгъ, алыджыбзэм рыгущыӀэщтыгъ#7:26 алыджыбзэр – грекыбзэр ары.. Ыпхъу джынапцӀэр хифынэу Исус къелъэӀугъ.
27– Ыпэ рапшӀэу сабыйхэм зягъэгъэшхэкӀ, – риӀуагъ Исус а бзылъфыгъэм, – сыда пӀомэ, сабыйхэм хьалыгъур аӀыпхэу, хьэхэм ябгъэшхыныр тэрэзэп.
28– Шъыпкъэ, тхьэматэ, – къыриӀожьыгъ бзылъфыгъэм, – ау сабыйхэм къаӀэпытэкъурэ хьалыгъу шкъойхэр Ӏэнэ чӀэгъым чӀэс хьэхэми ашхы.
29– А гущыӀэр къызэрэпӀуагъэм пае, джынапцӀэр о ппхъу хэкӀыжьыгъ, – риӀуагъ Исус. – О уиунэ кӀожь.
30Бзылъфыгъэр унэм къызэкӀожьым, ыпхъу джынапцӀэр хэкӀыжьыгъэу пӀэм хэлъэу рихьылӀэжьыгъ.
ГущыӀэгъое лӀы дэгу горэ Исус зэригъэхъужьыгъэр
31Ащ ыужым Исус къалэхэу Тиррэ Сидонрэ яӀэгъо-благъо къикӀыжьи, КъэлипшӀ зыцӀэ хэкум зэпырыкӀи, Галилей псыхъураем къекӀолӀэжьыгъ. 32Джащыгъум дэгоу, гущыӀогъое лӀы горэ цӀыфхэм Исус къыфащи, ыӀэ тырилъхьанэу къелъэӀугъэх.
33Исус а лӀыр цӀыфхэм лъэныкъокӀэ ахищи, язакъоу къызэнэхэм, ыӀэхъуамбэхэр лӀым ытхьакӀумэхэм ариӀухи, ужъунтхи, лӀым ыбзэгу теӀэбагъ. 34ЕтӀанэ уашъом дэплъыий, лъэшэу хэщэтыкӀи, а лӀым риӀуагъ: «Еффатэ!» (Еффатэм къикӀырэр «ПтхьакӀумэхэм зыкъызэӀуарэхыжь!») 35Ардэдэм лӀым ытхьакӀумэхэм зэхахы хъужьыгъэ, ыбзэгуи къытӀупщыжьи, къабзэу къэгущыӀэу ыублагъ.
36Исус цӀыфхэм ар зыми рамыӀотэжьынэу унашъо афишӀыгъ. Ау сыд фэдизэу унашъо афишӀыгъэми, а къэбарыр нахьыбэу агъэӀущтыгъ. 37ЦӀыфхэм хъугъэ-шӀагъэр ин дэдэу агъэшӀагъозэ аӀощтыгъ:
– ЗэкӀэри дэгъоу ышӀагъ. Дэгухэр зэхахэу егъэхъужьых, бзакохэри къегъэгущыӀэжьых.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 1991, 1992, 2014. Стокгольм