Lurkaf 11
11
Guiqlanq Shar-eu Garkawv
Mt 6:9-13; 7:7-11
1Khoerngae, heulof-aer pyeuflar-euq mae. Yeqsur tiqgarpaw jawr-awr guiqlanq sharluf-eu mae. Aqyawf guiqlanq sharghaq ngae, aqyawf-euq zaqlanr deuq-anr nae tiq ghaq, aqyawf-anr aernaeq-eu, “Sanqpaq-or! Yorhaq, aqyawf-euq zaqlanr deuq-anr guiqlanq aqjox-aer yashar-eu la laer maeqnaeq-euq lof-aer, nga’maf-anr khawf maeqnaeq laf-awq.”
2Khoerngae, Yeqsur heulof-aer aernaeq-euq mae, “Nawmaf guiqlanqshar ngae heulof-aer shar-awq:
Mq-euq khoertav jawr-eu nga’maf-euq Aqda-or!
Nawq-euq tsawrmyanr-anr yawzeu bibaw law.
Nawr uvlanr-eu jeq bi keuvle law.
Mq-euq khoertav nawr nuikhanr shir-eu jeq byan-eu lof-aer, mirtsaq-euq khoertav khawf bi byanle law.
3Iqnan mawf-eu dzaq-awr dawr-eu jeq, iqnan nga’maf-anr bifnaeqlaf.
4Nga’maf-euq iqbax-anr pyaeqnaeqlaf.
Aqjeq mirnae aernar-aq, nga’maf khawf nga’maf-anr mrbanq-euq dzirdzov dav-eu yawqghaq navluf-anr pyaeqnaeq-euq ma.
Iqbax murjur jur-eu maeqnan nga’maf-anr taqbi ir naeqlaf.
Yawdoer ghaq-anr nae nga’maf-anr bibuq-ir naeqlaf.”
5Yeqsur heulof-aer par aernaeq-euq mae: “Nawmaf-euq lafkhoer tiqghaqnav uqcif saerghanr caelar ngae, aqyawf-euq cawq jawr-eu gar ir-awr aer-eu, ‘Cawq-or! Ngaq-anr kaqmur smr siq parnaeqlaf sher-eq. 6Aqjeq mirnae aernar-aq, ngaq-euq cawq tiq ghaq garmanr kaq-eu gar nae ngar jawr-eu gar candov laf-awr, aqyawf-anr tiqjeq-iq ciqdav naeq-eu maqjav nga.’
7Khoerngae, nymrsanr ghaq lafkhoer paw nae aerkhof naeq-eu, ‘Ngaq-anr taq banqghalar naeqlaf. Larghov kaftaeq dzeur-awr, ngaq-euq zaqdeuq khawf, ngaq naeq-aer yufzar-anr yufluf-eu mirnae, ngar tur-awr nawq-anr bif-eu maqyaef nya.’ 8Ngar, nawmaf-anr aernaeq nyar, aqyawf, cawq pyeuf-eu nga laer tur-awr maq bifnaeq le-eu khawf, tsawrhaq khoerghaq maq naqlerni shar-eu mirnae, nymrsanr ghaq turlar-awr, khoerghaq kharmawf-eu lof-aer bifnaeq taef-a.
9“Ngar, nawmaf-anr aernaeq nyar. Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a. 10Aqjeq mirnae aernar-aq, kharshar-eu tsawrhaq za taef-a. Kharpov-eu tsawrhaq ya’mawr taef-a. Kharkhov-eu tsawrhaq-anr khawf, aqyawf-anr pannaeqle taef-a.
11“Nawmaf-euq lafkhoer aqda aqgeu ghaq maqkaq, zaqyo kaqmur shar-eu gar, khaqlo bifnaeq ma lor? Maqngeur nar-aq, ngaqshaq shar-eu gar, aqyawf-anr ngaqshaq-euq danzar arlawr nyaefnaeq ma laq? 12Maqngeur nar-aq, aqyawf, ya’uv shar-eu gar, aqyawf-anr boeqkhaqlaqma nyaefnaeq ma lor? 13Nawmaf, tsawrdoer pyeuf-eu khawf, yawqha-euq zaq-anr lafsawq yawmuiq bifnaeq-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda, aqyawf-anr shar-eu deuq-anr Yawshawr Saflar bifnaeq mawf-eu mae!”
Yeqsur Hawr-eu Beqsaqburlar
Mt 12:22-30; Mk 3:20-27
14Aqdzawq bidzawq-ir-eu naef tiq mawr-anr Yeqsur taedov naeq-euq mae. Naef dov-ir ghaq-euq nar-aq, aqdzawq khoerghaq dawq ngaeqnya lar-euq mirnae, tsawrhaq armaf deuq zanqler-euq mae. 15Khoerngae, aqyawf maf-euq lafkhoer jawr-eu tiqpavnav deuq aer-eu, “Aqyawf-aq, naef deuq-anr uvlanr-eu ghaq, Beqsaqburlar-anr ghoeghoe-aer naef-anr taedov-eu nga.”
16Aerkhawf, tiqpavnav deuq, aqyawf-anr tsermrhaw mawf-eu mirnae, mq-euq khoertav-euq bisiq bimawr-eu jeq-anr sharpov-eu mae.
17Aerkhawf, Yeqsur, aqyawf maf-euq nuinoeq-anr siqnya-eu mirnae, aqyawf maf-anr heulof-aer aernaeq-euq mae: “Birpav-awr muir-eu mirkhanq yawqkhanq navluf khanqtsoeq tsoeq-ir taef-a. Birpav-awr muir-eu nymrkhanq khawf pyav-ir shav-ir taef-a. 18Nawmaf-aq, ngar, Beqsaqburlar-anr ghoeghoe-aer naef-anr taedov-eu nga laer aer-eu nga. Aerkhawf, naef Saqdaq-aq, yawqhar yawqha birpav-awr muir nar-aq, aqyawf uvlanr-eu jeq aqjox-aer zifnya nmr-mq? 19Ngar, Beqsaqburlar-anr ghoeghoe-aer naef-anr taedov-eu ngeur nar-aq, nawmaf-euq zaqdeuq lawr nae, aqsur ghaq-anr ghoeghoe-aer naef-anr taedov-eu la? Khoermirnae, aqyawfmaf, nawmaf-anr yarkhaq dar-eu deuq pyeuf taef-a. 20Ngar, Miqyaer-euq lafnoer-anr ghoe-awr naef-anr taedov-eu ngeur nar-aq, Miqyaer uvlanr-eu jeq nawmaf-euq khoertav keuvle-euq mae.
21“Ghaq khav-eu aqda tiq ghaq guirdeuv deuv-eu keuka dawqtawvluf laeqhmqdan taq-awr, aqyawf-euq nymr-anr lofluf ngae, aqyawf-euq myawqganq maqbyov-ir-ar. 22Aerkhawf, aqyawf navmaqtser ghaq khav-eu tiq ghaq lar-awr nae aqyawf-anr deuvghaq-euq nar-aq, aqyawf ghoeluf-eu guirdeuv deuv-eu keuka-anr ludov jir-awr, aqyawf-euq myawq yur-awr birgeuf-ir taef-a.
23Ngar jawr-eu paw maqjawr-eu tsawrhaq-aq, ngaq-anr muir-eu paw jawr-eu mae. Ngaq naeq-aer maq bymrlar-eu tsawrhaq-aq, byavdzae-eu tsawrhaq mae.
Naef Yawjawf Par Ghoflar-euq
Mt 12:43-45
24“Naef yawjawf tiq mawr tsawrhaq tiq ghaq-euq lafkhoer nae dov-ir-awr, guicorni ghae-eu gar irir larlar-aer ghaqnaq naqduq pov ngae, maq povmawr nya-aer aer-eu, ‘Ngar, ngaq nae dovle-euq ngaq-euq nymr-anr ghofler ma.’ 25Aqyawf ghofkeuvler ngae, nymr khoernymr yavjur taq-awr juirkheuni lavsav taq-euq gar ya’mawr-euq mae. 26Khoerngae, aqyawf ir-awr, aqyawf navmaqtser cawvdzaeq-eu naef shif mawr sheuqlaq-ir-awr jawrler-euq mae. Khoermirnae, arsaq saqlar ngae-aq, tsawrhaq khoerghaq-euq artiv yawbae navmaqtser doerdzaeq-ir-euq mae.”
Guiqlanq Huiqdzaeq-eu Tsawrhaq
27Yeqsur khoerlof-aer aerluf ngae, tsawrhaq armaf mafma-euq lafkhoer nae zaqmiq aqbur tiq ghaq tersar yawkhav-aer aqyawf-anr aernaeq-eu, “Nawq-anr bi daefdov le-awr, aqcoer bidawr-euq ghaq-aq, guiqlanq huiq-eu ngar-a.”
28Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”
Bisiq Bimawr-eu Jeq Mawrmawf-eu
Mt 12:38-42
29Tsawrhaq armaf mafma myaqlar duiduiluf ngae, Yeqsur danqbae-awr heulof-aer aer-eu mae: “Heuzir-aq, doer duidui-eu zir mae. Aqyawfmaf bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq maqngeur nar-aq, aqyawf maf-anr bisiq bimawr-eu yawqjeqyawq maqbi mawr. 30Yornav-aq, Nirnaqbeq meuq-anr jawr-eu tsawrhaq deuq-euq gharduq bisiq bimawr-eu jeq pyeuf-euq lof-aer, Tsawrhaq-euq Zaqyo khawf, heuzir-euq gharduq bisiq bimawr-eu jeq pyeuf taef-a. 31Yarkhaqdar ngae nan, lafov paw jav-eu mirkhanq-euq sanqpaqma, heuzir-euq tsawrhaq naeq-aer turlar-awr, aqyawfmaf laeqbymr bi tawvni darnaeq taef-a. Aqjeq mirnae aernar-aq, zaqsiq tsawrganr zawr byan-eu Sorlaqmoq-euq dawq narhaq-eu laer mqdzer mirdzer-anr nae aqyawf lar-euq mae. Hawsher-eq. Sorlaqmoq navmaqtser huiq-eu ghaq heugar jawrluf ma. 32Yarkhaqdar ngae nan, Nirnaqbeq meuq-anr jawr-eu tsawrhaq deuq, heuzir-euq tsawrhaq naeq-aer turla-awr, aqyawfmaf laeqbymr bi tawvni darnaeq taef-a. Aqjeq mirnae aernar-aq, Yornav dawqmaeq maeq-eu gar aqyawfmaf yagaq ngae, iqbax noeqpov noeqpar-euq mae. Hawsher-eq. Yornav navmaqtser huiqdzaeq-eu ghaq heugar jawrluf ma.
Mawrdo-euq Yawshaef
Mt 5:15; 6:22-23
33“Tsawrhaq tiqghaq-iq tsirkhmq dof-awr barzaf-anr maq ciqtaq-ar. Khavpuq nae khawf maq moftsanq taq-ar. Urlar-eu tsawrhaq yawshaef-anr ya’mawrni, tsirkhmq ciqtaq duq-anr ciqdavtaq taef-a. 34Myavnuiv-aq, mawrdo-euq tsirkhmq mae. Khoermirnae, nawq-euq myavnuiv yawmuiq nar-aq, mawrdo dolan-aer yawshaef bya taef-a. Nawq-euq myavnuiv maqmuiq nar-aq, mawrdo dolan-aer zanrtsuini ghae-eu jeq byan taef-a. 35Khoermirnae, nawq-euq lafkhoer anr-eu yawshaef zanrtsuini maqbi pyeuf-ir ni yanr-awq. 36Nawq-euq mawrdo dolanni yawzanr tiqpawf-iq maqanr-aer, yawshaef taef-aer bya nar-aq, tsirkhmq-euq yawshaef nawq-anr tsaeqbya-eu lof-aer, nawq-euq mawrdo dolan-aer yawshaef bya taef-a.”
Paqliqsaer Hawr-eu Zanr Maeq-eu Deuq-anr Daeq-euq
Mt 23:1-36; Mk 12:38-40
37Yeqsur khoerlof-aer aerluf ngae, Paqliqsaer tiq ghaq, Yeqsur-anr kur-awr aqyawf naeq-aer hawq bi dzaqtaf le-euq mae. Khoermirnae, Yeqsur urler-awr hawqdzaq dzaq-eu laer nuirluf-eu mae. 38Yeqsur, aqlaf maqdzuifni hawq dzaq-eu laer ghae-eu gar Paqliqsaer khoerghaq ya’mawr ngae zanqler-euq mae.
39Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae. 40Aqdzawq argan deuq-or! Lafnyir paw bae-euq ghaq, lafkhoer paw khawf bae-euq maqngeur-a lor? 41Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.
42“Nawmaf Paqliqsaer deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, arjir pafdaw, manqsawr hawr-eu kaghawq kadzar yawqjeq navluf tserbymr tiqbymr damqnaeq-eu mae. Aerkhawf, Miqyaer-anr gaq-eu jeq hawr-eu tsaq-awr dawr-eu jeq-anr nawmaf byaerdzae taq-euq mae. Nawmaf heudeuq mr paq-aer ghae-awr, nuideuq-anr khawf byaerdzae paq-aer maqghae-a.
43“Nawmaf Paqliqsaer deuq ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, zanrdawq khawqnymr-euq lafkhoer khanqsaer jav-eu nuirduq-anr nuir-eu gar gaq-awr, laev-anr can ngae, aqcawq nae yawzeu baw-awr dawqcawq puqlar-eu gar gaq-eu mae! 44Yawmuiq janrgeuf-eu Paqliqsaer hawr-eu zanrdawq khofdawq maeqzaq, nawmaf ghawqshar shaq-aer ya ghaesaef taef-a! Aqjeq mirnae aernar-aq, nawmaf-aq, maq mawrlar-eu lmqbymr-anr dur-awr, nawqnawq-aer can-eu deuq khawf lmqbymr nga laer maq siqnya-a.”
45Khoerngae, zanrdawq siqzaq tiq ghaq, Yeqsur-anr aerkhof naeq-eu, “Saqlaq-or! Nawr teulof-aer aer-eu-aq, nga’maf-anr khawf coeqlar deuqlar mir-a.”
46Khoerngae, Yeqsur heulof-aer aernaeq-euq mae, “Nawmaf zanrdawq siqzaq deuq khawf ghawqshar shaq-aer ya ghaesaef taef-a! Aqjeq mirnae aernar-aq, nawmaf, aqcawq maq picoer-eu khavbaev ciqpi naeq-eu gar nae, khavbaev bi pyarlarni, nawmaf-aq, lafnoer tiq toeq taef-aer khawf maq toeqciv-a.
47Nawmaf ghawqshar shaq-aer ya ghaesaef taef-a! Aqjeq mirnae aernar-aq, nawmaf-euq aqpoeq deuq-aq, Miqyaer gharduq ngaeqdan-eu tsawrhaq-anr saef-awr, nawmaf-aq, aqyawf maf-euq lmqbymr gawq-eu mae. 48Nawmaf-euq aqpoeq deuq-aq, Miqyaer gharduq ngaeqdan-eu tsawrhaq-anr saef-awr, nawmaf-aq, aqyawf maf-euq lmqbymr gawq-eu mirnae, nawmaf-aq, nawmaf-euq aqpoeq deuq nae mr-euq jeq-anr nuima tsaq mir-a laer sarkir kamq-eu jeq pyeuf-eu mae.
49“Khoermirnae, Miqyaer-euq zaqsiq tsawrganr-euq dawq aer-eu, ‘Ngar, aqyawfmaf jawr-eu gar ngaq-euq gharduq ngaeqdan-eu tsawrhaq hawr-eu ghaqkhaer deuq-anr bi’oe ngae, aqyawfmaf, aqyawfmaf tiqpavnav deuq-anr saef-awr, tiqpavnav deuq-anr khaeqnaeq khavnaeq taef-a.’ 50Khoermirnae, mirtsaq bae ngae nan-anr nae, Miqyaer gharduq ngaeqdan-eu tsawrhaq dawqtawv luf-anr saef-euq shiq-euq arpoeq-aq, heuzir-euq tsawrhaq-euq khoertav keuvle taef-a. 51Aqbeqlav-euq shiq-anr nae, lawrduq hawr-eu uqduq tanqnymr nymrma-euq yawkaq-anr bisaef-euq Zeqkaqlir-euq shiq-anr keuvni, heuzir-euq tsawrhaq-euq khoertav keuvle taef-a laer ngar, nawmaf-anr aernaeq-eu ma.
52“Nawmaf, zanrdawq siqzaq deuq ghawqshar shaq-aer ya ghaesaef taef-a! Aqjeq mirnae aernar-aq, tsawrganr-euq mawqtawfdur nawmaf tuvtaeq taq-awr, nawmaf maq urler-eu uqtaf, urler mawf-eu tsawrhaq-anr khawf, nawmaf lavtsoeq-eu mae.” 53Yeqsur, aqyawf maf-anr khoerlof-aer aernaeqluf ngae, zanr maeq-eu deuq hawr-eu Paqliqsaer deuq danqbae-awr, aqyawf-anr yawkhav-aer taesuf taesuf-aer ghawqmya jeq narhaq-eu lafkhoer, 54aqyawfmaf lof-awr, aqyawf iqbax taqnya-eu dawq ngaeqdovlaf ngae, nyaefbanq-eu laer jawqluf-eu mae.
Currently Selected:
Lurkaf 11: AKA
Highlight
Share
Copy
Want to have your highlights saved across all your devices? Sign up or sign in
2018 ©
Bibles International ®
The Bible Society of Baptist Mid-Missions
Lurkaf 11
11
Guiqlanq Shar-eu Garkawv
Mt 6:9-13; 7:7-11
1Khoerngae, heulof-aer pyeuflar-euq mae. Yeqsur tiqgarpaw jawr-awr guiqlanq sharluf-eu mae. Aqyawf guiqlanq sharghaq ngae, aqyawf-euq zaqlanr deuq-anr nae tiq ghaq, aqyawf-anr aernaeq-eu, “Sanqpaq-or! Yorhaq, aqyawf-euq zaqlanr deuq-anr guiqlanq aqjox-aer yashar-eu la laer maeqnaeq-euq lof-aer, nga’maf-anr khawf maeqnaeq laf-awq.”
2Khoerngae, Yeqsur heulof-aer aernaeq-euq mae, “Nawmaf guiqlanqshar ngae heulof-aer shar-awq:
Mq-euq khoertav jawr-eu nga’maf-euq Aqda-or!
Nawq-euq tsawrmyanr-anr yawzeu bibaw law.
Nawr uvlanr-eu jeq bi keuvle law.
Mq-euq khoertav nawr nuikhanr shir-eu jeq byan-eu lof-aer, mirtsaq-euq khoertav khawf bi byanle law.
3Iqnan mawf-eu dzaq-awr dawr-eu jeq, iqnan nga’maf-anr bifnaeqlaf.
4Nga’maf-euq iqbax-anr pyaeqnaeqlaf.
Aqjeq mirnae aernar-aq, nga’maf khawf nga’maf-anr mrbanq-euq dzirdzov dav-eu yawqghaq navluf-anr pyaeqnaeq-euq ma.
Iqbax murjur jur-eu maeqnan nga’maf-anr taqbi ir naeqlaf.
Yawdoer ghaq-anr nae nga’maf-anr bibuq-ir naeqlaf.”
5Yeqsur heulof-aer par aernaeq-euq mae: “Nawmaf-euq lafkhoer tiqghaqnav uqcif saerghanr caelar ngae, aqyawf-euq cawq jawr-eu gar ir-awr aer-eu, ‘Cawq-or! Ngaq-anr kaqmur smr siq parnaeqlaf sher-eq. 6Aqjeq mirnae aernar-aq, ngaq-euq cawq tiq ghaq garmanr kaq-eu gar nae ngar jawr-eu gar candov laf-awr, aqyawf-anr tiqjeq-iq ciqdav naeq-eu maqjav nga.’
7Khoerngae, nymrsanr ghaq lafkhoer paw nae aerkhof naeq-eu, ‘Ngaq-anr taq banqghalar naeqlaf. Larghov kaftaeq dzeur-awr, ngaq-euq zaqdeuq khawf, ngaq naeq-aer yufzar-anr yufluf-eu mirnae, ngar tur-awr nawq-anr bif-eu maqyaef nya.’ 8Ngar, nawmaf-anr aernaeq nyar, aqyawf, cawq pyeuf-eu nga laer tur-awr maq bifnaeq le-eu khawf, tsawrhaq khoerghaq maq naqlerni shar-eu mirnae, nymrsanr ghaq turlar-awr, khoerghaq kharmawf-eu lof-aer bifnaeq taef-a.
9“Ngar, nawmaf-anr aernaeq nyar. Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a. 10Aqjeq mirnae aernar-aq, kharshar-eu tsawrhaq za taef-a. Kharpov-eu tsawrhaq ya’mawr taef-a. Kharkhov-eu tsawrhaq-anr khawf, aqyawf-anr pannaeqle taef-a.
11“Nawmaf-euq lafkhoer aqda aqgeu ghaq maqkaq, zaqyo kaqmur shar-eu gar, khaqlo bifnaeq ma lor? Maqngeur nar-aq, ngaqshaq shar-eu gar, aqyawf-anr ngaqshaq-euq danzar arlawr nyaefnaeq ma laq? 12Maqngeur nar-aq, aqyawf, ya’uv shar-eu gar, aqyawf-anr boeqkhaqlaqma nyaefnaeq ma lor? 13Nawmaf, tsawrdoer pyeuf-eu khawf, yawqha-euq zaq-anr lafsawq yawmuiq bifnaeq-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda, aqyawf-anr shar-eu deuq-anr Yawshawr Saflar bifnaeq mawf-eu mae!”
Yeqsur Hawr-eu Beqsaqburlar
Mt 12:22-30; Mk 3:20-27
14Aqdzawq bidzawq-ir-eu naef tiq mawr-anr Yeqsur taedov naeq-euq mae. Naef dov-ir ghaq-euq nar-aq, aqdzawq khoerghaq dawq ngaeqnya lar-euq mirnae, tsawrhaq armaf deuq zanqler-euq mae. 15Khoerngae, aqyawf maf-euq lafkhoer jawr-eu tiqpavnav deuq aer-eu, “Aqyawf-aq, naef deuq-anr uvlanr-eu ghaq, Beqsaqburlar-anr ghoeghoe-aer naef-anr taedov-eu nga.”
16Aerkhawf, tiqpavnav deuq, aqyawf-anr tsermrhaw mawf-eu mirnae, mq-euq khoertav-euq bisiq bimawr-eu jeq-anr sharpov-eu mae.
17Aerkhawf, Yeqsur, aqyawf maf-euq nuinoeq-anr siqnya-eu mirnae, aqyawf maf-anr heulof-aer aernaeq-euq mae: “Birpav-awr muir-eu mirkhanq yawqkhanq navluf khanqtsoeq tsoeq-ir taef-a. Birpav-awr muir-eu nymrkhanq khawf pyav-ir shav-ir taef-a. 18Nawmaf-aq, ngar, Beqsaqburlar-anr ghoeghoe-aer naef-anr taedov-eu nga laer aer-eu nga. Aerkhawf, naef Saqdaq-aq, yawqhar yawqha birpav-awr muir nar-aq, aqyawf uvlanr-eu jeq aqjox-aer zifnya nmr-mq? 19Ngar, Beqsaqburlar-anr ghoeghoe-aer naef-anr taedov-eu ngeur nar-aq, nawmaf-euq zaqdeuq lawr nae, aqsur ghaq-anr ghoeghoe-aer naef-anr taedov-eu la? Khoermirnae, aqyawfmaf, nawmaf-anr yarkhaq dar-eu deuq pyeuf taef-a. 20Ngar, Miqyaer-euq lafnoer-anr ghoe-awr naef-anr taedov-eu ngeur nar-aq, Miqyaer uvlanr-eu jeq nawmaf-euq khoertav keuvle-euq mae.
21“Ghaq khav-eu aqda tiq ghaq guirdeuv deuv-eu keuka dawqtawvluf laeqhmqdan taq-awr, aqyawf-euq nymr-anr lofluf ngae, aqyawf-euq myawqganq maqbyov-ir-ar. 22Aerkhawf, aqyawf navmaqtser ghaq khav-eu tiq ghaq lar-awr nae aqyawf-anr deuvghaq-euq nar-aq, aqyawf ghoeluf-eu guirdeuv deuv-eu keuka-anr ludov jir-awr, aqyawf-euq myawq yur-awr birgeuf-ir taef-a.
23Ngar jawr-eu paw maqjawr-eu tsawrhaq-aq, ngaq-anr muir-eu paw jawr-eu mae. Ngaq naeq-aer maq bymrlar-eu tsawrhaq-aq, byavdzae-eu tsawrhaq mae.
Naef Yawjawf Par Ghoflar-euq
Mt 12:43-45
24“Naef yawjawf tiq mawr tsawrhaq tiq ghaq-euq lafkhoer nae dov-ir-awr, guicorni ghae-eu gar irir larlar-aer ghaqnaq naqduq pov ngae, maq povmawr nya-aer aer-eu, ‘Ngar, ngaq nae dovle-euq ngaq-euq nymr-anr ghofler ma.’ 25Aqyawf ghofkeuvler ngae, nymr khoernymr yavjur taq-awr juirkheuni lavsav taq-euq gar ya’mawr-euq mae. 26Khoerngae, aqyawf ir-awr, aqyawf navmaqtser cawvdzaeq-eu naef shif mawr sheuqlaq-ir-awr jawrler-euq mae. Khoermirnae, arsaq saqlar ngae-aq, tsawrhaq khoerghaq-euq artiv yawbae navmaqtser doerdzaeq-ir-euq mae.”
Guiqlanq Huiqdzaeq-eu Tsawrhaq
27Yeqsur khoerlof-aer aerluf ngae, tsawrhaq armaf mafma-euq lafkhoer nae zaqmiq aqbur tiq ghaq tersar yawkhav-aer aqyawf-anr aernaeq-eu, “Nawq-anr bi daefdov le-awr, aqcoer bidawr-euq ghaq-aq, guiqlanq huiq-eu ngar-a.”
28Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”
Bisiq Bimawr-eu Jeq Mawrmawf-eu
Mt 12:38-42
29Tsawrhaq armaf mafma myaqlar duiduiluf ngae, Yeqsur danqbae-awr heulof-aer aer-eu mae: “Heuzir-aq, doer duidui-eu zir mae. Aqyawfmaf bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq maqngeur nar-aq, aqyawf maf-anr bisiq bimawr-eu yawqjeqyawq maqbi mawr. 30Yornav-aq, Nirnaqbeq meuq-anr jawr-eu tsawrhaq deuq-euq gharduq bisiq bimawr-eu jeq pyeuf-euq lof-aer, Tsawrhaq-euq Zaqyo khawf, heuzir-euq gharduq bisiq bimawr-eu jeq pyeuf taef-a. 31Yarkhaqdar ngae nan, lafov paw jav-eu mirkhanq-euq sanqpaqma, heuzir-euq tsawrhaq naeq-aer turlar-awr, aqyawfmaf laeqbymr bi tawvni darnaeq taef-a. Aqjeq mirnae aernar-aq, zaqsiq tsawrganr zawr byan-eu Sorlaqmoq-euq dawq narhaq-eu laer mqdzer mirdzer-anr nae aqyawf lar-euq mae. Hawsher-eq. Sorlaqmoq navmaqtser huiq-eu ghaq heugar jawrluf ma. 32Yarkhaqdar ngae nan, Nirnaqbeq meuq-anr jawr-eu tsawrhaq deuq, heuzir-euq tsawrhaq naeq-aer turla-awr, aqyawfmaf laeqbymr bi tawvni darnaeq taef-a. Aqjeq mirnae aernar-aq, Yornav dawqmaeq maeq-eu gar aqyawfmaf yagaq ngae, iqbax noeqpov noeqpar-euq mae. Hawsher-eq. Yornav navmaqtser huiqdzaeq-eu ghaq heugar jawrluf ma.
Mawrdo-euq Yawshaef
Mt 5:15; 6:22-23
33“Tsawrhaq tiqghaq-iq tsirkhmq dof-awr barzaf-anr maq ciqtaq-ar. Khavpuq nae khawf maq moftsanq taq-ar. Urlar-eu tsawrhaq yawshaef-anr ya’mawrni, tsirkhmq ciqtaq duq-anr ciqdavtaq taef-a. 34Myavnuiv-aq, mawrdo-euq tsirkhmq mae. Khoermirnae, nawq-euq myavnuiv yawmuiq nar-aq, mawrdo dolan-aer yawshaef bya taef-a. Nawq-euq myavnuiv maqmuiq nar-aq, mawrdo dolan-aer zanrtsuini ghae-eu jeq byan taef-a. 35Khoermirnae, nawq-euq lafkhoer anr-eu yawshaef zanrtsuini maqbi pyeuf-ir ni yanr-awq. 36Nawq-euq mawrdo dolanni yawzanr tiqpawf-iq maqanr-aer, yawshaef taef-aer bya nar-aq, tsirkhmq-euq yawshaef nawq-anr tsaeqbya-eu lof-aer, nawq-euq mawrdo dolan-aer yawshaef bya taef-a.”
Paqliqsaer Hawr-eu Zanr Maeq-eu Deuq-anr Daeq-euq
Mt 23:1-36; Mk 12:38-40
37Yeqsur khoerlof-aer aerluf ngae, Paqliqsaer tiq ghaq, Yeqsur-anr kur-awr aqyawf naeq-aer hawq bi dzaqtaf le-euq mae. Khoermirnae, Yeqsur urler-awr hawqdzaq dzaq-eu laer nuirluf-eu mae. 38Yeqsur, aqlaf maqdzuifni hawq dzaq-eu laer ghae-eu gar Paqliqsaer khoerghaq ya’mawr ngae zanqler-euq mae.
39Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae. 40Aqdzawq argan deuq-or! Lafnyir paw bae-euq ghaq, lafkhoer paw khawf bae-euq maqngeur-a lor? 41Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.
42“Nawmaf Paqliqsaer deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, arjir pafdaw, manqsawr hawr-eu kaghawq kadzar yawqjeq navluf tserbymr tiqbymr damqnaeq-eu mae. Aerkhawf, Miqyaer-anr gaq-eu jeq hawr-eu tsaq-awr dawr-eu jeq-anr nawmaf byaerdzae taq-euq mae. Nawmaf heudeuq mr paq-aer ghae-awr, nuideuq-anr khawf byaerdzae paq-aer maqghae-a.
43“Nawmaf Paqliqsaer deuq ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, zanrdawq khawqnymr-euq lafkhoer khanqsaer jav-eu nuirduq-anr nuir-eu gar gaq-awr, laev-anr can ngae, aqcawq nae yawzeu baw-awr dawqcawq puqlar-eu gar gaq-eu mae! 44Yawmuiq janrgeuf-eu Paqliqsaer hawr-eu zanrdawq khofdawq maeqzaq, nawmaf ghawqshar shaq-aer ya ghaesaef taef-a! Aqjeq mirnae aernar-aq, nawmaf-aq, maq mawrlar-eu lmqbymr-anr dur-awr, nawqnawq-aer can-eu deuq khawf lmqbymr nga laer maq siqnya-a.”
45Khoerngae, zanrdawq siqzaq tiq ghaq, Yeqsur-anr aerkhof naeq-eu, “Saqlaq-or! Nawr teulof-aer aer-eu-aq, nga’maf-anr khawf coeqlar deuqlar mir-a.”
46Khoerngae, Yeqsur heulof-aer aernaeq-euq mae, “Nawmaf zanrdawq siqzaq deuq khawf ghawqshar shaq-aer ya ghaesaef taef-a! Aqjeq mirnae aernar-aq, nawmaf, aqcawq maq picoer-eu khavbaev ciqpi naeq-eu gar nae, khavbaev bi pyarlarni, nawmaf-aq, lafnoer tiq toeq taef-aer khawf maq toeqciv-a.
47Nawmaf ghawqshar shaq-aer ya ghaesaef taef-a! Aqjeq mirnae aernar-aq, nawmaf-euq aqpoeq deuq-aq, Miqyaer gharduq ngaeqdan-eu tsawrhaq-anr saef-awr, nawmaf-aq, aqyawf maf-euq lmqbymr gawq-eu mae. 48Nawmaf-euq aqpoeq deuq-aq, Miqyaer gharduq ngaeqdan-eu tsawrhaq-anr saef-awr, nawmaf-aq, aqyawf maf-euq lmqbymr gawq-eu mirnae, nawmaf-aq, nawmaf-euq aqpoeq deuq nae mr-euq jeq-anr nuima tsaq mir-a laer sarkir kamq-eu jeq pyeuf-eu mae.
49“Khoermirnae, Miqyaer-euq zaqsiq tsawrganr-euq dawq aer-eu, ‘Ngar, aqyawfmaf jawr-eu gar ngaq-euq gharduq ngaeqdan-eu tsawrhaq hawr-eu ghaqkhaer deuq-anr bi’oe ngae, aqyawfmaf, aqyawfmaf tiqpavnav deuq-anr saef-awr, tiqpavnav deuq-anr khaeqnaeq khavnaeq taef-a.’ 50Khoermirnae, mirtsaq bae ngae nan-anr nae, Miqyaer gharduq ngaeqdan-eu tsawrhaq dawqtawv luf-anr saef-euq shiq-euq arpoeq-aq, heuzir-euq tsawrhaq-euq khoertav keuvle taef-a. 51Aqbeqlav-euq shiq-anr nae, lawrduq hawr-eu uqduq tanqnymr nymrma-euq yawkaq-anr bisaef-euq Zeqkaqlir-euq shiq-anr keuvni, heuzir-euq tsawrhaq-euq khoertav keuvle taef-a laer ngar, nawmaf-anr aernaeq-eu ma.
52“Nawmaf, zanrdawq siqzaq deuq ghawqshar shaq-aer ya ghaesaef taef-a! Aqjeq mirnae aernar-aq, tsawrganr-euq mawqtawfdur nawmaf tuvtaeq taq-awr, nawmaf maq urler-eu uqtaf, urler mawf-eu tsawrhaq-anr khawf, nawmaf lavtsoeq-eu mae.” 53Yeqsur, aqyawf maf-anr khoerlof-aer aernaeqluf ngae, zanr maeq-eu deuq hawr-eu Paqliqsaer deuq danqbae-awr, aqyawf-anr yawkhav-aer taesuf taesuf-aer ghawqmya jeq narhaq-eu lafkhoer, 54aqyawfmaf lof-awr, aqyawf iqbax taqnya-eu dawq ngaeqdovlaf ngae, nyaefbanq-eu laer jawqluf-eu mae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2018 ©
Bibles International ®
The Bible Society of Baptist Mid-Missions