Jɔɔn 18
18
1Yeezu ale jam biisi wieŋa de a nueri la, wa le wa ŋaaŋviirɔma a yaa basi dula jigini ale ge lo Kidron benni a jueli a ga jo jigi ate ba vuk tiisa. 2Judas waai ale jam ta Yeezu a ga bobri sak la, a jam seba dula jigini kama, dii nyiŋla wa ale Yeezu ale wa ŋaaŋviirɔma meena a nyiem a kasim a cheŋ ka ku jigini. 3Judas yaa jam dula ale tugurik tɔŋdɔba ale kaabteerɔ kpaŋŋa kpaga gela ale Farisiiba ale zeuŋta ale botta ale kpaliŋ ŋanta. 4Yeezu ale jam seba dii ale a di nye la, yaa cheŋ tu ba. Wa yaa bek ba ayen, <<Nama a gisi ka wana?>> 5Ba yaa weeni wa ayen, <<Ti a gisi ka Yeezu Nazaret denɔwa.>> Wa yaa weeni ba ayen, <<Ka mi ale la.>> Judas waai ale ta wa a ga bobri a sak la, a jam maa za dula kama ale ba. 6Yeezu ale weeni ayen ka wa ate ba a gisi la, ba yaa toriŋ ŋaaŋnyiŋ a lo tɛŋ. 7Yeezu yaa ŋman bek ba ayen, <<Nama a gisi ka wana?>> Ba ŋman diem weeni wa ayen, <<Ti a gisi ka Yeezu Nazaret denɔwa.>> 8Wa yaa ŋman tulisi ba ayen, <<Mi poom liŋ weeni ni kama ayen ka mi ale la. Dan ka mi ate ni a yaali ayen ni yik, ni be basi ate m ŋaaŋviirɔma cheŋ abe ni yik mi nyiini.>> 9Wa weeni nya kude kama ayen wa ale poom liŋ weeni wa Kowa dii ayen wa kan yaali ayen wa jɔk nuru baai ate wa lueri a te wa la, po wanyi la a chim wensie. 10Simon Piita yaa deri yeeri gebik woŋ a che kaabteerɔ kpioŋku tomteerɔma po wanyi juga tunni a lɔnsi tɛŋ. Tomteerɔwa yuei a jam le Malakusi. 11Yeezu yaa weeni Piita ayen, <<Pa fi gebika a ŋman su ka fooku po, fi a poli kama ayen mi kan nam ninam buui ate m Kowa a weeni ayen m jam a nam la.>>
12Yeezu ale biisi a ga nueri la, tugurik tɔŋdɔma ale ba kpagni ale baai ale jam a limisi Wen yenni la, yaa yik Yeezu a bobi wa nisaŋa. 13Ba jam dɛ niŋ ta wa cheŋ ka Anasi jigi, Kayafas ŋachoba jam le la. Wala jam le kaabteerɔ kpioŋku ben dila. 14Kayafas ale jam weeni Juuma ayen ku zunchoŋ kama ate nuru yeŋ a kpi te nuruma meena la.
15Simon Piita ale ŋaaŋviirɔ wachoa yaa jam va Yeezu ŋaaŋ, ŋaaŋviirɔ wala jam seba kaabteerɔ kpioŋku kama, wa yaa va Yeezu ŋaaŋ a jo kaabteerɔ kpioŋku dabiaka po, 16alege Piita yaa jam wari nansuiŋku nɔi. Ku an jam a beniya ate Yeezu ŋaaŋviirɔ waai ate Anasi a jam seba la a yaa ŋman nyini dabiaka po a cheŋ nansuiŋku nɔi a saalim nipokbinni waai ale jam a limisi nansuiŋku la ale ta Piita a jo dabiaka po. 17Nipokbinni yaa bek Piita ayen, <<Fi daa nuru wala ŋaaŋviirɔma po wanyi?>> Piita yaa weeni wa ayen, <<Aaya, mi daa ba po wanyi.>> 18Yenni tuimtomdɔma ale baai ale jam a limisi Wen yenni la, a yaa jam yaali kaala a cheem bolim dabiaka suŋsuŋ a za gilim a ŋuuŋ, dii nyiŋla, ŋoota ale jam boro. Piita mɛ yaa cheŋ ga gum ba po.
19Kaabteerɔ kpioŋku yaa bek Yeezu wie a ta va wa ŋaaŋviirɔma ale wa sinsaŋŋa jigi. 20Yeezu a yaa tulisi wa ayen, <<Mi nyiem a kasim a sak nuruma ba tuka diinaŋa ale Wen yenni po juijui ate ba a tigsi chaab la kama. Mi an suk a biisi wari ya. 21Kan bek mi, alege a bek baai ate mi a sak la, dii nyiŋla bala dek a seba mi ale weeni ba diila kama.>> 22Wa le ga weeni dila la, baai ale jam a limisi Wen yenni la wanyi a yaa deri fɔbi Yeezu ale weeni wa ayen, <<Ka boan jaab ale soa ate fi a biisi dila ale kaabteerɔ kpioŋku?>> 23Yeezu yaa tulisi wa ayen, <<Ase mi dan biisi kaasi, weeni m kaasuŋku, alege m dan nye magsi kama, ka boa ale soa ate fi a fɔbi mu?>> 24Anasi ale biisi ale wa nueri la, wa yaa basi ate ba diem jam bobi wa ka dila a ta ga kaabteerɔ kpioŋku Kayafas jigi.
25Piita a jam diem bo ka dabiaka po a ŋuuŋ bolimu ate ba bek wa ayen, <<Fi daa nuru wala ŋaaŋviirɔma po wanyi?>> Wa yaa pagsi ayen, <<Aaya, mi daa ba po wanyi.>> 26Kaabteerɔ kpioŋku tuimtomdisaŋa wanyi, wa jam ka nuru waai ate Piita a che wa tunni a gebi la suok, wa yaa bek Piita ayen, <<Mi an nya fi talimu po ale wa?>> 27Piita ŋman pagsi ayen, <<Aaya, daa mi.>> Kpadiaka yaa deri kum.
28Saluik yokyok ba yaa ta Yeezu nyini Kayafas yenni a cheŋ Aroom tɛŋka nyɔnɔwa yenni. Ba an jam jo yenni po, dii nyiŋla ba an jaa yaali ba taŋ ba dega. Ba jam a yaali ba dɛ ka Gaambasika Tigini Ŋandiintaŋa.#18:28 Chiinika 9:9-11 29Paalɔt yaa nyini dabiaka po a bek ba ayen, <<Ka boan jaab wari ate nama a ta ayen wa kaasi ya?>> 30Ba yaa tulisi wa ayen, <<Ase wa dan kan nye ka wari a kaasi ya, tama te kan ta wa a jam dela.>> 31Paalɔt yaa weeni ba ayen, <<Ni dek be ta wa a cheŋ ga bo ni buusaŋa a magsi chaab ale ni Sinsaŋŋa.>> Ba yaa weeni wa ayen, <<Nama Aroom demma a kan siak ate ti a bo nuruba kum buusa.>> 32Kude a nye kama ayen Yeezu ale biisi wa ale wa kpi suik kuui po la a chim wensie.
33Paalɔt yaa ŋmani jo buusa yenni po a wi Yeezu a weeni wa ayen, <<Ka fi ale Juuma naawa?>> 34Yeezu yaa bek wa ayen, <<Ka fidek ale a bek wanni de yaa ka nuruba ale weeni fu ayen fi bek mu?>> 35Paalɔt yaa tulisi wa ayen, <<Fi a poli ayen mi ka Juu? Ka fidek nuruba ale kaabteerɔ kpaŋŋa ale ta fu a jam nyo mi nisa po. Ka boa ate fi kaasi?>> 36Yeezu yaa weeni wa ayen, <<Mi naamu a ka tɛŋzuk de. Ase bu dan bo ka tɛŋzuk de, mi nuruma a te nye ka kpaliŋ a vari mi Juuma kpaŋŋa jigi a basi. M be ŋman a weeni fu kama ayen mi naamu a ka tɛŋzuk de.>> 37Paalɔt yaa bek wa ayen, <<Dila fi ka naaba?>> Yeezu yaa tulisi ayen, <<Ka fi ale weeni ayen m ka naab. Kude nyiŋ ate ba biak mu, kude nyiŋ ate m jam tɛŋzuk de, ayen m chim seerɔ a te wensieŋa. Waai meena ale va wensieŋa la ale wom m sinsaŋŋa.>> 38Paalɔt yaa bek wa ayen, <<Ka boa ale wensie?>> Wa yaa ŋman nyini peelim a weeni Juuma ayen, <<Mi an nya kaasuŋŋoa. 39Alege ni ta ka ŋiak wari ayen m lak nuru Gaambasika Tigini Danni a basi, ni le basi ate m lak Juuma naawa a te ni?>> 40Ba meena a yaa kaari ate ku jueli ayen, <<Tama a kan yaali wa. Ti a yaali ka Barabasi.>> (Barabasi a jam ka varidɔ.)
Currently Selected:
Jɔɔn 18: BWU
Highlight
Share
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Jɔɔn 18
18
1Yeezu ale jam biisi wieŋa de a nueri la, wa le wa ŋaaŋviirɔma a yaa basi dula jigini ale ge lo Kidron benni a jueli a ga jo jigi ate ba vuk tiisa. 2Judas waai ale jam ta Yeezu a ga bobri sak la, a jam seba dula jigini kama, dii nyiŋla wa ale Yeezu ale wa ŋaaŋviirɔma meena a nyiem a kasim a cheŋ ka ku jigini. 3Judas yaa jam dula ale tugurik tɔŋdɔba ale kaabteerɔ kpaŋŋa kpaga gela ale Farisiiba ale zeuŋta ale botta ale kpaliŋ ŋanta. 4Yeezu ale jam seba dii ale a di nye la, yaa cheŋ tu ba. Wa yaa bek ba ayen, <<Nama a gisi ka wana?>> 5Ba yaa weeni wa ayen, <<Ti a gisi ka Yeezu Nazaret denɔwa.>> Wa yaa weeni ba ayen, <<Ka mi ale la.>> Judas waai ale ta wa a ga bobri a sak la, a jam maa za dula kama ale ba. 6Yeezu ale weeni ayen ka wa ate ba a gisi la, ba yaa toriŋ ŋaaŋnyiŋ a lo tɛŋ. 7Yeezu yaa ŋman bek ba ayen, <<Nama a gisi ka wana?>> Ba ŋman diem weeni wa ayen, <<Ti a gisi ka Yeezu Nazaret denɔwa.>> 8Wa yaa ŋman tulisi ba ayen, <<Mi poom liŋ weeni ni kama ayen ka mi ale la. Dan ka mi ate ni a yaali ayen ni yik, ni be basi ate m ŋaaŋviirɔma cheŋ abe ni yik mi nyiini.>> 9Wa weeni nya kude kama ayen wa ale poom liŋ weeni wa Kowa dii ayen wa kan yaali ayen wa jɔk nuru baai ate wa lueri a te wa la, po wanyi la a chim wensie. 10Simon Piita yaa deri yeeri gebik woŋ a che kaabteerɔ kpioŋku tomteerɔma po wanyi juga tunni a lɔnsi tɛŋ. Tomteerɔwa yuei a jam le Malakusi. 11Yeezu yaa weeni Piita ayen, <<Pa fi gebika a ŋman su ka fooku po, fi a poli kama ayen mi kan nam ninam buui ate m Kowa a weeni ayen m jam a nam la.>>
12Yeezu ale biisi a ga nueri la, tugurik tɔŋdɔma ale ba kpagni ale baai ale jam a limisi Wen yenni la, yaa yik Yeezu a bobi wa nisaŋa. 13Ba jam dɛ niŋ ta wa cheŋ ka Anasi jigi, Kayafas ŋachoba jam le la. Wala jam le kaabteerɔ kpioŋku ben dila. 14Kayafas ale jam weeni Juuma ayen ku zunchoŋ kama ate nuru yeŋ a kpi te nuruma meena la.
15Simon Piita ale ŋaaŋviirɔ wachoa yaa jam va Yeezu ŋaaŋ, ŋaaŋviirɔ wala jam seba kaabteerɔ kpioŋku kama, wa yaa va Yeezu ŋaaŋ a jo kaabteerɔ kpioŋku dabiaka po, 16alege Piita yaa jam wari nansuiŋku nɔi. Ku an jam a beniya ate Yeezu ŋaaŋviirɔ waai ate Anasi a jam seba la a yaa ŋman nyini dabiaka po a cheŋ nansuiŋku nɔi a saalim nipokbinni waai ale jam a limisi nansuiŋku la ale ta Piita a jo dabiaka po. 17Nipokbinni yaa bek Piita ayen, <<Fi daa nuru wala ŋaaŋviirɔma po wanyi?>> Piita yaa weeni wa ayen, <<Aaya, mi daa ba po wanyi.>> 18Yenni tuimtomdɔma ale baai ale jam a limisi Wen yenni la, a yaa jam yaali kaala a cheem bolim dabiaka suŋsuŋ a za gilim a ŋuuŋ, dii nyiŋla, ŋoota ale jam boro. Piita mɛ yaa cheŋ ga gum ba po.
19Kaabteerɔ kpioŋku yaa bek Yeezu wie a ta va wa ŋaaŋviirɔma ale wa sinsaŋŋa jigi. 20Yeezu a yaa tulisi wa ayen, <<Mi nyiem a kasim a sak nuruma ba tuka diinaŋa ale Wen yenni po juijui ate ba a tigsi chaab la kama. Mi an suk a biisi wari ya. 21Kan bek mi, alege a bek baai ate mi a sak la, dii nyiŋla bala dek a seba mi ale weeni ba diila kama.>> 22Wa le ga weeni dila la, baai ale jam a limisi Wen yenni la wanyi a yaa deri fɔbi Yeezu ale weeni wa ayen, <<Ka boan jaab ale soa ate fi a biisi dila ale kaabteerɔ kpioŋku?>> 23Yeezu yaa tulisi wa ayen, <<Ase mi dan biisi kaasi, weeni m kaasuŋku, alege m dan nye magsi kama, ka boa ale soa ate fi a fɔbi mu?>> 24Anasi ale biisi ale wa nueri la, wa yaa basi ate ba diem jam bobi wa ka dila a ta ga kaabteerɔ kpioŋku Kayafas jigi.
25Piita a jam diem bo ka dabiaka po a ŋuuŋ bolimu ate ba bek wa ayen, <<Fi daa nuru wala ŋaaŋviirɔma po wanyi?>> Wa yaa pagsi ayen, <<Aaya, mi daa ba po wanyi.>> 26Kaabteerɔ kpioŋku tuimtomdisaŋa wanyi, wa jam ka nuru waai ate Piita a che wa tunni a gebi la suok, wa yaa bek Piita ayen, <<Mi an nya fi talimu po ale wa?>> 27Piita ŋman pagsi ayen, <<Aaya, daa mi.>> Kpadiaka yaa deri kum.
28Saluik yokyok ba yaa ta Yeezu nyini Kayafas yenni a cheŋ Aroom tɛŋka nyɔnɔwa yenni. Ba an jam jo yenni po, dii nyiŋla ba an jaa yaali ba taŋ ba dega. Ba jam a yaali ba dɛ ka Gaambasika Tigini Ŋandiintaŋa.#18:28 Chiinika 9:9-11 29Paalɔt yaa nyini dabiaka po a bek ba ayen, <<Ka boan jaab wari ate nama a ta ayen wa kaasi ya?>> 30Ba yaa tulisi wa ayen, <<Ase wa dan kan nye ka wari a kaasi ya, tama te kan ta wa a jam dela.>> 31Paalɔt yaa weeni ba ayen, <<Ni dek be ta wa a cheŋ ga bo ni buusaŋa a magsi chaab ale ni Sinsaŋŋa.>> Ba yaa weeni wa ayen, <<Nama Aroom demma a kan siak ate ti a bo nuruba kum buusa.>> 32Kude a nye kama ayen Yeezu ale biisi wa ale wa kpi suik kuui po la a chim wensie.
33Paalɔt yaa ŋmani jo buusa yenni po a wi Yeezu a weeni wa ayen, <<Ka fi ale Juuma naawa?>> 34Yeezu yaa bek wa ayen, <<Ka fidek ale a bek wanni de yaa ka nuruba ale weeni fu ayen fi bek mu?>> 35Paalɔt yaa tulisi wa ayen, <<Fi a poli ayen mi ka Juu? Ka fidek nuruba ale kaabteerɔ kpaŋŋa ale ta fu a jam nyo mi nisa po. Ka boa ate fi kaasi?>> 36Yeezu yaa weeni wa ayen, <<Mi naamu a ka tɛŋzuk de. Ase bu dan bo ka tɛŋzuk de, mi nuruma a te nye ka kpaliŋ a vari mi Juuma kpaŋŋa jigi a basi. M be ŋman a weeni fu kama ayen mi naamu a ka tɛŋzuk de.>> 37Paalɔt yaa bek wa ayen, <<Dila fi ka naaba?>> Yeezu yaa tulisi ayen, <<Ka fi ale weeni ayen m ka naab. Kude nyiŋ ate ba biak mu, kude nyiŋ ate m jam tɛŋzuk de, ayen m chim seerɔ a te wensieŋa. Waai meena ale va wensieŋa la ale wom m sinsaŋŋa.>> 38Paalɔt yaa bek wa ayen, <<Ka boa ale wensie?>> Wa yaa ŋman nyini peelim a weeni Juuma ayen, <<Mi an nya kaasuŋŋoa. 39Alege ni ta ka ŋiak wari ayen m lak nuru Gaambasika Tigini Danni a basi, ni le basi ate m lak Juuma naawa a te ni?>> 40Ba meena a yaa kaari ate ku jueli ayen, <<Tama a kan yaali wa. Ti a yaali ka Barabasi.>> (Barabasi a jam ka varidɔ.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation