Ɨ̀fàʼì 9
9
Yeso nyaʼa beŋ fîŋ Sɔ̂l
(Ɨ̀fàʼì 22.6-16; 26.12-18)
1À nyaʼa ənɨ ə nyùmə̀ we, Sɔ̂l nyaʼa wò ɨmbì kàʼə̀ ni tə bɨrɨ zwiirɨ mə̀mə̀ə̀nɨ̀-ɨnû Ə̀nùŋɨ̀sɨg. Əne wɨ̀ nyaʼa wò əsɨ ətu ɨgwɨ ə bə̂d mbàn Ŋwìə̀, 2pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.
3Ənɨ wɨ̀ nyaʼə wòə̀ sɨə tiinɨ ɨban ə Dàmaskɔ̀s, ɨzeŋɨ zeŋɨ mɔʼɔ rɨkaŋ nyaʼa sàʼ te kad əməd. 4Wɨ̀ nyaʼa feŋ ə si, əne zu gɨ̂ nɨ nyaʼa ghà ɨ bɔ ni, “Sɔ̂l! Sɔ̂l! À kɨə nwèndɨ̀ tum rɨkyerɨ-ɨwu ɨmbə̀ʼ ə yè ə?”
5Sɔ̂l nyaʼa biirɨ ni, “Àwɔ̀ kɨə we, Ə̀nùŋɨ̀sɨg ə?”
Gɨ̂ ze nyaʼa wììrɨ̀ ni, “À yɨə mɔ̌ Yeso we nɨ àwɔ̀ ə nwèndɨ̀ rɨkyerɨ-ɨwu məd. 6Àyɨə nɔʼ wò nyɨ ə Dàmaskɔ̀s. À mɨ pè əŋgu, wə̀d mɔʼɔ bɨrɨ gha ənû ze nɨ à berɨ ghɨ̀.”
7Mbaŋə̀ te nɨ nyaʼə yènə̀ mbɨ Sɔ̂l nyaʼa təm mbə̀ŋnə. Mbɨ nyaʼa zu gɨ̂ ze, àyɨə chəi mbɨ nyaʼa zə wə̀d. 8Sɔ̂l nyaʼa nɔ̀ʼ rɨ ə si, àyɨə ənɨ wɨ̀ nyaʼa fiʼ e əghə, chəi wɨ̀ nyaʼa zə ɨsɨ. Əne mbɨ nyaʼa yim əbɔ əməd mbɨ wò nyɨ ə Dàmaskɔ̀s. 9Wɨ̀ nyaʼa chub ɨni tad nɨ chəi wɨ̀ zə ɨsɨ. Chəi wɨ̀ nyaʼa bə̀ jɨg kɨ̀ bè nɔ.
10À nyaʼa ənɨ ə nyùmə̀ we, mbaŋə̀ mɔʼɔ nɨ nyaʼa ben ə Kristo, nɨ ɨkum məd nyaʼə Ànàniàs, wɨə nyaʼə chub ə Dàmaskɔ̀s. Tɨ̀taanɨ njə̀m nyaʼa chè əməd, wɨ̀ zu nɨ Ə̀nùŋɨ̀sɨg tɔŋ əməd ni, “Ànàniàs!”
Wɨ̀ nyaʼa wììrɨ̀ ni, “Ə̀nùŋɨ̀sɨg, à yɨə mɔ̌ wɔ̂.”
11Ə̀nùŋɨ̀sɨg nyaʼa ghà ɨ bɔ ni, “Tekɨ ɨnyod wò əkwɨ Judàs we nɨə chub Ɨnə̂njɨ̀ we nɨ Təmɨ. À mɨ pè əŋgu, à biirɨ mbaŋə̀ mɔʼɔ ze rɨ ə Tasùs nɨ ɨkum məd yeʼ ə Sɔ̂l. Ɨ wɨə kɔ̀ŋgɨ̀ ə Ŋwiə̀. 12Tɨ̀taanɨ njə̀m fə chè əməd wɨ̀ zə mbaŋə̀ mɔʼɔ nɨ ɨkum məd yeʼ ə Ànàniàs nɨ yeʼe nyɨ zab mbi ɨbɔ ɨgwɨ məd ɨmbə̀ʼ wɨ̀ wɨrɨ zə ɨsɨ.”
13Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm. 14Wɨ̀ fə nɨŋ ɨka rɨ əmbɨ ə bə̂d kyeŋ mbe rɨ ə mbàn Ŋwìə̀, əne wɨ̀ fə yeʼe əgha ɨmbə̀ʼ gywɨ̀ bə̂d mɨjìm mbe nɨə wumnɨ əwe.”
15Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre. 16Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”
17Əne Ànàniàs nyaʼa wò nyɨ ɨŋga nəb ze, pè zab mbi ɨbɔ ɨgwɨ məd, ghà ni, “Aŋgɔb Sɔ̂l, Ə̀nùŋɨ̀sɨg Yeso we nɨ kəʼ jwɨ̀ ənɨ e ɨfě ənɨ a kə̀ʼ yeʼe əgha, fə chà əmɨ əsɨ ne ɨmbə̀ʼ à wɨrɨ zə ɨsɨ, Əzwî ə Zeŋɨ ə swi ɨŋga ne.” 18Àmei əwu əwən, əghɨ ə mɔʼɔ ɨghabɨ əkəb əgwi nyaʼa feŋ tɨ ənɨ əghə əməd, əne wɨ̀ nyaʼa wɨrɨ kɔ zə ɨsɨ. Wɨ̀ nyaʼa nɔ̀ʼ nɨŋ mɨnib. 19Ənɨ wɨ̀ nyaʼa fə jɨgɨ, ɨnyod məd nyaʼa wɨrɨ kàànɨ̀.
Sɔ̂l nyaʼa ghà ɨŋgam Ŋwiə̀ ə Dàmaskɔ̀s
Sɔ̂l nyaʼa chub ɨni nɔnɔʼ ə Dàmaskɔ̀s. Ɨ wɨə nyaʼə chubə mbɨ ə bə̂d mbe nɨ nyaʼa ben ə Kristo. 20Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”
21Bə̂d mɨjìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ əne biirɨ ni, “Ka wɔ̂ wa kɨ i mbaŋə̀ ze nɨə kə̀ʼə̀ nàʼə̀ ŋgəʼ əmbɨ ə bə̂d mbe nɨə tɔŋ ɨkum wɔ̂ ə? Wɨ̀ rɨ wa yeʼe i əgha ɨmbə̀ʼ gywɨ bə̂d mbe nɨə wumnɨə mbaŋə̀ ze nɨ mbɨə tɔŋ ənɨ Yeso, kod mɨ̀mə̌d nɨŋ wò əsɨ bə̂d kyeŋ mbe rɨ ə mbàn Ŋwìə̀ ə?”
22Àyɨə Sɔ̂l wɨə nyaʼə ghà ɨŋgam Ŋwiə̀ ənɨ ɨka. Wɨ̀ nyaʼa bə̀ kubrɨ mɨchû mɨ̀Jû mbe nɨ nyaʼə chub ə Dàmaskɔ̀s ɨchî nɨ wɨ̀ nyaʼa chwi ni Yeso yɨə Wə̀d we nɨ Ŋwiə̀ zɔʼɔ.
23Ənɨ ɨni nɔnɔʼ nyaʼa chě, mɨ̀Jû nyaʼa taŋ mɨnaŋ ni mbɨ zwiirɨ əməd, 24àyɨə mbɨ nyaʼa jə ɨsə ɨmbə̀ʼ mɨnaŋ mbe əmbɨ Sɔ̂l. Mɨ̀Jû mbe mbɨə nyaʼə wòm əməd ənɨ mɨchû ɨkam mbe rɨ əsɨ ze əziə mbɨ ɨzimɨ ɨmbə̀ʼ zwiirɨ məd. 25Àyɨə bə̂d mbe nɨ nyaʼə beenɨ əbɔʼ Sɔ̂l nyaʼa nɨŋ əməd ɨzimɨ, swi əməd ɨŋga rɨkaʼ ənɨ ɨbɨgɨ nɨ nyaʼa ə̀gùʼ ɨkam we nɨ nyaʼa kad əsɨ ze, ɨmbə̀ʼ wɨ̀ nod i.
Sɔ̂l nyaʼa wò ə Jèrusalèm
26Ənɨ Sɔ̂l nyaʼa wo ə Jèrusalèm, wɨ̀ nyaʼa kə̀b nɨ fɔtɨ əbɔʼ bə̂d mbe nɨ nyaʼa ben ə Kristo, àyɨə mɨ̀mə̌d mɨjìm mbɨə nyaʼə bɔ əməd ɨmbə̀ʼ ɨghəm nɨ chəi mbɨ nyaʼa ben ni məd yɨ wɨ mɔʼɔ rəbɔʼ bə̂d mbe nɨ ben ə Kristo. 27Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ. 28Sɔ̂l nyaʼa chubɨ mbɨ mɨ̀mə̌d ə Jèrusalèm, yènə̀ ghà ɨŋgam Ŋwiə̀ ənɨ ɨkum Ə̀nùŋɨ̀sɨg ənɨ fîŋ nɨ kǎ. 29Ɨ wɨə nyaʼə ghàmə̀ bə̀ tàŋə̀ mbɨ mɨ̀Jû mbe nɨ nyaʼə ghàm ɨŋgam Grik, àyɨə mbɨ nyaʼa kə̀b zwiirɨ əməd. 30Ənɨ bɔŋgɔb mbe nyaʼa kyerɨ ənû zɔ̂, mbɨ nyaʼa nɨŋ əməd swiʼi wò ə Kàisàriyà, əne chà əməd ə Tasùs.
31À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.
Pità nyaʼa ghɨ̀ ɨnû yiirɨ ə Lidà fɔrɨ ə Jopà
32Ɨchî nɨ Pità nyaʼə yèn ɨŋga ɨsɨ mbe jìm, wɨ̀ nyaʼa bə̀ swiʼi wò ghandɨ bə̂d Ŋwiə̀ mbe nɨ nyaʼə chub ə Lidà. 33Ənɨ wɨ̀ nyaʼa pè əŋgu, wɨ̀ nyaʼa zə mbaŋə̀ mɔʼɔ nɨ ɨkum məd nyaʼə Eniàs. Mbaŋə̀ ze nyaʼa buʼrə. Chəi wɨ̀ nyaʼa nɔʼ rɨ ɨgun əbàʼ ɨghəm ɨwu famɨ. 34Pità nyaʼa ghà ɨ bɔ ni, “Eniàs, Yeso Kristo fə vɨ əwe. Nɔʼ rətiə tekɨ e baʼ.” Eniàs nyaʼa nɔ̀ʼ àmei əwu əwən. 35Bə̂d mɨjìm mbe nɨ nyaʼə chub ə Lidà fɔrɨ ə Sharòn nyaʼa zə əməd, əne ben Ə̀nùŋɨ̀sɨg.
36À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ. 37Tabità nyaʼa gù əwɔn, kwɨ. Mbɨ nyaʼa sò əvɨ əməd wò nùŋ ɨŋga ətu ə nəb ə mɔʼɔ ɨkaŋ. 38Lidà wɨə nyaʼa ɨban ə Jopà. Ənɨ bə̂d mbe nɨ nyaʼa ben ə Kristo nyaʼa zu ni Pità wɨ ə Lidà, mbɨ nyaʼa tom mbaŋə̀ rɨ̀be əsɨ məd ni mbɨ pe buʼ ɨbɔ ɨ bɔ ghà ni, “Aŋgɔb, zambɨ yeʼe əsɨ na ə Jopà.” 39Pità nyaʼa nɔ̀ʼ wò mbɨ mɨ̀mə̌d. Ənɨ wɨ̀ nyaʼa pe əŋgu, mbɨ nyaʼa nɨŋ əməd kɔʼ wò ɨŋga ətu ə nəb ze rɨkaŋ. Mɨku əyi mɨjìm nyaʼa təmbɨ ɨban məd, chweŋə mɨsɨ, chwiə ngywɨ̌ rɨ maʼi bə̀ chwiə ngywɨ̌ rɨ cherə te nɨ Dokàs nyaʼa tekɨ ənɨ wɨ̀ nyaʼa kɨrɨ ɨkǎ. 40Pità nyaʼa chà mɨ̀mə̌d mɨjìm ɨsɨg, chìndɨ̀ ɨtu ɨnywɨ ə si, kɔ̀ŋgɨ̀ ə Ŋwiə̀, bèŋ nèŋ əvɨ ze ghà ni, “Tabità, nɔʼ rətiə!” Wɨ̀ nyaʼa fìʼ e əghə. Ənɨ wɨ̀ nyaʼa zə ə Pità, wɨ̀ nyaʼa nɔ̀ʼ chubɨ. 41Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d. 42Ənû zɔ̂ ə nyaʼa jàŋ ɨŋga Jopà jìm, əne bə̂d mɨ̀nɔnɔʼ nyaʼa ben Ə̀nùŋɨ̀sɨg. 43Pità nyaʼa chub ə Jopà ənɨ ɨkə nyùmə̀ mbɨ Saimòn we nɨ nyaʼə tekɨə gôb fènə̀.
Currently Selected:
Ɨ̀fàʼì 9: mgo
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy
Ɨ̀fàʼì 9
9
Yeso nyaʼa beŋ fîŋ Sɔ̂l
(Ɨ̀fàʼì 22.6-16; 26.12-18)
1À nyaʼa ənɨ ə nyùmə̀ we, Sɔ̂l nyaʼa wò ɨmbì kàʼə̀ ni tə bɨrɨ zwiirɨ mə̀mə̀ə̀nɨ̀-ɨnû Ə̀nùŋɨ̀sɨg. Əne wɨ̀ nyaʼa wò əsɨ ətu ɨgwɨ ə bə̂d mbàn Ŋwìə̀, 2pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.
3Ənɨ wɨ̀ nyaʼə wòə̀ sɨə tiinɨ ɨban ə Dàmaskɔ̀s, ɨzeŋɨ zeŋɨ mɔʼɔ rɨkaŋ nyaʼa sàʼ te kad əməd. 4Wɨ̀ nyaʼa feŋ ə si, əne zu gɨ̂ nɨ nyaʼa ghà ɨ bɔ ni, “Sɔ̂l! Sɔ̂l! À kɨə nwèndɨ̀ tum rɨkyerɨ-ɨwu ɨmbə̀ʼ ə yè ə?”
5Sɔ̂l nyaʼa biirɨ ni, “Àwɔ̀ kɨə we, Ə̀nùŋɨ̀sɨg ə?”
Gɨ̂ ze nyaʼa wììrɨ̀ ni, “À yɨə mɔ̌ Yeso we nɨ àwɔ̀ ə nwèndɨ̀ rɨkyerɨ-ɨwu məd. 6Àyɨə nɔʼ wò nyɨ ə Dàmaskɔ̀s. À mɨ pè əŋgu, wə̀d mɔʼɔ bɨrɨ gha ənû ze nɨ à berɨ ghɨ̀.”
7Mbaŋə̀ te nɨ nyaʼə yènə̀ mbɨ Sɔ̂l nyaʼa təm mbə̀ŋnə. Mbɨ nyaʼa zu gɨ̂ ze, àyɨə chəi mbɨ nyaʼa zə wə̀d. 8Sɔ̂l nyaʼa nɔ̀ʼ rɨ ə si, àyɨə ənɨ wɨ̀ nyaʼa fiʼ e əghə, chəi wɨ̀ nyaʼa zə ɨsɨ. Əne mbɨ nyaʼa yim əbɔ əməd mbɨ wò nyɨ ə Dàmaskɔ̀s. 9Wɨ̀ nyaʼa chub ɨni tad nɨ chəi wɨ̀ zə ɨsɨ. Chəi wɨ̀ nyaʼa bə̀ jɨg kɨ̀ bè nɔ.
10À nyaʼa ənɨ ə nyùmə̀ we, mbaŋə̀ mɔʼɔ nɨ nyaʼa ben ə Kristo, nɨ ɨkum məd nyaʼə Ànàniàs, wɨə nyaʼə chub ə Dàmaskɔ̀s. Tɨ̀taanɨ njə̀m nyaʼa chè əməd, wɨ̀ zu nɨ Ə̀nùŋɨ̀sɨg tɔŋ əməd ni, “Ànàniàs!”
Wɨ̀ nyaʼa wììrɨ̀ ni, “Ə̀nùŋɨ̀sɨg, à yɨə mɔ̌ wɔ̂.”
11Ə̀nùŋɨ̀sɨg nyaʼa ghà ɨ bɔ ni, “Tekɨ ɨnyod wò əkwɨ Judàs we nɨə chub Ɨnə̂njɨ̀ we nɨ Təmɨ. À mɨ pè əŋgu, à biirɨ mbaŋə̀ mɔʼɔ ze rɨ ə Tasùs nɨ ɨkum məd yeʼ ə Sɔ̂l. Ɨ wɨə kɔ̀ŋgɨ̀ ə Ŋwiə̀. 12Tɨ̀taanɨ njə̀m fə chè əməd wɨ̀ zə mbaŋə̀ mɔʼɔ nɨ ɨkum məd yeʼ ə Ànàniàs nɨ yeʼe nyɨ zab mbi ɨbɔ ɨgwɨ məd ɨmbə̀ʼ wɨ̀ wɨrɨ zə ɨsɨ.”
13Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm. 14Wɨ̀ fə nɨŋ ɨka rɨ əmbɨ ə bə̂d kyeŋ mbe rɨ ə mbàn Ŋwìə̀, əne wɨ̀ fə yeʼe əgha ɨmbə̀ʼ gywɨ̀ bə̂d mɨjìm mbe nɨə wumnɨ əwe.”
15Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre. 16Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”
17Əne Ànàniàs nyaʼa wò nyɨ ɨŋga nəb ze, pè zab mbi ɨbɔ ɨgwɨ məd, ghà ni, “Aŋgɔb Sɔ̂l, Ə̀nùŋɨ̀sɨg Yeso we nɨ kəʼ jwɨ̀ ənɨ e ɨfě ənɨ a kə̀ʼ yeʼe əgha, fə chà əmɨ əsɨ ne ɨmbə̀ʼ à wɨrɨ zə ɨsɨ, Əzwî ə Zeŋɨ ə swi ɨŋga ne.” 18Àmei əwu əwən, əghɨ ə mɔʼɔ ɨghabɨ əkəb əgwi nyaʼa feŋ tɨ ənɨ əghə əməd, əne wɨ̀ nyaʼa wɨrɨ kɔ zə ɨsɨ. Wɨ̀ nyaʼa nɔ̀ʼ nɨŋ mɨnib. 19Ənɨ wɨ̀ nyaʼa fə jɨgɨ, ɨnyod məd nyaʼa wɨrɨ kàànɨ̀.
Sɔ̂l nyaʼa ghà ɨŋgam Ŋwiə̀ ə Dàmaskɔ̀s
Sɔ̂l nyaʼa chub ɨni nɔnɔʼ ə Dàmaskɔ̀s. Ɨ wɨə nyaʼə chubə mbɨ ə bə̂d mbe nɨ nyaʼa ben ə Kristo. 20Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”
21Bə̂d mɨjìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ əne biirɨ ni, “Ka wɔ̂ wa kɨ i mbaŋə̀ ze nɨə kə̀ʼə̀ nàʼə̀ ŋgəʼ əmbɨ ə bə̂d mbe nɨə tɔŋ ɨkum wɔ̂ ə? Wɨ̀ rɨ wa yeʼe i əgha ɨmbə̀ʼ gywɨ bə̂d mbe nɨə wumnɨə mbaŋə̀ ze nɨ mbɨə tɔŋ ənɨ Yeso, kod mɨ̀mə̌d nɨŋ wò əsɨ bə̂d kyeŋ mbe rɨ ə mbàn Ŋwìə̀ ə?”
22Àyɨə Sɔ̂l wɨə nyaʼə ghà ɨŋgam Ŋwiə̀ ənɨ ɨka. Wɨ̀ nyaʼa bə̀ kubrɨ mɨchû mɨ̀Jû mbe nɨ nyaʼə chub ə Dàmaskɔ̀s ɨchî nɨ wɨ̀ nyaʼa chwi ni Yeso yɨə Wə̀d we nɨ Ŋwiə̀ zɔʼɔ.
23Ənɨ ɨni nɔnɔʼ nyaʼa chě, mɨ̀Jû nyaʼa taŋ mɨnaŋ ni mbɨ zwiirɨ əməd, 24àyɨə mbɨ nyaʼa jə ɨsə ɨmbə̀ʼ mɨnaŋ mbe əmbɨ Sɔ̂l. Mɨ̀Jû mbe mbɨə nyaʼə wòm əməd ənɨ mɨchû ɨkam mbe rɨ əsɨ ze əziə mbɨ ɨzimɨ ɨmbə̀ʼ zwiirɨ məd. 25Àyɨə bə̂d mbe nɨ nyaʼə beenɨ əbɔʼ Sɔ̂l nyaʼa nɨŋ əməd ɨzimɨ, swi əməd ɨŋga rɨkaʼ ənɨ ɨbɨgɨ nɨ nyaʼa ə̀gùʼ ɨkam we nɨ nyaʼa kad əsɨ ze, ɨmbə̀ʼ wɨ̀ nod i.
Sɔ̂l nyaʼa wò ə Jèrusalèm
26Ənɨ Sɔ̂l nyaʼa wo ə Jèrusalèm, wɨ̀ nyaʼa kə̀b nɨ fɔtɨ əbɔʼ bə̂d mbe nɨ nyaʼa ben ə Kristo, àyɨə mɨ̀mə̌d mɨjìm mbɨə nyaʼə bɔ əməd ɨmbə̀ʼ ɨghəm nɨ chəi mbɨ nyaʼa ben ni məd yɨ wɨ mɔʼɔ rəbɔʼ bə̂d mbe nɨ ben ə Kristo. 27Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ. 28Sɔ̂l nyaʼa chubɨ mbɨ mɨ̀mə̌d ə Jèrusalèm, yènə̀ ghà ɨŋgam Ŋwiə̀ ənɨ ɨkum Ə̀nùŋɨ̀sɨg ənɨ fîŋ nɨ kǎ. 29Ɨ wɨə nyaʼə ghàmə̀ bə̀ tàŋə̀ mbɨ mɨ̀Jû mbe nɨ nyaʼə ghàm ɨŋgam Grik, àyɨə mbɨ nyaʼa kə̀b zwiirɨ əməd. 30Ənɨ bɔŋgɔb mbe nyaʼa kyerɨ ənû zɔ̂, mbɨ nyaʼa nɨŋ əməd swiʼi wò ə Kàisàriyà, əne chà əməd ə Tasùs.
31À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.
Pità nyaʼa ghɨ̀ ɨnû yiirɨ ə Lidà fɔrɨ ə Jopà
32Ɨchî nɨ Pità nyaʼə yèn ɨŋga ɨsɨ mbe jìm, wɨ̀ nyaʼa bə̀ swiʼi wò ghandɨ bə̂d Ŋwiə̀ mbe nɨ nyaʼə chub ə Lidà. 33Ənɨ wɨ̀ nyaʼa pè əŋgu, wɨ̀ nyaʼa zə mbaŋə̀ mɔʼɔ nɨ ɨkum məd nyaʼə Eniàs. Mbaŋə̀ ze nyaʼa buʼrə. Chəi wɨ̀ nyaʼa nɔʼ rɨ ɨgun əbàʼ ɨghəm ɨwu famɨ. 34Pità nyaʼa ghà ɨ bɔ ni, “Eniàs, Yeso Kristo fə vɨ əwe. Nɔʼ rətiə tekɨ e baʼ.” Eniàs nyaʼa nɔ̀ʼ àmei əwu əwən. 35Bə̂d mɨjìm mbe nɨ nyaʼə chub ə Lidà fɔrɨ ə Sharòn nyaʼa zə əməd, əne ben Ə̀nùŋɨ̀sɨg.
36À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ. 37Tabità nyaʼa gù əwɔn, kwɨ. Mbɨ nyaʼa sò əvɨ əməd wò nùŋ ɨŋga ətu ə nəb ə mɔʼɔ ɨkaŋ. 38Lidà wɨə nyaʼa ɨban ə Jopà. Ənɨ bə̂d mbe nɨ nyaʼa ben ə Kristo nyaʼa zu ni Pità wɨ ə Lidà, mbɨ nyaʼa tom mbaŋə̀ rɨ̀be əsɨ məd ni mbɨ pe buʼ ɨbɔ ɨ bɔ ghà ni, “Aŋgɔb, zambɨ yeʼe əsɨ na ə Jopà.” 39Pità nyaʼa nɔ̀ʼ wò mbɨ mɨ̀mə̌d. Ənɨ wɨ̀ nyaʼa pe əŋgu, mbɨ nyaʼa nɨŋ əməd kɔʼ wò ɨŋga ətu ə nəb ze rɨkaŋ. Mɨku əyi mɨjìm nyaʼa təmbɨ ɨban məd, chweŋə mɨsɨ, chwiə ngywɨ̌ rɨ maʼi bə̀ chwiə ngywɨ̌ rɨ cherə te nɨ Dokàs nyaʼa tekɨ ənɨ wɨ̀ nyaʼa kɨrɨ ɨkǎ. 40Pità nyaʼa chà mɨ̀mə̌d mɨjìm ɨsɨg, chìndɨ̀ ɨtu ɨnywɨ ə si, kɔ̀ŋgɨ̀ ə Ŋwiə̀, bèŋ nèŋ əvɨ ze ghà ni, “Tabità, nɔʼ rətiə!” Wɨ̀ nyaʼa fìʼ e əghə. Ənɨ wɨ̀ nyaʼa zə ə Pità, wɨ̀ nyaʼa nɔ̀ʼ chubɨ. 41Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d. 42Ənû zɔ̂ ə nyaʼa jàŋ ɨŋga Jopà jìm, əne bə̂d mɨ̀nɔnɔʼ nyaʼa ben Ə̀nùŋɨ̀sɨg. 43Pità nyaʼa chub ə Jopà ənɨ ɨkə nyùmə̀ mbɨ Saimòn we nɨ nyaʼə tekɨə gôb fènə̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy