Jn 20
20
Yeso fə zwemə
(Mt 28.1-8; Mk 16.1-8; Lk 24.1-12)
1À nyaʼa kwàʼ ɨzimɨ zimɨ əni ə Sɔndè, Mèri Màgdàlen nyaʼa wò ətu ɨsì ze nɨ mbɨ nyaʼa chəb ɨŋga ɨwɔ̌, pè zə ni mbɨ nyaʼa fə chɨ̀ ɨti we rɨ ɨchû ɨsì we. 2Əne wɨ̀ nyaʼa nòrə̀ wò əsɨ Saimon Pità mbɨ ə̀mə̀ə̀nɨ̀-ɨnû cherə we nɨ Yeso nyaʼa ghaʼi, pè ghà əmbɨ mɨ̀mə̌d ni, “Mbɨ fə chɨ̀ Ə̀nùŋɨ̀sɨg rɨŋga ɨ̀sì we. Chəi tɨ̀ kyerɨ əsɨ ze nɨ mbɨ nuŋ əməd əŋgu!”
3Pità mbɨ ə̀mə̀ə̀nɨ̀-ɨnû cherə we nyaʼa zu əne, nòrə̀ wò ətu ɨsì ze. 4Mɨ̀mə̌d mbe mɨbe nyaʼə nòrə̀, àyɨə ə̀mə̀ə̀nɨ̀-ɨnû cherə we nyaʼa nòrə̀ chè ə Pità, bè pè əwɔ ətu ɨsì. 5Wɨ̀ nyaʼa pè gundɨ nèŋ ɨŋga ɨsì we, zə tɨbabɨ ngywɨ̌ linen te, àyɨə chəi wɨ̀ nyaʼa nyɨ ɨŋga. 6Saimon Pità nyaʼa yeʼe rənjìm chè wò nyɨ ɨŋga ɨ̀sì we. Wɨ̀ nyaʼa zə tɨbabɨ ngywɨ̌ linen te əŋgu 7bə̀ zə ngywɨ̌ ze nɨ mbɨ nyaʼa nib ətu ə Yeso əŋgu. Chə nyaʼa i ngywɨ̌ ze əbɔʼ tɨbabɨ ngywɨ̌ linen te, àyɨə zɨ nyaʼa kad ənɨ i ɨghəm chub i əsɨ əfibɨ̀. 8Ə̀mə̀ə̀nɨ̀-ɨnû cherə we nyaʼa bə̀ wò nyɨ ɨŋga ɨ̀sì we pè zə, əne ben ni Yeso fə zwemə. 9Chəi ɨtu mɨ̀mə̌d nyaʼa kɨrɨ zeŋ ɨmbə̀ʼ ɨŋgam Ŋwiə̀ we nɨ gha ni wɨ̀ berɨ zwemə. 10Mə̀mə̀ə̀nɨ̀-ɨnû mbe nyaʼa zə ɨnû mbe əne, bə̀ndɨ̀ wò əsɨ ze nɨ mbɨ nyaʼə chubə.
Yeso nyaʼa jwɨ ɨfě Mèri Màgdàlen
(Mt 28.9-10; Mk 16.9-11)
11Mə̀mə̀ə̀nɨ̀-ɨnû mbe nyaʼa wò əne, àyɨə Mèri nyaʼa təm ɨchû ɨsì we ɨ zə̀ʼ. Ənɨ wɨ̀ nyaʼə zə̀ʼ əne, wɨ̀ nyaʼa gundɨ ə si nèŋ ɨŋga ɨsì we 12zə mbɨ̀aŋgɨrə̀ mɨbe nɨ nyaʼa zɨ̌ ngywɨ̌ tɨ rɨ̀fɨ. Mbɨ̀aŋgɨrə̀ mbe nyaʼa chub əsɨ ze nɨ əvɨ ə Yeso ə nyaʼa əŋgu. Wɨ̀ fibɨ̀ nyaʼa chub əsɨ ze nɨ ətu əməd ə nyaʼa əŋgu, wɨ̀ fibɨ̀ bə̀ chub əsɨ ze nɨ ɨwu məd nyaʼa əŋgu. 13Mbɨ nyaʼa biirɨ ɨ bɔ ni, “Əyî, à kɨə zə̀ʼ ə ye ə?”
Wɨ̀ nyaʼa wììrɨ̀ əmbɨ mɨ̀mə̌d ni, “Mbɨ fə chɨ̀ mɨ Ə̀nùŋɨ̀sɨg, əne chəi mə kyerɨ əsɨ ze nɨ mbɨ nuŋ əməd əŋgu.”
14Wɨ̀ nyaʼa ghà əne, bèŋ zə ə Yeso nɨ nyaʼa təm əŋgu, àyɨə chəi wɨ̀ nyaʼa kyerɨ ni à yɨə Yeso. 15Yeso nyaʼa biirɨ ɨ bɔ ni, “Əyî, à kɨə zə̀ʼ ə ye ə? À kɨə bə̀ kə̀bə̀ we ə?”
Mèri nyaʼa kɔndɨ əzi ni à yɨə wə̀d we nɨ berɨ mbeŋ ze, əne wɨ̀ nyaʼa ghà ɨ bɔ ni, “Masà, à mɨ yeʼ nɨ à yɨ àwɔ̀ beʼ əməd wò, gha əsɨ ze nɨ à nuŋ əməd əŋgu ɨmbə̀ʼ mə wò nɨŋ əməd.”
16Yeso nyaʼa tɔŋ əməd ni, “Mèri!”
Mèri nyaʼa bèŋ neŋ əməd ghà ənɨ ɨŋgam Hibrù ni, “Ràbonì,” əne yɨ ni “Əchwiə̀-ɨnû”.
17Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”
18Mèri Màgdàlen nyaʼa wò pè zə mə̀mə̀ə̀nɨ̀-ɨnû mbe, ghà əmbɨ mɨ̀mə̌d ni, “Mə fə zə Ə̀nùŋɨ̀sɨg.” Wɨ̀ nyaʼa bə̀ ghà ɨnû mbe nɨ Yeso nyaʼa gha ɨ bɔ.
Yeso nyaʼa jwɨ̀ ɨfě mbi mə̀mə̀ə̀nɨ̀-ɨnû
(Mt 28.16-20; Mk 16.14-18; Lk 24.36-49)
19À nyaʼa ɨkwirɨ kwirɨ əni ə Sɔndè ze, mə̀mə̀ə̀nɨ̀-ɨnû mbe nyaʼa fetɨ ɨŋga nəb mɔʼɔ. Mbɨ nyaʼa fə fə̀n mɨchû nəb ɨmbə̀ʼ ɨghəm nɨ ɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû. Mbɨ nɨ zə, Yeso sàʼ jwɨ̀ təm əkaʼ mɨ̀mə̌d ghà əmbɨ mɨ̀mə̌d ni, “Mbə̀ chub ənɨ əbɔrəbɔd.” 20Ənɨ wɨ̀ nyaʼa ghà ənû zɔ̂, wɨ̀ nyaʼa chwi mbi ɨbɔ bə̀ chwi i ɨban ɨbeŋ əmbɨ mɨ̀mə̌d. Ənɨ mə̀mə̀ə̀nɨ̀-ɨnû mbe nyaʼa zə əməd, ɨghaʼi nyaʼa swi ɨŋga fîŋ tɨ mɨ̀mə̌d. 21Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.” 22Ənɨ wɨ̀ nyaʼa fə gha ənû zɔ̂, wɨ̀ nyaʼa zwì ɨgwɨ mɨ̀mə̌d, ghà əmbɨ mɨ̀mə̌d ni, “Əzwî ə Zeŋɨ ə yeʼe ɨgwɨ nən. 23Mbə mɨ waʼ ɨnû rɨbɔ̀ŋ bə̂d, Ŋwìə̀ bɨrɨ bɨ waʼ. Mbə mɨ ton waʼ ə, ka Ŋwìə̀ bɨrɨ bɨ waʼi.”
Yeso nyaʼa jwɨ ɨfě Tomas
24Chə nyaʼa i Tomas əbɔʼ mə̀mə̀ə̀nɨ̀-ɨnû mbe ənɨ Yeso nyaʼa chwi i ɨnyod əmbɨ mɨ̀mə̌d. Məd yɨə nyaʼə bə̀ wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be. Ɨ mbɨə nyaʼə bə̀ tɔŋ əməd ənɨ Didimùs, əne yɨ ni, wan ŋwìə̀. 25Mə̀mə̀ə̀nɨ̀-ɨnû mbə nyaʼa ghà ɨ bɔ ni, “Tɨ̀ fə zə Ə̀nùŋɨ̀sɨg!”
Àyɨə wɨ̀ nyaʼa ghà əmbɨ mɨ̀mə̌d ni, “Mə mɨ rɨka zə əmɨ ɨdurɨ ɨna mbe nɨ mban nyaʼa ghɨ̌ ɨŋga tɨkyerɨ-ɨbɔ məd, zɨ̀ fɨ fi əbɔ ɨgun ɨdurɨ mbe, bə̀ zɨ̀ mɨ əbɔ ɨŋga ɨbeŋ ɨməd, chəi mə bɨrɨ benɨ.”
26Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.” 27Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”
28Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!” 29Yeso nyaʼa ghà ɨ bɔ ni, “À fə ben ɨmbə̀ʼ ɨghəm nɨ à zə əmɨ ə? Ŋwìə̀ zɨ əbɔrəbɔd ɨgun ə bə̂d mbe nɨ ben nɨ chəi mbɨ zə!”
Əton nɨ Jɔ̌n ŋwaʼnɨ ə̀ŋwàʼnɨ̀ zɔ̂
30Yeso nyaʼa ghɨ̀ ɨnû yiirɨ nɔnɔʼ əkaʼ mbi mə̀mə̀ə̀nɨ̀-ɨnû nɨ chəi mbɨ ŋwaʼnɨ ɨŋga ə̀ŋwàʼnɨ̀ zɔ̂. 31Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.
Currently Selected:
Jn 20: mgo
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy
Jn 20
20
Yeso fə zwemə
(Mt 28.1-8; Mk 16.1-8; Lk 24.1-12)
1À nyaʼa kwàʼ ɨzimɨ zimɨ əni ə Sɔndè, Mèri Màgdàlen nyaʼa wò ətu ɨsì ze nɨ mbɨ nyaʼa chəb ɨŋga ɨwɔ̌, pè zə ni mbɨ nyaʼa fə chɨ̀ ɨti we rɨ ɨchû ɨsì we. 2Əne wɨ̀ nyaʼa nòrə̀ wò əsɨ Saimon Pità mbɨ ə̀mə̀ə̀nɨ̀-ɨnû cherə we nɨ Yeso nyaʼa ghaʼi, pè ghà əmbɨ mɨ̀mə̌d ni, “Mbɨ fə chɨ̀ Ə̀nùŋɨ̀sɨg rɨŋga ɨ̀sì we. Chəi tɨ̀ kyerɨ əsɨ ze nɨ mbɨ nuŋ əməd əŋgu!”
3Pità mbɨ ə̀mə̀ə̀nɨ̀-ɨnû cherə we nyaʼa zu əne, nòrə̀ wò ətu ɨsì ze. 4Mɨ̀mə̌d mbe mɨbe nyaʼə nòrə̀, àyɨə ə̀mə̀ə̀nɨ̀-ɨnû cherə we nyaʼa nòrə̀ chè ə Pità, bè pè əwɔ ətu ɨsì. 5Wɨ̀ nyaʼa pè gundɨ nèŋ ɨŋga ɨsì we, zə tɨbabɨ ngywɨ̌ linen te, àyɨə chəi wɨ̀ nyaʼa nyɨ ɨŋga. 6Saimon Pità nyaʼa yeʼe rənjìm chè wò nyɨ ɨŋga ɨ̀sì we. Wɨ̀ nyaʼa zə tɨbabɨ ngywɨ̌ linen te əŋgu 7bə̀ zə ngywɨ̌ ze nɨ mbɨ nyaʼa nib ətu ə Yeso əŋgu. Chə nyaʼa i ngywɨ̌ ze əbɔʼ tɨbabɨ ngywɨ̌ linen te, àyɨə zɨ nyaʼa kad ənɨ i ɨghəm chub i əsɨ əfibɨ̀. 8Ə̀mə̀ə̀nɨ̀-ɨnû cherə we nyaʼa bə̀ wò nyɨ ɨŋga ɨ̀sì we pè zə, əne ben ni Yeso fə zwemə. 9Chəi ɨtu mɨ̀mə̌d nyaʼa kɨrɨ zeŋ ɨmbə̀ʼ ɨŋgam Ŋwiə̀ we nɨ gha ni wɨ̀ berɨ zwemə. 10Mə̀mə̀ə̀nɨ̀-ɨnû mbe nyaʼa zə ɨnû mbe əne, bə̀ndɨ̀ wò əsɨ ze nɨ mbɨ nyaʼə chubə.
Yeso nyaʼa jwɨ ɨfě Mèri Màgdàlen
(Mt 28.9-10; Mk 16.9-11)
11Mə̀mə̀ə̀nɨ̀-ɨnû mbe nyaʼa wò əne, àyɨə Mèri nyaʼa təm ɨchû ɨsì we ɨ zə̀ʼ. Ənɨ wɨ̀ nyaʼə zə̀ʼ əne, wɨ̀ nyaʼa gundɨ ə si nèŋ ɨŋga ɨsì we 12zə mbɨ̀aŋgɨrə̀ mɨbe nɨ nyaʼa zɨ̌ ngywɨ̌ tɨ rɨ̀fɨ. Mbɨ̀aŋgɨrə̀ mbe nyaʼa chub əsɨ ze nɨ əvɨ ə Yeso ə nyaʼa əŋgu. Wɨ̀ fibɨ̀ nyaʼa chub əsɨ ze nɨ ətu əməd ə nyaʼa əŋgu, wɨ̀ fibɨ̀ bə̀ chub əsɨ ze nɨ ɨwu məd nyaʼa əŋgu. 13Mbɨ nyaʼa biirɨ ɨ bɔ ni, “Əyî, à kɨə zə̀ʼ ə ye ə?”
Wɨ̀ nyaʼa wììrɨ̀ əmbɨ mɨ̀mə̌d ni, “Mbɨ fə chɨ̀ mɨ Ə̀nùŋɨ̀sɨg, əne chəi mə kyerɨ əsɨ ze nɨ mbɨ nuŋ əməd əŋgu.”
14Wɨ̀ nyaʼa ghà əne, bèŋ zə ə Yeso nɨ nyaʼa təm əŋgu, àyɨə chəi wɨ̀ nyaʼa kyerɨ ni à yɨə Yeso. 15Yeso nyaʼa biirɨ ɨ bɔ ni, “Əyî, à kɨə zə̀ʼ ə ye ə? À kɨə bə̀ kə̀bə̀ we ə?”
Mèri nyaʼa kɔndɨ əzi ni à yɨə wə̀d we nɨ berɨ mbeŋ ze, əne wɨ̀ nyaʼa ghà ɨ bɔ ni, “Masà, à mɨ yeʼ nɨ à yɨ àwɔ̀ beʼ əməd wò, gha əsɨ ze nɨ à nuŋ əməd əŋgu ɨmbə̀ʼ mə wò nɨŋ əməd.”
16Yeso nyaʼa tɔŋ əməd ni, “Mèri!”
Mèri nyaʼa bèŋ neŋ əməd ghà ənɨ ɨŋgam Hibrù ni, “Ràbonì,” əne yɨ ni “Əchwiə̀-ɨnû”.
17Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”
18Mèri Màgdàlen nyaʼa wò pè zə mə̀mə̀ə̀nɨ̀-ɨnû mbe, ghà əmbɨ mɨ̀mə̌d ni, “Mə fə zə Ə̀nùŋɨ̀sɨg.” Wɨ̀ nyaʼa bə̀ ghà ɨnû mbe nɨ Yeso nyaʼa gha ɨ bɔ.
Yeso nyaʼa jwɨ̀ ɨfě mbi mə̀mə̀ə̀nɨ̀-ɨnû
(Mt 28.16-20; Mk 16.14-18; Lk 24.36-49)
19À nyaʼa ɨkwirɨ kwirɨ əni ə Sɔndè ze, mə̀mə̀ə̀nɨ̀-ɨnû mbe nyaʼa fetɨ ɨŋga nəb mɔʼɔ. Mbɨ nyaʼa fə fə̀n mɨchû nəb ɨmbə̀ʼ ɨghəm nɨ ɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû. Mbɨ nɨ zə, Yeso sàʼ jwɨ̀ təm əkaʼ mɨ̀mə̌d ghà əmbɨ mɨ̀mə̌d ni, “Mbə̀ chub ənɨ əbɔrəbɔd.” 20Ənɨ wɨ̀ nyaʼa ghà ənû zɔ̂, wɨ̀ nyaʼa chwi mbi ɨbɔ bə̀ chwi i ɨban ɨbeŋ əmbɨ mɨ̀mə̌d. Ənɨ mə̀mə̀ə̀nɨ̀-ɨnû mbe nyaʼa zə əməd, ɨghaʼi nyaʼa swi ɨŋga fîŋ tɨ mɨ̀mə̌d. 21Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.” 22Ənɨ wɨ̀ nyaʼa fə gha ənû zɔ̂, wɨ̀ nyaʼa zwì ɨgwɨ mɨ̀mə̌d, ghà əmbɨ mɨ̀mə̌d ni, “Əzwî ə Zeŋɨ ə yeʼe ɨgwɨ nən. 23Mbə mɨ waʼ ɨnû rɨbɔ̀ŋ bə̂d, Ŋwìə̀ bɨrɨ bɨ waʼ. Mbə mɨ ton waʼ ə, ka Ŋwìə̀ bɨrɨ bɨ waʼi.”
Yeso nyaʼa jwɨ ɨfě Tomas
24Chə nyaʼa i Tomas əbɔʼ mə̀mə̀ə̀nɨ̀-ɨnû mbe ənɨ Yeso nyaʼa chwi i ɨnyod əmbɨ mɨ̀mə̌d. Məd yɨə nyaʼə bə̀ wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be. Ɨ mbɨə nyaʼə bə̀ tɔŋ əməd ənɨ Didimùs, əne yɨ ni, wan ŋwìə̀. 25Mə̀mə̀ə̀nɨ̀-ɨnû mbə nyaʼa ghà ɨ bɔ ni, “Tɨ̀ fə zə Ə̀nùŋɨ̀sɨg!”
Àyɨə wɨ̀ nyaʼa ghà əmbɨ mɨ̀mə̌d ni, “Mə mɨ rɨka zə əmɨ ɨdurɨ ɨna mbe nɨ mban nyaʼa ghɨ̌ ɨŋga tɨkyerɨ-ɨbɔ məd, zɨ̀ fɨ fi əbɔ ɨgun ɨdurɨ mbe, bə̀ zɨ̀ mɨ əbɔ ɨŋga ɨbeŋ ɨməd, chəi mə bɨrɨ benɨ.”
26Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.” 27Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”
28Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!” 29Yeso nyaʼa ghà ɨ bɔ ni, “À fə ben ɨmbə̀ʼ ɨghəm nɨ à zə əmɨ ə? Ŋwìə̀ zɨ əbɔrəbɔd ɨgun ə bə̂d mbe nɨ ben nɨ chəi mbɨ zə!”
Əton nɨ Jɔ̌n ŋwaʼnɨ ə̀ŋwàʼnɨ̀ zɔ̂
30Yeso nyaʼa ghɨ̀ ɨnû yiirɨ nɔnɔʼ əkaʼ mbi mə̀mə̀ə̀nɨ̀-ɨnû nɨ chəi mbɨ ŋwaʼnɨ ɨŋga ə̀ŋwàʼnɨ̀ zɔ̂. 31Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy