Lk 21:25-27

“Ɨnweenɨ bɨrɨ jwɨ̀ ənɨ ɨmɨg bə̀ fɔrɨ ənɨ rɨtəmɨ. Ŋgəʼ bɨrɨ nyɨ ɨŋga ɨbeŋ jìm ɨgwɨ ə si, ɨtu bə̂d bɨrɨ bùùrɨ̀ ɨghabɨ ɨchî nɨ rɨ̀bàà mbɨ mɨnib nɨə nɔ̀ʼə̀ swiʼə ə jùʼə̀. Bə̂d bɨrɨ gu nə̀ŋ ɨmbə̀ʼ ɨbɔɔ fɔrɨ ɨmbə̀ʼ ɨkɔndɨ ɨmbə̀ʼ ɨnû mbe nɨ bɨrɨ yeʼe ɨgwɨ ɨsɨg, ɨmbə̀ʼ ɨghəm nɨ Ŋwìə̀ bɨrɨ chɨ ɨzwî mbe nɨ yeʼ ɨkaŋ. À yɨ ənɨ ə nyùmə̀ we nɨ mbɨ bɨrɨ zə Wan Wə̀d nɨə yeʼe ɨŋga pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.