Mt 20
20
Ənû ə mɨgɨ ɨmbə̀ʼ bə̂d nɨ nyaʼə fàʼ ɨŋga mbeŋ vaìn
1Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ənû ɨfɔ̀n rɨkaŋ yɨ ɨghabɨ ɨchî nɨ wə̀d mbeŋ nyaʼa jwɨ̀ ɨsɔsɔ ɨ wo kə̀b bə̂d ə̀fàʼì ni mbɨ wo fàʼ ɨŋga i mbeŋ vaìn. 2Ənɨ wɨ̀ nyaʼa fə tekɨ mbɨ bə̂d ə̀fàʼì mbe ni tə bɨrɨ chwɨ mɨ̀mə̌d ɨkab ə̀fàʼì əni ə fibɨ̀, wɨ̀ nyaʼa chà mɨ̀mə̌d ɨŋga mbeŋ ze.
3“Wɨ̀ nyaʼa bə̀ yì jwɨ̀ ɨghabɨ ənɨ mɨ̀nyùmə̀ əbuə wò əsam ɨwin, pè zə bə̂d cherə nɨ nyaʼa təmbɨ ə təmbɨ. 4Əne wɨ̀ ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn. Mə bɨrɨ naʼ əghɨ ze nɨ kuʼnɨ ɨ nən.' 5Mbɨ nyaʼa zu əne nɔ̀ʼ wò.
“Wɨ̀ nyaʼa bə̀ yì jwɨ̀ ɨghabɨ ənɨ əzi ə ka, bə̀ yi jwɨ̀ ɨghabɨ ənɨ mɨ̀nyùmə̀ tad əziə bə̀ ghɨ̀ àmei əndəŋ əndəŋ. 6À nyaʼa ɨghabɨ mɨ̀nyùmə̀ tân əziə, wɨ̀ nyaʼa yì jwɨ̀ wò zə bə̂d cherə nɨ nyaʼa təmbɨ ə təmbɨ. Əne wɨ̀ nyaʼa biirɨ əmbɨ mɨ̀mə̌d ni, 'Mbə zǐ zǐ təmbɨ əgha nɨ chəi mbɨə fàʼ ɨmbə̀ʼ ə yè ə?'
7“Mbɨ nyaʼa wììrɨ̀ ɨ bɔ ni, 'À yɨ ɨmbə̀ʼ ɨghəm nɨ chəi wə̀d mɔʼɔ naʼ ə̀fàʼì ɨ na.'
“Ənɨ mbɨ nyaʼa wììrɨ̀ əne, wɨ̀ nyaʼa ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn.'
8“À nyaʼa sɨ ɨkwirɨ kwirɨ, wə̀d mbeŋ we nyaʼa ghà əmbɨ wə̀d we nɨə nèŋgɨ̀ ɨ̀fàʼì məd ni, 'Tɔŋ bə̂d ə̀fàʼì mbe chwɨ mɨ̀mə̌d, àyɨə kɔ rɨ ənɨ mbe nɨ mə̀ kəʼ nwìə̀ nɨŋ wò pè ənɨ mbɨ rɨtu.' 9Ənɨ bə̂d mbe nɨ kəʼ kɔ ə̀fàʼì ənɨ mɨ̀nyùmə̀ tân ɨkwirɨ kwirɨ nyaʼa wo ni mbɨ chwɨ mɨ̀mə̌d, mbɨ nyaʼa nàʼ ɨkab ə̀fàʼì əni ə fibɨ̀ əmbɨ wə̀d mɔʼ mɔʼ rəbɔʼ mɨ̀mə̌d. 10Ənɨ bə̂d mbe nɨ kəʼ kɔ ə̀fàʼì ɨsɔsɔ nyaʼa wo ni mbɨ chwɨ mɨ̀mə̌d, mbɨ nyaʼa kɔn əzən ni mbə bɨrɨ nɨŋ ɨkab nɨ nɔʼrɨ, àyɨə mbɨ nyaʼa nàʼ àmei ɨkab ə̀fàʼì əni ə fibɨ̀ əmbɨ wə̀d mɔʼ mɔʼ rəbɔʼ mɨ̀mə̌d. 11Ənɨ mbɨ nyaʼa nɨŋ ɨkab we, mbɨ nyaʼa kɔ ghambɨ wə̀d mbeŋ we 12ghàə̀ ni, 'Mbaŋə̀ tɔ̂ nɨ sɨ nwìə̀ kəʼ fàʼ àmei ənɨ ə awà mɔʼ, əne à fə chwɨ mɨ̀mə̌d əndəŋ əndəŋ mbɨ mba mbe nɨ zǐ zǐ fàʼ, əchwî ə bə̀ zuʼ əwa.'
13“Wɨ̀ nyaʼa wììrɨ̀ əmbɨ mbaŋə̀ mɔʼ rəbɔʼ mɨ̀mə̌d ni, 'Mɨ sə̀ʼ! Chəi mə̀ gu ənû ə mɔʼɔ ɨ ne, ɨmbə̀ʼ tɨ̀ kə̀ʼ ben ni mə bɨrɨ chwɨ əwe ɨkab ə̀fàʼì əni ə fibɨ̀ ə? 14Nɨŋ e ɨkab wò e. Mə ghaʼ nɨ chwɨ mbaŋə̀ zɔ̂ nɨ sɨ nwìə̀ àmei ɨnun we nɨ mə chwɨ əwe. 15Chəi mə̀ wa berɨ ɨka nɨ ghɨ mbɨ mɨ ɨkab ɨchî nɨ mə̀ kəb ə? Kɨ̀ à wa kɨə ghɨ̀ ə̀dìì ɨmbə̀ʼ ɨchî nɨ mə wɨə sàŋnə ə?'
16“Əne bə̂d mbe nɨ sɨ nwìə̀ bɨrɨ yeʼ mbɨ rɨmbì. Mbe nɨ yeʼ mbɨ rɨmbì sɨ yeʼ mbe nɨ sɨ nwìə̀.”
Yeso nyaʼa ghà ɨmbə̀ʼ i ɨvɨ ənɨ ɨghəm nɨ pe tad
(Mk 10.32-34; Lk 18.31-34)
17Ənɨ Yeso nyaʼə kɔʼə wò ə Jèrusalèm, wɨ̀ nyaʼa nɨŋ mbi mə̀mə̀ə̀nɨ̀-ɨnû mbe wum chɔ̀b rɨ̀be mbɨ ni. Ənɨ mbɨ nyaʼa ɨnə̂njɨ̀, wɨ̀ nyaʼa nɨŋ mɨ̀mə̌d mbɨ tindɨ ɨban ɨban əne ghà əmbɨ mɨ̀mə̌d ni, 18“Mbə̀ zə, tɨ̀ yɨ əni kɔʼə wò ə Jèrusalèm. Tɨ̀ mɨ pè əŋgu, mbɨ bɨrɨ yim Wan Wə̀d, nàʼ əmbɨ ə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌. Bə̂d mbɔ̂ bɨrɨ sob ɨsaʼi ni mbɨ zwiirɨ əməd. 19Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”
Ɨŋgɔb bɔn Zebèdiî nyaʼa wo biirɨ ənû ə mɔʼɔ rɨ əmbɨ Yeso
(Mk 10.35-45)
20Ɨŋgɔb bɔn Zebèdiî nyaʼa wò əsɨ Yeso mbɨ mbi bɔn. Wɨ̀ nyaʼa pè chìndɨ̀ ɨtu ɨnywɨ ɨfě ɨ bɔ, əne biirɨ ənû ə mɔʼɔ ɨ bɔ. 21Yeso nyaʼa biirɨ ɨ bɔ ni, “À kəb ni mə̀ ghɨ ənû ə ye ə?”
Wɨ̀ nyaʼa wììrɨ̀ ɨ bɔ ni, “Ben ni mbɨ bɔn mbɔ̂ mɨ̀be chub mbɨ ne ɨŋga e ənû ɨfɔ̀n. Wɨ̀ fìbɨ̀ chub əbà əbɔ ə jɨgɨ, wɨ̀ fìbɨ̀ chub əbà əbɔ ə tweŋ.”
22Yeso nyaʼa wììrɨ̀ ni, “Chəi mbə̀ kyerɨ ənû ze nɨ mbə̀ə biirɨə!” Ənɨ wɨ̀ nyaʼa wiirɨ əne, wɨ̀ nyaʼa biirɨ əmbɨ mɨ̀mə̌d ni, “Tɨ̀ mbə zə ɨkwɨ ŋgəʼ ze nɨ mə bɨrɨ zə ə?”
Mbɨ nyaʼa wììrɨ̀ ni, “Tɨ̀ we tɨ̀ rɨ̀ ghɨ̀ əne.”
23Yeso nyaʼa ghà əmbɨ mɨ̀mə̌d ni, “Mbə bɨrɨ zə ɨkwɨ ŋgəʼ ze nɨ mə̀ bɨrɨ zə, àyɨə kaʼi əzum rɨmbin nɨ chɔʼ wə̀d we nɨ bɨrɨ chub ənɨ mɨ əbɔ ə jɨgɨ kɨ̀ we nɨ bɨrɨ chub ənɨ mɨ əbɔ ə tweŋ. Mbɨ̀rɨmbin mbɔ̂ yɨ mbɨ bə̂d mbe nɨ mɨ Mbǎʼ nyaʼa fə tekɨ nùŋ əmbɨ mɨ̀mə̌d.”
24Ənɨ mə̀mə̀ə̀nɨ̀-ɨnû mbə wum nyaʼa zu ənû ze, mbɨ nyaʼa sə ɨtəm əbɔʼ bɔŋgɔb mbe mɨ̀be. 25Àyɨə Yeso nyaʼa tɔŋ mɨ̀mə̌d ghà ni, “Mbə̀ kyerɨ ni bə̂d mbe nɨə tùmbɨ̀ə̀ bə̂d mbe nɨ kaʼi mɨ̀Jû mbɨə nyèm ɨnû nyem ɨgwɨ mɨ̀mə̌d, bə̂d kyeŋ rəbɔʼ mɨ̀mə̌d bə̀ tùmbɨ̀ə̀ mɨ̀mə̌d ənɨ ɨnû jìm. 26Tɨ zɨə yeʼi əne əkaʼ nən. Àyɨə wə̀d mɔʼɔ we nɨə kə̀b yeʼ wɨ kyeŋ əkaʼ nən berɨ yeʼ we nɨə fàʼ ɨ nən. 27We nɨə kə̀b yeʼ wɨ rɨmbì əkaʼ nən berɨ yeʼ ə̀bòʼò ɨ nən. 28Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”
Yeso nyaʼa vɨ̀ mbaŋə̀ rɨ̀be nɨ nyaʼa mɨfɨgɨ̀
(Mk 10.46-52; Lk 18.35-43)
29Ənɨ Yeso mbɨ mbi mə̀mə̀ə̀nɨ̀-ɨnû nyaʼə jwɨ̀ rɨ ə Jerikò, ɨnɔ̂n bə̂d nyaʼə beenɨ əbɔʼ mɨ̀mə̌d. 30Mbaŋə̀ rɨ̀be nɨ nyaʼa mɨfɨgɨ̀ nyaʼa chub ɨban ɨnə̂njɨ̀. Ənɨ mbɨ nyaʼa zu ni Yeso wɨə chèə̀, mbɨ nyaʼa kyeŋ kwàʼ rɨ̀kǎ ghà ni, “Wan Dèvîd, diirɨ əwa!”
31Ɨnɔ̂n bə̂d we nyaʼa ghàm əbɔʼ mɨ̀mə̌d ghà ni mbɨ kəm rəziə. Àyɨə mbɨ nyaʼa wɨrɨ yì jeŋgɨ kyeŋ ghà ni, “Ə̀nùŋɨ̀sɨg, Wan Dèvîd, diirɨ əwa!”
32Yeso nyaʼa təm tɔŋ mɨ̀mə̌d biirɨ ni, “Mbə kə̀b ni mə̀ ghɨ ənû ə ye ɨ nən ə?”
33Mbɨ nyaʼa wììrɨ̀ ɨ bɔ ni, “Ə̀nùŋɨ̀sɨg, tɨ̀ kə̀b ni à ghɨ tɨ̀ zə ɨsɨ.”
34Yeso nyaʼa kə̀n ənɨ mɨ̀mə̌d, əne bètɨ̀ əghə mɨ̀mə̌d. Àmei əwu əwən, mbɨ nyaʼa wɨrɨ kɔ zə ɨsɨ, əne mbɨ nyaʼa nɔ̀ʼ beenɨ əbɔʼ məd.
Currently Selected:
Mt 20: mgo
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy
Mt 20
20
Ənû ə mɨgɨ ɨmbə̀ʼ bə̂d nɨ nyaʼə fàʼ ɨŋga mbeŋ vaìn
1Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ənû ɨfɔ̀n rɨkaŋ yɨ ɨghabɨ ɨchî nɨ wə̀d mbeŋ nyaʼa jwɨ̀ ɨsɔsɔ ɨ wo kə̀b bə̂d ə̀fàʼì ni mbɨ wo fàʼ ɨŋga i mbeŋ vaìn. 2Ənɨ wɨ̀ nyaʼa fə tekɨ mbɨ bə̂d ə̀fàʼì mbe ni tə bɨrɨ chwɨ mɨ̀mə̌d ɨkab ə̀fàʼì əni ə fibɨ̀, wɨ̀ nyaʼa chà mɨ̀mə̌d ɨŋga mbeŋ ze.
3“Wɨ̀ nyaʼa bə̀ yì jwɨ̀ ɨghabɨ ənɨ mɨ̀nyùmə̀ əbuə wò əsam ɨwin, pè zə bə̂d cherə nɨ nyaʼa təmbɨ ə təmbɨ. 4Əne wɨ̀ ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn. Mə bɨrɨ naʼ əghɨ ze nɨ kuʼnɨ ɨ nən.' 5Mbɨ nyaʼa zu əne nɔ̀ʼ wò.
“Wɨ̀ nyaʼa bə̀ yì jwɨ̀ ɨghabɨ ənɨ əzi ə ka, bə̀ yi jwɨ̀ ɨghabɨ ənɨ mɨ̀nyùmə̀ tad əziə bə̀ ghɨ̀ àmei əndəŋ əndəŋ. 6À nyaʼa ɨghabɨ mɨ̀nyùmə̀ tân əziə, wɨ̀ nyaʼa yì jwɨ̀ wò zə bə̂d cherə nɨ nyaʼa təmbɨ ə təmbɨ. Əne wɨ̀ nyaʼa biirɨ əmbɨ mɨ̀mə̌d ni, 'Mbə zǐ zǐ təmbɨ əgha nɨ chəi mbɨə fàʼ ɨmbə̀ʼ ə yè ə?'
7“Mbɨ nyaʼa wììrɨ̀ ɨ bɔ ni, 'À yɨ ɨmbə̀ʼ ɨghəm nɨ chəi wə̀d mɔʼɔ naʼ ə̀fàʼì ɨ na.'
“Ənɨ mbɨ nyaʼa wììrɨ̀ əne, wɨ̀ nyaʼa ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn.'
8“À nyaʼa sɨ ɨkwirɨ kwirɨ, wə̀d mbeŋ we nyaʼa ghà əmbɨ wə̀d we nɨə nèŋgɨ̀ ɨ̀fàʼì məd ni, 'Tɔŋ bə̂d ə̀fàʼì mbe chwɨ mɨ̀mə̌d, àyɨə kɔ rɨ ənɨ mbe nɨ mə̀ kəʼ nwìə̀ nɨŋ wò pè ənɨ mbɨ rɨtu.' 9Ənɨ bə̂d mbe nɨ kəʼ kɔ ə̀fàʼì ənɨ mɨ̀nyùmə̀ tân ɨkwirɨ kwirɨ nyaʼa wo ni mbɨ chwɨ mɨ̀mə̌d, mbɨ nyaʼa nàʼ ɨkab ə̀fàʼì əni ə fibɨ̀ əmbɨ wə̀d mɔʼ mɔʼ rəbɔʼ mɨ̀mə̌d. 10Ənɨ bə̂d mbe nɨ kəʼ kɔ ə̀fàʼì ɨsɔsɔ nyaʼa wo ni mbɨ chwɨ mɨ̀mə̌d, mbɨ nyaʼa kɔn əzən ni mbə bɨrɨ nɨŋ ɨkab nɨ nɔʼrɨ, àyɨə mbɨ nyaʼa nàʼ àmei ɨkab ə̀fàʼì əni ə fibɨ̀ əmbɨ wə̀d mɔʼ mɔʼ rəbɔʼ mɨ̀mə̌d. 11Ənɨ mbɨ nyaʼa nɨŋ ɨkab we, mbɨ nyaʼa kɔ ghambɨ wə̀d mbeŋ we 12ghàə̀ ni, 'Mbaŋə̀ tɔ̂ nɨ sɨ nwìə̀ kəʼ fàʼ àmei ənɨ ə awà mɔʼ, əne à fə chwɨ mɨ̀mə̌d əndəŋ əndəŋ mbɨ mba mbe nɨ zǐ zǐ fàʼ, əchwî ə bə̀ zuʼ əwa.'
13“Wɨ̀ nyaʼa wììrɨ̀ əmbɨ mbaŋə̀ mɔʼ rəbɔʼ mɨ̀mə̌d ni, 'Mɨ sə̀ʼ! Chəi mə̀ gu ənû ə mɔʼɔ ɨ ne, ɨmbə̀ʼ tɨ̀ kə̀ʼ ben ni mə bɨrɨ chwɨ əwe ɨkab ə̀fàʼì əni ə fibɨ̀ ə? 14Nɨŋ e ɨkab wò e. Mə ghaʼ nɨ chwɨ mbaŋə̀ zɔ̂ nɨ sɨ nwìə̀ àmei ɨnun we nɨ mə chwɨ əwe. 15Chəi mə̀ wa berɨ ɨka nɨ ghɨ mbɨ mɨ ɨkab ɨchî nɨ mə̀ kəb ə? Kɨ̀ à wa kɨə ghɨ̀ ə̀dìì ɨmbə̀ʼ ɨchî nɨ mə wɨə sàŋnə ə?'
16“Əne bə̂d mbe nɨ sɨ nwìə̀ bɨrɨ yeʼ mbɨ rɨmbì. Mbe nɨ yeʼ mbɨ rɨmbì sɨ yeʼ mbe nɨ sɨ nwìə̀.”
Yeso nyaʼa ghà ɨmbə̀ʼ i ɨvɨ ənɨ ɨghəm nɨ pe tad
(Mk 10.32-34; Lk 18.31-34)
17Ənɨ Yeso nyaʼə kɔʼə wò ə Jèrusalèm, wɨ̀ nyaʼa nɨŋ mbi mə̀mə̀ə̀nɨ̀-ɨnû mbe wum chɔ̀b rɨ̀be mbɨ ni. Ənɨ mbɨ nyaʼa ɨnə̂njɨ̀, wɨ̀ nyaʼa nɨŋ mɨ̀mə̌d mbɨ tindɨ ɨban ɨban əne ghà əmbɨ mɨ̀mə̌d ni, 18“Mbə̀ zə, tɨ̀ yɨ əni kɔʼə wò ə Jèrusalèm. Tɨ̀ mɨ pè əŋgu, mbɨ bɨrɨ yim Wan Wə̀d, nàʼ əmbɨ ə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌. Bə̂d mbɔ̂ bɨrɨ sob ɨsaʼi ni mbɨ zwiirɨ əməd. 19Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”
Ɨŋgɔb bɔn Zebèdiî nyaʼa wo biirɨ ənû ə mɔʼɔ rɨ əmbɨ Yeso
(Mk 10.35-45)
20Ɨŋgɔb bɔn Zebèdiî nyaʼa wò əsɨ Yeso mbɨ mbi bɔn. Wɨ̀ nyaʼa pè chìndɨ̀ ɨtu ɨnywɨ ɨfě ɨ bɔ, əne biirɨ ənû ə mɔʼɔ ɨ bɔ. 21Yeso nyaʼa biirɨ ɨ bɔ ni, “À kəb ni mə̀ ghɨ ənû ə ye ə?”
Wɨ̀ nyaʼa wììrɨ̀ ɨ bɔ ni, “Ben ni mbɨ bɔn mbɔ̂ mɨ̀be chub mbɨ ne ɨŋga e ənû ɨfɔ̀n. Wɨ̀ fìbɨ̀ chub əbà əbɔ ə jɨgɨ, wɨ̀ fìbɨ̀ chub əbà əbɔ ə tweŋ.”
22Yeso nyaʼa wììrɨ̀ ni, “Chəi mbə̀ kyerɨ ənû ze nɨ mbə̀ə biirɨə!” Ənɨ wɨ̀ nyaʼa wiirɨ əne, wɨ̀ nyaʼa biirɨ əmbɨ mɨ̀mə̌d ni, “Tɨ̀ mbə zə ɨkwɨ ŋgəʼ ze nɨ mə bɨrɨ zə ə?”
Mbɨ nyaʼa wììrɨ̀ ni, “Tɨ̀ we tɨ̀ rɨ̀ ghɨ̀ əne.”
23Yeso nyaʼa ghà əmbɨ mɨ̀mə̌d ni, “Mbə bɨrɨ zə ɨkwɨ ŋgəʼ ze nɨ mə̀ bɨrɨ zə, àyɨə kaʼi əzum rɨmbin nɨ chɔʼ wə̀d we nɨ bɨrɨ chub ənɨ mɨ əbɔ ə jɨgɨ kɨ̀ we nɨ bɨrɨ chub ənɨ mɨ əbɔ ə tweŋ. Mbɨ̀rɨmbin mbɔ̂ yɨ mbɨ bə̂d mbe nɨ mɨ Mbǎʼ nyaʼa fə tekɨ nùŋ əmbɨ mɨ̀mə̌d.”
24Ənɨ mə̀mə̀ə̀nɨ̀-ɨnû mbə wum nyaʼa zu ənû ze, mbɨ nyaʼa sə ɨtəm əbɔʼ bɔŋgɔb mbe mɨ̀be. 25Àyɨə Yeso nyaʼa tɔŋ mɨ̀mə̌d ghà ni, “Mbə̀ kyerɨ ni bə̂d mbe nɨə tùmbɨ̀ə̀ bə̂d mbe nɨ kaʼi mɨ̀Jû mbɨə nyèm ɨnû nyem ɨgwɨ mɨ̀mə̌d, bə̂d kyeŋ rəbɔʼ mɨ̀mə̌d bə̀ tùmbɨ̀ə̀ mɨ̀mə̌d ənɨ ɨnû jìm. 26Tɨ zɨə yeʼi əne əkaʼ nən. Àyɨə wə̀d mɔʼɔ we nɨə kə̀b yeʼ wɨ kyeŋ əkaʼ nən berɨ yeʼ we nɨə fàʼ ɨ nən. 27We nɨə kə̀b yeʼ wɨ rɨmbì əkaʼ nən berɨ yeʼ ə̀bòʼò ɨ nən. 28Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”
Yeso nyaʼa vɨ̀ mbaŋə̀ rɨ̀be nɨ nyaʼa mɨfɨgɨ̀
(Mk 10.46-52; Lk 18.35-43)
29Ənɨ Yeso mbɨ mbi mə̀mə̀ə̀nɨ̀-ɨnû nyaʼə jwɨ̀ rɨ ə Jerikò, ɨnɔ̂n bə̂d nyaʼə beenɨ əbɔʼ mɨ̀mə̌d. 30Mbaŋə̀ rɨ̀be nɨ nyaʼa mɨfɨgɨ̀ nyaʼa chub ɨban ɨnə̂njɨ̀. Ənɨ mbɨ nyaʼa zu ni Yeso wɨə chèə̀, mbɨ nyaʼa kyeŋ kwàʼ rɨ̀kǎ ghà ni, “Wan Dèvîd, diirɨ əwa!”
31Ɨnɔ̂n bə̂d we nyaʼa ghàm əbɔʼ mɨ̀mə̌d ghà ni mbɨ kəm rəziə. Àyɨə mbɨ nyaʼa wɨrɨ yì jeŋgɨ kyeŋ ghà ni, “Ə̀nùŋɨ̀sɨg, Wan Dèvîd, diirɨ əwa!”
32Yeso nyaʼa təm tɔŋ mɨ̀mə̌d biirɨ ni, “Mbə kə̀b ni mə̀ ghɨ ənû ə ye ɨ nən ə?”
33Mbɨ nyaʼa wììrɨ̀ ɨ bɔ ni, “Ə̀nùŋɨ̀sɨg, tɨ̀ kə̀b ni à ghɨ tɨ̀ zə ɨsɨ.”
34Yeso nyaʼa kə̀n ənɨ mɨ̀mə̌d, əne bètɨ̀ əghə mɨ̀mə̌d. Àmei əwu əwən, mbɨ nyaʼa wɨrɨ kɔ zə ɨsɨ, əne mbɨ nyaʼa nɔ̀ʼ beenɨ əbɔʼ məd.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy