Mt 28
28
Yeso fə zwemə
(Mk 16.1-10; Lk 24.1-12; Jn 20.1-10)
1Ənɨ əni əkwɨ mɨ̀Jû nyaʼa yeʼe chè, ənɨ ɨtuʼ nyaʼə chɨg əni ə Sɔndè, Mèri Màgdàlen mbɨ Mèri cherə wə nyaʼa wo neŋ ɨ̀sì we. 2Mbɨ nɨ zə, si nyaʼa sàʼ wùd kwàʼ rɨ̀kǎ. Zɨ̀ nyaʼa wùd ɨmbə̀ʼ ɨghəm nɨ aŋgɨrə̀ Ə̀nùŋɨ̀sɨg nyaʼa swiʼ rɨkaŋ pè biŋ ɨti we rɨ ɨchû ɨ̀sì we, chub ɨgun. 3Ɨnyod məd nyaʼə teə ɨchî nɨ ɨbi mbə̀ŋ ə ŋwàŋə̀. Ngywɨ̌ rɨ məd nyaʼə bə̀ fuə rɨ saaŋ. 4Mɨ̀sɔgyɨ̀ mbe nɨ nyaʼə nəŋgɨ ɨsi we nyaʼa zə əməd, bɔ kwàʼ rɨŋgəʼ, əne bindɨ. Mbɨ nyaʼa sɨ yeʼ ɨghabɨ ɨvɨ bə̂d.
5Àyɨə aŋgɨrə̀ we nyaʼa ghà əmbɨ məyi mbe ni, “Tɨ mbə̀ bɔ ə. Mə kyerɨ ni mbə mbɨə kə̀b ə Yeso we nɨ mbɨ nyaʼa kombɨ əzed ə baʼnɨ. 6Chəi məd əgha. Wɨ̀ fə zwemə àmei ɨchî nɨ wɨ̀ nyaʼa gha ɨ nən. Mbə̀ yeʼe zə əsɨ ze nɨ mbɨ kəʼ boŋ əməd əŋgu. 7Əne mbə̀ zambɨ wò ghà əmbɨ mə̀mə̀ə̀nɨ̀-ɨnû ɨməd ni: 'Wɨ̀ fə zwemə, əne ɨ wɨə wò ɨmbì ɨ nən ə Galiliî. Mbə bɨrɨ zə əməd əŋgu.' Tɨ mbə̀ neb ə ənû zɔ̂ nɨ mə̀ gha ɨ nən.”
8Məyi mbe nyaʼa kɨ zàmbɨ̀ nɔ̀ʼ rɨ ɨchû ɨ̀sì we. Mbɨ nyaʼə yènə̀ bɔə, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Mbɨ nyaʼa nòrə̀ ɨmbə̀ʼ ɨ wò ghà ənû ze əmbɨ mə̀mə̀ə̀nɨ̀-ɨnû ɨməd. 9Ənɨ mbɨ nyaʼə nòrə̀ wò əne, mbɨ nɨ zə Yeso sàʼ kumnɨ mɨ̀mə̌d, əne ghà ni, “Mə chàʼrɨ̀ əwən!” Ənɨ wɨ̀ nyaʼa ghà əne, mbɨ nyaʼa wò əsɨ məd, pè yim ɨwu ɨməd bə̀ wumnɨ əməd. 10Yeso nyaʼa ghà əmbɨ mɨ̀mə̌d ni, “Tɨ mbə̀ bɔ ə. Mbə̀ wo ghà əmbɨ mbɨ bɔŋgɔb ni mbɨ wo ə Galiliî. Mbɨ bɨrɨ zə əmɨ əŋgu.”
Mɨ̀sɔgyɨ̀ nyaʼa ghà ənû ze nɨ nyaʼa ghɨ̌
11Ənɨ məyi mbe nyaʼə wòə̀, mɨ̀sɔgyɨ̀ mɔʼɔ nyaʼa wò ɨŋga əsɨ ze, pè ghà ɨnû jìm mbe nɨ nyaʼa ghɨ̌ əmbɨ ə bə̂d kyeŋ mbe rɨ ə mbàn Ŋwìə̀. 12Ənɨ bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa fetɨ, mbɨ nyaʼa taŋ ənû nɨ mbɨ bɨrɨ ghɨ̀. Mbɨ nyaʼa taŋ əne, nàʼ ɨkab nɔnɔʼ əmbɨ mɨ̀sɔgyɨ̀ mbe, 13ghà ni, “Mbə ghà əmbɨ ə bə̂d ni, 'Mə̀mə̀ə̀nɨ̀-ɨnû ɨməd kə̀ʼ yeʼe jɨ əvɨ əməd ɨzimɨ ənɨ tɨə kə̀ʼə̀ gwenə.' 14Kaʼ gɔmnà bè zu i, tɨ̀ bɨrɨ kyerɨ ənû nɨ gha ɨ bɔ, əne chɨ̀ əwən rəŋgəʼ.” 15Mɨ̀sɔgyɨ̀ mbe nyaʼa nɨŋ ɨkab we wò ghɨ̀ àmei ɨchî nɨ mbɨ nyaʼa ghà əmbɨ mɨ̀mə̌d. Əzɔ̂ yɨ ənû ze nɨ fə jaŋ əkaʼ mɨ̀Jû yeʼe pè rə̀chɔ̀ŋ.
Yeso nyaʼa nàʼ ə̀fàʼì ə kyeŋ əmbɨ mbi mə̀mə̀ə̀nɨ̀-ɨnû
(Mk 16.14-18; Lk 24.36-49; Jn 20.19-23; Ɨ̀fàʼì 1.6-8)
16Mə̀mə̀ə̀nɨ̀-ɨnû Yeso mbe wum chɔ̀b mɔʼ nyaʼa wò ə Galiliî ɨkaŋ ɨwum we nɨ Yeso nyaʼa fə mə̌ əmbɨ mɨ̀mə̌d. 17Ənɨ mbɨ nyaʼa zə əməd, mbɨ nyaʼa wumnɨ əməd, àyɨə mbɨ mɔʼɔ nyaʼa bìd ni à kɨə kàŋ ə Yeso ə. 18Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si. 19Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ. 20Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”
Currently Selected:
Mt 28: mgo
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy
Mt 28
28
Yeso fə zwemə
(Mk 16.1-10; Lk 24.1-12; Jn 20.1-10)
1Ənɨ əni əkwɨ mɨ̀Jû nyaʼa yeʼe chè, ənɨ ɨtuʼ nyaʼə chɨg əni ə Sɔndè, Mèri Màgdàlen mbɨ Mèri cherə wə nyaʼa wo neŋ ɨ̀sì we. 2Mbɨ nɨ zə, si nyaʼa sàʼ wùd kwàʼ rɨ̀kǎ. Zɨ̀ nyaʼa wùd ɨmbə̀ʼ ɨghəm nɨ aŋgɨrə̀ Ə̀nùŋɨ̀sɨg nyaʼa swiʼ rɨkaŋ pè biŋ ɨti we rɨ ɨchû ɨ̀sì we, chub ɨgun. 3Ɨnyod məd nyaʼə teə ɨchî nɨ ɨbi mbə̀ŋ ə ŋwàŋə̀. Ngywɨ̌ rɨ məd nyaʼə bə̀ fuə rɨ saaŋ. 4Mɨ̀sɔgyɨ̀ mbe nɨ nyaʼə nəŋgɨ ɨsi we nyaʼa zə əməd, bɔ kwàʼ rɨŋgəʼ, əne bindɨ. Mbɨ nyaʼa sɨ yeʼ ɨghabɨ ɨvɨ bə̂d.
5Àyɨə aŋgɨrə̀ we nyaʼa ghà əmbɨ məyi mbe ni, “Tɨ mbə̀ bɔ ə. Mə kyerɨ ni mbə mbɨə kə̀b ə Yeso we nɨ mbɨ nyaʼa kombɨ əzed ə baʼnɨ. 6Chəi məd əgha. Wɨ̀ fə zwemə àmei ɨchî nɨ wɨ̀ nyaʼa gha ɨ nən. Mbə̀ yeʼe zə əsɨ ze nɨ mbɨ kəʼ boŋ əməd əŋgu. 7Əne mbə̀ zambɨ wò ghà əmbɨ mə̀mə̀ə̀nɨ̀-ɨnû ɨməd ni: 'Wɨ̀ fə zwemə, əne ɨ wɨə wò ɨmbì ɨ nən ə Galiliî. Mbə bɨrɨ zə əməd əŋgu.' Tɨ mbə̀ neb ə ənû zɔ̂ nɨ mə̀ gha ɨ nən.”
8Məyi mbe nyaʼa kɨ zàmbɨ̀ nɔ̀ʼ rɨ ɨchû ɨ̀sì we. Mbɨ nyaʼə yènə̀ bɔə, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Mbɨ nyaʼa nòrə̀ ɨmbə̀ʼ ɨ wò ghà ənû ze əmbɨ mə̀mə̀ə̀nɨ̀-ɨnû ɨməd. 9Ənɨ mbɨ nyaʼə nòrə̀ wò əne, mbɨ nɨ zə Yeso sàʼ kumnɨ mɨ̀mə̌d, əne ghà ni, “Mə chàʼrɨ̀ əwən!” Ənɨ wɨ̀ nyaʼa ghà əne, mbɨ nyaʼa wò əsɨ məd, pè yim ɨwu ɨməd bə̀ wumnɨ əməd. 10Yeso nyaʼa ghà əmbɨ mɨ̀mə̌d ni, “Tɨ mbə̀ bɔ ə. Mbə̀ wo ghà əmbɨ mbɨ bɔŋgɔb ni mbɨ wo ə Galiliî. Mbɨ bɨrɨ zə əmɨ əŋgu.”
Mɨ̀sɔgyɨ̀ nyaʼa ghà ənû ze nɨ nyaʼa ghɨ̌
11Ənɨ məyi mbe nyaʼə wòə̀, mɨ̀sɔgyɨ̀ mɔʼɔ nyaʼa wò ɨŋga əsɨ ze, pè ghà ɨnû jìm mbe nɨ nyaʼa ghɨ̌ əmbɨ ə bə̂d kyeŋ mbe rɨ ə mbàn Ŋwìə̀. 12Ənɨ bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa fetɨ, mbɨ nyaʼa taŋ ənû nɨ mbɨ bɨrɨ ghɨ̀. Mbɨ nyaʼa taŋ əne, nàʼ ɨkab nɔnɔʼ əmbɨ mɨ̀sɔgyɨ̀ mbe, 13ghà ni, “Mbə ghà əmbɨ ə bə̂d ni, 'Mə̀mə̀ə̀nɨ̀-ɨnû ɨməd kə̀ʼ yeʼe jɨ əvɨ əməd ɨzimɨ ənɨ tɨə kə̀ʼə̀ gwenə.' 14Kaʼ gɔmnà bè zu i, tɨ̀ bɨrɨ kyerɨ ənû nɨ gha ɨ bɔ, əne chɨ̀ əwən rəŋgəʼ.” 15Mɨ̀sɔgyɨ̀ mbe nyaʼa nɨŋ ɨkab we wò ghɨ̀ àmei ɨchî nɨ mbɨ nyaʼa ghà əmbɨ mɨ̀mə̌d. Əzɔ̂ yɨ ənû ze nɨ fə jaŋ əkaʼ mɨ̀Jû yeʼe pè rə̀chɔ̀ŋ.
Yeso nyaʼa nàʼ ə̀fàʼì ə kyeŋ əmbɨ mbi mə̀mə̀ə̀nɨ̀-ɨnû
(Mk 16.14-18; Lk 24.36-49; Jn 20.19-23; Ɨ̀fàʼì 1.6-8)
16Mə̀mə̀ə̀nɨ̀-ɨnû Yeso mbe wum chɔ̀b mɔʼ nyaʼa wò ə Galiliî ɨkaŋ ɨwum we nɨ Yeso nyaʼa fə mə̌ əmbɨ mɨ̀mə̌d. 17Ənɨ mbɨ nyaʼa zə əməd, mbɨ nyaʼa wumnɨ əməd, àyɨə mbɨ mɔʼɔ nyaʼa bìd ni à kɨə kàŋ ə Yeso ə. 18Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si. 19Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ. 20Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Cameroon Association for Bible Translation and Literacy