Buraambi KHUKHWAANTSULA
KHUKHWAANTSULA
Shiitabo shino shishilaangibwa shiri Buuraambi bwe Baarume shiloseelakho khu Makhuwa Kamalayi nga ni kaaronebwa ni Luka. Shitsilililwa shikhulu she mu Buuraambi bwe Baarume nikhwo khukhwokesanisa nga baloondeleli ba Kristo babaanyoowa ni baasalanisa Kamakhuuwa Kamalayi mu Yerusalemu, ni mu Yuda mwoosi, ni mu Samariya, ni khukhwoolesa isi shiibala shakama, nga baraangililwa n'Umwoyo Umukhosefu (1.8).
Shiitabo shino shikanikha khu saambo isi bukristo bwarakikhamo mu Yuda, bwatsya nga bubalaha bwoolisa khukhwikyela ifukiilila imalatana mu shiibala shoosi. Umuroni we shitabo shino luundi aryo akhakakho khuŋaŋasa basomi beewe ari, bukristaayo sibweetsawo lwe khuukana khukhaandisa ni khumalawo buwuli bwe Baroma ta, ne ndi bweetsa lwe khukhwoolelesa ifukiilila ye Shiyudaaya.
Shiitabo she Buuraambi bwe Baarume shinyala shakabananisibwamo bisiintsa bitaru khukhwokesanisa bubalaayi bwe bisiintsa mweesi kamakhuuwa kakawaamba khu Yesu kaatsya nga kaboolelwa, ni kamatuuli ke bafukiilisi nga karewawo: (1) Indakikha ye fukiilila ye Bukristo mu Yerusalemu nga ilondekhana ni khuniinisibwa khwa Yesu mwikulu. (2) Khubalaayisibwa mu bisiintsa bibiindi mu Palesitayini (3) Khukhwiloosela khubalaayisibwa mu bisiintsa bibyesaane ni nyaantsa imboofu Meditereniani khukhwoolela ilala i Roma.
Shishiindu shikhulu shisheene shishokesanisibwa mu Buuraambi nibwo buraambi bw'Omwoyo Umukhosefu uweetsa ni kamaani kamakali khu bafukiilisi nga bali mu Yerusalemu khu shifukhu sha Pentekote, aryo weloosela khuraangilila ni khukhwisamo kamaani mu bafukiilisi boosi ni baraangilisi baabwe khubira mu biindu byoosi bibyabawo bibilomebwakho mu shitabo shino.
Buurume bubwanyoowa bwaweebwa baloondeleli ba Kristo bukanikhiwakho mu bwiimbi musaambo tseesi baarume baaba nga baleekela. Ni bibiindu bibyaba nga bikwakawo bibikanikhibwakho mu Buuraambi buno, byokesanisa kamaani ke buurume mu bulamu bwe baafukiilisi boosi ni mu butweela bubwaba mu lituuli lye bafukiilisi boosi.
Inoondekhana iye bibiilimo
Khukhwirekekhela bujulisi (1.1-26)
Likaambila lya Yesu lilyakamayo (1.1-14)
Umuundu uweela mu shifwo sha Yuda (1.15-26)
Baarume nga bawa bujulisi mu Yerusalemu (2.1—8.3)
Khuuwa bujulisi mu Yuda mwoosi ni mu Samariya (8.4—12.25)
Buuraambi bwa Paulo (13.1—28.31)
a. Lukyeendo lwa Paulo lulwanyoowa (13.1—14.28)
b. Lukhobo lulwaba mu Yerusalemu (15.1-35)
c. Lukyeendo lwa Paulo lwe khabili (15.36—18.23)
d. Lukyeendo lwa Paulo lwe khataru (18.24—21.16)
e. Paulo nga ali umubowe mu Yerusalemu, i Kayisaliya, ni mu Roma (21.17—28.31)
Currently Selected:
Buraambi KHUKHWAANTSULA: LPE
Highlight
Share
Copy
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Buraambi KHUKHWAANTSULA
KHUKHWAANTSULA
Shiitabo shino shishilaangibwa shiri Buuraambi bwe Baarume shiloseelakho khu Makhuwa Kamalayi nga ni kaaronebwa ni Luka. Shitsilililwa shikhulu she mu Buuraambi bwe Baarume nikhwo khukhwokesanisa nga baloondeleli ba Kristo babaanyoowa ni baasalanisa Kamakhuuwa Kamalayi mu Yerusalemu, ni mu Yuda mwoosi, ni mu Samariya, ni khukhwoolesa isi shiibala shakama, nga baraangililwa n'Umwoyo Umukhosefu (1.8).
Shiitabo shino shikanikha khu saambo isi bukristo bwarakikhamo mu Yuda, bwatsya nga bubalaha bwoolisa khukhwikyela ifukiilila imalatana mu shiibala shoosi. Umuroni we shitabo shino luundi aryo akhakakho khuŋaŋasa basomi beewe ari, bukristaayo sibweetsawo lwe khuukana khukhaandisa ni khumalawo buwuli bwe Baroma ta, ne ndi bweetsa lwe khukhwoolelesa ifukiilila ye Shiyudaaya.
Shiitabo she Buuraambi bwe Baarume shinyala shakabananisibwamo bisiintsa bitaru khukhwokesanisa bubalaayi bwe bisiintsa mweesi kamakhuuwa kakawaamba khu Yesu kaatsya nga kaboolelwa, ni kamatuuli ke bafukiilisi nga karewawo: (1) Indakikha ye fukiilila ye Bukristo mu Yerusalemu nga ilondekhana ni khuniinisibwa khwa Yesu mwikulu. (2) Khubalaayisibwa mu bisiintsa bibiindi mu Palesitayini (3) Khukhwiloosela khubalaayisibwa mu bisiintsa bibyesaane ni nyaantsa imboofu Meditereniani khukhwoolela ilala i Roma.
Shishiindu shikhulu shisheene shishokesanisibwa mu Buuraambi nibwo buraambi bw'Omwoyo Umukhosefu uweetsa ni kamaani kamakali khu bafukiilisi nga bali mu Yerusalemu khu shifukhu sha Pentekote, aryo weloosela khuraangilila ni khukhwisamo kamaani mu bafukiilisi boosi ni baraangilisi baabwe khubira mu biindu byoosi bibyabawo bibilomebwakho mu shitabo shino.
Buurume bubwanyoowa bwaweebwa baloondeleli ba Kristo bukanikhiwakho mu bwiimbi musaambo tseesi baarume baaba nga baleekela. Ni bibiindu bibyaba nga bikwakawo bibikanikhibwakho mu Buuraambi buno, byokesanisa kamaani ke buurume mu bulamu bwe baafukiilisi boosi ni mu butweela bubwaba mu lituuli lye bafukiilisi boosi.
Inoondekhana iye bibiilimo
Khukhwirekekhela bujulisi (1.1-26)
Likaambila lya Yesu lilyakamayo (1.1-14)
Umuundu uweela mu shifwo sha Yuda (1.15-26)
Baarume nga bawa bujulisi mu Yerusalemu (2.1—8.3)
Khuuwa bujulisi mu Yuda mwoosi ni mu Samariya (8.4—12.25)
Buuraambi bwa Paulo (13.1—28.31)
a. Lukyeendo lwa Paulo lulwanyoowa (13.1—14.28)
b. Lukhobo lulwaba mu Yerusalemu (15.1-35)
c. Lukyeendo lwa Paulo lwe khabili (15.36—18.23)
d. Lukyeendo lwa Paulo lwe khataru (18.24—21.16)
e. Paulo nga ali umubowe mu Yerusalemu, i Kayisaliya, ni mu Roma (21.17—28.31)
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.