Yokana 20
20
Khuulamukha khwa Yesu
(Matayo 28.1-8; Mako 16.1-8; Luka 24.1-12)
1Kumutikhinyi khu shifukhu sha Sabiti, nga antsye ashiili mamiliimili, Malyamu Magadalena waatsya khu ŋani waabona nga baarusile libaale khu ŋani. 2Ni abweene awo, waatima waatsya isi Simoni Petero n'umuleekelwa ukuundi, isi abe Yesu aasiima, waabaloma ari, “Baarusile Umukasya mu ŋani, ne sikhumanya isi bamureere ta.”
3Petero n'umuleekelwa ukuundi tsana uyo, benyukha baatsya khu ŋani. 4Boombi baatsya nga batima, ne umuleekelwa ukuundi uyo waatima waalekha Petero. Niye wanyoowa khukhwoola khu ŋani. 5Wenama weshenga mu ŋani, waabona tsingubo tseesi abe baabowamo umufu nga tsili aasi, ne niye waalekha khukhwinjilamo ta. 6Simoni Petero uwaba waamulondilekho naye weetsa, ne niye wenjila mu ŋani burereefu. Waabona tsingubo abe tseesi baabowamo umufu nga tsili aasi. 7Ne shitambaala shishaba khu murwe kwa Yesu shaba nga seshili atweela ni tsingubo tsitsiindi ta. Nisho shaba nga shafuumbibwile shareebwile mu shifwo buraawa. 8Lwanyuma umuleekelwa ukuundi uyo, uwanyoowa khukhwoola khu ŋani, naye wenjilamo nio waabona, waafukiilila. 9Khulwekhuuba khukhwoolisa ano, abe sibamanyile bibyaronebwa bikhosefu ni biloma biri, alilamukha khukhwaama mu bafu ta. 10Baleekelwa belayo ingo waabwe.
Yesu abonekhela Malyamu Magadalena
(Matayo 28.9-10; Mako 16.9-11)
11Ne Malyamu waarama ibulafu we ŋani nga alila. N'aba nga ashiilila, bari eshenga mu ŋani, 12waabona bamalayika babili nga bakwaarire tsingubo tsiwaanga, nga bekhaale isi kumulaambo kwa Yesu kwaba. Umulala imurwe, ukuundi ibikyele. 13Baamureeba bari, “Mukhas'iwe, shiina kila ulikho ulila?” Wabeelamo ari, “Baarusile Umukasya wase mu ŋani, ne simanya isi bamureere ta.”
14N'amala khuuloma aryo, bari eshebukha, waabona Yesu nga weemikhile awo, ne waalekha khumanya ari niye Yesu ta. 15Yesu waamureeba ari, “Mukhas'iwe, shiina kila ulikho ulila? Ulikho uweentsa naanu?” Malyamu wamwaambasilisa khuuba nga niye uulima mu mukuunda ukwo. Waamuloma ari, “Paapa, noola iwe niye umwinyusilemo, n'umboolele isi umureere, kane intsye imuruseyo.”
16Yesu waamulaanga ari, “Malyamu!” Malyamu weshebukha waamuloma mu lulimi Luheburaniya ari, “Rabboni!”, Shishimanyisa shili “Umuleekeli.”
17Yesu waamuloma ari, “Ukhaantsihambakho ta, khulwekhuuba ishiili khuniina mwikulu isi Paapa wase ta. Ne n'utsye isi babandaayase baase, ubaboolele uri indikho iniina isi Paapa wase, naluundi Paapa wenywe, isi Wele wase, naluundi Wele wenywe.”
18Malyamu Magadalena waatsya waaboolela baleekelwa ari, “Imboone Umukasya!” Naluundi waababoolela bilomo byeesi Yesu aamuboolela.
Yesu abonekhela baleekelwa beewe
(Matayo 28.16-20; Mako 16.14-18; Luka 24.36-49)
19Lwanyuma lwe shifukhu sha Sabiti sheene isho, nga antsye bulikho bwilabula, abe baleekelwa ba Yesu beyikaliile mu ntsu, khulwe khuurya Bayudaaya. Yesu weetsa wabeemamo akari waabaloma ari, “Lukoosi lube ni nanywe.” 20N'amala khuuloma aryo, waabokesa tsimbaaso tsye khu bikalabo byeewe, ni lubaaso lwe mu mbafu. Baleekelwa bekhoya naabi, ni baabona Umukasya. 21Yesu waabaloma luundi ari, “Lukoosi lube ni nanywe. Nga Paapa n'andumana ise, ni nase ari imbarumana inywe.” 22N'amala ibyo, waababiitakho kumuukha, waabaloma ari, “Ni mufune Umwoyo Umukhosefu. 23#Mat 16.19; 18.18Abo boosi beesi kane mwiyakhilatsake bibyoonako byaabwe, kane bibeyakhilwe; ne abo boosi beesi mukane mulekhe khukhwiyakhila bibyoonako byaabwe, singene bibeyakhilwe ta.”
Yesu ni Tomasi
24Mutweela khu baleekelwa liikhumi na babili, ulaangibwa Tomasi, namwe Mukhwana, s'aba ni baashe nga Yesu n'etsa ta. 25Kila baleekelwa baashe bamuboolela bari, “Ifwe khuboone Umukasya.”
Ne Tomasi waabaloma ari, “Khurusakho nga naboone tsimbaaso tsye kimisumaali khu bikalabo byeewe; imaambe lulwaala lwase mu mbaaso itso, naluundi nga nakhutiila lulwaala lwase mu lubaaso lwe mu mbafu mweewe, s'inyala naafukiilila ta.”
26Ne lwanyuma lwe bifukhu shinaane, baleekelwa ba Yesu ndi luundi abe beyikaliile mu ntsu, kwaluno nga Tomasi ali ni nabo. Akhaba nga kimilyango kyaba kimikale, Yesu weetsa weema akari aabwe, waabaloma ari, “Lukoosi lube ni nanywe.” 27Waaloma Tomasi ari, “N'ureere lulwaala lwoowo, ulutiile ano. N'ubone tsimbaaso tsye khu bikalabo byase. N'ureere kumukhono kwoowo utiile mu mbafu mwase. Ukhaba ni khukhwiririkana ta, ne n'ufukiilile.”
28Tomasi weelamo ari, “Uli Umukasya wase, naluundi uli Wele wase.”
29Yesu waamureeba ari, “Ufukiilila khulwekhuuba wamboonekho? Nga bali ni tsingabi abo babafukiilila nga bashiili khumbonakho ta.”
Shitsilililwa she shitabo shino
30Yesu akhola bye kamakaanga bibiindi bikali mu moni tsye baleekelwa beewe, bibikhaaronebwa mu burone buno ta. 31Ne bino byaronebwa nio iwe ufukiilile uri Yesu niye Kristo, Umwaana wa Wele; ni khuubirira mu khufukiilila ukhwo, ube ni bulamu khulweewe.
Currently Selected:
Yokana 20: LPE
Highlight
Share
Copy
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Yokana 20
20
Khuulamukha khwa Yesu
(Matayo 28.1-8; Mako 16.1-8; Luka 24.1-12)
1Kumutikhinyi khu shifukhu sha Sabiti, nga antsye ashiili mamiliimili, Malyamu Magadalena waatsya khu ŋani waabona nga baarusile libaale khu ŋani. 2Ni abweene awo, waatima waatsya isi Simoni Petero n'umuleekelwa ukuundi, isi abe Yesu aasiima, waabaloma ari, “Baarusile Umukasya mu ŋani, ne sikhumanya isi bamureere ta.”
3Petero n'umuleekelwa ukuundi tsana uyo, benyukha baatsya khu ŋani. 4Boombi baatsya nga batima, ne umuleekelwa ukuundi uyo waatima waalekha Petero. Niye wanyoowa khukhwoola khu ŋani. 5Wenama weshenga mu ŋani, waabona tsingubo tseesi abe baabowamo umufu nga tsili aasi, ne niye waalekha khukhwinjilamo ta. 6Simoni Petero uwaba waamulondilekho naye weetsa, ne niye wenjila mu ŋani burereefu. Waabona tsingubo abe tseesi baabowamo umufu nga tsili aasi. 7Ne shitambaala shishaba khu murwe kwa Yesu shaba nga seshili atweela ni tsingubo tsitsiindi ta. Nisho shaba nga shafuumbibwile shareebwile mu shifwo buraawa. 8Lwanyuma umuleekelwa ukuundi uyo, uwanyoowa khukhwoola khu ŋani, naye wenjilamo nio waabona, waafukiilila. 9Khulwekhuuba khukhwoolisa ano, abe sibamanyile bibyaronebwa bikhosefu ni biloma biri, alilamukha khukhwaama mu bafu ta. 10Baleekelwa belayo ingo waabwe.
Yesu abonekhela Malyamu Magadalena
(Matayo 28.9-10; Mako 16.9-11)
11Ne Malyamu waarama ibulafu we ŋani nga alila. N'aba nga ashiilila, bari eshenga mu ŋani, 12waabona bamalayika babili nga bakwaarire tsingubo tsiwaanga, nga bekhaale isi kumulaambo kwa Yesu kwaba. Umulala imurwe, ukuundi ibikyele. 13Baamureeba bari, “Mukhas'iwe, shiina kila ulikho ulila?” Wabeelamo ari, “Baarusile Umukasya wase mu ŋani, ne simanya isi bamureere ta.”
14N'amala khuuloma aryo, bari eshebukha, waabona Yesu nga weemikhile awo, ne waalekha khumanya ari niye Yesu ta. 15Yesu waamureeba ari, “Mukhas'iwe, shiina kila ulikho ulila? Ulikho uweentsa naanu?” Malyamu wamwaambasilisa khuuba nga niye uulima mu mukuunda ukwo. Waamuloma ari, “Paapa, noola iwe niye umwinyusilemo, n'umboolele isi umureere, kane intsye imuruseyo.”
16Yesu waamulaanga ari, “Malyamu!” Malyamu weshebukha waamuloma mu lulimi Luheburaniya ari, “Rabboni!”, Shishimanyisa shili “Umuleekeli.”
17Yesu waamuloma ari, “Ukhaantsihambakho ta, khulwekhuuba ishiili khuniina mwikulu isi Paapa wase ta. Ne n'utsye isi babandaayase baase, ubaboolele uri indikho iniina isi Paapa wase, naluundi Paapa wenywe, isi Wele wase, naluundi Wele wenywe.”
18Malyamu Magadalena waatsya waaboolela baleekelwa ari, “Imboone Umukasya!” Naluundi waababoolela bilomo byeesi Yesu aamuboolela.
Yesu abonekhela baleekelwa beewe
(Matayo 28.16-20; Mako 16.14-18; Luka 24.36-49)
19Lwanyuma lwe shifukhu sha Sabiti sheene isho, nga antsye bulikho bwilabula, abe baleekelwa ba Yesu beyikaliile mu ntsu, khulwe khuurya Bayudaaya. Yesu weetsa wabeemamo akari waabaloma ari, “Lukoosi lube ni nanywe.” 20N'amala khuuloma aryo, waabokesa tsimbaaso tsye khu bikalabo byeewe, ni lubaaso lwe mu mbafu. Baleekelwa bekhoya naabi, ni baabona Umukasya. 21Yesu waabaloma luundi ari, “Lukoosi lube ni nanywe. Nga Paapa n'andumana ise, ni nase ari imbarumana inywe.” 22N'amala ibyo, waababiitakho kumuukha, waabaloma ari, “Ni mufune Umwoyo Umukhosefu. 23#Mat 16.19; 18.18Abo boosi beesi kane mwiyakhilatsake bibyoonako byaabwe, kane bibeyakhilwe; ne abo boosi beesi mukane mulekhe khukhwiyakhila bibyoonako byaabwe, singene bibeyakhilwe ta.”
Yesu ni Tomasi
24Mutweela khu baleekelwa liikhumi na babili, ulaangibwa Tomasi, namwe Mukhwana, s'aba ni baashe nga Yesu n'etsa ta. 25Kila baleekelwa baashe bamuboolela bari, “Ifwe khuboone Umukasya.”
Ne Tomasi waabaloma ari, “Khurusakho nga naboone tsimbaaso tsye kimisumaali khu bikalabo byeewe; imaambe lulwaala lwase mu mbaaso itso, naluundi nga nakhutiila lulwaala lwase mu lubaaso lwe mu mbafu mweewe, s'inyala naafukiilila ta.”
26Ne lwanyuma lwe bifukhu shinaane, baleekelwa ba Yesu ndi luundi abe beyikaliile mu ntsu, kwaluno nga Tomasi ali ni nabo. Akhaba nga kimilyango kyaba kimikale, Yesu weetsa weema akari aabwe, waabaloma ari, “Lukoosi lube ni nanywe.” 27Waaloma Tomasi ari, “N'ureere lulwaala lwoowo, ulutiile ano. N'ubone tsimbaaso tsye khu bikalabo byase. N'ureere kumukhono kwoowo utiile mu mbafu mwase. Ukhaba ni khukhwiririkana ta, ne n'ufukiilile.”
28Tomasi weelamo ari, “Uli Umukasya wase, naluundi uli Wele wase.”
29Yesu waamureeba ari, “Ufukiilila khulwekhuuba wamboonekho? Nga bali ni tsingabi abo babafukiilila nga bashiili khumbonakho ta.”
Shitsilililwa she shitabo shino
30Yesu akhola bye kamakaanga bibiindi bikali mu moni tsye baleekelwa beewe, bibikhaaronebwa mu burone buno ta. 31Ne bino byaronebwa nio iwe ufukiilile uri Yesu niye Kristo, Umwaana wa Wele; ni khuubirira mu khufukiilila ukhwo, ube ni bulamu khulweewe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.