Cakirok 20
20
Abraham gi Abimelek
1Wok kenyo Abraham okidho yupiny ma Kanan to bedo kenyo, i dier Kades gi Sur. Rumacen munyo bedo i Gerar, 2owaco ni Sara cege oyido obedo nyamin. Ameno kere Abimelek ma Gerar owaco ni wokel Sara wobedi cege. 3Wor acel Were onenere ri Abimelek i lek, aka owaco rigo ni, “Neni itieko tho rupiri dhako m'ibedo gine otieko nywomere.”
4To Abimelek oyido fodi k'ocore cegin gi Sara, aka owaco ni, “Rwoth, inoneki ji ma bubanja? 5Abraham won ama owaco ni go nyamin an, to Sara bende waco ni go omin an. I lonyo mar'adundo paran kodi ngoye g'apuse i cingan atimo gime.”
6Kenyo Were odwoko ni, “Ey, aŋeyo ni itimo gime i lonyo mar'adundo perin, aka aŋat'ageŋin timo reco kwoŋan; riameno akiyeyin geyo go. 7Pama onyo, dwoki dhako no ri cwore, rupiri go obedo jatuci wac Were, aka bino kwayo rin, ŋey ikir'itho. To k'ikidwoko go, ŋey nike ibino tho gi kisi gimoro perin je.”
8Ameno Abimelek oay odikin maŋic swa, aka olwoŋo jodhum pere to waco rijo gim'oyido otimere je; aka jobwok swa. 9Kenyo Abimelek olwoŋo Abraham, aka owaco rigo ni, “Aŋo m'itimo riwan me? Raco aŋo m'atimo rin m'omiyo ikelo kwoŋan gi ker paran teko me? Itimo ran gim'oyido kiber ni itimi ran.” 10To Abimelek waco ri Abraham ni, “Oyido iparo kwoŋ aŋo m'omiyin itimo gime?”
11Abraham odwoko ni, “Atimo rupiri oyido aparo ni ji ma ka jokilwor Were kada mathin, aka jobino nekan ro dhako paran. 12Go obedo adieri nyamin an, nyar baba, to ki nyar mama, aka go olokere dhako paran. 13To munyo Were omiyan woth weyo ot pa baba, awaco rigo ni, ‘Me a wor m'amito ni itim ran; kisi kama watund'iye, wac ni abedo omin in.’ ”
14Kenyo Abimelek odwoko ri Abraham Sara, aka bende okwanyo rombo gi dhok, kodi ŋecin to miyo Abraham. 15Aka Abimelek owaco ri Abraham ni, “Neni, lowo paran gipi ee, bedi kam'imito je.” 16To Abimelek doko waco ri Sara ni, “Neni, amiyo omin in nusu ma feza gana acel paka ranyuth ni ingoye gi banja, aka kisi nyatoro je bino ŋeyo ni ikitimo gimarac.”
17Kenyo Abraham okwayo Were, aka Were obotho Abimelek, cege, kodi ŋecin pere ma mon ŋey jowonywol nyithindho 18rupiri Rwoth oyido ocego iy mon je ma ot pa Abimelek ro Sara cipa Abraham.
Currently Selected:
Cakirok 20: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Cakirok 20
20
Abraham gi Abimelek
1Wok kenyo Abraham okidho yupiny ma Kanan to bedo kenyo, i dier Kades gi Sur. Rumacen munyo bedo i Gerar, 2owaco ni Sara cege oyido obedo nyamin. Ameno kere Abimelek ma Gerar owaco ni wokel Sara wobedi cege. 3Wor acel Were onenere ri Abimelek i lek, aka owaco rigo ni, “Neni itieko tho rupiri dhako m'ibedo gine otieko nywomere.”
4To Abimelek oyido fodi k'ocore cegin gi Sara, aka owaco ni, “Rwoth, inoneki ji ma bubanja? 5Abraham won ama owaco ni go nyamin an, to Sara bende waco ni go omin an. I lonyo mar'adundo paran kodi ngoye g'apuse i cingan atimo gime.”
6Kenyo Were odwoko ni, “Ey, aŋeyo ni itimo gime i lonyo mar'adundo perin, aka aŋat'ageŋin timo reco kwoŋan; riameno akiyeyin geyo go. 7Pama onyo, dwoki dhako no ri cwore, rupiri go obedo jatuci wac Were, aka bino kwayo rin, ŋey ikir'itho. To k'ikidwoko go, ŋey nike ibino tho gi kisi gimoro perin je.”
8Ameno Abimelek oay odikin maŋic swa, aka olwoŋo jodhum pere to waco rijo gim'oyido otimere je; aka jobwok swa. 9Kenyo Abimelek olwoŋo Abraham, aka owaco rigo ni, “Aŋo m'itimo riwan me? Raco aŋo m'atimo rin m'omiyo ikelo kwoŋan gi ker paran teko me? Itimo ran gim'oyido kiber ni itimi ran.” 10To Abimelek waco ri Abraham ni, “Oyido iparo kwoŋ aŋo m'omiyin itimo gime?”
11Abraham odwoko ni, “Atimo rupiri oyido aparo ni ji ma ka jokilwor Were kada mathin, aka jobino nekan ro dhako paran. 12Go obedo adieri nyamin an, nyar baba, to ki nyar mama, aka go olokere dhako paran. 13To munyo Were omiyan woth weyo ot pa baba, awaco rigo ni, ‘Me a wor m'amito ni itim ran; kisi kama watund'iye, wac ni abedo omin in.’ ”
14Kenyo Abimelek odwoko ri Abraham Sara, aka bende okwanyo rombo gi dhok, kodi ŋecin to miyo Abraham. 15Aka Abimelek owaco ri Abraham ni, “Neni, lowo paran gipi ee, bedi kam'imito je.” 16To Abimelek doko waco ri Sara ni, “Neni, amiyo omin in nusu ma feza gana acel paka ranyuth ni ingoye gi banja, aka kisi nyatoro je bino ŋeyo ni ikitimo gimarac.”
17Kenyo Abraham okwayo Were, aka Were obotho Abimelek, cege, kodi ŋecin pere ma mon ŋey jowonywol nyithindho 18rupiri Rwoth oyido ocego iy mon je ma ot pa Abimelek ro Sara cipa Abraham.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.