Cakirok 35
35
Were miyo Yakobo silwany i Bethel
1Were owaco ri Yakobo ni, “Ay malo ikadhi malo i Bethel, aka igeti kenyo migam ri Were m'omenyere rin munyo ikwale kwoŋ omin in Esau.” 2Ameno Yakobo owaco ri jopeco pere kodi jono je m'oyido nitie gi go ni, “Kethi win gicen werin pa jopath ma jonitie i dier win, aka wilokere maleŋ to wiwiro ruk mewin. 3Walaay ka to wakidho malo i Bethel, ŋey ageti kenyo migam ri Were m'odwokan i ndelo ma kidamba paran aka otieko bedo kodan kisi kam'atieko kidh'iye.” 4Ameno jomiyo Yakobo werin pa jopath je, kodi milom m'oyido ni ithi jo; aka Yakobo okano jo i tiendi olwa m'oyido nitie cegin gi Sekem.
5Aka munyo jowotho, lworo madwoŋ wok bongi Were opodho kwoŋ tindin madongo m'oyido cegin kenyo, ma jok'onyalo riemo wot Yakobo. 6Yakobo gi ji m'oyido go nitie gine jotundo i Luz (Bethel), manitie i piny Kanan, 7aka ogeto kenyo migam to lwoŋo kabedo no ni El Bethel,#35:7 El Bethel Were ma Bethel rupiri kenyo Were oyido onyuthere rigo munyo oringo kwoŋ omin. 8Aka Debora ŋeca pa Rebeka otho kenyo t'iyiko go i tiendi olwa i Bethel; ameno olwoŋi kenyo ni Alon Bakuth.#35:8 Alon Bakuth Olwa ma ywak
9Were omenyere ri Yakobo kendo munyo go owok Padanaram, aka omiyo go silwany. 10#Cak 32:29Aka Were owaco rigo ni, “Nyingin Yakobo; doko nyingin k'olwoŋ ni Yakobo, to Isiraili bino bedo nyingin.” Ameno nyinge ilwoŋo ni Isiraili. 11#Cak 17:4-8Aka Were owaco rigo ni, “Abedo Were Majameni je. Nywol inyay; nonin lawok kwoŋin, aka ilabedo kwari kerin. 12Lowo m'amiyo Abraham gi Isaka alamiyin, aka abino miyo nyikwayin ma joluwin.” 13Kenyo Were okadho malo wok bongi Yakobo i kabedo ma Were oluw'iye gine. 14#Cak 28:18,19Aka Yakobo ogeto kenyo kama Were oluw'iye gine siro ma tele; aka okonjo i wiye vini gi mo. 15Ameno Yakobo olwoŋo kabedo ma Were oluw'iye gine ni Bethel.
Nywolirok pa Benyamin gi tho pa Laker
16Kenyo jowotho wok Bethel, aka munyo fodi jonitie bor ye gi Efrath, ŋedi ocakere gi Laker to nywol bedo rigo matek. 17Munyo litho pere ma nywol omedere, dhako ma colo mon owaco rigo ni, “Ikir'ilwor, rupiri onyo ilabedo gi wodin.” 18Aka munyo cunye cot (rupiri go otho) ocwoko nyinge ni Benon#35:18 Benon Wodan ma rembo paran aka bamere ocwoko nyinge ni Benyamin.#35:18 Benyamin Nyingi jo me i dhohiburu dwoŋ mere ni wodan ma labedo jasilwany
19Ameno Laker otho, aka oyiki go i yo ma kidho Efrath (meno Bethelehem) 20Yakobo ogeto siro i wi kaliel pere; obedo siro ma kayik pa Laker, aka nitie kiri konon. 21Yakobo owotho, aka ogero wema pere kalo acurcur ma Eder.
Wot Yakobo
(1 Kigana 2:1-2)
22 #
Cak 49:4
Munyo Yakobo bedo i piny no, Ruben okidho to nindo gi Biliha, malaya pa bamere, aka Yakobo owinjo kwoŋe.
Onyo wot Yakobo oyido jonitie apar g'ario. 23Wot Leya; Ruben (kayo pa Yakobo), Simeo, Levi, Yuda, Isakar, kodi Zebulun. 24Wot Laker; Yozefu kodi Benyamin. 25Wot Biliha, ŋeca pa Laker; Dan gi Nafital. 26Wot Zilipa, ŋeca pa Leya; Gad gi Aser. Me wot Yakobo m'onywol rigo gi Padanaram.
Tho pa Isaka
27 #
Cak 13:18
Yakobo obino bongi bamere i Mamire, cegin gi Hebron, kama Abraham gi Isaka oyido jotieko bed'iye. 28Onyo Isaka oyido jaoro 180 29aka oywe macowe to tho munyo oti swa; to wote, Esau gi Yakobo joyiko go.
Currently Selected:
Cakirok 35: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Cakirok 35
35
Were miyo Yakobo silwany i Bethel
1Were owaco ri Yakobo ni, “Ay malo ikadhi malo i Bethel, aka igeti kenyo migam ri Were m'omenyere rin munyo ikwale kwoŋ omin in Esau.” 2Ameno Yakobo owaco ri jopeco pere kodi jono je m'oyido nitie gi go ni, “Kethi win gicen werin pa jopath ma jonitie i dier win, aka wilokere maleŋ to wiwiro ruk mewin. 3Walaay ka to wakidho malo i Bethel, ŋey ageti kenyo migam ri Were m'odwokan i ndelo ma kidamba paran aka otieko bedo kodan kisi kam'atieko kidh'iye.” 4Ameno jomiyo Yakobo werin pa jopath je, kodi milom m'oyido ni ithi jo; aka Yakobo okano jo i tiendi olwa m'oyido nitie cegin gi Sekem.
5Aka munyo jowotho, lworo madwoŋ wok bongi Were opodho kwoŋ tindin madongo m'oyido cegin kenyo, ma jok'onyalo riemo wot Yakobo. 6Yakobo gi ji m'oyido go nitie gine jotundo i Luz (Bethel), manitie i piny Kanan, 7aka ogeto kenyo migam to lwoŋo kabedo no ni El Bethel,#35:7 El Bethel Were ma Bethel rupiri kenyo Were oyido onyuthere rigo munyo oringo kwoŋ omin. 8Aka Debora ŋeca pa Rebeka otho kenyo t'iyiko go i tiendi olwa i Bethel; ameno olwoŋi kenyo ni Alon Bakuth.#35:8 Alon Bakuth Olwa ma ywak
9Were omenyere ri Yakobo kendo munyo go owok Padanaram, aka omiyo go silwany. 10#Cak 32:29Aka Were owaco rigo ni, “Nyingin Yakobo; doko nyingin k'olwoŋ ni Yakobo, to Isiraili bino bedo nyingin.” Ameno nyinge ilwoŋo ni Isiraili. 11#Cak 17:4-8Aka Were owaco rigo ni, “Abedo Were Majameni je. Nywol inyay; nonin lawok kwoŋin, aka ilabedo kwari kerin. 12Lowo m'amiyo Abraham gi Isaka alamiyin, aka abino miyo nyikwayin ma joluwin.” 13Kenyo Were okadho malo wok bongi Yakobo i kabedo ma Were oluw'iye gine. 14#Cak 28:18,19Aka Yakobo ogeto kenyo kama Were oluw'iye gine siro ma tele; aka okonjo i wiye vini gi mo. 15Ameno Yakobo olwoŋo kabedo ma Were oluw'iye gine ni Bethel.
Nywolirok pa Benyamin gi tho pa Laker
16Kenyo jowotho wok Bethel, aka munyo fodi jonitie bor ye gi Efrath, ŋedi ocakere gi Laker to nywol bedo rigo matek. 17Munyo litho pere ma nywol omedere, dhako ma colo mon owaco rigo ni, “Ikir'ilwor, rupiri onyo ilabedo gi wodin.” 18Aka munyo cunye cot (rupiri go otho) ocwoko nyinge ni Benon#35:18 Benon Wodan ma rembo paran aka bamere ocwoko nyinge ni Benyamin.#35:18 Benyamin Nyingi jo me i dhohiburu dwoŋ mere ni wodan ma labedo jasilwany
19Ameno Laker otho, aka oyiki go i yo ma kidho Efrath (meno Bethelehem) 20Yakobo ogeto siro i wi kaliel pere; obedo siro ma kayik pa Laker, aka nitie kiri konon. 21Yakobo owotho, aka ogero wema pere kalo acurcur ma Eder.
Wot Yakobo
(1 Kigana 2:1-2)
22 #
Cak 49:4
Munyo Yakobo bedo i piny no, Ruben okidho to nindo gi Biliha, malaya pa bamere, aka Yakobo owinjo kwoŋe.
Onyo wot Yakobo oyido jonitie apar g'ario. 23Wot Leya; Ruben (kayo pa Yakobo), Simeo, Levi, Yuda, Isakar, kodi Zebulun. 24Wot Laker; Yozefu kodi Benyamin. 25Wot Biliha, ŋeca pa Laker; Dan gi Nafital. 26Wot Zilipa, ŋeca pa Leya; Gad gi Aser. Me wot Yakobo m'onywol rigo gi Padanaram.
Tho pa Isaka
27 #
Cak 13:18
Yakobo obino bongi bamere i Mamire, cegin gi Hebron, kama Abraham gi Isaka oyido jotieko bed'iye. 28Onyo Isaka oyido jaoro 180 29aka oywe macowe to tho munyo oti swa; to wote, Esau gi Yakobo joyiko go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.