Cakirok 38
38
Kigana kwoŋ Yuda gi Tamar
1Otimere nike i hongo no Yuda oeye bongi wutmin go, to kidho bedo gi jal m'ilwoŋo ni Hira m'oyido wok i tindi Adulam. 2Kenyo Yuda onen'iye nyar Jakanan m'ilwoŋo ni Suwa; onywomo go to nindo gine. 3Suwa ogamo iye to nywolo wode, aka ocwoko nyinge ni Eri. 4Ogamo iye kendo to nywolo wode aka ocwoko nyinge ni Onan. 5Kendo go ogamo iye to nywolo wode, aka ocwoko nyinge ni Sela. Go oyido nitie i Kezib munyo nywolo Sela.
6Aka Yuda onywomo ri Eri wode makayo cege m'ilwoŋo ni Tamar. 7To Eri, wod pa Yuda makayo oyido jakidakana ruwaŋ Rwoth, to Rwoth neko go. 8Kenyo Yuda owaco ri wode Onan ni, “Kadhi inindi gi ciliendi omin in, aka itimi tic pa jacwo rigo, t'inywolo nyithindho r'omin in.” 9To Onan niaŋ ni nyithindho oyido jok'obedi apere, ameno munyo go okidho to nindo gi ciliendi omin, ojayo piny, ŋey wokiri wonywol r'omin. 10Aka gima go otimo k'osangala Rwoth to Rwoth neko go bende. 11Kenyo Yuda owaco ri Tamar ni, “Dok idoŋ citho i ot pa benin cuka wodan Sela odongi.” Owaco gime rupiri olworo ni Sela bende nyalo tho paka wutmin go. Ameno Tamar odok to bedo i ot pa bamere.
12I hongo moro cipa Yuda nyar Suwa otho. Munyo hongo ma ywak orumo, Yuda gi mere pere Hira ma Adulam jokidho Timina, kam'oyido oliel'iye rombo pere. 13Aka munyo owaci ri Tamar ni ba cwore oyido kidho Timina lielo rombo pere, 14olunyo nanga pere ma citho to umo waŋe gi kitambala to bedo i waŋkac ma donjo Enayim i yo ma kidho Timina; rupiri go oneno ni Sela oyido otieko odongo aka fodi k'omiy go i nywomirok.
15Munyo Yuda oneno go, oparo ni manago malaya, rupiri go oyido oumo waŋe. 16Okidho bonge i thengi royo to waco ni, “Biye anindi kodin.” Rupiri go oyido okuya ni manago ciwode.
Tamar openjo go ni, “Aŋo m'ilamiyan ŋey inindi kodan?”
17Yuda odwoko ni, “Aladhiro rin nyathi diel wok kwoŋ mwendi paran.”
Tamar odwoko ni, “Singa ran gimoro cuka inodhir ran diel.”
18Yuda openjo ni, “Ginaŋo m'anosinga rin?”
Tamar odwoko ni, “Peta perin manitie iye nyingin gi thol mere kodi luth manitie i cingin.” Yuda omiyo go to nindo gine aka ogamo iye. 19Tamar oay to kadho, aka ogonyo woko kitambala pere to ruko nanga pere ma citho.
20Yuda ooro mere pere Hira Jadulam gi nyathi diel, ŋey wojol gim'osinga wok i cingi dhako, to Hira k'onwaŋo go. 21Hira openjo cwo ma kabedo no ni, “Nikune malaya m'oyido nitie i Enayim i thengi royo?”
Cwo no jodwoko ni, “Fodi ongoye malaya m'obedo ka.”
22Ameno Hira ogik bongi Yuda aka owaco rigo ni, “Akinwaŋo go, aka kiri cwo ma Enayim jowaco ni fodi ongoye malaya m'obedo kenyo.”
23Yuda odwoko ni, “Weyi go wokur gigipiny no, paka apere, ji jokiri jowonyer wan. Adhiro rigo diel me, t'ikinwaŋo go.”
24Munyo dwe ma romo adek okadho, owaci ri Yuda ni, “Ciwodin Tamar otimere pa malaya, aka onyo ogamo iye.”
Yuda owaco ni, “Wodhi win go wowaŋ.”
25Munyo oyido iwodho go, Tamar odhiro wac ri ba cwore ni, “Won gigipiny me am'agamo gine iyan. Kaŋasa jo akinen ni apa ŋa, peta gi nyinge manitie i iye, thol kodi luth me.”
26Yuda oniaŋ kwoŋ jo aka owaco ni, “Go otire loyan, paka akimiyo go wodan Sela.” Aka Yuda doko k'onindo gine.
27Munyo hongo otundo rigo ma nywol, onwaŋere ni go oyido nitie gi ici ma rut. 28Aka munyo ŋedi ocakere gine, acel owodho cinge woko, aka jacol mon otweyo iye uzi m'obokere ka waco ni, “Me am'otelo wok.” 29To munyo odwoko cinge, neni omin go owok; aka jacol mon owaco ni, “Ameno apaka oturo yo pere woko!” Riameno ocwoki go ni Perez.#38:29 Perez Me dhohiburu ma nyutho tur woko 30Rumacen omin owok gi uzi m'obokere i cinge, aka ocwoki ni Zera.#38:30 Zera Me dhohiburu nyutho lero m'obokere ka ŋamba riedo kosa i keko
Currently Selected:
Cakirok 38: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Cakirok 38
38
Kigana kwoŋ Yuda gi Tamar
1Otimere nike i hongo no Yuda oeye bongi wutmin go, to kidho bedo gi jal m'ilwoŋo ni Hira m'oyido wok i tindi Adulam. 2Kenyo Yuda onen'iye nyar Jakanan m'ilwoŋo ni Suwa; onywomo go to nindo gine. 3Suwa ogamo iye to nywolo wode, aka ocwoko nyinge ni Eri. 4Ogamo iye kendo to nywolo wode aka ocwoko nyinge ni Onan. 5Kendo go ogamo iye to nywolo wode, aka ocwoko nyinge ni Sela. Go oyido nitie i Kezib munyo nywolo Sela.
6Aka Yuda onywomo ri Eri wode makayo cege m'ilwoŋo ni Tamar. 7To Eri, wod pa Yuda makayo oyido jakidakana ruwaŋ Rwoth, to Rwoth neko go. 8Kenyo Yuda owaco ri wode Onan ni, “Kadhi inindi gi ciliendi omin in, aka itimi tic pa jacwo rigo, t'inywolo nyithindho r'omin in.” 9To Onan niaŋ ni nyithindho oyido jok'obedi apere, ameno munyo go okidho to nindo gi ciliendi omin, ojayo piny, ŋey wokiri wonywol r'omin. 10Aka gima go otimo k'osangala Rwoth to Rwoth neko go bende. 11Kenyo Yuda owaco ri Tamar ni, “Dok idoŋ citho i ot pa benin cuka wodan Sela odongi.” Owaco gime rupiri olworo ni Sela bende nyalo tho paka wutmin go. Ameno Tamar odok to bedo i ot pa bamere.
12I hongo moro cipa Yuda nyar Suwa otho. Munyo hongo ma ywak orumo, Yuda gi mere pere Hira ma Adulam jokidho Timina, kam'oyido oliel'iye rombo pere. 13Aka munyo owaci ri Tamar ni ba cwore oyido kidho Timina lielo rombo pere, 14olunyo nanga pere ma citho to umo waŋe gi kitambala to bedo i waŋkac ma donjo Enayim i yo ma kidho Timina; rupiri go oneno ni Sela oyido otieko odongo aka fodi k'omiy go i nywomirok.
15Munyo Yuda oneno go, oparo ni manago malaya, rupiri go oyido oumo waŋe. 16Okidho bonge i thengi royo to waco ni, “Biye anindi kodin.” Rupiri go oyido okuya ni manago ciwode.
Tamar openjo go ni, “Aŋo m'ilamiyan ŋey inindi kodan?”
17Yuda odwoko ni, “Aladhiro rin nyathi diel wok kwoŋ mwendi paran.”
Tamar odwoko ni, “Singa ran gimoro cuka inodhir ran diel.”
18Yuda openjo ni, “Ginaŋo m'anosinga rin?”
Tamar odwoko ni, “Peta perin manitie iye nyingin gi thol mere kodi luth manitie i cingin.” Yuda omiyo go to nindo gine aka ogamo iye. 19Tamar oay to kadho, aka ogonyo woko kitambala pere to ruko nanga pere ma citho.
20Yuda ooro mere pere Hira Jadulam gi nyathi diel, ŋey wojol gim'osinga wok i cingi dhako, to Hira k'onwaŋo go. 21Hira openjo cwo ma kabedo no ni, “Nikune malaya m'oyido nitie i Enayim i thengi royo?”
Cwo no jodwoko ni, “Fodi ongoye malaya m'obedo ka.”
22Ameno Hira ogik bongi Yuda aka owaco rigo ni, “Akinwaŋo go, aka kiri cwo ma Enayim jowaco ni fodi ongoye malaya m'obedo kenyo.”
23Yuda odwoko ni, “Weyi go wokur gigipiny no, paka apere, ji jokiri jowonyer wan. Adhiro rigo diel me, t'ikinwaŋo go.”
24Munyo dwe ma romo adek okadho, owaci ri Yuda ni, “Ciwodin Tamar otimere pa malaya, aka onyo ogamo iye.”
Yuda owaco ni, “Wodhi win go wowaŋ.”
25Munyo oyido iwodho go, Tamar odhiro wac ri ba cwore ni, “Won gigipiny me am'agamo gine iyan. Kaŋasa jo akinen ni apa ŋa, peta gi nyinge manitie i iye, thol kodi luth me.”
26Yuda oniaŋ kwoŋ jo aka owaco ni, “Go otire loyan, paka akimiyo go wodan Sela.” Aka Yuda doko k'onindo gine.
27Munyo hongo otundo rigo ma nywol, onwaŋere ni go oyido nitie gi ici ma rut. 28Aka munyo ŋedi ocakere gine, acel owodho cinge woko, aka jacol mon otweyo iye uzi m'obokere ka waco ni, “Me am'otelo wok.” 29To munyo odwoko cinge, neni omin go owok; aka jacol mon owaco ni, “Ameno apaka oturo yo pere woko!” Riameno ocwoki go ni Perez.#38:29 Perez Me dhohiburu ma nyutho tur woko 30Rumacen omin owok gi uzi m'obokere i cinge, aka ocwoki ni Zera.#38:30 Zera Me dhohiburu nyutho lero m'obokere ka ŋamba riedo kosa i keko
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.