Matááyo 9
9
Yíésu máá héljoká bisie
1Yíésu kadich hile, ílung ˈdaatí yé ki ˈjie, ˈjienle ki ˈjie. 2Ál kinaal gálaat máá héljoká rokoˈd ˈdu gáá iifite, mú Yíésu ˈdu gáá eey. Yíésu gáál iiy yeenle argeká máá giri héljoká geey, kieye, Inychú, ha geer mare ˈgíiny! Ađaabanokú yáá ko gaa eey, yie. 3Ál kinaal gál gálaat nyatalaam oonisuoká ˈbaal gerle ki tawue, kieye, E mu Waag chaara! yie. 4Yíésu gáál tawunyle kimiteká kieye, Háteka hí hé ˈdeđewká ger ki taawuyyáal? 5Hé máre súm hawul man yú hogodho? He in ađaabanokú yáá ko gaa eeyyo, yú yeedhee? Ebá keʼ, sí, yú yeedhe? 6Aaléka, yáá Iny Máádhátallá hát kansim yáálle lésalláka gálaat ađaabano gaa egewká ˈguoká dhaayyíe, muí gáál yie. Yíésu đo máá héljo kinaal geey, kieye, Les gaa keʼ, rokoˈdkú éew, énykú mé naʼ, yie. 7Aalé máá giri héljoká đo les gaa kie, ényle mé nie. 8Nyésébích ál kinaal ˈgieká mu les gaa kie-, argeká he af ˈdabe, neey, kor gaal Waag gálaat fargoginsam hat kinaallóóllá shiicheká meey.
Yíésu Matááyo máá lalille hote
9Yíésu ál kinaal gaa kie, sienylé gaa igireká máá gálaat gibíre gaa gugusat-, gaalí Matááyo yegie mare arge, mu ˈbíl gibireká gaa ija. Aalé Yíésu mú geey, kieye, Ye el gáá véer, yie. Matááyo đo kie, mú el gaa veere.
10Aalé Yíésu hátlé ˈbíl Mataayo gaa ije-, ubaa lalille golmoteká, gál gusachietká ubaa gál ađaabano ˈguoká úba ká yimie, gáál hol ˈgar gololte. 11Gál Farisaay héél argeká lali Yiesu heete, kieye, Máá kíchia hí he oonisuoká in háte he ˈdie? Máá gál gusachiet ubaa gál ađaabano ˈguo-, ke hol af ma gaa kokonyká hol af gaa kokúol! yie. 12Yíésu hé kinaal maalleká kieye, Gál fayyáká hé gilóny ma fediny, gál basham ˈguoká in gilóny fede. 13Aaléka, sedhíe, Waag ˈdeenylé kieye, Yú itín hí gálaat geer guurá ka ˈgayyaká hí gaa fede, yáá suor hí ma gaa fediny,#9:13 Hoséya 6:6 chieká, hélle eiy naatíe. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, muí gáál yie.
Lali Yuana Yíésu af hisan hélle yiete
14Aalé Yuána gálaat bie gim nannieká lalille Yíésu ˈdú sedhe, mú heete, kieye, Nyiin ubaa gál Farisaay af burnayká nyí af higisata, tá háteka lalikú íín af ma higisanal? gaalí yie. 15Yíésu gáál ˈdéé hol ˈdú nie, kieye, máá eedhdheká háteeye gál shien ki kiere-, he hol af ijoká geer hí gaa ˈdeđendhe? Hé ger hí ma gaa ˈdeđenen. Kúlích máá eedhdhe kinaal Waag hí gálaat hurt gaa egeetoká ali hai kí ˈdeenne, bár kinaallá in gaal af higita. 16Hé máá níínní đafar káánaká toort gáá muuro-, toort đafar guđanteká ki ˈdaraanká mán. Hat muí hát kinaal koyka, toort đo súmmo he đafar guđanteká eiy ˈgiˈgidhicha. 17Héétí gálaat hé ˈduuny vinna kaana-, hátle ma kárinyká orgom guguđandheká ma fafiny.#9:17 Gál bar kinaalloká issam he shomodhaam gaa dhaawká he ˈduuny vinnaká fafadhdhe. ˈDuuny vinnáállá bershó gaalí tág gaa nanate. Har gaalí fieka, ˈduu he kareka, orgom đo eiyyo fufuadhe, ˈduu hai okoˈde, orgom đo hujich hai ˈdabe. Gálaat ˈdaaka ˈduuny vinna kaanaká orgomlé kaanaká fafaa, hát kinaallá in ˈduu ubaa orgom ma ˈdeđenen, Yíésu hí gáál yie.
Yíésu ini loolnoy, min hí đafar net chirateká úba fayansie
18Aalé Yíésu ˈdeeny kinaal huogodheká, gál Yuuˈdi máállé kansich mare hí ˈdu gáá yimie, mú met les kurram gaa ˈdoy, mú ruogone, kieye, Ini chia ninni hé káánallá eiy ˈgeyye, gillo yú ko ki efe, kí énychú siet, inichú gílkú ˈdú íífish, ini hí loolnot, yie. 19Aaléka, Yíésu ubaa lalille kie, mú hol eedhdhe. 20Min warram tomon a naam-, fas hí hawul gaa ˈgiedhe mare Yíésu mé il ˈgar siete, mú đafar net đig chie, 21tawunyleka kieye, Yú mú đafarle đig yieka, yú đo ha bie, chie. 22Aalé Yíésu hol gáá made, min ki fuˈjie, kieye, Veelééllo, ha geer mare ˈgíiny! Iiy yeen kua ye iiy chíéllá hé ko bisiche, yie. Min đo tíkíˈdé kinaallá fayante. 23Aalé Yíésu ény máá giri kansichká hileká mu gál fuorisam ˈdaraan-, ubaa gál burnay-, bebemeká argeká, mu gáál geey, kieye, 24ˈBíl yé gaa ˈdée, ini hé mán ma chéen, ini hai rayye, yie. Gaal đo mú ˈdeenyléél eeshey. 25Aalé nyesebich gaalí ˈbíl yé gaa ˈdeeyká, Yíésu ˈbíl geer ini hí gaa iiyyeká hile, ini gíl chiˈde, ini đo les gaa kiiyye. 26Fayaméél lés kinaal geerle lulle eiy bash ki chie.
Yíésu gál in maamanká in yé ká ˈdeey, máá af mánká af yé ká ˈdeey
27Yíésu ál kinaal gaa kie. Sienylé gaa igireká gál naama-, in maamannay mare hí el gaa veere, gaal kúóˈd ˈdoy, kieye, Iny ˈDawuˈdallo,#9:27 Iny ˈDawuˈd hélle kieye, máá ˈbíl íl ˈDawuˈd. nyí ˈdú ˈjé! yie. 28Yíésu ˈbíl hileká gál naama kinaal hí ˈdú sedhe. Yíésu gáál heete, kieye, Hé hí ye gaa feˈdééllá hát yú ekemeyoká it iiy chíe? yie. Gaal kieye, Iiy-hí, Máá Guđo, nyáá nyí iiy chie, gaalí mú yie. 29Yíésu gáál in gaa chiichiˈde, kieye, He hí hát hí iiy chíéllá yeet, yie. 30Gaal đo biiy gaa arge. Aalé Yíésu gáál il gíl gaa helie, kieye, Haí hééllá máádhat géeny, yie. 31Kor gaal kieká đo fayam Yiesúúl les lulle eiy bash ki hoy.
32Gál Yíésu hí in yé ká ˈdeey kinaal hátlé kieká, gálaat Yíésu máá aryáán hí hille-, aryáán hí af ˈdabsiche mare mú ˈdu gáá eey. 33Mu tikiˈde Yíésu hí aryáán yé gaa ˈdeđúóllá đo ˈdéé huogodhe. Gálaat he af hiibidhme, kieye, Hé hatallóóllá hé kálta gaalí Yísirayel ma gaa árginy, yie.
34Aalé gál Farisaay íín kieye, Mu aryáán kánsíchle fargogintle in aryáán yiem ki ˈdeđia, yie.
Gál burnay-, fayam Waaˈgiet gálaat ki ˈdiyeenká alb fímlé
35Aalé Yíésu ˈjien ubaa forim lulle gaa sedhe, mu gálaat énylé ˈdiiyiminyká Fayam Midhab Guch Waaˈgietká gaa ˈdiiyime, gálaat basham ubaa fursam met lulle gaa eey. 36Mu nyesebim argeká nyesebim geer hí ˈdú gudhdhe, ˈdaa giri gaal hát wala máá hí ˈdeˈdeen mánká ka ˈgie-, hát ˈdabe-, mé hí guđandheká. 37Aalé mu lalille geey, kieye, ˈGuom hiteká hé tág guđo, tá gál hí mumuroká íín hé iraam mán.#9:37 ˈDéé hót Yiesúúllá hélle kieye, Gál Waag iiy yegetká hé burnayká, kor gál hí fayam Waaˈgiet ki ˈdiyeenká hé iraam mánno, he cheedhe. 38Máá Guđo-, ˈguom léká heetíe, muí gállé hí hujich ki nannuoká lesam ali ˈdú fuo, gaal hí mú ˈguom kí muro,#9:38 Gaal hí mú ˈguom kí muróóllá hélle kieye, gálaat fayam Waaˈgiet ki ˈdiiyiminy, gálaat Waag ˈdu gáá eeny. Yíésu hí gáál yie.
Currently Selected:
Matááyo 9: dsh
Highlight
Share
Copy
Want to have your highlights saved across all your devices? Sign up or sign in
Bible Translation and Literacy
Matááyo 9
9
Yíésu máá héljoká bisie
1Yíésu kadich hile, ílung ˈdaatí yé ki ˈjie, ˈjienle ki ˈjie. 2Ál kinaal gálaat máá héljoká rokoˈd ˈdu gáá iifite, mú Yíésu ˈdu gáá eey. Yíésu gáál iiy yeenle argeká máá giri héljoká geey, kieye, Inychú, ha geer mare ˈgíiny! Ađaabanokú yáá ko gaa eey, yie. 3Ál kinaal gál gálaat nyatalaam oonisuoká ˈbaal gerle ki tawue, kieye, E mu Waag chaara! yie. 4Yíésu gáál tawunyle kimiteká kieye, Háteka hí hé ˈdeđewká ger ki taawuyyáal? 5Hé máre súm hawul man yú hogodho? He in ađaabanokú yáá ko gaa eeyyo, yú yeedhee? Ebá keʼ, sí, yú yeedhe? 6Aaléka, yáá Iny Máádhátallá hát kansim yáálle lésalláka gálaat ađaabano gaa egewká ˈguoká dhaayyíe, muí gáál yie. Yíésu đo máá héljo kinaal geey, kieye, Les gaa keʼ, rokoˈdkú éew, énykú mé naʼ, yie. 7Aalé máá giri héljoká đo les gaa kie, ényle mé nie. 8Nyésébích ál kinaal ˈgieká mu les gaa kie-, argeká he af ˈdabe, neey, kor gaal Waag gálaat fargoginsam hat kinaallóóllá shiicheká meey.
Yíésu Matááyo máá lalille hote
9Yíésu ál kinaal gaa kie, sienylé gaa igireká máá gálaat gibíre gaa gugusat-, gaalí Matááyo yegie mare arge, mu ˈbíl gibireká gaa ija. Aalé Yíésu mú geey, kieye, Ye el gáá véer, yie. Matááyo đo kie, mú el gaa veere.
10Aalé Yíésu hátlé ˈbíl Mataayo gaa ije-, ubaa lalille golmoteká, gál gusachietká ubaa gál ađaabano ˈguoká úba ká yimie, gáál hol ˈgar gololte. 11Gál Farisaay héél argeká lali Yiesu heete, kieye, Máá kíchia hí he oonisuoká in háte he ˈdie? Máá gál gusachiet ubaa gál ađaabano ˈguo-, ke hol af ma gaa kokonyká hol af gaa kokúol! yie. 12Yíésu hé kinaal maalleká kieye, Gál fayyáká hé gilóny ma fediny, gál basham ˈguoká in gilóny fede. 13Aaléka, sedhíe, Waag ˈdeenylé kieye, Yú itín hí gálaat geer guurá ka ˈgayyaká hí gaa fede, yáá suor hí ma gaa fediny,#9:13 Hoséya 6:6 chieká, hélle eiy naatíe. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, muí gáál yie.
Lali Yuana Yíésu af hisan hélle yiete
14Aalé Yuána gálaat bie gim nannieká lalille Yíésu ˈdú sedhe, mú heete, kieye, Nyiin ubaa gál Farisaay af burnayká nyí af higisata, tá háteka lalikú íín af ma higisanal? gaalí yie. 15Yíésu gáál ˈdéé hol ˈdú nie, kieye, máá eedhdheká háteeye gál shien ki kiere-, he hol af ijoká geer hí gaa ˈdeđendhe? Hé ger hí ma gaa ˈdeđenen. Kúlích máá eedhdhe kinaal Waag hí gálaat hurt gaa egeetoká ali hai kí ˈdeenne, bár kinaallá in gaal af higita. 16Hé máá níínní đafar káánaká toort gáá muuro-, toort đafar guđanteká ki ˈdaraanká mán. Hat muí hát kinaal koyka, toort đo súmmo he đafar guđanteká eiy ˈgiˈgidhicha. 17Héétí gálaat hé ˈduuny vinna kaana-, hátle ma kárinyká orgom guguđandheká ma fafiny.#9:17 Gál bar kinaalloká issam he shomodhaam gaa dhaawká he ˈduuny vinnaká fafadhdhe. ˈDuuny vinnáállá bershó gaalí tág gaa nanate. Har gaalí fieka, ˈduu he kareka, orgom đo eiyyo fufuadhe, ˈduu hai okoˈde, orgom đo hujich hai ˈdabe. Gálaat ˈdaaka ˈduuny vinna kaanaká orgomlé kaanaká fafaa, hát kinaallá in ˈduu ubaa orgom ma ˈdeđenen, Yíésu hí gáál yie.
Yíésu ini loolnoy, min hí đafar net chirateká úba fayansie
18Aalé Yíésu ˈdeeny kinaal huogodheká, gál Yuuˈdi máállé kansich mare hí ˈdu gáá yimie, mú met les kurram gaa ˈdoy, mú ruogone, kieye, Ini chia ninni hé káánallá eiy ˈgeyye, gillo yú ko ki efe, kí énychú siet, inichú gílkú ˈdú íífish, ini hí loolnot, yie. 19Aaléka, Yíésu ubaa lalille kie, mú hol eedhdhe. 20Min warram tomon a naam-, fas hí hawul gaa ˈgiedhe mare Yíésu mé il ˈgar siete, mú đafar net đig chie, 21tawunyleka kieye, Yú mú đafarle đig yieka, yú đo ha bie, chie. 22Aalé Yíésu hol gáá made, min ki fuˈjie, kieye, Veelééllo, ha geer mare ˈgíiny! Iiy yeen kua ye iiy chíéllá hé ko bisiche, yie. Min đo tíkíˈdé kinaallá fayante. 23Aalé Yíésu ény máá giri kansichká hileká mu gál fuorisam ˈdaraan-, ubaa gál burnay-, bebemeká argeká, mu gáál geey, kieye, 24ˈBíl yé gaa ˈdée, ini hé mán ma chéen, ini hai rayye, yie. Gaal đo mú ˈdeenyléél eeshey. 25Aalé nyesebich gaalí ˈbíl yé gaa ˈdeeyká, Yíésu ˈbíl geer ini hí gaa iiyyeká hile, ini gíl chiˈde, ini đo les gaa kiiyye. 26Fayaméél lés kinaal geerle lulle eiy bash ki chie.
Yíésu gál in maamanká in yé ká ˈdeey, máá af mánká af yé ká ˈdeey
27Yíésu ál kinaal gaa kie. Sienylé gaa igireká gál naama-, in maamannay mare hí el gaa veere, gaal kúóˈd ˈdoy, kieye, Iny ˈDawuˈdallo,#9:27 Iny ˈDawuˈd hélle kieye, máá ˈbíl íl ˈDawuˈd. nyí ˈdú ˈjé! yie. 28Yíésu ˈbíl hileká gál naama kinaal hí ˈdú sedhe. Yíésu gáál heete, kieye, Hé hí ye gaa feˈdééllá hát yú ekemeyoká it iiy chíe? yie. Gaal kieye, Iiy-hí, Máá Guđo, nyáá nyí iiy chie, gaalí mú yie. 29Yíésu gáál in gaa chiichiˈde, kieye, He hí hát hí iiy chíéllá yeet, yie. 30Gaal đo biiy gaa arge. Aalé Yíésu gáál il gíl gaa helie, kieye, Haí hééllá máádhat géeny, yie. 31Kor gaal kieká đo fayam Yiesúúl les lulle eiy bash ki hoy.
32Gál Yíésu hí in yé ká ˈdeey kinaal hátlé kieká, gálaat Yíésu máá aryáán hí hille-, aryáán hí af ˈdabsiche mare mú ˈdu gáá eey. 33Mu tikiˈde Yíésu hí aryáán yé gaa ˈdeđúóllá đo ˈdéé huogodhe. Gálaat he af hiibidhme, kieye, Hé hatallóóllá hé kálta gaalí Yísirayel ma gaa árginy, yie.
34Aalé gál Farisaay íín kieye, Mu aryáán kánsíchle fargogintle in aryáán yiem ki ˈdeđia, yie.
Gál burnay-, fayam Waaˈgiet gálaat ki ˈdiyeenká alb fímlé
35Aalé Yíésu ˈjien ubaa forim lulle gaa sedhe, mu gálaat énylé ˈdiiyiminyká Fayam Midhab Guch Waaˈgietká gaa ˈdiiyime, gálaat basham ubaa fursam met lulle gaa eey. 36Mu nyesebim argeká nyesebim geer hí ˈdú gudhdhe, ˈdaa giri gaal hát wala máá hí ˈdeˈdeen mánká ka ˈgie-, hát ˈdabe-, mé hí guđandheká. 37Aalé mu lalille geey, kieye, ˈGuom hiteká hé tág guđo, tá gál hí mumuroká íín hé iraam mán.#9:37 ˈDéé hót Yiesúúllá hélle kieye, Gál Waag iiy yegetká hé burnayká, kor gál hí fayam Waaˈgiet ki ˈdiyeenká hé iraam mánno, he cheedhe. 38Máá Guđo-, ˈguom léká heetíe, muí gállé hí hujich ki nannuoká lesam ali ˈdú fuo, gaal hí mú ˈguom kí muro,#9:38 Gaal hí mú ˈguom kí muróóllá hélle kieye, gálaat fayam Waaˈgiet ki ˈdiiyiminy, gálaat Waag ˈdu gáá eeny. Yíésu hí gáál yie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Translation and Literacy