Genesis 21
21
Ang Pagbata kay Isaac
1Ginbendisyunan sang Ginoo si Sara, suno sa ginsaad niya, 2kag#Heb. 11:11. nagbusong sia kag nagbata sing lalaki bisan pa nga si Abraham tigulang na. Ang bata natawo sa tion gid nga ginpat-od sang Dios. 3Ginhingalanan sia ni Abraham kay Isaac. 4Sang#Gen. 17:12; Bin. 7:8. walo na ka adlaw ang bata, gintuli sia ni Abraham suno sa ginsugo sang Dios sa iya. 5Si Abraham nagaedad sing 100 ka tuig sang pagkatawo ni Isaac. 6Si Sara nagsiling, “Ang Dios naglipay kag nagpakadlaw#21:6 NAGPAKADLAW: Ang ngalan nga Isaac sa Hebreo nagakahulogan nagkadlaw sia(tan-awa man ang 17:17-19). sa akon. Ang tanan nga makabati nahanungod sini magakadlaw upod sa akon.” 7Dayon nagsiling pa gid sia, “Sin-o ayhan ang magsiling kay Abraham nga si Sara magapasuso sing mga anak? Pero nahatagan ko sia sing bata nga lalaki sa iya katigulangon.”
8Ang bata nagdaku, kag sa adlaw nga ginlutas sia, si Abraham naghiwat sing isa ka daku nga punsyon.
Si Hagar kag si Ismael Ginpalayas
9Isa ka adlaw, si Ismael nga bata ni Abraham kay Hagar nga Ehiptohanon nagahampang upod#21:9 nagahampang upod: ukonnagayaguta. kay Isaac nga bata ni Sara.#21:9 Ang iban nga dumaan nga mga pagbadbadupod kay Isaac nga bata ni Sara; sa Hebreo wala ini nga mga pulong. 10Nakita#Gal. 4:29-30. ini ni Sara, gani nagsiling sia kay Abraham, “Palayasa ining ulipon nga babayi kag ang iya bata. Ang bata sining ulipon nga babayi indi dapat magpanubli sang bahin sang imo manggad nga panublion sang akon bata nga si Isaac.” 11Natublag gid si Abraham tungod sini kay si Ismael bata man niya. 12Pero#Rom. 9:7; Heb. 11:18. ang Dios nagsiling kay Abraham, “Indi ka magpalibog nahanungod sa bata kag sa imo ulipon nga si Hagar. Himua ang ginasiling sa imo ni Sara, tungod kay paagi kay Isaac makaangkon ka sing mga kaliwat nga akon ginsaad. 13Hatagan ko man sing madamo nga mga kaanakan ang bata sang ulipon, agod mahimo sila nga isa ka pungsod. Anak mo man sia.”
14Aga pa sang madason nga adlaw, si Abraham naghatag kay Hagar sing pagkaon kag sing sulodlan nga panit nga puno sing tubig. Ginpakugos ni Abraham kay Hagar ang bata kag ginpalakat sila. Naglakat si Hagar kag nagdalangdalang sa kawayangan sang Beerseba. 15Sang naubos na ang tubig, ginbilin niya ang bata sa idalom sang magamay nga kahoy 16kag nagpungko sia sa unhan nga ang kalayuon mga 100 ka dupa. Nagsiling sia sa iya kaugalingon, “Indi ako makabatas sa pagtan-aw sang akon bata nga mapatay.” Sang nagapungko sia didto, naghibi sia.#21:16 sia: Sa isa ka dumaan nga pagbadbadang bata.
17Nabatian sang Dios ang hibi sang bata, kag ang anghel sang Dios halin sa langit naghambal kay Hagar, “Ano ang ginapaligban mo, Hagar? Indi ka mahadlok. Ang Dios nakabati sang hibi sang bata. 18Magtindog ka, kuhaa ang bata, kag pahipusa sia. Pagahimuon ko nga daku nga pungsod ang iya mga kaliwat.” 19Dayon ginbuksan sang Dios ang iya mga mata, kag nakita niya ang isa ka bubon. Nagkadto sia sa bubon kag ginsudlan niya sing tubig ang iya sulodlan nga panit kag ginpainom niya ang bata. 20Ang Dios nag-upod sa bata sa nagadaku sia. Nag-estar sia sa kawayangan sang Paran kag nanginmatanda nga manugpana. 21Ginpaasaw-an sia sang iya iloy sa isa ka taga-Ehipto.
Ang Kasugtanan ni Abraham kag ni Abimelec
22Sa#Gen. 26:26. sadto nga tion si Abimelec kag si Picol nga pangulo sang iya hangaway nagkadto kay Abraham kag nagsiling, “Ang Dios nagaupod sa imo sa tanan mo nga ginahimo. 23Gani, magsumpa ka diri sa presensya sang Dios nga indi mo ako pagdayaan, ang akon mga kabataan, ukon ang akon mga kaliwat. Nagmainunongon ako sa imo, gani magsaad ka nga magmainunongon ka man sa akon kag sa sini nga duta nga imo ginaestaran.”
24Si Abraham nagsiling, “Nagasaad ako.”
25Si Abraham nagreklamo kay Abimelec nahanungod sang bubon nga gin-agaw sang iya mga ulipon. 26Si Abimelec nagsiling, “Wala ako makahibalo kon sin-o ang naghimo sini. Wala mo ako pagsugiri, kag amo pa lang ako makabati nahanungod sini.” 27Dayon ginhatagan ni Abraham si Abimelec sing mga karnero kag mga baka, kag sila nga duha naghimo sing kasugtanan. 28Si Abraham nagpain sing pito ka mga kordero halin sa iya mga karnero. 29Si Abimelec nagpamangkot sa iya, “Ngaa ginhimo mo ina?”
30Si Abraham nagsabat, “Batuna ining pito ka mga kordero. Sa imo pagbaton sini, ginakilala mo nga ako ang nagkutkot sini nga bubon.” 31Gani ang lugar gintawag nga Beerseba,#21:31 BEERSEBA: Ini nga ngalan sa Hebreo nagakahulogan Bubon sang Pitoukon Bubon sang Panumpa (tan-awa man ang 26:33). tungod kay sila nga duha nagsumpaanay didto.
32Sa tapos sila makahimo sini nga kasugtanan sa Beerseba, si Abimelec kag si Picol nagbalik sa duta sang mga Filistinhon. 33Dayon si Abraham nagtanom sing isa ka kahoy nga tamariska sa Beerseba, kag nagsimba sia sa Ginoo, ang Dios nga Wala sing Katapusan. 34Si Abraham nag-estar sa duta sang mga Filistinhon sa malawig nga panahon.
Currently Selected:
Genesis 21: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Genesis 21
21
Ang Pagbata kay Isaac
1Ginbendisyunan sang Ginoo si Sara, suno sa ginsaad niya, 2kag#Heb. 11:11. nagbusong sia kag nagbata sing lalaki bisan pa nga si Abraham tigulang na. Ang bata natawo sa tion gid nga ginpat-od sang Dios. 3Ginhingalanan sia ni Abraham kay Isaac. 4Sang#Gen. 17:12; Bin. 7:8. walo na ka adlaw ang bata, gintuli sia ni Abraham suno sa ginsugo sang Dios sa iya. 5Si Abraham nagaedad sing 100 ka tuig sang pagkatawo ni Isaac. 6Si Sara nagsiling, “Ang Dios naglipay kag nagpakadlaw#21:6 NAGPAKADLAW: Ang ngalan nga Isaac sa Hebreo nagakahulogan nagkadlaw sia(tan-awa man ang 17:17-19). sa akon. Ang tanan nga makabati nahanungod sini magakadlaw upod sa akon.” 7Dayon nagsiling pa gid sia, “Sin-o ayhan ang magsiling kay Abraham nga si Sara magapasuso sing mga anak? Pero nahatagan ko sia sing bata nga lalaki sa iya katigulangon.”
8Ang bata nagdaku, kag sa adlaw nga ginlutas sia, si Abraham naghiwat sing isa ka daku nga punsyon.
Si Hagar kag si Ismael Ginpalayas
9Isa ka adlaw, si Ismael nga bata ni Abraham kay Hagar nga Ehiptohanon nagahampang upod#21:9 nagahampang upod: ukonnagayaguta. kay Isaac nga bata ni Sara.#21:9 Ang iban nga dumaan nga mga pagbadbadupod kay Isaac nga bata ni Sara; sa Hebreo wala ini nga mga pulong. 10Nakita#Gal. 4:29-30. ini ni Sara, gani nagsiling sia kay Abraham, “Palayasa ining ulipon nga babayi kag ang iya bata. Ang bata sining ulipon nga babayi indi dapat magpanubli sang bahin sang imo manggad nga panublion sang akon bata nga si Isaac.” 11Natublag gid si Abraham tungod sini kay si Ismael bata man niya. 12Pero#Rom. 9:7; Heb. 11:18. ang Dios nagsiling kay Abraham, “Indi ka magpalibog nahanungod sa bata kag sa imo ulipon nga si Hagar. Himua ang ginasiling sa imo ni Sara, tungod kay paagi kay Isaac makaangkon ka sing mga kaliwat nga akon ginsaad. 13Hatagan ko man sing madamo nga mga kaanakan ang bata sang ulipon, agod mahimo sila nga isa ka pungsod. Anak mo man sia.”
14Aga pa sang madason nga adlaw, si Abraham naghatag kay Hagar sing pagkaon kag sing sulodlan nga panit nga puno sing tubig. Ginpakugos ni Abraham kay Hagar ang bata kag ginpalakat sila. Naglakat si Hagar kag nagdalangdalang sa kawayangan sang Beerseba. 15Sang naubos na ang tubig, ginbilin niya ang bata sa idalom sang magamay nga kahoy 16kag nagpungko sia sa unhan nga ang kalayuon mga 100 ka dupa. Nagsiling sia sa iya kaugalingon, “Indi ako makabatas sa pagtan-aw sang akon bata nga mapatay.” Sang nagapungko sia didto, naghibi sia.#21:16 sia: Sa isa ka dumaan nga pagbadbadang bata.
17Nabatian sang Dios ang hibi sang bata, kag ang anghel sang Dios halin sa langit naghambal kay Hagar, “Ano ang ginapaligban mo, Hagar? Indi ka mahadlok. Ang Dios nakabati sang hibi sang bata. 18Magtindog ka, kuhaa ang bata, kag pahipusa sia. Pagahimuon ko nga daku nga pungsod ang iya mga kaliwat.” 19Dayon ginbuksan sang Dios ang iya mga mata, kag nakita niya ang isa ka bubon. Nagkadto sia sa bubon kag ginsudlan niya sing tubig ang iya sulodlan nga panit kag ginpainom niya ang bata. 20Ang Dios nag-upod sa bata sa nagadaku sia. Nag-estar sia sa kawayangan sang Paran kag nanginmatanda nga manugpana. 21Ginpaasaw-an sia sang iya iloy sa isa ka taga-Ehipto.
Ang Kasugtanan ni Abraham kag ni Abimelec
22Sa#Gen. 26:26. sadto nga tion si Abimelec kag si Picol nga pangulo sang iya hangaway nagkadto kay Abraham kag nagsiling, “Ang Dios nagaupod sa imo sa tanan mo nga ginahimo. 23Gani, magsumpa ka diri sa presensya sang Dios nga indi mo ako pagdayaan, ang akon mga kabataan, ukon ang akon mga kaliwat. Nagmainunongon ako sa imo, gani magsaad ka nga magmainunongon ka man sa akon kag sa sini nga duta nga imo ginaestaran.”
24Si Abraham nagsiling, “Nagasaad ako.”
25Si Abraham nagreklamo kay Abimelec nahanungod sang bubon nga gin-agaw sang iya mga ulipon. 26Si Abimelec nagsiling, “Wala ako makahibalo kon sin-o ang naghimo sini. Wala mo ako pagsugiri, kag amo pa lang ako makabati nahanungod sini.” 27Dayon ginhatagan ni Abraham si Abimelec sing mga karnero kag mga baka, kag sila nga duha naghimo sing kasugtanan. 28Si Abraham nagpain sing pito ka mga kordero halin sa iya mga karnero. 29Si Abimelec nagpamangkot sa iya, “Ngaa ginhimo mo ina?”
30Si Abraham nagsabat, “Batuna ining pito ka mga kordero. Sa imo pagbaton sini, ginakilala mo nga ako ang nagkutkot sini nga bubon.” 31Gani ang lugar gintawag nga Beerseba,#21:31 BEERSEBA: Ini nga ngalan sa Hebreo nagakahulogan Bubon sang Pitoukon Bubon sang Panumpa (tan-awa man ang 26:33). tungod kay sila nga duha nagsumpaanay didto.
32Sa tapos sila makahimo sini nga kasugtanan sa Beerseba, si Abimelec kag si Picol nagbalik sa duta sang mga Filistinhon. 33Dayon si Abraham nagtanom sing isa ka kahoy nga tamariska sa Beerseba, kag nagsimba sia sa Ginoo, ang Dios nga Wala sing Katapusan. 34Si Abraham nag-estar sa duta sang mga Filistinhon sa malawig nga panahon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012