Genesis 24
24
Asawa para kay Isaac
1Karon si Abraham tigulang na gid, kag ang Ginoo nagbendisyon sang tanan nga iya ginhimo. 2Nagsiling sia sa iya pinakatigulang nga suloguon nga amo ang nagaatipan sang tanan niya nga mga pagkabutang, “Ibutang ang imo kamot sa gintung-an sang duha ko ka mga paa#24:2 IBUTANG…PAA: Amo ini ang paagi sang pagsumpa nga ang panumpa indi na gid mailisan. kag magsumpa ka. 3Luyag ko nga magsumpa ka sa akon sa ngalan sang Ginoo, ang Dios sang langit kag duta, nga indi ka magpili sing asawa para sa akon anak diri sa mga taga-Canaan sa diin ako nagaestar. 4Magbalik ka didto sa duta sa diin ako natawo kag magkuha halin sa akon mga pariente sang babayi nga ipaasawa mo kay Isaac nga akon anak.”
5Pero ang suloguon nagpamangkot, “Abi kon ang dalaga indi mag-upod sa akon sa sini nga duta? Pakadtuon ko pa bala ang imo anak didto sa duta nga imo ginhalinan?”
6Si Abraham nagsabat, “Indi mo gid pagpabalikon ang akon anak didto! 7Ang Ginoo nga Dios sang langit, nagdala sa akon diri halin sa balay sang akon amay kag halin sa duta sang akon mga pariente, kag nagsaad sia sa akon nga nagapanumpa, ‘Ihatag ko ini nga duta sa imo mga kaliwat.’ Ipadala niya ang iya anghel sa pag-una sa imo, agod nga makakuha ka didto sing asawa para sa akon anak. 8Kon ang dalaga indi mag-upod sa imo, wala na ikaw sing salabton sa sining saad mo sa akon. Pero bisan ano ang matabo, indi mo gid pagpabalikon didto ang akon anak.” 9Gani ang suloguon nagbutang sang iya kamot sa gintung-an sang mga paa ni Abraham nga iya agalon, kag nagsumpa sia nga tumanon niya ang ginsiling sa iya ni Abraham.
10Ang suloguon nga nagaatipan sang tanan nga mga pagkabutang ni Abraham, nagkuha sang napulo ka mga kamelyo sang iya agalon, nagdala sang tanan nga sahi sang labing maayo nga mga dulot kag nagkadto sa siudad ni Nahor, sa Mesopotamia. 11Sang pag-abot niya, ginpaluko niya ang mga kamelyo sa tupad sang bubon sa gwa sang siudad. Kasisidmon na sadto, tion sa pagpanag-ob sang mga babayi. 12Nagpangamuyo ang suloguon, “Ginoo, Dios sang akon agalon nga si Abraham, karon patigayuna ang akon tinutuyo kag tumana ang imo saad sa akon agalon. 13Yari ako karon sa tupad sang bubon diin ang mga dalaga sang siudad magakadto sa pagsag-ob sing tubig. 14Magasiling ako sa isa ka dalaga, ‘Panubonuboa man palihog ang imo tibod kag paimna ako.’ Kon magsiling sia, ‘Mag-inom ka, kag paimnon ko man ang imo mga kamelyo,’ kabay nga sia ang imo napilian para sa imo alagad nga si Isaac. Kon matabo ini, mahibal-an ko nga imo gintuman ang imo saad sa akon agalon.”
15Sa wala pa sia makatapos sing pangamuyo, si Rebeca nag-abot nga nagapas-an sang iya tibod nga salag-uban. Bata sia ni Betuel nga anak nga lalaki ni Milca. Si Milca asawa ni Nahor nga utod ni Abraham. 16Tuman sia katahom nga dalaga kag birhen pa. Nagdulhog sia pakadto sa bubon, ginsudlan ang iya tibod kag nagbalik. 17Ang suloguon nagdalagan sa pagsugata sa iya kag nagsiling, “Kon mahimo paimna man ako sa imo tibod.”
18Nagsiling sia, “Sigi, tyoy, mag-inom ka.” Ginkuha niya sa iya abaga sing dalidali ang tibod kag gin-uyatan samtang nag-inom ang suloguon. 19Sang pagkatapos niya inom nagsiling ang dalaga, “Dalhan ko man sing tubig ang imo mga kamelyo kag pagustohan sila sa pag-inom.” 20Dalidali nga ginbubo niya ang tubig sa iya tibod sa ilimnan sang mga sapat kag nagdalagan sia pakadto sa bubon sa pagkuha pa gid sing tubig tubtob nga napainom ang tanan nga mga kamelyo sang suloguon. 21Ang suloguon nagabantay sing hipos lang sa iya, sa paghibalo kon bala ang Ginoo nagapatigayon sang iya tinutuyo.
22Sang matapos ni Rebeca painom ang mga kamelyo, ang suloguon nagkuha sing malahalon nga singsing nga bulawan kag ginbutang ini sa iya ilong, kag duha ka dalagku nga pulseras nga bulawan kag ginsuksok sa iya mga butkon. 23Nagpamangkot ang suloguon, “Sugiri ako kon sin-o ang tatay mo. May lugar bala sa balay ninyo nga matulogan ko kag sang akon mga tinawo karon nga gab-i?”
24Nagsabat sia, “Bata ako ni Betuel nga anak nga lalaki ni Nahor kag ni Milca. 25May madamo nga dagami kag kumpay sa amon balay, kag may lugar man nga mapahuwayan ninyo.”
26Dayon ang suloguon nagluhod kag nagsimba sa Ginoo. 27Nagsiling sia, “Pagadayawon ang Ginoo, ang Dios sang akon agalon nga si Abraham, nga matutom sa pagtuman sang iya saad sa akon agalon. Ang Ginoo nagtuytoy sa akon padulong sa mga pariente sang akon agalon.”
28Ang dalaga nagdalagan pauli kag nagpanugid sa iya iloy sang bug-os nga natabo. 29Karon si Laban, ang utod nga lalaki ni Rebeca, naggwa kag nagdalagan pakadto sa bubon sa diin ato didto ang suloguon. 30Nakita niya ang singsing sa ilong kag ang mga pulseras sa mga butkon sang iya utod nga babayi kag nabatian niya ang ginpanugid sang iya utod nahanungod sa ginsiling sang suloguon. Dayon nagkadto sia sa bubon sa diin ang suloguon ni Abraham nagatindog sa tupad sang iya mga kamelyo. 31Nagsiling si Laban, “Dali sa balay. Ikaw ang tawo nga ginbendisyunan sang Ginoo. Ngaa diri ka lang nagatindog sa gwa? May naaman ako nga kwarto sa balay para sa imo kag isa ka lugar para sa imo mga kamelyo.”
32Gani ang suloguon nagsulod sa balay, kag si Laban nagkuha sang mga karga sang mga kamelyo kag ginhatagan niya sila sing dagami kag kumpay. Dayon gindalhan niya sing tubig ang suloguon ni Abraham kag ang iya mga tinawo agod makapanghugas sila sang ila mga tiil. 33Sang mahanda na ang pagkaon, ang suloguon nagsiling, “Indi ako anay magkaon kon indi ko pa mapabutyag ang akon inugsiling.”
Si Laban nagsiling, “Sigi, maghambal ka.”
34Nagsugod sia sa paghambal, “Suloguon ako ni Abraham. 35Ang Ginoo naghatag sa akon agalon sing madamo nga mga kaayuhan kag nagpamanggad sa iya. Ginhatagan niya sia sing madamo nga mga karnero kag mga kanding, mga baka, pilak, bulawan, mga ulipon nga lalaki kag babayi, mga kamelyo, kag mga asno. 36Si Sara nga asawa sang akon agalon, nag-anak sing lalaki bisan tigulang na gid sia. Ang akon agalon naghatag sa iya anak sang tanan niya nga mga pagkabutang. 37Ginpasumpa niya ako nga tumanon ko ining iya sugo. Nagsiling sia, ‘Indi ka magkuha sing asawa para sa akon anak nga lalaki halin sa mga dalaga diri sa duta sang Canaan, 38kundi magkadto ka didto sa mga pariente sang akon amay, sa akon mga pariente, kag magpili ka sing palangasaw-on sang akon anak nga lalaki.’ 39Kag nagpamangkot ako sa akon agalon, ‘Abi, kon ang babayi indi mag-upod sa akon?’ 40Nagsabat sia, ‘Ang Ginoo nga akon ginatuman sa tanan nga tion magapadala sang iya anghel upod sa imo kag magatigayon sang imo tinutuyo. Magakuha ikaw sing isa ka babayi didto sa akon mga pariente, sa panimalay sang akon amay, nga mangin-asawa sang akon anak. 41May isa lamang ka paagi nga mahilway ka sa imo ginsumpaan. Kon magkadto ka sa akon panimalay kag indi nila ikaw pagbatunon, ti, wala ka sing salabton sa imo ginsumpaan.’
42“Sang pag-abot ko sa bubon karon nga adlaw, nagpangamuyo ako, ‘Ginoo, Dios sang akon agalon nga si Abraham, kon mahimo patigayuna man ang akon tinutuyo. 43Yari ako diri sa bubon. Kon may isa ka dalaga nga maggwa sa pagsag-ob sing tubig, magasiling ako sa iya, “Kon mahimo, paimna man ako sa imo tibod.” 44Kon magsabat sia, “Sigi mag-inom ka, kag paimnon ko man ang imo mga kamelyo,” kabay nga sia ang imo napilian nga asawa sang anak sang akon agalon.’ 45Sa wala pa ako makatapos sang akon hipos nga pangamuyo, si Rebeca nag-abot nga may tibod nga sulodlan sang tubig sa iya abaga, kag nagdulhog sia pakadto sa bubon sa pagsag-ob. Nagsiling ako sa iya, ‘Kon mahimo paimna man ako.’ 46Sa gilayon ginkuha niya sa iya abaga ang tibod kag nagsiling, ‘Sigi, mag-inom ka kag paimnon ko man ang imo mga kamelyo.’ Gani nag-inom ako kag ginpainom man niya ang mga kamelyo. 47Ginpamangkot ko sia, ‘Sin-o bala ang tatay mo?’ Nagsabat sia, ‘Bata ako ni Betuel nga anak ni Nahor kag ni Milca.’ Dayon ginbutangan ko sang singsing ang iya ilong kag ginsuksokan ko sang mga pulseras ang iya mga butkon. 48Nagluhod ako kag nagsimba sa Ginoo, kag gindayaw ko ang Ginoo, ang Dios sang akon agalon nga si Abraham, ang Dios nga nagtuytoy gid sa akon. Gindala niya ako sa utod nga lalaki sang akon agalon, sa diin nakita ko ang iya bata nga babayi para sa anak sang akon agalon. 49Karon kon may tuyo ka sa pagtuman sang imo katungdanan kag sa paghimo sang nagakaigo para sa akon agalon, kon mahimo, sugiri ako. Kon indi ka, sugiri man ako, agod mapat-od ko kon ano ang himuon ko.”
50Si Laban kag si Betuel nagsabat, “Tungod kay ini nga butang kabubot-on sang Ginoo, indi kami dapat ang magpamat-od sini. 51Yari si Rebeca, dalha sia kag maglakat. Ipaasawa sia sa anak sang imo agalon, suno gid sa ginsiling sang Ginoo.” 52Sang pagkabati sang suloguon ni Abraham sang ila mga pulong, nagluhod sia nga nagaduko sa pagsimba sa Ginoo. 53Dayon nagkuha sia sing pilak kag bulawan nga mga alahas kag mga bayu kag ginhatag ini tanan kay Rebeca. Ginhatagan man niya sing malahalon nga mga regalo ang utod nga lalaki ni Rebeca kag ang iya iloy.
54Dayon ang suloguon kag ang mga tinawo ni Abraham nagkaon kag nag-inom, kag nagtulog didto sadto nga gab-i. Pagmata nila sang aga, nagsiling sia, “Mapauli na ako sa akon agalon.”
55Pero ang iloy ni Rebeca kag ang iya utod nga lalaki nagsiling, “Patenira anay ang dalaga diri sing isa ka simana ukon napulo ka adlaw kag sa tapos sina makalakat na sia.”
56Pero nagsiling sia, “Indi man ninyo ako pagpadugaya diri. Natigayon sang Ginoo ang akon tinutuyo, gani tugoti ninyo ako sa pagbalik sa akon agalon.”
57Nagsabat sila, “Tawgon ta si Rebeca kag tan-awon ta kon ano ang masiling niya.” 58Gani gintawag nila si Rebeca kag ginpamangkot, “Luyag ka bala mag-upod sa sini nga tawo?”
Nagsabat sia, “Huo, maupod ako.”
59Gani ginpaupod nila si Rebeca kag ang iya yaya sa suloguon ni Abraham kag sa iya mga tinawo. 60Kag ila ginbendisyunan si Rebeca sa sini nga mga pulong:
“Kabay nga ikaw nga utod namon nga babayi mangin-iloy sang minilyon.
Kabay nga ang imo mga kaliwat magaagaw sang mga siudad sang ila mga kaaway.”
61Dayon si Rebeca kag ang iya manug-atipan nga mga dalaga nag-aman kag nagsakay sa mga kamelyo sa pag-upod sa suloguon ni Abraham, kag naglakat sila.
62Karon si Isaac nakaabot sa desierto sang#24:62 Ang iban nga dumaan nga mga pagbadbadsa desierto sang; sa Hebreohalin sa. “Bubon sang Nagakabuhi nga Nagatan-aw sa Akon,” kag nag-estar sia sa nabagatnan nga bahin sang Canaan. 63Sang kahapunanon na naggwa sia sa paglakatlakat sa latagon, kag nakita niya ang mga kamelyo nga nagapadulong sa iya. 64Sang nakita ni Rebeca si Isaac, nagpanaog sia sa iya kamelyo, 65kag ginpamangkot niya ang suloguon ni Abraham, “Sin-o inang tawo sa latagon nga nagapadulong sa aton?”
Ang suloguon nagsabat, “Amo ina sia ang akon agalon.” Gani ginkuha ni Rebeca ang iya takurong kag iya gintabunan ang iya guya.
66Ang suloguon nagsugid kay Isaac sang tanan nga iya ginhimo. 67Dayon gindala ni Isaac sa iya tolda si Rebeca sa lugar nga gin-estaran sang iya iloy nga si Sara kag nangin-iya sia asawa. Ginpalangga ni Isaac si Rebeca, gani naumpawan sia sa iya pagkasubo sa pagtaliwan sang iya iloy.
Currently Selected:
Genesis 24: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Genesis 24
24
Asawa para kay Isaac
1Karon si Abraham tigulang na gid, kag ang Ginoo nagbendisyon sang tanan nga iya ginhimo. 2Nagsiling sia sa iya pinakatigulang nga suloguon nga amo ang nagaatipan sang tanan niya nga mga pagkabutang, “Ibutang ang imo kamot sa gintung-an sang duha ko ka mga paa#24:2 IBUTANG…PAA: Amo ini ang paagi sang pagsumpa nga ang panumpa indi na gid mailisan. kag magsumpa ka. 3Luyag ko nga magsumpa ka sa akon sa ngalan sang Ginoo, ang Dios sang langit kag duta, nga indi ka magpili sing asawa para sa akon anak diri sa mga taga-Canaan sa diin ako nagaestar. 4Magbalik ka didto sa duta sa diin ako natawo kag magkuha halin sa akon mga pariente sang babayi nga ipaasawa mo kay Isaac nga akon anak.”
5Pero ang suloguon nagpamangkot, “Abi kon ang dalaga indi mag-upod sa akon sa sini nga duta? Pakadtuon ko pa bala ang imo anak didto sa duta nga imo ginhalinan?”
6Si Abraham nagsabat, “Indi mo gid pagpabalikon ang akon anak didto! 7Ang Ginoo nga Dios sang langit, nagdala sa akon diri halin sa balay sang akon amay kag halin sa duta sang akon mga pariente, kag nagsaad sia sa akon nga nagapanumpa, ‘Ihatag ko ini nga duta sa imo mga kaliwat.’ Ipadala niya ang iya anghel sa pag-una sa imo, agod nga makakuha ka didto sing asawa para sa akon anak. 8Kon ang dalaga indi mag-upod sa imo, wala na ikaw sing salabton sa sining saad mo sa akon. Pero bisan ano ang matabo, indi mo gid pagpabalikon didto ang akon anak.” 9Gani ang suloguon nagbutang sang iya kamot sa gintung-an sang mga paa ni Abraham nga iya agalon, kag nagsumpa sia nga tumanon niya ang ginsiling sa iya ni Abraham.
10Ang suloguon nga nagaatipan sang tanan nga mga pagkabutang ni Abraham, nagkuha sang napulo ka mga kamelyo sang iya agalon, nagdala sang tanan nga sahi sang labing maayo nga mga dulot kag nagkadto sa siudad ni Nahor, sa Mesopotamia. 11Sang pag-abot niya, ginpaluko niya ang mga kamelyo sa tupad sang bubon sa gwa sang siudad. Kasisidmon na sadto, tion sa pagpanag-ob sang mga babayi. 12Nagpangamuyo ang suloguon, “Ginoo, Dios sang akon agalon nga si Abraham, karon patigayuna ang akon tinutuyo kag tumana ang imo saad sa akon agalon. 13Yari ako karon sa tupad sang bubon diin ang mga dalaga sang siudad magakadto sa pagsag-ob sing tubig. 14Magasiling ako sa isa ka dalaga, ‘Panubonuboa man palihog ang imo tibod kag paimna ako.’ Kon magsiling sia, ‘Mag-inom ka, kag paimnon ko man ang imo mga kamelyo,’ kabay nga sia ang imo napilian para sa imo alagad nga si Isaac. Kon matabo ini, mahibal-an ko nga imo gintuman ang imo saad sa akon agalon.”
15Sa wala pa sia makatapos sing pangamuyo, si Rebeca nag-abot nga nagapas-an sang iya tibod nga salag-uban. Bata sia ni Betuel nga anak nga lalaki ni Milca. Si Milca asawa ni Nahor nga utod ni Abraham. 16Tuman sia katahom nga dalaga kag birhen pa. Nagdulhog sia pakadto sa bubon, ginsudlan ang iya tibod kag nagbalik. 17Ang suloguon nagdalagan sa pagsugata sa iya kag nagsiling, “Kon mahimo paimna man ako sa imo tibod.”
18Nagsiling sia, “Sigi, tyoy, mag-inom ka.” Ginkuha niya sa iya abaga sing dalidali ang tibod kag gin-uyatan samtang nag-inom ang suloguon. 19Sang pagkatapos niya inom nagsiling ang dalaga, “Dalhan ko man sing tubig ang imo mga kamelyo kag pagustohan sila sa pag-inom.” 20Dalidali nga ginbubo niya ang tubig sa iya tibod sa ilimnan sang mga sapat kag nagdalagan sia pakadto sa bubon sa pagkuha pa gid sing tubig tubtob nga napainom ang tanan nga mga kamelyo sang suloguon. 21Ang suloguon nagabantay sing hipos lang sa iya, sa paghibalo kon bala ang Ginoo nagapatigayon sang iya tinutuyo.
22Sang matapos ni Rebeca painom ang mga kamelyo, ang suloguon nagkuha sing malahalon nga singsing nga bulawan kag ginbutang ini sa iya ilong, kag duha ka dalagku nga pulseras nga bulawan kag ginsuksok sa iya mga butkon. 23Nagpamangkot ang suloguon, “Sugiri ako kon sin-o ang tatay mo. May lugar bala sa balay ninyo nga matulogan ko kag sang akon mga tinawo karon nga gab-i?”
24Nagsabat sia, “Bata ako ni Betuel nga anak nga lalaki ni Nahor kag ni Milca. 25May madamo nga dagami kag kumpay sa amon balay, kag may lugar man nga mapahuwayan ninyo.”
26Dayon ang suloguon nagluhod kag nagsimba sa Ginoo. 27Nagsiling sia, “Pagadayawon ang Ginoo, ang Dios sang akon agalon nga si Abraham, nga matutom sa pagtuman sang iya saad sa akon agalon. Ang Ginoo nagtuytoy sa akon padulong sa mga pariente sang akon agalon.”
28Ang dalaga nagdalagan pauli kag nagpanugid sa iya iloy sang bug-os nga natabo. 29Karon si Laban, ang utod nga lalaki ni Rebeca, naggwa kag nagdalagan pakadto sa bubon sa diin ato didto ang suloguon. 30Nakita niya ang singsing sa ilong kag ang mga pulseras sa mga butkon sang iya utod nga babayi kag nabatian niya ang ginpanugid sang iya utod nahanungod sa ginsiling sang suloguon. Dayon nagkadto sia sa bubon sa diin ang suloguon ni Abraham nagatindog sa tupad sang iya mga kamelyo. 31Nagsiling si Laban, “Dali sa balay. Ikaw ang tawo nga ginbendisyunan sang Ginoo. Ngaa diri ka lang nagatindog sa gwa? May naaman ako nga kwarto sa balay para sa imo kag isa ka lugar para sa imo mga kamelyo.”
32Gani ang suloguon nagsulod sa balay, kag si Laban nagkuha sang mga karga sang mga kamelyo kag ginhatagan niya sila sing dagami kag kumpay. Dayon gindalhan niya sing tubig ang suloguon ni Abraham kag ang iya mga tinawo agod makapanghugas sila sang ila mga tiil. 33Sang mahanda na ang pagkaon, ang suloguon nagsiling, “Indi ako anay magkaon kon indi ko pa mapabutyag ang akon inugsiling.”
Si Laban nagsiling, “Sigi, maghambal ka.”
34Nagsugod sia sa paghambal, “Suloguon ako ni Abraham. 35Ang Ginoo naghatag sa akon agalon sing madamo nga mga kaayuhan kag nagpamanggad sa iya. Ginhatagan niya sia sing madamo nga mga karnero kag mga kanding, mga baka, pilak, bulawan, mga ulipon nga lalaki kag babayi, mga kamelyo, kag mga asno. 36Si Sara nga asawa sang akon agalon, nag-anak sing lalaki bisan tigulang na gid sia. Ang akon agalon naghatag sa iya anak sang tanan niya nga mga pagkabutang. 37Ginpasumpa niya ako nga tumanon ko ining iya sugo. Nagsiling sia, ‘Indi ka magkuha sing asawa para sa akon anak nga lalaki halin sa mga dalaga diri sa duta sang Canaan, 38kundi magkadto ka didto sa mga pariente sang akon amay, sa akon mga pariente, kag magpili ka sing palangasaw-on sang akon anak nga lalaki.’ 39Kag nagpamangkot ako sa akon agalon, ‘Abi, kon ang babayi indi mag-upod sa akon?’ 40Nagsabat sia, ‘Ang Ginoo nga akon ginatuman sa tanan nga tion magapadala sang iya anghel upod sa imo kag magatigayon sang imo tinutuyo. Magakuha ikaw sing isa ka babayi didto sa akon mga pariente, sa panimalay sang akon amay, nga mangin-asawa sang akon anak. 41May isa lamang ka paagi nga mahilway ka sa imo ginsumpaan. Kon magkadto ka sa akon panimalay kag indi nila ikaw pagbatunon, ti, wala ka sing salabton sa imo ginsumpaan.’
42“Sang pag-abot ko sa bubon karon nga adlaw, nagpangamuyo ako, ‘Ginoo, Dios sang akon agalon nga si Abraham, kon mahimo patigayuna man ang akon tinutuyo. 43Yari ako diri sa bubon. Kon may isa ka dalaga nga maggwa sa pagsag-ob sing tubig, magasiling ako sa iya, “Kon mahimo, paimna man ako sa imo tibod.” 44Kon magsabat sia, “Sigi mag-inom ka, kag paimnon ko man ang imo mga kamelyo,” kabay nga sia ang imo napilian nga asawa sang anak sang akon agalon.’ 45Sa wala pa ako makatapos sang akon hipos nga pangamuyo, si Rebeca nag-abot nga may tibod nga sulodlan sang tubig sa iya abaga, kag nagdulhog sia pakadto sa bubon sa pagsag-ob. Nagsiling ako sa iya, ‘Kon mahimo paimna man ako.’ 46Sa gilayon ginkuha niya sa iya abaga ang tibod kag nagsiling, ‘Sigi, mag-inom ka kag paimnon ko man ang imo mga kamelyo.’ Gani nag-inom ako kag ginpainom man niya ang mga kamelyo. 47Ginpamangkot ko sia, ‘Sin-o bala ang tatay mo?’ Nagsabat sia, ‘Bata ako ni Betuel nga anak ni Nahor kag ni Milca.’ Dayon ginbutangan ko sang singsing ang iya ilong kag ginsuksokan ko sang mga pulseras ang iya mga butkon. 48Nagluhod ako kag nagsimba sa Ginoo, kag gindayaw ko ang Ginoo, ang Dios sang akon agalon nga si Abraham, ang Dios nga nagtuytoy gid sa akon. Gindala niya ako sa utod nga lalaki sang akon agalon, sa diin nakita ko ang iya bata nga babayi para sa anak sang akon agalon. 49Karon kon may tuyo ka sa pagtuman sang imo katungdanan kag sa paghimo sang nagakaigo para sa akon agalon, kon mahimo, sugiri ako. Kon indi ka, sugiri man ako, agod mapat-od ko kon ano ang himuon ko.”
50Si Laban kag si Betuel nagsabat, “Tungod kay ini nga butang kabubot-on sang Ginoo, indi kami dapat ang magpamat-od sini. 51Yari si Rebeca, dalha sia kag maglakat. Ipaasawa sia sa anak sang imo agalon, suno gid sa ginsiling sang Ginoo.” 52Sang pagkabati sang suloguon ni Abraham sang ila mga pulong, nagluhod sia nga nagaduko sa pagsimba sa Ginoo. 53Dayon nagkuha sia sing pilak kag bulawan nga mga alahas kag mga bayu kag ginhatag ini tanan kay Rebeca. Ginhatagan man niya sing malahalon nga mga regalo ang utod nga lalaki ni Rebeca kag ang iya iloy.
54Dayon ang suloguon kag ang mga tinawo ni Abraham nagkaon kag nag-inom, kag nagtulog didto sadto nga gab-i. Pagmata nila sang aga, nagsiling sia, “Mapauli na ako sa akon agalon.”
55Pero ang iloy ni Rebeca kag ang iya utod nga lalaki nagsiling, “Patenira anay ang dalaga diri sing isa ka simana ukon napulo ka adlaw kag sa tapos sina makalakat na sia.”
56Pero nagsiling sia, “Indi man ninyo ako pagpadugaya diri. Natigayon sang Ginoo ang akon tinutuyo, gani tugoti ninyo ako sa pagbalik sa akon agalon.”
57Nagsabat sila, “Tawgon ta si Rebeca kag tan-awon ta kon ano ang masiling niya.” 58Gani gintawag nila si Rebeca kag ginpamangkot, “Luyag ka bala mag-upod sa sini nga tawo?”
Nagsabat sia, “Huo, maupod ako.”
59Gani ginpaupod nila si Rebeca kag ang iya yaya sa suloguon ni Abraham kag sa iya mga tinawo. 60Kag ila ginbendisyunan si Rebeca sa sini nga mga pulong:
“Kabay nga ikaw nga utod namon nga babayi mangin-iloy sang minilyon.
Kabay nga ang imo mga kaliwat magaagaw sang mga siudad sang ila mga kaaway.”
61Dayon si Rebeca kag ang iya manug-atipan nga mga dalaga nag-aman kag nagsakay sa mga kamelyo sa pag-upod sa suloguon ni Abraham, kag naglakat sila.
62Karon si Isaac nakaabot sa desierto sang#24:62 Ang iban nga dumaan nga mga pagbadbadsa desierto sang; sa Hebreohalin sa. “Bubon sang Nagakabuhi nga Nagatan-aw sa Akon,” kag nag-estar sia sa nabagatnan nga bahin sang Canaan. 63Sang kahapunanon na naggwa sia sa paglakatlakat sa latagon, kag nakita niya ang mga kamelyo nga nagapadulong sa iya. 64Sang nakita ni Rebeca si Isaac, nagpanaog sia sa iya kamelyo, 65kag ginpamangkot niya ang suloguon ni Abraham, “Sin-o inang tawo sa latagon nga nagapadulong sa aton?”
Ang suloguon nagsabat, “Amo ina sia ang akon agalon.” Gani ginkuha ni Rebeca ang iya takurong kag iya gintabunan ang iya guya.
66Ang suloguon nagsugid kay Isaac sang tanan nga iya ginhimo. 67Dayon gindala ni Isaac sa iya tolda si Rebeca sa lugar nga gin-estaran sang iya iloy nga si Sara kag nangin-iya sia asawa. Ginpalangga ni Isaac si Rebeca, gani naumpawan sia sa iya pagkasubo sa pagtaliwan sang iya iloy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012