Хьунухь 23
23
Саррадин кьиникь
1Саррадин вишни къанни ирид йис хьана. 2Ам вичиз гила Хевран лугьузвай Къирйат-Арбада Къенандин чилел кьена. Ибрагьима атана Саррадин гьайиф чӀугваз адан кьилихъ ацукьна шелар авуна, 3ахпа кьейидан патавай къекъечӀна, хетийрихъ элкъвена лагьана:
4«Зун ина хайиди туш, зун масанай атана ина ацукьайди ва чара чилин кас я. Заз жуван кьенвай паб кучукун патал сур эгъуьндай са чка чара ая». 5-6«Заз килиг, чи агъа! – жаваб гана хетийри. – Вун гьуьрмет авай, Аллагьдиз кӀандай кас я. Чи виридалайни хъсан сур гьим ятӀа, гьана жуван паб кучука: чакай ни хьайитӀани вав вичин тухумдин гуьмбет и кар патал вугуда».
7Ибрагьима хетийриз, и чилин иесийриз, икрам авуна 8ва лагьана: «Куьне заз кьенвайди кучукдай ихтияр гузватӀа, са мергьемет ая: Эфранавай, Цагьаран хцивай, 9адан чуьлдин къерехда авай Махпелан кьветӀ заз маса це лагьана тӀалаба. Заз ам куьнни алаз гимишдин атӀай къиметдай, ам мейит кучукнавай чка хьун патал, маса гурай». 10-11«Ваъ гьа, зи агъа!» – жаваб гана хетийрин арада авай Эфрана ва адан шегьердин варарив ацукьнавай вири хетийриз адан ван хьана. – «Заз килиг: а чуьл, кьветӀни галаз санал, зи патай савкьват яз кьабула. Зи халкь шагьид я: за ваз и чуьл, вуна анал ви кьенвайди кучукун патал, пишкешзава!»
12И чилин агьалийриз икрамна, 13Ибрагьима Эфраназ икӀ лагьана – кӀватӀ хьанвай вирибуруз адан ван атана: «Заз килиг, ваз тавакъу я: за кьейиди кучукдай чуьлдай завай гимиш кьабула!» 14-15«Хъсан я, зи агъа!» – жаваб гана Эфрана. – «Гила вуна заз яб це. И чуьлдин къимет гимишдин кьуд виш шекъел я – ана ви кьейиди кучукун патал им зазни ваз гзаф яни?»
16Ибрагьим Эфранан къиметдихъ галаз рази хьана ва адаз ахьтин кьадар гимиш атӀана алцумна хьи, гьикьван ада шагьидар тир хетарни алай чкадал тайинарнайтӀа: тажиррин арада икьрар хьанвай заланвилел асас яз кьуд виш шекъел.
17-18Гьа икӀ Мамредин патарив гвай Махпелада экӀя хьанвай чуьл кьветӀни, анай экъечӀнавай вири тарарни галаз Ибрагьиман хсусиятдиз элкъвена. Идан шагьидарни шегьердин варарив кӀватӀ хьанвай вири хетар тир.
19Ахпа Ибрагьима вичин паб Сарра Къенанда авай вичиз гила Хевран лугьузвай Мамредин патарив гвай Махпеладин чуьлда авай кьветӀе кучукна. 20Чуьлни кьветӀ хетийрин ихтиярдай Ибрагьиман ихтиярдиз атана, кьейибур кучукдай чкадиз элкъвена.
Currently Selected:
Хьунухь 23: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Хьунухь 23
23
Саррадин кьиникь
1Саррадин вишни къанни ирид йис хьана. 2Ам вичиз гила Хевран лугьузвай Къирйат-Арбада Къенандин чилел кьена. Ибрагьима атана Саррадин гьайиф чӀугваз адан кьилихъ ацукьна шелар авуна, 3ахпа кьейидан патавай къекъечӀна, хетийрихъ элкъвена лагьана:
4«Зун ина хайиди туш, зун масанай атана ина ацукьайди ва чара чилин кас я. Заз жуван кьенвай паб кучукун патал сур эгъуьндай са чка чара ая». 5-6«Заз килиг, чи агъа! – жаваб гана хетийри. – Вун гьуьрмет авай, Аллагьдиз кӀандай кас я. Чи виридалайни хъсан сур гьим ятӀа, гьана жуван паб кучука: чакай ни хьайитӀани вав вичин тухумдин гуьмбет и кар патал вугуда».
7Ибрагьима хетийриз, и чилин иесийриз, икрам авуна 8ва лагьана: «Куьне заз кьенвайди кучукдай ихтияр гузватӀа, са мергьемет ая: Эфранавай, Цагьаран хцивай, 9адан чуьлдин къерехда авай Махпелан кьветӀ заз маса це лагьана тӀалаба. Заз ам куьнни алаз гимишдин атӀай къиметдай, ам мейит кучукнавай чка хьун патал, маса гурай». 10-11«Ваъ гьа, зи агъа!» – жаваб гана хетийрин арада авай Эфрана ва адан шегьердин варарив ацукьнавай вири хетийриз адан ван хьана. – «Заз килиг: а чуьл, кьветӀни галаз санал, зи патай савкьват яз кьабула. Зи халкь шагьид я: за ваз и чуьл, вуна анал ви кьенвайди кучукун патал, пишкешзава!»
12И чилин агьалийриз икрамна, 13Ибрагьима Эфраназ икӀ лагьана – кӀватӀ хьанвай вирибуруз адан ван атана: «Заз килиг, ваз тавакъу я: за кьейиди кучукдай чуьлдай завай гимиш кьабула!» 14-15«Хъсан я, зи агъа!» – жаваб гана Эфрана. – «Гила вуна заз яб це. И чуьлдин къимет гимишдин кьуд виш шекъел я – ана ви кьейиди кучукун патал им зазни ваз гзаф яни?»
16Ибрагьим Эфранан къиметдихъ галаз рази хьана ва адаз ахьтин кьадар гимиш атӀана алцумна хьи, гьикьван ада шагьидар тир хетарни алай чкадал тайинарнайтӀа: тажиррин арада икьрар хьанвай заланвилел асас яз кьуд виш шекъел.
17-18Гьа икӀ Мамредин патарив гвай Махпелада экӀя хьанвай чуьл кьветӀни, анай экъечӀнавай вири тарарни галаз Ибрагьиман хсусиятдиз элкъвена. Идан шагьидарни шегьердин варарив кӀватӀ хьанвай вири хетар тир.
19Ахпа Ибрагьима вичин паб Сарра Къенанда авай вичиз гила Хевран лугьузвай Мамредин патарив гвай Махпеладин чуьлда авай кьветӀе кучукна. 20Чуьлни кьветӀ хетийрин ихтиярдай Ибрагьиман ихтиярдиз атана, кьейибур кучукдай чкадиз элкъвена.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024