Genesis 18
18
Nisipan a Nawalaay Anak si Abraham
1Pinmanengneng so Katawan ed kinen Abraham diad saray masanton kiew nen Mamre. Manyodyorung si Abraham ed puirtay tulda to nen kapetapetangay agew; 2tinmangwa, et anengneng toy taloran totoo a manalalagey irad ag arawin pasen. Binatik to ran tampol ya inabet, insan dinmakmomo ya anggad dalin so lupa to. 3Inkuanto, “Wadya ak a magter a manlingkur ed sikayo. Ag yo komun lalabasay abung ko; tonda ki nin magano. 4Abuloyan yo ak a mangalay danum a panoras yoy sali yo; nayarian yoy mampainawad silong to yan kiew. 5Mangala ak met na kanen yo, pian naitdan kayoy biskeg a mangituloy na panaakar yo. Pinagalangan yo ak ed inyakar yo dia, kanyan abuloyan yo ak a manlingkur ed sikayo.”
Inmebat ira, “Salamat; sigi sirin.”
6Linmoob a tampol si Abraham ed tulda tan inkuantod Sara, “Ganatan mo, mangala kay sankaabigan ya arina, tan manggawa kay tinapay.” 7Insan batik ed poluk na baka, tan angalay sakey a mataban kilaw, insan inter tod sakey ya aripen a nangganat ya angiparaan. 8Angalay kiso, gatas, tan samay niluton karniy kilaw, insan to ra imparongo ed saramay taloran totoo. Sikaton diliy nansirbid sikara legan dan angan diad silong na kiew.
9Tinepet dad sikato, “Kawalaan nen asawam a Sara?”
“Wadyad dalem na tulda,” ebat to.
10Inkuan na sakey ed sikara, “Siam bulan a manlapud natan,#18:10 Siam bulan a manlapud natan; odino Sayan panaon diad ontombuk a taon. ompawil ak dia, et wala lad satan so lakin anak nen Sara.”
Wadmay Sara ya onderengel ed biek na puirta a nibeneg nen Abraham. 11Mataktakken la ra di Abraham tan Sara, tan ag la naliliberay Sara. 12Kanyan inmelek a bukor si Sara tan inkuantod sikaton dili, “Natan ta akolaw ak la, manliket ak ni kasin miakdul? Insan sakey ni, matakken met lay masiken ko.”
13Tinepet na Katawan ed kinen Abraham, “Akin et inmelek si Sara tan inkuanto, ‘Makapananak ak ni kasi, anta akolaw ak la?’ 14Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”
15Lapud antakot si Sara, ag to inako. “Ag ak pa inmelek,” inkuanto.
“Ag ka la mantitila,” ebat to. “Inmelek ka.”
Impikasi nen Abraham so Sodoma
16Pinmikal la ra may lalaki tan linma rad pasen a naosdungan day Sodoma; akilay Abraham, ta pasiputen to ra. 17Inkuan na Katawan ed sikaton dili, “Ag ko iyamut ed kinen Abraham so gawaen ko. 18Magmaliw a baleg tan makapanyarin bansa iray kabyangay boleg to, tan diad panamegley to bindisionan kon amin iray bansa.#18:18 diad panamegley…amin iray bansa; odino amin a bansa kerewen dad siak a bindisionan ko ra a singa impamindision kod sikato. 19Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”
20Insan inkuan na Katawan ed kinen Abraham, “Makapataktakot iray dalem ed siak sumpad Sodoma tan Gomorra, tan balbaleg so kasalanan da. 21Nakaukolan ya onakseb ak, ta kabaten ko no tua kasi o andi ira yan nadngelan kon dalem.”
22Linma la ra may duaran lalaki tan amaarap irad Sodoma, balet tinmilak so Katawan ed kinen Abraham. 23Sinmingger si Abraham ed Katawan tan inkuanto, “Talaga sirin a deralen mo ray matonung a totoo, pati saray maoges? 24No wala bilang ed siudad so limamplon totoo a matonung, deralen mo nin siansiay intiron siudad? Ag mo kasi palabasen, pian nilaban ira may limamplo? 25Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”
26Inmebat so Katawan, “No walay narumog kon limamplon matonung a totoo ed Sodoma, ag ko la deralen so intiron siudad lapud sikara.”
27Nansalita lamet si Abraham, “Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew. 28Balet nayarin wala rad may apataplo tan liman totoo a matonung, aliwan limamplo. Deralen mo kasiy intiron siudad lapud kulang na limarad limamplo?”
Inmebat so Katawan, “No walay narumog kon apataplo tan liman totoo a matonung, ag ko la deralen lapud sikara.”
29Nansalita lamet si Abraham, “No bilang ta apataplo ra, deralen mo ni kasi?”
Inmebat, “No walad may apataplo, ag ko la deralen lapud sikara.”
30Inkuanen Abraham, “Ag ka komun mamapasnuk, Katawan, ta mansalita ak lamet. No bilang ta talomplo ra, deralen mo ni?”
Inmebat, “No walad may talomplo, ag ko deralen lapud sikara.”
31Inkuanen Abraham, “Pasinsiaan mo pa lay tepel na linawak, ta mikasi ak lamet ed sika, Katawan. No bilang ta dogduamplo ra, deralen mo ni?”
Inmebat, “No walad may narumog kon duamplon matonung, ag ko la deralen lapud sikara.”
32Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?”
Inmebat, “No walay samplora, ag ko deralen lapud sikara.” 33Kasumpal na Katawan ya akisalitad kinen Abraham, linma la tan sinmempet met lay Abraham.
Currently Selected:
Genesis 18: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 18
18
Nisipan a Nawalaay Anak si Abraham
1Pinmanengneng so Katawan ed kinen Abraham diad saray masanton kiew nen Mamre. Manyodyorung si Abraham ed puirtay tulda to nen kapetapetangay agew; 2tinmangwa, et anengneng toy taloran totoo a manalalagey irad ag arawin pasen. Binatik to ran tampol ya inabet, insan dinmakmomo ya anggad dalin so lupa to. 3Inkuanto, “Wadya ak a magter a manlingkur ed sikayo. Ag yo komun lalabasay abung ko; tonda ki nin magano. 4Abuloyan yo ak a mangalay danum a panoras yoy sali yo; nayarian yoy mampainawad silong to yan kiew. 5Mangala ak met na kanen yo, pian naitdan kayoy biskeg a mangituloy na panaakar yo. Pinagalangan yo ak ed inyakar yo dia, kanyan abuloyan yo ak a manlingkur ed sikayo.”
Inmebat ira, “Salamat; sigi sirin.”
6Linmoob a tampol si Abraham ed tulda tan inkuantod Sara, “Ganatan mo, mangala kay sankaabigan ya arina, tan manggawa kay tinapay.” 7Insan batik ed poluk na baka, tan angalay sakey a mataban kilaw, insan inter tod sakey ya aripen a nangganat ya angiparaan. 8Angalay kiso, gatas, tan samay niluton karniy kilaw, insan to ra imparongo ed saramay taloran totoo. Sikaton diliy nansirbid sikara legan dan angan diad silong na kiew.
9Tinepet dad sikato, “Kawalaan nen asawam a Sara?”
“Wadyad dalem na tulda,” ebat to.
10Inkuan na sakey ed sikara, “Siam bulan a manlapud natan,#18:10 Siam bulan a manlapud natan; odino Sayan panaon diad ontombuk a taon. ompawil ak dia, et wala lad satan so lakin anak nen Sara.”
Wadmay Sara ya onderengel ed biek na puirta a nibeneg nen Abraham. 11Mataktakken la ra di Abraham tan Sara, tan ag la naliliberay Sara. 12Kanyan inmelek a bukor si Sara tan inkuantod sikaton dili, “Natan ta akolaw ak la, manliket ak ni kasin miakdul? Insan sakey ni, matakken met lay masiken ko.”
13Tinepet na Katawan ed kinen Abraham, “Akin et inmelek si Sara tan inkuanto, ‘Makapananak ak ni kasi, anta akolaw ak la?’ 14Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”
15Lapud antakot si Sara, ag to inako. “Ag ak pa inmelek,” inkuanto.
“Ag ka la mantitila,” ebat to. “Inmelek ka.”
Impikasi nen Abraham so Sodoma
16Pinmikal la ra may lalaki tan linma rad pasen a naosdungan day Sodoma; akilay Abraham, ta pasiputen to ra. 17Inkuan na Katawan ed sikaton dili, “Ag ko iyamut ed kinen Abraham so gawaen ko. 18Magmaliw a baleg tan makapanyarin bansa iray kabyangay boleg to, tan diad panamegley to bindisionan kon amin iray bansa.#18:18 diad panamegley…amin iray bansa; odino amin a bansa kerewen dad siak a bindisionan ko ra a singa impamindision kod sikato. 19Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”
20Insan inkuan na Katawan ed kinen Abraham, “Makapataktakot iray dalem ed siak sumpad Sodoma tan Gomorra, tan balbaleg so kasalanan da. 21Nakaukolan ya onakseb ak, ta kabaten ko no tua kasi o andi ira yan nadngelan kon dalem.”
22Linma la ra may duaran lalaki tan amaarap irad Sodoma, balet tinmilak so Katawan ed kinen Abraham. 23Sinmingger si Abraham ed Katawan tan inkuanto, “Talaga sirin a deralen mo ray matonung a totoo, pati saray maoges? 24No wala bilang ed siudad so limamplon totoo a matonung, deralen mo nin siansiay intiron siudad? Ag mo kasi palabasen, pian nilaban ira may limamplo? 25Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”
26Inmebat so Katawan, “No walay narumog kon limamplon matonung a totoo ed Sodoma, ag ko la deralen so intiron siudad lapud sikara.”
27Nansalita lamet si Abraham, “Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew. 28Balet nayarin wala rad may apataplo tan liman totoo a matonung, aliwan limamplo. Deralen mo kasiy intiron siudad lapud kulang na limarad limamplo?”
Inmebat so Katawan, “No walay narumog kon apataplo tan liman totoo a matonung, ag ko la deralen lapud sikara.”
29Nansalita lamet si Abraham, “No bilang ta apataplo ra, deralen mo ni kasi?”
Inmebat, “No walad may apataplo, ag ko la deralen lapud sikara.”
30Inkuanen Abraham, “Ag ka komun mamapasnuk, Katawan, ta mansalita ak lamet. No bilang ta talomplo ra, deralen mo ni?”
Inmebat, “No walad may talomplo, ag ko deralen lapud sikara.”
31Inkuanen Abraham, “Pasinsiaan mo pa lay tepel na linawak, ta mikasi ak lamet ed sika, Katawan. No bilang ta dogduamplo ra, deralen mo ni?”
Inmebat, “No walad may narumog kon duamplon matonung, ag ko la deralen lapud sikara.”
32Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?”
Inmebat, “No walay samplora, ag ko deralen lapud sikara.” 33Kasumpal na Katawan ya akisalitad kinen Abraham, linma la tan sinmempet met lay Abraham.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983