Genesis 21
21
Say Inkianak nen Isaac
1Binindisionan na Katawan si Sara, onung na insipan to. 2Nanlokun tan nananak na sakey a laki ed kinen Abraham nen masiken la, tan diad samay panaon ya imbagay Dios. 3Inngaran nen Abraham imay ogaw na Isaac. 4Nen waloy agew to, sinegat nen Abraham, onung na ingganggay Dios. 5Sanlasus taon la nen Abraham nen nianak si Isaac. 6Inkuanen Sara, “Makapagayaga tan makapalek#21:6 MAKAPALEK: Diad salitay Hebreo say ngaran ya Isaac kabaliksan toy “makakalek” (nengnengen yo met so 17:17-19). so ginaway Dios ed siak; siopamay makadngel ed saya mielek met ed siak.” 7Insan inkuanto ni, “Wala kasiy akakpel ya angibagad kinen Abraham a mampasuso ak niy ogaw? Anggaman ontan, nananak kami na sakey a laki, anta matakken lay masiken ko.”
8Binmaleg imay ogaw tan diad agew ya impamaksod sikato, nantaryay baleg a ponsia si Abraham.
Apataynan ira di Agar tan Ismael
9Aminsan ya agew si Ismael a lakin anak nen Agar ya Egipsia ed kinen Abraham et migagalaw ed kinen Isaac#21:9 Diad pigaran dagdaan a patalus ed kinen Isaac ya anak nen Sara; anggapo ra yan salita ed tikston Hebreo. ya anak nen Sara. 10Anengneng ya nen Sara tan inkuantod kinen Abraham, “Pataynan mo yan aripen a bii tan say anak to. Ag nayarin say anak to et miapag ed kayamanan mo a tawiren nen Isaac ya anak ko.” 11Lapud saya agunigon na baleg si Abraham, ta anak to met si Ismael. 12Balet inkuan na Dios ed sikato, “Ag mo panggugunigonan so ogaw tan say aripen mon si Agar. Gawam so antokaman ya ibabaga nen Sara, ta si Isaac so panlapwan na saray kabyangay boleg mon insipan kon iter ed sika. 13Itdan ko met na amayamay ya anak so anak mod samay aripen a bii, pian magmaliw iran sakey a bansa, ta anak mo met lanti si Ismael.”
14Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba. 15Nen naoput la may danum a balun to, intilak to may ogaw ed silong na kiew ya abeba, 16insan to inyorung ed pasen a sakey a siamaploy mitro so kinaarawi to. Inkuantod sikaton dili, “Ag ko nitepel a nengnengen so ipatey na anak ko.” Nen wadman a manyodyorung, ginapwan toy#21:16 toy; diad sakey a dagdaan a patalus to may ogaw so. inmakis.
17Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw. 18Alagey ka, laka ta alam, tan ligliwam. Gawaen kon baleg a bansa ray kabyangay boleg to naani.” 19Inlokas na Dios iray mata nen Agar, et anengneng toy sakey a bobun. Linma tan pinano toy danum imay katat a supot, insan to pinainom imay ogaw. 20Diad ibabaleg na samay ogaw, walad sikatoy Dios; nanayam ed kalawakan na Paran tan nagmaliw a maung ya umaanop. 21Inalaan nen ina to na biin Egipsia ya asawaen to.
Say Paknaan di Abraham tan Abimelec
22Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo. 23Kanyan mansamba ka dia ed imatun na Dios ya ag mo kami papalikdoen, siak, saray anak ko, tan saray kabyangay boleg ko. Matoor ak ed sika, kanyan isipan mon matoor ka met ed siak tan diad sayan dalin a panaayaman mo.”
24Inkuanen Abraham, “On, sambaan ko.”
25Nanriklamoy Abraham ed kinen Abimelec nipaakar ed bobun a sinamsam na saray aripen nen Abimelec. 26Inkuanen Abimelec, “Ag ko amta no siopay nanggawad saya. Ag mo met imbagad siak, tan natan ko ya labat nadngelan.” 27Insan initdan nen Abraham si Abimelec na pigaran karniro tan baka, tan nampaknaan iran dua. 28Angibiig si Abraham na pitoran kordiron kabatyan ed saray karniro to, 29kanyan tinepet nen Abimelec, “Akin et ginawam itan?”
30Inmebat si Abraham, “Awat mo pa yan pitoran kordiro. Diad pangawat mo akoen mon siak so nankotkot ed sayan bobun.” 31Kanyan atawag iman a pasen na Beer-seba,#21:31 BEER-SEBA: “Bobun na Sipan” odino “Bobun na pitora” so kabaliksan to yan ngaran ed salitay Hebreo (nengnengen yo met so 26:33). ta dimay nampaknaan dan dua.
32Kasumpal dan nampaknaan ed Beer-seba, pinmawil la rad Filistia di Abimelec tan Ficol. 33Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios. 34Abayag a nanayam ed Filistia si Abraham.
Currently Selected:
Genesis 21: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 21
21
Say Inkianak nen Isaac
1Binindisionan na Katawan si Sara, onung na insipan to. 2Nanlokun tan nananak na sakey a laki ed kinen Abraham nen masiken la, tan diad samay panaon ya imbagay Dios. 3Inngaran nen Abraham imay ogaw na Isaac. 4Nen waloy agew to, sinegat nen Abraham, onung na ingganggay Dios. 5Sanlasus taon la nen Abraham nen nianak si Isaac. 6Inkuanen Sara, “Makapagayaga tan makapalek#21:6 MAKAPALEK: Diad salitay Hebreo say ngaran ya Isaac kabaliksan toy “makakalek” (nengnengen yo met so 17:17-19). so ginaway Dios ed siak; siopamay makadngel ed saya mielek met ed siak.” 7Insan inkuanto ni, “Wala kasiy akakpel ya angibagad kinen Abraham a mampasuso ak niy ogaw? Anggaman ontan, nananak kami na sakey a laki, anta matakken lay masiken ko.”
8Binmaleg imay ogaw tan diad agew ya impamaksod sikato, nantaryay baleg a ponsia si Abraham.
Apataynan ira di Agar tan Ismael
9Aminsan ya agew si Ismael a lakin anak nen Agar ya Egipsia ed kinen Abraham et migagalaw ed kinen Isaac#21:9 Diad pigaran dagdaan a patalus ed kinen Isaac ya anak nen Sara; anggapo ra yan salita ed tikston Hebreo. ya anak nen Sara. 10Anengneng ya nen Sara tan inkuantod kinen Abraham, “Pataynan mo yan aripen a bii tan say anak to. Ag nayarin say anak to et miapag ed kayamanan mo a tawiren nen Isaac ya anak ko.” 11Lapud saya agunigon na baleg si Abraham, ta anak to met si Ismael. 12Balet inkuan na Dios ed sikato, “Ag mo panggugunigonan so ogaw tan say aripen mon si Agar. Gawam so antokaman ya ibabaga nen Sara, ta si Isaac so panlapwan na saray kabyangay boleg mon insipan kon iter ed sika. 13Itdan ko met na amayamay ya anak so anak mod samay aripen a bii, pian magmaliw iran sakey a bansa, ta anak mo met lanti si Ismael.”
14Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba. 15Nen naoput la may danum a balun to, intilak to may ogaw ed silong na kiew ya abeba, 16insan to inyorung ed pasen a sakey a siamaploy mitro so kinaarawi to. Inkuantod sikaton dili, “Ag ko nitepel a nengnengen so ipatey na anak ko.” Nen wadman a manyodyorung, ginapwan toy#21:16 toy; diad sakey a dagdaan a patalus to may ogaw so. inmakis.
17Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw. 18Alagey ka, laka ta alam, tan ligliwam. Gawaen kon baleg a bansa ray kabyangay boleg to naani.” 19Inlokas na Dios iray mata nen Agar, et anengneng toy sakey a bobun. Linma tan pinano toy danum imay katat a supot, insan to pinainom imay ogaw. 20Diad ibabaleg na samay ogaw, walad sikatoy Dios; nanayam ed kalawakan na Paran tan nagmaliw a maung ya umaanop. 21Inalaan nen ina to na biin Egipsia ya asawaen to.
Say Paknaan di Abraham tan Abimelec
22Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo. 23Kanyan mansamba ka dia ed imatun na Dios ya ag mo kami papalikdoen, siak, saray anak ko, tan saray kabyangay boleg ko. Matoor ak ed sika, kanyan isipan mon matoor ka met ed siak tan diad sayan dalin a panaayaman mo.”
24Inkuanen Abraham, “On, sambaan ko.”
25Nanriklamoy Abraham ed kinen Abimelec nipaakar ed bobun a sinamsam na saray aripen nen Abimelec. 26Inkuanen Abimelec, “Ag ko amta no siopay nanggawad saya. Ag mo met imbagad siak, tan natan ko ya labat nadngelan.” 27Insan initdan nen Abraham si Abimelec na pigaran karniro tan baka, tan nampaknaan iran dua. 28Angibiig si Abraham na pitoran kordiron kabatyan ed saray karniro to, 29kanyan tinepet nen Abimelec, “Akin et ginawam itan?”
30Inmebat si Abraham, “Awat mo pa yan pitoran kordiro. Diad pangawat mo akoen mon siak so nankotkot ed sayan bobun.” 31Kanyan atawag iman a pasen na Beer-seba,#21:31 BEER-SEBA: “Bobun na Sipan” odino “Bobun na pitora” so kabaliksan to yan ngaran ed salitay Hebreo (nengnengen yo met so 26:33). ta dimay nampaknaan dan dua.
32Kasumpal dan nampaknaan ed Beer-seba, pinmawil la rad Filistia di Abimelec tan Ficol. 33Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios. 34Abayag a nanayam ed Filistia si Abraham.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983