Genesis 38
38
Si Juda tan si Tamar
1Ag abayag nanlapud samay impangilakod Jose, tinaynan nen Juda iray agagi to tan linmad kinen Hira a taga baley na Adullam. 2Akabat tod may sakey a biin Cananea a say ama to et manngaray Sua. Inasawa to, nanlokun, 3tan nananak na sakey a laki ya inngaran to na Er. 4Nanlokun lamet tan nananak na sakey a laki ya inngaran to na Onan. 5Nananak na kumatlon laki ya inngaran to na Sela. Walad Aczib si Juda nen nianak si Sela.
6Si Juda inalaan toy Er na asawa a Tamar so ngaran to. 7Maoges so kagagawa nen Er, kanyan nampasnuk so Katawan tan pinatey to. 8Inkuanen Juda ed kinen Onan ya agi nen Er, “Laka, ta akdulan moy balo ya ayrom. Gawam so kanepegan mon agi na asawa to, pian nawalaan na anak so agim.” 9Balet amta nen Onan ya ag nibilang iran anak to iray nailalak to, kanyan kapag miakdul ed kinen ayro to, iyibung tod dalin so bini to, pian ag nawalaay anak si agi to. 10Nampasnuk so Katawan ed sayan ginawa nen Onan, kanyan pinatey to met. 11Insan inkuanen Juda ed kinen manugang to, “Sempet ka nid abung nen amam tan ag ka ni miaasawa ya anggad ibaleg nen anak kon Sela.” Inkuanto ya lapud antakot, ta ompan napatey met si Sela, a singa agawad saramay duaran agi to. Sinmempe la sirin si Tamar.
12Ag abayag, inatey so asawa nen Juda. Nen asumpal so impanermen to, linmad Timna si Juda tan si kaaro ton Hira a taga Adullam ed pasen a pankakatlian na saray karniro to. 13Walay angikuan ed kinen Tamar, “Onlay katolangan mo ed Timna a mankatli na saray karniro to.” 14Kanyan inekal toy kawes na balo ya akasolung ed sikato, sinakbungan toy lupa to na pandung, tan nanirung ed lolooban na Enaim, sakey a baley ed dalan a mamaarap ed Timna. Kabat to a balolaki la si Sela, balet ag to ni inasaway Tamar.
15Nen anengneng nen Juda, abaloan ton sakey a biin marotak, ta sinakbungan toy lupa to. 16Inasinggeran tod gilig na dalan tan inkuanto, “Gala, ta paliket mo ak.” (Ag to amta a si Tamar iman a manugang to.)
Inkuanto may bii, “Antoy iter mod siak?”
17Inmebat, “Ipawitan ta kay kilaw na kanding.”
Inkuanto, “Labay ko, no itdan mo ak na kaletan ya anggad pakaawat koy kanding.”
18“Antoy iter kod sikan kaletan?” tepet nen Juda.
Inmebat, “Say singsing mon panagmarka, a pati say kadina to, tan say baston a sankalibit mo.” Inter ira sirin nen Juda ed sikato. Nanakdul ira, et nanlokun si Tamar. 19Sinmempet lay Tamar, inekal toy pandung to, tan insolung to lamet iray kawes na balo.
20Imbaki nen Juda si kaaro ton Hira a mangiter na samay kanding ya insipan to tan mangala na samay kaletan ya inter to, balet ag naalmo nen Hira imay bii. 21Tinepet tod pigaran lalaki ed Enaim, “Kawalaan to may biin marotak a wadya nen saman ed gilig na dalan?”
Inmebat ira, “Anggapo pa ni dian balut so ontan a bii.”
22Pinmawil ed kinen Juda tan inkuanto, “Ag ko naalmo. Inkuan na saray lalakid man ya anggapo nid man a balut so biin marotak.”
23Inkuanen Juda, “Paolyan mo la sirin ya iyatol to ra may inter ko, ta ompan elekan ita na saray totoo. Talagan bayaran ko met ingen, et ag mo met naalmo.”
24Kasumpal na sakey a taloy bulan, walay angikuan ed kinen Juda, “Walay piaakdulan nen manugang mon si Tamar, ta malokun.”
Ingganggan nen Juda, “Ipaway yo, insan yo poolan ya anggad ag to ipatey.”
25Nen ipapaway da si Tamar, impaibaga tod kinen katolangan to: “Alokunan ak na lakin akankayaryan ed saraya. Nengneng mo ra tan ibagam no siopay akankayaryan—sayan singsing, a pati kadina to, tan sayan baston.”
26Abirbir ira nen Juda tan inkuanto, “Anggapoy kasalanan to, ta ag ko ginaway kanepegan kod sikato. Impaasawak komun ed kinen anak kon Sela.” Ag lan balut inakdulan nen Juda si Tamar.
27Nen asingger lan mananak si Tamar, nalmoan a lasun a lalaki so iyanak to. 28Nen mampapasakit, impaway na sakey ed sikara so lima to; siningkat na manamyanak imay lima, binerberan to na ambalangan tinebey, tan inkuanto, “Sikato yay onaan a pinmaway.” 29Balet ginoyur na samay ogaw so lima to, tan samay agi to la laingen so onaan a pinmaway. Insan inkuanto may manamyanak, “Onya manaya so kapapaway mo!” Kanyan angaranay Fares.#38:29 FARES: “Pinmaway” so kabaliksan to yan ngaran diad salitay Hebreo. 30Sinmoblay a pinmaway so agi to, samay walay ambalangan tinebey ed lima to, et angaranay Zara.
Currently Selected:
Genesis 38: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 38
38
Si Juda tan si Tamar
1Ag abayag nanlapud samay impangilakod Jose, tinaynan nen Juda iray agagi to tan linmad kinen Hira a taga baley na Adullam. 2Akabat tod may sakey a biin Cananea a say ama to et manngaray Sua. Inasawa to, nanlokun, 3tan nananak na sakey a laki ya inngaran to na Er. 4Nanlokun lamet tan nananak na sakey a laki ya inngaran to na Onan. 5Nananak na kumatlon laki ya inngaran to na Sela. Walad Aczib si Juda nen nianak si Sela.
6Si Juda inalaan toy Er na asawa a Tamar so ngaran to. 7Maoges so kagagawa nen Er, kanyan nampasnuk so Katawan tan pinatey to. 8Inkuanen Juda ed kinen Onan ya agi nen Er, “Laka, ta akdulan moy balo ya ayrom. Gawam so kanepegan mon agi na asawa to, pian nawalaan na anak so agim.” 9Balet amta nen Onan ya ag nibilang iran anak to iray nailalak to, kanyan kapag miakdul ed kinen ayro to, iyibung tod dalin so bini to, pian ag nawalaay anak si agi to. 10Nampasnuk so Katawan ed sayan ginawa nen Onan, kanyan pinatey to met. 11Insan inkuanen Juda ed kinen manugang to, “Sempet ka nid abung nen amam tan ag ka ni miaasawa ya anggad ibaleg nen anak kon Sela.” Inkuanto ya lapud antakot, ta ompan napatey met si Sela, a singa agawad saramay duaran agi to. Sinmempe la sirin si Tamar.
12Ag abayag, inatey so asawa nen Juda. Nen asumpal so impanermen to, linmad Timna si Juda tan si kaaro ton Hira a taga Adullam ed pasen a pankakatlian na saray karniro to. 13Walay angikuan ed kinen Tamar, “Onlay katolangan mo ed Timna a mankatli na saray karniro to.” 14Kanyan inekal toy kawes na balo ya akasolung ed sikato, sinakbungan toy lupa to na pandung, tan nanirung ed lolooban na Enaim, sakey a baley ed dalan a mamaarap ed Timna. Kabat to a balolaki la si Sela, balet ag to ni inasaway Tamar.
15Nen anengneng nen Juda, abaloan ton sakey a biin marotak, ta sinakbungan toy lupa to. 16Inasinggeran tod gilig na dalan tan inkuanto, “Gala, ta paliket mo ak.” (Ag to amta a si Tamar iman a manugang to.)
Inkuanto may bii, “Antoy iter mod siak?”
17Inmebat, “Ipawitan ta kay kilaw na kanding.”
Inkuanto, “Labay ko, no itdan mo ak na kaletan ya anggad pakaawat koy kanding.”
18“Antoy iter kod sikan kaletan?” tepet nen Juda.
Inmebat, “Say singsing mon panagmarka, a pati say kadina to, tan say baston a sankalibit mo.” Inter ira sirin nen Juda ed sikato. Nanakdul ira, et nanlokun si Tamar. 19Sinmempet lay Tamar, inekal toy pandung to, tan insolung to lamet iray kawes na balo.
20Imbaki nen Juda si kaaro ton Hira a mangiter na samay kanding ya insipan to tan mangala na samay kaletan ya inter to, balet ag naalmo nen Hira imay bii. 21Tinepet tod pigaran lalaki ed Enaim, “Kawalaan to may biin marotak a wadya nen saman ed gilig na dalan?”
Inmebat ira, “Anggapo pa ni dian balut so ontan a bii.”
22Pinmawil ed kinen Juda tan inkuanto, “Ag ko naalmo. Inkuan na saray lalakid man ya anggapo nid man a balut so biin marotak.”
23Inkuanen Juda, “Paolyan mo la sirin ya iyatol to ra may inter ko, ta ompan elekan ita na saray totoo. Talagan bayaran ko met ingen, et ag mo met naalmo.”
24Kasumpal na sakey a taloy bulan, walay angikuan ed kinen Juda, “Walay piaakdulan nen manugang mon si Tamar, ta malokun.”
Ingganggan nen Juda, “Ipaway yo, insan yo poolan ya anggad ag to ipatey.”
25Nen ipapaway da si Tamar, impaibaga tod kinen katolangan to: “Alokunan ak na lakin akankayaryan ed saraya. Nengneng mo ra tan ibagam no siopay akankayaryan—sayan singsing, a pati kadina to, tan sayan baston.”
26Abirbir ira nen Juda tan inkuanto, “Anggapoy kasalanan to, ta ag ko ginaway kanepegan kod sikato. Impaasawak komun ed kinen anak kon Sela.” Ag lan balut inakdulan nen Juda si Tamar.
27Nen asingger lan mananak si Tamar, nalmoan a lasun a lalaki so iyanak to. 28Nen mampapasakit, impaway na sakey ed sikara so lima to; siningkat na manamyanak imay lima, binerberan to na ambalangan tinebey, tan inkuanto, “Sikato yay onaan a pinmaway.” 29Balet ginoyur na samay ogaw so lima to, tan samay agi to la laingen so onaan a pinmaway. Insan inkuanto may manamyanak, “Onya manaya so kapapaway mo!” Kanyan angaranay Fares.#38:29 FARES: “Pinmaway” so kabaliksan to yan ngaran diad salitay Hebreo. 30Sinmoblay a pinmaway so agi to, samay walay ambalangan tinebey ed lima to, et angaranay Zara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983