Genesis 49
49
Saray Kaonuran a Salita nen Jacob
1Impaawit nen Jacob iray anak ton lalaki tan kuanto, “Gali diad abay ko, ta ibagak so nagawad sikayo diad arapen a panaon:
2“Mantitipon tan dengel kayo,
lalakin anak nen Jacob,
Dengel kayod ama yon Israel.
3“Ruben ya anak kon pangulowan,
sikay biskeg ko,
Tan onaan ya anak ko nen kabisbiskegan ko,
Say sankamapaatageyan tan sankabiskegan ed amin da ray anak kon lalaki.
4Singa ka mabiskeg a delap,
Balet ag ka magmaliw a sankatalonggaringan,
Lapud akiakdul kad inamung kon bii,
Tan dinotakan moy dokulan na amam.
5“Sanagi ra di Simeon tan Levi.
Ikakana ray armas dad panggawa ray deral.
6Ag ak mibalid maamut iran tongtongan da.
Ag ak mibiang ed saray pandaragop da,
Ta lapud petang na olo ra amatey iray totoo
Tan nilopuy da ray bakan kalakyan a para galaw.
7Sakey a samba komuy niwala ed pasnuk da, lapud alablabas,
Tan diad petang na olo ra, lapud mapalalon maruksa.
Ikaykayat ko rad intiron dalin na Israel.
Itaytayak ko rad saray totoo na Israel.
8“Juda, idayew ka na saray agagim a lalaki.
Tetekmelan mod beklew iray kalaban mo.
Ondakmomod sika iray lalakin agagim.
9Si Juda et singa lion.
Papateyen to ray labay ton pateyen, insan ompapawil ed balaung to.
Maninat-inat tan mandokul-dokul.
Anggapoy makakpel a manigensigen ed sikato.
10Bembenan toy baston na ari.
Manoley lawas iray kabyangay boleg to.
Maniter ed sikato iray bansa na buis da
Tan ondakmomo ran ontoluk ed sikato.
11Isisinger tod sengeg na ubas so kilaw ya asno to,
Isisinger tod sankaabigan ya ubas.
Ipepesak toy kawes to ed alak ya ambalangan singa dala.
12Ombabalanga ray mata to lapud kakainom toy alak.
Ompopoti ray ngipen to lapud kakainom toy gatas.
13“Si Zabulon et manayam ed gilig na dayat.
Magmaliw a puirto na saray barko iray sakop ton gilig na dayat.
Say dalin to onsabi ya anggad Sidon.
14“Si Isacar et singa mabiskeg ya asno
A mandokdokul ed leet na saray sapin a sako.
15Balet nanenengneng ton maung a pasen so pampapainawaan to
Tan makaroyroyo so dalin.
Ipaparaan toy takeb ton manakbat
Tan sikatoy napapasoot a mankimey a sakey ya aripen.
16“Si Dan et manoley ed saray totoo to.
Magmaliw iran singa saray arum a tribu na Israel.
17Magmaliw ya oleg ed gilig na dalan si Dan,
Sakey a nanditan oleg diad gilig na basbas,
A mangetket ed mokur na kabayo,
Pian napelag a nabalongyar ed beneg to so akakabayo.
18“Manalagar ak na panangilaban mo, Katawan.
19“Dogpaan na sakey ya olup na
matatakew si Gad,
Balet poliktaran to ra, insan to ra osilan.
20“Panlapwan na masustansian tagano so dalin nen Aser.
Mangiter na kakanen a manepeg ed ari.
21“Si Neftali et sakey ya ulsa a batik-batik ya anggan iner,
Tan makapalikliket iray anak ton ankekelag.#49:21 Si Neftali…ankekelag; odino Si Neftali et sakey a masalsalumpapak a kiew a balibali ray sanga to.
22“Si Jose et singa sakey ya asnod katakelan a walad gilig na sobul,
Sakey a kilaw na kabayo a walad alusadsar na palandey.#49:22 Si Jose…palandey; odino Si Jose et singa sakey a kiew ya asingger ed sobul, mabungan kiew ya akaloyloy ed tapew na padir iray sanga to.
23Pinasyan dogpaan na saray kalaban to,
Tan osilan dan awit day pana ra.
24Balet mansiasiansian mabiskeg so pana to,
Tan napapabiskeg iray taklay to
Diad panamegley na pakayari na Makapanyarin Dios nen Jacob.
Napapabiskeg na Managpastol, say Manangyagel ed Israel.
25Say Dios na amam so ontutulong ed sika,
Say Makapanyarin-amin a Dios a mamibindision ed sika,
Na saray bindision ya oran a manlalapud tawen
Tan aralem iran sobul a manlalapud dalem na dalin,
Saray bindision ya amayamay a baka tan amayamay ya anak,
26Saray bindision a trigo tan saray rosas,#49:26 Say sankanayarian a tiksto bokel na trigo tan rosas; diad tikston Hebreo makapanyari ni ray amam.
Saray bindision a dagdaan iran palandey,#49:26 Say sakey a dagdaan a patalus dagdaan iran palandey; diad tikston Hebreo saray lalakik ed.
Saray makapalikliket a bengatlan manlalapud andi-anggaan iran pokdul.
Mansiansia komun ira yan bindision ed olo nen Jose,
Diad muling na samay nibiig nen saman ed saray agagi ton lalaki.
27“Si Benjamin et singa sakey a maruksan asod katakelan.
Agew-labin mamangakan na napapatey to.”
28Sikara yay labinduan tribu na Israel, tan sikara yay kaonuran a salita nen ama ra nen bindisionan toy balang sakey ed sikara.
Say Impatey tan say Impangiponpon ed kinen Jacob
29Insan ingganggan nen Jacob iray lalakin anak to, “Natan ta magano ak lan mitipon ed saray totook ya andi lad bilay, kerewen kon ipompon yo ak ya ipitipon ed amak tan saray lalakik diad lobuk a walad alog nen Efron a Heteo, 30diad Macpela a bokig na Mamre, diad dalin na Canaan. Sinaliw nen laki yon Abraham iman ya ongib tan alog ed kinen Efron a Heteo, pian pamponponan. 31Diman so angipomponan dad kindi laki Abraham tan di asawa ran Sara; diman so angipomponan ed kindi laki Isaac tan di asawa ran Rebeca; tan diman met so angipomponan kod kinen Lea. 32Asaliw ed saray Heteo ira may alog tan ongib. Diman yo ak ipompon.” 33Kayarin binilin nen Jacob iray anak ton lalaki, pinmawil a dinmokul, insan inatey.
Currently Selected:
Genesis 49: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Genesis 49
49
Saray Kaonuran a Salita nen Jacob
1Impaawit nen Jacob iray anak ton lalaki tan kuanto, “Gali diad abay ko, ta ibagak so nagawad sikayo diad arapen a panaon:
2“Mantitipon tan dengel kayo,
lalakin anak nen Jacob,
Dengel kayod ama yon Israel.
3“Ruben ya anak kon pangulowan,
sikay biskeg ko,
Tan onaan ya anak ko nen kabisbiskegan ko,
Say sankamapaatageyan tan sankabiskegan ed amin da ray anak kon lalaki.
4Singa ka mabiskeg a delap,
Balet ag ka magmaliw a sankatalonggaringan,
Lapud akiakdul kad inamung kon bii,
Tan dinotakan moy dokulan na amam.
5“Sanagi ra di Simeon tan Levi.
Ikakana ray armas dad panggawa ray deral.
6Ag ak mibalid maamut iran tongtongan da.
Ag ak mibiang ed saray pandaragop da,
Ta lapud petang na olo ra amatey iray totoo
Tan nilopuy da ray bakan kalakyan a para galaw.
7Sakey a samba komuy niwala ed pasnuk da, lapud alablabas,
Tan diad petang na olo ra, lapud mapalalon maruksa.
Ikaykayat ko rad intiron dalin na Israel.
Itaytayak ko rad saray totoo na Israel.
8“Juda, idayew ka na saray agagim a lalaki.
Tetekmelan mod beklew iray kalaban mo.
Ondakmomod sika iray lalakin agagim.
9Si Juda et singa lion.
Papateyen to ray labay ton pateyen, insan ompapawil ed balaung to.
Maninat-inat tan mandokul-dokul.
Anggapoy makakpel a manigensigen ed sikato.
10Bembenan toy baston na ari.
Manoley lawas iray kabyangay boleg to.
Maniter ed sikato iray bansa na buis da
Tan ondakmomo ran ontoluk ed sikato.
11Isisinger tod sengeg na ubas so kilaw ya asno to,
Isisinger tod sankaabigan ya ubas.
Ipepesak toy kawes to ed alak ya ambalangan singa dala.
12Ombabalanga ray mata to lapud kakainom toy alak.
Ompopoti ray ngipen to lapud kakainom toy gatas.
13“Si Zabulon et manayam ed gilig na dayat.
Magmaliw a puirto na saray barko iray sakop ton gilig na dayat.
Say dalin to onsabi ya anggad Sidon.
14“Si Isacar et singa mabiskeg ya asno
A mandokdokul ed leet na saray sapin a sako.
15Balet nanenengneng ton maung a pasen so pampapainawaan to
Tan makaroyroyo so dalin.
Ipaparaan toy takeb ton manakbat
Tan sikatoy napapasoot a mankimey a sakey ya aripen.
16“Si Dan et manoley ed saray totoo to.
Magmaliw iran singa saray arum a tribu na Israel.
17Magmaliw ya oleg ed gilig na dalan si Dan,
Sakey a nanditan oleg diad gilig na basbas,
A mangetket ed mokur na kabayo,
Pian napelag a nabalongyar ed beneg to so akakabayo.
18“Manalagar ak na panangilaban mo, Katawan.
19“Dogpaan na sakey ya olup na
matatakew si Gad,
Balet poliktaran to ra, insan to ra osilan.
20“Panlapwan na masustansian tagano so dalin nen Aser.
Mangiter na kakanen a manepeg ed ari.
21“Si Neftali et sakey ya ulsa a batik-batik ya anggan iner,
Tan makapalikliket iray anak ton ankekelag.#49:21 Si Neftali…ankekelag; odino Si Neftali et sakey a masalsalumpapak a kiew a balibali ray sanga to.
22“Si Jose et singa sakey ya asnod katakelan a walad gilig na sobul,
Sakey a kilaw na kabayo a walad alusadsar na palandey.#49:22 Si Jose…palandey; odino Si Jose et singa sakey a kiew ya asingger ed sobul, mabungan kiew ya akaloyloy ed tapew na padir iray sanga to.
23Pinasyan dogpaan na saray kalaban to,
Tan osilan dan awit day pana ra.
24Balet mansiasiansian mabiskeg so pana to,
Tan napapabiskeg iray taklay to
Diad panamegley na pakayari na Makapanyarin Dios nen Jacob.
Napapabiskeg na Managpastol, say Manangyagel ed Israel.
25Say Dios na amam so ontutulong ed sika,
Say Makapanyarin-amin a Dios a mamibindision ed sika,
Na saray bindision ya oran a manlalapud tawen
Tan aralem iran sobul a manlalapud dalem na dalin,
Saray bindision ya amayamay a baka tan amayamay ya anak,
26Saray bindision a trigo tan saray rosas,#49:26 Say sankanayarian a tiksto bokel na trigo tan rosas; diad tikston Hebreo makapanyari ni ray amam.
Saray bindision a dagdaan iran palandey,#49:26 Say sakey a dagdaan a patalus dagdaan iran palandey; diad tikston Hebreo saray lalakik ed.
Saray makapalikliket a bengatlan manlalapud andi-anggaan iran pokdul.
Mansiansia komun ira yan bindision ed olo nen Jose,
Diad muling na samay nibiig nen saman ed saray agagi ton lalaki.
27“Si Benjamin et singa sakey a maruksan asod katakelan.
Agew-labin mamangakan na napapatey to.”
28Sikara yay labinduan tribu na Israel, tan sikara yay kaonuran a salita nen ama ra nen bindisionan toy balang sakey ed sikara.
Say Impatey tan say Impangiponpon ed kinen Jacob
29Insan ingganggan nen Jacob iray lalakin anak to, “Natan ta magano ak lan mitipon ed saray totook ya andi lad bilay, kerewen kon ipompon yo ak ya ipitipon ed amak tan saray lalakik diad lobuk a walad alog nen Efron a Heteo, 30diad Macpela a bokig na Mamre, diad dalin na Canaan. Sinaliw nen laki yon Abraham iman ya ongib tan alog ed kinen Efron a Heteo, pian pamponponan. 31Diman so angipomponan dad kindi laki Abraham tan di asawa ran Sara; diman so angipomponan ed kindi laki Isaac tan di asawa ran Rebeca; tan diman met so angipomponan kod kinen Lea. 32Asaliw ed saray Heteo ira may alog tan ongib. Diman yo ak ipompon.” 33Kayarin binilin nen Jacob iray anak ton lalaki, pinmawil a dinmokul, insan inatey.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983