Johana 18
18
Jeso unagwirwa
(Matayo 26:47-56; Mariko 14:43-50; Luka 22:47-53)
1Jeso ariphomala kuvoya mavoyo gago, wauka na anafunzie, achahula detʼe ra Kedironi achenda uo upande unjine, kuriko kwakala kuna kadzunda ka mizeituni, na yiye achendaphenya phapho na ahumwae. 2Juda, yekala undamuguza Jeso, wakala unakamanya phapho karipho kadzunda kako, kwakukala, Jeso wakala achionana na ao ahumwae kuko mara kwa mara.
3Ndo Juda achilongoza gingi ya shikari na arinzi a Hekalu kulaa kwa makuhani abomu, na Afarisayo. Ao ákala ana myundu, magundu, mikalanga, na mataa, na Juda achidza nao vivi hata phapho kadzundani.
4Jeso wakala unagamanya gosi gokala gandamupata. Ndo yiyo gingi ya shikari na ao arinzi ariphofika phapho kadzundani, yiye achidzilavya achiauza vivi, “Ni ani yiye mumutsakulaye?” 5Ao achimuudzidza achimwamba, “Hunamutsakula Jeso muchina Nazareti!” Jeso achiaamba, “Mimi bee, ndimi yiye.” Juda yemuguza Jeso wakala wimire phapho phamwenga nao.
6Jeso ariphoamba, “Mimi ndimi yiye,” alume átinira nyuma hata achigwa.
7Jeso achiauza kahiri, “Ni ani yiye mumutsakulaye mwimwi?” Ao achimuudzidza achimwamba, “Jeso muchina Nazareti mba!” 8Jeso achiaamba, “Bee samba nidzimwambira kare mwimwi kukala, mimi ndimi yiye. Kwa vivyo, muchikala munatsakula mimi, hʼaya bee nigwirani mimi kare, ano anjine ao aricheni ende vyao.” 9Jeso wagomba vivyo kuchimiza garatʼu maneno gokala udzigagomba ukati phokala unavoya kukala, “Náarinda chividzo aa osi onipʼa, hata kʼaphana hata mumwenga yeyaya.”
10Simoni Pʼetero wakala una upanga. Ndo phapho achiutsomola kare maruru achimutema muhendikazi wa kuhani mubomu, achimutosa sikirore ra kulume. Mutʼu yiye dzinare wakala ndiye Maliko. 11#Mat 26:39; Mar 14:36; Luk 22:42Jeso achimwamba Pʼetero, “Hʼai, hʼai, hʼai! Udza upangao mwakwe chowani. Shenene yiyi nápangirwa ni Baba Mulungu, na kʼamwidima kuyiziza yitsʼinipate!”
Jeso mbere za kuhani mubomu Anasi
12Yiyatʼu gingi ya shikari na mubomu wao na ao arinzi a Chiyahudi ámugwira Jeso achimufunga mikowa. 13Ariphomala kumufunga mikowa, ámuphirika kwa Anasi kwanza, mana, Anasi wakala ni mutsedzangwa wa Kayafa, yekala ndiye kuhani mubomu mwaka uo. 14#Joh 11:49, 50Kayafa ndiye yekala udziaambira ao vilongozi a Ayahudi anjine kukala, ni baha mutʼu mumwenga kufa kwa dzulu ya atʼu osi.
Jeso unatinwa ni Pʼetero
(Matayo 26:59-75; Mariko 14:55-72; Luka 22:55-71)
15Simoni Pʼetero na muhumwa munjine ámutuwa Jeso. Yiye muhumwa munjine wakala ni musenangwa wa yiye kuhani mubomu Anasi. Kwa vivyo, achendahenzezwa kuphenya phamwenga na Jeso hata mumo bomani mwa yiye kuhani mubomu, 16ela Pʼetero yiye achisala konze phephi na uo muyango. Chidzakoche, yiye muhumwa yekala ni musenangwa wa yiye kuhani mubomu achilaa konze achendamwambira yiye musichana yekala unaimirira uo muyango, amuhenzeze Pʼetero naye aphenye. Musichana achikubali, achimuvugulira muyango Pʼetero achiphenya ndani. 17Yiye musichana yekala u muyangoni achimuuza Pʼetero vivi, “Chisha, uwe ukale kʼu mumwenga wa ahumwa a yuno mutʼu yedzigwirwa?” Pʼetero achimuudzidza achimwamba, “Hʼa-a, tsʼiye mumwenga wa ahumwae mino.”
18Ahendikazi na arinzi ákala akutʼa moho wa makala anaoha kwakukala, kwakala kuna pʼeho. Ndo Pʼetero naye achendaima phapho koha uo moho.
19Mumo ndani, yiye kuhani mubomu Anasi waanza kumuuza maswali Jeso dzulu ya ahumwae, na mafunzo gokala ufunza. 20Jeso achimuudzidza achimwamba, “Mimi nidzifunza atʼu a dunia jamani, mana, nidzifunza masinagogini, na Hekaluni kʼano nyinji, mutʼu monanamo Ayahudi osi, na hebu tsʼifunzire neno rorosi chisirisiri. 21Ndo kwadze sambi, unaniuza kahiri mimi? Uchikala una maswaligo, auze aratʼu nirioafunza. Ao anagamanya goafunza.” 22Ariphomarigiza kugomba gago, murinzi mumwenga yekala wimire phephi naye wamupiga ukofi na achimwamba, “Utsʼimuudzidze hivyo kuhani mubomu!” 23Jeso achimuudzidza achimwamba, “Mimi nichikala nidzigomba mai, hʼaya gaseme phapha chila mumwenga agasikire! Ela nichikala nidzigomba madzo, heka sambi unanipiga?”
24Anasi ariphomala kumuuza-uza Jeso, walagiza aphirikwe kwa kuhani mubomu Kayafa, na kuno ufungwa mikowa vivyo, naye achiphirikwa.
25Ukati uo, Pʼetero wakala ucheri kwima phapho unaoha moho. Ndo ao atʼu okala a phapho achimuuza vivi, “Chisha, uwe samba u mumwenga wa ahumwa a mutʼu yuno yedzigwirwa?” Pʼetero achigakahala gago achiamba, “Tsʼimi mumwenga wa ahumwae mino!” 26Phapho phákala phana muhendikazi mumwenga wa yiye kuhani mubomu Anasi. Yiye wakala ni mubaringwa wa yuyatʼu yetoswa sikiro ni Pʼetero, naye achimuuza achimwamba, “Samba nidzikona u phamwenga naye uwe kura kadzundani?” 27Pʼetero achirema kahiri, na phapho kare jogolo richiika.
Jeso mbere za Pilato
(Matayo 27:1-2, 11-14; Mariko 15:1-5; Luka 23:1-5)
28Jeso ariphophirikwa kwa Kayafa, yiye wamuuza maswali hata pʼeho za kucha. Ndo kunahendawewe, vilongozi a Ayahudi ámuusa Jeso phapho pha Kayafa, achimuphirika dzumba ra utawala ra Arumi. Ela ao vilongozi a Ayahudi kʼaaphenyere mumo ndani ya riro dzumba. Maana, kala áphenya, angari ákahazwa kurya Pʼasaka, kwakukala, angari áambwa tsʼio atakatifu kwa aphenya nyumba ya atʼu ario tsʼiyo ya Ayahudi. 29Ariphokala adzimuhumira Pilato mutʼu akaambirwe dzulu ya Jeso, Pilato waatuwa kuko konze achendaauza vivi, “Mudzikudzamulumbira kwa kosa rani yuno?” 30Ao achimuudzidza achimwamba, “Kala mutʼu yuyu kʼahendere mai, hungari kʼahumurehere kwako.” 31Pilato achiaamba, “Hʼaya bee achikala wahenda mai, muhwaleni enye mukamulamule kutuwirizana na shariya yenu.” Ao Ayahudi achimuudzidza vivi, “Chishariya, siswi kʼahuhenzezwa kunyonga mutʼu.” 32#Joh 3:14; 12:32(Ayahudi ágomba vivyo kwa achimize gokala gasemwa chimbere ni Jeso dzulu ya vyokala undafa).
33Pilato achiuya mumo ndani ya dzumba ra utawala, na achiaamba ao shikari amuphenyeze yiye Jeso mumo ndani. Ndo kuko achimuuza vivi, “Uwe ndiwe Mufalume wa Ayahudi?” 34Jeso achimuudzidza achimwamba, “Uwe gago uniuzago ni gako uwe mwenye, hebu uwe gago wahendaambirwa ni atʼu anjine dzulu yangu?” 35Pilato achimuudzidza achimwamba, “Mino ninakuuza nimanye, uwe nawe unaniuza maswaligo. Kwani mino ni Muyahudi dza uwe? Hebu mino ndimi yekudzakugwira? Atʼuo mwenye na makuhani enu abomu ndio odzikureha phapha. Sambi uwe nambira, wakosani?” 36Jeso achimuudzidza achimwamba, “Ufalume wangu tsʼio wa hipha duniani mino. Kala ufalume wangu ni wa phapha duniani, atʼu angu angari apiga kʼondo kunihehera nitsʼigwirwe, na kuphirikwa kwa abomu a Ayahudi. Ela vino ufalume wangu tsʼio wa hipha duniani!” 37Phapho Pilato achimwamba, “Kwa vivyo, uwe u mufalume?” Jeso achimuudzidza achimwamba, “U muhaki uchinamba ni mufalume. Maana, mino návyalwa kwa gago, na nákudza duniani kudzaambira atʼu ujeri. Na chila mutʼu ariye ni wa ujeri, unanisikiza.” 38Pilato achimwamba, “Ujeri nini?”
Jeso unalamulwa kunyongwa
(Matayo 27:15-31; Mariko 15:6-20; Luka 23:13-25)
Pilato ariphomarigiza kugomba gago, waatuwa kahiri ao Ayahudi kuko konze ya riro dzumba achendaamba, “Mino ninamona mutʼu yuyatʼu kʼana kosa rorosi. 39Ela kutuwirizana na ada yenu, ninimuvugulire mufungwa mumwenga ukati wa Pʼasaka. Sambi vino, mukale munanihenza nimuvugulire yiye mufalume wa Ayahudi?” 40Phapho ao atʼu achiudzidza kʼululu achiamba, “Hʼa-a, kʼahumwenzi yiye. Sino huvugulire Baraba!” (Baraba wakala ni mumwenga wa chikundi chokala chinahenza chipinduwe sirikali.)
Currently Selected:
Johana 18: CHIDUR
Highlight
Share
Copy
Want to have your highlights saved across all your devices? Sign up or sign in
Johana 18
18
Jeso unagwirwa
(Matayo 26:47-56; Mariko 14:43-50; Luka 22:47-53)
1Jeso ariphomala kuvoya mavoyo gago, wauka na anafunzie, achahula detʼe ra Kedironi achenda uo upande unjine, kuriko kwakala kuna kadzunda ka mizeituni, na yiye achendaphenya phapho na ahumwae. 2Juda, yekala undamuguza Jeso, wakala unakamanya phapho karipho kadzunda kako, kwakukala, Jeso wakala achionana na ao ahumwae kuko mara kwa mara.
3Ndo Juda achilongoza gingi ya shikari na arinzi a Hekalu kulaa kwa makuhani abomu, na Afarisayo. Ao ákala ana myundu, magundu, mikalanga, na mataa, na Juda achidza nao vivi hata phapho kadzundani.
4Jeso wakala unagamanya gosi gokala gandamupata. Ndo yiyo gingi ya shikari na ao arinzi ariphofika phapho kadzundani, yiye achidzilavya achiauza vivi, “Ni ani yiye mumutsakulaye?” 5Ao achimuudzidza achimwamba, “Hunamutsakula Jeso muchina Nazareti!” Jeso achiaamba, “Mimi bee, ndimi yiye.” Juda yemuguza Jeso wakala wimire phapho phamwenga nao.
6Jeso ariphoamba, “Mimi ndimi yiye,” alume átinira nyuma hata achigwa.
7Jeso achiauza kahiri, “Ni ani yiye mumutsakulaye mwimwi?” Ao achimuudzidza achimwamba, “Jeso muchina Nazareti mba!” 8Jeso achiaamba, “Bee samba nidzimwambira kare mwimwi kukala, mimi ndimi yiye. Kwa vivyo, muchikala munatsakula mimi, hʼaya bee nigwirani mimi kare, ano anjine ao aricheni ende vyao.” 9Jeso wagomba vivyo kuchimiza garatʼu maneno gokala udzigagomba ukati phokala unavoya kukala, “Náarinda chividzo aa osi onipʼa, hata kʼaphana hata mumwenga yeyaya.”
10Simoni Pʼetero wakala una upanga. Ndo phapho achiutsomola kare maruru achimutema muhendikazi wa kuhani mubomu, achimutosa sikirore ra kulume. Mutʼu yiye dzinare wakala ndiye Maliko. 11#Mat 26:39; Mar 14:36; Luk 22:42Jeso achimwamba Pʼetero, “Hʼai, hʼai, hʼai! Udza upangao mwakwe chowani. Shenene yiyi nápangirwa ni Baba Mulungu, na kʼamwidima kuyiziza yitsʼinipate!”
Jeso mbere za kuhani mubomu Anasi
12Yiyatʼu gingi ya shikari na mubomu wao na ao arinzi a Chiyahudi ámugwira Jeso achimufunga mikowa. 13Ariphomala kumufunga mikowa, ámuphirika kwa Anasi kwanza, mana, Anasi wakala ni mutsedzangwa wa Kayafa, yekala ndiye kuhani mubomu mwaka uo. 14#Joh 11:49, 50Kayafa ndiye yekala udziaambira ao vilongozi a Ayahudi anjine kukala, ni baha mutʼu mumwenga kufa kwa dzulu ya atʼu osi.
Jeso unatinwa ni Pʼetero
(Matayo 26:59-75; Mariko 14:55-72; Luka 22:55-71)
15Simoni Pʼetero na muhumwa munjine ámutuwa Jeso. Yiye muhumwa munjine wakala ni musenangwa wa yiye kuhani mubomu Anasi. Kwa vivyo, achendahenzezwa kuphenya phamwenga na Jeso hata mumo bomani mwa yiye kuhani mubomu, 16ela Pʼetero yiye achisala konze phephi na uo muyango. Chidzakoche, yiye muhumwa yekala ni musenangwa wa yiye kuhani mubomu achilaa konze achendamwambira yiye musichana yekala unaimirira uo muyango, amuhenzeze Pʼetero naye aphenye. Musichana achikubali, achimuvugulira muyango Pʼetero achiphenya ndani. 17Yiye musichana yekala u muyangoni achimuuza Pʼetero vivi, “Chisha, uwe ukale kʼu mumwenga wa ahumwa a yuno mutʼu yedzigwirwa?” Pʼetero achimuudzidza achimwamba, “Hʼa-a, tsʼiye mumwenga wa ahumwae mino.”
18Ahendikazi na arinzi ákala akutʼa moho wa makala anaoha kwakukala, kwakala kuna pʼeho. Ndo Pʼetero naye achendaima phapho koha uo moho.
19Mumo ndani, yiye kuhani mubomu Anasi waanza kumuuza maswali Jeso dzulu ya ahumwae, na mafunzo gokala ufunza. 20Jeso achimuudzidza achimwamba, “Mimi nidzifunza atʼu a dunia jamani, mana, nidzifunza masinagogini, na Hekaluni kʼano nyinji, mutʼu monanamo Ayahudi osi, na hebu tsʼifunzire neno rorosi chisirisiri. 21Ndo kwadze sambi, unaniuza kahiri mimi? Uchikala una maswaligo, auze aratʼu nirioafunza. Ao anagamanya goafunza.” 22Ariphomarigiza kugomba gago, murinzi mumwenga yekala wimire phephi naye wamupiga ukofi na achimwamba, “Utsʼimuudzidze hivyo kuhani mubomu!” 23Jeso achimuudzidza achimwamba, “Mimi nichikala nidzigomba mai, hʼaya gaseme phapha chila mumwenga agasikire! Ela nichikala nidzigomba madzo, heka sambi unanipiga?”
24Anasi ariphomala kumuuza-uza Jeso, walagiza aphirikwe kwa kuhani mubomu Kayafa, na kuno ufungwa mikowa vivyo, naye achiphirikwa.
25Ukati uo, Pʼetero wakala ucheri kwima phapho unaoha moho. Ndo ao atʼu okala a phapho achimuuza vivi, “Chisha, uwe samba u mumwenga wa ahumwa a mutʼu yuno yedzigwirwa?” Pʼetero achigakahala gago achiamba, “Tsʼimi mumwenga wa ahumwae mino!” 26Phapho phákala phana muhendikazi mumwenga wa yiye kuhani mubomu Anasi. Yiye wakala ni mubaringwa wa yuyatʼu yetoswa sikiro ni Pʼetero, naye achimuuza achimwamba, “Samba nidzikona u phamwenga naye uwe kura kadzundani?” 27Pʼetero achirema kahiri, na phapho kare jogolo richiika.
Jeso mbere za Pilato
(Matayo 27:1-2, 11-14; Mariko 15:1-5; Luka 23:1-5)
28Jeso ariphophirikwa kwa Kayafa, yiye wamuuza maswali hata pʼeho za kucha. Ndo kunahendawewe, vilongozi a Ayahudi ámuusa Jeso phapho pha Kayafa, achimuphirika dzumba ra utawala ra Arumi. Ela ao vilongozi a Ayahudi kʼaaphenyere mumo ndani ya riro dzumba. Maana, kala áphenya, angari ákahazwa kurya Pʼasaka, kwakukala, angari áambwa tsʼio atakatifu kwa aphenya nyumba ya atʼu ario tsʼiyo ya Ayahudi. 29Ariphokala adzimuhumira Pilato mutʼu akaambirwe dzulu ya Jeso, Pilato waatuwa kuko konze achendaauza vivi, “Mudzikudzamulumbira kwa kosa rani yuno?” 30Ao achimuudzidza achimwamba, “Kala mutʼu yuyu kʼahendere mai, hungari kʼahumurehere kwako.” 31Pilato achiaamba, “Hʼaya bee achikala wahenda mai, muhwaleni enye mukamulamule kutuwirizana na shariya yenu.” Ao Ayahudi achimuudzidza vivi, “Chishariya, siswi kʼahuhenzezwa kunyonga mutʼu.” 32#Joh 3:14; 12:32(Ayahudi ágomba vivyo kwa achimize gokala gasemwa chimbere ni Jeso dzulu ya vyokala undafa).
33Pilato achiuya mumo ndani ya dzumba ra utawala, na achiaamba ao shikari amuphenyeze yiye Jeso mumo ndani. Ndo kuko achimuuza vivi, “Uwe ndiwe Mufalume wa Ayahudi?” 34Jeso achimuudzidza achimwamba, “Uwe gago uniuzago ni gako uwe mwenye, hebu uwe gago wahendaambirwa ni atʼu anjine dzulu yangu?” 35Pilato achimuudzidza achimwamba, “Mino ninakuuza nimanye, uwe nawe unaniuza maswaligo. Kwani mino ni Muyahudi dza uwe? Hebu mino ndimi yekudzakugwira? Atʼuo mwenye na makuhani enu abomu ndio odzikureha phapha. Sambi uwe nambira, wakosani?” 36Jeso achimuudzidza achimwamba, “Ufalume wangu tsʼio wa hipha duniani mino. Kala ufalume wangu ni wa phapha duniani, atʼu angu angari apiga kʼondo kunihehera nitsʼigwirwe, na kuphirikwa kwa abomu a Ayahudi. Ela vino ufalume wangu tsʼio wa hipha duniani!” 37Phapho Pilato achimwamba, “Kwa vivyo, uwe u mufalume?” Jeso achimuudzidza achimwamba, “U muhaki uchinamba ni mufalume. Maana, mino návyalwa kwa gago, na nákudza duniani kudzaambira atʼu ujeri. Na chila mutʼu ariye ni wa ujeri, unanisikiza.” 38Pilato achimwamba, “Ujeri nini?”
Jeso unalamulwa kunyongwa
(Matayo 27:15-31; Mariko 15:6-20; Luka 23:13-25)
Pilato ariphomarigiza kugomba gago, waatuwa kahiri ao Ayahudi kuko konze ya riro dzumba achendaamba, “Mino ninamona mutʼu yuyatʼu kʼana kosa rorosi. 39Ela kutuwirizana na ada yenu, ninimuvugulire mufungwa mumwenga ukati wa Pʼasaka. Sambi vino, mukale munanihenza nimuvugulire yiye mufalume wa Ayahudi?” 40Phapho ao atʼu achiudzidza kʼululu achiamba, “Hʼa-a, kʼahumwenzi yiye. Sino huvugulire Baraba!” (Baraba wakala ni mumwenga wa chikundi chokala chinahenza chipinduwe sirikali.)
Currently Selected:
:
Highlight
Share
Copy
Want to have your highlights saved across all your devices? Sign up or sign in