Johana Tʼangambere
Tʼangambere
Nguma Mbidzo dza yirivyoandikwa ni Johana, ni udzumbe usemao Jeso lwazu-lwazu kukala, ni ani. Udzumbe uu wa Johana unaanza na kumusema Jeso kukala, ndiye “Neno wa Mulungu,” ariye vyumbe vyosi vyaumbwa kuchirira yiye, na wahumwa ni yiye Mulungu adze amungʼazire menzwaye kwa atʼu. Chisha, unasumurira vivyo kukala, Jeso ndiye yiye Kʼirisito, yaani Mutivyi yekala ulagwa, na ni Mwanangwa wa Mulungu ariye atʼu ondamukuluphira, andapata uzima uphya wa kare na kare. Johana waandika maneno manji mumu mwakwe chitabuni. Yiye waandika maana, ya maneno ga Jeso, na waandika lwazu-lwazu kukala, hata o ahumwa a Jeso chisha, kʼaagamanyire maneno manjine gogombwa ni Jeso. Ao ákudzagamanya tʼotʼotʼo tu, Jeso ariphoulagwa, na kufufuka kulaa kuzimu. Jeso wakala achigomba kʼano nyinji kukala, wahumwa ni Mulungu kudzahufunza hosini kukala, Mulungu unahuhenza.
Ariphomala kwandika maneno ga mwanzo-mwanzo gaonyesago kukala, Jeso ndiye Neno wa Mulungu, na wakalako hangu pho mwanzo phokala urumwengu kʼaudzangwe kuumbwa, waandika dzulu ya dalili za kwangalaza zohendwa ni Jeso. Dalili zizo zinangʼaza kamare kukala, Jeso ndiye Mutivyi yekala ulagwa ni Mulungu kwenye Laganore ra Kare.
Phapho ndipho hwonapho virivyo atʼu anjine arivyomukuluphira Jeso na achikala anafunzie, na virivyo anjine arivyomupinga, na achirema kumukuluphira. Unamala gago, Johana waandika dzulu ya ushirika wa Jeso na anafunzie ohendeka usiku ogwirwa. Na waandika vivyo dzulu ya mavoyo govoya Jeso kudziikatʼo, na vivyo arivyoatiya moyo anafunzie phokala u phephi na kuulagwa kwa kukotwʼa misumari musalabani.
Musindikizowe, yiye waandika dzulu ya Jeso arivyogwirwa, arivyolumbirwa, dzulu ya arivyoulagwa kwa kukotwʼa misumari musalabani, dzulu ya kufufukakwe, na vivyo arivyoalairira anafunzie ariphofufuka.
Gakwe gogadinisira mumu mwakwe chitabuni ni kukala, kuna uzima uphya wa kare na kare. Ela uzima uo upatwa ni aratʼu akuluphirao kukala, Jeso ni Mwanangwa wa Mulungu, na anatuwa mafunzoge.
Garigo Mumu
Jeso unasemwa ndiye Neno wa Mulungu 1:1-18
Mabambanyi ga kazi ya Jeso 1:19-34
Anafunzi a Jeso a mwanzo 1:35-51
Dalili za kwangalaza zohendwa ni Jeso 2:1-12:50
Juma ra musindikizo ra Jeso 13:1-19:42
Kufufuka kwa Jeso 20:1-10
Jeso unaalairira anafunzie 20:11-21:25
Currently Selected:
Johana Tʼangambere: CHIDUR
Highlight
Share
Copy
Want to have your highlights saved across all your devices? Sign up or sign in
Johana Tʼangambere
Tʼangambere
Nguma Mbidzo dza yirivyoandikwa ni Johana, ni udzumbe usemao Jeso lwazu-lwazu kukala, ni ani. Udzumbe uu wa Johana unaanza na kumusema Jeso kukala, ndiye “Neno wa Mulungu,” ariye vyumbe vyosi vyaumbwa kuchirira yiye, na wahumwa ni yiye Mulungu adze amungʼazire menzwaye kwa atʼu. Chisha, unasumurira vivyo kukala, Jeso ndiye yiye Kʼirisito, yaani Mutivyi yekala ulagwa, na ni Mwanangwa wa Mulungu ariye atʼu ondamukuluphira, andapata uzima uphya wa kare na kare. Johana waandika maneno manji mumu mwakwe chitabuni. Yiye waandika maana, ya maneno ga Jeso, na waandika lwazu-lwazu kukala, hata o ahumwa a Jeso chisha, kʼaagamanyire maneno manjine gogombwa ni Jeso. Ao ákudzagamanya tʼotʼotʼo tu, Jeso ariphoulagwa, na kufufuka kulaa kuzimu. Jeso wakala achigomba kʼano nyinji kukala, wahumwa ni Mulungu kudzahufunza hosini kukala, Mulungu unahuhenza.
Ariphomala kwandika maneno ga mwanzo-mwanzo gaonyesago kukala, Jeso ndiye Neno wa Mulungu, na wakalako hangu pho mwanzo phokala urumwengu kʼaudzangwe kuumbwa, waandika dzulu ya dalili za kwangalaza zohendwa ni Jeso. Dalili zizo zinangʼaza kamare kukala, Jeso ndiye Mutivyi yekala ulagwa ni Mulungu kwenye Laganore ra Kare.
Phapho ndipho hwonapho virivyo atʼu anjine arivyomukuluphira Jeso na achikala anafunzie, na virivyo anjine arivyomupinga, na achirema kumukuluphira. Unamala gago, Johana waandika dzulu ya ushirika wa Jeso na anafunzie ohendeka usiku ogwirwa. Na waandika vivyo dzulu ya mavoyo govoya Jeso kudziikatʼo, na vivyo arivyoatiya moyo anafunzie phokala u phephi na kuulagwa kwa kukotwʼa misumari musalabani.
Musindikizowe, yiye waandika dzulu ya Jeso arivyogwirwa, arivyolumbirwa, dzulu ya arivyoulagwa kwa kukotwʼa misumari musalabani, dzulu ya kufufukakwe, na vivyo arivyoalairira anafunzie ariphofufuka.
Gakwe gogadinisira mumu mwakwe chitabuni ni kukala, kuna uzima uphya wa kare na kare. Ela uzima uo upatwa ni aratʼu akuluphirao kukala, Jeso ni Mwanangwa wa Mulungu, na anatuwa mafunzoge.
Garigo Mumu
Jeso unasemwa ndiye Neno wa Mulungu 1:1-18
Mabambanyi ga kazi ya Jeso 1:19-34
Anafunzi a Jeso a mwanzo 1:35-51
Dalili za kwangalaza zohendwa ni Jeso 2:1-12:50
Juma ra musindikizo ra Jeso 13:1-19:42
Kufufuka kwa Jeso 20:1-10
Jeso unaalairira anafunzie 20:11-21:25
Currently Selected:
:
Highlight
Share
Copy
Want to have your highlights saved across all your devices? Sign up or sign in