Matayo 24
24
Jeso unagomba dzulu ya kuvomolwa kwa Hekalu
(Mariko 13:1-2; Luka 21:5-6)
1Jeso wauka phapho Hekaluni, na mwenye phokala unenda vyakwe, anafunzie ámolohera riro Hekalu. 2Ela Jeso yiye achiaamba, “Riri Hekalu rajengwatʼo dza muronavyo, ela ninamwambira jeri mino, riri bee, rindavunzwa, na gaga mawe gosi mugaonago, bee kʼarindasala hata dziwe mwenga renye dzulu ya rinjine.”
Jeso unagomba dzulu ya tsʼiku za musindikizo wa itsʼi
(Mariko 13:3-13; Luka 21:7-19)
3Jeso ariphofika mulima wa Mizeituni wasagala, na anafunzie achimutuwa ao hichiyao tu achimwamba, “Hwambire, rira Hekalu rindavunzwa rini? Na ni dalili yani yondaonyesa kuuyako, na tsʼiku za phephi na musindikizo wa urumwengu?” 4Jeso achiaudzidza achiaamba, “Dzimanyirireni mutsʼidze mukalembwa ni mutʼu yeyosi. 5Maana, atʼu anji andalairira na ahumire dzina rangu ambe, ‘Mimi ndimi yiye Kʼirisito,’ na andaalemba atʼu anji. 6Na mundasikira kuna viha, na nziyenziye ya viha, ela gago gachilairira, mwimwi tsʼibabaikeni. Maana, gago ni seti galairire mwanzo, ela vivyo tsʼivyo kwamba gandakala ganaonyesa tsʼiku ya musindikizo wa urumwengu yindakala yifika. 7Itsʼi mwenga yindaheha na itsʼi yinjine, na ufalume umwenga undaheha na ufalume unjine. Kundakala na nzala, na itsʼi yindasumba kutʼu mbalimbali. 8Maneno gago gosi gandakala ni mwanzo wa yiyo riki tu, dza muchetʼu yedzanza kulumwa ni ndani ya uvyazi.
9 #
Mat 10:22
“Na chisha, atʼu andamugwira na amufunge kwa amushononese, na amuulage, na atʼu a viryomo vyosi andamumena kwakukala, munanikuluphira. 10Ndo phapho atʼu anji anikuluphirao vivi andauya nyuma, andamenana na andaguzana. 11Na agomvi anji a ulongo nao andalairira, na aalembe atʼu anji. 12Ukati uo, atʼu ai andakala anji muno hata kuhenzana kwa atʼu anji kusire. 13#Mat 10:22Ela yendavumirira hata musindikizo, bee ndiye yendativywa. 14Na yiyi Nguma Mbidzo dzulu ya Ufalume wa Mulungu, yindasumurirwa duniani kosi, kwa hata atʼu a itsʼi zosi ayisikire, na ndo tsʼiku ya musindikizo wa urumwengu yifike.”
Kuvunzwa kwa mudzi wa Jerusalemu
(Mariko 13:14-23; Luka 21:20-24)
15 #
Dan 9:27; 11:31; 12:11 Jeso waenderera kugomba achiamba, “Muchona mulungu wa chinyago yehadzwa ni mugomvi wa Mulungu Danieli kukala undabananga Hekalu, umutwʼa mutʼu mutakatifu mumo Hekaluni, (musomi naamanye maanaye), 16phapho ondakala a Judea, naakazire virimani. 17#Luk 17:31Mutʼu yendakala u dzulu ya nyumba, achitserera naatsʼiphenye nyumbani kuhwala miyoye, itsʼiphokala naachimbire tu. 18Yendakala u kwakwe mundani naatsʼiuye mudzini kwendahwala nguwoze, itsʼiphokala naachimbire tu naye. 19Andamanya enye achetʼu ondakala ana tʼumbo na ondakala anaamwisa tsʼiku zizo! 20Muvoyeni Mulungu maneno gago gatsʼilairire ukati wa mvula, hebu tsʼiku ya Sabato! 21#Dan 12:1; Ufun 7:14Maana, riki yondalairira ukati uo, bee yindakala bomu muno hata kʼayidzangwe kulairira hangu urumwengu uriphoumbwa hata rero, na hata kʼayindakudzalairira kahiri. 22Na kala tsʼiku zizo za riki kʼaziphunguzirwe, kʼakuna binadamu yeyosi ariye angari kutiya. Ela vino tsʼiku zizo zindaphunguzwa kwa dzulu ya atʼu otsagulwa. 23Ukati uo, mutʼu achidzamwamba, ‘Yiye Kʼirisito hiyu phano!’ hebu ‘Hiyuya kura!’ mwimwi mutsʼimukuluphire kamare. 24Maana, andalairira Kʼirisito a ulongo, na atʼu adzambao ni a Mulungu a ulongo, na ao andakudzahenda dalili za kwangalaza na mautʼu-mautʼu ga kwangalaza, kuheza kwalemba vichiidimikika hata ao atʼu otsagulwa ni Mulungu. 25Bee mino nidzimwambira chimbere gago, kwa hata gachidzalairira, mutsʼidze mukalembwa. 26#Luk 17:23, 24Kwa vivyo, achidzamwamba, ‘Kʼirisito u nyika,’ mwimwi tsʼikubalini, na hata tsʼendeni kamare kwendalola. Hebu achimwamba, ‘Kʼirisito uzama nyumbani,’ mwimwi gago mutsʼigakuluphire kamare. 27Maana, mimi Mutʼu yelaa dzulu, nichikala ninadza nindaonewa lwazu dza viratʼu mufyu umetavyo kulaa mulairo wa dzuwa, hata mutswerero wa dzuwa. 28#Luk 17:37Kudza kwangu kundakala lwazu, dza viratʼu mumanyavyo phatʼu phana chimba kwa kona nderi anji arundikana phapho.”
Kuuya kwa Mutʼu yelaa dzulu
(Mariko 13:24-27; Luka 21:25-28)
29 #
Isa 13:10; Joel 2:10, 31; 3:15; Ufun 6:12;
Isa 13:10; Ezek 32:7; Joel 2:10; 3:15;
Isa 34:4; Ufun 6:13 Jeso waenderera kugomba achiamba, “Riki zizo za tsʼiku zizo zichichira tu,
‘Dzuwa rindagwirwa, mwezi kʼaundaala,
nyenyezi zindagwa kulaa mbinguni,
na nguvu za dzulu zindasumbiswa.’
30 #
Dan 7:13; Zak 12:10-14; Ufun 1:7 “Ndo chidzako kulairire dalili kuko mbinguni konyesa kukala, mimi Mutʼu yelaa dzulu ninauya, na phapho atʼu a viryomo vyosi phapha duniani arire, na ndipho anone mimi Mutʼu yelaa dzulu ni mainguni ninadza na widimi na mungʼalo unji wa Mulungu. 31Chisha, kundapigwa gunda kwahuma malaika angu ende urumwenguni kosi, akaatsole-tsole atʼu angu osi oatsagula kulaa chila pʼembe.”
Funzo kulairirana na muhi wa mutini
(Mariko 13:28-31; Luka 21:29-33)
32Jeso waenderera kugomba na anafunzie achiaamba, “Nahuhwaleni mufano wa muhi wa mutini, nimufunzire gaga. Vitaivye vichanza kulavya makodza matsanga tu, munamanya kukala, ukati wa kazikazi ufika. 33Ndo dza gago gosi godzimwambira nago, muchigaona ganahendeka tu, mundamanya kukala, mimi Mutʼu yelaa dzulu ni phephi muno na kuuya. 34Ninamwambira jeri mino, atʼu angu oatsagula kʼaandafa akasira, hata garipho maneno gago gosi gandahendeka. 35Mbingu na dunia zindakala na musindikizo, ela maneno gangu kʼagandasika. Gago gandakwenderera hata kare na kare.”
Kʼakuna amanyaye phondauyira Jeso
(Mariko 13:32-37; Luka 17:26-30, 34-35)
36Jeso waenderera kugomba achiamba, “Ela hata vivyo, kʼakuna mutʼu amanyaye yiyo tsʼiku, hebu saa ya musindikizo wa urumwengu yindakala rini, hata mimi Mwana na malaika a Mulungu. Amanyaye ni Baba Mulungu tu hicheye. 37#Mwa 6:5-8Viratʼu atʼu arivyokala ukati wa Nuhu, ndivyo vyondakala ukati nichikala ni phephi na kuuya mimi Mutʼu yelaa dzulu. 38Ukati uo wa Nuhu, muvo wa madzi phokala u phephi na kudza, atʼu áenderera kurya na kunwa, kuhwala na kuhwalwa hata ukati Nuhu ariphophenya safinani, 39#Mwa 7:6-24chisha atʼu ao kʼaamanyire vivyo rokala rindahendeka hata muvo wa madzi uchidzaahosa osi. Ndo vivyo vyenye bee, ndivyo vyondakala ukati mimi Mutʼu yelaa dzulu nichikala ninauya. 40Ukati uo, alume airi andakala a mundani anarima, na mumwenga undahwalwa, na yiye munjine arichwe. 41Achetʼu airi andakala anasukumana lwala, na mumwenga undahwalwa, na yiye munjine arichwe. 42Ndo dzimanyirireni, kwakukala, kʼamumanya nindauya tsʼiku yani mimi Bwana wenu. 43#Luk 12:39, 40Ela kalani muchimanya kukala, kala mwenye nyumba nikumanya ni usiku wa saa ngaphi urio mwivi undakudza, angari kuchesa kwa kutsʼahenza nyumbaye yivunzwe na kuphenywa. 44Ndo hata mwimwi namwi, kalani kwete ukati wosi, mana, mimi Mutʼu yelaa dzulu nindakudza ukati urio mundakala kʼamunilolera.”
Muhendikazi wa kukuluphirika na yetsʼikuluphirika
(Luka 12:41-48)
45Jeso waamba, “Hebu nimwambire muhendikazi wa kukuluphirika na mwenye hekima arivyo. Muhendikazi wa kukuluphirika ni yuyatʼu ariye tajiriwe undamwika mwimirizi wa ahendikazi anzie, kwa hata aapʼe leu ukati uwiryao. 46Ndo baha yiye muhendikazi wa kukuluphirika, ariye tajiriwe achiuya, undakudzamona unahenda godzimulagiza. 47Ninamwambira jeri mino, tajiri achiona vivyo, undamwika muhendikazi yiye mwimirizi wa miyoye yosi. 48Ela yiye muhendikazi achikala ni mui, na aanze kwaza mwakwe moyoni ambe, ‘Aa, tajiri wangu undachelewa kuuya,’ 49ndo hata yiye aaphenyerere kwapiga ao ahendikazi anzie, arye na anwe na anwadzi anjine hata akole. 50Ndo tajiriwe nikudza tsʼiku yiriyo undakala kʼamulolera, na saa ariyo kʼayimanya. 51Phapho ndipho tajiriwe undamutiya akili vikali, na amutiye kutʼu kumwenga na alumakwiri, na kuko andadzuta, na arire hata ga milatso.”
Currently Selected:
Matayo 24: CHIDUR
Highlight
Share
Copy
Want to have your highlights saved across all your devices? Sign up or sign in
Matayo 24
24
Jeso unagomba dzulu ya kuvomolwa kwa Hekalu
(Mariko 13:1-2; Luka 21:5-6)
1Jeso wauka phapho Hekaluni, na mwenye phokala unenda vyakwe, anafunzie ámolohera riro Hekalu. 2Ela Jeso yiye achiaamba, “Riri Hekalu rajengwatʼo dza muronavyo, ela ninamwambira jeri mino, riri bee, rindavunzwa, na gaga mawe gosi mugaonago, bee kʼarindasala hata dziwe mwenga renye dzulu ya rinjine.”
Jeso unagomba dzulu ya tsʼiku za musindikizo wa itsʼi
(Mariko 13:3-13; Luka 21:7-19)
3Jeso ariphofika mulima wa Mizeituni wasagala, na anafunzie achimutuwa ao hichiyao tu achimwamba, “Hwambire, rira Hekalu rindavunzwa rini? Na ni dalili yani yondaonyesa kuuyako, na tsʼiku za phephi na musindikizo wa urumwengu?” 4Jeso achiaudzidza achiaamba, “Dzimanyirireni mutsʼidze mukalembwa ni mutʼu yeyosi. 5Maana, atʼu anji andalairira na ahumire dzina rangu ambe, ‘Mimi ndimi yiye Kʼirisito,’ na andaalemba atʼu anji. 6Na mundasikira kuna viha, na nziyenziye ya viha, ela gago gachilairira, mwimwi tsʼibabaikeni. Maana, gago ni seti galairire mwanzo, ela vivyo tsʼivyo kwamba gandakala ganaonyesa tsʼiku ya musindikizo wa urumwengu yindakala yifika. 7Itsʼi mwenga yindaheha na itsʼi yinjine, na ufalume umwenga undaheha na ufalume unjine. Kundakala na nzala, na itsʼi yindasumba kutʼu mbalimbali. 8Maneno gago gosi gandakala ni mwanzo wa yiyo riki tu, dza muchetʼu yedzanza kulumwa ni ndani ya uvyazi.
9 #
Mat 10:22
“Na chisha, atʼu andamugwira na amufunge kwa amushononese, na amuulage, na atʼu a viryomo vyosi andamumena kwakukala, munanikuluphira. 10Ndo phapho atʼu anji anikuluphirao vivi andauya nyuma, andamenana na andaguzana. 11Na agomvi anji a ulongo nao andalairira, na aalembe atʼu anji. 12Ukati uo, atʼu ai andakala anji muno hata kuhenzana kwa atʼu anji kusire. 13#Mat 10:22Ela yendavumirira hata musindikizo, bee ndiye yendativywa. 14Na yiyi Nguma Mbidzo dzulu ya Ufalume wa Mulungu, yindasumurirwa duniani kosi, kwa hata atʼu a itsʼi zosi ayisikire, na ndo tsʼiku ya musindikizo wa urumwengu yifike.”
Kuvunzwa kwa mudzi wa Jerusalemu
(Mariko 13:14-23; Luka 21:20-24)
15 #
Dan 9:27; 11:31; 12:11 Jeso waenderera kugomba achiamba, “Muchona mulungu wa chinyago yehadzwa ni mugomvi wa Mulungu Danieli kukala undabananga Hekalu, umutwʼa mutʼu mutakatifu mumo Hekaluni, (musomi naamanye maanaye), 16phapho ondakala a Judea, naakazire virimani. 17#Luk 17:31Mutʼu yendakala u dzulu ya nyumba, achitserera naatsʼiphenye nyumbani kuhwala miyoye, itsʼiphokala naachimbire tu. 18Yendakala u kwakwe mundani naatsʼiuye mudzini kwendahwala nguwoze, itsʼiphokala naachimbire tu naye. 19Andamanya enye achetʼu ondakala ana tʼumbo na ondakala anaamwisa tsʼiku zizo! 20Muvoyeni Mulungu maneno gago gatsʼilairire ukati wa mvula, hebu tsʼiku ya Sabato! 21#Dan 12:1; Ufun 7:14Maana, riki yondalairira ukati uo, bee yindakala bomu muno hata kʼayidzangwe kulairira hangu urumwengu uriphoumbwa hata rero, na hata kʼayindakudzalairira kahiri. 22Na kala tsʼiku zizo za riki kʼaziphunguzirwe, kʼakuna binadamu yeyosi ariye angari kutiya. Ela vino tsʼiku zizo zindaphunguzwa kwa dzulu ya atʼu otsagulwa. 23Ukati uo, mutʼu achidzamwamba, ‘Yiye Kʼirisito hiyu phano!’ hebu ‘Hiyuya kura!’ mwimwi mutsʼimukuluphire kamare. 24Maana, andalairira Kʼirisito a ulongo, na atʼu adzambao ni a Mulungu a ulongo, na ao andakudzahenda dalili za kwangalaza na mautʼu-mautʼu ga kwangalaza, kuheza kwalemba vichiidimikika hata ao atʼu otsagulwa ni Mulungu. 25Bee mino nidzimwambira chimbere gago, kwa hata gachidzalairira, mutsʼidze mukalembwa. 26#Luk 17:23, 24Kwa vivyo, achidzamwamba, ‘Kʼirisito u nyika,’ mwimwi tsʼikubalini, na hata tsʼendeni kamare kwendalola. Hebu achimwamba, ‘Kʼirisito uzama nyumbani,’ mwimwi gago mutsʼigakuluphire kamare. 27Maana, mimi Mutʼu yelaa dzulu, nichikala ninadza nindaonewa lwazu dza viratʼu mufyu umetavyo kulaa mulairo wa dzuwa, hata mutswerero wa dzuwa. 28#Luk 17:37Kudza kwangu kundakala lwazu, dza viratʼu mumanyavyo phatʼu phana chimba kwa kona nderi anji arundikana phapho.”
Kuuya kwa Mutʼu yelaa dzulu
(Mariko 13:24-27; Luka 21:25-28)
29 #
Isa 13:10; Joel 2:10, 31; 3:15; Ufun 6:12;
Isa 13:10; Ezek 32:7; Joel 2:10; 3:15;
Isa 34:4; Ufun 6:13 Jeso waenderera kugomba achiamba, “Riki zizo za tsʼiku zizo zichichira tu,
‘Dzuwa rindagwirwa, mwezi kʼaundaala,
nyenyezi zindagwa kulaa mbinguni,
na nguvu za dzulu zindasumbiswa.’
30 #
Dan 7:13; Zak 12:10-14; Ufun 1:7 “Ndo chidzako kulairire dalili kuko mbinguni konyesa kukala, mimi Mutʼu yelaa dzulu ninauya, na phapho atʼu a viryomo vyosi phapha duniani arire, na ndipho anone mimi Mutʼu yelaa dzulu ni mainguni ninadza na widimi na mungʼalo unji wa Mulungu. 31Chisha, kundapigwa gunda kwahuma malaika angu ende urumwenguni kosi, akaatsole-tsole atʼu angu osi oatsagula kulaa chila pʼembe.”
Funzo kulairirana na muhi wa mutini
(Mariko 13:28-31; Luka 21:29-33)
32Jeso waenderera kugomba na anafunzie achiaamba, “Nahuhwaleni mufano wa muhi wa mutini, nimufunzire gaga. Vitaivye vichanza kulavya makodza matsanga tu, munamanya kukala, ukati wa kazikazi ufika. 33Ndo dza gago gosi godzimwambira nago, muchigaona ganahendeka tu, mundamanya kukala, mimi Mutʼu yelaa dzulu ni phephi muno na kuuya. 34Ninamwambira jeri mino, atʼu angu oatsagula kʼaandafa akasira, hata garipho maneno gago gosi gandahendeka. 35Mbingu na dunia zindakala na musindikizo, ela maneno gangu kʼagandasika. Gago gandakwenderera hata kare na kare.”
Kʼakuna amanyaye phondauyira Jeso
(Mariko 13:32-37; Luka 17:26-30, 34-35)
36Jeso waenderera kugomba achiamba, “Ela hata vivyo, kʼakuna mutʼu amanyaye yiyo tsʼiku, hebu saa ya musindikizo wa urumwengu yindakala rini, hata mimi Mwana na malaika a Mulungu. Amanyaye ni Baba Mulungu tu hicheye. 37#Mwa 6:5-8Viratʼu atʼu arivyokala ukati wa Nuhu, ndivyo vyondakala ukati nichikala ni phephi na kuuya mimi Mutʼu yelaa dzulu. 38Ukati uo wa Nuhu, muvo wa madzi phokala u phephi na kudza, atʼu áenderera kurya na kunwa, kuhwala na kuhwalwa hata ukati Nuhu ariphophenya safinani, 39#Mwa 7:6-24chisha atʼu ao kʼaamanyire vivyo rokala rindahendeka hata muvo wa madzi uchidzaahosa osi. Ndo vivyo vyenye bee, ndivyo vyondakala ukati mimi Mutʼu yelaa dzulu nichikala ninauya. 40Ukati uo, alume airi andakala a mundani anarima, na mumwenga undahwalwa, na yiye munjine arichwe. 41Achetʼu airi andakala anasukumana lwala, na mumwenga undahwalwa, na yiye munjine arichwe. 42Ndo dzimanyirireni, kwakukala, kʼamumanya nindauya tsʼiku yani mimi Bwana wenu. 43#Luk 12:39, 40Ela kalani muchimanya kukala, kala mwenye nyumba nikumanya ni usiku wa saa ngaphi urio mwivi undakudza, angari kuchesa kwa kutsʼahenza nyumbaye yivunzwe na kuphenywa. 44Ndo hata mwimwi namwi, kalani kwete ukati wosi, mana, mimi Mutʼu yelaa dzulu nindakudza ukati urio mundakala kʼamunilolera.”
Muhendikazi wa kukuluphirika na yetsʼikuluphirika
(Luka 12:41-48)
45Jeso waamba, “Hebu nimwambire muhendikazi wa kukuluphirika na mwenye hekima arivyo. Muhendikazi wa kukuluphirika ni yuyatʼu ariye tajiriwe undamwika mwimirizi wa ahendikazi anzie, kwa hata aapʼe leu ukati uwiryao. 46Ndo baha yiye muhendikazi wa kukuluphirika, ariye tajiriwe achiuya, undakudzamona unahenda godzimulagiza. 47Ninamwambira jeri mino, tajiri achiona vivyo, undamwika muhendikazi yiye mwimirizi wa miyoye yosi. 48Ela yiye muhendikazi achikala ni mui, na aanze kwaza mwakwe moyoni ambe, ‘Aa, tajiri wangu undachelewa kuuya,’ 49ndo hata yiye aaphenyerere kwapiga ao ahendikazi anzie, arye na anwe na anwadzi anjine hata akole. 50Ndo tajiriwe nikudza tsʼiku yiriyo undakala kʼamulolera, na saa ariyo kʼayimanya. 51Phapho ndipho tajiriwe undamutiya akili vikali, na amutiye kutʼu kumwenga na alumakwiri, na kuko andadzuta, na arire hata ga milatso.”
Currently Selected:
:
Highlight
Share
Copy
Want to have your highlights saved across all your devices? Sign up or sign in