Mariko 13
13
Jeso unagomba dzulu ya kuvunzwa kwa Hekalu
(Matayo 24:1-2; Luka 21:5-6)
1Jeso ariphokala unauka phapho Hekaluni, mwanafunziwe mumwenga wamwamba, “Lola mwalimu, majengo gaga ni madzo muno, na gájengwa na mawe ga vyama!” 2Jeso achimwamba, “Majengo gaga ni madzo jeri, ela ninakwambira mino kukala, riri Hekalu rindavunzwa, na gaga mawe gosi ugaonago, bee kʼarindasala hata dziwe mwenga renye dzulu ya rinjine.”
Kuhenderwa vii na kushononeswa
(Matayo 24:3-14; Luka 21:7-19)
3Jeso ariphofika mulima wa Mizeituni, wasagala na anafunzie kwerekeza Hekalu. Chidzako ano Pʼetero, Jakobo, Johana na Andireya achimusengerera phephi ao hichiyao achimuuza vivi, 4“Hwambire, rira Hekalu rindavunzwa rini? Na ni dalili yani yondaonyesa kukala, neno riro ri phephi na kulairira?” 5Jeso achiaudzidza achiaamba, “Dzimanyirireni mutsʼidze mukalembwa ni mutʼu yeyosi. 6Maana, atʼu anji andalairira na ahumire dzina rangu ambe, ‘Mimi ndimi yiye Kʼirisito,’ na andaalemba atʼu anji. 7Na mundasikira kuna viha, na nziyenziye ya viha. Ela gago gachilairira, mwimwi tsʼibabaikeni. Gago ni seti galairire mwanzo, ela vivyo tsʼivyo kwamba gandakala ganaonyesa tsʼiku ya musindikizo wa urumwengu yindakala yifika. 8Itsʼi mwenga yindaheha na itsʼi yinjine, na ufalume umwenga undaheha na ufalume unjine. Itsʼi yindasumba kutʼu mbalimbali, na kundakala na nzala, ela maneno gago gandakala ni mwanzo wa yiyo riki tu, dza muchetʼu yedzanza kulumwa ni ndani ya uvyazi. 9#Mat 10:17-20; Luk 12:11, 12Ndo dzimanyirireni mwimwi, mana, atʼu andamugwira amuphirike mbere ya ngambi za atumia, na amuchape milanga mumo masinagogini. Mundamburutwa muphirikwe hata mbere za magavuna na afalume, kwakukala munanikuluphira. Na uo, ndio ondakala ukati wenu udzo wa kunishuhudiya kwa ao. 10Ela Nguma Mbidzo, ni seti yisumurirwe kwa makabila gosi kwanza. 11Ao achimugwira na kumuphirika kuko, mutsʼitangetange chimbere kukala mundagombani. Uo ukati wa malau uchifika, mwimwi mundafunulirwa ra kugomba, mana, maneno gondagagomba, bee gandakala tsʼigo genu, hata gago gandagombwa ni yiye Roho wa Mulungu kuchirira mwimwi. 12Atʼu kuko hwendako andagalukirana hata mutʼu amuguze nduguye mwenye aulagwe, na bemutʼu naye amuguze mwanawe mwenye aulagwe. Ana nao andaagalukira avyazi ao na aaguze aulagwe, 13#Mat 10:22na atʼu osi andamumena mwimwi, kwakukala munanikuluphira. Ela yendavumirira hata musindikizo, bee ndiye yendativywa.”
Jerusalemu vyondavunzwa
(Matayo 24:15-28; Luka 21:20-24)
14 #
Dan 9:27; 11:31; 12:11 Jeso waenderera kugomba achiamba, “Muchona mulungu wa chinyago ariye undaribananga riro Hekalu, umutwʼa phatʼu pharipho tsʼipho phakwe, phapho ondakala a Judea, naakazire virimani. (Musomi naamanye maanaye!) 15#Luk 17:31Mutʼu yendakala u dzulu ya nyumba, achitserera naatsʼiphenye nyumbani kuhwala miyoye, itsʼiphokala naachimbire tu. 16Yendakala u kwakwe mundani, naatsʼiuye mudzini kwendahwala nguwoze, itsʼiphokala naachimbire tu naye. 17Andamanya enye achetʼu ondakala ana tʼumbo na ondakala anaamwisa tsʼiku zizo! 18Muvoyeni Mulungu maneno gago gatsʼilairire ukati wa mvula ya mwaka! 19#Dan 12:1; Ufun 7:14Maana, riki yondalairira ukati uo, bee yindakala bomu muno hata kʼayidzangwe kulairira hangu Mulungu ariphoumba urumwengu hata rero. Na hata kʼayindakudzalairira kahiri. 20Ela hata vivyo, Mulungu walamula kare kuziphunguza chimbere tsʼiku zizo za riki, kwa dzulu ya atʼue oatsagula. Kala Mulungu kʼahendere vivyo, riki yiyo yingari kuhwala tsʼiku nyinji, na atʼu angari kufa osi.
21“Ukati uo, mutʼu achidzamwamba, ‘Yiye Kʼirisito hiyu phano!’ Hebu ‘Hiyuya kura!’ Mwimwi mutsʼimukuluphire kamare. 22Maana, andalairira Kʼirisito a ulongo, na atʼu adzambao ni agomvi a Mulungu, na ao andakudzahenda dalili na mautʼu-mautʼu ga kwangalaza, kuheza kwalemba vichiidimikika hata ao atʼu otsagulwa ni Mulungu. 23Bee, mino nidzimwambira chimbere gago, kwa hata gachidzalairira, mutsʼidze mukalembwa. Kwa vivyo, gagwireni!”
Maneno gondaonyesa Jeso unauya
(Matayo 24:29-31; Luka 21:25-28)
24 #
Isa 13:10; Joel 2:10, 31; 3:15; Ufun 6:12;
Isa 13:10; Ezek 32:7 Jeso waenderera kugomba achiamba, “Riki zizo zichichira,
‘dzuwa rindagwirwa, mwezi kʼaundaala,
25 #
Isa 34:4; Ufun 6:13;
Joel 2:10
nyenyezi zindagwa kulaa mbinguni,
na nguvu za dzulu zindasumbiswa.’
26 #
Dan 7:13; Ufun 1:7 “Ndo chidzako, munone mimi Mutʼu yelaa dzulu, ni mainguni ninadza na widimi unji na mungʼalo wa Mulungu. 27Chisha, nindaahuma malaika angu ende urumwenguni kosi, akaatsole-tsole atʼu angu osi oatsagula kulaa chila pʼembe.”
Ukati wa kuuya Jeso
(Matayo 24:32-36; Luka 21:29-33)
28Jeso waenderera kugomba na anafunzie achiaamba, “Nahuhwaleni mufano wa muhi wa mutini, nimufunzire gaga. Vitaivye vichanza kulavya makodza matsanga tu, munamanya kukala, ukati wa kazikazi ufika. 29Ndo dza gago godzimwambira nago. Muchigaona ganahendeka tu, mundamanya kukala, mimi Mutʼu yelaa dzulu ni phephi muno na kuuya. 30Ninamwambira jeri mino, atʼu angu oatsagula kʼaandafa akasira, hata garipho maneno gago gosi gandahendeka. 31Mbingu na dunia zindakala na musindikizo, ela maneno gangu kʼagandasika. Gago gandakwenderera hata kare na kare.
32 #
Mat 24:36
“Ela hata vivyo, kʼakuna mutʼu amanyaye yiyo tsʼiku, hebu saa ya musindikizo wa urumwengu yindakala rini, hata mimi Mutʼu yelaa dzulu na malaika a Mulungu. Amanyaye ni Baba Mulungu tu hicheye.”
Kudzimanyirira na kukala kwete
(Matayo 24:42-44; Luka 12:35-40)
33Jeso waenderera kugomba achiamba, “Ndo dzimanyirireni, na kalani kwete,#13:33 Nakala zinjine zinaonjeza: na voyani. mana, kʼamumanya nindauya ukati wani. 34#Luk 12:36-38Uo ukati wa kuuya kwa mimi Mutʼu yelaa dzulu, kunaidima kuhwalanishwa na mutʼu aukaye phakwe mudzini, na kwaika ahendikazie amanyirire chila chitʼu. Yiye nikumwambira chila mumwenga rakwe ra kuhenda, na chisha akamulagizira murinzi wa muyango amanyirire. 35Kwa vivyo, dzimanyirireni, mana, kʼamumanya phondauya Bwana mwenye nyumba. Yiye phanjine undauya na dziloni, usiku wa manane, dani-dani hebu chiramuko. 36Ndo chesani, kwa hata achidza dulukiza, atsʼidze akadzamona murere. 37Ndo godzimwambira mwimwi, ninagaambira chila mutʼu kukala, dzimanyirireni.”
Currently Selected:
Mariko 13: CHIDUR
Highlight
Share
Copy
Want to have your highlights saved across all your devices? Sign up or sign in
Mariko 13
13
Jeso unagomba dzulu ya kuvunzwa kwa Hekalu
(Matayo 24:1-2; Luka 21:5-6)
1Jeso ariphokala unauka phapho Hekaluni, mwanafunziwe mumwenga wamwamba, “Lola mwalimu, majengo gaga ni madzo muno, na gájengwa na mawe ga vyama!” 2Jeso achimwamba, “Majengo gaga ni madzo jeri, ela ninakwambira mino kukala, riri Hekalu rindavunzwa, na gaga mawe gosi ugaonago, bee kʼarindasala hata dziwe mwenga renye dzulu ya rinjine.”
Kuhenderwa vii na kushononeswa
(Matayo 24:3-14; Luka 21:7-19)
3Jeso ariphofika mulima wa Mizeituni, wasagala na anafunzie kwerekeza Hekalu. Chidzako ano Pʼetero, Jakobo, Johana na Andireya achimusengerera phephi ao hichiyao achimuuza vivi, 4“Hwambire, rira Hekalu rindavunzwa rini? Na ni dalili yani yondaonyesa kukala, neno riro ri phephi na kulairira?” 5Jeso achiaudzidza achiaamba, “Dzimanyirireni mutsʼidze mukalembwa ni mutʼu yeyosi. 6Maana, atʼu anji andalairira na ahumire dzina rangu ambe, ‘Mimi ndimi yiye Kʼirisito,’ na andaalemba atʼu anji. 7Na mundasikira kuna viha, na nziyenziye ya viha. Ela gago gachilairira, mwimwi tsʼibabaikeni. Gago ni seti galairire mwanzo, ela vivyo tsʼivyo kwamba gandakala ganaonyesa tsʼiku ya musindikizo wa urumwengu yindakala yifika. 8Itsʼi mwenga yindaheha na itsʼi yinjine, na ufalume umwenga undaheha na ufalume unjine. Itsʼi yindasumba kutʼu mbalimbali, na kundakala na nzala, ela maneno gago gandakala ni mwanzo wa yiyo riki tu, dza muchetʼu yedzanza kulumwa ni ndani ya uvyazi. 9#Mat 10:17-20; Luk 12:11, 12Ndo dzimanyirireni mwimwi, mana, atʼu andamugwira amuphirike mbere ya ngambi za atumia, na amuchape milanga mumo masinagogini. Mundamburutwa muphirikwe hata mbere za magavuna na afalume, kwakukala munanikuluphira. Na uo, ndio ondakala ukati wenu udzo wa kunishuhudiya kwa ao. 10Ela Nguma Mbidzo, ni seti yisumurirwe kwa makabila gosi kwanza. 11Ao achimugwira na kumuphirika kuko, mutsʼitangetange chimbere kukala mundagombani. Uo ukati wa malau uchifika, mwimwi mundafunulirwa ra kugomba, mana, maneno gondagagomba, bee gandakala tsʼigo genu, hata gago gandagombwa ni yiye Roho wa Mulungu kuchirira mwimwi. 12Atʼu kuko hwendako andagalukirana hata mutʼu amuguze nduguye mwenye aulagwe, na bemutʼu naye amuguze mwanawe mwenye aulagwe. Ana nao andaagalukira avyazi ao na aaguze aulagwe, 13#Mat 10:22na atʼu osi andamumena mwimwi, kwakukala munanikuluphira. Ela yendavumirira hata musindikizo, bee ndiye yendativywa.”
Jerusalemu vyondavunzwa
(Matayo 24:15-28; Luka 21:20-24)
14 #
Dan 9:27; 11:31; 12:11 Jeso waenderera kugomba achiamba, “Muchona mulungu wa chinyago ariye undaribananga riro Hekalu, umutwʼa phatʼu pharipho tsʼipho phakwe, phapho ondakala a Judea, naakazire virimani. (Musomi naamanye maanaye!) 15#Luk 17:31Mutʼu yendakala u dzulu ya nyumba, achitserera naatsʼiphenye nyumbani kuhwala miyoye, itsʼiphokala naachimbire tu. 16Yendakala u kwakwe mundani, naatsʼiuye mudzini kwendahwala nguwoze, itsʼiphokala naachimbire tu naye. 17Andamanya enye achetʼu ondakala ana tʼumbo na ondakala anaamwisa tsʼiku zizo! 18Muvoyeni Mulungu maneno gago gatsʼilairire ukati wa mvula ya mwaka! 19#Dan 12:1; Ufun 7:14Maana, riki yondalairira ukati uo, bee yindakala bomu muno hata kʼayidzangwe kulairira hangu Mulungu ariphoumba urumwengu hata rero. Na hata kʼayindakudzalairira kahiri. 20Ela hata vivyo, Mulungu walamula kare kuziphunguza chimbere tsʼiku zizo za riki, kwa dzulu ya atʼue oatsagula. Kala Mulungu kʼahendere vivyo, riki yiyo yingari kuhwala tsʼiku nyinji, na atʼu angari kufa osi.
21“Ukati uo, mutʼu achidzamwamba, ‘Yiye Kʼirisito hiyu phano!’ Hebu ‘Hiyuya kura!’ Mwimwi mutsʼimukuluphire kamare. 22Maana, andalairira Kʼirisito a ulongo, na atʼu adzambao ni agomvi a Mulungu, na ao andakudzahenda dalili na mautʼu-mautʼu ga kwangalaza, kuheza kwalemba vichiidimikika hata ao atʼu otsagulwa ni Mulungu. 23Bee, mino nidzimwambira chimbere gago, kwa hata gachidzalairira, mutsʼidze mukalembwa. Kwa vivyo, gagwireni!”
Maneno gondaonyesa Jeso unauya
(Matayo 24:29-31; Luka 21:25-28)
24 #
Isa 13:10; Joel 2:10, 31; 3:15; Ufun 6:12;
Isa 13:10; Ezek 32:7 Jeso waenderera kugomba achiamba, “Riki zizo zichichira,
‘dzuwa rindagwirwa, mwezi kʼaundaala,
25 #
Isa 34:4; Ufun 6:13;
Joel 2:10
nyenyezi zindagwa kulaa mbinguni,
na nguvu za dzulu zindasumbiswa.’
26 #
Dan 7:13; Ufun 1:7 “Ndo chidzako, munone mimi Mutʼu yelaa dzulu, ni mainguni ninadza na widimi unji na mungʼalo wa Mulungu. 27Chisha, nindaahuma malaika angu ende urumwenguni kosi, akaatsole-tsole atʼu angu osi oatsagula kulaa chila pʼembe.”
Ukati wa kuuya Jeso
(Matayo 24:32-36; Luka 21:29-33)
28Jeso waenderera kugomba na anafunzie achiaamba, “Nahuhwaleni mufano wa muhi wa mutini, nimufunzire gaga. Vitaivye vichanza kulavya makodza matsanga tu, munamanya kukala, ukati wa kazikazi ufika. 29Ndo dza gago godzimwambira nago. Muchigaona ganahendeka tu, mundamanya kukala, mimi Mutʼu yelaa dzulu ni phephi muno na kuuya. 30Ninamwambira jeri mino, atʼu angu oatsagula kʼaandafa akasira, hata garipho maneno gago gosi gandahendeka. 31Mbingu na dunia zindakala na musindikizo, ela maneno gangu kʼagandasika. Gago gandakwenderera hata kare na kare.
32 #
Mat 24:36
“Ela hata vivyo, kʼakuna mutʼu amanyaye yiyo tsʼiku, hebu saa ya musindikizo wa urumwengu yindakala rini, hata mimi Mutʼu yelaa dzulu na malaika a Mulungu. Amanyaye ni Baba Mulungu tu hicheye.”
Kudzimanyirira na kukala kwete
(Matayo 24:42-44; Luka 12:35-40)
33Jeso waenderera kugomba achiamba, “Ndo dzimanyirireni, na kalani kwete,#13:33 Nakala zinjine zinaonjeza: na voyani. mana, kʼamumanya nindauya ukati wani. 34#Luk 12:36-38Uo ukati wa kuuya kwa mimi Mutʼu yelaa dzulu, kunaidima kuhwalanishwa na mutʼu aukaye phakwe mudzini, na kwaika ahendikazie amanyirire chila chitʼu. Yiye nikumwambira chila mumwenga rakwe ra kuhenda, na chisha akamulagizira murinzi wa muyango amanyirire. 35Kwa vivyo, dzimanyirireni, mana, kʼamumanya phondauya Bwana mwenye nyumba. Yiye phanjine undauya na dziloni, usiku wa manane, dani-dani hebu chiramuko. 36Ndo chesani, kwa hata achidza dulukiza, atsʼidze akadzamona murere. 37Ndo godzimwambira mwimwi, ninagaambira chila mutʼu kukala, dzimanyirireni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in