Mariko 8
8
Jeso unaapʼa leu atʼu helufu ne
(Matayo 15:32-39)
1Ziriphochira tsʼiku chʼachʼe, duu bomu ra atʼu rarundikana kahiri, na rakala kʼarina leu. Ndo Jeso achiaiha anafunzie, na achiaamba, 2“Ninaaonera mbazi aa atʼu, kwakukala, hudzikala hosini tsʼiku tʼahu, na vino kʼaana leu. 3Na nichiausa na nzala, andairika njirani, kwakukala, anjine ao alaa kure.” 4Anafunzie achimuuza vivi, “Bee naswi phano hata hu nyika, leu ra kwamvunya atʼu ano osi hundaripatadze?” 5Jeso achiauza vivyo achiaamba, “Kwani mwimwi muna mikahe mingaphi?” Ao achimuudzidza achimwamba, “Huriyo nayo sino, ni mikahe mifungahe.”
6Ndo Jeso phapho achiaamba ao atʼu asagale photsʼi. Chisha, achihwala yiyatʼu mikahe mifungahe, achilavya mumvera kwa Mulungu, achiyimega-mega, na achiapʼa ao anafunzie aapʼe atʼu agavyane, nao achihenda vivyo. 7Chisha, ao anafunzi ákala ana vibeshe vichache. Ndo Jeso achivilavira mumvera kwa Mulungu vivyo navyo, na achiaamba ao anafunzie avigavye atʼu. 8Atʼu osi achirya hata achimvuna. Chidzako, ao anafunzi achitsola-tsola visiku vya mikahe na vya vibeshe vyokala visala, na achiudzaza vikaphu vifungahe. 9Atʼu okala phapho, ákala anapata helufu ne. Jeso achialaga, 10yiye achiphenya mashuwani phapho kare na anafunzie, achenda boma ra Dalimanuta.
Afarisayo anarema kumukuluphira Jeso
(Matayo 12:38-39; 16:1-4; Luka 11:29; 12:54-56)
11 #
Mat 12:38; Luk 11:16 Afarisayo ariphosikira kukala, Jeso uloka Dalimanuta, ákwenda kwakwe kwa akamulumbire. Ao ámuheza kwa kumwamba ahende dalili ya konyesa kukala, widimiwe ulaa kwa Mulungu. 12#Mat 12:39; Luk 11:29Jeso phapho achisisa moyo muno, na achiamba vivi, “Heka atʼu mwimwi munahenza dalili ya konyesa, nálaa kwa Mulungu? Bee ninamwambira jeri mino kukala, atʼu dza mwimwi kʼamundahenderwa dalili yoyosi.” 13Chisha Jeso achiaricha, achipanda kahiri mashuwani, achivuka achenda uo upande unjine wa riro ziya.
Kukolea kwa hamira ya Afarisayo na ya Herode
(Matayo 16:5-12)
14Anafunzi a Jeso ányala kutsukula mikahe, hata ákala ana mukahe umwenga tu mumo mwao mashuwani. 15#Luk 12:1Ndo Jeso achiakanya achiaamba, “Mwimwi dzimanyirireni na kukolea kwa hamira ya Afarisayo, na ya Herode!” 16Ao anafunzie achanza kuuzana-uzana enye kwa enye achiamba, “Akale unagomba vivyo kwa kʼahuna mikahe?” 17Jeso achigamanya garatʼu gokala anagomba, na achiauza vivi, “Heka munauzana-uzana dzulu ya kutsʼakala na mikahe? Yaani mwimwi kʼamudzangwe kunimanya mino nina widimi? Vivyo kumba mwimwi myoyo yenu ni mifu? 18#Jer 5:21; Ezek 12:2; Mar 4:12Vivyo kumba mwimwi muna matso ela kʼamona, na muna masikiro ela kʼamusikira? Vino bee, mukale mudzinyala 19ni vikaphu vingaphi vyoudzaza mwimwi vya visiku vyokala visala, phara niriphoamegera mikahe mitsano ara atʼu helufu tsʼano?” Ao achiudzidza achiamba, “Hwaudzaza vikaphu kumi na viri.” 20Jeso achiauza kahiri vivi, “Vino bee, mukale mudzinyala ni vikaphu vingaphi vyoudzaza mwimwi, vya visiku-visiku vyokala visala, phara niriphoamegera mikahe mifungahe, atʼu helufu ne?” Ao achiudzidza achiamba, “Hwaudzaza vikaphu vifungahe.” 21Ndo Jeso achiaamba, “Sambi kʼamudzangwe kumanyadze atʼu mwimwi?”
Jeso unamuphoza mutʼu yekala kʼaona
22Jeso na anafunzie áenderera na charo chao cha ziyani hata achifika bandari ya Betisaida. Kuko atʼu achimurehera mutʼu yekala kʼaona, na achimulombera Jeso amukumbe aphole. 23Ndo Jeso achimugwira mukono yiye mutʼu yekala kʼaona, achimulavya konze ya kuko kadzidzi. Achimulatsʼira mahe mumo matsoni, achimubandikira mikono kumuvoyera na achimuuza vivi, “Vidze, unaona utʼu?” 24Yiye mutʼu achilola na achiamba, “Ninaona atʼu, ela anga dza kwamba ni mihi yenendayo.” 25Jeso achimukumba mumo matsoni kahiri. Phapho ndo matsoge gachifunuka, na achiidima kona vitʼu vyosi chividzo. 26Jeso achimwamba ende vyakwe mudzini, na achimukahaza achimwamba, “Utsʼende kuko kadzidzini.”
Pʼetero unakubali kukala Jeso ni yiye Kʼirisito
(Matayo 16:13-20; Luka 9:18-21)
27Jeso na anafunzie ákala anenda vidzidzi virivyo phephi na mudzi wa Kaisariya-Filipi. Ndo phokala a mumo njirani, waauza vivi, “Atʼu anaamba mino ni ani?” 28#Mar 6:14, 15; Luk 9:7, 8Ao achimuudzidza achimwamba, “Atʼu anaamba uwe u Johana Mubatizi. Anjine anaamba u Eliya, na hata anjine ao anaamba u mumwenga wa agomvi a Mulungu anjine.” 29#Joh 6:68, 69Jeso achiauza kahiri achiaamba, “Hanga mwimwi, munaamba mino ni ani?” Pʼetero achimuudzidza achimwamba, “Uwe u yiye Kʼirisito.” 30Jeso achiafungira atsʼimwambire mutʼu yeyosi dzuluye.
Jeso unasema chimbere dzulu ya sheneneye na chifoche
(Matayo 16:21-28; Luka 9:22-27)
31Jeso waanza kwafunza anafunzie kukala, “Ni seti mimi Mutʼu yelaa dzulu nituriswe muno, niremwe ni atumia, makuhani abomu na alimu a shariya. Na hata nindaulagwa, ela tsʼiku ya hahu nindafufuka.” 32Jeso wagagomba lwazu gago, na phapho Pʼetero achimuusa kʼanda, achendamugombera. 33Ela Jeso yiye achimulozera mongo hata achikala unalola ao anafunzi anjine na achimuchemera Pʼetero achimwamba, “Uwe bee una Shetani hata niukira phapha! Maazogo uwe ni ga chidamu, tsʼigo ga chimulungu.”
34 #
Mat 10:38; Luk 14:27 Chisha, achiriiha riratʼu duu ra atʼu phamwenga na ao anafunzie na achiamba, “Mutʼu yeyosi ahenzaye kukala mwanafunzi wangu, ni seti ariche njiraze mwenye, atsukule musalabawe#8:34 Mutʼu kutsukula musalabawe tsʼiku zizo vyakala vinaonyesa wendaulagwa. na anituwe. 35#Mat 10:39; Luk 17:33; Joh 12:25Maana, ahenzaye kutivya maishage mwenye, bee kʼandapata uzima uphya wa kare na kare, ela alavyaye maishage kwa dzulu yangu, na kwa dzulu ya Nguma Mbidzo, undativya maishage. 36Na vina faida yani, mutʼu kuupata utajiri wosi wa dunia, ela yiye mwenye atsʼipate uzima? Kʼaphana! 37Maana, kʼakuna chitʼu chiricho na maana, kuriko uzima uo. 38Mutʼu achinionera waibu mimi na mafunzo gangu, kati ya aa atʼu ario ni adambi na tsʼi aaminifu, mimi Mutʼu yelaa dzulu nami, nindakudzamonera waibu mutʼu yiye ukati phondakudza na mungʼalo wa Baba, na malaika atakatifu.”
Currently Selected:
Mariko 8: CHIDUR
Highlight
Share
Copy
Want to have your highlights saved across all your devices? Sign up or sign in
Mariko 8
8
Jeso unaapʼa leu atʼu helufu ne
(Matayo 15:32-39)
1Ziriphochira tsʼiku chʼachʼe, duu bomu ra atʼu rarundikana kahiri, na rakala kʼarina leu. Ndo Jeso achiaiha anafunzie, na achiaamba, 2“Ninaaonera mbazi aa atʼu, kwakukala, hudzikala hosini tsʼiku tʼahu, na vino kʼaana leu. 3Na nichiausa na nzala, andairika njirani, kwakukala, anjine ao alaa kure.” 4Anafunzie achimuuza vivi, “Bee naswi phano hata hu nyika, leu ra kwamvunya atʼu ano osi hundaripatadze?” 5Jeso achiauza vivyo achiaamba, “Kwani mwimwi muna mikahe mingaphi?” Ao achimuudzidza achimwamba, “Huriyo nayo sino, ni mikahe mifungahe.”
6Ndo Jeso phapho achiaamba ao atʼu asagale photsʼi. Chisha, achihwala yiyatʼu mikahe mifungahe, achilavya mumvera kwa Mulungu, achiyimega-mega, na achiapʼa ao anafunzie aapʼe atʼu agavyane, nao achihenda vivyo. 7Chisha, ao anafunzi ákala ana vibeshe vichache. Ndo Jeso achivilavira mumvera kwa Mulungu vivyo navyo, na achiaamba ao anafunzie avigavye atʼu. 8Atʼu osi achirya hata achimvuna. Chidzako, ao anafunzi achitsola-tsola visiku vya mikahe na vya vibeshe vyokala visala, na achiudzaza vikaphu vifungahe. 9Atʼu okala phapho, ákala anapata helufu ne. Jeso achialaga, 10yiye achiphenya mashuwani phapho kare na anafunzie, achenda boma ra Dalimanuta.
Afarisayo anarema kumukuluphira Jeso
(Matayo 12:38-39; 16:1-4; Luka 11:29; 12:54-56)
11 #
Mat 12:38; Luk 11:16 Afarisayo ariphosikira kukala, Jeso uloka Dalimanuta, ákwenda kwakwe kwa akamulumbire. Ao ámuheza kwa kumwamba ahende dalili ya konyesa kukala, widimiwe ulaa kwa Mulungu. 12#Mat 12:39; Luk 11:29Jeso phapho achisisa moyo muno, na achiamba vivi, “Heka atʼu mwimwi munahenza dalili ya konyesa, nálaa kwa Mulungu? Bee ninamwambira jeri mino kukala, atʼu dza mwimwi kʼamundahenderwa dalili yoyosi.” 13Chisha Jeso achiaricha, achipanda kahiri mashuwani, achivuka achenda uo upande unjine wa riro ziya.
Kukolea kwa hamira ya Afarisayo na ya Herode
(Matayo 16:5-12)
14Anafunzi a Jeso ányala kutsukula mikahe, hata ákala ana mukahe umwenga tu mumo mwao mashuwani. 15#Luk 12:1Ndo Jeso achiakanya achiaamba, “Mwimwi dzimanyirireni na kukolea kwa hamira ya Afarisayo, na ya Herode!” 16Ao anafunzie achanza kuuzana-uzana enye kwa enye achiamba, “Akale unagomba vivyo kwa kʼahuna mikahe?” 17Jeso achigamanya garatʼu gokala anagomba, na achiauza vivi, “Heka munauzana-uzana dzulu ya kutsʼakala na mikahe? Yaani mwimwi kʼamudzangwe kunimanya mino nina widimi? Vivyo kumba mwimwi myoyo yenu ni mifu? 18#Jer 5:21; Ezek 12:2; Mar 4:12Vivyo kumba mwimwi muna matso ela kʼamona, na muna masikiro ela kʼamusikira? Vino bee, mukale mudzinyala 19ni vikaphu vingaphi vyoudzaza mwimwi vya visiku vyokala visala, phara niriphoamegera mikahe mitsano ara atʼu helufu tsʼano?” Ao achiudzidza achiamba, “Hwaudzaza vikaphu kumi na viri.” 20Jeso achiauza kahiri vivi, “Vino bee, mukale mudzinyala ni vikaphu vingaphi vyoudzaza mwimwi, vya visiku-visiku vyokala visala, phara niriphoamegera mikahe mifungahe, atʼu helufu ne?” Ao achiudzidza achiamba, “Hwaudzaza vikaphu vifungahe.” 21Ndo Jeso achiaamba, “Sambi kʼamudzangwe kumanyadze atʼu mwimwi?”
Jeso unamuphoza mutʼu yekala kʼaona
22Jeso na anafunzie áenderera na charo chao cha ziyani hata achifika bandari ya Betisaida. Kuko atʼu achimurehera mutʼu yekala kʼaona, na achimulombera Jeso amukumbe aphole. 23Ndo Jeso achimugwira mukono yiye mutʼu yekala kʼaona, achimulavya konze ya kuko kadzidzi. Achimulatsʼira mahe mumo matsoni, achimubandikira mikono kumuvoyera na achimuuza vivi, “Vidze, unaona utʼu?” 24Yiye mutʼu achilola na achiamba, “Ninaona atʼu, ela anga dza kwamba ni mihi yenendayo.” 25Jeso achimukumba mumo matsoni kahiri. Phapho ndo matsoge gachifunuka, na achiidima kona vitʼu vyosi chividzo. 26Jeso achimwamba ende vyakwe mudzini, na achimukahaza achimwamba, “Utsʼende kuko kadzidzini.”
Pʼetero unakubali kukala Jeso ni yiye Kʼirisito
(Matayo 16:13-20; Luka 9:18-21)
27Jeso na anafunzie ákala anenda vidzidzi virivyo phephi na mudzi wa Kaisariya-Filipi. Ndo phokala a mumo njirani, waauza vivi, “Atʼu anaamba mino ni ani?” 28#Mar 6:14, 15; Luk 9:7, 8Ao achimuudzidza achimwamba, “Atʼu anaamba uwe u Johana Mubatizi. Anjine anaamba u Eliya, na hata anjine ao anaamba u mumwenga wa agomvi a Mulungu anjine.” 29#Joh 6:68, 69Jeso achiauza kahiri achiaamba, “Hanga mwimwi, munaamba mino ni ani?” Pʼetero achimuudzidza achimwamba, “Uwe u yiye Kʼirisito.” 30Jeso achiafungira atsʼimwambire mutʼu yeyosi dzuluye.
Jeso unasema chimbere dzulu ya sheneneye na chifoche
(Matayo 16:21-28; Luka 9:22-27)
31Jeso waanza kwafunza anafunzie kukala, “Ni seti mimi Mutʼu yelaa dzulu nituriswe muno, niremwe ni atumia, makuhani abomu na alimu a shariya. Na hata nindaulagwa, ela tsʼiku ya hahu nindafufuka.” 32Jeso wagagomba lwazu gago, na phapho Pʼetero achimuusa kʼanda, achendamugombera. 33Ela Jeso yiye achimulozera mongo hata achikala unalola ao anafunzi anjine na achimuchemera Pʼetero achimwamba, “Uwe bee una Shetani hata niukira phapha! Maazogo uwe ni ga chidamu, tsʼigo ga chimulungu.”
34 #
Mat 10:38; Luk 14:27 Chisha, achiriiha riratʼu duu ra atʼu phamwenga na ao anafunzie na achiamba, “Mutʼu yeyosi ahenzaye kukala mwanafunzi wangu, ni seti ariche njiraze mwenye, atsukule musalabawe#8:34 Mutʼu kutsukula musalabawe tsʼiku zizo vyakala vinaonyesa wendaulagwa. na anituwe. 35#Mat 10:39; Luk 17:33; Joh 12:25Maana, ahenzaye kutivya maishage mwenye, bee kʼandapata uzima uphya wa kare na kare, ela alavyaye maishage kwa dzulu yangu, na kwa dzulu ya Nguma Mbidzo, undativya maishage. 36Na vina faida yani, mutʼu kuupata utajiri wosi wa dunia, ela yiye mwenye atsʼipate uzima? Kʼaphana! 37Maana, kʼakuna chitʼu chiricho na maana, kuriko uzima uo. 38Mutʼu achinionera waibu mimi na mafunzo gangu, kati ya aa atʼu ario ni adambi na tsʼi aaminifu, mimi Mutʼu yelaa dzulu nami, nindakudzamonera waibu mutʼu yiye ukati phondakudza na mungʼalo wa Baba, na malaika atakatifu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in