โยฮัน 20
20
เยซู นั่ง ต้าย อ๊ะ
(เป๊ย หมั่ง มัดทาย 28:1-8; มาโค 16:1-8; ลูกา 24:1-12)
1วั้ว นอม เล์ย-ป๋าย เญย ตะเยี้ยด ฮนอย#20:1 น้าย เซ ต๋อย หฒุ เล์ย-ป๋าย ฮนอย. เฑี้ยว เญย, ลู่ง ฒู้ง ไม้ แก้ง ฌัง, มักดาลา มู้ง เญย มาลียา มี่ง วั้ว โฒ้ว, ปวัด แบะ โฒ้ว-แก้ง วั้ว คว้าย หละเปย๊ย ทุย ฆอย หมี่ อ๊ะ. 2มาลียา ฯฒฯ ถิว มี่ง บั๋ว ซีโมน ปีเต เหธา เยซู ฮนั้ม วั้ว เต้า ไซ-ก๋อ, “นิ่น บัว เฒาะ เฒี้ยว ธ้วด โฒ้ว หมี่ อ๊ะ. เยีย บัว หย่า ไม้ ฮิ้ว ตุ๊ นิ่น บัว ต้อ มี่ง อัน หาย.”
3ปีเต เหธา วั้ว เต้า ไซ-ก๋อ ฯฒฯ มี่ง หมั่ง. 4นิ่น บัว อี เต้า ถิว มี่ง มป่า วั้ว เต้า ไซ-ก๋อ ถิว เก้า เซี้ยบ, เถา โฒ้ว ด่าง. 5นิ่น โด๊ะ เหฌี่ย เธี้ยบ หมั่ง กะญั์ว, ปวัด ล่าม่า เดีย เยียม วั้ว มป่า นิ่น ไม้ เปียะ. 6ซีโมน ปีเต ฆะฮ้า เถา, แปง หฒะ เญย เปียะ โฒ้ว กะญั์ว. นิ่น ปวัด ล่าม่า เดีย อัน เจี๊ยน วั้ว, 7หย่า ปวัด เปว มฆ้อง วั้ว คว้าย เดีย หฌุ่น เจี๊ยน กั้น อัน นอม ต๋อง, ไม้ เหธา ล่าม่า เดีย อัน. 8เถา ด่าง วั้ว เต้า ไซ-ก๋อ หย่า กัน เจี๊ยน เปียะ. นิ่น ปวัด ลิ์ว หย่า เสียน. 9(นิ่น บัว หธ่อ ไม้ เม่ง แปะ กีง-โซว เฟี้ย เจี๊ยน เยซู อ๋อย หฒุ ไต่ มี่ง แอ๋ง นั่ง ต้าย วั้ว เต๋ย หว่า.) 10นิ่น บัว อี เต้า ไซ-ก๋อ ฯฒฯ หฑวน นิ่น บัว เญย เปย๊า หมี่ อ๊ะ.
เยซู หิ่น ปุน มักดาลา มู้ง เญย มาลียา ปวัด
(เป๊ย หมั่ง มัดทาย 28:9-10; มาโค 16:9-11)
11มป่า มาลียา โซ้ว เจี๊ยน วั้ว โฒ้ว กะเฮลน เญี้ยม. เญี้ยม เจี๊ยน แอ๋ง โด๊ะ เหฌี่ย หมั่ง โฒ้ว กะญั์ว, 12ปวัด อี เต้า ฟิน-เมี่ยน ฒุ เจี๊ยน ลุย-แปะ เฒว์ย เจี๊ยน ฒิ่น ด่าง เยซู เญย เซย เยียม วั้ว นอม ต๋อง. ม่าย เต้า เฒว์ย มฆ้อง วั้ว ปูง, ม่าย เต้า เฒว์ย เหฒา วั้ว ปูง. 13ฟิน-เมี่ยน หน่าย, “ต่อ อ่า, เม่ย โหฒว หาย หญู่ง เญี้ยม?”
นิ่น เตา, “นิ่น บัว เฒาะ เยีย เญย เฒี้ยว มี่ง หมี่ อ๊ะ. ต้อ มี่ง อัน หาย เยีย หย่า ไม้ ฮิ้ว.” 14มาลียา ก๊อง ลิ์ว น้าย เต๋ย หว่า นิ่น ฮวิน หฑวน ปวัด เยซู โซ้ว เจี๊ยน วั้ว เดา, มป่า เลี่ยม ไม้ ฮิ้ว ตุ๊ เซ เยซู.
15เยซู หน่าย, “ต่อ อ้า! เม่ย โหฒว หาย หญู่ง เญี้ยม? เม่ย ล์อ หาย เต้า?”
มาลียา หล่าย เยซู โหฒว โก๋ว หฮวีง เญย เมี่ยน ฯฒฯ ก๊อง, “ก๋อ อ้า! สี ก๊อง เม่ย ต้อ นิ่น มี่ง อัน หาย, โท้ บั๋ว เยีย ฮิ้ว โอ่. เยีย ฯฒฯ มี่ง เฒาะ นิ่น ต้าย.”
16เยซู ก๊อง, “มาลียา อ่า.”
มาลียา ฯฒฯ ฮวิน มี่ง หล่ง ฮิบลู หว่า ก๊อง, “ลับโบนี อ้า!” (เอ๋ย เล์ย เซ “ไซ-เตี๋ย อ้า.”)
17เยซู ก๊อง บั๋ว นิ่น, “ไม้ ตู๋ง นั้น เยีย, เหว่ย หฒุ เยีย ไม้ แก้ง ฝาว หฒั่ง เตี๋ย วั้ว. เม่ย หฑวน มี่ง บั๋ว เยีย เญย ก๋อ-โย์ว เยีย อ๋อย ฝาว เยีย เญย เตีย วั้ว. เยีย เญย เตีย หย่า โหฒว เม่ย บัว เญย เตีย, นิ่น หย่า โหฒว เยีย เญย ทิน-ฮู่ง หย่า โหฒว เม่ย บัว เญย ทิน-ฮู่ง.”
18มักดาลา มู้ง เญย มาลียา ฯฒฯ มี่ง บั๋ว ไซ-ก๋อ บัว, “เยีย ตุ๊ ปวัด ลิ์ว เฒี้ยว อ๊ะ.” นิ่น แอ๋ง ก๊อง ต้ง เยซู บั๋ว นิ่น ก๊อง วั้ว เต๋ย หว่า ปุน ไซ-ก๋อ บัว หมวัง.
เยซู หิ่น ธ้วด ต้าย ปุน ไซ-ก๋อ บัว ปวัด
(เป๊ย หมั่ง มัดทาย 28:16-20; มาโค 16:14-18; ลูกา 24:36-49)
19วั้ว ฮนอย, เซ วั้ว นอม เล์ย-ป๋าย เญย ตะเยี้ยด ฮนอย,#20:19 เซ ต๋อย หฒุ เล์ย-ป๋าย ฮนอย. เหฑียม-ย่าง เญย เฒี่ยง โห่, ไซ-ก๋อ บัว กั๊บ ฒุ้น วั้ว ฉง เปย๊า ฟ้อ เจี๊ยน แก้ง, เหว่ย หฒุ นิ่น บัว กั้ม เหฑีย โหฒว โฮล วั้ว เต๋ย ยิวไท เมี่ยน. เยซู ต้าย โซ้ว เจี๊ยน นิ่น บัว เญย บุด๋ง บั๋ว นิ่น บัว, “เม่ย บัว แป้ง ออน อ๊ะ โอ่.” 20เยซู ฮนั้ง น้าย นอ ก๊อง ลิ์ว, นิ่น ปุน นิ่น เญย ปั์ว เหธา นิ่น เญย หละญ้าบ นิ่น บัว หมั่ง. ไซ-ก๋อ บัว ปวัด ลิ์ว เฒี้ยว, นิ่น บัว ฯฒฯ หฒะเก้ง ออน-เหลาะ ไห่ อ๊ะ.
21เยซู แอ๋ง ก๊อง บั๋ว นิ่น บัว, “เม่ย บัว แป้ง ออน อ๊ะ โอ่. เยีย เญย เตีย ฮนั้ง หาย นอ พ้าย เยีย มี่ง, เยีย หย่า ฮนั้ง วั้ว นอ พ้าย เม่ย บัว มี่ง.” 22ก๊อง ลิ์ว, เยซู หูง เจี๊ยน นิ่น บัว ปย๊ม เฉีย หย่า ก๊อง, “เม่ย บัว ฒิบ เจี๊ยน สีง ลี่ง ม่าะ! 23สี ก๊อง เม่ย บัว กวั่ง หาย เต้า เญย ฒุ์ย, วั้ว เต้า เญย ฒุ์ย ฯฒฯ ตุ๊ กวั่ง ลิ์ว อ๊ะ. สี ก๊อง เม่ย บัว ไม้ กวั่ง หาย เต้า เญย ฒุ์ย, วั้ว เต้า เญย ฒุ์ย ฯฒฯ ไม้ ตุ๊ กวั่ง.”#มัดทาย 16:19; 18:18
เยซู หิ่น ปุน โทมัด ปวัด
24เหฒียบ เหญ่ย เต้า ไซ-ก๋อ ม่าย เต้า เห่ว โทมัด, ต้ง เมี่ยน เห่ว ซูง-กู้งว์า วั้ว เต้า. เยซู ต้าย วั้ว หฒั่น, โทมัด ไม้ เหธา นิ่น บัว เยียม. 25วั้ว เต๋ย ไซ-ก๋อ ฯฒฯ บั๋ว นิ่น, “เยีย บัว ตุ๊ ปวัด ลิ์ว เฒี้ยว อ๊ะ.”
โทมัด เตา นิ่น บัว, “สี ก๊อง เยีย ไม้ ตุ๊ ปวัด นิ่น เญย ปั์ว เญย ตีง-ฮั่น, เยีย เญย ปั์ว-โด๊ะ ไม้ ตุ๊ โธะ นิ่น เญย ตีง-ค้วด, เยีย เญย ปั์ว หย่า ไม้ ตุ๊ ฑุ์ย หละญ้าบ เญย ธัง-ค้วด, เยีย ฒู้ง ไม้ เสียน.”
26ฆะฮ้า เหยียด นอม เล์ย-ป๋าย, ไซ-ก๋อ บัว แอ๋ง กั๊บ ฒุ้น เยียม วั้ว นอม เปย๊า. โทมัด หย่า เหธา นิ่น บัว เยียม. แก้ง หย่า ฟ้อ เจี๊ยน เญย. เยซู แอ๋ง ต้าย โซ้ว เจี๊ยน นิ่น บัว บุด๋ง หย่า ก๊อง, “เม่ย บัว แป้ง ออน อ๊ะ โอ่.”
27เยซู ฯฒฯ บั๋ว โทมัด, “หล่ง เม่ย เญย ปั์ว-โด๊ะ ฮลัว เยีย เญย ปั์ว หมั่ง ก๋า! แอ๋ง ซูง เม่ย เญย ปั์ว ฑุ์ย เยีย เญย หละญ้าบ เญย ธัง-ค้วด ม่าะ! ไม้ ตู๋ง ฮลู่ง ฮล้วด. กุ๊น เสียน อ๊ะ.”
28โทมัด ก๊อง, “เยีย เญย เฒี้ยว, เยีย เญย ทิน-ฮู่ง อ้า!”
29เยซู ก๊อง บั๋ว นิ่น, “เหว่ย หฒุ เม่ย ตุ๊ ปวัด ลิ์ว เยีย เม่ย หธีง ต้าย เสียน? ไม้ ปวัด เจี๋ย เยีย มป่า เสียน เยีย วั้ว เต๋ย เก้ง ออน-เหลาะ ไห่.”
สีง ลี่ง เหว่ย หาย ติ่ว ปุน โยฮัน เฟี้ย น้าย ป๊วน โซว
30เยซู ตอง เจี๊ยน ไซ-ก๋อ บัว แอ๋ง โหฒว บัวะ ฮ่อง เญย จั๋ง-โห่ ธั้ม เญย, มป่า ไม้ ตุ๊ เฟี้ย เหฌี่ย น้าย ป๊วน โซว. 31เฟี้ย เจี๊ยน น้าย เต๋ย เซ เหว่ย ปุน เม่ย บัว เสียน เยซู โหฒว กีตู่#20:31 กีตู่ เญย เอ๋ย เล์ย เซ ทิน-ฮู่ง พ้าย ต้าย วั้ว เต้า เหฌียว เฒี้ยว. หย่า โหฒว ทิน-ฮู่ง เญย ตอน. เหว่ย หฒุ เม่ย บัว เสียน นิ่น, เม่ย บัว ฯฒฯ ตุ๊ เหยียด ลิ์ว เญย แหม่ง.
Currently Selected:
โยฮัน 20: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
