ลูกา 14
14
เยซู หฒ่อ เต้า ปุ๊ด-แป่ง เมี่ยน
1ม่าย นอม ตี้ง กง ฮนอย, เยซู มี่ง เต้า โหฒว โฮล เญย ฟาลิสี เมี่ยน เญย เปย๊า หญั่น หฮนาง. เมี่ยน หย่า หลงๆ เญย หมั่ง เจี๊ยน นิ่น. 2ม่าย เต้า เมี่ยน ปุ๊ด แป่ง-โฟ่ว ต้าย ล์อ เยซู. 3เยซู หน่าย ก๋า ฟาลิสี เมี่ยน เหธา หฌาว เล์ย เญย ฟิน-แซง, “หล่ง ตี้ง กง ฮนอย หฒ่อ แป่ง, ต่อง บัว เญย เล์ย ไฟ ไม้ ต่อง?”
4มป่า นิ่น บัว ไม้ โค โล. เยซู ฯฒฯ หฒ่อ หลง วั้ว เต้า เมี่ยน, บั๋ว นิ่น มี่ง อ๊ะ.
5เยซู หน่าย ก๋า นิ่น บัว, “สี ก๊อง ตี้ง กง ฮนอย เม่ย บัว หาย เต้า ม่าย เต้า ล่อ#14:5 ม่าย เต๋ย โซว ก๊อง ตอน. ไฟ ม่าย เต้า ง่ง ธะ-โป่ว ด๊อด ค้วด, เม่ย บัว ไม้ เฒ์ย เลี่ยม เฒ่ย มี่ง เฒาะ ธ้วด ไฟ?” 6มป่า ไม้ ม่าย หาย เต้า ม่าย หว่า เตา.
มี่ง โหฒว แคะ ไม้ ตู๋ง ท่าย กั้น
7เยซู ปวัด ธี้ง ต้าย เญย แคะ เมี่ยน ขูง กิ๊น เฒว์ย เจี๋ย แหมง ปูง เตี้ย, นิ่น ฯฒฯ ก๊อง น้าย ติ้ว หว่า-เป๊ย ปุน นิ่น บัว หมวัง. 8นิ่น ก๊อง, “เมี่ยน ธี้ง เม่ย มี่ง ธีง-จา-ยิ่น ไม้ ตู๋ง มี่ง เฒว์ย เตี้ย กอน. เหฑีย เปย๊า-เฒี้ยว ธี้ง ต้าย เญย แคะ ม่าย เต้า เก้า โฮล เม่ย มเปย. 9เปย๊า-เฒี้ยว ธี้ง เม่ย บัว อี ล่าน ต้าย นิ่น ฯฒฯ อ๋อย หฒุ ต้าย บั๋ว เม่ย, ‘อ๋อย หฒุ ซิ้ม ฆอย ปุน น้าย ล่าน เมี่ยน เฒว์ย น้าย.’ เม่ย ฯฒฯ ไญ้ ไห่ อ๊ะ. อ๋อย หฒุ ซุ้ย มี่ง เฒว์ย เดี๊ย แหมง ปูง. 10เปียะ ยิ่น วั้ว หฒั่น, เม่ย อ๋อย หฒุ เฒว์ย เดี๊ย แหมง ปูง. ฮนั้ง หน่าย เปย๊า-เฒี้ยว อ๋อย บั๋ว เม่ย, ‘ก๋อ อ่า, ฝาว เจี๋ย แหมง ปูง เฒว์ย โอ่.’ เหธา เม่ย โหฒว แคะ วั้ว เต๋ย ฯฒฯ ท่าย เม่ย อ๊ะ. 11หาย เต้า ท่าย นิ่น กั้น โหฒว โฮล, วั้ว เต้า อ๋อย หฒุ โหฒว ไฝ. หาย เต้า เหญี่ยม กั้น โหฒว ไฝ, วั้ว เต้า อ๋อย ตุ๊ โหฒว โฮล.”#มัดทาย 23:12; ลูกา 18:14
12เยซู บั๋ว ธี้ง นิ่น ต้าย วั้ว เต้า เปย๊า-เฒี้ยว, “เม่ย หาย หฒั่น ธี้ง แคะ ต้าย หญั่น หฮนาง, ไม้ ตู๋ง ธี้ง เม่ย เญย โล์-แกง ต่อย, มั์ว-ต่อย, เธียน-เธะ ไฟ ล์าง หฒั่ง เญย ปุ๊ด-ฒ่อย เมี่ยน. มเหฑีย นิ่น บัว อ๋อย ธี้ง เม่ย มี่ง วิ่น เม่ย เญย เอน-ฒี่ง. 13เม่ย เบ่น หฮนาง ธี้ง แคะ, อ๋อย หฒุ ธี้ง เมี่ยน จ่ม เมี่ยน, เหฒา ไบ, ปั์ว-เหฒา หว่าย เหธา มฒีง แม่ง มฒีง บั๊ว เญย เมี่ยน. 14ฮนั้ง หน่าย เม่ย ฯฒฯ ตุ๊ เฌียน-โย่ว อ๊ะ. เหว่ย หฒุ นิ่น บัว ไม้ ไฮ่ วิ่น ปุน เม่ย. ฒั้ว คู้ เมี่ยน นั่ง ต้าย วั้ว ฮนอย, ทิน-ฮู่ง อ๋อย วิ่น ปุน เม่ย.”
ต้ม ยิ่น เญย หว่า-เป๊ย
(เป๊ย หมั่ง มัดทาย 22:1-10)
15ม่าย ล่าน เมี่ยน เหธา เยซู จวั่ง เตี้ย หญั่น หฮนาง ไฮ์ น้าย เต๋ย หว่า นิ่น ฯฒฯ บั๋ว เยซู, “หาย เต้า ตุ๊ เยียม ทิน-ฮู่ง เญย กั๊วะ หญั่น วั้ว นอม ยิ่น เญย หฮนาง, วั้ว เต้า ม่าย เฌียน-โย่ว อ๊ะ.”
16เยซู ก๊อง บั๋ว นิ่น, “ม่าย ล่าน เมี่ยน เบ่น นอม ยิ่น โฮล เญย หย่า ธี้ง แคะ ธั้ม.
17“เถา หญั่น เญย เฒี่ยง โห่, นิ่น เห่ว นิ่น เญย โปว มี่ง บั๋ว ธี้ง ลิ์ว เญย แคะ เมี่ยน, ‘ต้าย อ๊ะ โอ่. หญู่งๆ เบ่น เหฒียง อ๊ะ.’
18“มป่า วั้ว เต๋ย เมี่ยน เหยียด ฒู้ง ขูง ก๊อง ถุย ฒี่ง หว่า. ตะเยี้ยด เต้า ก๊อง, ‘เยีย ม์าย ฑง เด่ย, อ๋อย หฒุ มี่ง หมั่ง ตั้ง. เม่ย หฑวน มี่ง บั๋ว เม่ย เญย เฒี้ยว, เยีย ไม้ ตุ๊ มี่ง มป่า แล์ง ฒี่ง อ๊ะ. เบ่น ซูง หลง อ๊ะ.’
19“แอ๋ง ม่าย เต้า ก๊อง, ‘เยีย ม์าย ตุ๊ ปยา ต๋อย ง่ง อ๋อย หฒุ ต้อ มี่ง เสย หมั่ง ก๋า. เม่ย หฑวน มี่ง บั๋ว เม่ย เญย เฒี้ยว, เยีย ไม้ ตุ๊ มี่ง มป่า แล์ง ฒี่ง อ๊ะ. เบ่น ซูง หลง อ๊ะ.’
20“แอ๋ง ม่าย เต้า ก๊อง, ‘เยีย โธะ โหะ หล่ง เจี๊ยน เอ๊า, ไม้ ไฮ่ มี่ง อ๊ะ.’
21“โปว หฑวน มี่ง เฒาะ น้าย เต๋ย เจ๊า-โหล่ว บั๋ว นิ่น เญย เฒี้ยว. เปย๊า-เฒี้ยว เฉีย เจี์ย ไห่. นิ่น บั๋ว นิ่น เญย โปว, ‘ก๊าน มี่ง มู้ง หฒั่ง ต้ม จาย ฟิ้ว-ห่อง ล์อ เมี่ยน จ่ม เมี่ยน, หว่าย ฝัง เญย, มฒีง แม่ง มฒีง บั๊ว เญย, เหธา เหฒา ไบ เญย เมี่ยน.’
22“ไม้ เล่า วั้ว เต้า โปว หฑวน ต้าย ก๊อง, ‘ต้ม ก๋อ อ่า, เยีย เอย เม่ย เญย หว่า โหฒว ลิ์ว อ๊ะ. มป่า หธ่อ ม่าย ต๋อง ขูง เญย.’
23“เฒี้ยว แอ๋ง บั๋ว วั้ว เต้า โปว, ‘อ๋อย หฒุ ธ้วด มี่ง เฒว่ย ต้ม เจ๊า ฟิ้ว-เจ๊า ล์อ เจี๊ยน มี่ง. ปวัด หาย เต้า อ๋อย หฒุ อ๊าบ เจี๊ยน นิ่น บัว ต้าย, ฯฒฯ ตุ๊ เมี่ยน ปวั๊ง เยีย เญย เปย๊า อ๊ะ. 24เยีย บั๋ว เม่ย บัว, ต้ง เยีย ธี้ง ด่าง วั้ว เต๋ย เมี่ยน, ไม้ ม่าย เหยียด ล่าน ไฮ่ ตุ๊ เสย เยีย เญย ไล-หฮนาง เญย เหมวย.’”
โหฒว เยซู เญย ไซ-ก๋อ เซ อะ เญย
(เป๊ย หมั่ง มัดทาย 10:37-38)
25เมี่ยน ธั้ม เญย กัน เจี๊ยน เยซู มี่ง. เยซู ฯฒฯ ฮวิน หฑวน บั๋ว นิ่น บัว, 26“หาย เต้า ต้าย ล์อ เยีย หย่า ไม้ ฮนั้ม เยีย เก้า ธั้ม ฮนั้ม นิ่น เญย เตี๋ย หม่า, นิ่น เญย เอ๊า เหธา ฝุเจว๊ย เหธา มั์ว-ต่อย, เลี่ยม นิ่น กั้น เญย แหม่ง, วั้ว เต้า ไม้ ไฮ่ โหฒว เยีย เญย ไซ-ก๋อ.#มัดทาย 10:37 27หาย เต้า ไม้ ดาม เจี๊ยน นิ่น กั้น เญย เหฒียบ หฑั่ง จ๋า กัน เจี๊ยน มี่ง, วั้ว เต้า หย่า โหฒว ไม้ ตุ๊ เยีย เญย ไซ-ก๋อ.#มัดทาย 10:38; 16:24; มาโค 8:34; ลูกา 9:23
28“สี ก๊อง เม่ย บัว ม่าย เต้า อ๋อย ก๊ม นอม เปย๊า, นิ่น ไม้ เฒ์ย จา-ด่าง เฒว์ย เจี๊ยน ฝุน หมั่ง ก๋า ญ่าน เก๋า โหฒว ตุ๊ เหฒียง ไฟ ไม้ เหฒียง? 29นิ่น ไม้ ฝุน ด่าง นอ, โหฒว เกา เถา ด๊าม-เจ๊า ด๊าม-จูง ฯฒฯ กวั่ง เจี๊ยน. หาย เต้า ปวัด หย่า จั๊ด นิ่น. 30นิ่น บัว อ๋อย ก๊อง, ‘น้าย เต้า โล้ เจี์ย กอน ก๊ม หย่า ไม้ ม่าย ปั้น เหฒ่ย ก๊ม ไม้ เหฒียง.’
31“ไฟ สี ก๊อง ม่าย เต้า ฮู่ง อ๋อย มี่ง เหธา กั้น เต้า ฮู่ง เบ๊าะ จ๋า, นิ่น ไม้ เฒ์ย อ๋อย เฒว์ย เจี๊ยน ฝุน หมั่ง ก๋า นิ่น เญย เหยียด หว่าน แปง ไฮ่ เบ๊าะ ตุ๊ วั้ว เต้า เญย อี หว่าน แปง ฮี่ง ไฟ ไม้ ฮี่ง? 32ฝุน ต้าย เบ๊าะ ไม้ ฮี่ง นอ, วั้ว เต๋ย อี หว่าน หธ่อ เยียม โก เญย, นิ่น อ๋อย หฒุ พ้าย เมี่ยน มี่ง ด่าง โท้ ก๊อง หอบ. 33ฟี่ ฮนั้ง เญย, เม่ย บัว หาย เต้า ไม้ เซี้ย เจี๊ยน กวั่ง เม่ย ม่าย เญย เหยียด ฒู้ง, ไม้ ไฮ่ โหฒว ไม้ ตุ๊ เยีย เญย ไซ-ก๋อ.
เฑ้า เญย หว่า-เป๊ย
(เป๊ย หมั่ง มัดทาย 5:13; มาโค 9:50)
34“เฑ้า เซ หลง เญย. มป่า สี ก๊อง เฑ้า เญย เหมวย ถุย ฒ้าม มี่ง, ฮนั้ง หาย นอ หน่อย ตุ๊ ฑ่าย ต้าย? 35โหฒว ป๋วน อัน เด่ย หย่า ไม้ ลั่ม หล่ง. โต๋ กวั่ง ง่ง ไฆ้ ดุย โหฒว ป๋วน หย่า ไม้ ตุ๊. อ๋อย หฒุ กวั่ง ฮนั้ง.
“หาย เต้า ม่าย มน่อม อ๋อย หฒุ แปง มน่อม หมวัง หลง.”
Currently Selected:
ลูกา 14: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
