ลูกา 17
17
ป์าม ฒุ์ย เญย เจ๊า
(เป๊ย หมั่ง มัดทาย 18:6-7,21-22; มาโค 9:42)
1เยซู ก๊อง บั๋ว ไซ-ก๋อ บัว, “ดั๊ว เมี่ยน โหฒว ต่อง เญย สี่#17:1 ฟาน หฒะ ก๊อง ดิ๊ หฒุ ดอบ. ด่ง หาย ฒู้ง อ๋อย ม่าย. มป่า ดั๊ว เมี่ยน โหฒว ต่อง วั้ว เต้า อ๋อย หฒุ โค้ว อ๊ะ. 2เฒาะ หม่อ ดิ๋ว เจี๊ยน นิ่น เญย จาง ปู๋ง เหฌี่ย ค้อย เก้า หลง ปุน นิ่น ดั๊ว เหยียด เต้า น้าย เต๋ย ฝุเจว๊ย-ไฝ ป์าม ฒุ์ย. 3เม่ย บัว อ๋อย หฒุ ไฝ ฟิม.#มัดทาย 18:15
“สี ก๊อง เม่ย เญย ก๋อ-โย์ว โหฒว ต่อง เม่ย, เม่ย อ๋อย หฒุ ขวิน นิ่น. นิ่น ก๊อย เฮญี้ยว กวั่ง ฒุ์ย นอ, อ๋อย หฒุ กวั่ง ปุน นิ่น. 4ก๊อง ฮนั้ง นิ่น เหยียด ฮนอย ต่อง เม่ย เสี่ย หฑุ่น, โม์ว หฑุ่น ต้าย เหญี่ยม ก๊อง, ‘เยีย แล์ง ต่อง อ๊ะ,’ เม่ย ฒู้ง อ๋อย หฒุ กวั่ง ปุน นิ่น.”
เสียน ฟิม เฮ้น
5 กง- โฒ่ บัว บั๋ว เฒี้ยว, “โท้ ปุน เยีย บัว เสียน เก้า เฮ้น เต๋ย โอ่.”
6เฒี้ยว เตา, “สี ก๊อง เม่ย บัว ม่าย เสียน ฟิม ล่ม เหยียด นอม ไล-จ๋าย ญิม นอ, เม่ย บัว ไฮ่ บั๋ว น้าย ติ้ว แซง-ฟอง เดี๋ยง,#17:6 ไฟ แกง-เฟย เดี๋ยง. ‘เลี่ยม ฑู่ง แปง ธ้วด ซุ้ย มี่ง หฒวัง วั้ว ค้อย กะญั์ว ม่าะ!’ เดี๋ยง ฒู้ง อ๋อย หฒุ หมวัง เม่ย เญย หว่า.
โปว โหฒว เญย กง
7“สี ก๊อง เม่ย บัว หาย เต้า ม่าย เต้า โปว ธ้วด มี่ง ไล่ ลี่ง ไฟ ปู๋ง ปะกี ยู่ง. เยียม เด่ย หฑวน ต้าย เม่ย ฯฒฯ บั๋ว นิ่น, ‘เม่ย กุ๊น เฒว์ย เจี๊ยน หญั่น หฮนาง อ๊ะ’ ไฟ? 8ไม้ เฒ์ย เหลาะ. เม่ย ฒู้ง อ๋อย บั๋ว นิ่น, ‘โฒ้ว หฒัวะ ไล-หฮนาง เบ่น ต้าย ปุน เยีย หญั่น, หย่า อ๋อย หฒุ เถง เยีย ติ้น ไล-หฮนาง. ฒั้ว เยีย หญั่น เป๊ว ฮบ เป๊ว เม่ย มต้าย ฆะฮ้า หญั่น.’ 9โปว เอย เจี๊ยน เฒี้ยว พ้าย เญย หว่า โหฒว, เฒี้ยว อ๋อย หฒุ แล์ง ฒี่ง นิ่น ไฟ? 10เม่ย บัว หย่า ฟี่ ฮนั้ง เญย. เม่ย บัว โหฒว เหฒียง พ้าย ต้าย เญย กง อ๋อย หฒุ ก๊อง, ‘เยีย บัว โหฒว โปว ฮนั้ง. น้าย เต๋ย กง มต้าย หอบ หฒุ เยีย บัว โหฒว.’”
เยซู หฒ่อ เหฒียบ เต้า เมี่ยน
11เยซู มี่ง เยลูซาเลม ฒี่ง นิ่น ยั่ง สะมาเลีย เต่ย เหธา กาลิลี เต่ย เญย กั๊บ-จ๋าย มี่ง. 12เปียะ นอม ล์าง วั้ว หฒั่น, ม่าย เหฒียบ เต้า ปุ๊ด ก้ม ฮู้ แป่ง เญย เมี่ยน ปวั้ง หฒุ เยซู. นิ่น บัว โซ้ว เจี๊ยน โก เต๋ย เญย 13เห่ว, “เยซู อ้า! เฒี้ยว อ้า! ค้อ-เลี่ยน เต๋ย เยีย บัว ม่าะ!”
14เยซู ปวัด ฯฒฯ ก๊อง, “มี่ง ปุน ไซ เมี่ยน ฒ่า หมั่ง เม่ย บัว เญย ซิน โอ่.”
นิ่น บัว กัน เจี๊ยน เจ๊า มี่ง วั้ว หฒั่น, แป่ง ฯฒฯ หลง หมี่ อ๊ะ.#เลวี 14:1-32 15ม่าย เต้า ปวัด นิ่น กั้น หลง เหฑ่ง ฯฒฯ เลี่ยม เฒ่ย ต๋าว ฆาง หฑวน, หล่ง เฉีย โฮล เญย เธง เจี๊ยน ทิน-ฮู่ง ต้าย.
16เถา เยซู วั้ว, นิ่น ฯฒฯ บ๊าบ เหฌี่ย เดา แล์ง ฒี่ง ไห่ เยซู. น้าย เต้า เมี่ยน เซ สะมาเลีย จั๋น.
17เยซู ก๊อง, “ม่าย เหฒียบ เต้า หฒ่อ หลง เหฑ่ง ไม้ เฒ์ย? วั้ว เต๋ย ดั้ว เต้า นี? 18ธ้วด ลิ์ว น้าย เต้า กั้น ฝีง เมี่ยน, ไม้ ม่าย หาย เต้า ต๋าว ฆาง ต้าย เธง ทิน-ฮู่ง ไฟ?”
19เยซู แอ๋ง ก๊อง บั๋ว วั้ว ล่าน เมี่ยน, “เจี์ย ซิน ต้าย หฑวน อ๊ะ โอ่. เหว่ย เม่ย เสียน เขา เยีย, เม่ย เญย แป่ง หลง เหฑ่ง หมี่ อ๊ะ.”
ทิน-ฮู่ง ต้าย โหฒว เฒี้ยว
(เป๊ย หมั่ง มัดทาย 24:23-28,37-41)
20ม่าย เต๋ย ฟาลิสี เมี่ยน หน่าย ก๋า เยซู, “ทิน-ฮู่ง เถา หาย หฒั่น หธีง ต้าย โหฒว เฒี้ยว กุ๊น เมี่ยน?” เยซู เตา, “ทิน-ฮู่ง ต้าย โหฒว เฒี้ยว กุ๊น เมี่ยน ไม้ เฒ์ย มฒีง หมั่ง ตุ๊ ปวัด. 21ไม้ ม่าย หาย เต้า ไฮ่ ก๊อง, ‘หมั่ง ม่าะ! เยียม น้าย!’ ไฟ ‘หมั่ง ม่าะ! เยียม วั้ว!’ เหว่ย หฒุ ทิน-ฮู่ง อี้ หฒั่น เยียม เม่ย บัว บุด๋ง โหฒว เฒี้ยว.”#17:21 บุด๋ง ไฟ กะญั์ว.
22เยซู แอ๋ง บั๋ว นิ่น เญย ไซ-ก๋อ บัว, “ฮนอย-เหญียะ อ๋อย เถา, เม่ย บัว อ๋อย ตุ๊ ปวัด เยีย, ป้าม เมี่ยน เญย ตอน, เญย เหยียด นอม ฮนอย, มป่า เม่ย บัว ไม้ ตุ๊ ปวัด. 23เมี่ยน อ๋อย บั๋ว เม่ย บัว, ‘หมั่ง ม่าะ! เยียม วั้ว!’ ไฟ ‘หมั่ง ม่าะ! เยียม น้าย!’ มป่า ไม้ ตู๋ง ธ้วด มี่ง กัน นิ่น บัว. 24เยีย, ป้าม เมี่ยน เญย ตอน, ต้าย วั้ว นอม ฮนอย อ๋อย ฮนั้ง ป์อง บะหลี่ง เยียม น้าย ปูง ลู่ง เถา วั้ว ปูง ลู่ง. 25มป่า เยีย, ป้าม เมี่ยน เญย ตอน, อ๋อย หฒุ เสี่ยว เหฒีย หญู่ง โค้ว ด่าง, หย่า หฒุ อี้ จ๋า เญย เมี่ยน เฆ่ม.
26“โนยา เญย ลู่ง เดี๊ย ฮนั้ง หาย นอ, เยีย, ป้าม เมี่ยน เญย ตอน, ต้าย วั้ว เต๋ย ฮนอย หย่า ฮนั้ง วั้ว นอ.#ทิน เต่ย โต้ว 6:5-8 27โนยา เญย ลู่ง เดี๊ย, เมี่ยน หญั่น หย่า ฮบ, ปู๋ง เซียะ ก๊อง เอ๊า, โหฒว ธีง-จา, เถา โนยา เปียะ ฑั้ง วั้ว ฮนอย. เยียม ฑั้ง กะเหญี่ย เญย เหยียด ฒู้ง หฒุ บยู่ง-ซุ้ย-อิ๋ม เหยียม ไต่ เหฑ่ง.#ทิน เต่ย โต้ว 7:6-24
28“โล้ด เญย ลู่ง เดี๊ย หย่า ฟี่ ฮนั้ง เญย. เมี่ยน หย่า หญั่น หย่า ฮบ, ม์าย หม่าย, หฒวัง กะน้าย, ก๊ม เปย๊า.#ทิน เต่ย โต้ว 18:20—19:25 29มป่า โล้ด ธ้วด โสโดม ฒี่ง วั้ว ฮนอย, ม่าย โต์ว เหธา ฮู่ง#17:29 เซ เผว ฟิว วั้ว หญู่ง ฮู่ง. เยียม วั้ว ลู่ง ด๊อด เหฌี่ย ต้าย ปั๊ว เหมียด เหฑ่ง นิ่น บัว เหยียด ฒู้ง. 30เยีย, ป้าม เมี่ยน เญย ตอน, หิ่น ธ้วด วั้ว ฮนอย หย่า อ๋อย ฮนั้ง วั้ว นอ.
31“วั้ว ฮนอย หาย เต้า เยียม เปย๊า-ง่อ เหฌี่ย,#17:31 นิ่น บัว เญย เปย๊า-ง่อ แป้ง เญย. เลี่ยม ไม้ ตู๋ง เปียะ เปย๊า เฒาะ เยียม เปย๊า เญย กะน้าย. หาย เต้า เยียม เด่ย หย่า ไม้ ตู๋ง หฑวน มี่ง เฒาะ หาย หญู่ง.#มัดทาย 24:17-18; มาโค 13:15-16 32จั๋ง เจี๊ยน โล้ด เญย เอ๊า!#ทิน เต่ย โต้ว 19:26 33หาย เต้า ฮนั้ม เหฌียว กั้น เญย แหม่ง, วั้ว เต้า ฯฒฯ หฒุ กวั่ง แหม่ง. หาย เต้า หญุ่น กวั่ง นิ่น กั้น เญย แหม่ง, วั้ว เต้า ฯฒฯ ตุ๊ นิ่น เญย แหม่ง ธ้วด.#มัดทาย 10:39; 16:25; มาโค 8:35; ลูกา 9:24; โยฮัน 12:25 34เยีย บั๋ว เม่ย บัว, ม่าย อี เต้า เมี่ยน จวั่ง โหธว เปว๋ย, อ๋อย ฒิบ เต้า มี่ง, กวั่ง เต้า เยียม วั้ว. 35ม่าย อี เต้า มเซียะ ตอน หม่อ แหมะ, อ๋อย ฒิบ เต้า มี่ง, กวั่ง เต้า เยียม วั้ว. 36ม่าย อี เต้า เมี่ยน เยียม เด่ย, อ๋อย ฒิบ เต้า มี่ง, กวั่ง เต้า เยียม วั้ว.”#17:36 ม่าย เต๋ย โล์-ฮนอย โซว ไม้ ม่าย น้าย เหยี่ยม.
37ไซ-ก๋อ บัว หน่าย ก๋า, “ไซ-เตี๋ย อ้า! น้าย เต๋ย สี่ อ๋อย หฒุ เยียม หาย ธ้วด?”
เยซู เตา, “กะน้าย-ไต่ เยียม หาย, ต้ม จ๊าง-ง่ง หย่า เยียม วั้ว.”
Currently Selected:
ลูกา 17: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
