Mata 4
4
Seteni apapat Yesu
(Mark 1.12-13; Luka 4.1-13)
1Kiya uwaga Masasəɗok Zəzagəla adàla Yesu à fəta à abà kà seteni aŋa mapapatay. 2Mok uwana Yesu adaɗàh mavakay dzik ufaɗ, la mahənay dzik ufaɗ kà, may akə̀s masla. 3Kiya uwaga seteni azà vok à slaka aŋha la magoɗal: “Baŋa kak Kona aŋa Zəzagəla ndzer kà, ‘Pàk kaf!’, gòɗ à akur uwanay.” 4Yesu awùlla à uda: “Uwaga kà matsetserayga:
ˈDza adzadzar vok kà la kaf pəra aw, ama la kəla gay gesina uwana atsa à waŋ la paŋaw aŋa Zəzagəla la awtày.ˈ” #5Musa 8.3
5Kiya uwaga seteni adàla masla à Urusalima, à gudəŋ tsiɗaŋaga à abà, adàla à gəl aŋa məŋ gày Zəzagəla à afik, 6agòɗal: “Baŋa kak Kona aŋa Zəzagəla ndzer kà: Vàl à ahəŋ la abanay, kà uwana uwaga kà matsetserayga:
ˈ‘Dàw!’, Zəzagəla adàgoɗ à azlamalika aŋha lakəl aŋak kà mazlak ka
Ŋgaha tadàkəs ka la matsaw ka kà, kà akur aŋa mazləl ka asik aw.ˈ” #Mahabay 91.11-12
7Yesu awulàlla: “Tatsetsèr à wakità à abà la slaka anik babay kà:
ˈKapapata Sufəl Zəzagəla aŋak aw.ˈ”#5Musa 6.16
8La lig la ahəŋ seteni adàla à gəl gudəŋ matsəkakaɗayga à afik aya, apə̀halla makoray aŋa gudəŋ à vok gesina la mazləɓay aŋha. 9“Gədàvà à ka uwaga gesina, à baŋa kakəɗeɗ à gi à ahəŋ kasləkaw gi”, agòɗal.
10Yesu agòɗal: “Zà vok, kak seteni! Haɗay, tatsetsèr à wakità Zəzagəla à abà kà:
ˈZlə̀ɓà Sufəl Zəzagəla aŋak, ŋgaha ɗàhalla sləray kà masla kokuɗa gəl aŋha pəra.ˈ”#5Musa 6.13
11La abatà seteni asàkal à ahəŋ. Azlamalika tasà à waŋ à slaka Yesu kà mazlakəŋ.
Yesu adzəka sləray aŋha la kutso Galili
(Mark 1.14-15; Luka 4.14-15)
12Mok uwana Yesu atsənàŋ tadùw Yuhana à daŋay kà, atsìzlla ala, adà aŋha à Galili. 13Asàk à madz à ahəŋ la Nazaret, ahàd kà madz à ahəŋ la Kapernahum, gudəŋ uwana la gay dərəv aŋa Galili, la makoray aŋa Zabulon la Neftali la abà. 14Apakà vok kiya uwaga kà, kà gay aŋa masla mapəhal gay à ahàl Yesayya aŋa magəɗ à afik:
15ˈKutso aŋa Zabulon la aŋa Neftali,
Uwana la gay mukwà, la kutso uwana la dərəv à uda anik aŋa mukwà Urdun,
Ŋgaha la Galili uwana azladza uwana azla Yahudiya aw, tadz à ahəŋ la abà.
16Tsəhay uwana adz à ahəŋ la mələs la abà,
Adànəŋ magol uɗaka.
Azlauwana tadz à ahəŋ la dzəgay aŋa mamətsay la abà bay,
Uɗaka adàpəhatàla vok.ˈ#Yesayya 8.23; 9.1-2
17Dagay la kaslà uwatà, Yesu adzəkà mapəh gay Zəzagəla, agòɗ à atà: “Pə̀hàw gay la ləv ala kà uwana makoray aŋha kà nekwa.”
Yesu azal azlaməna matapla matera la slaka aŋha
(Mark 1.16-20; Luka 5.1-11)
18Mok uwana Yesu auguzahay la gay mukwà aŋa Galili kà, anəŋà Səmon uwana tazallala Piyer atà la deda aŋha Andəre, uwana tadàw dzarawa aŋatà à iyaw à abà; kà uwana atà azlaməna makas kilfi. 19Yesu agòɗ à atà: “Nəfàw gi, ŋgaha gədàpakakulla kà azlaməna makas azladza.” 20Katskats tasàk à dzarawa aŋatà à ahəŋ ŋgaha tanəfà masla.
21Adà à huma à gay kərkər zwek, tanəŋà Yakuba atà la Yuhana deda aŋha, azlakona aŋa Zebede. Tagà la kəslah iyaw aŋatà la afik la baba aŋatà Zebede, taɗàh dzarawa aŋatà, Yesu azàl atà. 22La katskats tasàk à kəslah iyaw aŋatà à ahəŋ la baba aŋatà gà, tanəfà Yesu.
23Yesu auguzàh la kutso Galili gesina, atapàhla azladza la azlagày madəv kuɗa la aku, azahà à ata gay marabəŋ lakəl aŋa makoray Zəzagəla, ŋgaha awarà azladza ala la azlatsəhay ɗuvats anik anik, la azladeri gesina. 24Azladza tatsənàŋ tapəhay lakəl aŋha la makoray aŋa Səriya gesina, ŋgaha tasàhla azlaməna ɗuvats anik anik à waŋ gesina uwana tas ŋgərpa, la azlamasasəɗok mawisiga, la azladeri ŋgaha awarà atà ala. 25Maham à ahəŋ dza aŋuvaw anəfà masla, tasà à waŋ la kutso Galili, la makoray aŋa gudəŋ kulo, la Urusalima, la Yahudiya ŋgaha la gay makwi aŋa dərəv à uda aŋa mukwà Urdun.
Currently Selected:
Mata 4: mfh
Highlight
Share
Copy
Want to have your highlights saved across all your devices? Sign up or sign in
©2019, Wycliffe Bible Translators Inc. All rights reserve.
