RUKA 4
4
Yiesû aagerua
(Math. 4:1-11; Mko. 1:12-13)
1Yiesû akiuma bwa muuro wa Njorondani aumire aûyûrîîtwe i Kîrundu Ûmûtheru. Kîrundu amwira rwanda. 2Yiesû aagerua i Nkoma bantû a ntugû mîrongo îna atakûrîa nwa mbi. Akûthiria ntugû inu cionthe, Yiesû aatua kwîgua yûûra. 3Nkoma yamwîra, “Ûkaaya kwîgua ûrî Mwana wa Ngai, uga iiga rîrî rîtuîke mûgaate.”
4Yiesû amîcookeria amîîra, “Kwandîkîîtwe *Maandîkooni Maatheru, ‘Mûgaate unka ûtiûmba gûtûûria muntû mwoyo.’ ”#Kûririkanania Maathana 8:3
5Nkoma yaira Yiesû bantû angî aûkîîru. Yamwonia moonene monthe ma nthîgûrû nthûti îmwe. 6Yamwîra, “Ngakwa watho bwa kwathanaga gûkû kunthe na mwago wa ku unthe ngakwa. Nnenkeretwe moonene mama monthe mpa muntû woora nkeenda. 7Mama monthe ngakwa mo weegua ûkangonga.”
8Yiesû amîcookeria amîîra, “Kwandîkîîtwe Maandîkooni Maatheru, ‘Ûtikaagonge kana ûtûmîkîra ûngî tatiga Mwathani Ngai waku wenka.’ ”#Kûririkanania Maathana 6:13
9Kaîrî Nkoma yaira Yiesû taûni îra ntheru ya Njerusaremu, yamwira kûra îgûrû kathûmbîri ka nyomba ya Ngai. Yamwîra, “Weegua ûrî Mwana wa Ngai, teebarûkie kuuma aaga, 10n'ûntû kwandîkîîtwe Maandîkooni Maatheru, ‘Ngai akeera araîka baake bakûmenyeere.’#Cabuurî 91:11 11Na kaîrî kwandîkîîtwe, ‘Ngai eerîîte araîka baake bakwambîîrie na njara ciao kaingo ûtathuumûrua nwa mbayo ciaku i maiga.’ ”#Cabuurî 91:12
12Yiesû amîcookeria amîîra, “Kwandîkîîtwe Maandîkooni Maatheru, ‘Ûtikaagerie Mwathani Ngai waku.’ ”#Kûririkanania Maathana 6:16
13Nkoma îkûmûgeria na njîra cionthe, yathi, yarekana n'we kwa îgiita.
Yiesû aanjîîria gûtûmîîria Gariiri
(Math. 4:12-17; Mko. 1:14-15)
14Yiesû aacooka Gariiri arî na inya ya Kîrundu Ûmûtheru. Nkuma yake yatamba nteere cionthe. 15Aarutanaga *masinagoogiini agakumua n'antû bonthe.
Yiesû aaregwa Nasareethi
(Math. 13:53-58; Mko. 6:1-6)
16Yiesû aathi Nasareethi, naara aakûrîrîte. Ntugû ya *Sabatû îgûkinya, wata wîthîre aathi *sinagoogiini. Aarûngama kûthooma *Maandîko Maatheru. 17Aanenkerwa îbuku rîa kîroria Isaaya. Aagwûria ara kwandîkîîtwe,
18“Kîrundu wa Mwathani arî amwe naani,
n'ûntû naanthuurîîte ntûmîîria
ntheto îmbega kîrî bara barî na ûkîa.
Aantûmire mbîîra agwate ibaathaûre,
na mbîîra ntûngi igaatua kwona,
nthaûra bara bakûnyamaarua.
19Na mbugîîria kîrî antû,
‘Kagiita gagûkinya,
Mwathani akoonokia antû baake.’ ”#Isaaya 61:1-2
20Yiesû aakûnja îbuku aanenkera mûruti ngûgî wa sinagoogi, aakara nthî. Antû bonthe bara baarî sinagoogini înu nwa meetho baamwete. 21Yiesû abeera, “Îmunthî Maandîko mama makûûyûra, wata bûra maathoomwa bûkîîgagua na matû meenu.”
22Antû bamwona arî muntû wa kûrigaria n'ûntû bwa mantû meega mara aabarîîrie. Baanjîîria kûûrania, “Anga we ti mwana wa Njosebu?”
23Yiesû abeera, “Ntirî na nkanja inkûmenya bûrîenda kûmbîîra njuno îra yugaga, ‘Ndagitaarî îborie wengwa,’ kana bûmbîîre ndûthe mantû mara bwîgagua indarûthire Kaperinaumu, gûkû nthîgûrû yenu. 24Na mma ga nkûbwîra, kîroria gîtitîîyagwa kwao. 25Na ga nkûbwîra ûmma, îgiita rîa Eriya ikwarî na eekûrû baingî ba ntigwa nthîgûrû ya Isiraeri, rîra mbura yakarîîte îtaura mîanka îthatû na nucu kwagîa yûûra nthîgûrû yonthe. 26Eriya ataatûmwa Isiraeri athi gûteethia nwa îmwe ya cio. Aatûmirwe kîrî ntigwa îngî ya gataûni geetagwa Carebaathi, akubî na taûni ya Sindoni. 27Ikwarî na antû baingî baarî na mûtigiri nthîgûrû ya Isiraeri îgiita rîa kîroria Erica. Na gûtirî we wao oorua, tatiga Naamani Mûsîîria.”
28Antû babu baarî sinagoogiini bakwîgua ûgu baathûûra mûno. 29Baûka bamwîngatia taûni yao. Bamûkinyia katheng'eng'aani ga kîrîma kîra taûni înu yakîîtwe babangîîte kûmwarûkia. 30Îndî Yiesû aabuuranîîria gatîgatî ka bo, aathi.
Yiesû ooria muntû aarî na kîrundu kîîthûûku
(Mko. 1:21-28)
31Yiesû aathi bwa taûni ya Kaperinaumu îra yarî bwa gîteere kîa Gariiri. Ntugû ya *Sabatû aanjîîria kûrutana antû. 32Antû bonthe bara baamûthikîîrîîtie baarigara mûno n'ûrutani bwake, n'ûntû aarutanaga na watho kuuma kîrî Ngai.
33Gûku *sinagoogiini ikwarî na muntû aarî na kîrundu kîîthûûku. Muntû ûyu augîîria na inya auga, 34“N'ata ûkwenda naati Yiesû Mûnasareethi? Ka ûûyîîte gûtûthiria kana? Imbiyî woû ûrî ûû. Ûrî Mûtheru kuuma kîrî Ngai.”
35Yiesû aagondokera kîrundu gîku akîîra, “Kira na uma kîrî muntû ûyû!” Kîrundu gîku kîagwîthia muntû ûyu nthî mbere ya antû, kîauma na gîtaamûguraria.
36Antû bonthe bara baarî agu baarigara mûno. Baanjîîria kûûrania, “I bûrîkû bûbû! Î muntû ûyû arî na watho na inya ya kwîra irundu biithûûku biume kîrî antû na bikauma.” 37Nkuma ya Yiesû yatambua gûntû gûku kunthe.
Yiesû ooria mûthoni wa Simioni na antû bangî baingî mûno
(Math. 8:14-17; Mko. 1:29-39)
38Yiesû auma *sinagoogiini aathi mûciî kwa baSimioni. Mûthoni wa Simioni wa mûka naayîîtue kûbîîyanîra mwîrî. Antû baanjîîria kwîra Yiesû mantû ma kwayua gwake. 39Yiesû aathi kîrî we aagondokera kûbîîyanîra gûku aabîîyanîrîte, oora. Aûkîîra warîru aanjîîria kûbagaagûra.
40Kîûgoro riûa rîathûa, bonthe bara antû baao baayîîtue mbayua mwanya mwanya, baareetera Yiesû bo kaingo abooria. Yiesû aigîîra wakîra ûmwe wao njara, bonthe boora. 41Yiesû eengatia irundu biithûûku bira antû baingî baarî na bio, biauma bigîkayaga na inya bikauga, “Woû ûrî Mwana wa Ngai!” Yiesû aabigondokagîra na akagiria biaria n'ûntû ibiaiyî we aarî Kîrîstû.
Yiesû agîtûmîîria sinagoogiini
42Rûûni rûkîîrî mûno Yiesû auma taûni înu ya Kaperinaumu, aathi gûntû gûtaarî na antû. Antû baanjîîria kûmûceria. Bakûmwona baacûûgia kûmûrigîîria atikaathi abatiga. 43Yiesû abeera, “Nwa mwanka nthi taûni ira ingî wana cio ngatûmîîrie ntheto îmbega cia ûnene bwa Ngai, n'ûntû ûgu i bu ndatûmirwe mbûya kûrûtha.” 44Kwoogu Yiesû aathi agîtûmagîîria *masinagoogiini mara maarî gîteere gîku kîa Gariiri.
Currently Selected:
RUKA 4: thk
Highlight
Share
Copy
Want to have your highlights saved across all your devices? Sign up or sign in
© 2019, Bible Translation and Literacy
RUKA 4
4
Yiesû aagerua
(Math. 4:1-11; Mko. 1:12-13)
1Yiesû akiuma bwa muuro wa Njorondani aumire aûyûrîîtwe i Kîrundu Ûmûtheru. Kîrundu amwira rwanda. 2Yiesû aagerua i Nkoma bantû a ntugû mîrongo îna atakûrîa nwa mbi. Akûthiria ntugû inu cionthe, Yiesû aatua kwîgua yûûra. 3Nkoma yamwîra, “Ûkaaya kwîgua ûrî Mwana wa Ngai, uga iiga rîrî rîtuîke mûgaate.”
4Yiesû amîcookeria amîîra, “Kwandîkîîtwe *Maandîkooni Maatheru, ‘Mûgaate unka ûtiûmba gûtûûria muntû mwoyo.’ ”#Kûririkanania Maathana 8:3
5Nkoma yaira Yiesû bantû angî aûkîîru. Yamwonia moonene monthe ma nthîgûrû nthûti îmwe. 6Yamwîra, “Ngakwa watho bwa kwathanaga gûkû kunthe na mwago wa ku unthe ngakwa. Nnenkeretwe moonene mama monthe mpa muntû woora nkeenda. 7Mama monthe ngakwa mo weegua ûkangonga.”
8Yiesû amîcookeria amîîra, “Kwandîkîîtwe Maandîkooni Maatheru, ‘Ûtikaagonge kana ûtûmîkîra ûngî tatiga Mwathani Ngai waku wenka.’ ”#Kûririkanania Maathana 6:13
9Kaîrî Nkoma yaira Yiesû taûni îra ntheru ya Njerusaremu, yamwira kûra îgûrû kathûmbîri ka nyomba ya Ngai. Yamwîra, “Weegua ûrî Mwana wa Ngai, teebarûkie kuuma aaga, 10n'ûntû kwandîkîîtwe Maandîkooni Maatheru, ‘Ngai akeera araîka baake bakûmenyeere.’#Cabuurî 91:11 11Na kaîrî kwandîkîîtwe, ‘Ngai eerîîte araîka baake bakwambîîrie na njara ciao kaingo ûtathuumûrua nwa mbayo ciaku i maiga.’ ”#Cabuurî 91:12
12Yiesû amîcookeria amîîra, “Kwandîkîîtwe Maandîkooni Maatheru, ‘Ûtikaagerie Mwathani Ngai waku.’ ”#Kûririkanania Maathana 6:16
13Nkoma îkûmûgeria na njîra cionthe, yathi, yarekana n'we kwa îgiita.
Yiesû aanjîîria gûtûmîîria Gariiri
(Math. 4:12-17; Mko. 1:14-15)
14Yiesû aacooka Gariiri arî na inya ya Kîrundu Ûmûtheru. Nkuma yake yatamba nteere cionthe. 15Aarutanaga *masinagoogiini agakumua n'antû bonthe.
Yiesû aaregwa Nasareethi
(Math. 13:53-58; Mko. 6:1-6)
16Yiesû aathi Nasareethi, naara aakûrîrîte. Ntugû ya *Sabatû îgûkinya, wata wîthîre aathi *sinagoogiini. Aarûngama kûthooma *Maandîko Maatheru. 17Aanenkerwa îbuku rîa kîroria Isaaya. Aagwûria ara kwandîkîîtwe,
18“Kîrundu wa Mwathani arî amwe naani,
n'ûntû naanthuurîîte ntûmîîria
ntheto îmbega kîrî bara barî na ûkîa.
Aantûmire mbîîra agwate ibaathaûre,
na mbîîra ntûngi igaatua kwona,
nthaûra bara bakûnyamaarua.
19Na mbugîîria kîrî antû,
‘Kagiita gagûkinya,
Mwathani akoonokia antû baake.’ ”#Isaaya 61:1-2
20Yiesû aakûnja îbuku aanenkera mûruti ngûgî wa sinagoogi, aakara nthî. Antû bonthe bara baarî sinagoogini înu nwa meetho baamwete. 21Yiesû abeera, “Îmunthî Maandîko mama makûûyûra, wata bûra maathoomwa bûkîîgagua na matû meenu.”
22Antû bamwona arî muntû wa kûrigaria n'ûntû bwa mantû meega mara aabarîîrie. Baanjîîria kûûrania, “Anga we ti mwana wa Njosebu?”
23Yiesû abeera, “Ntirî na nkanja inkûmenya bûrîenda kûmbîîra njuno îra yugaga, ‘Ndagitaarî îborie wengwa,’ kana bûmbîîre ndûthe mantû mara bwîgagua indarûthire Kaperinaumu, gûkû nthîgûrû yenu. 24Na mma ga nkûbwîra, kîroria gîtitîîyagwa kwao. 25Na ga nkûbwîra ûmma, îgiita rîa Eriya ikwarî na eekûrû baingî ba ntigwa nthîgûrû ya Isiraeri, rîra mbura yakarîîte îtaura mîanka îthatû na nucu kwagîa yûûra nthîgûrû yonthe. 26Eriya ataatûmwa Isiraeri athi gûteethia nwa îmwe ya cio. Aatûmirwe kîrî ntigwa îngî ya gataûni geetagwa Carebaathi, akubî na taûni ya Sindoni. 27Ikwarî na antû baingî baarî na mûtigiri nthîgûrû ya Isiraeri îgiita rîa kîroria Erica. Na gûtirî we wao oorua, tatiga Naamani Mûsîîria.”
28Antû babu baarî sinagoogiini bakwîgua ûgu baathûûra mûno. 29Baûka bamwîngatia taûni yao. Bamûkinyia katheng'eng'aani ga kîrîma kîra taûni înu yakîîtwe babangîîte kûmwarûkia. 30Îndî Yiesû aabuuranîîria gatîgatî ka bo, aathi.
Yiesû ooria muntû aarî na kîrundu kîîthûûku
(Mko. 1:21-28)
31Yiesû aathi bwa taûni ya Kaperinaumu îra yarî bwa gîteere kîa Gariiri. Ntugû ya *Sabatû aanjîîria kûrutana antû. 32Antû bonthe bara baamûthikîîrîîtie baarigara mûno n'ûrutani bwake, n'ûntû aarutanaga na watho kuuma kîrî Ngai.
33Gûku *sinagoogiini ikwarî na muntû aarî na kîrundu kîîthûûku. Muntû ûyu augîîria na inya auga, 34“N'ata ûkwenda naati Yiesû Mûnasareethi? Ka ûûyîîte gûtûthiria kana? Imbiyî woû ûrî ûû. Ûrî Mûtheru kuuma kîrî Ngai.”
35Yiesû aagondokera kîrundu gîku akîîra, “Kira na uma kîrî muntû ûyû!” Kîrundu gîku kîagwîthia muntû ûyu nthî mbere ya antû, kîauma na gîtaamûguraria.
36Antû bonthe bara baarî agu baarigara mûno. Baanjîîria kûûrania, “I bûrîkû bûbû! Î muntû ûyû arî na watho na inya ya kwîra irundu biithûûku biume kîrî antû na bikauma.” 37Nkuma ya Yiesû yatambua gûntû gûku kunthe.
Yiesû ooria mûthoni wa Simioni na antû bangî baingî mûno
(Math. 8:14-17; Mko. 1:29-39)
38Yiesû auma *sinagoogiini aathi mûciî kwa baSimioni. Mûthoni wa Simioni wa mûka naayîîtue kûbîîyanîra mwîrî. Antû baanjîîria kwîra Yiesû mantû ma kwayua gwake. 39Yiesû aathi kîrî we aagondokera kûbîîyanîra gûku aabîîyanîrîte, oora. Aûkîîra warîru aanjîîria kûbagaagûra.
40Kîûgoro riûa rîathûa, bonthe bara antû baao baayîîtue mbayua mwanya mwanya, baareetera Yiesû bo kaingo abooria. Yiesû aigîîra wakîra ûmwe wao njara, bonthe boora. 41Yiesû eengatia irundu biithûûku bira antû baingî baarî na bio, biauma bigîkayaga na inya bikauga, “Woû ûrî Mwana wa Ngai!” Yiesû aabigondokagîra na akagiria biaria n'ûntû ibiaiyî we aarî Kîrîstû.
Yiesû agîtûmîîria sinagoogiini
42Rûûni rûkîîrî mûno Yiesû auma taûni înu ya Kaperinaumu, aathi gûntû gûtaarî na antû. Antû baanjîîria kûmûceria. Bakûmwona baacûûgia kûmûrigîîria atikaathi abatiga. 43Yiesû abeera, “Nwa mwanka nthi taûni ira ingî wana cio ngatûmîîrie ntheto îmbega cia ûnene bwa Ngai, n'ûntû ûgu i bu ndatûmirwe mbûya kûrûtha.” 44Kwoogu Yiesû aathi agîtûmagîîria *masinagoogiini mara maarî gîteere gîku kîa Gariiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Bible Translation and Literacy