Matìù 17
17
Èsi Yesò e kubtè
(Mk 9:2-13; Lk 9:28-36)
1Èlibȩ è tsè bentùa, Yesò nɨa Pità nè Jimsì bɔ̂ wanyɨ vi Jɔ̌n bɔ kɔꞋ nga a ègwet èbȩ èseè ko ntsèke bɔ̀ɔ ndziꞋne. 2Bɔ me ye, èsi Yesò e kubtè ntsìꞋa nkàꞋtà kàꞋte mbɨ̀Ꞌɨ̀ àtaãnyèm, ndìte tò te mè ntsìꞋa fəèəèta fəəte mbɨ̀Ꞌɨ̀ àtaã èŋu. 3KwàꞋ àfɨꞋa mbɔŋ bɔ me ye Musì bɔ̂ Èlȩjà, e puule a mbì lɔb, me làꞋà bɔ̂ Yesò ba.
4Pità shu abua Yesò nê “Lefɨ̀Ꞌ, a bɔ̂ŋ nê ba wu a si ŋàa. À bɨ̧̀ɨ̧̀na, ko maa vəèəè bayò batat adzìꞋ yaa, wemɔ̀Ꞌ abua yê, wemɔ̀Ꞌ abua Musì, nè wekǒ abua Èlȩjà.”
5Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”
6ÀfɨꞋa bɔkatè Yesò e zə àtɔŋ yàa la, bɔ chuŋkè ètsə bɔb a si ntaꞋa bɔa. 7Yesò kɨ̀Ꞌɨ̂ mbà̧à̧te awɔb, shu abua yɔb nê “Bɨ̀ lɔꞋ a si, bɨ̀ ka mbɔ̀â!” 8Bɔ lɔ̀kè àwɔb ndȩ̀, bɔ̀ ka tsi ndzě wòt, bɔ tsiꞋi ye wua Yesò zìa ndziꞋne.
9Bɔ̀ lɔ̀Ꞌɔ a ègwet èbȩ lu bɔ̀ me chu, Yesò səèŋkè ètû̧ bɔb nê, “Ko mbɨ̀Ꞌɨ̀ wòt wɨ̧ shu wòt àghɨa bɨ ye la tè Waã Wòt ghɨ̀ mpfə mè njù̧ù̧me.”
10Bɔkatè atò e biite atò nê, “Ghǎ ghɨ̂ ka bènyɨꞋtà mbɨ̧te Musì e me shu nê Èlȩjà naa bɨ̌ kɨꞋɨ à?”
11Yesò bɨ̀ɨ̀lè nè, “Wu nkûŋ nê Èlȩjà naa kɨꞋɨ a mbì mbɨ̀Ꞌɨ̀ e ghɨ̌ èghɨ ègème aa wu mbɨ̀Ꞌɨ̀ e ghɨ̂ ngu ewu la. 12Ka tsiꞋ è shu awɨ̧ nê, Èlȩjà kɨꞋɨ tê ndɔ̀Ꞌ, ka bòt e ka ko atò, ale bɔ ghɨ̧ɨ̧ne atò mbɨ̀Ꞌɨ̀ bɔ kɔ̀ŋkè la. Waã Wòt nàà ye ngoꞋ a tèkitebu tɔb wuê a èlɨ mbɔŋ mɨ̧̂.” 13ÀfɨꞋa mbɔŋ ka bɔkatè tò e ko nê, tà me làꞋà mènəè maà ale, ngua ndàꞋà ànəa Jɔ̌n ndzìà èdzî.
Yesò bəè waã kǒ fo kàbɔ̀ŋ nàa ane tò la
(Mk 9:14-29; Lk 9:37-43a)
14Mbɨ̀Ꞌɨ̀ bɔ kua akwèn tè nkɨ̀Ꞌɨ̂ nkwene ane ènɔ̧̂ bòt bu la, wòt kǒ kɨꞋɨ ntèmè tènjûŋ ti a si a mbì tò 15nê “Tê, ku tèsȩte waã am! Àghɔ̧ mànkwena aà ndɔ̀Ꞌɔ ane tò. Aà ŋǎ a tò ngoꞋ kwàꞋ ànyaꞋne, màꞋà atò a èbem èwet nè mèleb a ngo̧ a ngò̧. 16Mâ yaã nɨa tò nga abua bɔkatè bê, ka bɔ̀ ka ko mbəa tò.”
17Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!” 18Yesò ŋȩ̂ fo kàbɔ̀ŋ yu, è dzəè, tà bê ntɨ̧̌ kwàꞋ àfɨꞋa mbɔŋ mpem.
19Bɔkatè Yesò e kɨꞋɨ̀ mbììte atò a ntsèm nê, “Ghǎ a yaãaã ngɨ̀ ka bà ka ko fəè fo kàbɔ̀ŋ yu à?”
20Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, #17:20 Maŋkaŋa wàa ane ndɨk wu èwuu ayɨ̌t kǒ bɔ̀ɔ ntɔ nê mustard la. ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.” 21[Ka è bakà wu nê, wòt naa me tseke kà jɨ àghɨ mè ntsàꞋta Mbɔ̧ɔ̧mà tà kà ko fəè èwuu yaa nè fo kàbɔ̀ŋ.]
Yesò mè ndàꞋ ànəa èvə li
(Mk 9:30-32; Lk 9:43b-45)
22ÀfɨꞋa bɔkatè Yesò e bù̧ù̧te a Galìlî la, tà shu abua yɔb nê “Bɔɔ baãaã Waã Wòt ezǐ a tèkitebu bɔbȩ 23bɔɔ bùŋe atò, ka naa me wu ane èlibȩ betat, taa yu̧u̧me.” Tà làꞋ ale a taꞋa saa awɔb.
Ànəa màmaꞋa èkab a èbem lob nɨ̧ Mbɔ̧ɔ̧mà
24Bɔ kɨꞋɨ tê bɔ̀ nyi a Kàpenàwuêm bòt bu bɔ̀ɔ fèta èkab bɔ̀ɔ maꞋa a èbem lob Mbɔ̧ɔ̧mà la, e kɨꞋɨ̀ mbììte a Pità nê, “Tè nyɨꞋtà wɨ̧ nàà màꞋà èkab wu bɔ̀ɔ maꞋa a èbem lob Mbɔ̧ɔ̧mà la à?”
25Pità bɨ̧̀ɨ̧̀ne nê, “Oò tàà màꞋà”, mbɔ̂ tà kɨꞋɨ tê tà nyi a lob, Yesò bɨ̀ mbììte atò nê, “Simùn, àa mɨ̀ɨ̀tà na ane ànəê ya à? Wà ba ka bɔ bɔ ndɨ bɔ̀ɔ me màꞋà èkab nè èghɨ ko tsa ŋǎ abua bèfɔ̧̀ sitsǎꞋ la à? Wu bòt àlaꞋ a mbɔŋ kò wuê bègɨ̧̀ à?”
26Pità bɨ̀ɨ̀lè nê, “Wu Bègɨ̧̀”, Yesò mè nê, “E wu la, ale bòt àlaꞋ e bakà bɔ àbu adù̧ ànəa mbɔŋ. 27Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”
Currently Selected:
Matìù 17: mnf
Highlight
Share
Copy
Want to have your highlights saved across all your devices? Sign up or sign in
© 2006, Cameroon Association for Bible Translation and Literacy
Matìù 17
17
Èsi Yesò e kubtè
(Mk 9:2-13; Lk 9:28-36)
1Èlibȩ è tsè bentùa, Yesò nɨa Pità nè Jimsì bɔ̂ wanyɨ vi Jɔ̌n bɔ kɔꞋ nga a ègwet èbȩ èseè ko ntsèke bɔ̀ɔ ndziꞋne. 2Bɔ me ye, èsi Yesò e kubtè ntsìꞋa nkàꞋtà kàꞋte mbɨ̀Ꞌɨ̀ àtaãnyèm, ndìte tò te mè ntsìꞋa fəèəèta fəəte mbɨ̀Ꞌɨ̀ àtaã èŋu. 3KwàꞋ àfɨꞋa mbɔŋ bɔ me ye Musì bɔ̂ Èlȩjà, e puule a mbì lɔb, me làꞋà bɔ̂ Yesò ba.
4Pità shu abua Yesò nê “Lefɨ̀Ꞌ, a bɔ̂ŋ nê ba wu a si ŋàa. À bɨ̧̀ɨ̧̀na, ko maa vəèəè bayò batat adzìꞋ yaa, wemɔ̀Ꞌ abua yê, wemɔ̀Ꞌ abua Musì, nè wekǒ abua Èlȩjà.”
5Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”
6ÀfɨꞋa bɔkatè Yesò e zə àtɔŋ yàa la, bɔ chuŋkè ètsə bɔb a si ntaꞋa bɔa. 7Yesò kɨ̀Ꞌɨ̂ mbà̧à̧te awɔb, shu abua yɔb nê “Bɨ̀ lɔꞋ a si, bɨ̀ ka mbɔ̀â!” 8Bɔ lɔ̀kè àwɔb ndȩ̀, bɔ̀ ka tsi ndzě wòt, bɔ tsiꞋi ye wua Yesò zìa ndziꞋne.
9Bɔ̀ lɔ̀Ꞌɔ a ègwet èbȩ lu bɔ̀ me chu, Yesò səèŋkè ètû̧ bɔb nê, “Ko mbɨ̀Ꞌɨ̀ wòt wɨ̧ shu wòt àghɨa bɨ ye la tè Waã Wòt ghɨ̀ mpfə mè njù̧ù̧me.”
10Bɔkatè atò e biite atò nê, “Ghǎ ghɨ̂ ka bènyɨꞋtà mbɨ̧te Musì e me shu nê Èlȩjà naa bɨ̌ kɨꞋɨ à?”
11Yesò bɨ̀ɨ̀lè nè, “Wu nkûŋ nê Èlȩjà naa kɨꞋɨ a mbì mbɨ̀Ꞌɨ̀ e ghɨ̌ èghɨ ègème aa wu mbɨ̀Ꞌɨ̀ e ghɨ̂ ngu ewu la. 12Ka tsiꞋ è shu awɨ̧ nê, Èlȩjà kɨꞋɨ tê ndɔ̀Ꞌ, ka bòt e ka ko atò, ale bɔ ghɨ̧ɨ̧ne atò mbɨ̀Ꞌɨ̀ bɔ kɔ̀ŋkè la. Waã Wòt nàà ye ngoꞋ a tèkitebu tɔb wuê a èlɨ mbɔŋ mɨ̧̂.” 13ÀfɨꞋa mbɔŋ ka bɔkatè tò e ko nê, tà me làꞋà mènəè maà ale, ngua ndàꞋà ànəa Jɔ̌n ndzìà èdzî.
Yesò bəè waã kǒ fo kàbɔ̀ŋ nàa ane tò la
(Mk 9:14-29; Lk 9:37-43a)
14Mbɨ̀Ꞌɨ̀ bɔ kua akwèn tè nkɨ̀Ꞌɨ̂ nkwene ane ènɔ̧̂ bòt bu la, wòt kǒ kɨꞋɨ ntèmè tènjûŋ ti a si a mbì tò 15nê “Tê, ku tèsȩte waã am! Àghɔ̧ mànkwena aà ndɔ̀Ꞌɔ ane tò. Aà ŋǎ a tò ngoꞋ kwàꞋ ànyaꞋne, màꞋà atò a èbem èwet nè mèleb a ngo̧ a ngò̧. 16Mâ yaã nɨa tò nga abua bɔkatè bê, ka bɔ̀ ka ko mbəa tò.”
17Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!” 18Yesò ŋȩ̂ fo kàbɔ̀ŋ yu, è dzəè, tà bê ntɨ̧̌ kwàꞋ àfɨꞋa mbɔŋ mpem.
19Bɔkatè Yesò e kɨꞋɨ̀ mbììte atò a ntsèm nê, “Ghǎ a yaãaã ngɨ̀ ka bà ka ko fəè fo kàbɔ̀ŋ yu à?”
20Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, #17:20 Maŋkaŋa wàa ane ndɨk wu èwuu ayɨ̌t kǒ bɔ̀ɔ ntɔ nê mustard la. ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.” 21[Ka è bakà wu nê, wòt naa me tseke kà jɨ àghɨ mè ntsàꞋta Mbɔ̧ɔ̧mà tà kà ko fəè èwuu yaa nè fo kàbɔ̀ŋ.]
Yesò mè ndàꞋ ànəa èvə li
(Mk 9:30-32; Lk 9:43b-45)
22ÀfɨꞋa bɔkatè Yesò e bù̧ù̧te a Galìlî la, tà shu abua yɔb nê “Bɔɔ baãaã Waã Wòt ezǐ a tèkitebu bɔbȩ 23bɔɔ bùŋe atò, ka naa me wu ane èlibȩ betat, taa yu̧u̧me.” Tà làꞋ ale a taꞋa saa awɔb.
Ànəa màmaꞋa èkab a èbem lob nɨ̧ Mbɔ̧ɔ̧mà
24Bɔ kɨꞋɨ tê bɔ̀ nyi a Kàpenàwuêm bòt bu bɔ̀ɔ fèta èkab bɔ̀ɔ maꞋa a èbem lob Mbɔ̧ɔ̧mà la, e kɨꞋɨ̀ mbììte a Pità nê, “Tè nyɨꞋtà wɨ̧ nàà màꞋà èkab wu bɔ̀ɔ maꞋa a èbem lob Mbɔ̧ɔ̧mà la à?”
25Pità bɨ̧̀ɨ̧̀ne nê, “Oò tàà màꞋà”, mbɔ̂ tà kɨꞋɨ tê tà nyi a lob, Yesò bɨ̀ mbììte atò nê, “Simùn, àa mɨ̀ɨ̀tà na ane ànəê ya à? Wà ba ka bɔ bɔ ndɨ bɔ̀ɔ me màꞋà èkab nè èghɨ ko tsa ŋǎ abua bèfɔ̧̀ sitsǎꞋ la à? Wu bòt àlaꞋ a mbɔŋ kò wuê bègɨ̧̀ à?”
26Pità bɨ̀ɨ̀lè nê, “Wu Bègɨ̧̀”, Yesò mè nê, “E wu la, ale bòt àlaꞋ e bakà bɔ àbu adù̧ ànəa mbɔŋ. 27Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, Cameroon Association for Bible Translation and Literacy