Mak 8
8
Yesò jɨ̌ bòt bètɔsì bakwì
(Mat 15:32-39)
1Àfɨ̀Ꞌ a me tsě, ènɔ̧̂ bòt e mè mbù̧ù̧tè. Bɔ̀ ka bɔ àghɨ ejɨ, Yesò tɔ bɔkatè bi shu abua yɔb nê, 2“Tèsȩte bòt baa teà nkua am, nkàà nê, àfɨ̀Ꞌ yaa wu èlibȩ betat, bɔ̀ wu ba tò ba la kà bɔ àghɨa bɔ̀ɔ jɨ la. 3Maà kà kɨ esà wɔb bɔɔ ghà kà jɨ àghɨ mbɨ̀Ꞌɨ̀ ka bɔ gha alu̧ ndzìtsə te nɨa wɔb.”
4Bɔkatè tò bu e tsɔꞋɔ èngǎ̧ tò nê, “BetsiꞋa ba chɨɨmè nɨ èghɨjɨ nèŋà àbâ àlaꞋ àyuube ŋàa tè njɨɨ taꞋà bòt baa?”
5Yesò mè mbììte awɔb nê, “Bɨ bɔ tètaãaãte bled tesòꞋa?”
Bɔ nê, “Tètaã tesà̧à̧mbe.”
6Yesò ghɨ̀ bɔ tsekte a si, tà nɨ̀ tètaãaãte bled tu tesà̧à̧mbe la, ŋà mènkɔ̀ŋke abua Mbɔ̧ɔ̧mà mbɔ̂ mbòꞋte ŋǎ abua bɔkatè bi, bɔ ghàbte abua ènɔ̧̂ bòt bu. 7Bɔ li mbɔ̀ bɔbɔ basə ko mɨ̧̂, Yesò ŋà mènkɔ̀ŋke adù̧ və mbɔ̂ shu abua bɔkatè bi bu nê bɔ̀ ghàbte abua ènɔ̧̂ bòt bu. 8Wòt ègème jɨ ndzet, tè bɔkatè tò e fete èbe e bəèꞋəè la, be lu̧u̧ bankì basà̧à̧mbe. 9Bòt ngaa e li ngu mbɔ̀ŋè bètɔsì bakwì. 10ÀfɨꞋa mbɔŋ, Yesò ghɨ̀ bɔ me ghǎ, tà nyi a èbem ànkànuꞋ nga àbâ àlaꞋ a Dàmànutà.
Bèfalèsiì è me kɨ àlȩê
(Mat 12:38-42; 16:1-4)
11Bèfalèsiì ko e li nkɨ̀Ꞌɨ̂ abua Yesò, mbùꞋ me kààne mènəè bɔ̂ tò ba. Me kɨ enyɔꞋte atò shu abua tò nê tà nyɨꞋte awɔb àlȩê nê Mbɔ̧ɔ̧mà ka tà tsàà vi la. 12Yesò lâ ndèmè mbɔ̂ nê, “Ghǎ ghɨ̂ ka bòt laane e me kɨ ànəa kà ye fɨ̀Ꞌ à? ChaꞋ, tsiꞋ è shu awɨ̧ ane nkûŋ nê, è nka nyɨꞋte àlȩê ko abua bòt baa.” 13Tà shu ale, mbɔ̂ sà wɔb, ngwènè a èbem ànkànuꞋ yu ntû̧ èlemè wu nga aguŋ zìa.
Yis Bèfalèsiì bɔ̂ Elɔ̀d
(Mat 16:5-12)
14Bɔkatè Yesò e li ndèènè enɨ a bled, tè ntsìꞋi bɔ wuê kètaã kemɔꞋ a èbem ànkànuꞋ yu. 15Yesò kɨ̀ɨ̀te awɔb nê, “Bɨ̀ me ko awɨ̧ mè mbààba awɨ̧ ane yis Bèfalèsiì nè we Elɔ̀d.”
16Bɔ bùꞋ me làꞋa a kètsìà wɔb shua nê, “Tà làꞋ ànəa yis anè ndɨ̀ wu ba bakà bɔ a bled la.”
17Yesò è ko ànəa bɔ làꞋà la, tà biite awɔb nê, “Bɨ ghɨ̀ na ka me laꞋa kètsìà wɨ̧ shua nê bɨ bakà bɔ bled à?” Ètsə bɨ̧ e bele kà zìꞋì ndzààtè? Bɨ bakà buꞋu te me ko mènəè? Mèntɨ̧ɨ̧ mɨ̧ è ghɨ̀ na ka me kweele ale à? 18Bɨ bɔ àghɨ ghǎ ghɨ̀ ka bɨ̀ ka wua ndzèa èdziꞋ à? Mbɔ̌ ètû̧ ghǎ ghɨ̀ ka bɨ̀ ka wua ndzəèa èdziꞋ à? Bɨ bakà tsi nkù̧ù̧te, 19àfɨ̀Ꞌ yu e ndi mbòꞋte tetaãaãte bled tu tetà̧â̧ ŋǎ abua bòt bètɔsì batà̧â̧ la à? Bɨ li fete bankì basòꞋa?
Bɔ tsɔꞋ nê “Èghem ntsɔ̀b babe.”
20Tà mè mbììte awɔb nê, “E ndi mbòꞋte tètaãaãte bled tesà̧à̧mbe ŋǎ abua bòt bètɔsì bakwì ale, bɨ fetè èboꞋte a èbem bankì basòꞋa?”
Bɔ tsɔꞋ nê “Bankì basà̧à̧mbe.”
21Yesò mè mbììte awɔb nê, “Tè bɨ bakà zìꞋì nko àghɨa èghɨ bàa e nyɨꞋtà la à?”
Yesò bəâ wòt àghɨ àleme a Bèsedà
22Bɔ li nyi a Bèsedà, bòt ko e nɨ wòt kǒ àghɨ a tò a leme la, nkɨ̀Ꞌɨ̂ shù̧ù̧te nê Yesò baãaãte a ŋut, mbəèa tò. 23Yesò baãaã wòt àghɨ àleme wu ane àbu atò nɨŋ ndzəè a èbem àpfəè və. Yesò dzəè ale, tà tsəè mat ane àghɨ a mbê wu, nɔ̀ŋè èbu bi ane tò, mbɔ̂ mbììte atò nê, “Tè à ye èdziꞋ?”
24Mbê wu lɨ̀ŋkè ègwet mbɔ̂ nê, “Maà ndzea bòt, ka bɔ fəə èyɨt ngȩ̀ȩ̀nà ngèbla la.”
25Yesò mè nɔ̀ŋè èbu bi ane àghɨ a tò yu. ÀfɨꞋa mbɔŋ, tà lɨ̀ŋkè èdziꞋ ane ètɨ̧̂, àghɨ a tò a ghaꞋtè tè tà me nèèta ndzèa èdziꞋ. 26Yesò bɔ̂ shu abua tò nê tà wene a lob zi ka tà ka tsi nga àpfəè yu tà ghɨ̂ ndzəè la.
Pità shu wòt Yesò wu wùà la
(Mat 16:13-20; Lk 9:18-21)
27Yesò bɔ̂ bɔkatè bi e li ngɨ̀ ale nga àpfəè bu a ngèt Sìsalìà Filìpȩ la. Bɔ me gha alu̧ tà bììte awɔb nê, “Bòt àa shua nê e ngu wàà?”
28Bɔ bɨ̀ɨ̀lè nê “Bòt ko aà shua nê à wu Jɔ̌n ndzìà èdzî, èbeko e shua nê à wu Èlȩjà, ka nè èbe bèa shua nê à wu ndàꞋàtɔŋ nyaꞋ Mbɔ̧ɔ̧mà kǒ la.”
29Tà mè ntsìꞋi biite awɔb nê, “È me wu awɨ̧ bɨ shu nê è ngu wàà?” Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la.”
30Yesò ghɨ̀ ale, mbɔ̂ səèŋkè ètû̧ bɔb nê wòt ka ndàꞋ ànəa zi abua wòt.
Yesò làꞋ ànəa èvə li
(Mat 16:21-28; Lk 9:22-27)
31Yesò li mbùꞋ me nyɨꞋte bɔkatè bi nê, “Waã Wòt bɔ ndɨ tàa ye ngoꞋ nyaŋ la. Bèkěm nè bɔɔjuŋ nè bèntsìà mèpɨ̧̀ nè bènyɨꞋtà mbɨ̧te Musì, aa tsìa tò ayɔɔ, ebùŋe atò, ka naa me wu ane èlibȩ betat taa yu̧u̧me.” 32Tà li nèètè shu ntsɔ̧̀. Pità nɨa tò bɔ səèꞋtè àwɔb, tà bùꞋ me fèèle atò.
33Ka Yesò ghèble avi ndɨ̀ŋkè bɔkatè bi, mbɔ̂ ŋȩte Pità nê, “LɔꞋɔ a ngèt yaã à Satàn! Àà nkèla alu̧ am. Mènəè maa à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”
34Tà ghɨ̀ ale, tà tɔ ènɔ̧̂ bòt bu nè bɔkatè bi shu abua yɔb nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am. 35Wòt me baabe àtsə azi ko taa pfə, ka wòt tà ŋà àtsəa zi ambo yaã nè Ntu̧ Ntsɔ̧̀ la, naa peme. 36Wòt wua ane mbɔ̀ èghɨ sitsǎꞋ ègème, mbɔ̂ nyɔ zìambɔŋ tà ko nê àbȩ̀ àzi wu ghà à? 37Kò àghɨa ko aà və betsiꞋa wòt ŋa nɨŋ nchùꞋ àtsəa zi la à? 38Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”
Currently Selected:
Mak 8: mnf
Highlight
Share
Copy
Want to have your highlights saved across all your devices? Sign up or sign in
© 2006, Cameroon Association for Bible Translation and Literacy
Mak 8
8
Yesò jɨ̌ bòt bètɔsì bakwì
(Mat 15:32-39)
1Àfɨ̀Ꞌ a me tsě, ènɔ̧̂ bòt e mè mbù̧ù̧tè. Bɔ̀ ka bɔ àghɨ ejɨ, Yesò tɔ bɔkatè bi shu abua yɔb nê, 2“Tèsȩte bòt baa teà nkua am, nkàà nê, àfɨ̀Ꞌ yaa wu èlibȩ betat, bɔ̀ wu ba tò ba la kà bɔ àghɨa bɔ̀ɔ jɨ la. 3Maà kà kɨ esà wɔb bɔɔ ghà kà jɨ àghɨ mbɨ̀Ꞌɨ̀ ka bɔ gha alu̧ ndzìtsə te nɨa wɔb.”
4Bɔkatè tò bu e tsɔꞋɔ èngǎ̧ tò nê, “BetsiꞋa ba chɨɨmè nɨ èghɨjɨ nèŋà àbâ àlaꞋ àyuube ŋàa tè njɨɨ taꞋà bòt baa?”
5Yesò mè mbììte awɔb nê, “Bɨ bɔ tètaãaãte bled tesòꞋa?”
Bɔ nê, “Tètaã tesà̧à̧mbe.”
6Yesò ghɨ̀ bɔ tsekte a si, tà nɨ̀ tètaãaãte bled tu tesà̧à̧mbe la, ŋà mènkɔ̀ŋke abua Mbɔ̧ɔ̧mà mbɔ̂ mbòꞋte ŋǎ abua bɔkatè bi, bɔ ghàbte abua ènɔ̧̂ bòt bu. 7Bɔ li mbɔ̀ bɔbɔ basə ko mɨ̧̂, Yesò ŋà mènkɔ̀ŋke adù̧ və mbɔ̂ shu abua bɔkatè bi bu nê bɔ̀ ghàbte abua ènɔ̧̂ bòt bu. 8Wòt ègème jɨ ndzet, tè bɔkatè tò e fete èbe e bəèꞋəè la, be lu̧u̧ bankì basà̧à̧mbe. 9Bòt ngaa e li ngu mbɔ̀ŋè bètɔsì bakwì. 10ÀfɨꞋa mbɔŋ, Yesò ghɨ̀ bɔ me ghǎ, tà nyi a èbem ànkànuꞋ nga àbâ àlaꞋ a Dàmànutà.
Bèfalèsiì è me kɨ àlȩê
(Mat 12:38-42; 16:1-4)
11Bèfalèsiì ko e li nkɨ̀Ꞌɨ̂ abua Yesò, mbùꞋ me kààne mènəè bɔ̂ tò ba. Me kɨ enyɔꞋte atò shu abua tò nê tà nyɨꞋte awɔb àlȩê nê Mbɔ̧ɔ̧mà ka tà tsàà vi la. 12Yesò lâ ndèmè mbɔ̂ nê, “Ghǎ ghɨ̂ ka bòt laane e me kɨ ànəa kà ye fɨ̀Ꞌ à? ChaꞋ, tsiꞋ è shu awɨ̧ ane nkûŋ nê, è nka nyɨꞋte àlȩê ko abua bòt baa.” 13Tà shu ale, mbɔ̂ sà wɔb, ngwènè a èbem ànkànuꞋ yu ntû̧ èlemè wu nga aguŋ zìa.
Yis Bèfalèsiì bɔ̂ Elɔ̀d
(Mat 16:5-12)
14Bɔkatè Yesò e li ndèènè enɨ a bled, tè ntsìꞋi bɔ wuê kètaã kemɔꞋ a èbem ànkànuꞋ yu. 15Yesò kɨ̀ɨ̀te awɔb nê, “Bɨ̀ me ko awɨ̧ mè mbààba awɨ̧ ane yis Bèfalèsiì nè we Elɔ̀d.”
16Bɔ bùꞋ me làꞋa a kètsìà wɔb shua nê, “Tà làꞋ ànəa yis anè ndɨ̀ wu ba bakà bɔ a bled la.”
17Yesò è ko ànəa bɔ làꞋà la, tà biite awɔb nê, “Bɨ ghɨ̀ na ka me laꞋa kètsìà wɨ̧ shua nê bɨ bakà bɔ bled à?” Ètsə bɨ̧ e bele kà zìꞋì ndzààtè? Bɨ bakà buꞋu te me ko mènəè? Mèntɨ̧ɨ̧ mɨ̧ è ghɨ̀ na ka me kweele ale à? 18Bɨ bɔ àghɨ ghǎ ghɨ̀ ka bɨ̀ ka wua ndzèa èdziꞋ à? Mbɔ̌ ètû̧ ghǎ ghɨ̀ ka bɨ̀ ka wua ndzəèa èdziꞋ à? Bɨ bakà tsi nkù̧ù̧te, 19àfɨ̀Ꞌ yu e ndi mbòꞋte tetaãaãte bled tu tetà̧â̧ ŋǎ abua bòt bètɔsì batà̧â̧ la à? Bɨ li fete bankì basòꞋa?
Bɔ tsɔꞋ nê “Èghem ntsɔ̀b babe.”
20Tà mè mbììte awɔb nê, “E ndi mbòꞋte tètaãaãte bled tesà̧à̧mbe ŋǎ abua bòt bètɔsì bakwì ale, bɨ fetè èboꞋte a èbem bankì basòꞋa?”
Bɔ tsɔꞋ nê “Bankì basà̧à̧mbe.”
21Yesò mè mbììte awɔb nê, “Tè bɨ bakà zìꞋì nko àghɨa èghɨ bàa e nyɨꞋtà la à?”
Yesò bəâ wòt àghɨ àleme a Bèsedà
22Bɔ li nyi a Bèsedà, bòt ko e nɨ wòt kǒ àghɨ a tò a leme la, nkɨ̀Ꞌɨ̂ shù̧ù̧te nê Yesò baãaãte a ŋut, mbəèa tò. 23Yesò baãaã wòt àghɨ àleme wu ane àbu atò nɨŋ ndzəè a èbem àpfəè və. Yesò dzəè ale, tà tsəè mat ane àghɨ a mbê wu, nɔ̀ŋè èbu bi ane tò, mbɔ̂ mbììte atò nê, “Tè à ye èdziꞋ?”
24Mbê wu lɨ̀ŋkè ègwet mbɔ̂ nê, “Maà ndzea bòt, ka bɔ fəə èyɨt ngȩ̀ȩ̀nà ngèbla la.”
25Yesò mè nɔ̀ŋè èbu bi ane àghɨ a tò yu. ÀfɨꞋa mbɔŋ, tà lɨ̀ŋkè èdziꞋ ane ètɨ̧̂, àghɨ a tò a ghaꞋtè tè tà me nèèta ndzèa èdziꞋ. 26Yesò bɔ̂ shu abua tò nê tà wene a lob zi ka tà ka tsi nga àpfəè yu tà ghɨ̂ ndzəè la.
Pità shu wòt Yesò wu wùà la
(Mat 16:13-20; Lk 9:18-21)
27Yesò bɔ̂ bɔkatè bi e li ngɨ̀ ale nga àpfəè bu a ngèt Sìsalìà Filìpȩ la. Bɔ me gha alu̧ tà bììte awɔb nê, “Bòt àa shua nê e ngu wàà?”
28Bɔ bɨ̀ɨ̀lè nê “Bòt ko aà shua nê à wu Jɔ̌n ndzìà èdzî, èbeko e shua nê à wu Èlȩjà, ka nè èbe bèa shua nê à wu ndàꞋàtɔŋ nyaꞋ Mbɔ̧ɔ̧mà kǒ la.”
29Tà mè ntsìꞋi biite awɔb nê, “È me wu awɨ̧ bɨ shu nê è ngu wàà?” Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la.”
30Yesò ghɨ̀ ale, mbɔ̂ səèŋkè ètû̧ bɔb nê wòt ka ndàꞋ ànəa zi abua wòt.
Yesò làꞋ ànəa èvə li
(Mat 16:21-28; Lk 9:22-27)
31Yesò li mbùꞋ me nyɨꞋte bɔkatè bi nê, “Waã Wòt bɔ ndɨ tàa ye ngoꞋ nyaŋ la. Bèkěm nè bɔɔjuŋ nè bèntsìà mèpɨ̧̀ nè bènyɨꞋtà mbɨ̧te Musì, aa tsìa tò ayɔɔ, ebùŋe atò, ka naa me wu ane èlibȩ betat taa yu̧u̧me.” 32Tà li nèètè shu ntsɔ̧̀. Pità nɨa tò bɔ səèꞋtè àwɔb, tà bùꞋ me fèèle atò.
33Ka Yesò ghèble avi ndɨ̀ŋkè bɔkatè bi, mbɔ̂ ŋȩte Pità nê, “LɔꞋɔ a ngèt yaã à Satàn! Àà nkèla alu̧ am. Mènəè maa à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”
34Tà ghɨ̀ ale, tà tɔ ènɔ̧̂ bòt bu nè bɔkatè bi shu abua yɔb nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am. 35Wòt me baabe àtsə azi ko taa pfə, ka wòt tà ŋà àtsəa zi ambo yaã nè Ntu̧ Ntsɔ̧̀ la, naa peme. 36Wòt wua ane mbɔ̀ èghɨ sitsǎꞋ ègème, mbɔ̂ nyɔ zìambɔŋ tà ko nê àbȩ̀ àzi wu ghà à? 37Kò àghɨa ko aà və betsiꞋa wòt ŋa nɨŋ nchùꞋ àtsəa zi la à? 38Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, Cameroon Association for Bible Translation and Literacy