Waefeso 3
3
Paulo kahumwa kwa wantu wasiokuwa Wayahud̯i
1Mimi Paulo nifungwa gerenzani kwa dzambo ḍya kuhenda kazi ya *Kirist̯o Yesu animpiyeyo, ya kumusumwiiya nywinywi musiokuwa Wayahud̯i. 2Nina hakika musikia kwamba, Muungu kaunimpa hu huu muzigo wa kumusumwiiya nywinywi dzuu ya hi t̯eiye. 3Muungu kainipfenwiiya hi ngadziye iyofitsika kwa wantu. Nami nisakumworea kwa uchuchu dzuu ya hi hii ngadzi. 4Na mukisoma hivi nyoreyevyo, munaona kwamba niimuka hi ngadzi ya Muungu, ambayo kwamba ni dzuu ya Kirist̯o. 5Hangu kae na kae hi hii ngadzi ntaikumanyigwa ni muntu. Ela sasa, Ruhu Mudheru kaiwapfenwiiya hawaḍe wantu watsanijweo byeka ni Muungu kuwa *ntumi na manabii wakwe. 6Hi ngadzi ni hi ya kwamba, kuchiiya na kwa kuyahikiza haya *Maagu Mema, wantu wa vyeet̯i nao pia wanazipfokea hizi mvoni za Muungu ezonawaḍalisa wanawe. Kuchiiya na kwa Kirist̯o Yesu, wonse wagala dza viiriiri vya mwii mumodza, na wanazipfokea hizi mvoni za Muungu aahid̯iyezo.
7Muungu kanihendeza muhumisijwe jwa kusumwiiya haya haya Maagu Mema. Kainimpa hi hii kazi kwa dzambo ḍya t̯eiye na kwa uwezowe mukuu eo nao. 8Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima. 9Nipfegwa kuwaimusya wantu wonse dzuu ya hi hii ngadzi ya Muungu aumbiye kula kintu. Hi ni ngadzi eyoiwafitsa wantu hangu myaka na myaka ichiiyeyo. 10Muungu kahenda hivi ili kwamba, kuchiiya na kwa hiḍi tsanganiko aweze kuziyanga nguvu zonse za kiruhu ziizo dzuu kwamba, kula echonahenda kinayanga namuna aivyo na mvidhyo. 11Muungu kahuna kuhenda hivi hangu kae na kae kaḅila lumwengu ntajudzaumbwa. Ne saasambi kesakuvit̯imiza kuchiiya na kwa Kirist̯o Yesu Ḅwana jwehu. 12Kwa dzambo ḍya Kirist̯o na hivi humuhikiziyevyo, hunamwendea Muungu pfasipfo oga, hukiwa na uhakika kwamba anahusikia. 13D̯ubva, nyakumuyombani mutseefwa mojo mudzepfosikia dzuu ya hizi d̯ina nizokukuntiswani kwa dzambo ḍyenu. Ishinu dzivuniyeni hizi d̯ina nizokukuntiswani kwa faiḍa yenu.
Paulo kawayombea Waefeso wapate kukumiiya kiruhu
14Nipfonamamat̯a haya haya yonse ya Muungu ahendeyeyo hat̯a nikyenda nikisa, navunza nkuhi nikamuyomba Muungu Baba jwehu. 15Koro jeje ndiye aumbiye kula kiumbe chicho mbinguni na lumwenguni. 16Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe. 17Na nyakumuyombeani kwamba Kirist̯o aweze kuishi myojoni mwenu maishi kwa dzambo ḍya kumuserefat̯a kwenu. Nyakumuyombeani kwamba muweze kukumiiya na matsako na mutseweza kugwa. 18Muungu namumpe nywinywi na wantu wangine wonse wa Muungu, uwezo wa kuimuka namuna ya Kirist̯o ahutsakiyevyo. Koro jeje kahutsaka tsako ḍisiḍyo chima wala ḍisiḍyopimika. 19Nyakumuyombeani kwamba muweze kuḍiimuka hiḍi hiḍi tsako ḍya Kirist̯o ḍichiiyeḍyo kuimuka kwa wanaad̯amu, ili kwa kula namuna muweze kuwa na hu ukamilifu wa Muungu eo nao.
20D̯ubva Muungu nashad̯we! Koro ana uwezo wa kuhenda makuu kuchiya hayaḍe hwiyonamuyomba ambu hwiyonamamat̯a. Na haya anayahenda kwa nguvuze nkuu zizokuhendani kazi kuzimuni mwehu. 21Jeje nashad̯we maishi na maishi kwa dzambo ḍya mafaraye eyokuhendani kuchiiya na kwa tsanganikoḍye na kuchiiya na kwa Kirist̯o Yesu. Amina.
Currently Selected:
Waefeso 3: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
Waefeso 3
3
Paulo kahumwa kwa wantu wasiokuwa Wayahud̯i
1Mimi Paulo nifungwa gerenzani kwa dzambo ḍya kuhenda kazi ya *Kirist̯o Yesu animpiyeyo, ya kumusumwiiya nywinywi musiokuwa Wayahud̯i. 2Nina hakika musikia kwamba, Muungu kaunimpa hu huu muzigo wa kumusumwiiya nywinywi dzuu ya hi t̯eiye. 3Muungu kainipfenwiiya hi ngadziye iyofitsika kwa wantu. Nami nisakumworea kwa uchuchu dzuu ya hi hii ngadzi. 4Na mukisoma hivi nyoreyevyo, munaona kwamba niimuka hi ngadzi ya Muungu, ambayo kwamba ni dzuu ya Kirist̯o. 5Hangu kae na kae hi hii ngadzi ntaikumanyigwa ni muntu. Ela sasa, Ruhu Mudheru kaiwapfenwiiya hawaḍe wantu watsanijweo byeka ni Muungu kuwa *ntumi na manabii wakwe. 6Hi ngadzi ni hi ya kwamba, kuchiiya na kwa kuyahikiza haya *Maagu Mema, wantu wa vyeet̯i nao pia wanazipfokea hizi mvoni za Muungu ezonawaḍalisa wanawe. Kuchiiya na kwa Kirist̯o Yesu, wonse wagala dza viiriiri vya mwii mumodza, na wanazipfokea hizi mvoni za Muungu aahid̯iyezo.
7Muungu kanihendeza muhumisijwe jwa kusumwiiya haya haya Maagu Mema. Kainimpa hi hii kazi kwa dzambo ḍya t̯eiye na kwa uwezowe mukuu eo nao. 8Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima. 9Nipfegwa kuwaimusya wantu wonse dzuu ya hi hii ngadzi ya Muungu aumbiye kula kintu. Hi ni ngadzi eyoiwafitsa wantu hangu myaka na myaka ichiiyeyo. 10Muungu kahenda hivi ili kwamba, kuchiiya na kwa hiḍi tsanganiko aweze kuziyanga nguvu zonse za kiruhu ziizo dzuu kwamba, kula echonahenda kinayanga namuna aivyo na mvidhyo. 11Muungu kahuna kuhenda hivi hangu kae na kae kaḅila lumwengu ntajudzaumbwa. Ne saasambi kesakuvit̯imiza kuchiiya na kwa Kirist̯o Yesu Ḅwana jwehu. 12Kwa dzambo ḍya Kirist̯o na hivi humuhikiziyevyo, hunamwendea Muungu pfasipfo oga, hukiwa na uhakika kwamba anahusikia. 13D̯ubva, nyakumuyombani mutseefwa mojo mudzepfosikia dzuu ya hizi d̯ina nizokukuntiswani kwa dzambo ḍyenu. Ishinu dzivuniyeni hizi d̯ina nizokukuntiswani kwa faiḍa yenu.
Paulo kawayombea Waefeso wapate kukumiiya kiruhu
14Nipfonamamat̯a haya haya yonse ya Muungu ahendeyeyo hat̯a nikyenda nikisa, navunza nkuhi nikamuyomba Muungu Baba jwehu. 15Koro jeje ndiye aumbiye kula kiumbe chicho mbinguni na lumwenguni. 16Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe. 17Na nyakumuyombeani kwamba Kirist̯o aweze kuishi myojoni mwenu maishi kwa dzambo ḍya kumuserefat̯a kwenu. Nyakumuyombeani kwamba muweze kukumiiya na matsako na mutseweza kugwa. 18Muungu namumpe nywinywi na wantu wangine wonse wa Muungu, uwezo wa kuimuka namuna ya Kirist̯o ahutsakiyevyo. Koro jeje kahutsaka tsako ḍisiḍyo chima wala ḍisiḍyopimika. 19Nyakumuyombeani kwamba muweze kuḍiimuka hiḍi hiḍi tsako ḍya Kirist̯o ḍichiiyeḍyo kuimuka kwa wanaad̯amu, ili kwa kula namuna muweze kuwa na hu ukamilifu wa Muungu eo nao.
20D̯ubva Muungu nashad̯we! Koro ana uwezo wa kuhenda makuu kuchiya hayaḍe hwiyonamuyomba ambu hwiyonamamat̯a. Na haya anayahenda kwa nguvuze nkuu zizokuhendani kazi kuzimuni mwehu. 21Jeje nashad̯we maishi na maishi kwa dzambo ḍya mafaraye eyokuhendani kuchiiya na kwa tsanganikoḍye na kuchiiya na kwa Kirist̯o Yesu. Amina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy